1 aed = 17.64 inr 1 eur = 75.64 inr 1 gbp = 82.58 inr 1 kwd = 212.31 inr 1 sar = 17.13 inr 1 usd = 64.11 inr

Aug / 2017
23
Wednesday

ബിവറേജസ് മദ്യശാലയെ എതിർത്തും സ്വാഗതം ചെയ്തും ഇടുക്കി രൂപതാ ആസ്ഥാനത്ത് പ്രകടനങ്ങൾ; ഉപ്പുതറയിലും കട്ടപ്പനയിലും മദ്യശാല നിലനിർത്താൻ ഒരു വിഭാഗം വ്യാപാരികളുടെയും ഓട്ടോഡ്രൈവർമാരുടെയും നീക്കം; തൊടുപുഴയിലും പീരുമേട്ടിലും തദ്ദേശസ്ഥാപനാധികാരികൾ മദ്യശാലക്കെതിരെ വാളോങ്ങുന്നു

February 09, 2017 | 10:11 AM | Permalink



മനു ജോൺ

ഇടുക്കി: സംസ്ഥാനത്തിന്റെ പല ഭാഗങ്ങളിലും വിദേശമദ്യശാലകൾ മാറ്റി സ്ഥാപിക്കുന്നതിനെതിരെ സമരങ്ങളും പരാതികളും ഉയരുകയാണ്. നിത്യവും മദ്യം വേണമെന്നു നിർബന്ധമുള്ളവർപോലും അപമാനം ഭയന്നും സംഘടിതമായ ശക്തിയില്ലാത്തതിനാലും മദ്യശാല വേണമെന്ന ആവശ്യവുമായി രംഗത്തിറങ്ങുന്നില്ല.

എന്നാൽ മദ്യശാല തങ്ങളുടെ നാട്ടിൽനിന്നും പടിയിറക്കപ്പെടാതിരിക്കാനുള്ള ശ്രമമാണ് ഇടുക്കിയിലെ ചില കേന്ദ്രങ്ങളിൽ ഏതാനും ദിവസങ്ങളായി ദൃശ്യമാകുന്നത്. മദ്യശാലകൾ ദേശീയ, സംസ്ഥാന പാതയോരങ്ങളിൽനിന്ന് മാറ്റണമെന്ന സുപ്രീം കോടതി വിധിയെ തുടർന്നാണ് മദ്യനിരോധന-മദ്യവർജന സമിതിയുടെയും വീട്ടമ്മമാരുടെയും മറ്റും നേതൃത്വത്തിൽ സമരമുറകൾ അരങ്ങേറുന്നത്. ഈ സാഹചര്യത്തിലാണ് ഒരു വിഭാഗം പേർ ബിവറേജസ് ഔട്ട്‌ലെറ്റുകളുടെ സംരക്ഷണത്തിനായി ഇറങ്ങിയിരിക്കുന്നത്. ആദ്യപടിയായി സോഷ്യൽ മീഡിയായെ കൂട്ടുപിടിച്ചാണ് മദ്യശാലകളെ സുരക്ഷിതസ്ഥലത്ത് നിലനിർത്താനുള്ള നീക്കത്തിന് ഇക്കൂട്ടർ തുടക്കം കുറിച്ചിരിക്കുന്നത്. കാര്യമായ പ്രത്യക്ഷ സംരക്ഷണ പരിപാടികൾ ഒരിടത്തും ആരംഭിച്ചിട്ടില്ലെങ്കിലും ഇടുക്കി രൂപതാ ആസ്ഥാനമായ കരിമ്പനിൽ മദ്യശാല വരുന്നതിനെ അനുകൂലിച്ച് ഒരു വിഭാഗം പ്രകടനം നടത്തിയത് സംഘർഷ സാധ്യത വർധിപ്പിക്കുന്നു.

ഹൈറേഞ്ചിലെ ആദ്യ കുടിയേറ്റഗ്രാമമായ ഉപ്പുതറയിലെ ബിവറേജസ് ഔട്ട്‌ലെറ്റ് മാറ്റാനുള്ള നീക്കത്തിനെതിരെ രംഗത്തിറങ്ങിയിരിക്കുന്നത് അവിടുത്തെ ഭൂരിപക്ഷം വ്യാപാരികളും ചില സംഘടനകളുമാണ്. ഒരു കാലത്ത് പ്രൗഢിയോടെ വളർന്നു വരികയും പിന്നീട് പ്രധാന റോഡ് ഒരു കിലോമീറ്ററോളം അകലേക്ക് മാറുകയും ചെയ്തതോടെ വളർച്ച മുരടിച്ച പ്രദേശമാണ് ഉപ്പുതറ. കോട്ടയം-കട്ടപ്പന റൂട്ട് ഉപ്പുതറയെ തൊടാതെ കടന്നുപോയിത്തുടങ്ങിയതോടെയാണ് കുടിയേറ്റ ഗ്രാമത്തിന്റെ വികസനം പതിറ്റാണ്ടുകൾക്ക് മുമ്പ് മുരടിച്ചത്. എന്നാൽ ബിവറേജസ് ഔട്ട്‌ലെറ്റ് വന്നതോടെ ടൗൺ പച്ചപിടിച്ചു തുടങ്ങിയെന്നും വ്യാപാരമേഖലക്ക് പുതിയ ഉണർവ് ലഭിച്ചെന്നുമാണ് വിലയിരുത്തൽ. ടൗൺ മധ്യത്തിൽ പ്രവർത്തിക്കുന്ന ബെവ്‌കോ ചില്ലറ മദ്യവിൽപന ശാല ഗതാഗതക്കുരുക്കിനും ബഹളത്തിനുമൊക്കെ കാരണമാകുന്നുവെങ്കിലും ഇവിടെനിന്നും വളരെ ദൂരേക്ക് മാറ്റാൻ അനുവദിക്കില്ലെന്ന നിലപാടാണ് വലിയ വിഭാഗം വ്യാപാരികൾ സ്വീകരിച്ചിരിക്കുന്നത്.

വിനോദസഞ്ചാര കേന്ദ്രമായ വാഗമണ്ണിലേക്ക് ഇവിടുത്തെ മദ്യശാല മാറ്റാനാണ് ശ്രമം നടക്കുന്നത്. വാഗമണ്ണിലെ റിസോർട്ട് ഉടമകളുടെ താൽപര്യം സംരക്ഷിക്കാനാണ് 20 കിലോമീറ്ററോളം അകലേയ്ക്ക് ഔട്ട്‌ലെറ്റ് മാറ്റിസ്ഥാപിക്കാനുള്ള ശ്രമമെന്ന ആരോപണമാണ് ഉപ്പുതറയിലെ വ്യാപാരികളിൽ ഒരു വിഭാഗം ഉയർത്തുന്നത്. മദ്യശാല മാറ്റുന്നത് ഉപ്പുതറയിലെ വ്യാപാര രംഗത്തെ തളർത്തുമെന്നാണ് ഇക്കൂട്ടരുടെ പക്ഷം. മദ്യശാല ഉപ്പുതറയിൽ ആരംഭിച്ചശേഷം ഓട്ടോറിക്ഷകളുടെ എണ്ണം വൻതോതിൽ വർധിച്ചു. തോട്ടം തൊഴിലാളികൾ ഉൾപ്പെടെയുള്ളവർ മദ്യം വാങ്ങാൻ ബസിലെത്തുന്നത് ബസ് ഉടമകളുടെ വരുമാനവും കാര്യമായി ഉയർത്തി. ഇതിനേക്കാൾ പ്രധാനം വ്യാപാരമേഖലയുടെ കുതിപ്പാണ്. മദ്യം വാങ്ങാനെത്തുന്നവരിൽ ഭൂരിഭാഗവും തങ്ങൾക്കാവശ്യമുള്ള വീട്ടുസാധനങ്ങളും വാങ്ങിയാണ് മടങ്ങുന്നത്. ഈ അനുകൂല സാഹചര്യങ്ങളൊക്കെ നാടിനെ വികസനത്തിലേക്ക് നയിക്കുമ്പോൾ അതിനെതിരായി ഔട്ട്‌ലെറ്റിനെ അധിക ദൂരത്തേക്ക് മാറ്റരുതെന്ന ആവശ്യമാണ് ഉപ്പുതറയിലെ വ്യാപാരികളിൽ മിക്കവരും ഉന്നയിക്കുന്നത്. ഇതിനായി അധികാരികൾക്ക് നിവേദനം നൽകി അനുകൂല തീരുമാനത്തിനായി കാത്തിരിക്കുകയാണിവർ. ടൗൺ പരിധിക്ക് പുറത്തേക്ക് ഔട്ട്‌ലെറ്റ് മാറ്റാൻ ശ്രമിച്ചാൽ പ്രത്യക്ഷസമരം തന്നെ സംഘടിപ്പിക്കുമെന്നാണ് വ്യാപാരികളുടെയും ഓട്ടോറിക്ഷ ഡ്രൈവർമാരുടെയും നിലപാട്.

ബാർ നിരോധനത്തോടെ വലിയ വരുമാനക്കുറവുണ്ടായ തങ്ങൾക്ക് നോട്ട് നിരോധനവും തിരിച്ചടിയായെന്നും പിടിച്ചുനിൽക്കുന്നത് ബിവറേജസ് ഔട്ട്‌ലെറ്റുമായി ബന്ധപ്പെട്ടുള്ള ഓട്ടം കൊണ്ടാണെന്നും വിവിധ സ്ഥലങ്ങളിലെ ഓട്ടോക്കാർ പറയുന്നു. തടിയമ്പാട് പ്രവർത്തിക്കുന്ന ഔട്ട്‌ലെറ്റ് മാറ്റുന്നതു സംബന്ധിച്ച തർക്കം സംഘർഷത്തിലേക്കാണ് നീങ്ങുന്നത്. കൊച്ചുകരിമ്പനിലെ ഒരു കെട്ടിടത്തിലേക്കാണ് മദ്യശാല മാറ്റാൻ നീക്കം നടക്കുന്നത്. കൊച്ചുകരിമ്പൻ പാലത്തിനു സമീപം ഏറെക്കുറെ വിജനമായ സ്ഥലമാണിത്. മുമ്പ് പെന്തക്കോസ്ത വിഭാഗം ഈ കെട്ടിടം അവരുടെ പ്രാർത്ഥനാലയമായി ഉപയോഗിച്ചിരുന്നു. കെട്ടിടം മദ്യശാലയ്ക്ക് വിട്ടുകൊടുക്കാൻ ഉടമ തയാറായതോടെ മദ്യനിരോധന സമിതി പ്രവർത്തകർ പ്രതിഷേധവുമായി എത്തുകയും ടൗണിൽ പന്തം കൊളുത്തി പ്രകടനം നടത്തുകയും നിർദിഷ്ട കെട്ടിടത്തിനു കാവൽ ഏർപ്പെടുത്തുകയും ചെയ്തു. ഇതിനിടെ ആരോ ആരാധനാലയത്തിന്റെ ബോർഡും ഇവിടെ സ്ഥാപിച്ചു. മദ്യവിരുദ്ധ പ്രവർത്തകരും മദ്യശാലയെ അനുകൂലിക്കുന്നവരും തമ്മിലുള്ള തർക്കം ഇവിടെ രൂക്ഷമായ സാഹചര്യം സംഘർഷത്തിനു വഴിവച്ചിരിക്കുകയാണ്.

കട്ടപ്പനയിലെ മദ്യശാല മാറ്റി സ്ഥാപിക്കാനുള്ള നീക്കത്തിനെതിരെ പലയിടത്തും പ്രതിഷേധവും പ്രകടനവും വഴി തടയലുമൊക്കെ സംഘർഷത്തിലേക്കാണ് നീങ്ങുന്നത്. ടൗണിൽ തിരക്കേറെയുള്ള ഇടുക്കിക്കവല ബൈപാസ് റോഡിലാണ് ഔട്ട്‌ലെറ്റ് പ്രവർത്തിക്കുന്നത്. ഇത് രണ്ട് കിലോമീറ്റർ അകലെയുള്ള വെട്ടിക്കുഴക്കവലയിലേക്ക് മാറ്റാൻ സാധ്യതയുണ്ടെന്നറിഞ്ഞ് മദ്യവരുദ്ധ സമിതി ഉപവാസവും പ്രകടനവും നടത്തി കെട്ടിടത്തിന് കാവൽ ഏർപ്പെടുത്തുകയും ചെയ്തു. എന്നാൽ വിനോദസഞ്ചാര കേന്ദ്രമായ അഞ്ചുരുളി- കക്കാട്ടുകട മേഖലയിലേക്ക് പറിച്ചു നടുമെന്ന സൂചനയെ തുടർന്ന് അവിടയും പന്തംകൊളുത്തി പ്രകടനം നടന്നു.

ഇതിനിടെ ടൗണിലെ സ്റ്റുഡിയോ ഉടമ റെജിയുടെ വീട് ഔട്ട്‌ലെറ്റ് സ്ഥാപിക്കാൻ വിട്ടുകൊടുക്കുന്നവെന്നാരോപിച്ച് ഒരുപറ്റം ആളുകൾ റെജിയുടെ വീട്ടിലേക്ക് മാർഗതടസം സൃഷ്ടിച്ചുവെന്നാരോപിച്ച് റെജിയുടെ ഭാര്യ സിന്ധു വനിതാ കമ്മിഷന് പരാതി നൽകി. പൊലിസിന്റെ സഹായത്തോടെയാണ് വീട്ടിൽ പ്രവേശിക്കുന്നതെന്നു റെജി പറഞ്ഞു. വീട്ടിൽ വന്ന മൂന്നു പേർ ബിവറേജസ് മദ്യശാല സ്ഥാപിക്കാൻ വന്നതാണെന്നു തെറ്റിദ്ധരിച്ചാണ് ചിലർ തങ്ങളുടെ സ്വൈരജീവിതം തകർക്കുന്നതെന്നും ഇവർ പരാതിപ്പെട്ടു. മദ്യശാല ടൗണിൽനിന്നും അധികം ദൂരേക്ക് പോകാതിരിക്കാനുള്ള കൊണ്ടുപിടിച്ച ശ്രമത്തിലാണ് കട്ടപ്പനയിലെ ഒരു വിഭാഗം വ്യാപാരികളും ഓട്ടോറിക്ഷ ഡ്രൈവർമാരും.

കാർഷിക മേഖലയുടെ തകർച്ചയും നോട്ട് പിൻവലിക്കൽ നടപടിയും വ്യാപാര മേഖലയ്ക്ക് വലിയ പ്രതിസന്ധിയുണ്ടാക്കിയ സാഹചര്യത്തിൽ മദ്യശാലകൾ വിജനസ്ഥലത്തേക്കും കൂടുതൽ ഉൾപ്രദേശങ്ങളിലേക്കും മാറ്റുന്നത് വ്യാപാരമാന്ദ്യത്തിന് ആക്കം കൂട്ടുമെന്നു വ്യാപാരികൾ പറയുന്നു. മദ്യശാലക്കടുത്ത് കുപ്പിവെള്ളവും ലഘുഭക്ഷണങ്ങളും മുതൽ ഹോട്ടലുകൾ വരെ പ്രവർത്തിക്കുന്ന നിരവധി വ്യാപാരികളുണ്ട്. വൻതുക സെക്യൂരിറ്റിയും വാടകയും നൽകിയാണ് ഇവർ കച്ചവടം നടത്തുന്നത്. ഇതിനു പുറമെയാണ് നൂറുകണക്കിന് ഓട്ടോറിക്ഷ ഡ്രൈവർമാർ മദ്യശാലയെ ആശ്രയിച്ച് ഉപജീവനം നടത്തുന്നത്. ഇവരെയൊക്കെ കടക്കെണിയിലാക്കുന്ന നടപടിയാണ് മദ്യശാലകൾ മാറ്റുന്നതെന്നു പരാതി ഉയരുന്നുണ്ട്. നെടുങ്കണ്ടത്തെ ബെവ്‌കോ ഔട്ട്‌ലെറ്റ് മാറ്റിയതിനെ തുടർന്ന് അവിടെയുണ്ടായ വ്യാപാരമാന്ദ്യവും സാമ്പത്തിക പ്രതിസന്ധിയും വ്യാപാരികൾ ചൂണ്ടിക്കാട്ടുന്നു. മദ്യശാല തൂക്കുപാലത്തേക്ക് മാറ്റിയതോടെ നെടുങ്കണ്ടം ടൗണിലെ വ്യാപാരം പകുതിയിലേറെ കുറഞ്ഞതായാണ് വ്യാപാരികൾ പറയുന്നത്.

ഇതിനിടെ തൊടുപുഴയിൽ മാറ്റിസ്ഥാപിച്ച ഔട്ട്‌ലെറ്റ് പഴയ കെട്ടിടത്തിലേക്ക് തിരിച്ചുകൊണ്ടുവരേണ്ടി വന്നു. കാഞ്ഞിരമറ്റത്തുനിന്നും വെങ്ങല്ലൂർ - മങ്ങാട്ടുകവല പാതയോരത്തേക്കാണ് ഒൗട്ട്‌ലെറ്റ് മാറ്റിയത്. എന്നാൽ സ്ഥാപനത്തിന് ലൈസൻസ് എടുത്തില്ലെന്നാരോപിച്ച് നഗരസഭാ ചെയർപേഴ്‌സന്റെ നേതൃത്വത്തിൽ സമരം ചെയ്തു ഔട്ടലെറ്റ് പൂട്ടിച്ചു. ഇതിനു പിന്നാലെയാണ് പഴയ കെട്ടിടത്തിലേക്കുതന്നെ മാറ്റിയത്. പീരുമേട്ടിലെ ഔട്ട്‌ലെറ്റ് വിനോദസഞ്ചാര കേന്ദ്രമായ പരുന്തുംപാറ മേഖലയിലെ കല്ലാറിലേക്ക് മാറ്റുന്നതിനെതിരെ പീരുമേട് പഞ്ചായത്ത് ഭരണസമിതി പ്രമേയം പാസാക്കി. ഇവിടെയും മദ്യശാലക്കനുകൂലമായി ഒരു സംഘം രംഗത്തിറങ്ങിയിട്ടുണ്ട്. മദ്യശാലകളെ അനുകൂലിച്ചും എതിർക്കുന്നവരെ പരിഹസിച്ചും സാമൂഹികമാദ്ധ്യമങ്ങളിൽ വ്യാപകമായ പ്രചാരണവും നടക്കുന്നുണ്ട്.

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഒരു ചാനലിൽ മറുനാടനെതിരെ പരാമർശം നടത്തിയതിന് വൈരാഗ്യം തീർക്കുകയാണെന്ന് ദിലീപ് കോടതിയിൽ; രമ്യാ നമ്പീശൻ അടക്കം എല്ലാ സാക്ഷികളും ആക്രമിക്കപ്പെട്ട നടിയുടെ സുഹൃത്തുക്കളാണ്; ലിബർട്ടി ബഷീറും ശ്രീകുമാറും ശത്രുക്കളാണ്; ജാമ്യാപേക്ഷയുമായി കോടതിയിൽ എത്തിയ ദിലീപ് മറുനാടൻ അടക്കമുള്ള മാധ്യമങ്ങൾക്കെതിരെ പരാതി ഉയർത്തി
മകന്റെ ജനനേന്ദ്രീയത്തിൽ സ്‌ക്വീസ് ചെയ്തെന്ന പരാതി പിൻവലിച്ചില്ലെങ്കിൽ ശരിയാക്കി കളയും; പീഡകനായ അസിസ്റ്റന്റ് പ്രൊഫസർക്കായി ക്വട്ടേഷൻ ഏറ്റെടുത്തതും മറ്റൊരു കോളേജ് അദ്ധ്യാപകൻ; സിനിമയിലും സീരിയലിലും ചെറിയ വേഷങ്ങൾ ചെയ്ത കാട്ടക്കടയിലെ പ്രൊഫസറും പോക്സോ കേസിൽ കുടുങ്ങും; കൈരളി അവതാരകനായി മുഖ്യമന്ത്രിയുടെ ഓഫീസിനെ വലിച്ചിഴച്ചത് തന്ത്രങ്ങളുടെ ഭാഗം
'കാരവാൻ ഗൂഢാലോചന' തിയറി ദിലീപിന് തുണയാകുമോ? പൊലീസ് അന്വേഷണത്തിലെ ലൂപ്പ് ഹോളുകളിൽ പിടിച്ച് പ്രോസിക്യൂഷനെ സമ്മർദ്ദത്തിലാക്കി അഡ്വ. രാമൻ പിള്ള; കേസിൽ എന്തെങ്കിലും സത്യമുണ്ടെങ്കിൽ നേരത്തേ പണം കൊടുത്ത് ദിലീപ് കേസ് ഒതുക്കില്ലേയെന്നും ചോദ്യം; സുനി പറയുന്ന ഒന്നരക്കോടി കഥ പണത്തിന് വേണ്ടി: ജാമ്യാപേക്ഷയിൽ ഇന്ന് വാദം നീണ്ടത് നാല് മണിക്കൂർ
അടുത്ത പാർലമെന്റ് സമ്മേളനത്തിൽ തന്നെ ബിൽ കൊണ്ടു വരും; നിതീഷ് കുമാറും അണ്ണാഡിഎംകെയും ഒപ്പമെത്തിയതോടെ രാജ്യസഭയിലും ബിൽ പാസാകും; തയ്യാറാക്കുന്നത് ഇസ്ലാമിക കുടുംബ നിയമത്തെ പൊളിച്ചെഴുതുന്ന നിയമം; തലാഖ് മുതൽ വിവാഹ നിയമം വരെ പരിഷ്‌കരിച്ചേക്കും; കോടതി വിധിയെ മോദി സർക്കാർ ഏകീകൃത സിവിൽ കോഡിലേക്കുള്ള ചുവടുവയ്‌പ്പാക്കി മാറ്റും
ദേശീയത ഇസ്ലാമിക വിരുദ്ധം; ബഹുദൈവാരാധകരുടെ ഹൃദയത്തിലെ വിശ്വാസം മാലിന്യമുള്ളത്; ശിർക്കും കുഫ്റും ഇടകലർന്ന രാജ്യം എങ്ങിനെ പൂന്തോപ്പ് ആകും; ഇന്ത്യ സംസ്‌ക്കാര സമ്പന്നമാണെന്ന വാക്ക് തന്നെ ഏറ്റവും വലിയ കോമഡി; വിസ്ഡം ഗ്ലോബൽ ഇസ്ലാമിക് മിഷന്റെ ലഘുലേഖയ്ക്കും ദേശീയതക്കുമെതിരായ മുജാഹിദ് പണ്ഡിതൻ അബ്ദുൽ മുഹ്‌സിൻ ഐദീദിന്റെ വാദങ്ങൾ വിവാദത്തിൽ
സമസ്താപരാധം പറഞ്ഞ് മാപ്പ് ചോദിക്കാമെന്ന് വമ്പൻ സ്രാവും മാഡവും; പൾസർ സുനിയുടെ രഹസ്യ മൊഴി പുറത്തുവരാതിരിക്കാനും ഭീഷണിയും കാലുപിടിത്തവും; വിവാഹജീവിതത്തിൽ കേസ് കല്ലുകടിയാവുമെന്ന ഉപദേശിക്കാൻ താരപ്രമുഖരിറങ്ങും; ഓണച്ചിത്രങ്ങളുടെ പേരു പറഞ്ഞ് മഞ്ജുവിനേയും സ്വാധീനിക്കാനും നീക്കം: ദിലീപിനെ രക്ഷിക്കാൻ കരുതലോടെ കരുനീക്കം
ആലുവയിൽ അഴിക്കുള്ളിലുള്ള ദിലീപ് ചെറുമീൻ മാത്രം; പിന്നിൽ നിന്ന് കളിച്ച വമ്പൻ സ്രാവ് സിദ്ദിഖെന്ന് സൂചന; മാഡത്തിന്റെ പേരും ഇന്ന് പുറംലോകം അറിയും; പൊലീസ് ചോദ്യം ചെയ്ത രണ്ട് പേരെ കുറിച്ച് ഊഹാപോഹങ്ങൾ; സിനിമാ ലോകത്തെ വെട്ടിലാക്കാൻ ഇന്ന് പൾസർ സുനിയുടെ കൂടുതൽ വെളിപ്പെടുത്തലുകൾ വരും; എല്ലാം പതിനൊന്ന് മണിയോടെ അറിയാമെന്ന് അഡ്വക്കേറ്റ് ആളൂർ
ചേട്ടൻ ജയിലിൽ നിന്നും പുറത്തിറങ്ങില്ലെന്ന് ഉറപ്പായതോടെ 5000കോടിയും ബിസിനസ്സ് സാമ്രാജ്യവും പിടിച്ചടക്കി അനിയൻ; പുറത്താക്കിയ മാനേജരെ തിരിച്ചെടുത്ത് കമ്പനി ഭരണം; ഭാര്യയ്ക്കും മകൾക്കും പോലും റോളൊന്നുമില്ല; ജയിൽ ഫോണിൽ നിന്നും വിളിച്ച് ഭീഷണിപ്പെടുത്തിയെന്ന നിസാമിനെതിരെയുള്ള പരാതിയുടെ പിന്നിലെ കഥ ഇങ്ങനെ
ആ സംസാരിച്ച ശങ്കർദാസും മറുപടി പറഞ്ഞ ദീപയും വ്യാജന്മാർ! സ്റ്റേജിൽ കയറി അടിച്ച് തലമണ്ട ഉടയ്ക്കുമെന്ന് പറഞ്ഞത് റിക്കോർഡ് ചെയ്തു അറിയിക്കാൻ രാഹുൽ ഈശ്വറിന്റെ ഭാര്യയോട് ബിജെപി നേതാവ് പറയുന്ന ഓഡിയോ ആരുടെ കൂർമ്മ ബുദ്ധിയിൽ പിറന്നത്? ഹാദിയ-മദനി സന്ദർശനം നടത്തിയ രാഹുൽ ഈശ്വറിനെ വിടാതെ പിന്തുടർന്ന് വിവാദങ്ങൾ
ഒരു ചാനലിൽ മറുനാടനെതിരെ പരാമർശം നടത്തിയതിന് വൈരാഗ്യം തീർക്കുകയാണെന്ന് ദിലീപ് കോടതിയിൽ; രമ്യാ നമ്പീശൻ അടക്കം എല്ലാ സാക്ഷികളും ആക്രമിക്കപ്പെട്ട നടിയുടെ സുഹൃത്തുക്കളാണ്; ലിബർട്ടി ബഷീറും ശ്രീകുമാറും ശത്രുക്കളാണ്; ജാമ്യാപേക്ഷയുമായി കോടതിയിൽ എത്തിയ ദിലീപ് മറുനാടൻ അടക്കമുള്ള മാധ്യമങ്ങൾക്കെതിരെ പരാതി ഉയർത്തി
ചില നടിമാർക്ക് പങ്കുള്ള കാര്യം തന്നോട് പറഞ്ഞിട്ടുണ്ട്; ആ പേരുകൾ സുനി തന്നെ വെളിപ്പെടുത്തട്ടെ; അഭിഭാഷക ധർമ്മനുസരിച്ച് താൻ അത് പുറത്തുപറയില്ല; പൾസറിനെ അങ്കമാലി കോടതിയിൽ കൊണ്ടുവരാത്തത് ഗൂഢാലോചന; യഥാർഥ പ്രതികളെ സംരക്ഷിക്കാൻ ഗൂഢാലോചനയെന്ന് ആളൂർ വക്കീൽ; വമ്പൻ സ്രാവിനേയും മാഡത്തേയും അറിയാൻ ഈ മാസം 30 വരെ കാത്തിരിക്കണം
അറ്റ്‌ലസ് മുതലാളി തീർത്തും അവശൻ; പാരവയ്‌പ്പും സ്വത്തുതട്ടൽ കളികളും അറിഞ്ഞ് മാനസികമായും തളർന്നു; എല്ലാ പ്രതീക്ഷയും നഷ്ടപ്പെട്ട് ഭാര്യ ഇന്ദിരയും: കടം തീർക്കാനുള്ള പണം നൽകാമെന്നു ബി ആർ ഷെട്ടി അറിയിച്ചിട്ടും രണ്ട് ബാങ്കുകൾ ഒത്തുതീർപ്പിന് തയ്യാറല്ല; അഴിക്കുള്ളിൽ തളച്ചിടുന്നതിനു പിന്നിൽ മലയാളി പ്രവാസിയുടെ ഇടപെടൽ; അറ്റ്‌ലസ് രാമചന്ദ്രന്റെ മോചനം നീളുന്നത് എന്തുകൊണ്ട്?
നാലു വയസ്സുകാരൻ മകനുമായി കാമുകനൊപ്പം ഒമാനിലേക്ക് കടന്നത് വെറുതെയായി; നീക്കം മണത്തറിഞ്ഞ ഭർത്താവ് പ്രവാസികളുടെ സഹായത്തോടെ കള്ളി പൊളിച്ചു; കേരളത്തിലേക്ക് തിരിച്ചയച്ച കാമുകീകാമുകന്മാരെ കരിപ്പൂരിൽ പറന്നിറങ്ങിയപ്പോൾ കസ്റ്റഡിയിലെടുത്ത് കേരളാ പൊലീസ്; തിരിച്ചെത്തിയ അമ്മയെ കെട്ടിപ്പിടിച്ച് കരഞ്ഞ് മൂത്തമകനും: തലശ്ശേരിയിൽ നിന്നൊരു ഒളിച്ചോട്ടക്കഥ ഇങ്ങനെ
മകളുടെ തലയിൽ കൈ വച്ച് സത്യം ചെയ്യുന്നത് കണ്ടപ്പോൾ ജനപ്രിയ നായകനെ വിശ്വസിച്ചു; അച്ഛനെ പുറത്താക്കിയ സംഘടന പിടിക്കുമെന്ന മകന്റെ ഭീഷണിയും കാര്യമായെടുത്തു; ദിലീപിന് ജാമ്യം കിട്ടിയ ശേഷം യോഗമെന്ന നിലപാടും തിരിച്ചടിച്ചു; മമ്മൂട്ടിയും ലാലും ഇന്നസെന്റും വമ്പൻ പ്രതിസന്ധിയിൽ; 'അമ്മ'യുടെ പ്രസക്തി ചോദ്യം ചെയ്ത് പൃഥ്വിരാജും: ഇങ്ങനെ പോയാൽ താരസംഘടന ഇല്ലാതാവും
നാല് വർഷത്തെ പ്രണയം; പിന്നെ അനൗദ്യോഗിക രജിസ്റ്റർ മാരീജ്; താര രാജാവിന്റെ ആദ്യ വിവാഹം അമ്മാവന്റെ മകളുമായി; മഞ്ജുവിന് വേണ്ടി ബന്ധം വേർപെടുത്താൻ ഇടനിലക്കാരായത് അമ്മയും സഹോദരങ്ങളും; നല്ല കാലത്തിന് വേണ്ടി വഴിമാറിക്കൊടുത്ത യുവതിയുടെ മൊഴിയെടുക്കാൻ പൊലീസ്; നടിയെ ആക്രമിച്ച കേസിലെ കുറ്റപത്രത്തിൽ ദീലീപ് മൂന്നാംകെട്ടുകാരനാകും
രാമലീലയുമായി നെട്ടോട്ടമോടി ടോമിച്ചൻ മുളകുപാടം; കമ്മാരസംഭവം പൂർത്തിയാക്കാനാവില്ലെന്ന തിരിച്ചറിഞ്ഞ് ഗോകുലം ഗോപാലൻ; നടിയും ഗായികയുമായ 'മാഡം' കൂടി കുടങ്ങിയാൽ പ്രതിസന്ധി ഇരട്ടിക്കും; കരുതലോടെ തീരുമാനമെടുക്കാനുറച്ച് ചാനലുകളും; ദിലീപിന് ജാമ്യം നിഷേധിച്ചത് വെള്ളിത്തിരയെ പിടിച്ചുലയ്ക്കുന്നത് ഇങ്ങനെ