ചുംബനസമരത്തെ പ്രതിരോധിച്ചു വാർത്തകളിൽ ഇടംപിടിച്ചു; നാലാൾ കേട്ടാൽ പേടിക്കുന്ന പേരായപ്പ...

ചുംബനസമരത്തെ പ്രതിരോധിച്ചു വാർത്തകളിൽ ഇടംപിടിച്ചു; നാലാൾ കേട്ടാൽ പേടിക്കുന്ന പേരായപ്പോൾ ഗുണ്ടാപ്പിരിവു നടത്തി ഉപജീവനം: കോഴിക്കോട്ടെ ഹനുമാൻസേന പ്രവർത്തകർ അകത്തായതിങ്ങനെ

May 30, 201609:58 AM IST Permalink

കോഴിക്കോട്: ചുംബനസമരം വാർത്തയായപ്പോഴാണു ഹനുമാൻസേന എന്ന പേരു കേരളം കേൾക്കുന്നത്. ചുംബനസമരം ശക്തമായതോടെ പ്രതിഷേധക്കാരെന്ന നിലയിൽ ഹനുമാൻസേനക്കാരും വാർത്തകളുടെ ഭാഗമായി.

നാലാൾ കേട്ടാൽ അറിയാവുന്ന നിലയിൽ എത്തിയപ്പോൾ പിന്നെ ഉപജീവനത്തിനും ആ വഴി തെരഞ്ഞെടുത്തിരിക്കുകയാണു ഹനുമാൻസേനക്കാർ. ഗുണ്ടാപ്പിരിവു നടത്തിയ നാലു ഹനുമാൻസേന പ്രവർത്തകർ കഴിഞ്ഞ ദിവസം പിടിയിലാകുകയും ചെയ്തു.

ഹനുമാൻസേന ജില്ലാ സെക്രട്ടറി ബേപ്പൂർ കരുവന്തറ ദിജിൽദാസ് (27), നോർത് ബേപ്പൂർ കച്ചാട്ട് വീട്ടിൽ വിബീഷ് (27), നടുവട്ടം സ്വദേശി തേറമ്പാട്ടിൽ അനൂപ് (24), ഗുരുവായൂരപ്പൻ കോളജിനു സമീപത്തുള്ള നരീക്കരവീട്ടിൽ ബൈജു (36) എന്നിവരെയാണ് പൊലീസ് അറസ്റ്റ് ചെയ്തത്. പ്രതികളെ ജുഡീഷ്യൽ മജിസ്‌ട്രേറ്റ് കോടതി (അഞ്ച്) റിമാൻഡ് ചെയ്തു.

24നും 26നുമാണ് കേസിനാസ്പദമായ സംഭവം. പാലാഴി ഹൈലൈറ്റ് മാളിനോടനുബന്ധമായി നിർമ്മാണം നടക്കുന്ന സ്ഥലത്ത് ഗുണ്ടാപ്പിരിവ് നടത്തിയതിനെ തുടർന്നാണ് പ്രതികളെ പിടികൂടിയത്. നിർമ്മാണം നടക്കുന്ന സ്ഥലത്ത് 24ന് എത്തി 50,000 രൂപ കരാറുകാരനിൽനിന്ന് ആവശ്യപ്പെടുകയായിരുന്നു.

രണ്ടുദിവസം കഴിഞ്ഞ വീണ്ടുമെത്തി ലക്ഷം രൂപ ആവശ്യപ്പെട്ടു. പണം നൽകിയില്ലെങ്കിൽ നിർമ്മാണം തടസ്സപ്പെടുത്തുമെന്നുപറഞ്ഞ് കരാറുകാരനെ ഭീഷണിപ്പെടുത്തി. ഇതത്തേുടർന്നാണ് കരാറുകാരനായ ചാലിയം സ്വദേശി അബ്ദുൽ നാസർ നല്ലളം പൊലീസിൽ പരാതി നൽകിയത്.

എന്നാൽ, ഗുണ്ടാപ്പിരിവ് വാങ്ങിയെന്നാരോപിച്ച് നാലു ഹനുമാൻസേന പ്രവർത്തകരെ അറസ്റ്റ് ചെയ്ത സംഭവം വ്യാജമാണെന്നാണ് ഹനുമാൻസേന ചെയർമാന്റെ വാദം. സംസ്ഥാന പൊലീസ് കംപ്‌ളയ്ന്റ് അഥോറിറ്റിക്കും മുഖ്യമന്ത്രിക്കും ഇക്കാര്യത്തിൽ പരാതി നൽകുമെന്നും ഹനുമാൻസേന നേതാക്കൾ പറയുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +

തിരഞ്ഞെടുപ്പ്: ബുധനാഴ്ച വൈകിട്ട് 6 മണി മുതൽ മദ്യവിൽപ്പന ശാലകൾക്ക് അവധി; വോട്ടെണ്ണൽ നടക്കുന്ന ജൂൺ നാലിനും അവധി