1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
25
Sunday

സുപ്രീം കോടതി ജസ്റ്റിസ് അടക്കമുള്ളവരെ അറസ്റ്റ് ചെയ്യാൻ ഉത്തരവിട്ട ജസ്റ്റിസ് കർണന് ആറുമാസം തടവുശിക്ഷ; കോടതിയലക്ഷ്യത്തിന് ഒരു ജസ്റ്റിസിനെ ശിക്ഷിക്കുന്നത് ചരിത്രത്തിലാദ്യം; കർണനെ ഉടൻ ജയിലിൽ അടയ്ക്കണമെന്നും സുപ്രീം കോടതി

May 09, 2017 | 11:21 AM | Permalink



മറുനാടൻ മലയാളി ബ്യൂറോ

ന്യൂഡൽഹി: സുപ്രീം കോടതി ചീഫ് ജസ്റ്റിസ് കെ എസ് കേഹർ ഉൾപ്പെടെ സുപ്രീം കോടതിയിലെ എട്ടു ജഡ്ജിമാരെ അറസ്റ്റ്ചെയ്യാനുള്ള ഉത്തരവിറക്കിയ കൊൽക്കത്ത ഹൈക്കോടതിയിലെ ജസ്റ്റിസ് സി എസ് കർണന് സുപ്രീംകോടതിയുടെ തടവുശിക്ഷ. ഇന്ത്യയുടെ ചരിത്രത്തിൽ ആദ്യമാണ് ഒരു ഹൈക്കോടതി ജഡ്ജിയെ തടവുശിക്ഷയ്ക്ക് വിധിക്കുന്നത്. കർണനെ ഉടൻ ജയിലിൽ അടയ്ക്കണമെന്നും സുപ്രീം കോടതി ഉത്തരവിട്ടു. കർണന്റെ പ്രസ്താവനകൾ പ്രസിദ്ധീകരിക്കുന്നതിന് സുപ്രീം കോടതി മാധ്യമങ്ങൾക്ക് വിലക്കേർപ്പെടുത്തി.

സുപ്രീം കോടതിയിലെ ജഡ്ജിമാരുമായി ഏറെക്കാലമായി തുടർന്നുവന്ന തർക്കത്തിനൊടുവിലാണ് ചീഫ് ജസ്റ്റിസ് അടക്കമുള്ളവരെ അറസ്റ്റ് ചെയ്യാൻ കർണൻ ഉത്തരവിട്ടത്. ജാതീയമായി അധിക്ഷേപിച്ചെന്ന ആരോപണത്തിലായിരുന്നു കർണന്റെ ഉത്തരവ്. ചീഫ് ജസ്റ്റിസ് അടക്കം എട്ടു ജഡ്ജിമാരും അഞ്ചുവർഷം തടവ് അനുഭവിക്കണമെന്നും ഒരോ ലക്ഷം രൂപ വീതം പിഴയും അടയ്ക്കണമെന്നുമായിരുന്നു ഉത്തരവ്. പിഴയടയ്ക്കാത്ത പക്ഷം ഒരു വർഷം കൂടി തടവനുഭവിക്കണമെന്നും കർണന്റെ ഉത്തരവിൽ പറഞ്ഞിരുന്നു.

മദ്രാസ് ഹൈക്കോടതി ചീഫ് ജസ്റ്റിസിനും വിരമിച്ച ജഡ്ജിമാർക്കുമെതിരേ അഴിമതി ആരോപിച്ചു സുപ്രീംകോടതി ചീഫ് ജസ്റ്റിസ്, പ്രധാനമന്ത്രി, പ്രതിപക്ഷ നേതാവ് എന്നിവർക്ക് കത്തയച്ചതിനെത്തുടർന്നാണ് കർണനെതിരേ ആദ്യം നടപടി തുടങ്ങിയത്. ഇതു കോടതിയലക്ഷ്യമാണെന്നായിരുന്നു സുപ്രീം കോടതി ചീഫ് ജസ്റ്റിസിന്റെ തീർപ്പ്. മദ്രാസ് ഹൈക്കോടതിയിൽനിന്നു കർണനെ കൊൽക്കത്ത ഹൈക്കോടതിയിലേക്കു സ്ഥലം മാറ്റിയിരുന്നു. സുപ്രീം കോടതിയുടെ ഈ നടപടി കർണൻ സ്വയം സ്റ്റേ ചെയ്തെങ്കിലുംപിന്നീട് കൊൽക്കത്ത ഹൈക്കോടതിയിൽ ചുമതലയേറ്റു. തുടർന്നാണ് സുപ്രീം കോടതി ചീഫ് ജസ്റ്റിസ് അടക്കം എട്ടു ജഡ്ജിമാർതക്കെതിരേ കർണൻ കോടതിയലക്ഷ്യ നടപടി ആരംഭിച്ചത്.

താനൊരു ന്യായാധിപനാണെന്നോ ദളിതനാണെന്നോ പരിഗണിക്കാതെയാണു സുപ്രീം കോടതി ചീഫ് ജസ്റ്റിസ് തനിക്കെതിരേ നടപടി ആരംഭിച്ചതെന്നു കർണൻ വ്യക്തമാക്കിയിരുന്നു. തന്റെ ഭാഗം പരിഗണിക്കാതെ ചീഫ് ജസ്റ്റിസ് ഏകപക്ഷീയമായി ഗൂഢാലോചന നടത്തിയെന്നും അപമാനിക്കുന്ന രീതിയിൽ പെരുമാറിയെന്നും കർണൻ ഉത്തരവിൽ പറഞ്ഞിരുന്നു. ഈ സാഹചര്യത്തിൽ തനിക്കെതിരേ ഉത്തരവ് പുറപ്പെടുവിച്ച സുപ്രീം കോടതി ചീഫ് ജസ്റ്റിസ് അടക്കം എട്ടു ജഡ്ജിമാരെ അറസ്റ്റ്ചെയ്യാൻ കർണൻ ഡൽഹി പൊലീസ് കമ്മീഷണർക്ക് ഉത്തരവു നൽകുകയായിരുന്നു. അറസ്റ്റ് വരിക്കില്ലെങ്കിൽ ജഡ്ജിമാർ പാർലമെന്റിനെ സമീപിക്കണമെന്നും അതുവരെ സുപ്രീം കോടതിയിലെ ഒരു കേസും പരിഗണിക്കരുതെന്നും കർണൻ ഉത്തരവിൽ പറഞ്ഞിരുന്നു. ജഡ്ജിമാരുടെ പാസ്പോർട്ടുകൾ പൊലീസിനു കൈമാറണമെന്നും പാർലമെന്റ് തീരുമാനമെടുക്കുന്നതുവരെ ജഡ്ജിമാർ വിദേശത്തേക്കു പോകരുതെന്നും കർണന്റെ ഉത്തരവിലുണ്ടായിരുന്നു.

തന്റെ കൊൽക്കത്തയിലെ വീട്ടിൽ സുപ്രീം കോടതി ചീഫ് ജസ്റ്റിസും മറ്റു ജഡ്ജിമാരും ഹാജരാകണമെന്നും കർണന്റെ ഉത്തരവിൽ പറഞ്ഞിരുന്നു. ഈ ഉത്തരവ് പാലിച്ചില്ലെന്നു കാട്ടി ഇവർക്കെതിരേ പിന്നീട് കർണൻ ജാമ്യമില്ലാ വാറന്റും പുറപ്പെടുവിച്ചു. അതേസമയം, കോടതിയലക്ഷ്യക്കേസിൽ മാർച്ച് മുപ്പത്തൊന്നിനു കർണൻ സുപ്രീം കോടതിയിൽ ഹാജരായിരുന്നു. തന്നെ അപമാനിക്കുന്ന നടപടിയായിരുന്നു ഇതെന്നു കാട്ടിയാണ് സുപ്രീംകോടതി ചീഫ് ജസ്റ്റിസ് അടക്കമുള്ളവർക്കെതിരേ കർണൻ പിന്നീട് ഉത്തരവ് പുറപ്പെടുവിച്ചത്.

ഇതോടെ, കർണന്റെ മാനസിക നില പരിശോധിക്കണമെന്നാവശ്യപ്പെട്ട് സമൻസ് കിട്ടിയ സുപ്രീം കോടതി ജഡ്ജിമാർ രംഗത്തുവന്നിരുന്നു. പരിശോധനയ്ക്കായി മെഡിക്കൽ സംഘം കർണന്റെ വസതിയിൽ എത്തിയെങ്കിലും പരിശോധന നിയമവിരുദ്ധമാണെന്ന് കാട്ടി കർണൻ തിരിച്ചയയ്ക്കുകയായിരുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
സ്വത്തിലെ തർക്കം തുടങ്ങിയത് നടന്റെ വിവാഹ മോചനത്തിന് ശേഷം; ആവശ്യപ്പെട്ടത് സംവിധായക സുഹൃത്തിന്റെ പേരിൽ എല്ലാം തിരികെ എഴുതിക്കാൻ; മുൻ ഭാര്യയ്ക്ക് മാത്രമേ നൽകൂവെന്ന് പറഞ്ഞത് വൈരാഗ്യമുണ്ടാക്കി; പൾസർ സുനിയുടെ വെളിപ്പെടുത്തലുകളുടെ വഴിയേ നടിയുടെ മൊഴിയും; നടിയെ ആക്രമിച്ച കേസ് അന്വേഷണം ബംഗളുരുവിലെ ഭൂമി ഇടപാടുകളിലേക്ക്
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ആൺസുഹൃത്തിനെ മർദ്ദിച്ച് വിരട്ടിയോടിക്കും; പെൺകുട്ടിയെ മലമുകളിലെ രഹസ്യകേന്ദ്രത്തിലെത്തിച്ച് കാമകേളി; എതിർത്താൽ കരണത്തടിയും പീഡനവും; എല്ലാം കഴിഞ്ഞാൽ ഭക്ഷണവും വണ്ടിക്കൂലിയും; ഭൂതത്താൻകെട്ടിലെ ചതിക്കുഴിയിൽ വീഴുന്നതിൽ ഏറെയും കാമുകീകാമുകന്മാർ; എല്ലാം അറിഞ്ഞിട്ടും കണ്ണും കാതും തുറക്കാതെ പൊലീസും വനംവകുപ്പും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
വാടക കൊടുക്കാൻ പോലും എന്റെ കൈയിൽ പണമില്ല; എന്റെ ഭർത്താവിനെ എങ്ങനെ രക്ഷപ്പെടുത്തണമെന്ന് എനിക്കൊരു പിടിയുമില്ല; 21 മാസം മുമ്പ് പൊലീസ് കൊണ്ടു പോയപ്പോൾ മുതൽ തുടരുന്ന കാത്തിരിപ്പ്; ഒരു ബിസിനസ്സിലും ഇന്നേവരെ ഇടപെട്ടിട്ടില്ലാത്ത ഞാനും ഏത് നിമിഷവും ജയിലിലാകും; രണ്ട് കൊല്ലം കൊണ്ട് എല്ലാം നശിച്ച് ആകെ തളർന്നു പോയ അറ്റ്‌ലസ് രാമചന്ദ്രന്റെ ഭാര്യ മനസ്സ് തുറക്കുന്നു
മാതൃഭൂമി കാർട്ടൂണിൽ മുന്തി നിൽക്കുന്നത് കുമ്മനത്തിന്റെ കറുത്ത നിറം; ട്രോളുകളിൽ സൂപ്പർ കറുത്ത നായർ പ്രയോഗം; ഡെക്കാൺ ക്രോണിക്കൾ എഡിറ്റർ കളിയാക്കാൻ ഉപയോഗിച്ചത് നായയോട് ഉപമിച്ച്; പ്രധാനമന്ത്രിക്കൊപ്പം യാത്ര ചെയ്ത കുമ്മനത്തെ പുരോഗമനം നടിക്കുന്നവർ പോലും അധിക്ഷേപിക്കുന്നത് വംശീയ വിദ്വേഷത്തോടെ
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു