1 aed = 17.67 inr 1 eur = 72.68 inr 1 gbp = 84.26 inr 1 kwd = 213.81 inr 1 sar = 17.31 inr 1 usd = 64.89 inr
May / 2017
25
Thursday

ഒരുലക്ഷത്തിലധികം മൂല്യമുള്ള മുദ്രപത്രത്തിന് ഇ-സ്റ്റാമ്പിങ് നിലവിൽവന്നു; പുതിയ സംവിധാനം ഏർപ്പെടുത്തിയത് 28 സബ് രജിസ്ട്രാർ ഓഫിസുകളിൽ; ഇ-സ്റ്റാമ്പിങിനെ കുറിച്ച് അറിയേണ്ടതെല്ലാം

May 19, 2017 | 11:02 AM | Permalink



സ്വന്തം ലേഖകൻ

തിരുവനന്തപുരം: സംസ്ഥാനത്ത് വസ്തുകൈമാറ്റ രജിസ്‌ട്രേഷന് ഒരുലക്ഷത്തിലധികം മൂല്യമുള്ള മുദ്രപത്രത്തിന് ഇ-സ്റ്റാമ്പിങ് നിലവിൽവന്നു. സംസ്ഥാനത്തെ 28 സബ് രജിസ്ട്രാർ ഓഫിസുകളിലാണ് വ്യാഴാഴ്ച മുതൽ ഇ-സ്റ്റാമ്പിങ് നിലവിൽവന്നത്. ജൂൺ മുതൽ സംസ്ഥാനത്തെ എല്ലാ സബ് രജിസ്ട്രാർ ഓഫിസുകളിലും ഇ-സ്റ്റാമ്പിങ് നടപ്പാക്കും.

ഒരുലക്ഷം രൂപയിൽ താഴെയുള്ള മുദ്രപത്രങ്ങൾ ഇപ്പോഴുള്ളതുപോലെ സ്റ്റാമ്പ് വെണ്ടർമാരിൽനിന്ന് വാങ്ങി ആധാരങ്ങളുടെ രജിസ്‌ട്രേഷന് ഉപയോഗിക്കാം. നിലവിൽ 25000 രൂപയുടെ മുദ്രപത്രമാണ് ഉയർന്ന മൂല്യത്തിൽ ലഭിക്കുന്നത്. അഞ്ച്‌ലക്ഷം രൂപയുടെ മുദ്രപത്രം ആവശ്യമായി വരുന്ന ആധാരത്തിന് 25000 രൂപയുടെ 20 മുദ്രപത്രം ചേർത്ത് ആധാരം തയാറാക്കിയാണ് രജിസ്റ്റർ ചെയ്യുന്നത്. എന്നാൽ ഇനി എത്ര ഉയർന്ന മൂല്യമുള്ള മുദ്രപത്രവും ഒറ്റപേപ്പറിൽ മതിയെന്ന പ്രത്യേകതയുമുണ്ട്.

സംസ്ഥാനത്തെ എല്ലാ സബ് രജിസ്ട്രാർ ഓഫിസുകളിലും ഇ-സ്റ്റാമ്പിങ് ആരംഭിക്കുന്നതോടെ ട്രഷറിയിലും സെൻട്രൽ സ്റ്റാമ്പ് ഡിപ്പോയിൽനിന്ന് അപേക്ഷനൽകി മുദ്രപത്രം വാങ്ങുന്നരീതി ഇല്ലാതാകും. നിലവിൽ സംസ്ഥാനത്ത് തിരുവനന്തപുരം ജില്ലയിൽ മാത്രമാണ് എംപോസിങ് മുദ്രപത്രം ലഭിക്കുന്നത്. ഒരുലക്ഷം രൂപ വരെയുള്ള മുദ്രപത്രങ്ങൾ സ്റ്റാമ്പ് വെണ്ടർമാരിൽനിന്നും അതിനു മുകളിലോട്ടുള്ള തുകക്ക് ട്രഷറിയിൽ പണം അടച്ച് ഭൂ ഉടമകൾ നേരിട്ടുമാണ് മുദ്രപത്രം വാങ്ങുന്നത്.

ആധാരങ്ങളുടെ രജിസ്‌ട്രേഷൻ ഫീസായി അടച്ച ലക്ഷക്കണക്കിന് രൂപ ഖജനാവിലേക്ക് എത്താതായതിനെ തുടർന്ന് ഇ-സ്റ്റാമ്പിങ് കരുതലോടെയാണ് വകുപ്പ് നടത്തുന്നത്. ഇ-സ്റ്റാമ്പിങ് പ്രകാരമുള്ള തുകകൾ സർക്കാർ ഖജനാവിലേക്ക് വന്നിട്ടുള്ളതായി രജിസ്റ്ററിങ് ഉദ്യോഗസ്ഥൻ പരിശോധിച്ച് ബോധ്യപ്പെടുകയും കോപ്പി എടുത്ത് സൂക്ഷിച്ചശേഷവും മാത്രമേ രജിസ്‌ട്രേഷൻ നടത്താവൂ എന്നും നിർദ്ദേശം നൽകിയിട്ടുണ്ട്

മുദ്രപ്പത്രത്തിന്റെ ക്ഷാമം ഒഴിവാകുന്നതിനു പുറമെ വ്യാജമുദ്രപ്പത്രങ്ങളുടെ വിൽപനയും ഇതോടെ അവസാനിക്കുമെന്നാണ് പ്രതീക്ഷ. പരീക്ഷണ ഘട്ടത്തിൽ അപാകത കണ്ടെത്തിയാൽ അതുകൂടി പരിഹരിച്ച് സംസ്ഥാനത്തൊട്ടാകെ വ്യാപിപ്പിക്കുന്നതിനെക്കുറിചാചാണ് സർക്കാർ ആലോചിക്കുന്നത്.

കേന്ദ്ര സർക്കാർ സ്ഥാപനമായ നാഷണൽ ഇൻഫർമാറ്റിക്‌സ് സെന്ററിന്റെ (എൻ.ഐ.സി) സഹായത്തോടെയാണ് ഇതിനാവശ്യമായ സോഫ്ട് വെയർ രൂപം നൽകിയിട്ടുള്ളത്. രാജ്യത്ത് 13 സംസ്ഥാനങ്ങളിൽ നേരത്തെ ഇ-സ്റ്റാമ്പിങ് നടപ്പാക്കിയിരുന്നു.

സംസ്ഥാനത്തെ ഏതുജില്ലയിലുള്ള വസ്തുവിന്റെയും രജിസ്‌ട്രേഷൻ ഏതു സബ് രജിസ്ട്രാർ ഓഫീസിലും നടത്താൻ കഴിയുന്ന സോഫ്ട്‌വെയർ രജിസ്‌ട്രേഷൻ' സംവിധാനവും താമസിയാതെ നടപ്പാവും. നാസിക്കിലെ സെക്യൂരിറ്റി പ്രസിൽ അച്ചടിക്കുന്ന മുദ്രപ്പത്രങ്ങൾ സെൻട്രൽ സ്റ്റാമ്പ് ഡിപ്പോയിൽ എത്തിക്കുന്നതിന് പ്രതിവർഷം ഒരു കോടിയോളം രൂപയാണ് വേണ്ടിവരുന്നത്. ഈ ചെലവ് ഇ-സ്റ്റാമ്പിങ് ഒഴിവാകും.

ഇ-സ്റ്റാമ്പിംഗിന്റെ സവിശേഷതകൾ

വ്യാജമുദ്രപ്പത്രങ്ങൾ തടയാൻ കഴിയും
തുക ഒടുക്കിയ വിവരം ഓൺലൈനായി പരിശോധിക്കാം
തിരിമറികൾക്കുള്ള സാദ്ധ്യത ഇല്ലാതാവും
ഇന്റർനെറ്റ് ബാങ്കിംഗിലൂടെ എത്രരൂപയുടെ സ്റ്റാമ്പും വാങ്ങാം


എങ്ങനെ ഇ-സ്റ്റാമ്പിങ് ചെയ്യാം

തയാറാക്കുന്ന ആധാരത്തെ അടിസ്ഥാനമാക്കി രജിസ്റ്റർ ചെയ്യാനുള്ള വിവരങ്ങൾ www.keralaregistration.gov.in എന്ന വെബ്‌സൈറ്റുവഴി രേഖപ്പെടുത്തി ടോക്കൺ എടുക്കുക. ആധാരം രജിസ്റ്റർ ചെയ്യേണ്ട ദിവസവും സമയവും ഈ സമയത്ത് നിശ്ചയിക്കാം. പരമാവധി 30 ദിവസത്തിനുള്ളിലായിരിക്കണമെന്ന് മാത്രം.

ആധാരവിലയുടെ അടിസ്ഥാനത്തിൽ രജിസ്‌ട്രേഷൻ ഫീസും മുദ്രവിലയും നെറ്റ് ബാങ്കിങ് മുഖേന ഇ-ട്രഷറി സംവിധാനം വഴി ഒടുക്കാം. ഇതിന്റെ ചെലാൻ പ്രിന്റ് എടുക്കുക.
ചെലാനും ആധാരത്തിന്റെ ആദ്യവാചകങ്ങളുമുൾപ്പെടുത്തി ഫയലിങ് ഷീറ്റ് തയ്യാറാക്കുക.
ആധാരവും ഫയലിങ് ഷീറ്റും സബ് രജിസ്ട്രാർ ഓഫീസിൽ നൽകുമ്പോൾ കമ്പ്യൂട്ടറിൽ പരിശോധിച്ച് രജിസ്‌ട്രേഷൻ നടത്തി ആധാരം തിരികെ തരും.

ഇ- സ്റ്റാമ്പിങിലെ സുരക്ഷാസംവിധാനങ്ങൾ

1. മൈക്രോ പ്രിന്റിങ് - ഇ സ്റ്റാമ്പ് സർട്ടിഫിക്കറ്റിലെ ഒരു നേർത്ത വരിയിൽ സർട്ടിഫിക്കറ്റ് നമ്പറടക്കമുള്ള വിവരങ്ങൾ രേഖപ്പെടുത്തിയിരിക്കും. ഇത് നഗ്‌ന നേത്രങ്ങൾ കൊണ്ട് വായിക്കാൻ സാധിക്കില്ല.

2. വാട്ടർമാർക്ക്

3. ദ്വിമാന ബാർകോഡ്

4. യൂണിക് നമ്പർ: ഈ പ്രത്യേക തിരിച്ചറിയൽ നമ്പറിൽ ഒരു സർട്ടിഫിക്കറ്റ് മാത്രമേ കാണൂ. അതിന്റെ എൻക്വയറി മൊഡ്യൂൾ തുറന്ന് പരിശോധിച്ചാൽ എന്താവശ്യത്തിന് നൽകിയ സ്റ്റാമ്പ് സർട്ടിഫിക്കറ്റാണ്, അതിന്റെ ക്രയവിക്രയം സംബന്ധിച്ച വിവരങ്ങൾ
എന്നിവയെല്ലാം ലഭിക്കും.

സ്റ്റാമ്പ് സർട്ടിഫിക്കറ്റിലെ തിരിച്ചറിയൽ നമ്പർ പരിശോധിച്ച് ബോധ്യപ്പെട്ട് ആധാര രജിസ്ട്രേഷൻ നടത്തി അതത് രജിസ്ട്രാർമാർക്ക് തിരിച്ചറിയൽ നമ്പർ ലോക്ക് ചെയ്യാനും സാധിക്കും.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഭാര്യയായ ഷാബാനു പട്ടിണി കിടന്നപ്പോൾ ഭർത്താവായ മുഹമ്മദ് അഹമ്മദ് ഖാൻ ചെലവിനു കൊടുക്കണമെന്നു പറഞ്ഞ സുപ്രീം കോടതിക്ക് എന്തുകൊണ്ട് സ്വന്തം ഉത്തരവ് പാലിക്കാൻ പറ്റിയില്ല? രാജീവ് ഗാന്ധിക്കില്ലാത്ത നട്ടെല്ല് നരേന്ദ്ര മോദിക്കുണ്ടാകുമോ? 'രണ്ടും കെട്ടും നാലും കെട്ടും ഇഎംഎസിന്റെ മോളേം കെട്ടും' എന്ന മുദ്രാവാക്യം സിപിഎമ്മുകാരും മറന്നു പോയോ? മുത്തലാഖ് ചർച്ചയാകുമ്പോൾ മറക്കാനാകുമോ ഷബാനു ബീഗം കേസ്?
മുഖ്യമന്ത്രിക്ക് മകളുടെ സൗജന്യ ഉപദേശം, ലക്ഷങ്ങളുടെ ലാഭം കൊയ്ത് പിതാവും! ചട്ടങ്ങളെല്ലാം കാറ്റിൽപ്പറത്തി സാമ്പത്തിക ഉപദേഷ്ടാവ് ഗീതാ ഗോപിനാഥിന്റെ അച്ഛന് ഹോർട്ടികോർപിന്റെ പച്ചക്കറി വിതരണ കരാർ; കർഷകർക്ക് ലക്ഷങ്ങൾ കുടിശ്ശിക നൽകാനുള്ളപ്പോൾ ഗോപിനാഥിന്റെ കമ്പനിക്ക് നൽകുന്നത് റൊക്കം പണം; ഉപദേശത്തിന്റെ മറവിൽ അഴിമതി കൃഷിയോ?
പുഴയിൽ കുളിച്ചു കയറിയ പതിനാറുകാരന് ആദ്യമുണ്ടായത് തലവേദന; കോട്ടയത്തെ ആശുപത്രിയിൽ വച്ചു മരണം; മണിമലയാറ്റിലെ കുളിക്കിടയിൽ പുഴവെള്ളത്തിൽ നിന്ന് മൂക്കിലൂടെയോ വായിലൂടെയോ ശരീരത്തിലെത്തിയത് അമീബിക് അണുബാധയുണ്ടാക്കിയതു മരണകാരണം; എരുമേലിയിലുണ്ടായത് ലോകത്തുതന്നെ അപൂർവമായ മരണം; നാടിനാകെ ദുരന്തമുന്നറിയിപ്പ്
ഇസ്‌ളാമിലേക്ക് മതംമാറി നടത്തിയ പെൺകുട്ടിയുടെ വിവാഹം റദ്ദാക്കി ഹൈക്കോടതി; പെൺകുട്ടിയുടെ വിവാഹത്തിൽ മാതാപിതാക്കളുടെ പങ്കാളിത്തം അനിവാര്യമെന്നും നിരീക്ഷണം; വിധിയുണ്ടായത് മകളെ മതംമാറ്റി ഐഎസിൽ ചേർക്കാനുള്ള ഗൂഢനീക്കമെന്ന അച്ഛന്റെ വാദം അംഗീകരിച്ചുകൊണ്ട്; സംസ്ഥാനത്ത് മതംമാറ്റുന്ന സംഘടനകളെപ്പറ്റി ഡിജിപി അന്വേഷിക്കാനും കോടതി നിർദ്ദേശം  
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ
വീട്ടിൽ പട്ടിണി കിടക്കുമ്പോഴും പാലും പഴവും കഴിച്ച് സ്വാമി കൊഴുത്തു; അമ്മയും അച്ഛനും സ്വാമിയുടെ അടിമകളായപ്പോൾ മറ്റൊരു നിവൃത്തിയുമില്ലാതെ കിടക്ക വിരിക്കേണ്ടി വന്നു; പീഡനം അക്രമം ആയി മാറിയപ്പോൾ ഇനി മറ്റൊരു പെൺകുട്ടിക്കും ഈ ദുരന്തം ഉണ്ടാകാതിരിക്കാൻ ജനനേന്ദ്രിയം തന്നെ മുറിക്കാൻ ഉറച്ചു; പെൺകുട്ടി പൊലീസിനോട് വിവരിച്ചത് ഇങ്ങനെ
കടമായി നൽകിയ 20 ലക്ഷം തിരിച്ചു ചോദിച്ചത് പ്രശ്‌നമായി; വീട്ടുകാർ ഉറക്കമായപ്പോൾ കിടപ്പുമുറിയിലേക്ക് വിളിച്ചുവരുത്തി; ആപ്പിൾ മുറിക്കാനുള്ള കത്തി കഴുത്തിൽ ചേർത്ത് വഴങ്ങണമെന്ന് ഭീഷണിയും; പിടിവലിക്കൊടുവിൽ കത്തി കൈക്കലാക്കി ജനനേന്ദ്രിയത്തിൽ പിടിച്ച് കുറുകേ മുറിച്ചെന്ന് മൊഴി; ഗംഗേശാനന്ദ കോടിപതി ആയതിന്റെ പൊരുൾ തേടി പൊലീസ്
നടിമാർ പുതിയ സംഘടന പ്രഖ്യാപിച്ചത് 'അമ്മ' അറിയാതെ; സംഘടനാ വിരുദ്ധ പ്രവർത്തനത്തിന് നടപടി എടുക്കണമെന്ന് താര നേതാക്കൾ; മഞ്ജുവും കൂട്ടരും മുഖ്യമന്ത്രിയെ സന്ദർശിച്ചത് ടിവിയിൽക്കണ്ട് ഞെട്ടി ഇടത് എംപി ഇന്നസെന്റ് ഉൾപ്പെടെയുള്ള താരങ്ങൾ; 'വുമൺ കളക്ടീവി'ന് ഒപ്പമെന്ന സന്ദേശം നൽകി പൃത്ഥ്വിരാജും ന്യൂജെൻ താരങ്ങളും; പിളർപ്പിന്റെ വക്കിൽ താരസംഘന
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ലൗ ജിഹാദിന്റെ സൂത്രധാരൻ; ഹിന്ദു ഹെൽപ്പ് ലൈനിന്റെ മുന്നണി പോരാളി; എസ് എൻ ഡി പി-ബിജെപി കൂട്ടുകെട്ടിന്റെ സൂത്രധാരൻ; കേരളാ ഹൗസിലെ ബീഫ് വിവാദം ആളിക്കത്തിച്ച് വിവാദ നായകൻ; കുമ്മനത്തെ അധ്യക്ഷനാക്കിയ തന്ത്രശാലി; വെള്ളാപ്പള്ളിക്കും അമൃതാന്ദമയിക്കും കരിമ്പൂച്ചകളെ ഒരുക്കിയ പ്രതീഷ് വിശ്വനാഥനെന്ന 'സൂപ്പർ പവറിന്റെ' കഥ
വി എസ് എന്ന് ദേഹത്ത് എഴുതി സിറ്റിയിലൂടെ ബൈക്ക് ഓടിച്ചു; ഹക്കിം ഷായെ വടിവാളു കൊണ്ടു വെട്ടിയെന്നും ആരോപണം; ഓംപ്രകാശും പുത്തൻപാലം രാജേഷും കൂട്ടുകാർ; കാക്കികുപ്പായം നൽകരുതെന്ന് വിലക്കി ഇന്റലിജൻസ്; ചെന്നിത്തല വിശാലനായപ്പോൾ സേനയിലെത്തി; കഞ്ചാവ് കേസിലൂടെ സിപിഎമ്മിലെ കണ്ണിലെ കരടായി; ജനനേന്ദ്രിയം തകർത്തപ്പോൾ സസ്‌പെൻഷനും; എസ് ഐ സമ്പത്തിന്റെ കഥ ഇങ്ങനെ
സോഷ്യൽ മീഡിയയിലൂടെ അപകീർത്തിപ്പെടുത്തിയെന്ന കേസിൽ മുൻകൂർ ജാമ്യം എടുത്ത് സ്റ്റേഷനിലേക്ക് പോയ യുവാവിനെ പരാതിക്കാരിയായ വീട്ടമ്മയുടെ നേതൃത്വത്തിലുള്ള ക്വട്ടേഷൻ സംഘം തട്ടിക്കൊണ്ടു പോയി; ക്രൂരമായി മർദ്ദിച്ച് മൊബൈൽ ഫോണും പണവും തട്ടിയെടുത്തത് പൊലീസ് സ്‌റ്റേഷനിൽ കൊണ്ടു പോയി വിലിച്ചെറിഞ്ഞു; അറസ്റ്റ് ചെയ്തില്ല എന്നു പറഞ്ഞ് പൊലീസിനെതിരെ ഫെയ്‌സ് ബുക്കിലൂടെ ലൈവായി കൊലവിളി