1 aed = 17.73 inr 1 eur = 70.61 inr 1 gbp = 81.53 inr 1 kwd = 213.91 inr 1 sar = 17.36 inr 1 usd = 65.08 inr
Mar / 2017
28
Tuesday

മകൻ വിളിച്ചപ്പോൾ ഫോൺ എടുക്കാനായില്ല; അമ്മ തിരിച്ചുവിളിച്ചപ്പോൾ കാര്യമറിയാതെ മകന്റെ കൂട്ടുകാരന്റെ ചീത്തവിളി; പിന്നെ നടന്നത് തട്ടിക്കൊണ്ടുപോകൽ, മർദനം, പൊലീസിന്റെ ചെയ്സ്; ഒടുവിൽ അഞ്ചു പേർക്കെതിരേ കേസ്; നിസാരകാര്യം വാഴക്കുളത്ത് ഗുരുതരമായ ആക്രമണമായി പരിണമിച്ചതിങ്ങനെ

March 19, 2017 | 10:23 PM | Permalink



പ്രകാശ് ചന്ദ്രശേഖർ

വാഴക്കുളം(തൊടുപുഴ): മൊബൈലിൽ മകൻ വിളിച്ചപ്പോൾ അറ്റൻഡ് ചെയ്യാൻ വീട്ടമ്മയ്ക്കു പറ്റിയില്ല. തിരിച്ചുവിളിച്ചപ്പോൾ മറുതലയ്്ക്കൽ നിന്നും കിട്ടിയത് തെറിയഭിഷേകവും അശ്ലീലവർഷവും. വീട്ടമ്മ വിവരമറിയിച്ചതു പ്രകാരം ബന്ധുക്കൾ അന്വേഷിച്ചിറങ്ങിയപ്പോൾ 'പ്രതി ' ഇവരുടെ മകനൊപ്പമുള്ളയാളെന്നു വ്യക്തമായി. തുടർന്ന് കാറിലെത്തി ഇയാളെ ബലമായി പിടിച്ചുകയറ്റിക്കൊണ്ടുപോയി കാര്യമായി കൈകാര്യം ചെയ്തു. വിവരമറിഞ്ഞ് പൊലീസ് പിന്നാലെ വിട്ടു. ഒടുവിൽ അക്രമിസംഘം വലയിൽ. പരിക്കുകളോടെ ഇരയെയും മോചിപ്പിച്ചു.

ഇന്നലെ തൊടുപുഴ വാഴക്കുളം പൊലീസ ്‌സ്റ്റേഷൻ പരിധിയിൽനിന്നും ടൈൽസ് പണിക്കാരനായ യുവാവിനെ കാറിലെത്തി തട്ടിക്കൊണ്ടുപോയ സംഭവത്തിന്റെ പിന്നാമ്പുറം ഇങ്ങനെ: സംഭവവുമായി ബന്ധപ്പെട്ട് ചേർത്തല തുറവൂർ ഓലിക്കച്ചിറ കണ്ണൻ, മകൻ വിഷ്ണു, ബന്ധുക്കളായ സജിത്, ഷാനി എന്നിവരുൾപ്പെടെ അഞ്ചുപേരെ പ്രതികളാക്കി വാഴക്കുളം പൊലീസ് കേസെടുത്തു. തട്ടിക്കൊണ്ടുപോകലിനും ആക്രമണത്തിനും മറ്റുമാണിവർക്കെതിരെ കേസെടുത്തിട്ടുള്ളത്. ഇവരെത്തിയ വെള്ള ഇൻഡിക്ക കാറും പൊലീസ് കസ്റ്റഡിയിലെടുത്തിട്ടുണ്ട്.

ചേർത്തല തുറവൂർ പള്ളിക്കര കോവിൽപ്പറമ്പിൽ അജീഷീ(27)നെയാണ് ഇവർ പൊലീസ് സ്‌റ്റേഷന് വിളിപ്പാടകലെ തൊടുപുഴ-മൂവാറ്റുപുഴ റോഡിലെ കലൂർക്കാട് കവലയിൽ നിന്നും ഇന്നലെ ഉച്ചക്ക് 12 മണിയോടെ കാറിലെത്തി തട്ടിക്കൊണ്ടുപോയത്. കണ്ടുനിന്ന ഇവിടത്തെ ഓട്ടോറിക്ഷാ ഡ്രൈവർമാർ തക്കസമയത്ത് വിവരമറിയിച്ചതോടെ പൊലീസ് ജാഗരൂകരായി. ഉടൻ സമീപസ്റ്റേഷനുകളിലേക്ക് വിവരം കൈമാറി. വാഹനം കണ്ടെത്താൻ ഇതേ റൂട്ടിൽ പൊലീസ് ജീപ്പുകൾ തലങ്ങും വിലങ്ങും പാഞ്ഞു. ഇതിനിടയിൽ വിവരമറിഞ്ഞ റൂറൽ എസ് പി അടക്കമുള്ളവരും പ്രശ്‌നത്തിൽ ഇടപെട്ടു. വ്യാപകതിരച്ചിലിനൊടുവിൽ മൂവാറ്റുപഴയിൽനിന്നും പൊലീസ് അക്രമിസംഘത്തെ കസ്റ്റഡിയിലെടുത്തു. മോചിപ്പിക്കുമ്പോൾ കാറിലുണ്ടായിരുന്നവർ തന്നെ ക്രൂരമായി മർദ്ദിച്ചതായി അജീഷ് വെളിപ്പെടുത്തിയതായി പൊലീസ് അറിയിച്ചു.

തുടർന്നു നടത്തിയ പൊലീസ് അന്വേഷണത്തിലാണ് സംഭവത്തിന്റെ യഥാർത്ഥ വസ്തുതകൾ പുറത്തായത്. അക്രമി സംഘത്തിലെ വിഷ്ണു അജീഷിനൊപ്പമാണ് ജോലി ചെയ്തിരുന്നത്. ഏതാനും ആഴ്ച മുമ്പ് ഒരുദിവസം വിഷ്ണു അജീഷിന്റെ ഫോണിൽ നിന്നും സ്വന്തം അമ്മയെ വിളിച്ചു. ഈ സമയം അമ്മ കോൾ അറ്റൻഡ് ചെയ്തില്ല. ഫോൺ മടക്കി നൽകി വിഷ്ണു ജോലിയിൽ വ്യാപൃതനായി. താൻ ആരെയാണ് വിളിച്ചതെന്ന കാര്യം വിഷ്ണു അജീഷിനോട് പറയാനും മറന്നു.

അല്പം കഴിഞ്ഞ് വിഷ്ണുവിന്റെ മാതാവ് അജീഷിന്റെ നമ്പറിലേക്ക് വിളിച്ച് കാര്യം തിരക്കി. ഈ സമയം ഇയാൾ അശ്ലീലച്ചുവയോടെ സംസാരിക്കുകയും അസഭ്യം പറയുകയും ചെയ്തു. ഇത് പലവട്ടം തുടർന്നു. കഴിഞ്ഞ 16-ന് കുടുംബത്തിൽ നടന്ന വിവാഹച്ചടങ്ങിൽ ബന്ധുക്കൾ ഒത്തുകൂടിയിരുന്ന അവസരത്തിലും അജീഷ് ഇവരെ വിളിച്ച് അസഭ്യം പറഞ്ഞു. കേട്ടു മടുത്തപ്പോൾ വീട്ടമ്മ ഫോൺ ബന്ധുവിന് കൈമാറി. ഇതിൽ പ്രകോപിതനായ അജീഷ് നാട്ടിലെത്തി വകവരുത്തുമെന്ന് ബന്ധുവിനെ ഭീഷണിപ്പെടുത്തി.

തുടർന്ന് ബന്ധുക്കൾ മൊബൈൽ നമ്പറിന്റെ അടിസ്ഥാനത്തിൽ അന്വേഷിച്ചപ്പോൾ അജീഷ് തുറവൂർ പള്ളിക്കര സ്വദേശിയാണെന്നു വ്യക്തമായി. തുടർന്ന് പഞ്ചായത്ത് മെമ്പറെയും കൂട്ടി വീട്ടിലെത്തിയപ്പോൾ തൊടുപുഴ ഭാഗത്താണ് അജീഷ് ജോലിചെയ്യുന്നതെന്ന് ബന്ധുക്കൾ വെളിപ്പെടുത്തി. ഇതറിഞ്ഞപ്പോൾ തൊടുപുഴ ഭാഗത്ത് ജോലി ചെയ്തിരുന്ന വിഷ്ണുവിനെ വീട്ടുകാർ വിവരം ധരിപ്പിച്ചു. മൊബൈൽ നമ്പർ ലഭിച്ചതോടെ അജീഷാണ് മാതാവിനെ വിളിച്ച് അസഭ്യം പറയുന്നതെന്ന് വിഷ്ണുവിന് ബോദ്ധ്യമായി. വിഷ്ണു അച്ഛനേയും ബന്ധുക്കളേയും വിളിച്ച് തനിക്കറിയാവുന്ന അജീഷാണു കക്ഷിയെന്നു വ്യക്തമാക്കി. തുടർന്ന് പ്രതികാരം ചെയ്യാൻ അവരെല്ലാം ചേർന്നു തീരുമാനിക്കുകയായിരുന്നു.

ഇവർ വാഴക്കുളത്തെ പണി സ്ഥലത്തെത്തി അജീഷിനെ തിരിച്ചറിഞ്ഞ് തട്ടിക്കൊണ്ടുപോവുകയായിരുന്നു.  വണ്ടിയിലിട്ട് സംഘം അജീഷിനെ മർദിച്ചവശനാക്കി. തട്ടിക്കൊണ്ടുപോയ വിവരം വാഴക്കുളത്തെ ഓട്ടോറിക്ഷ ഡ്രൈവർമാർ പൊലീസിനെ അറിയിച്ചതിനാൽ പൊലീസിന് ഉടൻ കർമനിരതരാകാൻ കഴിഞ്ഞു. പിന്നീടാണ് അന്വേഷണവും പിന്തുടരലും നടത്തിയതും പ്രതികളെ കൈയോടെ പിടികൂടിയതും. ഒരു പക്ഷേ തുമ്പില്ലാതാകുമായിരുന്ന അനിഷ്ട സംഭവങ്ങൾ ഒഴിവാക്കാനായതിന്റെ ആത്മനിവൃതിയിലാണിപ്പോൾ വാഴക്കുളം പൊലീസ്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഒറ്റ ദിവസം കൊണ്ട് മംഗളം പിടിച്ചെടുത്തത് റിപ്പോർട്ടർ ഏഴ് വർഷം കൊണ്ട് ഉണ്ടാക്കിയ സ്‌പേസ്; എല്ലാ ചാനലുകളിലേയും പുലികളെ വൻ തുക കൊടുത്ത് പൊക്കിയെടുത്ത് ഒരു വർഷം മുമ്പ് തുടങ്ങിയിട്ടും ഒരു ബ്രേക്കിങ് പോലും നൽകാനാവാത്ത നിരാശയിൽ ന്യൂസ് 18ഉം; മംഗളത്തിന്റെ തുടക്കം എല്ലാ ചാനലുകളുടേയും ഉറക്കം കെടുത്തുന്നത് ഇങ്ങനെ
ശശീന്ദ്രനെ കുടുക്കിയത് മംഗളത്തിന്റെ തന്നെ മാധ്യമ പ്രവർത്തകയോ? 'അഗതിയായ അജ്ഞാത പരാതിക്കാരി'യെ കുറിച്ച് സൂചനയുള്ളതുകൊണ്ട് തന്നെയാണ് ജുഡീഷ്യൽ അന്വേഷണം പ്രഖ്യാപിച്ചതെന്ന് സൂചന; അഴിമതി ഇല്ലാത്ത ഹണി ട്രാപ്പിൽ ജനരോഷം ഉയരാത്തതു കൊണ്ട്‌ കെണിയിൽ പെട്ട മറ്റു രണ്ട് മന്ത്രിമാരെ കുറിച്ചുള്ള വാർത്ത സംപ്രേഷണം ചെയ്യുന്ന കാര്യത്തിൽ പുനരാലോചനയുമായി മംഗളം
2000 രൂപയുമായി ആദ്യം എസ് ഐ എത്തി; പഞ്ചായത്ത് മെമ്പർ മുതൽ എംഎൽഎവരെ പണവുമായി പിന്നാലെ എത്തി; ആശ്വസിപ്പിക്കാൻ ആശുപത്രിയിലേക്ക് പ്രവഹിച്ചത് ആയിരങ്ങൾ; സഹായം ഒഴുക്കി പ്രവാസികൾ; എല്ലാ സൗകര്യങ്ങളും ഉള്ള വീട് നൽകുമെന്ന് കൊല്ലത്തെ റോട്ടറി ക്ലബ്; പത്തനംതിട്ടയിൽ ഭൂമിയും വീടും നൽകാൻ ഡിസിസി നേതാവ്; നിയമപീഠം കണ്ണടച്ചപ്പോൾ കരുണ ചൊരിഞ്ഞ് മലയാളികൾ
തടവറയെ 'ബ്യൂട്ടി പാർലർ' ആക്കിയ ഷെറിന്റെ സൗന്ദര്യത്തിനു മുന്നിൽ ജയിൽ മേധാവി ആർ ശ്രീലേഖയും അടിയറവു പറഞ്ഞു; കാരണവർ വധക്കേസിലെ പ്രതിയെ വിയ്യൂരിലേക്കു മാറ്റണമെന്നു പറഞ്ഞ അതേ സൂപ്രണ്ടിനെക്കൊണ്ട് തിരിച്ചു പറയിച്ചു; 'ഉന്നത' കേന്ദ്രങ്ങളിലെ പിടിപാടു കൊണ്ട് ഷെറിൻ വീണ്ടും അട്ടക്കുളങ്ങരയിൽ; ഉദ്യോഗസ്ഥരെ ഭീഷണിപ്പെടുത്തിയ പരാതികൾ അപ്രത്യക്ഷം
ഒറ്റ വാർത്തയിൽ സർവ മലയാളം ചാനലുകളുടേയും റേറ്റിങ് മറികടന്ന് മംഗളത്തിന്റെ തുടക്കം; മന്ത്രിയുടെ രാജിയിലേക്ക് എത്തിച്ച 'വാർത്താ ബോംബ്' കണ്ടെത്തിയത് യാദൃച്ഛികമായി എത്തിയ ഒരു വിവരത്തിലൂടെ; അധികമാരും ശ്രദ്ധിക്കാതിരുന്ന മന്ത്രിയുടെ അവിശുദ്ധ മുഖംതേടിയുള്ള മംഗളം ടീമിന്റെ യാത്ര വിവരിച്ച് റിപ്പോർട്ടർ ആർ ജയചന്ദ്രൻ
മന്ത്രിയുടെ ടെലിഫോൺ ലൈംഗിക വേഴ്ചയുടെ ഓഡിയോ ക്ലിപ്പുമായി മംഗളം മിഴിതുറന്നു; പരാതിയുമായെത്തിയ വീട്ടമ്മയോട് ഫോണിലൂടെ രതി വൈകൃതം പറയുന്ന ശബ്ദം കേട്ട് ഞെട്ടി കേരളം; ചാനൽ ചർച്ചയ്‌ക്കെത്തിയ വനിതാ പൊതുപ്രവർത്തകർ കണ്ണും കൈയും പൊത്തി; കുട്ടികളെ ഇത് കേൾപ്പിക്കാതെ ടിവിക്ക് മുമ്പിൽ നിന്ന് മാറ്റണമെന്ന് അവതാരക
ജയിലിലെ ദുരിതം പുറത്തറിഞ്ഞതോടെ അറ്റ്‌ലസ് രാമചന്ദ്രനെ രക്ഷിക്കാൻ അവസാന ശ്രമം നടത്താനൊരുങ്ങി പ്രവാസികൾ; ബാധ്യതകൾ ഏറ്റെടുത്ത് ജയിൽ മോചനത്തിന് വഴിയൊരുക്കാൻ സന്നദ്ധമായി ബിസിനസ് ഗ്രൂപ്പും രംഗത്ത്; പുറത്തുവരാനായാൽ എല്ലാം വിറ്റിട്ടായാലും കടങ്ങൾ വീട്ടുമെന്ന് പ്രതിജ്ഞയെടുത്ത് മനുഷ്യസ്‌നേഹിയായ പ്രവാസി വ്യവസായി
വൈദികന്റെ പീഡനം കുമ്പസാരത്തിൽ പറഞ്ഞ യുവതിയോട് പൊലീസിൽ പരാതിപ്പെടാൻ പറഞ്ഞപ്പോൾ മുതൽ വേട്ടയാടൽ തുടങ്ങി; സഭയിലെ അഴിമതിക്കും സ്ത്രീ പീഡനത്തിനും എതിരെ നിലപാട് എടുത്ത വൈദികനെ വേട്ടയാടി കൊന്നത് ഫാ. റോബിന്റെ നേതൃത്വത്തിലുള്ള വൈദിക മാഫിയ: എല്ലാവരും വേട്ടക്കാരായപ്പോൾ ഫാ. ഫ്രാൻസിസിന്റെ മരണം അന്വേഷിക്കാൻ ആരുമുണ്ടായില്ല
പ്രായപൂർത്തിയാകാത്ത പെൺകുട്ടിയെ ഉപദേശിക്കാൻ പള്ളിമേടയിലേക്ക് കൊണ്ടു പോയി അവിടേയും ഇവിടേയും തൊട്ടു തുടക്കം; നിരന്തരമായ പീഡനത്തെ തുടർന്ന് ഗർഭിണിയായപ്പോൾ പിതാവിന്റെ തലയിൽ കെട്ടിവയ്ക്കാൻ ഉപദേശിച്ചു; കണ്ണൂരിൽ പിടിയിലായ കത്തോലിക്കാ വൈദികൻ പാവപ്പെട്ട നിരവധി പെൺകുട്ടികളെ പീഡിപ്പിച്ചതായും സൂചന; ആ നരാധമന് വേണ്ടിയും ഉന്നതർ രംഗത്ത്
പള്ളിയിൽ നിന്നിറങ്ങിയ മിഷേലിനെ രണ്ട് യുവാക്കൾ പിന്തുടർന്ന സിസി ടിവി ദൃശ്യങ്ങൾ മറുനാടന് ലഭിച്ചു; യുവാക്കളെ കണ്ട പെൺകുട്ടിയുടെ വെപ്രാളം ദൃശ്യങ്ങളിൽ വ്യക്തം; മുഖത്തെ നഖം കൊണ്ടുള്ള മുറിവുകളും അവഗണിക്കപ്പെട്ടു; കായലിൽ മരിച്ച നിലയിൽ കാണപ്പെട്ട സിഎ വിദ്യാർത്ഥിനിയുടെ മരണം ആത്മഹത്യയാക്കാൻ ധൃതി കാണിക്കുന്നതിന് പിന്നിൽ ആര്?
2000 രൂപയുമായി ആദ്യം എസ് ഐ എത്തി; പഞ്ചായത്ത് മെമ്പർ മുതൽ എംഎൽഎവരെ പണവുമായി പിന്നാലെ എത്തി; ആശ്വസിപ്പിക്കാൻ ആശുപത്രിയിലേക്ക് പ്രവഹിച്ചത് ആയിരങ്ങൾ; സഹായം ഒഴുക്കി പ്രവാസികൾ; എല്ലാ സൗകര്യങ്ങളും ഉള്ള വീട് നൽകുമെന്ന് കൊല്ലത്തെ റോട്ടറി ക്ലബ്; പത്തനംതിട്ടയിൽ ഭൂമിയും വീടും നൽകാൻ ഡിസിസി നേതാവ്; നിയമപീഠം കണ്ണടച്ചപ്പോൾ കരുണ ചൊരിഞ്ഞ് മലയാളികൾ
മുടിയെല്ലാം പടർത്തി യക്ഷിയെപ്പോലെ അലറിക്കൊണ്ട് അവർ എന്റെ ബ്ലൗസും പാവാടയും ഊരിപ്പിച്ചു; കൈകൾ കെട്ടിവയ്ക്കാൻ പറഞ്ഞ് ചൂരലിൽ എണ്ണതേച്ച് അടിതുടങ്ങി; കരയെടീ എന്നുപറഞ്ഞ് തുടപൊട്ടി ചോരയൊലിക്കും വരെ അടിച്ചു രസിച്ചു: ലൂസിയെന്ന ആ കന്യാസ്ത്രീയെ വച്ചുനോക്കുമ്പോൾ റോബിൻ അച്ചൻ ഒന്നുമല്ല; കൊട്ടിയൂരിലെ കോൺവെന്റിൽ ചേർന്ന പെൺകുട്ടിക്ക് പറയാനുള്ളത്