1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
26
Monday

ലോകത്തെ ഏറ്റവും സമ്പന്നൻ ബിൽഗേറ്റ്‌സ് തന്നെ; 33-ാമത്തെ വലിയ സമ്പന്നൻ മുകേഷ് അംബാനി; 367ാം സ്ഥാനത്തേക്കുയർന്ന് യൂസഫലി; അനിൽ അംബാനിയേക്കാൾ സമ്പന്നൻ രവി പിള്ള; സണ്ണി വർക്കിയും ജോയ് ആലുക്കാസും എസ്.ഗോപാലകൃഷ്ണനും കല്യാണരാമനും ഷംസീറും ആസാദ് മൂപ്പനും നൂറുകോടി ഡോളർ ക്ലബിൽ

March 21, 2017 | 09:57 AM | Permalink



സ്വന്തം ലേഖകൻ

മ്പത്ത് ഒരു ഭാഗ്യമാണ്. കൃത്യമായ നീക്കത്തിലൂടെ ബിസിനസ് ചെയ്തുണ്ടാക്കുന്ന ഭാഗ്യം. അത് എല്ലാവർക്കും ലഭിച്ചെന്ന് വരില്ല. ലഭിക്കുന്ന പലർക്കും അത് നഷ്ടമാകും. ലോകത്തെ വ്യക്തികളുടെ സമ്പത്ത് അളക്കുന്ന ഏറ്റവും വലിയ പ്രസ്ഥാനമാണ് ഫോർബ്‌സ്. അമേരിക്കൻ മാസികയായ ഫോർബ്‌സ് പുറത്ത് വിടുന്ന ലിസ്റ്റാണ് ഇതിൽ ഏറ്റവും ആധികാരികം. ഫോർബ്‌സിന്റെ ഈ വർഷത്തെ ലിസ്റ്റ് പുറത്ത് വരുമ്പോൾ മുത്തൂറ്റ് ജോർജ് അടക്കമുള്ളവർ പുറത്താവുകയും യൂസഫലിയുടെ മരുമകൻ അടക്കമുള്ളവർ അകത്താവുകയും ചെയ്തിട്ടുണ്ട്.അമേരിക്കൻ പ്രസിഡന്റ് പദവി ഏറ്റെടുത്തതോടെ ഡൊണാൾഡ് ട്രംപിന്റെ സ്ഥാനത്തിലും ഇടിവ് വന്നിരിക്കുന്നു.

പുതിയ ഫോർബ്‌സ് ലിസ്റ്റനുസരിച്ച് ലോകത്തെ ഏറ്റവും സമ്പന്നൻ ബിൽഗേറ്റ്‌സ് തന്നെയാണ്. 33ാമത്തെ വലിയ സമ്പന്നൻ മുകേഷ് അംബാനി നേടിയെടുത്തിട്ടുണ്ട്. 367ാം സ്ഥാനത്തേക്കുയർന്ന് യൂസഫലി തന്റെ നില ഭദ്രമാക്കി. പുതിയ ലിസ്റ്റ് പ്രകാരം അനിൽ അംബാനിയേക്കാൾ സമ്പന്നൻ രവി പിള്ളയാണ്. സണ്ണി വർക്കിയും ജോയ് ആലുക്കാസും എസ്.ഗോപാലകൃഷ്ണനും കല്യാണരാമനും ഷംസീറും ആസാദ് മൂപ്പനും നൂറുകോടി ഡോളർ ക്ലബിൽ അംഗത്വം നേടുകയും ചെയ്തു.

ലോകത്തിലെ ഏറ്റവും വലിയ സമ്പന്നനായ മൈക്രോസോഫ്റ്റ് സ്ഥാപകൻ ബിൽ ഗേറ്റ്‌സിന് 86 ബില്യൺ ഡോളറിന്റെ ആസ്തിയാണുള്ളത്. രണ്ടാംസ്ഥാനത്തെത്തിയത് 75.6 ബില്യൺ ഡോളറിന്റെ ആസ്തിയുമായി ബെർക്ക്‌ഷെയർ ഹാത്ത് വേ തലവനായ വാറെൻ ബഫെറ്റാണ്. ഇദ്ദേഹത്തിന് പുറകിൽ അമേരിക്കൻ ടെക് ഭീമന്മാരാണ് നിലകൊള്ളുന്നത്. അതായത് ലോകത്തിലെ ഏറ്റവും വലിയ മൂന്നാമത്തെ സമ്പന്നനാണ് ആമസോൺ സ്ഥാപകനായ ജെഫ് ബെസോസ്. 72.8 ബില്യൺ ഡോളറാണ് ആസ്തി. 56 ബ ില്യൺ ഡോളറിന്റെ സമ്പത്തുമായി ഫേസ്‌ബുക്ക് സ്ഥാപകൻ മാർക്ക് സുക്കർബർഗാണ് അഞ്ചാം സ്ഥാനത്ത്.

ഒറാക്കിളിന്റെ കോഫൗണ്ടറായ ലാറി എല്ലിസണ് ഏഴാം സ്ഥാനമാണുള്ളത്. അദ്ദേഹത്തിന്റെ സമ്പത്ത് 52.2 ബില്യൺ ഡോളറാണ്. ഇവർക്കിടയിൽ സ്‌പെയിനിലെ സാറ ഗ്രൂപ്പിന്റെ സ്ഥാപകനായ അമാൻസിയോ ഓർടെഗ നാലാം റാങ്കിലുണ്ട്. 71.3 ബില്യൺ ഡോളറാണ് ആസ്തി. ആറാം സ്ഥാനത്താകട്ടെ മെക്‌സിക്കോയിലെ കാർലോസ് സ്ലിം ഹെലുവുണ്ട്. 54.5 ബില്യൺ ഡോളറാണ് അദ്ദേഹത്തിന്റെ ആസ്തി. എട്ടും ഒമ്പതും പത്തും സ്ഥാനങ്ങളിൽ യുഎസുകാരായ ചാൾസ് കോച്ച്, ഡേവിഡ് കോച്ച്, മൈക്കൽ ബ്ലൂംബർഗ് എന്നിവരാണ് നിലകൊള്ളുന്നത്. ഇതിൽ രണ്ട് കോച്ചുമാരും വിവിധ ബിസിനസുകൾ ചെയ്താണ് ഈ സ്ഥാനത്തെത്തിയിരിക്കുന്നത്. രണ്ട് പേരുടെയും ആസ്തി 48.3 ബില്യൺ ഡോളറാണ്. ഇതിൽ ബ്ലൂംബെർഗ് എൽപിയുടെ സ്ഥാപകനായ മൈക്കൽ ബ്ലൂം ബെർഗിന്റെ ആസ്തിയാകട്ടെ 47.5 ബില്യൺ ഡോളറാണ്.

അബുദാബി കേന്ദ്രമാക്കി പ്രവർത്തിക്കുന്ന എംകെ ലുലു ഗ്രൂപ്പ് ഓഫ് കമ്പനീസിന്റെ മാനേജിങ് ഡയറക്ടറാണ് ഏറ്റവും സമ്പന്നനായ മലയാളിയായ എം.എ.യൂസഫലി. അദ്ദേഹത്തിന് ഫോർബ്‌സ് പട്ടികയിൽ 367ാം സ്ഥാനമാണുള്ളത്. 4.5 ബില്യൺ ഡോളറാണ് ആസ്തി.ലുലു ഹൈപ്പർമാർക്കറ്റ് ശൃംഖലയുടെ ഉടമസ്ഥരാണീ ഗ്രൂപ്പ്. ഇന്ത്യയ്ക്ക് പുറത്ത് ഏറ്റവും കൂടുതൽ തൊഴിലേകുന്നത് ലുലു ഗ്രൂപ്പാണ്.തൃശൂരിലെ നാട്ടിക സ്വദേശിയാണ് യൂസഫലി. ഫോർബ്‌സിൽ സ്ഥാനം നേടിയിരിക്കുന്ന മറ്റൊരു മലയാളിയായ രവി പിള്ള പ്രധാനമായും കൺസ്ട്രക്ഷൻ രംഗത്താണ് അദ്ദേഹം ശ്രദ്ധ കേന്ദ്രീകരിച്ചിരിക്കുന്നത്. ആർപി ഗ്രൂപ്പ് ഓഫ് കമ്പനീസിന്റെ തലവനാണ് ഈ കൊല്ലം കാരൻ. പട്ടികയിൽ സ്ഥാനം പിടിച്ച മറ്റൊരു മലയാളിയായ ജോയ് ആലുക്കാസ് ജൂവലറി രംഗത്തെ അതികായനാണ് ഇദ്ദേഹം. ഒമ്പത് രാജ്യങ്ങളിലായി 105 റീട്ടെയിൽ ജൂവലറി ഔട്ട്‌ലെറ്റുകൾ ജോയ് ആലുക്കാസ് ഗ്രൂപ്പിനുണ്ട്.ലിസ്റ്റിൽ ഇടം നേടിയ കല്യാണ രാമൻ കല്യാൺ ജൂവലേർസിന്റെയും കല്യാൺ ഡെവലപേർസിന്റെയും ചെയർമാനും എംഡിയുമാണ് ഇദ്ദേഹം.ഇദ്ദേഹത്തിന്റെ കല്യാൺ ഗ്രൂപ്പാണ് കല്യാൺ ജൂവലേർസ് ശൃംഖല നടത്തുന്നത്.

ഫോർബ്‌സ് ബില്യണയേർസ് ലിസ്റ്റിൽ 33ാം സ്ഥാനം നേടിയിരിക്കുന്ന റിലയൻസ് ഉടമ മുകേഷ് അംബാനിയുടെ ആസ്തി 23.2 ബില്യൺ ഡോളറാണ്. പെട്രോകെമിക്കൽസ്, ഓയിൽ, ഗ്യാസ് എന്നീ ബിസിനസുകളിൽ നിന്നാണ് അദ്ദേഹം പ്രധാനമായും വരുമാനമുണ്ടാക്കിയിരിക്കുന്നത്. ഇതോടെ ഇന്ത്യയിലെ ഏറ്റവും വലിയ സമ്പന്നനും ഇദ്ദേഹമായിരിക്കുന്നു. കഴിഞ്ഞ വർഷം മുകേഷ് അംബാനിയുടെ സ്ഥാനം ഈ ലിസ്റ്റിൽ 36 ആയിരുന്നു. ഇന്ത്യൻ വ്യവസായിയായ ലക്ഷ്മി മിത്തലാണ് ഫോർബ്‌സ് പട്ടികയിലെ ഏറ്റവും സമ്പന്നനായ രണ്ടാം സ്ഥാനത്തുള്ള ഇന്ത്യക്കാരൻ. 16.4 ബില്യൺ ഡോളറാണ് സ്റ്റീൽ വ്യവസായത്തിലൂടെ അദ്ദേഹം കൈവരിച്ചിരിക്കുന്നത്. ഫോർബ്‌സിലെ മൂന്നാമത്തെ ഇന്ത്യൻ ബില്യണയർ അസിം പ്രേംജിയാണ്. 72ാം സ്ഥാനത്തുള്ള അദ്ദേഹത്തിന്റെ ആസ്തി 14.9 ബില്യൺ ഡോളറാണ്. സോഫ്റ്റ് വെയർ സർവീസസാണ് പ്രവർത്തന മേഖല.

ദിലീപ് ഷാൻഗ് വിയാണ് ഫോർബ്‌സിലെ നാലാമത്തെ ഇന്ത്യൻ ബില്യണയർ. 13.7 ബില്യൺ ഡോളറാണ് ആസ്തി. ഈ ലിസ്റ്റിൽ 84ാം സ്ഥാനമാണുള്ളത്. കഴിഞ്ഞ വർഷത്തെ ഫോർബ്‌സ് ലിസ്റ്റിൽ ഇന്ത്യയിലെ രണ്ടാമത്തെ സമ്പന്നായിരുന്നു ഇദ്ദേഹം. 2016ലെ ഫോർബ്‌സ് ലിസ്റ്റിൽ ഇന്ത്യയിലെ ഏറ്റവും വലിയ നാലാമത്തെ സമ്പന്നനായിരുന്നു സോഫ്റ്റ് വെയർ സർവീസ് ബിസിനസ് നടത്തുന്ന ഷിവ് നാടാർ. ലിസ്റ്റിൽ 88ാം റാങ്കുണ്ടായിരുന്ന അദ്ദേഹത്തിന്റെ ആസ്തി 11.1 ബില്യൺ ഡോളറായിരുന്നു. എന്നാൽ ഇന്ന് അദ്ദേഹത്തിന്റെ റാങ്ക് 102 ആയി ഇടിയുകയും ഇന്ത്യയിലെ അഞ്ചാമത്തെ സമ്പന്നാവുകയും ചെയ്തിരിക്കുന്നു. ഇന്ത്യയിലെ ആറാമത്തെ സമ്പന്നൻ കുമാർ ബിർളയാണ്. കമ്മോദിറ്റീസ് മേഖലയിൽ പ്രവർത്തിച്ച് ഫോർബ്‌സിൽ 133ാം സ്ഥാനത്തെത്തിയ അദ്ദേഹത്തിന്റെ ആസ്തി 9.5 ബില്യൺ ഡോളറാണ്. കഴിഞ്ഞ വർഷം കുമാർബിർളയുടെ റാങ്ക് 196 ആയിരുന്നു എന്നത് പരിഗണിക്കുമ്പോൾ ഇപ്പോൾ നില മെച്ചപ്പെടുത്തിയിരിക്കുന്നു.

