Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം വാർത്ത ഇന്ത്യ

ഗർഭനിരോധന ഉറകളുടെ പരസ്യം മുതിർന്നവർ മാത്രം കണ്ടാൽ മതി; രാവിലെ ആറുമുതൽ രാത്രി 10 വരെ ഉറകളുടെ ചാനൽ പരസ്യങ്ങൾക്ക് വിലക്ക്; അനാവശ്യ കാര്യങ്ങൾ കുട്ടികൾ കാണുന്നതും മനസ്സിലാക്കുന്നതും ഒഴിവാക്കാനാണ് തീരുമാനമെന്ന് കേന്ദ്ര സർക്കാർ

December 11, 201711:30 PM IST Permalink
ഗർഭനിരോധന ഉറകളുടെ പരസ്യം മുതിർന്നവർ മാത്രം കണ്ടാൽ മതി; രാവിലെ ആറുമുതൽ രാത്രി 10 വരെ ഉറകളുടെ ചാനൽ പരസ്യങ്ങൾക്ക് വിലക്ക്; അനാവശ്യ കാര്യങ്ങൾ കുട്ടികൾ കാണുന്നതും മനസ്സിലാക്കുന്നതും ഒഴിവാക്കാനാണ് തീരുമാനമെന്ന് കേന്ദ്ര സർക്കാർ

മറുനാടൻ മലയാളി ഡസ്‌ക്

ന്യൂഡൽഹി: പുലർച്ചെ ആറു മുതൽ രാത്രി പത്തു വരെയുള്ള സമയത്ത് ചാനലുകളിൽ ഗർഭനിരോധന ഉറകളുടെ പരസ്യങ്ങൾക്കു വിലക്കേർപ്പെടുത്തി സർക്കാർ. അശ്ലീലവും അനാവശ്യവുമായ വിവരങ്ങൾ കുട്ടികൾ കാണുന്നതും മനസിലാക്കുന്നതും ഒഴിവാക്കാനാണ് തീരുമാനം കൈക്കൊണ്ടിട്ടുള്ളതെന്ന് കേന്ദ്ര വാർത്താവിനിമയ മന്ത്രാലയം രാജ്യത്തെ എല്ലാ ചാനലുകൾക്കുമായി പുറത്തിറക്കിയ സർക്കുലറിൽ പറയുന്നു.

ഇതോടെ രാത്രി പത്തു മുതൽ പുലർച്ചെ ആറു വരെയുള്ള എട്ടു മണിക്കൂർ നേരത്തേക്കു മാത്രമാണു ചാനലുകളിൽ പരസ്യം പ്രദർശിപ്പിക്കാൻ കഴിയുന്നത്. ഗർഭനിരോധന ഉറകളുടെ പരസ്യം പൂർണമായും മുതിർന്നവരെ ഉദ്ദേശിച്ചുള്ളതാണെന്നും സർക്കാർ ഉത്തരവിൽ പറയുന്നു.

ഗർഭനിരോധന ഉറകളുടെ പരസ്യത്തിൽ അശ്ലീലം അമിതമാണെന്നു കാട്ടി അഡ്വർടൈസിങ് സ്റ്റാൻഡേർഡ്‌സ് കൗണ്‌സിൽ ഓഫ് ഇന്ത്യയ്ക്ക് നിരവധി പരാതികൾ ലഭിച്ചിരുന്നു. തുടർന്ന് അവർ കേന്ദ്രസർക്കാരിന്റെ അഭിപ്രായം ആരാഞ്ഞു. ഇത് പരിഗണിച്ചാണ് കേന്ദ്രം പരസ്യങ്ങൾക്കു നിയന്ത്രിത നിരോധനം ഏർപ്പെടുത്തിയത്.

നേരത്തെ, ബോളിവുഡ് നടി സണ്ണി ലിയോണ് അഭിനയിച്ച ഗർഭനിരോധന ഉറയുടെ പരസ്യ ഹോർഡിംഗുകൾ ഗുജറാത്തിൽ സ്ഥാപിച്ചതിനെതിരേ തീവ്ര ഹിന്ദു സംഘടനകൾ എതിർപ്പുമായി രംഗത്തെത്തിയിരുന്നു.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP