മാണിയെ കൂടെ നിർത്താൻ കുഞ്ഞാലിക്കുട്ടിയെയും കൂടെകൂട്ടി കോൺഗ്രസ് ദൗത്യസംഘം; ബാർ കോഴയിൽ ...

മാണിയെ കൂടെ നിർത്താൻ കുഞ്ഞാലിക്കുട്ടിയെയും കൂടെകൂട്ടി കോൺഗ്രസ് ദൗത്യസംഘം; ബാർ കോഴയിൽ കുടുക്കിയെന്ന പരിഭവം മാറ്റാൻ കൂടെ ചെന്ന് ചെന്നിത്തലയും; ചെങ്ങന്നൂരിൽ മനസ്സുതുറക്കാതെ മാണി തുടരുമ്പോഴും പ്രതീക്ഷ കൈവിടാതെ യുഡിഎഫ് നേതൃത്വം

May 21, 201805:00 PM IST Permalink

കോട്ടയം: ചെങ്ങന്നൂർ ഉപതിരഞ്ഞെടുപ്പിൽ മാണി കോൺഗ്രസിന്റെ വോട്ട് യുഡിഎഫിന് ഉറപ്പിക്കാൻ യുഡിഎഫ് നേതാക്കൾ ഒരുമിച്ച് കെഎം മാണിയെ അദ്ദേഹത്തിന്റെ വീട്ടിലെത്തി സന്ദർശിച്ചു. ഉമ്മൻ ചാണ്ടി, രമേശ് ചെന്നിത്തല, കുഞ്ഞാലിക്കുട്ടി, എംഎം ഹസൻ എന്നിവരാണ് മാണിയെ സന്ദർശിക്കാൻ എത്തിയത്.

മാണി വിഭാഗത്തിന്റെ വോട്ട് ചെങ്ങന്നൂർ ഉപതിരഞ്ഞെടുപ്പിൽ യുഡിഎഫിന് തന്നെയെന്ന് ഉറപ്പിക്കാനാണ് സന്ദർശനം. മാണി ഇക്കാര്യത്തിൽ ഇതുവരെ മനസ്സുതുറന്നിട്ടില്ല. ഇടതുപക്ഷത്തിനൊപ്പം ചേരുമെന്നും മനസ്സാക്ഷി വോട്ടിന് നിർദ്ദേശം നൽകുമെന്നുമുള്ള സാധ്യതകൾ സജീവമായി ചർച്ചയാകുന്നതിനിടെയാണ് മാണിയെ സന്ദർശിക്കാൻ യുഡിഎഫ് നേതാക്കൾ ഒരുമിച്ചെത്തുന്നത്.

പാലായിൽ മാണിയുടെ വസതിയിൽ എത്തിയാവും കൂടിക്കാഴ്ച. കുഞ്ഞാലിക്കുട്ടിക്കായിരിക്കും അനുനയ ശ്രമങ്ങളുടെ നേതൃത്വം എന്നാണ് സൂചന. ഇ അഹമ്മദിന്റെ നിര്യാണത്തെ തുടർന്ന് മലപ്പുറത്ത് ഉപതിരഞ്ഞെടുപ്പ് നടന്നപ്പോൾ ലീഗിന് മാണി പിന്തുണ അറിയിച്ചിരുന്നു.

സമാന രീതിയിൽ ചെങ്ങന്നൂരും യുഡിഎഫിനെ പിന്തുണയ്ക്കണമെന്ന നിർദേശമാകും മുന്നോട്ടുവയ്ക്കുകയെന്നാണ് സൂചന. അതേസമയം, ബാർകോഴ കേസിൽ തന്നെ കുടുക്കിയതിൽ ചെന്നിത്തലയോടുള്ള നീരസം പല സന്ദർഭങ്ങളിലും മാണി തുറന്നുപറഞ്ഞിരുന്നു. ഈ സാഹചര്യത്തിലാണ് ചെന്നിത്തലയെ കൂടി ഉൾപ്പെടുത്തി യുഡിഎഫിലെ മുതിർന്ന നേതാക്കൾ മാണിയെ കാണാൻ എത്തുന്നത്.

ഇത്തരത്തിൽ ഒരു സന്ദർശനത്തിന്റെ വിവരം പുറത്തുവന്നതോടെതെന്ന മാണി കോൺഗ്രസിന്റെ പിന്തുണ യുഡിഎഫിന് ആണെന്ന മട്ടിൽ പ്രചരണങ്ങളും സജീവമാകുകയാണ്.

ചെങ്ങന്നൂരിൽ പ്രചരണം അന്തിമ ഘട്ടത്തിലേക്ക് അടുക്കുന്ന സാഹചര്യത്തിൽ കേരള കോൺഗ്രസ് മാണി വിഭാഗം അന്തിമതീരുമാനം പ്രഖ്യാപിച്ചാൽ അത് വലിയ പ്രതിഫലനം പോളിംഗിൽ ഉണ്ടാക്കുമെന്ന് യുഡിഎഫ് കരുതുന്നു. ഇതിനായാണ് ഇത്തരമൊരു നീക്കം കോൺഗ്രസ് ലീഗ് ദൗത്യമെന്ന നിലയിൽ കൈകാര്യം ചെയ്യുന്നത്. മാണിയുമായി ഏറ്റവും അടുപ്പമുള്ള യുഡിഎഫ് ഘടകകക്ഷി നേതാവാണ് കുഞ്ഞാലിക്കുട്ടി. അതിനാൽ കുഞ്ഞാലിക്കുട്ടിയെ ഉപയോഗിച്ച് മാണിയെ കൂടെ നിർത്താൻ കഴിയുമോ എന്ന അവസാന വട്ട ശ്രമമാണ് കോൺഗ്രസ് നടത്തുന്നത്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

കണ്ണൂർ നഗരത്തിൽ നിർത്തിയിട്ട ടൂറിസ്റ്റ് ബസിന് പുറകിൽ ബൈക്ക് ഇടിച്ച് യുവാവ് മരിച്ചു

കെ.സുധാകരൻ അഞ്ചുവർഷം പാഴാക്കിയ എംപിയെന്ന് പി.കെ ശ്രീമതി

ബിജെപിയെ സഹായിക്കുന്ന രാഹുൽഗാന്ധിയുടെ പ്രസ്താവന തിരുത്താൻ മല്ലികാർജ്ജുന ഖാർഗെ ഇടപെടണമെന്ന് സി.പി. എം

MNM Recommends +