Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം വാർത്ത കേരളം

അബ്ദുൾ കലാമിന് ആദരവർപ്പിച്ച് അധിക സമയം ജോലി ചെയ്ത് തൊഴിലാളികൾ; അവധി ദിനമായ ഞായറാഴ്ച ഓഫീസ് പ്രവർത്തിപ്പിക്കുമെന്ന് പാലക്കാട് നഗരസഭയും കാസർകോട്ടെ പഞ്ചായത്ത് ഓഫീസുകളും

July 28, 201508:50 PM IST Permalink
അബ്ദുൾ കലാമിന് ആദരവർപ്പിച്ച് അധിക സമയം ജോലി ചെയ്ത് തൊഴിലാളികൾ; അവധി ദിനമായ ഞായറാഴ്ച ഓഫീസ് പ്രവർത്തിപ്പിക്കുമെന്ന് പാലക്കാട് നഗരസഭയും കാസർകോട്ടെ പഞ്ചായത്ത് ഓഫീസുകളും

തിരുവനന്തപുരം: താൻ മരിച്ചാൽ അവധി കൊടുക്കരുതെന്നും പകരം കൂടുതൽ ജോലി ചെയ്തുവേണം തന്നോടുള്ള ആദരവ് പ്രകടിപ്പിക്കാനുമെന്ന എ പി ജെ അബ്ദുൾ കലാമിന്റെ വാക്കുകൾ ശിരസാവഹിക്കാൻ കൊച്ചുകേരളം. കലാമിനോട് ആദരവ് അർപ്പിച്ച് കൂടുതൽ സമയം ജോലി ചെയ്യാനൊരുങ്ങുകയാണ് കേരളത്തിലെ വിവിധ ഓഫീസുകളും ജീവനക്കാരും.

ഇന്നുതന്നെ കേരളത്തിനകത്തും പുറത്തുമുള്ള വിവിധ മേഖലകളിലെ തൊഴിലാളികൾ അധികസമയം ജോലി ചെയ്തു ആദരവ് പ്രകടിപ്പിച്ചു. തുടർന്നുള്ള ദിവസങ്ങളിലും അധികസമയം ജോലി ചെയ്യാനാണ് ചിലരുടെ തീരുമാനം. സർക്കാർ ഉദ്യോഗസ്ഥർ, ഐടി ജീവനക്കാർ, അദ്ധ്യാപകർ എന്നിവരെല്ലാം കലാം സാറിനു ആദരസൂചകമായി മണിക്കൂറുകളോളം അധികസമയം ജോലി ചെയ്തു.

പാലക്കാട് നഗരസഭയും കാസർകോട് ജില്ലയിലെ പഞ്ചായത്ത് ഓഫീസുകളുമെല്ലാം അവധിദിനമായ ഓഗസ്റ്റ് രണ്ട് ഞായറാഴ്ച പ്രവൃത്തി ദിവസമാക്കാൻ തീരുമാനിച്ചിട്ടുണ്ട്. സാധാരണ പ്രവൃത്തി ദിവസങ്ങളിൽ ലഭിക്കുന്ന എല്ലാ സേവനങ്ങളും അന്നു നഗരസഭയിൽ നിന്നു ലഭിക്കുമെന്ന് പാലക്കാട് നഗരസഭാ ചെയർമാൻ പി വി രാജേഷ് അറിയിച്ചു. അത്യാവശ്യ സന്ദർഭങ്ങളിലല്ലാതെ ആരും അവധിയെടുക്കില്ല. ജനപ്രതിനിധികളും നഗരസഭയിലെത്തും. കലാമിന്റെ ഉപദേശം അനുസരിച്ചാണു നടപടി. ജീവനക്കാരുടെ സംഘടനകളുമായി ചർച്ച ചെയ്തപ്പോൾ അവരും തീരുമാനത്തിനു പൂർണ പിന്തുണ അറിയിച്ചതായാണ് ചെയർമാൻ പറയുന്നത്.

വനിതാ വികസന കോർപ്പറേഷനിലെ (കെഎസ് ഡബ്ല്യുഡിസി) ജീവനക്കാരും അടുത്ത ഞായറാഴ്ച ജോലി ചെയ്യും. ജീവനക്കാരുമായി ചർച്ച നടത്തിയതിനു ശേഷമാണ് ഓഗസ്റ്റ് രണ്ടിന് അവധി ദിവസം ജോലി ചെയ്യുമെന്ന് പ്രഖ്യാപിച്ചത്. കോർപ്പറേഷനു കീഴിലുള്ള കേരളത്തിലെ എല്ലാ ഓഫീസുകൾക്കും ഞായറാഴ്ച പ്രവർത്തി ദിനമായിരിക്കുമെന്ന് ചെയർപേഴ്‌സൺ പി കുൽസു അറിയിച്ചു.

പുന്നപ്ര വടക്കു പഞ്ചായത്തിൽ ജീവനക്കാർ ഇന്ന് രാത്രി ഏഴുവരെ ജോലി ചെയ്തു. കല്ലേറ്റുംകര റയിൽവേ സ്റ്റേഷനിലെ ടിക്കറ്റ് റിസർവേഷൻ കൗണ്ടർ ഒരു ഷിഫ്റ്റ് അധികം പ്രവർത്തിപ്പിക്കുകയും ചെയ്തു. ചില ഐടി കമ്പനികളിലെ ജീവനക്കാരും അധികസമയം ജോലി ചെയ്യാൻ തയ്യാറായി മുന്നോട്ടുവന്നിട്ടുണ്ട്. കലാമിനോടുള്ള ആദരസൂചകമായി അധികസമയം ജോലി ചെയ്യാൻ സോഷ്യൽ മീഡിയയും ആഹ്വാനം ചെയ്യുന്നുണ്ട്.

അവധിക്കു പകരം ജോലി ചെയ്യണമെന്നു ആവശ്യപ്പെട്ട കലാമിന്റെ വാക്കുകൾക്ക് വില കൽപിച്ച്, നേരത്തെ പ്രഖ്യാപിച്ച അവധി കേരളം പിൻവലിച്ചിരുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP