Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202419Friday
ഹോം വാർത്ത കേരളം

'കേന്ദ്രസർക്കാരിന്റെ ഓഹരി വിറ്റഴിക്കൽ നയത്തിന്റെ ഭാഗമായി 2002ലാണ് കോവളം ഹോട്ടൽ വിൽപന നടന്നത്; പൊതുമേഖലാ സ്ഥാപനങ്ങളും പൈതൃക സ്മാരകങ്ങളും കച്ചവടം ചെയ്യുന്നതിന് എന്നും സിപിഎം എതിരാണ്'; കോവളം കൊട്ടാരം സ്വകാര്യ കമ്പനിക്കു വിറ്റതിനു പിന്നിലും കേന്ദ്രസർക്കാരാണെന്ന വാദവുമായി മന്ത്രി തോമസ് ഐസക്

May 01, 201808:53 PM IST Permalink
'കേന്ദ്രസർക്കാരിന്റെ ഓഹരി വിറ്റഴിക്കൽ നയത്തിന്റെ ഭാഗമായി 2002ലാണ് കോവളം ഹോട്ടൽ വിൽപന നടന്നത്; പൊതുമേഖലാ സ്ഥാപനങ്ങളും പൈതൃക സ്മാരകങ്ങളും കച്ചവടം ചെയ്യുന്നതിന് എന്നും സിപിഎം എതിരാണ്'; കോവളം കൊട്ടാരം സ്വകാര്യ കമ്പനിക്കു വിറ്റതിനു പിന്നിലും കേന്ദ്രസർക്കാരാണെന്ന വാദവുമായി മന്ത്രി തോമസ് ഐസക്

മറുനാടൻ മലയാളി ബ്യൂറോ

തിരുവനന്തപുരം: കോവളം കൊട്ടാരം വിൽപനയുമായി ബന്ധപ്പെട്ടു സംസ്ഥാന സർക്കാരിനെ സമൂഹമാധ്യമങ്ങളിൽ വിമർശിക്കുന്നവർക്കു മറുപടിയുമായി ധനമന്ത്രി തോമസ് ഐസക്. ഡൽഹിയിലെ ചെങ്കോട്ട കേന്ദ്രസർക്കാർ സ്വകാര്യ കമ്പനിക്കു പാട്ടത്തിനു കൊടുത്തതിനെതിരെ വിമർശനമുയർന്നതിനു പിന്നാലെയാണു കോവളം കൊട്ടാരം കേരള സർക്കാർ വിറ്റെന്ന ബദൽ വാദവുമായി സമൂഹമാധ്യമങ്ങളിൽ ഒരു വിഭാഗം രംഗത്തെത്തിയത്. എന്നാൽ കോവളം കൊട്ടാരം സ്വകാര്യ കമ്പനിക്കു വിറ്റതിനു പിന്നിലും കേന്ദ്രസർക്കാരാണെന്നാണ് ഐസക്കിന്റെ വാദം.

പൊതുമേഖലാ സ്ഥാപനങ്ങളും പൈതൃക സ്മാരകങ്ങളും കച്ചവടം ചെയ്യുന്നതിന് എന്നും സിപിഎം എതിരാണ്. നുണയെഴുതുന്ന സംഘികൾക്ക് അങ്ങനെയൊരു നിലപാടുണ്ടെങ്കിൽ ഈ നയത്തിനെതിരെ, കേന്ദ്രസർക്കാരിനും ബിജെപിക്കുമെതിരായ പ്രക്ഷോഭത്തിൽ അണിനിരക്കുകയാണ് അവർ ചെയ്യേണ്ടതെന്നും ഐസക് പ്രതികരിച്ചു.

മന്ത്രി തോമസ് ഐസക്കിന്റെ കുറിപ്പിന്റെ പൂർണ രൂപം:

പകർച്ചവ്യാധി പടർത്താനുള്ള നിയോഗം കൊതുകിന്റെ തലവിധിയാണ്. ബോധവത്കരണം നടത്തി ആ ജീവിയെ നേർവഴിക്കു നയിക്കാനാവില്ല. അതുപോലെയാണ് നുണപ്രചരണം നടത്തുന്ന സംഘികളുടെ കാര്യം. നുണയല്ലാതെ മറ്റൊന്നും എഴുതാനോ പറയാനോ പ്രചരിപ്പിക്കാനോ അവർക്കു കഴിയില്ല. അതവരുടെ ജന്മവാസനയാണ്. അക്കൂട്ടർ വസ്തുതാപരമായി സംവദിക്കുമെന്നോ അന്തസ്സായി വാദപ്രതിവാദം നടത്തുമെന്നോ പ്രതീക്ഷിക്കുക വയ്യ. അവർ തുടർച്ചയായി നുണ പറയും. ഒരാളെയെങ്കിലും തെറ്റിദ്ധരിപ്പിക്കാൻ കഴിഞ്ഞാൽ അത്രയും ലാഭം.

കോവളം കൊട്ടാരം വിൽപനയെച്ചൊല്ലിയാണ് സംഘികളുടെ പുതിയ അഭ്യാസം. കൊട്ടാരം വിറ്റത് എൽഡിഎഫ് സർക്കാരാണത്രേ. പല ഐഡികളിൽ നിന്ന് ഈ അസംബന്ധം തുരുതുരാ പ്രവഹിക്കുകയാണ്. എന്താണ് വസ്തുത?
എന്താണ് കോവളം കൊട്ടാരത്തിന്റെ ചരിത്രം? ഈ കൊട്ടാരത്തിന്റെയും സ്ഥലത്തിന്റെയും ഉടമസ്ഥാവകാശത്തെച്ചൊല്ലി ധാരാളം കേസുകൾ ഹൈക്കോടതിയിലും സുപ്രിംകോടതിയിലുമുണ്ട്. ആ കേസുകളിൽ കേന്ദ്രസർക്കാരും കക്ഷിയാണ്. കേന്ദ്ര സർക്കാരിന്റെ വാദങ്ങളും സത്യവാങ്മൂലങ്ങളും പൊതുരേഖയാണ് എന്നുപോലും ഓർമിക്കാതെയാണ് സംഘികളുടെ 'കോളാമ്പി' പ്രകടനം.
ഉദാഹരണത്തിന് Kovalam Hotels Ltd vs State Of Kerala on 7 January, 2011 എന്നൊരു വിധിന്യായമുണ്ട്. കേരള ഹൈക്കോടതി വക. അതിൽ ?Pleadings and arguments of Union of India & ITDC എന്ന തലക്കെട്ടിൽ അഞ്ചാമത്തെ പാരഗ്രാഫ് മുതൽ കൊട്ടാരവിൽപനയുടെ ചരിത്രം കേന്ദ്രസർക്കാർ വിവരിച്ചിട്ടുണ്ട്. ആറാമത്തെ ഖണ്ഡിക താഴെ ഉദ്ധരിച്ചു ചേർത്തിരിക്കുന്നു.
The 5th respondent Union of India(UOI) has filed a counter affidavit stating that it had requested the State of Kerala to acquire land in order to develop the same as an international tourist resort and the land was acquired from Shree Makayiram Thirunal Rama Verma Valiyakoyil Thampuran upon payment of compensation and UOI acquired free hold land to the extent of 43 acres against a payment of Rs.9,50,534.39 to the State of Kerala vide Exts.P1 and P2. Besides that, a balance of 21 acres was also acquired from the State Government over a period of time thereby totalling 64.5 acres. The UOI states that ITDC began to operate the property as a resort in the year 1972 and that ITDC was in un-interrupted possession of that property which was transferred to it by the UOI for valid consideration and ITDC had acquired absolute, clear and marketable title and enjoyed an exclusive and peaceful possession of the properties with a valid title for the period commencing from 1970 till 2002. The UOI further makes reference to different documents including the Thandaper Register of the Vizhinjam Village Office, showing the General Manager, ITDC as the registered owner in the Thandaper Account and the Settlement Register prepared on the basis of re-survey showing ITDC property. The Puramboke Register is also referred to, to show that the item is shown as ITDC puramboke. Different other materials are also referred to in the counter affidavit of the UOI to conclude its stand that ITDC had valid title to the said property at all times.
1972 മുതൽ ആ സ്ഥലം ഐടിഡിസിയുടെ വകയാണ്. വില്ലേജ് രേഖകൾ പ്രകാരം ഐടിഡിസിയുടെ ജനറൽ മാനേജരാണ് വസ്തുവിന്റെ ഉടമ. 2002ൽ എന്തു സംഭവിച്ചു? ഇംഗ്ലിഷ് വായിച്ചു മനസിലാക്കാൻ ശേഷിയുള്ള സംഘികളുടെ ശ്രദ്ധ മേപ്പടി വിധിയുടെ ഏഴാം ഖണ്ഡികയുടെ ആദ്യവാചകത്തിലേയ്ക്കു ക്ഷണിക്കുന്നു. ?In continuation of the aforesaid assertion of the title of ITDC, the UOI proceeds to state in its counter affidavit that in furtherance of the disinvestment policy, all the business including all assets which includes Schedule land was transferred by ITDC to the writ petitioner as per the sale by transfer of shares and such transfer is perfectly valid. In terms of the transfer documents, the business including all liabilities of Kovalam Ashoka Beach Resort was transferred to the petitioners during July, 2002 and no objections were received against disinvestment process either form the State of Kerala or any one else.
കേന്ദ്രസർക്കാരിന്റെ ഓഹരി വിറ്റഴിക്കൽ നയത്തിന്റെ ഭാഗമായി 2002ലാണു കോവളം ഹോട്ടൽ വിൽപന നടന്നത്. വിറ്റതു കേന്ദ്രസർക്കാർ, വാങ്ങിയത് എം ഫാർ ഗ്രൂപ്പ്. വില ഏതാണ്ട് 44 കോടി രൂപ. 2002ൽ ആരായിരുന്നു കേന്ദ്രം ഭരിച്ചത്? അടൽ ബിഹാരി വാജ്‌പേയിയുടെ നേതൃത്വത്തിലുള്ള എൻഡിഎ സർക്കാർ. കാശു വാങ്ങി കീശയിലിട്ടത് ഐടിഡിസി.
അതായത്, പ്രിയപ്പെട്ട സംഘികളേ, കോവളം കൊട്ടാരം എം ഫാർ ഗ്രൂപ്പിനു വിറ്റത് ബിജെപി നേതാവ് അടൽ ബിഹാരി വാജ്‌പേയിയുടെ നേതൃത്വത്തിലുള്ള കേന്ദ്രസർക്കാരാണ്. 2002 ജൂലൈ മാസത്തിൽ. ഇത്തരം വിൽപനകൾക്ക് ഇന്ത്യയിലാദ്യമായി ഒരു വകുപ്പുണ്ടാക്കി മന്ത്രിയെ നിശ്ചയിച്ചതും എൻഡിഎ സർക്കാരാണ്. അരുൺ ഷൂരി ആയിരുന്നു മന്ത്രി.
കോവളം കൊട്ടാരം എംഫാർ ഗ്രൂപ്പിനു വിറ്റ കേന്ദ്രസർക്കാർ തീരുമാനത്തിൽ പ്രതിഷേധിച്ചതും പ്രക്ഷോഭങ്ങൾ സംഘടിപ്പിച്ചതും സിപിഎമ്മും എൽഡിഎഫുമാണ്. 2006 അധികാരത്തിൽ വന്ന എൽഡിഎഫ് സർക്കാർ വിൽപന അസാധുവാക്കി കൊട്ടാരം ഏറ്റെടുക്കാൻ നിയമം കൊണ്ടുവന്നു. ഈ നിയമത്തിനെതിരെ കൊട്ടാരത്തിന്റെ ഉടമസ്ഥർ കോടതിയെ സമീപിച്ചു. ഈ കേസിൽ ഹൈക്കോടതി പുറപ്പെടുവിച്ച വിധിന്യായത്തിൽ നിന്നാണു മുകളിൽ ഉദ്ധരിച്ചത്. ഹൈക്കോടതി വിധിയ്‌ക്കെതിരെ സംസ്ഥാന സർക്കാർ സുപ്രിംകോടതിയെ സമീപിച്ചു. അവിടെയും വിധി പ്രതികൂലമായിരുന്നു. ഈ കോടതികളിലെല്ലാം കൊട്ടാരത്തിന്റെ ഉടമസ്ഥാവകാശം സംസ്ഥാന സർക്കാരിനാണെന്ന കേരളത്തിന്റെ വാദങ്ങളെ നഖശിഖാന്തം എതിർക്കുകയായിരുന്നു കേന്ദ്രസർക്കാരും ഐടിഡിസിയും.
പൊതുമേഖലാ സ്ഥാപനങ്ങളും പൈതൃക സ്മാരകങ്ങളും ഇതുപോലെ കച്ചവടം ചെയ്യുന്നതിന് എന്നും സിപിഎം എതിരാണ്. നുണയെഴുതുന്ന സംഘികൾക്ക് അങ്ങനെയൊരു നിലപാടുണ്ടെങ്കിൽ ഈ നയത്തിനെതിരെ കേന്ദ്രസർക്കാരിനും ബിജെപിക്കുമെതിരായ പ്രക്ഷോഭത്തിൽ അണിനിരക്കുകയാണ് അവർ ചെയ്യേണ്ടത്. അല്ലാതെ, ആടിനെ പട്ടിയാക്കുന്ന കുപ്രചരണങ്ങൾ ഒഴുക്കി വിടുകയല്ല. ആ പരിപ്പ് കേരളത്തിൽ വേകാൻ പോകുന്നില്ല.

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP