1 aed = 17.64 inr 1 eur = 75.64 inr 1 gbp = 82.58 inr 1 kwd = 212.31 inr 1 sar = 17.13 inr 1 usd = 64.11 inr

Aug / 2017
24
Thursday

ഹോമിയോപ്പതി കപടശാസ്ത്രമെന്ന് യുക്തിവാദികൾ; അങ്ങനെയല്ല ഒരു സയൻസ് തന്നെയെന്ന് ആചാര്യ സമൂസ ത്രികോണാധ്യായ; തർക്കം മൂത്തപ്പോൾ ഡിങ്കമതത്തിന്റെ പ്രവർത്തനം നിലച്ചു; പുനപ്രസിദ്ധീകരണം തുടങ്ങിയ ബാലമംഗളവും പൂട്ടി; ബിബിസി പോലും ഫീച്ചർ ചെയ്ത ശാസ്ത്രമതത്തിന് അകാല ചരമം

April 20, 2017 | 06:32 AM | Permalink



കെ വി നിരഞ്ജൻ

കോഴിക്കോട്: ബി.ബി.സി വരെ റിപ്പോർട്ട് ചെയ്യത്തക്ക രീതിയിൽ ശക്തമായ പാരഡി മതമായി കേരളത്തിൽനിന്ന് പടർന്ന് പന്തലിച്ച ഡിങ്കമതത്തിന്റെ പ്രവർത്തനങ്ങൾ ഏതാണ്ട് നിലച്ച നിലയിൽ.ഹോമിയോപ്പതി ഒരു ശാസ്ത്രമാണോ എന്ന വിഷയത്തിലുണ്ടായ ഭിന്നതയാണ്, പരമ്പരാഗത മതങ്ങളുടെ പൊള്ളത്തരങ്ങളെ പരിഹസിച്ചുകൊണ്ട് വളരെ പെട്ടെന്ന് നവമാധ്യമങ്ങളിലൂടെ വളർന്നുവന്ന ഡിങ്കമതത്തിന് വിനയായത്.

ഡിങ്കോയിസം പ്രചരിപ്പിക്കുന്ന പ്രമുഖർക്ക് ഹോമിയോപ്പതിയെ തള്ളിപ്പറയാൻ കഴിയാഞ്ഞതോടെ യുക്തിവാദികളും സ്വതന്ത്രചിന്തകരും പഴയതുപോലെ ഈ ഗ്രൂപ്പിൽ സജീവമല്ല. ഇപ്പോൾ എതാനും ഫേസ്‌ബുക്ക് പോസ്റ്റുകൾ ഇടുന്നതൊഴിച്ചാൽ ഡിങ്കോയിസ്റ്റുകളുടെ പ്രവർത്തനം കേരളത്തിൽ തീർത്തും ഇല്ലാതായിരക്കയാണ്. കഴിഞ്ഞ വർഷങ്ങളിലായി 'മൂഷിക സംഗമം','ഡിങ്കമഹാസമ്മേളനം' തുടങ്ങിയ പരിപാടികളിലൂടെ സജീവമായിരുന്ന ഡിങ്കോയിസ്റ്റുകൾക്ക് ഇപ്പോൾ മതഭീകരതയും, ഭരണകൂട ഭീകരതയും അടക്കമുള്ള ഒരുപാട് പ്രശ്‌നങ്ങൾ ഉണ്ടായിട്ടും പ്രതികരിക്കാൻ കഴിഞ്ഞിട്ടില്ല. ഡിങ്ക മതത്തിന്റെ പ്രശസ്തി കണ്ട് ബാലമംഗളം പുനപ്രസിദ്ധീകരിച്ച മംഗളം ഗ്രൂപ്പും വായനക്കാരില്ലാതെ വെട്ടിലായിരിക്കയാണ്. ഇതോടെ അവർ ഡിങ്കനെ മംഗളം വാരികയിലേക്ക് പറിച്ചുനട്ടു. ഇപ്പോൾ ആ കോളവും മുടങ്ങുന്ന അവസ്ഥയാണ്.

എല്ലാ ആശയങ്ങളോടും അഭിപ്രായങ്ങളോടും സഹിഷ്ണുത കാണിക്കുന്ന 'മത'മാണ് ഡിങ്കമതം. പരമ്പാരഗത മതങ്ങളുടെ പൊട്ടത്തരങ്ങളെ നിശിതമായ വിമർശിച്ചും ശാസ്ത്രീയതെ പുൽകിക്കൊണ്ടുമാണ് ഈ മതം ജന്മം കൊണ്ടത്. നവമാധ്യമങ്ങളിലെ കോമഡിയായി 2008ൽ പ്രത്യക്ഷപ്പെട്ടുതുടങ്ങിയ ഡിങ്കൻ 2014 ആയപ്പോഴേക്കും ഒരു മതമായി വളരുകയായിരുന്നു. ബാലമംഗളം എന്ന കുട്ടികൾക്കായുള്ള കഥാപുസ്തകത്തിലെ ഒരു കഥാപാത്രമായ ഡിങ്കൻ എന്ന അമാനുഷിക സിദ്ധിയുള്ള കുഞ്ഞൻ എലിയെ കൂട്ടുപിടിച്ച്, വ്യവസ്ഥാപിത മതക്കാർ പറയുന്ന എല്ലാ കാര്യങ്ങളും വ്യാഖ്യാനിച്ചുണ്ടാക്കാൻ ഇവർക്കായി.

ബാലമംഗളം തങ്ങളുടെ വിശുദ്ധ പുസ്തകമാണെന്ന് പറയുന്ന ഡിങ്കോയിസ്റ്റുകൾ അതിലെ ഡിങ്കന്റെ പല വരികളും വായിച്ചെടുത്ത്, മതപ്രഭാഷകർ വ്യാഖ്യാനിക്കുന്നപോലെ കീറിമുറിച്ച് പ്രപഞ്ചാൽപ്പത്തി മുതൽ അവസാനം വരെയുള്ള കാര്യങ്ങൾ വിശദീകരിക്കുന്നത് വലിയ കൗതുകത്തോടെയാണ് മലയാളികൾ കണ്ടത്. 2015-16 കാലത്തിലൊക്കെ നിരവധി സമ്മേളനങ്ങളും കാമ്പയിനുമായി അവർ കത്തിക്കയറി. ഡിങ്കനായി ഭക്തിഗാനങ്ങളും സൂക്തങ്ങും നവമാധ്യമങ്ങളിൽ നിറഞ്ഞു.

ദിലീപിന്റെ പ്രൊഫസർ ഡിങ്കൻ എന്ന സിനിമ തങ്ങളുടെ മത വികാരം വ്രണപ്പെടുത്തിയെന്ന് പറഞ്ഞ് ഡിങ്കോയിസ്റ്റുകൾ നടത്തിയ പ്രതിഷേധമാർച്ചും വൻ ജനശ്രദ്ധ ആകർഷിച്ചു. യുക്തിവാദികളുടെ നൂറു വർഷത്തെ പ്രവർത്തനം കൊണ്ട് കഴിയാത്തത് ഡിങ്കോയിസ്റ്റുകൾക്ക് ഏതാനും ദിവസങ്ങൾകൊണ്ട് കഴിഞ്ഞുവെന്ന് പറഞ്ഞാണ് പ്രശസ്ത സാഹിത്യകാരൻ എൻ.എസ് മാധവനെപ്പോലുള്ളവർ ഡിങ്കമതം പുൽകിയത്.മുൻ കോഴിക്കോട് ജില്ലാകലക്ടർ പ്രശാന്തിനെപ്പോലെ ജനകീയരായ പലരും ഡിങ്ക കാമ്പയിന് പരസ്യമായ പിന്തണയുമായി എത്തി. 2006 ഏപ്രിലിൽ നടന്ന ഡിങ്കമഹാസമ്മേളനത്തിൽ എതാണ്ട് ഇരുപത്തിഅയ്യായിരത്തോളം പേർ പങ്കെടുത്തുവെന്നാണ് കരുതുന്നത്.

ഈ സാഹചര്യത്തിലാണ് കേരളത്തിൽ നിന്ന് 'ശാസ്ത്രമതത്തിന്റെ വേലിയേറ്റം എന്ന്' വിശേഷിപ്പിച്ചുകൊണ്ട് ബി.ബി.സി തന്നെ ഡിങ്കമതത്തെ റിപ്പോർട്ട് ചെയ്യുന്നതും. കേരളത്തിലെ മതപുരോഹിതർക്ക് പ്രത്യേകിച്ച് ഇസ്ലാമിസ്റ്റുകൾക്ക് ഡിങ്കോയിസ്റ്റുകളോട് കടുത്ത പ്രതിഷേധം ഉണ്ടായിരുന്നെങ്കിലും അവർക്ക് ഒന്നും ചെയ്യാനായില്ല. മതനിന്ദാകുറ്റം വരാതിരിക്കാനായി വളരെ ബുദ്ധിപൂർവമാണ് ഡിങ്കാനുയായികൾ കരുക്കൾ നീക്കിയത്.ഇതാന്നും തമാശയല്ലെന്നും ഡിങ്കൻ എന്നത് വിളിച്ചാൽ വിളികേൾക്കുന്ന ദൈവമാണെന്നും തങ്ങൾ നൂറുശതമാനം ആത്മാർഥമായിട്ടാണ് ഡിങ്കനിൽ വിശ്വസിക്കുന്നതെന്നുമാണ് അവർ പ്രചരിപ്പിച്ചത്.അതോടെ കോടതിയിൽപോലും മതനിന്ദാകുറ്റം നിലനിൽക്കാതായി.

ഹോമിയോപ്പതിയുടെ പേരിലാണ് ഡിങ്കോയിസ്റ്റുകൾ രണ്ടു തട്ടിലായത്. ഹോമിയോപ്പതി ഒരു കപടശാസ്ത്രമാണെന്നും, മതങ്ങളെ അശാസ്ത്രീയതയുടെ പേരിൽ വിമർശിക്കുന്നവർക്ക് അതേ അബദ്ധം പ്രചരിപ്പിക്കുന്ന ഹോമിയോപ്പതിയെ എങ്ങനെ പിന്തുണക്കാൻ ആവുമെന്നാണ് ഒരു വിഭാഗം സ്വതന്ത്ര ചിന്തകർ ചോദിച്ചത്. എഴുത്തുകാരനും വാഗ്മിയുമായ പ്രൊഫസർ സി. രവിചന്ദ്രന്റെയും, ഡോ.എം.എസ് വിശ്വനാഥൻ, ഡോ.അഗസ്റ്റസ് മോറിസ്, ഡോ.മനോജ് കോമത്ത് എന്നീ സ്വതന്ത്ര ചിന്തകരുടെയുമൊക്കെ നേതൃത്വത്തിൽ ഹോമിയോപ്പതിക്കെതിരെ ശക്തമായ കാമ്പയിനാണ് ആ സമയത്ത് നടന്നിരുന്നത്.

ഹോമിയോപ്പതിയെ മാത്രമല്ല, ആയുർവേദം അടക്കമുള്ള അശാസ്ത്രീയമായ ഒന്നിനെയും അംഗീകരിക്കാനാവില്ലെന്നും, വികസിത രാഷ്ട്രങ്ങൾ ഹോമിയോപ്പതിലെ ഒരു കപട ചികിൽസായി മാത്രമേ കാണുന്നുള്ളൂവെന്നും ഒരു വിഭാഗം ചെറുപ്പക്കാർ ശക്തമായ നിലപാട് എടുത്തു. എന്നാൽ ഡിങ്കമതത്തിന്റെ 'ആചാര്യനെന്നും പ്രവാചകനെന്നും വിശേഷിപ്പിക്കപ്പെടുന്ന 'സമൂസ ത്രികോണാധ്യായ'എന്ന പേരിൽ അറിയപ്പെടുന്ന, രാകേഷ് ഉഷ രഘുനാഥ് അടക്കമുള്ളവർക്ക് ഇക്കാര്യം അംഗീകരിക്കാനായില്ല. ഹോമിയോപ്പതി ഒരു സയൻസ് തന്നെയാണെന്നായിരുന്ന അവരുടെ വാദം.

ഡിങ്ക മതത്തിന്റെപൊതു അഭിപ്രായം എന്നു തോന്നിക്കുന്ന തരത്തിൽ ഹോമിയോപ്പതിയെ പന്തുണച്ചുകൊണ്ട് രാകേഷ് നടത്തിയ പ്രചാരണത്തിൽ 'മൂഷിക സേന' ( ഡിങ്കോയിസ്റ്റുകളുടെ യുവജന സംഘടനയാണ് ഇത്) വാട്‌സ് ആപ് ഗ്രൂപ്പിൽ വിശദീകരണം ചോദിച്ചിരുന്നു. മാപ്പു പറയാതെ വീണ്ടും ഹോമിയോ അനുകൂല നിലപാടുമായി രാകേഷ് മുന്നോട്ടു പോയത് മറ്റ് അംഗങ്ങളെ ചൊടിപ്പിച്ചു.

അതോടെ എല്ലാ ആശയങ്ങളോടും അഭിപ്രായങ്ങളോടും സഹിഷ്ണുത പ്രകടിപ്പിക്കുന്ന ഡിങ്കമതവും പിളർന്നതായി വാർത്തകൾ വന്നു. സമൂസ ത്രികോണാധ്യായയെ ഡിങ്കോയിസത്തിൽ നിന്ന് പുറത്താക്കിയെന്നതും വാർത്തയായി. ഇതോടെ സമൂസ പുതിയ മതത്തിന്റെ പ്രഖ്യാപനം ഫേസ്‌ബുക്കിൽ നടത്തി. ഡിങ്കോസിയസം(മ) അതായത് മാനവികം ആണ് പുതിയ മതമെന്ന് അദ്ദേഹം പകുതി തമാശയായി ഫേസ്‌ബുക്കിൽ പ്രഖ്യാപിച്ചിരുന്നു.



പക്ഷേ ശാസ്ത്രീയതയിൽ അടിയുറച്ചുപോവുകയായിരുന്ന കേരളത്തിലെ സ്വതന്ത്ര ചിന്തകരുടെ കൂട്ടായ്മായ ഫ്രീ തിങ്കേഴ്‌സ് ഫോറത്തിലെ ചെറുപ്പക്കാർ ഒന്നും ഇത് തമാശയായിട്ടല്ല എടുത്തത്.'സമൂസയുടെ' നിലപാടുകൾ അശാസ്ത്രീയമായതോടെ അവർ ഡിങ്കമതത്തിലെ കാമ്പയിനിൽനിന്ന് മാറി, തങ്ങളുടെതായ വിമർശന പദ്ധതികളുമായി മുന്നോട്ടുപോയി.എതാണ്ട് ഒറ്റപ്പെട്ടപോലെയായ 'സമൂസയും' ഡിങ്കമതത്തിനായി കാര്യമായ കാമ്പയിൻ നടത്താതായി. അതോടെ ഫലത്തിൽ ഈ പാരഡി മതത്തിന്റെ പ്രവർത്തനം നിലക്കുകയും ചെയ്തു.

പക്ഷേ ഡിങ്കോയിസം എന്ന പാരഡി മതം ഉയർത്തിയ വിമർശനങ്ങൾ ഇപ്പോഴും നിലനിൽക്കയാണെന്നും വരും ദിവസങ്ങളിൽ ശക്തമായി തിരച്ചുവരുമെന്നുമാണ് ഇതുമായി ബന്ധപ്പെട്ടവർ പറയുന്നത്.വേദപുസ്തകങ്ങളിൽ പറയുന്നുവെന്നത് ഒരു ബാലമംഗളംവെച്ച് വ്യാഖ്യാനിച്ച് എടുക്കാൻ കഴിയുമെന്ന് തെളിയിക്കാൻ കഴിഞ്ഞതാണ് ഡിങ്കമതത്തിന്റെ ഏറ്റവും വലിയ പ്രസക്തിയെന്നാണ് പ്രമുഖ യുക്തിവാദിയും എഴുത്തുകാരനുമായ ഇ.എ ജബ്ബാർ ഈയിടെ അഭിപ്രായപ്പെട്ടത്.

നൂറായിരം വിവരക്കേടുകൾ തലകീറി തർക്കിച്ചോ, അധികാരത്തർക്കതിന്റെയോ ഒന്നും പേരിലല്ല ശാസ്ത്രീയ സത്യത്തിന്റെ പേരിലാണ് ഡിങ്കോയിസ്റ്റുകൾ ചേരിതിരിഞ്ഞതെന്നതുതന്നെ തങ്ങൾക്ക് അഭിമാനമാണെന്നാണ് ഡിങ്കോയിസ്റ്റുകളുടെ വാട്‌സാപ്പ് ഗ്രൂപ്പിലും പ്രചരിക്കുന്നത്.വൈകാതെ ഒരു വലിയ പരിപാടിയുമായി തിരിച്ചത്തെുമെന്നും അവർ അവകാശപ്പെടുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
എന്തു വിലകൊടുത്തും കെ മുരളീധരനെ ബിജെപിയിൽ എത്തിക്കാൻ സുരേഷ് ഗോപിയെ ചുമതലപ്പെടുത്തി അമിത് ഷാ; കണ്ണൂരിൽ സിപിഎമ്മിനെ നേരിടാൻ കെ സുധാകരനെ കൊണ്ടു വരാനും ആക്ഷൻ ഹീറോ തന്നെ മധ്യസ്ഥം വഹിക്കും; തമ്മിൽ തല്ലുന്ന നേതാക്കളും ദുർബ്ബലമായ പ്രസിഡന്റുമായി ഒരു എംപിയെ പോലും വിജയിപ്പിക്കാൻ കഴിയില്ലെന്ന് ഉറപ്പായതോടെ അമിത് ഷാ നീങ്ങുന്നത് പിളർപ്പിന്റെ രാഷ്ട്രീയം പരീക്ഷിക്കാൻ
താര സംഘടനയില്ലെങ്കിലും കുഴപ്പിമില്ലെന്ന് പൃഥ്വിരാജും കൂട്ടരും; താൻ സ്ഥാനം ഒഴിഞ്ഞ ശേഷം ദിലീപിനെ പുറത്താക്കിക്കൊള്ളൂവെന്ന് ഇന്നസെന്റ്; അനധികൃത ആസ്തികളെ കുറിച്ച് അഴിക്കുള്ളിലായ നടൻ തുറന്നു പറയുമോ എന്ന ഭയത്തിൽ മുൻനിര താരങ്ങൾ; എല്ലാം രഹസ്യമായി തന്നെ തുടരാൻ കരുക്കൾ നീക്കി ദാവൂദിന്റെ സ്വന്തം ഗുൽഷനും; ഇനി 'അമ്മ' ഓർമ്മയിൽ മാത്രമോ?
ഒന്നരക്കോടി രൂപ പ്രതിഫലം ലഭിക്കുമായിരുന്നെങ്കിൽ പ്രതി അപ്പോൾ തന്നെ കൃത്യം നിർവഹിക്കുമായിരുന്നില്ലേ? നാലു വർഷം വൈകിപ്പിക്കുമായിരുന്നോ? അന്വേഷണസംഘത്തിന്റെ വാങ്ങൾ പൊളിക്കാൻ അഡ്വ. ബി. രാമൻപിള്ള ഉന്നയിച്ചത് 20 പോയിന്റുകൾ; ദിലീപ് കിംങ് ലയറെന്ന് പ്രോസിക്യൂഷൻ; ദിലീപിന്റെ ജാമ്യഹർജിയിൽ ഹൈക്കോടതിയിൽ നടന്ന വാദം ഇങ്ങനെ
മഹാരാജാസിൽ എസ്എഫ്‌ഐക്ക് വെല്ലുവിളി ഉയർത്തിയത് മൂന്ന്മാസം പ്രായമുള്ള ഫ്രറ്റേണിറ്റി മൂവ്മെന്റ്; ചെയർപേഴ്‌സണായ എസ്എഫ്ഐയുടെ മൃദുലാ ഗോപി ഫ്രറ്റേണിറ്റി സ്ഥാനാർത്ഥി ഫുവാദ് മുഹമ്മദിനോട് ജയിച്ചത് 121 വോട്ടുകൾക്ക് മാത്രം ; മൂന്നാം വർഷ റെപ് സ്ഥാനത്തേക്ക് മത്സരിച്ച ഫ്രട്ടേണിറ്റി സ്ഥാനാർത്ഥി ഇസ്ഹാഖ് നേടിയത് ചരിത്ര വിജയം
പിണറായിയെ സിബിഐ വേട്ടയാടിയെന്ന് ജസ്റ്റീസ് ഉബൈദ്; ലാവ്‌ലിൻ കേസിൽ ഒന്നാം പ്രതിയായ മോഹനചന്ദ്രനും എഴാം പ്രതിയായ പിണറായി വിജയനും എട്ടാം പ്രതിയായ ഫ്രാൻസിസും തെറ്റൊന്നും ചെയ്തില്ല; അഴിമതി കാട്ടിയത് കെഎസ്ഇബി ഉദ്യോഗസ്ഥരെന്നും ഹൈക്കോടതി; മൂന്ന് പ്രതികൾ മാത്രം വിചാരണ നേരിട്ടാൽ മതി; അഴിമതിക്കേസിൽ കേരളാ മുഖ്യമന്ത്രിക്കും സിപിഎമ്മിനും ആശ്വാസം; ഹരീഷ് സാൽവെയുടെ വാദങ്ങൾക്ക് അംഗീകാരം; സിബിഐയ്ക്ക് വമ്പൻ തിരിച്ചടി
സമസ്താപരാധം പറഞ്ഞ് മാപ്പ് ചോദിക്കാമെന്ന് വമ്പൻ സ്രാവും മാഡവും; പൾസർ സുനിയുടെ രഹസ്യ മൊഴി പുറത്തുവരാതിരിക്കാനും ഭീഷണിയും കാലുപിടിത്തവും; വിവാഹജീവിതത്തിൽ കേസ് കല്ലുകടിയാവുമെന്ന ഉപദേശിക്കാൻ താരപ്രമുഖരിറങ്ങും; ഓണച്ചിത്രങ്ങളുടെ പേരു പറഞ്ഞ് മഞ്ജുവിനേയും സ്വാധീനിക്കാനും നീക്കം: ദിലീപിനെ രക്ഷിക്കാൻ കരുതലോടെ കരുനീക്കം
ചേട്ടൻ ജയിലിൽ നിന്നും പുറത്തിറങ്ങില്ലെന്ന് ഉറപ്പായതോടെ 5000കോടിയും ബിസിനസ്സ് സാമ്രാജ്യവും പിടിച്ചടക്കി അനിയൻ; പുറത്താക്കിയ മാനേജരെ തിരിച്ചെടുത്ത് കമ്പനി ഭരണം; ഭാര്യയ്ക്കും മകൾക്കും പോലും റോളൊന്നുമില്ല; ജയിൽ ഫോണിൽ നിന്നും വിളിച്ച് ഭീഷണിപ്പെടുത്തിയെന്ന നിസാമിനെതിരെയുള്ള പരാതിയുടെ പിന്നിലെ കഥ ഇങ്ങനെ
ഒരു ചാനലിൽ മറുനാടനെതിരെ പരാമർശം നടത്തിയതിന് വൈരാഗ്യം തീർക്കുകയാണെന്ന് ദിലീപ് കോടതിയിൽ; രമ്യാ നമ്പീശൻ അടക്കം എല്ലാ സാക്ഷികളും ആക്രമിക്കപ്പെട്ട നടിയുടെ സുഹൃത്തുക്കളാണ്; ലിബർട്ടി ബഷീറും ശ്രീകുമാറും ശത്രുക്കളാണ്; ജാമ്യാപേക്ഷയുമായി കോടതിയിൽ എത്തിയ ദിലീപ് മറുനാടൻ അടക്കമുള്ള മാധ്യമങ്ങൾക്കെതിരെ പരാതി ഉയർത്തി
ആ സംസാരിച്ച ശങ്കർദാസും മറുപടി പറഞ്ഞ ദീപയും വ്യാജന്മാർ! സ്റ്റേജിൽ കയറി അടിച്ച് തലമണ്ട ഉടയ്ക്കുമെന്ന് പറഞ്ഞത് റിക്കോർഡ് ചെയ്തു അറിയിക്കാൻ രാഹുൽ ഈശ്വറിന്റെ ഭാര്യയോട് ബിജെപി നേതാവ് പറയുന്ന ഓഡിയോ ആരുടെ കൂർമ്മ ബുദ്ധിയിൽ പിറന്നത്? ഹാദിയ-മദനി സന്ദർശനം നടത്തിയ രാഹുൽ ഈശ്വറിനെ വിടാതെ പിന്തുടർന്ന് വിവാദങ്ങൾ
എന്തു വിലകൊടുത്തും കെ മുരളീധരനെ ബിജെപിയിൽ എത്തിക്കാൻ സുരേഷ് ഗോപിയെ ചുമതലപ്പെടുത്തി അമിത് ഷാ; കണ്ണൂരിൽ സിപിഎമ്മിനെ നേരിടാൻ കെ സുധാകരനെ കൊണ്ടു വരാനും ആക്ഷൻ ഹീറോ തന്നെ മധ്യസ്ഥം വഹിക്കും; തമ്മിൽ തല്ലുന്ന നേതാക്കളും ദുർബ്ബലമായ പ്രസിഡന്റുമായി ഒരു എംപിയെ പോലും വിജയിപ്പിക്കാൻ കഴിയില്ലെന്ന് ഉറപ്പായതോടെ അമിത് ഷാ നീങ്ങുന്നത് പിളർപ്പിന്റെ രാഷ്ട്രീയം പരീക്ഷിക്കാൻ
അറ്റ്‌ലസ് മുതലാളി തീർത്തും അവശൻ; പാരവയ്‌പ്പും സ്വത്തുതട്ടൽ കളികളും അറിഞ്ഞ് മാനസികമായും തളർന്നു; എല്ലാ പ്രതീക്ഷയും നഷ്ടപ്പെട്ട് ഭാര്യ ഇന്ദിരയും: കടം തീർക്കാനുള്ള പണം നൽകാമെന്നു ബി ആർ ഷെട്ടി അറിയിച്ചിട്ടും രണ്ട് ബാങ്കുകൾ ഒത്തുതീർപ്പിന് തയ്യാറല്ല; അഴിക്കുള്ളിൽ തളച്ചിടുന്നതിനു പിന്നിൽ മലയാളി പ്രവാസിയുടെ ഇടപെടൽ; അറ്റ്‌ലസ് രാമചന്ദ്രന്റെ മോചനം നീളുന്നത് എന്തുകൊണ്ട്?
നാലു വയസ്സുകാരൻ മകനുമായി കാമുകനൊപ്പം ഒമാനിലേക്ക് കടന്നത് വെറുതെയായി; നീക്കം മണത്തറിഞ്ഞ ഭർത്താവ് പ്രവാസികളുടെ സഹായത്തോടെ കള്ളി പൊളിച്ചു; കേരളത്തിലേക്ക് തിരിച്ചയച്ച കാമുകീകാമുകന്മാരെ കരിപ്പൂരിൽ പറന്നിറങ്ങിയപ്പോൾ കസ്റ്റഡിയിലെടുത്ത് കേരളാ പൊലീസ്; തിരിച്ചെത്തിയ അമ്മയെ കെട്ടിപ്പിടിച്ച് കരഞ്ഞ് മൂത്തമകനും: തലശ്ശേരിയിൽ നിന്നൊരു ഒളിച്ചോട്ടക്കഥ ഇങ്ങനെ
മകളുടെ തലയിൽ കൈ വച്ച് സത്യം ചെയ്യുന്നത് കണ്ടപ്പോൾ ജനപ്രിയ നായകനെ വിശ്വസിച്ചു; അച്ഛനെ പുറത്താക്കിയ സംഘടന പിടിക്കുമെന്ന മകന്റെ ഭീഷണിയും കാര്യമായെടുത്തു; ദിലീപിന് ജാമ്യം കിട്ടിയ ശേഷം യോഗമെന്ന നിലപാടും തിരിച്ചടിച്ചു; മമ്മൂട്ടിയും ലാലും ഇന്നസെന്റും വമ്പൻ പ്രതിസന്ധിയിൽ; 'അമ്മ'യുടെ പ്രസക്തി ചോദ്യം ചെയ്ത് പൃഥ്വിരാജും: ഇങ്ങനെ പോയാൽ താരസംഘടന ഇല്ലാതാവും
നാല് വർഷത്തെ പ്രണയം; പിന്നെ അനൗദ്യോഗിക രജിസ്റ്റർ മാരീജ്; താര രാജാവിന്റെ ആദ്യ വിവാഹം അമ്മാവന്റെ മകളുമായി; മഞ്ജുവിന് വേണ്ടി ബന്ധം വേർപെടുത്താൻ ഇടനിലക്കാരായത് അമ്മയും സഹോദരങ്ങളും; നല്ല കാലത്തിന് വേണ്ടി വഴിമാറിക്കൊടുത്ത യുവതിയുടെ മൊഴിയെടുക്കാൻ പൊലീസ്; നടിയെ ആക്രമിച്ച കേസിലെ കുറ്റപത്രത്തിൽ ദീലീപ് മൂന്നാംകെട്ടുകാരനാകും
രാമലീലയുമായി നെട്ടോട്ടമോടി ടോമിച്ചൻ മുളകുപാടം; കമ്മാരസംഭവം പൂർത്തിയാക്കാനാവില്ലെന്ന തിരിച്ചറിഞ്ഞ് ഗോകുലം ഗോപാലൻ; നടിയും ഗായികയുമായ 'മാഡം' കൂടി കുടങ്ങിയാൽ പ്രതിസന്ധി ഇരട്ടിക്കും; കരുതലോടെ തീരുമാനമെടുക്കാനുറച്ച് ചാനലുകളും; ദിലീപിന് ജാമ്യം നിഷേധിച്ചത് വെള്ളിത്തിരയെ പിടിച്ചുലയ്ക്കുന്നത് ഇങ്ങനെ