8.1 ബില്യൺ ഡോളറിന്റെ ആസ്തിയുള്ള ഇന്ത്യക്കാരൻ സൈറസ് പൂനവാലയ്ക്ക് ഫോർബ്‌സിൽ 159ാം സ്ഥാനത്തെത്താൻ സാധിച്ചു. ഇതിലൂടെ ഇന്ത്യയിലെ ഏറ്റവും വലിയ ഏഴാമത്തെ സമ്പന്നനുമായി. കഴിഞ്ഞ വർഷം 133ാം റാങ്കായിരുന്നു സൈറസിന്. ഇന്ത്യയിലെ എട്ടാമത്തെ സമ്പന്നനാണ് ഉദയ് കൊടാക്ക്. ബാങ്കിങ് വ്യവസായത്തിലൂടെ അദ്ദേഹം 8 ബില്യൺ ഡോളറാണുണ്ടാക്കിയിരിക്കുന്നത്. ഫോർബ്‌സിൽ അദ്ദേഹത്തിന്റെ സ്ഥാനം 166 ആണ്. കഴിഞ്ഞ വർഷം ഇന്ത്യയിലെ എട്ടാമത്തെ സമ്പന്നായിരുന്നു ഉദയ്. ഫോർബ്‌സിൽ 182ാം സ്ഥാനത്തെത്തിയ ഇന്ത്യക്കാരൻ സുനിൽ മിത്തലിന് 7.5 ബില്യൺ ഡോളറും 250ാം സ്ഥാനത്തെത്തിയ ഗൗതം അദാനിക്ക് 5.8 ബില്യൺ ഡോളറുമാണ് ആസ്തികളുള്ളത്. ഇവർ യഥാക്രമം ഇന്ത്യയിലെ ഒമ്പതും പത്തും സ്ഥാനത്തുള്ള സമ്പന്നരുമായി.

ശശി ആൻഡ് രവി റുയിയ(281),വിക്രം ലാൽ(288),ബെനു ഗോപാൽ ബാൻഗൂർ(303), സാവിത്രി ജിൻഡാൽ(303),പങ്കജ് പട്ടേൽ( 303),ദേശ് ബന്ധുഗുപ്ത(348),മിക്കി ജഗ്ടിയാനി(367), സുബാഷ് ചന്ദ്ര (385),കുശാൽ പാൽ സിങ്(427), കലാനിധി മാരൻ (474), അജയ് പിറമാൽ (501) 3.7 ബില്യൺ ഡോളർ. രവി പിള്ള (544) 3.5 ബില്യൺഡോളറിന്റെ ആസ്തി. നുസ്ലി വാഡിയ (544) അനിൽ അഗർവാൾ(603),കപിൽ ആൻഡ് രാഹുൽ ഭാട്ടിയ) (603),കുൽദീപ് സിങ് ആൻഡ് ഗുർബച്ചൻ സിങ് ദിൻഗ്ര ( 603),സുധീർ ആൻഡ് സമീർ മേത്ത( 603), പവൻ മുൻജാൽ (630),ബിആർ ഷെട്ടി (660),അനിൽ അംബാനി ( 2.7 ബില്യൺ ഡോളർ, (745),പിവി. രാമപ്രസാദ് റെഡി( 782), ആചാര്യ ബാൽ കൃഷ്ണ(814),സ്മിത് കൃഷ്ണ ഗോദ്‌റെജ് (814),ജംഷീദ് ഗോദ്‌റെജ് (814),നദീർ ഗോദ്‌റെജ് (814),ആദി ഗോദ്‌റെജ്( 814),ജംഷീദ് ഗോദ്‌റെജ്( 814), നദിർ ഗോദ്‌റെജ് (814),റിഷാദ് നവറോജി( 814), ഹസ്മുഖ് ചുഡ്ഗാർ (867),ബാബാ കല്യാണി(867) തുടങ്ങിയവരും ഫോബ്‌സ് പട്ടികയിൽ ഇടം നേടിയ ഇന്ത്യക്കാരാണ്.

പുതിയ ഫോർബ്‌സ് ലിസ്റ്റ് വിലയിരുത്തിയാൽ മൊത്തത്തിൽ ലോകത്തിൽ ബില്യണയർമാർ വർധിച്ചിട്ടുണ്ട്. കഴിഞ്ഞ വർഷത്തേക്കാൾ 13 ശതമാനമാണ് വർധനവുണ്ടായിരിക്കുന്നത്. 31 വർഷങ്ങൾക്കിടെയുണ്ടായ ഏറ്റവും വലിയ വർധനവാണിത്. 195 പുതിയവർ ലിസ്റ്റിൽ ഇടം പിടിച്ചപ്പോൾ അതിൽ 15 പേർ സ്ത്രീകളാണെന്ന പ്രത്യേകതയുമുണ്ട്. പുതിയ സ്ത്രീകളുടെ എണ്ണം കൂടി പരിഗണിക്കുമ്പോൾ ഫോർബ്‌സിൽ ഇടം നേടിയിരിക്കുന്ന മൊത്തം വനിതളുടെ എണ്ണം 227 ആയിരിക്കുകയാണ്. ഏറ്റവും കൂടുതൽ ബില്യണയർമാരുള്ള രാജ്യം യുഎസ് ആണ്. ഇവിട 565 ബില്യണയർമാരാണുള്ളത്. 319 ബില്യണയർമാരുമായി ചൈനയാണ് രണ്ടാം സ്ഥാനത്ത്. 114 ബില്യണയർമാരുള്ള ജർമനി ഇക്കാര്യത്തിൽ മൂന്നാംസ്ഥാനത്താണ്.

ചുരുങ്ങിയത് 3.7 ബില്യൺ ഡോളറിന്റെ സമ്പത്തുള്ളവരെയാണ് ഇപ്രാവശ്യം ഫോർബ്‌സ് ബില്യണയർ ലിസ്റ്റിൽ ഉൾപ്പെടുത്തിയിരിക്കുന്നത്. ഇതിൽ 501 പേർക്ക് ഒരേ സമ്പത്താണ്. ഈ ഗ്രൂപ്പിൽ ഹോളിവുഡ് സംവിധായകൻ സ്റ്റീവൻ സ്പിൽബർഗും ഉൾപ്പെടുന്നു. ഈ ലിസ്റ്റിൽ പേരുകളുള്ളവരുടെ മൊത്തം സമ്പത്ത് 7.67 ട്രില്യൺ ഡോളറാണ്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
നവധാന്യങ്ങൾക്കൊപ്പം രസം തളിക്കുന്നത് ആന്ധ്രയിലെ ആചാരം; സത്യനാരായണയും കൂട്ടരും കേടുപാട് വരുത്തിയത് അട്ടിമറിയല്ലെന്ന് പൊലീസ്; സ്വർണം പൂശി എല്ലാം നേരെയാക്കി ദേവസം ബോർഡും; പുതിയ കൊടിമരത്തിന് ആദ്യ ദിവസം തന്നെ നിറം മങ്ങിയത് അശുഭകരമെന്ന് വിശ്വാസികൾ; ശബരിമല കൊടിമരം കേടാക്കൽ തെളിയിക്കുന്നത് സുരക്ഷാ വീഴ്ച തന്നെ
നടിയെ നുണപരിശോധനയ്ക്ക് വിധേയയാക്കിയാൽ എല്ലാം തീരുമെന്ന് ഉറപ്പിക്കാനുള്ള എന്തു വിവരമാണ് ആ നടന്റെ കയ്യിലുള്ളത്? നടിയെ ആക്രമിച്ച കേസിൽ ദിലീപിന് ക്ലീൻചിറ്റ് നൽകിയ സലീം കുമാറിനെ വിമർശിച്ച് പിണറായിയുടെ വിശ്വസ്തൻ; ഇരയെ നുണ പറയുന്നവളാക്കി മുദ്ര കുത്തുന്ന രീതി ഏതു മഹാനടന്റെതായാലും സമ്മതിച്ചു കൊടുക്കില്ല
ലണ്ടനിൽ നിന്ന് പറന്നിറങ്ങിയ ലേഡീ സൂപ്പർ സ്റ്റാർ ഉറച്ചു തന്നെ; പാർവ്വതിയും റീമാ കല്ലിങ്കലും മഞ്ജു വാര്യരും താരസംഘടനയുടെ യോഗത്തിനെത്തുക രണ്ടും കൽപ്പിച്ച്; നടിയുടെ ആക്രമണം അജണ്ടയാക്കാതിരിക്കാൻ കരുക്കൾ നീക്കവും സജീവം; നിർണ്ണായകമാകുക മമ്മൂട്ടിയുടേയും മോഹൻലാലിന്റേയും നിലപാട്; കള്ളക്കളി തുടർന്നാൽ 'വുമൺ ഇൻ സിനിമ കളക്ടീവ്' അമ്മയെ കൈവിടും
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
ആൺസുഹൃത്തിനെ മർദ്ദിച്ച് വിരട്ടിയോടിക്കും; പെൺകുട്ടിയെ മലമുകളിലെ രഹസ്യകേന്ദ്രത്തിലെത്തിച്ച് കാമകേളി; എതിർത്താൽ കരണത്തടിയും പീഡനവും; എല്ലാം കഴിഞ്ഞാൽ ഭക്ഷണവും വണ്ടിക്കൂലിയും; ഭൂതത്താൻകെട്ടിലെ ചതിക്കുഴിയിൽ വീഴുന്നതിൽ ഏറെയും കാമുകീകാമുകന്മാർ; എല്ലാം അറിഞ്ഞിട്ടും കണ്ണും കാതും തുറക്കാതെ പൊലീസും വനംവകുപ്പും
വാടക കൊടുക്കാൻ പോലും എന്റെ കൈയിൽ പണമില്ല; എന്റെ ഭർത്താവിനെ എങ്ങനെ രക്ഷപ്പെടുത്തണമെന്ന് എനിക്കൊരു പിടിയുമില്ല; 21 മാസം മുമ്പ് പൊലീസ് കൊണ്ടു പോയപ്പോൾ മുതൽ തുടരുന്ന കാത്തിരിപ്പ്; ഒരു ബിസിനസ്സിലും ഇന്നേവരെ ഇടപെട്ടിട്ടില്ലാത്ത ഞാനും ഏത് നിമിഷവും ജയിലിലാകും; രണ്ട് കൊല്ലം കൊണ്ട് എല്ലാം നശിച്ച് ആകെ തളർന്നു പോയ അറ്റ്‌ലസ് രാമചന്ദ്രന്റെ ഭാര്യ മനസ്സ് തുറക്കുന്നു
സ്വത്തിലെ തർക്കം തുടങ്ങിയത് നടന്റെ വിവാഹ മോചനത്തിന് ശേഷം; ആവശ്യപ്പെട്ടത് സംവിധായക സുഹൃത്തിന്റെ പേരിൽ എല്ലാം തിരികെ എഴുതിക്കാൻ; മുൻ ഭാര്യയ്ക്ക് മാത്രമേ നൽകൂവെന്ന് പറഞ്ഞത് വൈരാഗ്യമുണ്ടാക്കി; പൾസർ സുനിയുടെ വെളിപ്പെടുത്തലുകളുടെ വഴിയേ നടിയുടെ മൊഴിയും; നടിയെ ആക്രമിച്ച കേസ് അന്വേഷണം ബംഗളുരുവിലെ ഭൂമി ഇടപാടുകളിലേക്ക്
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു