1 aed = 17.64 inr 1 eur = 75.64 inr 1 gbp = 82.58 inr 1 kwd = 212.31 inr 1 sar = 17.13 inr 1 usd = 64.11 inr

Aug / 2017
22
Tuesday

കാക്കാനാട്ടെ കോടതിയിൽ നൽകിയത് പുതിയ ഫോൺ; നടിയെ ആക്രമിച്ച ദൃശങ്ങൾ അടങ്ങിയ പഴയ മൊബൈൽ ദിലീപ് വിദേശത്തേക്ക് കടത്തിയോ? നടൻ പുറത്തിറങ്ങിയാൽ തെളിവ് നശിപ്പിക്കുമെന്ന വാദത്തിൽ ഉറച്ച് പൊലീസ്; അഡ്വ രാംകുമാറിന്റെ തെളിവില്ലാ വാദത്തെ പ്രതിരോധിക്കാൻ കരുതലോടെ പ്രോസിക്യൂഷൻ; ജനപ്രിയ നായകന് ഹൈക്കോടതിയിലെ വാദം നിർണ്ണായകം

July 17, 2017 | 06:43 AM | Permalink



മറുനാടൻ മലയാളി ബ്യൂറോ

കൊച്ചി: നടിയെ ആക്രമിച്ച കേസിൽ അറസ്റ്റിലായ ദിലീപിന്റെ ജാമ്യാപേക്ഷ ഇന്ന് ഹൈക്കോടതി പരിഗണിക്കും. ഈ സാഹചര്യത്തിൽ കൂടുതൽ തെളിവുകൾ നിരത്തി അതിനെ പ്രതിരോധിക്കാൻ അന്വേഷണസംഘം തീരുമാനിച്ചു. കേസ് ഡയറിയിൽ തെളിവുകൾ പൂർണമായി ചേർക്കും. ആവശ്യമെങ്കിൽ മുദ്ര വച്ച കവറിൽ കേസ് ഡയറി ഉടൻ സമർപ്പിക്കാമെന്നും കോടതിയെ അറിയിക്കും. അതിനിടെ കേസിലെ പ്രതി പൾസർ സുനിയുടെ മുൻ അഭിഭാഷകൻ പ്രതീഷ് ചാക്കോയുടെ ജൂനിയറായി പ്രാക്ടീസ് ചെയ്യുന്ന അഭിഭാഷകൻ രാജു ജോസഫ് കസ്റ്റഡിയിൽ എടുക്കുകയും ചെയ്തു.

നടിയെ ആക്രമിക്കുന്ന കാലത്ത് ദിലീപ് ഉപയോഗിച്ചിരുന്ന മൊബൈൽ ഫോൺ കണ്ടെത്താനായില്ല. കഴിഞ്ഞ ദിവസം പ്രതിഭാഗം കോടതിയിൽ സമർപ്പിച്ച ഫോൺ പഴയതല്ലെന്ന് അന്വേഷണസംഘം പറയുന്നു. അന്ന് ഉപയോഗിച്ചിരുന്ന ഫോൺ നശിപ്പിച്ചോ, മറ്റ് എങ്ങോട്ടെങ്കിലും കടത്തിയോ എന്നും പൊലീസ് അന്വേഷിക്കുന്നുണ്ട്. ഇതും ഹൈക്കോടതിയെ അന്വേഷണ സംഘം അറിയിക്കും. നിലവിലുള്ള തെളിവുകൾക്കപ്പുറം ദിലീപിനെതിരെ കൂടുതൽ ശാസ്ത്രീയ തെളിവുകൾ ലഭിച്ചതായാണ് സൂചന. ഇത് നിരത്തിയാകും ജാമ്യാപേക്ഷയെ ഹൈക്കോടതിയിൽ നേരിടുക. കേസ് ഡയറിയിൽ തെളിവുകളില്ലെന്നാണ് കഴിഞ്ഞ ദിവസം മജിസ്‌ട്രേട്ട് കോടതിയിലെ ജാമ്യാപേക്ഷയിൽ പ്രതിഭാഗം വാദിച്ചത്. ഇത് പരിഗണിച്ചാണ് ശക്തമായ തെളിവുകൾ നിരത്താൻ അന്വേഷണസംഘം തയ്യാറെടുക്കുന്നത്.

തൃശൂർ ടെന്നീസ് ക്‌ളബ്ബിൽ ജോർജേട്ടൻസ് പൂരം എന്ന സിനിമയുടെ ലൊക്കേഷനിൽ ദിലീപും സുനിയും സംസാരിക്കുന്നത് കണ്ടതായി വെളിപ്പെടുത്തിയ രണ്ടു ജീവനക്കാരുടെ രഹസ്യമൊഴി മജിസ്‌ട്രേട്ട് രേഖപ്പെടുത്തി. സുനിയെ അറിയില്ലെന്ന ദിലീപിന്റെ മൊഴി പൊളിക്കാനുള്ള നിർണായക തെളിവാണിത്. ഇരുവരും തമ്മിലുള്ള ദൃശ്യങ്ങളും പൊലീസിന് ലഭിച്ചിരുന്നു. പ്രതികളാകുമെന്ന് പൊലീസ് ഉറപ്പിച്ച നാദിർഷ, അപ്പുണ്ണി എന്നിവരെ ഇതുവരെ അറസ്റ്റു ചെയ്തിട്ടില്ല. അടുത്തദിവസങ്ങളിൽ ഇവരുടെ അറസ്റ്റുണ്ടാകുമെന്നാണ് സൂചന. ഗൂഢാലോചനയെക്കുറിച്ചുള്ള തെളിവുകൾ കൂട്ടിയിണക്കുന്ന നടപടികളിലായിരുന്നു ഞായറാഴ്ച പൊലീസ് സംഘം. കൂടുതൽ അറസ്റ്റിന് തിരക്കുകൂട്ടുന്നില്ല.

ദിലീപിനെ കുറ്റപത്രം സമർപ്പിക്കും വരെ ജയിലിൽ കിടത്താനാണ് പൊലീസിന്റെ പദ്ധതി. അതുകൊണ്ട് തന്നെ ഹൈക്കോടതിയിലെ വാദപ്രതിവാദങ്ങൾ ഇനി നിർണ്ണായകമാണ്. പ്രോസിക്യൂഷൻ അനുമതി നൽകുമ്പോൾ മാത്രം ദിലീപിന് ജാമ്യം ലഭിക്കുകയെന്നാതാണ് പ്രോസിക്യൂഷന്റെ ലക്ഷ്യം. കേസ് ഡയറി പോലും പിഴവില്ലാത്താക്കുന്നത് ഇതിന് വേണ്ടിയാണ്. ദിലീപിന് ജാമ്യം കിട്ടുന്നതിന് സർക്കാരും അനുകൂലമല്ല. അതുകൊണ്ട് തന്നെ അഡ്വക്കേറ്റ് ജനറൽ നേരിട്ട് കേസിൽ ഇടപെടാനും സാധ്യതയുണ്ട്.

ദൃശ്യങ്ങൾ പകർത്തിയ മൊബൈൽ ഫോൺ അഭിഭാഷകൻ പ്രതീഷ് ചാക്കോയെ ഏൽപ്പിച്ചെന്നാണ് സുനിയുടെ മൊഴി. പ്രതീക്ഷിന്റെ മുൻകൂർ ജാമ്യാപേക്ഷയിൽ നാളെ ഹൈക്കോടതി വിധി പറയും. ഇതിനുശേഷമായിരിക്കും ഇയാളെ ചോദ്യം ചെയ്യുക. പ്രതീഷിന്റെ അറസ്റ്റ് അനിവാര്യമാണെമെന്നാണ് അന്വേഷണസംഘത്തിന്റെ നിലപാട്. ഈ സാഹചര്യത്തിലാണ് പതീഷ് ചാക്കോയുടെ ജൂനിയറായി പ്രാക്ടീസ് ചെയ്യുന്ന അഭിഭാഷകൻ രാജു ജോസഫ് കസ്റ്റഡിയിൽ. ചോദ്യം ചെയ്യുന്നതിനായി രാജു ജോസഫിനെ പൊലീസ് കസ്റ്റഡിയിൽ എടുത്തത്്. രാജു ജോസഫിനെ ആലുവ പൊലീസ് ക്ലബ്ബിൽ ചോദ്യംചെയ്യുകയാണ്.

ചോദ്യം ചെയ്യലിന് ഹാജരാകണമെന്ന് പൊലീസ് ആവശ്യപ്പെട്ടതിനു പിന്നാലെ അഡ്വ. പ്രതീഷ് ചാക്കോ ഒളിവിലാണ്. ഈ സാഹചര്യത്തിൽ പ്രതീഷ് ചാക്കോ എവിടെയാണെന്ന് അറിയാനാണ് രാജു ജോസഫിനെ കസ്റ്റഡിയിൽ എടുത്തിരിക്കുന്നത്. കേസിലെ നിർണായക തെളിവായ ഫോൺ കണ്ടെത്തുന്നതിനായി പൊലീസ് വിവിധ ഇടങ്ങളിൽ തിരച്ചിൽ നടത്തിയെങ്കിലും കണ്ടെത്താനായില്ല. ഈ സാഹചര്യത്തിലാണ് പ്രതീഷ് ചാക്കോയെ ചോദ്യം ചെയ്യാൻ പൊലീസ് തീരുമാനിച്ചത്.

നടിയെ ആക്രമിച്ചു ദൃശ്യങ്ങൾ പകർത്തിയ സംഭവത്തിൽ ദൃശ്യങ്ങൾ അടങ്ങിയ ഫോൺ വിദേശത്തേയ്ക്കു കടത്തിയെന്നു പൊലീസ് സംശയിക്കുന്നു എന്നു റിപ്പോർട്ട്. വിദേശത്തു നിന്നു ദൃശ്യങ്ങൾ അപ്പ്ലോഡ് ചെയ്യാൻ ശ്രമിക്കുന്നതായും പൊലീസ് സംശയിക്കുന്നുണ്ട്. കഴിഞ്ഞ മൂന്നു മാസത്തിനിടയിൽ വിദേശത്തേയ്ക്കു കടന്ന ദിലീപിന്റെ സുഹൃത്തുക്കളെക്കുറിച്ചും വിശദമായി അന്വേഷിക്കുന്നുണ്ട്. ഇവർ എല്ലാം ഏതു സാഹചര്യത്തിലാണു വിദേശത്തേയ്ക്കു പോയത് എന്നും അന്വേഷിക്കും. ഫോൺ വിദേശത്തേയ്ക്കു കടത്തി എന്നതു കൊണ്ടാകാം ദിലീപ് ഇത്രയധികം ആത്മവിശ്വാസം പ്രകടിപ്പിച്ചത് എന്നു പൊലീസ് പറയുന്നു.

അതിനിടെ ദിലീപിനെതിരെ ഗൂഢാലോചന നടത്തിയവരിൽ കാക്കനാട് ജയിൽ സൂപ്രണ്ടുമുണ്ടെന്ന് പി.സി.ജോർജിന്റെ ആരോപണവും ചർച്ചയായിട്ടുണ്ട്. മുഖ്യമന്ത്രിക്കയച്ച കത്തിലാണ് ഇതു സംബന്ധിച്ച് പരാമർശമുള്ളത്. അന്വേഷണം നടന്നുകൊണ്ടിരിക്കുന്ന കേസിൽ വീണ്ടും പണം ആവശ്യപ്പെട്ട് പൾസർ സുനി അയച്ച കത്ത് സൂപ്രണ്ട് വായിച്ചശേഷമാണോ സൂപ്രണ്ട് ജയിൽമുദ്ര പതിപ്പിച്ചതെന്ന് പിസി ജോർജ് ചോദിക്കുന്നു. ജയിൽ സൂപ്രണ്ടിനെ സസ്പെൻഡ് ചെയ്ത ശേഷം അന്വേഷണം നടത്തണമെന്നാണ് കത്തിലെ ആവശ്യം. കത്ത് മുഖ്യമന്ത്രിയുടെ ഓഫീസ് ഡിജിപിക്ക് കൈമാറി. നടിയെ ആക്രമിച്ച കേസിൽ ദിലീപിനെ അറസ്റ്റ് ചെയ്തത് ഗൂഢാലോചനയുടെ ഭാഗമാണെന്ന് ആദ്യം ആരോപിച്ചതും പിസി ജോർജ് ആയിരുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഇഷ്ടക്കാരെ തിരുകി കയറ്റാൻ മന്ത്രി കെകെ ശൈലജ നേരിട്ട് ഇടപെട്ടതിനുള്ള സൂചനകൾ പുറത്ത്; പിഎച്ച്ഡിയും ബാലാവകാശ വിഷയങ്ങളിൽ പരിചയവുമുള്ള അപേക്ഷകന് 95 മാർക്ക് നൽകിയപ്പോൾ 12 ക്രിമിനൽ കേസുകളിൽ പ്രതിയായ സി.പി.എം നേതാവിന് ഇന്റർവ്യൂ ബോർഡ് നൽകിയത് 210 മാർക്ക്! കുട്ടികളെ സംരക്ഷിക്കാൻ നിയമിച്ചവരിൽ കുട്ടികളെ പീഡിപ്പിച്ച കേസിന്റെ പേരിൽ ശിക്ഷിക്കപ്പെട്ടയാളും; മന്ത്രി ശൈലജ നേരിടുന്നത് ഇപി ജയരാജൻ നേരിട്ടതിനേക്കാൾ വലിയ ആരോപണം
മകന്റെ ജനനേന്ദ്രീയത്തിൽ സ്‌ക്വീസ് ചെയ്തെന്ന പരാതി പിൻവലിച്ചില്ലെങ്കിൽ ശരിയാക്കി കളയും; പീഡകനായ അസിസ്റ്റന്റ് പ്രൊഫസർക്കായി ക്വട്ടേഷൻ ഏറ്റെടുത്തതും മറ്റൊരു കോളേജ് അദ്ധ്യാപകൻ; സിനിമയിലും സീരിയലിലും ചെറിയ വേഷങ്ങൾ ചെയ്ത കാട്ടക്കടയിലെ പ്രൊഫസറും പോക്സോ കേസിൽ കുടുങ്ങും; കൈരളി അവതാരകനായി മുഖ്യമന്ത്രിയുടെ ഓഫീസിനെ വലിച്ചിഴച്ചത് തന്ത്രങ്ങളുടെ ഭാഗം
സമസ്താപരാധം പറഞ്ഞ് മാപ്പ് ചോദിക്കാമെന്ന് വമ്പൻ സ്രാവും മാഡവും; പൾസർ സുനിയുടെ രഹസ്യ മൊഴി പുറത്തുവരാതിരിക്കാനും ഭീഷണിയും കാലുപിടിത്തവും; വിവാഹജീവിതത്തിൽ കേസ് കല്ലുകടിയാവുമെന്ന ഉപദേശിക്കാൻ താരപ്രമുഖരിറങ്ങും; ഓണച്ചിത്രങ്ങളുടെ പേരു പറഞ്ഞ് മഞ്ജുവിനേയും സ്വാധീനിക്കാനും നീക്കം: ദിലീപിനെ രക്ഷിക്കാൻ കരുതലോടെ കരുനീക്കം
ആലുവയിൽ അഴിക്കുള്ളിലുള്ള ദിലീപ് ചെറുമീൻ മാത്രം; പിന്നിൽ നിന്ന് കളിച്ച വമ്പൻ സ്രാവ് സിദ്ദിഖെന്ന് സൂചന; മാഡത്തിന്റെ പേരും ഇന്ന് പുറംലോകം അറിയും; പൊലീസ് ചോദ്യം ചെയ്ത രണ്ട് പേരെ കുറിച്ച് ഊഹാപോഹങ്ങൾ; സിനിമാ ലോകത്തെ വെട്ടിലാക്കാൻ ഇന്ന് പൾസർ സുനിയുടെ കൂടുതൽ വെളിപ്പെടുത്തലുകൾ വരും; എല്ലാം പതിനൊന്ന് മണിയോടെ അറിയാമെന്ന് അഡ്വക്കേറ്റ് ആളൂർ
ചേട്ടൻ ജയിലിൽ നിന്നും പുറത്തിറങ്ങില്ലെന്ന് ഉറപ്പായതോടെ 5000കോടിയും ബിസിനസ്സ് സാമ്രാജ്യവും പിടിച്ചടക്കി അനിയൻ; പുറത്താക്കിയ മാനേജരെ തിരിച്ചെടുത്ത് കമ്പനി ഭരണം; ഭാര്യയ്ക്കും മകൾക്കും പോലും റോളൊന്നുമില്ല; ജയിൽ ഫോണിൽ നിന്നും വിളിച്ച് ഭീഷണിപ്പെടുത്തിയെന്ന നിസാമിനെതിരെയുള്ള പരാതിയുടെ പിന്നിലെ കഥ ഇങ്ങനെ
ആ സംസാരിച്ച ശങ്കർദാസും മറുപടി പറഞ്ഞ ദീപയും വ്യാജന്മാർ! സ്റ്റേജിൽ കയറി അടിച്ച് തലമണ്ട ഉടയ്ക്കുമെന്ന് പറഞ്ഞത് റിക്കോർഡ് ചെയ്തു അറിയിക്കാൻ രാഹുൽ ഈശ്വറിന്റെ ഭാര്യയോട് ബിജെപി നേതാവ് പറയുന്ന ഓഡിയോ ആരുടെ കൂർമ്മ ബുദ്ധിയിൽ പിറന്നത്? ഹാദിയ-മദനി സന്ദർശനം നടത്തിയ രാഹുൽ ഈശ്വറിനെ വിടാതെ പിന്തുടർന്ന് വിവാദങ്ങൾ
ചില നടിമാർക്ക് പങ്കുള്ള കാര്യം തന്നോട് പറഞ്ഞിട്ടുണ്ട്; ആ പേരുകൾ സുനി തന്നെ വെളിപ്പെടുത്തട്ടെ; അഭിഭാഷക ധർമ്മനുസരിച്ച് താൻ അത് പുറത്തുപറയില്ല; പൾസറിനെ അങ്കമാലി കോടതിയിൽ കൊണ്ടുവരാത്തത് ഗൂഢാലോചന; യഥാർഥ പ്രതികളെ സംരക്ഷിക്കാൻ ഗൂഢാലോചനയെന്ന് ആളൂർ വക്കീൽ; വമ്പൻ സ്രാവിനേയും മാഡത്തേയും അറിയാൻ ഈ മാസം 30 വരെ കാത്തിരിക്കണം
അറ്റ്‌ലസ് മുതലാളി തീർത്തും അവശൻ; പാരവയ്‌പ്പും സ്വത്തുതട്ടൽ കളികളും അറിഞ്ഞ് മാനസികമായും തളർന്നു; എല്ലാ പ്രതീക്ഷയും നഷ്ടപ്പെട്ട് ഭാര്യ ഇന്ദിരയും: കടം തീർക്കാനുള്ള പണം നൽകാമെന്നു ബി ആർ ഷെട്ടി അറിയിച്ചിട്ടും രണ്ട് ബാങ്കുകൾ ഒത്തുതീർപ്പിന് തയ്യാറല്ല; അഴിക്കുള്ളിൽ തളച്ചിടുന്നതിനു പിന്നിൽ മലയാളി പ്രവാസിയുടെ ഇടപെടൽ; അറ്റ്‌ലസ് രാമചന്ദ്രന്റെ മോചനം നീളുന്നത് എന്തുകൊണ്ട്?
നാലു വയസ്സുകാരൻ മകനുമായി കാമുകനൊപ്പം ഒമാനിലേക്ക് കടന്നത് വെറുതെയായി; നീക്കം മണത്തറിഞ്ഞ ഭർത്താവ് പ്രവാസികളുടെ സഹായത്തോടെ കള്ളി പൊളിച്ചു; കേരളത്തിലേക്ക് തിരിച്ചയച്ച കാമുകീകാമുകന്മാരെ കരിപ്പൂരിൽ പറന്നിറങ്ങിയപ്പോൾ കസ്റ്റഡിയിലെടുത്ത് കേരളാ പൊലീസ്; തിരിച്ചെത്തിയ അമ്മയെ കെട്ടിപ്പിടിച്ച് കരഞ്ഞ് മൂത്തമകനും: തലശ്ശേരിയിൽ നിന്നൊരു ഒളിച്ചോട്ടക്കഥ ഇങ്ങനെ
മകളുടെ തലയിൽ കൈ വച്ച് സത്യം ചെയ്യുന്നത് കണ്ടപ്പോൾ ജനപ്രിയ നായകനെ വിശ്വസിച്ചു; അച്ഛനെ പുറത്താക്കിയ സംഘടന പിടിക്കുമെന്ന മകന്റെ ഭീഷണിയും കാര്യമായെടുത്തു; ദിലീപിന് ജാമ്യം കിട്ടിയ ശേഷം യോഗമെന്ന നിലപാടും തിരിച്ചടിച്ചു; മമ്മൂട്ടിയും ലാലും ഇന്നസെന്റും വമ്പൻ പ്രതിസന്ധിയിൽ; 'അമ്മ'യുടെ പ്രസക്തി ചോദ്യം ചെയ്ത് പൃഥ്വിരാജും: ഇങ്ങനെ പോയാൽ താരസംഘടന ഇല്ലാതാവും
നാല് വർഷത്തെ പ്രണയം; പിന്നെ അനൗദ്യോഗിക രജിസ്റ്റർ മാരീജ്; താര രാജാവിന്റെ ആദ്യ വിവാഹം അമ്മാവന്റെ മകളുമായി; മഞ്ജുവിന് വേണ്ടി ബന്ധം വേർപെടുത്താൻ ഇടനിലക്കാരായത് അമ്മയും സഹോദരങ്ങളും; നല്ല കാലത്തിന് വേണ്ടി വഴിമാറിക്കൊടുത്ത യുവതിയുടെ മൊഴിയെടുക്കാൻ പൊലീസ്; നടിയെ ആക്രമിച്ച കേസിലെ കുറ്റപത്രത്തിൽ ദീലീപ് മൂന്നാംകെട്ടുകാരനാകും
രാമലീലയുമായി നെട്ടോട്ടമോടി ടോമിച്ചൻ മുളകുപാടം; കമ്മാരസംഭവം പൂർത്തിയാക്കാനാവില്ലെന്ന തിരിച്ചറിഞ്ഞ് ഗോകുലം ഗോപാലൻ; നടിയും ഗായികയുമായ 'മാഡം' കൂടി കുടങ്ങിയാൽ പ്രതിസന്ധി ഇരട്ടിക്കും; കരുതലോടെ തീരുമാനമെടുക്കാനുറച്ച് ചാനലുകളും; ദിലീപിന് ജാമ്യം നിഷേധിച്ചത് വെള്ളിത്തിരയെ പിടിച്ചുലയ്ക്കുന്നത് ഇങ്ങനെ