1 aed = 17.67 inr 1 eur = 72.68 inr 1 gbp = 84.26 inr 1 kwd = 213.81 inr 1 sar = 17.31 inr 1 usd = 64.89 inr
May / 2017
26
Friday

ഇതായിരിക്കണം പഞ്ചായത്തു സെക്രട്ടറി! വിരമിക്കുന്നതിനു മുന്നോടിയായി പഞ്ചായത്തിലെ ക്വാറികൾക്കെല്ലാം അഞ്ചു വർഷത്തേക്കു ലൈസൻസ് ഒന്നിച്ചു പുതുക്കി നൽകി; പുലിവാൽ പിടിച്ചതു വടശേരിക്കര പഞ്ചായത്ത് കമ്മിറ്റി

October 30, 2016 | 01:56 PM | Permalink



ശ്രീലാൽ വാസുദേവൻ

പത്തനംതിട്ട: മൂപ്പിറക്കൽ എന്നു പറഞ്ഞാൽ ഇതാണ്. വിരമിക്കുന്നതിനു മൂന്നു ദിവസം മുൻപ് പഞ്ചായത്തിലുള്ള സകല പാറമടകൾക്കും ക്രഷർ യൂണിറ്റിനും ലൈസൻസ് പുതുക്കി നൽകുക. അതും അഞ്ചു വർഷത്തേക്ക്. വടശേരിക്കരയിൽനിന്ന് വിരമിച്ച പഞ്ചായത്ത് സെക്രട്ടറിയുടേതാണ് രാജാവിനെ വെല്ലുന്ന രാജഭക്തി. നിലവിലുള്ള ലൈസൻസ് പുതുക്കി നൽകണമെന്നേ ഉടമകൾ ആവശ്യപ്പെട്ടുള്ളൂ. സെക്രട്ടറിയാകട്ടെ നാലു കൊല്ലത്തേക്ക് കൂടി അങ്ങു പുതുക്കി കൊടുത്തു. എന്താ അല്ലേ? ഒരു ഭംഗിക്കിരിക്കട്ടെ.

വടശേരിക്കര പഞ്ചായത്ത് മുൻസെക്രട്ടറി തിരുവനന്തപുരം പേരൂർക്കട നീരാഞ്ജനത്തിൽ കെ. ഗോപിയാണ് മൂന്നു ക്വാറികൾക്കും ഒരു ക്രഷർ യൂണിറ്റിനും അഞ്ചു വർഷത്തേക്ക് ലൈസൻസ് പുതുക്കി നൽകിയത്. സംഭവം വിവാദമായതോടെ ഉത്തരവ് റദ്ദാക്കാൻ പഞ്ചായത്ത് കമ്മറ്റി നടപടി ആരംഭിച്ചു. കഴിഞ്ഞ മെയ് 31 നാണ് ഇദ്ദേഹം സർവീസിൽനിന്ന് വിരമിച്ചത്. മൂന്നു ദിവസം മുൻപ് അതായത്, 26 നാണ് ചട്ടം മറികടന്ന് റാന്നി, അങ്ങാടി കാവുങ്കൽ സാബു കുര്യാക്കോസിന്റെ ഉടമസ്ഥതയിൽ വടശേരിക്കര ഗ്രാമപഞ്ചായത്തിൽ മുക്കുഴി ബാലവാടിക്കു സമീപം പ്രവർത്തിക്കുന്ന മൂന്നു ക്വാറികൾക്കും ഒരു ക്രഷർ യൂണിറ്റിനും 2021 വരെ ലൈസൻസ് പുതുക്കി നൽകാൻ ഉത്തരവിട്ടത്. വിവരാവകാശ നിയമപ്രകാരമാണ് ഈ വിവരം പുറത്തു വന്നിരിക്കുന്നത്.

പാറ ഖനനം ചെയ്യാൻ മൈനിങ് ആൻഡ് ജിയോളജി വകുപ്പ് കാവുങ്കൽ ഗ്രാനൈറ്റ്‌സ് ക്വാറി ഒന്നിന് അനുമതി നൽകിയിരിക്കുന്നത് അടുത്ത മാർച്ച് 15 വരെയും, ക്വാറി രണ്ടിന് ജനുവരി 17 വരെയും, ക്വാറി മൂന്നിന് കഴിഞ്ഞ ജൂൺ 24 വരെയും, കാവുങ്കൽ ക്രഷർ യൂണിറ്റിന് അടുത്ത മാർച്ച് 15 വരെയുമാണ്. മലിനീകരണ നിയന്ത്രണ ബോർഡാകട്ടെ ക്വാറി ഒന്നിന് 2018 ഡിസംബർ 31 വരെയും, ക്വാറി രണ്ടിന് 2018 ജൂൺ 31 വരെയും, ക്വാറി മൂന്നിന് കഴിഞ്ഞ ജൂൺ 31 വരെയും, ക്രഷർ യൂണിറ്റിന് ഈ വർഷം ഡിസംബർ 31 വരെയുമാണ് അനുമതി നൽകിയിരിക്കുന്നത്. ക്വാറി ഒന്നിനു മാത്രമേ 2021 മാർച്ച് 31 വരെ എക്‌സ്‌പ്ലോസീവ് ലൈസൻസ് നൽകിയിട്ടുള്ളു. ഒന്നാം നമ്പർ ക്വാറിക്കു നൽകിയ എക്‌സ്‌പ്ലോസീവ് ലൈസൻസാണ് ക്വാറി രണ്ടിനും, ക്വാറി മൂന്നിനും ഉപയോഗിക്കുന്നത്.

കാവുങ്കൽ ഗ്രാനൈറ്റ്‌സ് ക്വാറി രണ്ടിനും മൂന്നിനും എക്‌സ്‌പ്ലോസീവ് ലൈസൻസ് നൽകിയിട്ടുമില്ല. ഈ ക്വാറികൾക്കും ക്രഷർ യൂണിറ്റിനും 2021 വരെ ലൈസൻസ് പുതുക്കി നൽകുവാൻ വടശേരിക്കര ഗ്രാമപഞ്ചായത്ത് കമ്മിറ്റി തീരുമാനമെടുത്തിട്ടില്ലെന്നും വിവരാവകാശ രേഖയിൽ പറയുന്നു. വിവരാവകാശ പ്രവർത്തകനായ റഷീദ് ആനപ്പാറ നൽകിയ അപേക്ഷയ്ക്ക് വടശേരിക്കര ഗ്രാമപഞ്ചായത്ത് ഓഫീസിലെ വിവരാവകാശ ഉദ്യോഗസ്ഥനിൽ നിന്നും ലഭിച്ച മറുപടിയിലൂടെയാണ് ഈ വിവരങ്ങൾ വെളിവാകുന്നത്.

ക്വാറി ഉടമയായ സാബു കുര്യാക്കോസിന്റെ അപേക്ഷ പ്രകാരം ക്വാറി ഒന്നിന് 2016 ഏപ്രിൽ ഒന്ന് മുതൽ 2016 ജൂൺ 24 വരെയും, ക്വാറി രണ്ടിന് 2016 ഏപ്രിൽ ഒന്നു മുതൽ ഡിസംബർ 31 വരെയും, ക്വാറി മൂന്നിന് 2016 ഏപ്രിൽ ഒന്നു മുതൽ ഡിസംബർ 31വരെയും കാവുങ്കൽ ക്രഷർ യൂണിറ്റിന് ഡിസംബർ 31 വരെയും മുൻ പഞ്ചായത്ത് സെക്രട്ടറി കെ. ഗോപി തന്നെ കഴിഞ്ഞ ഏപ്രിൽ ഒന്നിന് ലൈസൻസ് നൽകിയിരുന്നതാണ്. ഈ ലൈസൻസുകളുടെ കാലാവധിഅവസാനിക്കാൻ കാലയളവ് ഉള്ളപ്പോൾ തന്നെ ഏപ്രിൽ ഒന്നു മുതൽ 2021 മാർച്ച് 31 വരെയുള്ള കാലത്തേക്ക് ഉടമ ലൈസൻസ് പുതുക്കി നൽകണമെന്നു കാണിച്ച് പഞ്ചായത്ത് സെക്രട്ടറിക്ക് അപേക്ഷ നൽകിയിരുന്നു. ഇതിനാണ് പഞ്ചായത്ത് കമ്മിറ്റി തീരുമാനം പോലുമില്ലാതെ അഞ്ചു വർഷത്തേക്ക് ലൈസൻസ് പുതുക്കി നൽകിക്കൊണ്ട് സെക്രട്ടറി ഉത്തരവിട്ടത്. പഞ്ചായത്ത് രാജ് നിയമവും ഡിഒ ലൈസൻസ് ചട്ടങ്ങളിലെ ചട്ടം 8 പ്രകാരം ക്വാറി/ ക്രഷറിന് അഞ്ചു വർഷത്തേക്ക് ലൈസൻസ് നൽകാമെന്നുള്ള വിവരാവകാശ നിയമപ്രകാരമുള്ള ചോദ്യവും ആയതിന് ഇടുക്കി പഞ്ചായത്ത് ഡെപ്യൂട്ടി ഡയറക്ടർ നൽകിയ മറുപടിയും ഇടുക്കി ജില്ലയിലെ കൊന്നത്തടി, മലപ്പുറം ജില്ലയിലെ വെട്ടത്തൂർ എന്നീ ഗ്രാമപഞ്ചായത്തുകളിൽ ക്വാറികൾക്ക് അഞ്ചു വർഷത്തേക്ക് ലൈസൻസ് പുതുക്കി നൽകിയിട്ടുണ്ടെന്നും ആയതുകൊണ്ട് തന്റെ സ്ഥാപനങ്ങൾക്കും അഞ്ചു വർഷത്തേക്ക് ലൈസൻസ് പുതുക്കി നൽകണമെന്ന ഉടമ സാബു കുര്യാക്കോസിന്റെ അപേക്ഷാ പ്രകാരവും അഭിഭാഷകനായ മാത്യു കുഴൽനാടന്റെ നിയമപോദേശത്തിന്റെയും, അടിസ്ഥാനത്തിലാണ് ലൈസൻസ് പുതുക്കി നൽകിയിട്ടുള്ളതെന്നാണ് മുൻ സെക്രട്ടറി കെ. ഗോപി പുറപ്പെടുവിച്ച ഉത്തരവിൽ പറയുന്നത്.

വിവരാവകാശ നിയമ പ്രകാരമുള്ള റഷീദ് ആനപ്പാറയുടെ ചോദ്യത്തിനു മറുപടി നൽകുന്നതിനുവേണ്ടി ഫയൽ പരിശോധിച്ചപ്പോഴാണ് നിലവിലുള്ള സെക്രട്ടറി കെ.സി. സുരേഷ് കുമാറിന് ഈ ക്രമക്കേട് ബോധ്യപ്പെട്ടത്. അഞ്ചു വർഷത്തേക്ക് പുതുക്കി നൽകിയ ഈ ലൈസൻസുകൾ റദ്ദ്ു ചെയ്യുന്നതിനുള്ള നടപടികൾ അദ്ദേഹം ആരംഭിച്ചു. 1996-ലെ കേരളാ പഞ്ചായത്ത് രാജ് 6-ാം ചട്ടപ്രകാരം അഞ്ച് വർഷത്തേയ്ക്ക് പുതിയ ലൈസൻസിനു വേണ്ടി അപേക്ഷിക്കാനുള്ള അധികാരം ക്വാറി ഉടമയ്ക്കില്ലെന്നും, അപേക്ഷ പരിഗണിക്കാൻ പാടില്ലാത്തതാണെന്നും, ഒരു നിശ്ചിത തീയതിയിൽ നൽകിയ അപേക്ഷയ്ക്ക് അതിനു മുൻപുള്ള തീയതി മുതൽ പ്രാബല്യം വച്ചുകൊണ്ട് ഉത്തരവ് പുറപ്പെടുവിക്കുവാൻ പഞ്ചായത്ത് സെക്രട്ടറിക്ക് അധികാരമില്ലെന്നും പറയുന്നു. കസ്തൂരി രംഗൻ റിപ്പോർട്ട് പ്രകാരം പരിസ്ഥിതി ദുർബലപ്രദേശമായി പ്രഖ്യാപിച്ചിട്ടുള്ള വടശേരിക്കര പഞ്ചായത്തിൽ പാരിസ്ഥിതികാനുമതി കൂടാതെ ഖനനം നടത്താൻ പാടില്ലെന്നും, ക്രമവിരുദ്ധമായി നൽകിയ ലൈസൻസുകൾ റദ്ദ് ചെയ്യുന്നത് അനിവാര്യമാണെന്നും ചൂണ്ടിക്കാട്ടി സെക്രട്ടറി പഞ്ചായത്ത് ഓഫീസിൽ നേരിൽ ഹാജരായി കാരണം ബോധിപ്പിക്കണമെന്നു കാണിച്ച് കാറി ഉടമയ്ക്ക് നോട്ടീസ് നൽകിയിട്ടുള്ളതായും രേഖയിൽ പറയുന്നു.

നിയമവിരുദ്ധമായി 5 വർഷക്കാലത്തേയ്ക്ക് ക്വാറികൾക്കും ക്രഷർ യൂണിറ്റിനും നൽകിയ ലൈസൻസ് റദ്ദ് ചെയ്യാൻ പഞ്ചായത്ത് സെക്രട്ടറി തയ്യാറാകണമെന്ന് വിവരാവകാശ പ്രവർത്തകനായ റഷീദ് ആനപ്പാറ ആവശ്യപ്പെട്ടു. നിയമവിരുദ്ധമായി ലൈസൻസ് നൽകിയ മുൻ പഞ്ചായത്ത് സെക്രട്ടറി ഗോപിക്കെതിരെ നടപടിയെടുക്കണം. 5 വർഷ കാലത്തേക്ക് ലൈസൻസ് പുതുക്കി നൽകിയ വിവരം ശ്രദ്ധയിൽപ്പെട്ടിട്ടും ലൈസൻസ് റദ്ദു ചെയ്യുന്നതിനുള്ള നടപടി സ്വീകരിക്കാത്ത വടശ്ശേരിക്കര പഞ്ചായത്ത് ഭരണസമിതിക്കെതിരെ ദുർഭരണത്തിനു കേസ് എടുക്കണമെന്ന് ആവശ്യപ്പെട്ട് തദ്ദേശ സ്വയംഭരണസ്ഥാപനങ്ങൾക്കായുള്ള ഓംബുഡ്‌സ്മാനെ സമീപിക്കുമെന്നും റഷീദ് ആനപ്പാറ അറിയിച്ചു.

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
കാർഗിലിൽ തോറ്റു തുന്നം പാടിയെങ്കിലും സിയാച്ചിൻ വീണ്ടും പാക്കിസ്ഥാനെ മോഹിപ്പിക്കുന്നു; വ്യോമസേന യുദ്ധവിമാനം പറത്തിയ പാക് നടപടി യുദ്ധകാഹളത്തിന്റെ സൂചന; ലോകത്തിലെ ഏറ്റവും ഉയരമുള്ള യുദ്ധഭൂമിയെ ലക്ഷ്യമിട്ടുള്ള പാക് നീക്കം കരുതലോടെയെന്നും വിലയിരുത്തൽ; അതിർത്തി സംഘർഷം വീണ്ടും യുദ്ധത്തിലേക്ക് വഴിവെക്കുമെന്ന് സൂചന
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ
വീട്ടിൽ പട്ടിണി കിടക്കുമ്പോഴും പാലും പഴവും കഴിച്ച് സ്വാമി കൊഴുത്തു; അമ്മയും അച്ഛനും സ്വാമിയുടെ അടിമകളായപ്പോൾ മറ്റൊരു നിവൃത്തിയുമില്ലാതെ കിടക്ക വിരിക്കേണ്ടി വന്നു; പീഡനം അക്രമം ആയി മാറിയപ്പോൾ ഇനി മറ്റൊരു പെൺകുട്ടിക്കും ഈ ദുരന്തം ഉണ്ടാകാതിരിക്കാൻ ജനനേന്ദ്രിയം തന്നെ മുറിക്കാൻ ഉറച്ചു; പെൺകുട്ടി പൊലീസിനോട് വിവരിച്ചത് ഇങ്ങനെ
കടമായി നൽകിയ 20 ലക്ഷം തിരിച്ചു ചോദിച്ചത് പ്രശ്‌നമായി; വീട്ടുകാർ ഉറക്കമായപ്പോൾ കിടപ്പുമുറിയിലേക്ക് വിളിച്ചുവരുത്തി; ആപ്പിൾ മുറിക്കാനുള്ള കത്തി കഴുത്തിൽ ചേർത്ത് വഴങ്ങണമെന്ന് ഭീഷണിയും; പിടിവലിക്കൊടുവിൽ കത്തി കൈക്കലാക്കി ജനനേന്ദ്രിയത്തിൽ പിടിച്ച് കുറുകേ മുറിച്ചെന്ന് മൊഴി; ഗംഗേശാനന്ദ കോടിപതി ആയതിന്റെ പൊരുൾ തേടി പൊലീസ്
പുഴയിൽ കുളിച്ചു കയറിയ പതിനാറുകാരന് ആദ്യമുണ്ടായത് തലവേദന; കോട്ടയത്തെ ആശുപത്രിയിൽ വച്ചു മരണം; മണിമലയാറ്റിലെ കുളിക്കിടയിൽ പുഴവെള്ളത്തിൽ നിന്ന് മൂക്കിലൂടെയോ വായിലൂടെയോ ശരീരത്തിലെത്തിയത് അമീബിക് അണുബാധയുണ്ടാക്കിയതു മരണകാരണം; എരുമേലിയിലുണ്ടായത് ലോകത്തുതന്നെ അപൂർവമായ മരണം; നാടിനാകെ ദുരന്തമുന്നറിയിപ്പ്
നടിമാർ പുതിയ സംഘടന പ്രഖ്യാപിച്ചത് 'അമ്മ' അറിയാതെ; സംഘടനാ വിരുദ്ധ പ്രവർത്തനത്തിന് നടപടി എടുക്കണമെന്ന് താര നേതാക്കൾ; മഞ്ജുവും കൂട്ടരും മുഖ്യമന്ത്രിയെ സന്ദർശിച്ചത് ടിവിയിൽക്കണ്ട് ഞെട്ടി ഇടത് എംപി ഇന്നസെന്റ് ഉൾപ്പെടെയുള്ള താരങ്ങൾ; 'വുമൺ കളക്ടീവി'ന് ഒപ്പമെന്ന സന്ദേശം നൽകി പൃത്ഥ്വിരാജും ന്യൂജെൻ താരങ്ങളും; പിളർപ്പിന്റെ വക്കിൽ താരസംഘന
കഥകളി പഠിച്ചതിനും തട്ടമിടാത്തതിനും മഹല്ലിലും നാട്ടിലും ഒറ്റപ്പെടുത്തി; ഉമ്മ മരിച്ചപ്പോൾ ഖബർസ്ഥാനിൽ അടക്കാൻ സമ്മതിച്ചില്ല; നടന്നുപോകുമ്പോൾ കുശുകുശുക്കുന്നവർ ഇപ്പോഴുമുണ്ട്; ചെന്നൈയിൽ പോയി പഠിക്കാൻ സഹായിച്ചത് സ്പീക്കർ ശ്രീരാമകൃഷ്ണൻ; വിലക്കിയവർക്ക് ഒന്നാം റാങ്കിലൂടെ മറുപടി; മൻസിയ മറുനാടൻ മലയാളിയോട് മനസു തുറക്കുന്നു
ലൗ ജിഹാദിന്റെ സൂത്രധാരൻ; ഹിന്ദു ഹെൽപ്പ് ലൈനിന്റെ മുന്നണി പോരാളി; എസ് എൻ ഡി പി-ബിജെപി കൂട്ടുകെട്ടിന്റെ സൂത്രധാരൻ; കേരളാ ഹൗസിലെ ബീഫ് വിവാദം ആളിക്കത്തിച്ച് വിവാദ നായകൻ; കുമ്മനത്തെ അധ്യക്ഷനാക്കിയ തന്ത്രശാലി; വെള്ളാപ്പള്ളിക്കും അമൃതാന്ദമയിക്കും കരിമ്പൂച്ചകളെ ഒരുക്കിയ പ്രതീഷ് വിശ്വനാഥനെന്ന 'സൂപ്പർ പവറിന്റെ' കഥ
വി എസ് എന്ന് ദേഹത്ത് എഴുതി സിറ്റിയിലൂടെ ബൈക്ക് ഓടിച്ചു; ഹക്കിം ഷായെ വടിവാളു കൊണ്ടു വെട്ടിയെന്നും ആരോപണം; ഓംപ്രകാശും പുത്തൻപാലം രാജേഷും കൂട്ടുകാർ; കാക്കികുപ്പായം നൽകരുതെന്ന് വിലക്കി ഇന്റലിജൻസ്; ചെന്നിത്തല വിശാലനായപ്പോൾ സേനയിലെത്തി; കഞ്ചാവ് കേസിലൂടെ സിപിഎമ്മിലെ കണ്ണിലെ കരടായി; ജനനേന്ദ്രിയം തകർത്തപ്പോൾ സസ്‌പെൻഷനും; എസ് ഐ സമ്പത്തിന്റെ കഥ ഇങ്ങനെ
സോഷ്യൽ മീഡിയയിലൂടെ അപകീർത്തിപ്പെടുത്തിയെന്ന കേസിൽ മുൻകൂർ ജാമ്യം എടുത്ത് സ്റ്റേഷനിലേക്ക് പോയ യുവാവിനെ പരാതിക്കാരിയായ വീട്ടമ്മയുടെ നേതൃത്വത്തിലുള്ള ക്വട്ടേഷൻ സംഘം തട്ടിക്കൊണ്ടു പോയി; ക്രൂരമായി മർദ്ദിച്ച് മൊബൈൽ ഫോണും പണവും തട്ടിയെടുത്തത് പൊലീസ് സ്‌റ്റേഷനിൽ കൊണ്ടു പോയി വിലിച്ചെറിഞ്ഞു; അറസ്റ്റ് ചെയ്തില്ല എന്നു പറഞ്ഞ് പൊലീസിനെതിരെ ഫെയ്‌സ് ബുക്കിലൂടെ ലൈവായി കൊലവിളി
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