1 aed = 17.58 inr 1 eur = 70.41 inr 1 gbp = 82.56 inr 1 kwd = 211.28 inr 1 sar = 17.22 inr 1 usd = 64.32 inr
Apr / 2017
26
Wednesday

ഇടഞ്ഞ കൊമ്പന്റെ കൃഷ്ണമണിക്ക് തോട്ടി കേറ്റി കളിച്ച നടന് പണി കിട്ടുമോ? ആഡംബരം കൂട്ടാൻ ആനകൊമ്പ് വാങ്ങിയത് ഒഴിയാബാധയായി മാറിയ നിരാശയിൽ മോഹൻലാൽ; സിബിഐ അന്വേഷണം ആവശ്യപ്പെട്ട് പുതിയ പരാതി

December 03, 2015 | 11:22 AM | Permalink



സ്വന്തം ലേഖകൻ

കൊച്ചി: സൂപ്പർ താരത്തിന്റെ പത്മഭൂഷൺ സ്വപ്‌നത്തിന് പോലും വിലങ്ങ് തടിയാവുകയാണ് ഒരു ആനക്കൊമ്പ്. പ്രധാനമന്ത്രി നരേന്ദ്ര മോദി അടക്കമുള്ളവർ മോഹൻലാലിനെ അംഗീകരിക്കാനും ആദരിക്കാനും തയ്യാറാണ്. പക്ഷേ ആ ആനക്കൊമ്പ് എല്ലാത്തിനും തടസ്സമാകുന്നു. ഒന്നും ചിന്തിക്കാതെ സ്വന്തം വീട്ടിലെ ആഡംബരക്കൂട്ടാനായി വാങ്ങിയ ആനക്കൊമ്പുകൾ മോഹൻലാലിനെ വിടാതെ പിന്തുടരുകയാണ്. അതിനിടെ തേവരയിലെ വീട്ടിൽനിന്നും ആനക്കൊമ്പുകൾ കണ്ടെത്തിയ സംഭവത്തിൽ മോഹൻലാലിന് എതിരെ സിബിഐ അന്വേഷണം ആവശ്യപ്പെട്ട് ഹർജി. കൊച്ചി സ്വദേശി പൗലോസാണ് ആവശ്യവുമായി ഹൈക്കോടതിയെ സമീപിച്ചത്.

2012 ജൂണിലാണ് ആദായ നികുതി വകുപ്പ് നടത്തിയ റെയ്ഡിൽ മോഹൻലാലിന്റെ തേവരയിലെ വസതിയിൽനിന്നും ആനക്കൊമ്പുകൾ പിടിച്ചെടുത്തത്. നാല് ആനക്കൊമ്പുകളാണ് പിടിച്ചെടുത്തത്. ലൈസൻസില്ലാതെ ആനക്കൊമ്പുകൾ കൈവശം വയ്ക്കുന്നവരെ ഉടൻ അറസ്റ്റ് ചെയ്യണമെന്നാണ് നിയമം. എന്നാൽ മോഹൻലാലിന്റെ കാര്യത്തിൽ ഈ നിയമം പാലിക്കപ്പെട്ടില്ലെന്ന് ഹർജിക്കാരൻ ചൂണ്ടിക്കാണിക്കുന്നു. കേസന്വേഷിച്ച തൃക്കാക്കര അസിസ്റ്റന്റ് കമ്മീഷണർ ബിജോ അലക്‌സാൻണ്ടറും മലയാറ്റൂർ ഡി.എഫ്.ഒയും മോഹൻലാലിന് അനുകൂല നിലപാട് സ്വീകരിക്കുകയായിരുന്നുവെന്നും ആരോപണമുണ്ട്.

ഹൈക്കോടതിയിൽ മൂന്നുവർഷമായി കിടക്കുന്ന കേസാണിത്. ഓരോ സമയത്തും ഓരോരോ കാരണങ്ങൾ പറഞ്ഞു മാറ്റിവയ്ക്കപ്പെടുകയാണ്. പലപ്പോഴും അഡ്വക്കേറ്റ് ജനറലോ മോഹൻലാലിന്റെ വക്കീൽ കെ ദാമോദരനോ കേസുമായി ബന്ധപ്പെട്ട മറ്റുള്ളവരോ ഹാജരാകാതെ നീട്ടിവച്ചിരിക്കുകയായിരുന്നു. ഇതിനെ ഹൈക്കോടതി വിമർശിക്കുകയും ചെയ്തു. ഇനിയിങ്ങനെ പറ്റില്ലെന്നും കേസ്സിൽ അന്തിമ വാദം ഡിസംബർ ഒമ്പതിന് കേൾക്കുമെന്നും കേസുമായി ബന്ധപ്പെട്ട എല്ലാവരും അന്ന് ഹാജരാകണമെന്നും ഇനി ഇതു നീട്ടിക്കൊണ്ടുപോകാൻ പറ്റില്ലെന്നും ജസ്റ്റിസ് രാമകൃഷ്ണന്റെ ബെഞ്ച് നിർദ്ദേശിച്ചു. മോഹൻലാൽ നേരിട്ട് ഹജരാകേണ്ടി വരുമെന്നാണ് സൂചന. ഇതിനിടെയാണ് സിബിഐ അന്വേഷണം ആവശ്യപ്പെട്ടുള്ള ഹർജി

ഓൾ കേരള ആന്റി കറപ്ഷൻ ആൻഡ് ഹ്യൂമൻ റൈറ്റ്‌സ് പ്രൊട്ടക്ഷൻ കൗൺസിൽ സംസ്ഥാന പ്രസിഡന്റ് ഐസക് വർഗീസാണ് ഹൈക്കോടതിയിൽ മോഹൻലാലിനെതിരെ കേസ് നൽകിയിട്ടുള്ളത്. ആനക്കൊമ്പ് കേസ് നിലവിലുള്ളതു കൊണ്ട് സർക്കാർ ശ്രമിച്ചിട്ടും പത്മഭൂഷൺ പട്ടികയിൽനിന്ന് മോഹൻലാൽ പുറത്താവുകയും ചെയ്തിട്ടുണ്ട്. 2012 ൽ ആദായ വകുപ്പ് അധികൃതർ മോഹൻലാലിന്റെ തേവരയിലുള്ള വിസ്മയ എന്ന വീട് റെയ്ഡ് നടത്തിയപ്പോൾ, അനധികൃതമായി സൂക്ഷിച്ചിരുന്ന നാല് ആനക്കൊമ്പുകൾ പിടിച്ചെടുത്തിരുന്നു. വനം വകുപ്പിന്റെ അനുമതിയോ പ്രത്യേക ലൈസൻസുകളോ ഇല്ലാതെ ആനക്കൊമ്പ് കൈവശം വച്ചത് പിടികൂടിയാൽ ജാമ്യമില്ലാത്ത വകുപ്പ് പ്രകാരം ഉടൻ അറസ്റ്റ് ചെയ്യേണ്ടതും കൊമ്പുകൾ പിടിച്ചെടുക്കേണ്ടതുമാണ്.

മൂന്ന് വർഷം മുതൽ 7 വർഷം വരെ ശിക്ഷ ലഭിക്കുന്ന കുറ്റം കൂടിയാണത്. എന്നാൽ പ്രതി മോഹൻലാൽ ആയതിനാൽ അറസ്റ്റ് ചെയ്തില്ലെന്നു മാത്രമല്ല, ആനക്കൊമ്പ് മോഹൻലാലിന്റെ വീട്ടിൽ തന്നെ സൂക്ഷിക്കാൻ വനം വകുപ്പ് അനുമതി കൊടുക്കുകയും ചെയ്തു. മോഹൻലാലിനെതിരെ കേസ് നടക്കുമ്പോഴും തൊണ്ടി മുതൽ വനം വകുപ്പിന്റെ നിർദ്ദേശപ്രകാരം പ്രതിയുടെ വീട്ടിൽ തന്നെ സൂക്ഷിക്കുകയായിരുന്നു. എറണാകുളം ജില്ലയിലെ പോളനാട് റെയ്ഞ്ച് ഓഫീസിൽ മോഹൻലാലിനെതിരെ ഒആർ 14/2012 ആയി കേസ് നിലവിലുണ്ട്. തൃശൂരിലും, ചെന്നൈയിലും ഉള്ള സ്വകാര്യവ്യക്തികളിൽ നിന്നാണ് ആനക്കൊമ്പുകൾ വാങ്ങിയതെന്നും അവർക്ക് ആനക്കൊമ്പ് സൂക്ഷിക്കാൻ ലൈസൻസ് ഉണ്ടായിരുന്നുവെന്നുമാണ് മോഹൻലാൽ പറഞ്ഞത്.

പക്ഷെ രണ്ട് ആനക്കൊമ്പുകൾ മോഹൻലാൽ ഷൂട്ടിംഗിനായി വന്നപ്പോൾ ഒറ്റപ്പാലത്തെ ഒരു വീട്ടിൽ നിന്ന് വാങ്ങിയതാണെന്നും സൂചനയുണ്ടായിരുന്നു. എന്നാൽ ലൈസൻസുള്ളവരിൽ നിന്നോ സർക്കാരിൽ നിന്നോ വാങ്ങിയാലും ലൈസൻസ് ഇല്ലാതെ ആനക്കൊമ്പ് കൈവശം വച്ചാൽ ജാമ്യമില്ലാത്ത വകുപ്പ് പ്രകാരമുള്ള അറസ്റ്റോ മറ്റുനടപടികളോയെടുക്കണമെന്നിരിക്കെ, മോഹൻലാലിന്റെ കാര്യത്തിൽ അതൊന്നുമുണ്ടായില്ലെന്നും കേസിൽ പ്രതിയായ മോഹൻലാലിന്റെ വീട്ടിൽ സൂക്ഷിച്ചിട്ടുള്ള ആനക്കൊമ്പുകൾ പിടിച്ചെടുക്കണമെന്നും, ആനക്കൊമ്പ് എവിടെ നിന്നു കിട്ടി തുടങ്ങിയ കാര്യങ്ങൾ അന്വേഷിക്കണമെന്നുമാണ് ഓൾ കേരള ആന്റി കറപ്ഷൻ ആൻഡ് ഹുമൻ റൈറ്റ്‌സ് പ്രൊട്ടക്ഷൻ കൗൺസിൽ ആവശ്യപ്പെടുന്നത്.

കേസിലെ തൊണ്ടി മുതലായ യഥാർത്ഥ ആനക്കൊമ്പുകൾ മോഹൻലാൽ വീട്ടിൽ നിന്ന് മാറ്റി വനം വകുപ്പ് പിടിച്ചെടുത്തത് മെഴുകിന്റേയോ പ്ലാസ്റ്റിക്കിന്റേയോ കൊമ്പാണെന്ന് പറഞ്ഞാൽ കേസ് എന്തായി തീരുമെന്നും സംഘടന ചോദിക്കുന്നു. എന്നാൽ ഇതു സംബന്ധിച്ച് കൃത്യമായ രേഖകൾ സൂക്ഷിക്കുന്നുണ്ടെന്നാണ് വനംവകുപ്പിന്റെ അവകാശ വാദം. ഇതിനെതിരെ ഓൾ കേരള ആന്റി കറപ്ഷൻ ആൻഡ് ഹുമൻ റൈറ്റ്‌സ് പ്രൊട്ടക്ഷൻ കൗൺസിൽ പെരുമ്പാവൂർ മജിസ്‌ട്രേറ്റ് കോടതിയിൽ ഹർജി കൊടുത്തെങ്കിലും മൂന്ന് വർഷം മുമ്പ് തള്ളിയിരുന്നു. വനം വകുപ്പും മോഹൻലാലും തമ്മിലുള്ള കേസിൽ എന്തു തന്നെയായാലും മൂന്നാമതൊരാൾക്ക് ഇടപെടേണ്ട കാര്യമില്ലെന്നും ഇതിൽ പൊതുതാൽപ്പര്യ ഹർജി നിലനിൽക്കില്ലെന്നും പറഞ്ഞാണ് കോടതി കേസ് തള്ളിയത്. ഇതിനെതിരെയാണ് ഹൈക്കോടതിയെ സമീപിച്ചത്.

കേസിൽ മോഹൻലാൽ അകപ്പെട്ടപ്പോൾ അന്നത്തെ വനം, സിനിമ മന്ത്രിയായിരുന്ന കെ.ബി.ഗണേശ്കുമാർ മോഹൻലാലിനെ രക്ഷിക്കാൻ പുറത്തിറങ്ങിയിരുന്നു. ലൈസൻസില്ലാത്ത ആനക്കൊമ്പുകൾ സ്വയമേവ വനംവകുപ്പിൽ സറണ്ടർ ചെയ്താൽ കേസ് എടുക്കില്ല എന്നൊരു നിയമം കൊണ്ടു വരാനായിരുന്നു ശ്രമിച്ചത്. സംസ്ഥാനത്തിന് മാത്രം ഇത്തരമൊരു നിയമം കൊണ്ടുവരാൻ കഴിയാത്തതിനാൽ ഇതിന്റെ ബിൽ അന്നത്തെ കേന്ദ്ര വൈൽഡ് ലൈഫ് മന്ത്രി ജയന്തി നടേശന് അയച്ചു കൊടുത്തിരുന്നു. അവർ ആ നിർദ്ദേശം തള്ളിയതിനാൽ നിയമം കൊണ്ടുവരാൻ കഴിഞ്ഞില്ല.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
പിണറായി മുഖ്യമന്ത്രിയായ ശേഷമാണോ ഈ കുരുപൊട്ടൽ തുടങ്ങിയത്? കുരു വളർത്തുന്നത് കുമ്മനമോ ചെന്നിത്തലയോ? മാതൃഭൂമി അവതാരകൻ വേണുവിനെതിരെ മുഖ്യമന്ത്രിയുടെ സ്റ്റാഫ് അംഗത്തിന്റെ കളിയാക്കൽ വീഡിയോ; പ്രചരിപ്പിച്ചത് മന്ത്രി കടകംപള്ളിയുടെ ഔദ്യോഗിക വാട്‌സ്ആപ്പ് ഗ്രൂപ്പിലൂടെ; ട്രോളർമാർക്കെതിരെ കേസെടുക്കുന്നവർ ഇതു കാണുന്നുണ്ടോ?
മൂന്ന് പെൺമക്കളോടൊപ്പം തീവണ്ടിക്ക് മുന്നിൽ ചാടി ജീവിതം അവസാനിപ്പിക്കേണ്ടി വന്നത് ഇഷ്ടപ്പെട്ട ആളോടൊപ്പം ജീവിക്കാൻ ഇറങ്ങിയ റജീനയായിരുന്ന ഭാവന; രാജേഷ് റെജീനയുമായി അടുത്തത് മുസ്ലിംമാണെന്ന് പറഞ്ഞ്; കാമുകന് വേണ്ടി മതംമാറിയപ്പോൾ സ്വന്തം വീട്ടുകാരും കൈവിട്ടു: മരണത്തിൽ അന്വേഷണം ആവശ്യപ്പെട്ട് ബന്ധുക്കളുടെ പരാതി
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
കേഡൽ ജിൻസൺ രാജയുടെ 'അന്ന്യൻ' കളിയുടെ ഉദ്ദേശ്യമെന്ത്? ജയിൽ ഉദ്യോഗസ്ഥനെ ആക്രമിച്ച് ഊളമ്പാറയിലെത്തിയ കേഡലിന്റെ ഉദ്ദേശ്യം ശിക്ഷയിൽ നിന്നും രക്ഷപെടലും സ്വത്ത് സംരക്ഷിക്കലുമെന്ന് പൊലീസ് നിഗമനം; സാത്താൻ സേവക്കാരനായ കൊടുംകുറ്റവാളിയുടെ പണം വേണ്ടെന്ന് പറഞ്ഞ് വക്കാലത്ത് ഏറ്റെടുക്കാൻ മടിച്ച് അഭിഭാഷകരും
തെരഞ്ഞെടുപ്പുകളിൽ എല്ലാം ലഭിക്കുന്ന ഉഗ്രൻ വിജയം ബിജെപിയുടെ ആത്മവിശ്വാസം ഇരട്ടിപ്പിച്ചു; ആക്കൗണ്ട് തുറക്കാത്ത സംസ്ഥാനങ്ങൾക്ക് വേണ്ടി പ്രത്യേക പാക്കേജ്; ഡൽഹി കൂടി ഉറപ്പിച്ചതോടെ രാഷ്ട്രപതി തെരഞ്ഞെടുപ്പിൽ ഒരു വിട്ടുവീഴ്ചയും വേണ്ടെന്ന നിലപാട് കർശനമായി; മോഹൻ ഭാഗവതിനെ പ്രസിഡന്റാക്കാൻ ആർ എസ് എസും സജീവം
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ജനറൽ കമ്പാർട്ട്‌മെന്റിൽ പെൺകുട്ടി ഒറ്റയ്ക്കാണെന്നു കണ്ടപ്പോൾ അവനു വികാരം ഉണർന്നു; ലിംഗം പുറത്തെടുത്തു പരസ്യമായി സ്വയംഭോഗം ചെയത ഞെരമ്പുരോഗിക്ക് പെൺകുട്ടി കൊടുത്ത് എട്ടിന്റെ പണി; മൊബൈലിൽ റിക്കാർഡ് ചെയ്തു വാട്‌സാപ്പിൽ ഇട്ട വീഡിയോ വൈറൽ; ആപത്ഘട്ടത്തിൽ ബുദ്ധിയും ധൈര്യവും കൈവിടാത്ത പെൺകുട്ടിക്ക് സോഷ്യൽ മീഡിയയിൽ കൈയടി
ശ്രീറാം പൊളിച്ചത് കുരിശ് നാട്ടിയും ഷെഡ് കെട്ടിയും മതവികാരം ഇളക്കി സർക്കാർ ഭൂമി സ്വന്തമാക്കാനുള്ള ശ്രമം; പൊളിക്കുന്നതിനെ എതിർത്ത കളക്ടറെ പോലും നിശബ്ദനാക്കിയത് യുവ ഐഎഎസുകാരന്റെ നിശ്ചയദാർഢ്യം; കത്തോലിക്കാ സഭയിൽ നിന്നും പുറത്താക്കിയ പ്രത്യേക ക്രിസ്ത്യൻ വിഭാഗം ആത്മീയ ടൂറിസത്തിന്റെ പേരിൽ പിടിച്ചെടുക്കാൻ ശ്രമിച്ചത് രണ്ടായിരത്തോളം ഏക്കർ ഭൂമി
കർത്താവ് ഇറങ്ങി വന്ന് വിട്ടു പോകാതെകൂടി വെളിപാടുകൾ നൽകുന്ന സ്വർഗ്ഗത്തിലെ മുത്ത് എന്ന് വിളിക്കുന്ന സിന്ധു ആത്മീയ മുഖം; സൂര്യനെല്ലിയിൽ തുടങ്ങി പൂനയിൽ ദേശീയ ആസ്ഥാനവും ഇംഗ്ലണ്ടിൽ അന്തർദേശീയ കേന്ദ്രവും സ്ഥാപിച്ച് കത്തോലിക്കാ വിശ്വാസികളെ കൂടെ കൂട്ടി; കുരിശ് സ്ഥാപിച്ചും പള്ളിപണിതും പാപ്പാത്തിച്ചോല പിടിച്ചെടുക്കാൻ ശ്രമിച്ച് കേസിൽ കുടുങ്ങിയ സ്പിരിറ്റ് ഇൻ ജീസസിന്റെ കഥ
ശബരിമലയിൽ യുവതികളെ തന്ത്രപരമായി ദർശനത്തിന് എത്തിച്ച് ആചാരലംഘനം; ദർശന ദല്ലാളായ സുനിൽസ്വാമി സന്നിധാനത്ത് ഏർപ്പാടുകൾ ചെയ്തു കൊടുത്തപ്പോൾ ഒത്താശചെയ്ത് ദേവസ്വം ബോർഡും പൊലീസും; ദർശനത്തിന് എത്തിയത് പാലക്കാട്ടുനിന്നുള്ള യുവതികളെന്ന് സൂചനകൾ; യുവതീ ദർശനം പുറത്തായതോടെ എതിർപ്പുമായി ആർഎസ്എസ് നേതാവ് ടിജി മോഹൻദാസിന്റെ ട്വീറ്റ്
മാതൃഭൂമി ന്യൂസിലെ വേണുവിന്റെ തൊഴിൽ ഊത്തെന്ന് നടൻ ദിലീപ്! ഇദ്ദേഹത്തിന് പല കുടുംബങ്ങൾ നോക്കേണ്ടതുണ്ട്; വേണുവിനെകുറിച്ച് ഒരു സിനിമയെടുക്കാനുള്ള വിവരങ്ങൾ കൈയിലുണ്ട്; ലിബർട്ടി ബഷീർ ഒരേ സമയം മൂന്നു ഭാര്യമാരെ കൈവശം വെച്ചിരിക്കുന്നയാൾ; പല്ലിശ്ശേരി കോമാളിയും പണം വാങ്ങി എഴുതുന്നവനും; വിമർശകർക്കെതിരെ ആഞ്ഞടിച്ച് ദിലീപ് രംഗത്ത്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ഇയാൾ ആര്...? സത്യജിത് റായിയോ അമിതാഭ് ബച്ചനോ അല്ലെങ്കിൽ മമ്മൂട്ടിയോ, മോഹൻലാലോ? മഞ്ജു വാര്യരെ ഇപ്പോഴും പീഡിപ്പിക്കുന്നു; നടിയെ ആക്രമിച്ച കേസിൽ പെട്ട ബ്യൂട്ടീഷ്യനും കാവ്യയുമായുള്ള ബന്ധത്തെക്കുറിച്ചും അറിയാം; ആയിരം കുറുക്കന്മാരുടെ കൗശലവുമായി ചിരിച്ചു കൊണ്ട് കഴുത്തറക്കുന്ന സൈലന്റ് പ്രതികാരി; ദിലീപിനെതിരെ ഇനി നിയമനടപടി; ആരോപണങ്ങളിൽ പല്ലിശേരി മറുനാടനോട് മനസ്സ് തുറക്കുന്നു
മന്ത്രി മന്ദിരത്തിൽ എത്തിയപ്പോൾ കണ്ടത് കസേരയിൽ ഇരുന്ന് കാലുകൾ ടിപോയിൽ കയറ്റി വച്ചിരിക്കുന്ന മന്ത്രിയെ; സുന്ദരിക്കുട്ടിക്ക് സർക്കാർ ഉദ്യോഗം നൽകാമെന്ന് പറഞ്ഞ് ചോദിച്ചത് ഒന്ന് കെട്ടിപിടിച്ചോട്ടേയെന്നും; മുണ്ടഴിച്ചപ്പോൾ മുറിയിൽ നിന്ന് ഇറങ്ങിയോടി; ശശീന്ദ്രനെതിരെ മംഗളം റിപ്പോർട്ടർ കോടതിയിൽ നൽകിയ പരാതി ഇങ്ങനെ
തിരുവനന്തപുരത്ത് ഉപതെരഞ്ഞെടുപ്പിന് തയ്യാറെടുക്കാൻ കുമ്മനത്തിന് അമിത് ഷായുടെ നിർദ്ദേശം; കുമ്മനവും സുരേഷ് ഗോപിയും രാജീവ് ചന്ദ്രശേഖറും വി മുരളീധരനും വിവി രാജേഷും ബിജെപിയുടെ സാധ്യതാ സ്ഥാനാർത്ഥി പട്ടികയിൽ; തരൂരിനെ ഉപരാഷ്ട്രപതിയാക്കാനുള്ള തന്ത്രം തിരിച്ചറിഞ്ഞ് നീക്കങ്ങളുമായി കോൺഗ്രസും; മത്സരിക്കാൻ സുധീരൻ എത്തുമോ?