1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
25
Sunday

ജഡ്ജിക്കുന്നിൽ 50 സെന്റ് ഭൂമിയിൽ മൂന്ന് നിലയിൽ 10,000 സക്വയർ ഫീറ്റ് വീട്; ഇറക്കുമതി ചെയ്ത ഫ്രഞ്ച് ഗ്ലാസും ഇറ്റാലിയൻ മാർബിളും; അടിപൊളി സ്വിമ്മിങ് പൂളും അത്യാധുനിക അടുക്കളയും; ഐജി മനോജ് എബ്രഹാമിന്റെ ആഡംബര വീട് ചർച്ചയാകുമ്പോൾ

March 25, 2017 | 11:00 AM | Permalink



അർജുൻ സി വനജ്

കൊച്ചി: അനധികൃത സ്വത്ത് സമ്പാദന കേസിൽ വിജിലൻസ് അന്വേഷണം നേരിടുന്ന തിരുവനന്തപുരം റേഞ്ച് ഐജി മനോജ് എബ്രാഹാമിന്റെ ആഡംബര ഭവനം ചർച്ചയാകുന്നു. തിരുവനന്തപുരത്ത് 50 സെന്റ് ഭൂമിയിൽ 10,000 സ്‌ക്വെയർ ഫീറ്റിലായാണ് മൂന്നു നില ആഡംബര ഭവനമാണ് ഇപ്പോൾ വിവാദങ്ങളിൽ ഇടം പിടിച്ചിരിക്കുന്നത്. തിരുവനന്തപുരം ടൗണിൽ നിന്ന് ഏതാണ്ട് 5 കിലോമീറ്റർ ദൂരെമാറി പേരൂർക്കട മണികണ്‌ഠേശ്വരം ജഡ്ജിക്കുന്നിലാണ് ഐജിയുടെ ആഡംബര ഭവനം.

വിദേശ നിർമ്മിത ഉൽപ്പന്നങ്ങളാണ് വീടിനു മോടി കൂട്ടാൻ ഉപയോഗിച്ചിരിക്കുന്നത്. ഫ്രാൻസിൽ നിന്ന് ഇറക്കുമതി ചെയ്ത ഗ്ലാസ് ഉൽപ്പന്നങ്ങളും ഇറ്റാലിയൻ നിർമ്മിത മാർബിളുമൊക്കെ വീടിന്റെ പ്രൗഡി വർധിപ്പിക്കുന്നു. വരവിൽ കവിഞ്ഞ് സ്വത്തുസമ്പാദിച്ചെന്ന ആരോപണം ഉയർന്നപ്പോൾ, താൻ കണക്കിൽ കവിഞ്ഞൊന്നും സമ്പാദിച്ചിട്ടില്ലെന്നായിരുന്നു മനോജ് എബ്രഹാമിന്റെ വാദം. ഈ വാദം പാടെ പൊളിച്ചു കൊണ്ടാണ് തിരുവനന്തപുരം പേരൂർക്കടയിൽ ഐജി പുതുതായി പണിത വീടിന്റെ കണക്കുകൾ വെളിച്ചത്തു വന്നിരിക്കുന്നത്.

അത്യാധുനിക രീതിയിലുള്ള അടുക്കളയും മറ്റ് സംവിധാനങ്ങളും പണമൊഴുകിയ വഴി തന്നെയാണ് വ്യക്തമാക്കുന്നത്. പതിനായിരം സ്‌ക്വയർ ഫീറ്റിൽ തീർത്ത വീട് സ്ഥിതി ചെയ്യുന്നത് മലമുകളിലാണ് സ്ഥിതി ചെയ്യുന്നത്. അതി മനോഹരമായ സ്വിമ്മിങ് പൂളും ഒരുക്കിയിട്ടുണ്ട്. എട്ടു കോടിയോളം രൂപ ചെലവഴിച്ചാണ് ഐജി ആഡംബര ഭവനം നിർമ്മിച്ചിരിക്കുന്നതെന്നാണ് വിവരം. എന്നാൽ കണക്കിൽ കാണിച്ചിരിക്കുന്നത് ഒരു കോടി രൂപയും. എന്നാൽ വിജിലൻസ് ഉദ്യോഗസ്ഥർ യാതൊരു അന്വേഷണവും കൂടാതെ ഒരു കോടിയുടെ കണക്ക് അപ്പാടെ അംഗീകരിച്ചു എന്നാണ് ലഭിക്കുന്ന വിവരം. വിജിലൻസ് അന്വേഷണം നടന്നു കൊണ്ടിരിക്കെത്തന്നെ 2015 ഏപ്രിലിലാണ് വീടിന്റെ പാല് കാച്ചൽ നടന്നത്. അന്ന് ആ ചടങ്ങിൽ പങ്കെടുത്ത ഏക ഐപിഎസ് ഓഫീസർ അന്നത്തെ വിജിലൻസ് ഡയറക്ടർ ആയിരുന്ന വിൻസെന്റ് എം പോൾ ആയിരുന്നു എന്നതും ശ്രദ്ധേയമാണ്.

പൊലീസ് ഐ.ജി മനോജ് എബ്രഹാം വരവിൽ കവിഞ്ഞ് സ്വത്തുസമ്പാദിച്ചെന്നും ഹെഡ്ക്വാർട്ടേഴ്സിൽ മേലധികാരിയായിരിക്കേ പർച്ചേസിൽ തിരിമറി നടത്തിയെന്നും സർക്കാർ അനുമതിയില്ലാതെ വിദേശയാത്ര നടത്തിയെന്നും ആരോപിച്ച് പത്തനംതിട്ട സ്വദേശി പി.പി. ചന്ദ്രശേഖരൻ 2014 ഡിസംബർ 8 നാണു പരാതി നൽകിയത്. ഇതിന്റെ അടിസ്ഥാനത്തിൽ വിജിലൻസ് കോടതി അന്വേഷണത്തിന് ഉത്തരവിടുകയും ചെയ്തു. എന്നാൽ മനോജ് എബ്രഹാം വരവിൽ കവിഞ്ഞ സ്വത്തു സമ്പാദിച്ചുവെന്ന ആരോപണത്തിൽ തെളിവുകൾ കണ്ടെത്താനായില്ലെന്നായിരുന്നു എറണാകുളം വിജിലൻസ് അന്വേഷണസംഘത്തിന്റെ റിപ്പോർട്ട്. വീണ്ടും വിവാദങ്ങളുയർന്നപ്പോൾ എബ്രഹാമിനുള്ള കണക്കിൽ പെടാത്ത 61.89 ലക്ഷം രൂപയുടെ സ്വത്ത് എങ്ങനെ സമ്പാദിച്ചെന്ന് അന്വേഷിക്കണമെന്നാണ് കോടതി ഇപ്പോൾ ആവശ്യപ്പെട്ടിരിക്കുന്നത്. അതെ സമയം ഒരു കോടി രൂപ മാത്രം കണക്കിൽ കാണിച്ച് 8 കോടി മുടക്കി നിർമ്മിച്ച ആഡംബര ഭവനത്തെക്കുറിച്ച് യാതൊരു അന്വേഷണവുമുണ്ടായിട്ടില്ല.

മനോജ് ഏബ്രഹാമിന് തിരുവനന്തപുരം നഗരത്തിൽ വിവിധയിടങ്ങളിൽ ഭൂമിയും ആഡംബര ബംഗ്ളാവുമുണ്ടെന്നും ഇന്ത്യ റിസർവ് ബറ്റാലിയനുവേണ്ടി ഉപകരണങ്ങൾ വാങ്ങിയതിലും അഴിമതി നടന്നതായും പരാതിക്കാരൻ ചൂണ്ടിക്കാട്ടിയിരുന്നു. ഭാര്യയുമായി ബന്ധപ്പെട്ട സെന്റ മേരീസ് ഗ്രൂപ്പിൽ അനധികൃത സമ്പാദ്യങ്ങൾ നിക്ഷേപിച്ചതായും കോടതിക്കു മുമ്പാകെ വന്നു. ഔദ്യോഗിക പദവി ദുരുപയോഗിക്കുകയും ക്രിമിനിനൽ ഗൂഢാലോചന നടത്തുകയും ചെയ്തെന്നും കോടതിയിൽ ഹർജിക്കാരൻ വാദിച്ചു. കൊച്ചിയിൽ പൊലീസ് കമ്മിഷണറായിരിക്കേ, എറണാകുളം, പത്തനംതിട്ട, വയനാട്, കർണാടക എന്നിവിടങ്ങളിൽ ഭൂമി വാങ്ങിച്ചെന്നും പരാതിയിൽ പറയുന്നു.

എന്നാൽ ജോലിയിൽ അഴിമതി കാണിച്ചിട്ടില്ലെന്നും കണക്കിൽ പെടാത്തതെന്ന് പരാതിക്കാരൻ ഉന്നയിച്ച അനധികൃത പണം ഭാര്യവീട്ടുകാരുടെ സഹായമാണെന്നുമാണ് ഐജി ആദ്യം പറഞ്ഞിരുന്നത്. ഭാര്യവീട്ടുകാർ സാമ്പത്തികമായി മുന്നോക്കം നിൽക്കുന്നവരാണെന്ന വസ്തുത പ്രസ്തുത വാദത്തിനു ബലം നൽകുകയും ചെയ്തു. എന്നാൽ 1998 ൽ കല്യാണം നടന്ന സമയത്ത് 15 ലക്ഷം രൂപയും ഒരു മാരുതി കാറും സ്ത്രീധന വകുപ്പിൽ വകയിരുത്തിയതോടെ ഭാര്യവീട്ടുകാർ ധനസഹായം അവസാനിപ്പിച്ചിരുന്നു എന്ന യാഥാർഥ്യം ഐജി മനപ്പൂർവം മറച്ചു വെച്ചു. മനോജ് എബ്രഹാമിന്റെ കുടുംബം സാമ്പത്തികമായി അത്ര ഉയർന്ന ചുറ്റുപാടിലല്ലാത്തതും സംശയം വർധിപ്പിക്കുന്നു. ഭാര്യവീട്ടുകാരുടെ ധനസഹായമെന്നു സൂചിപ്പിക്കുമ്പോഴും ഇതും വ്യാജമാണെന്ന് വ്യക്തമാകുകയാണ്. സാമ്പത്തിക ഇടപാടുകളിൽ സൂചിപ്പിക്കുന്ന സെന്റ് മേരിസ് ഗ്രൂപ്പ് ഭാര്യാപിതാവിന്റെയും സഹോദരങ്ങളുടേതുമാണ്. ഭാര്യാപിതാവ് നേരത്തെ മരിച്ചു എന്നതിനാൽത്തന്നെ പിന്നെ ആ വഴിക്കുള്ള സഹായങ്ങൾക്ക് യാതൊരു സാധ്യതയുമില്ല എന്നതാണ് വാസ്തവം. 

വരുമാനത്തിൽ കാണിച്ചിട്ടുള്ള 90 ലക്ഷം രൂപ എറണാകുളത്തെ ഭൂമി വിറ്റ് ലഭിച്ചതാണെന്നും ഈ തുക വീടുനിർമ്മാണത്തിന് ഉപയോഗിച്ചതായി വിജിലൻസും കണ്ടെത്തിയിട്ടുണ്ടെന്നും ഭൂമിവിറ്റു കിട്ടിയ പണം ഒഴിവാക്കി നിർത്തിയാണ് തനിക്ക് 65 ലക്ഷം രൂപയുടെ അനധികൃത സ്വത്തുണ്ടെന്ന നിഗമനത്തിലേക്ക് കോടതി എത്തിയതെന്നുമായിരുന്നു ഐജി മനോജ് എബ്രഹാമിന്റെ അടുത്ത വാദം. അപ്പോഴും മൂന്ന് നിലകളിലായുള്ള ആഡംബര ഭവനത്തിന്റെ കാര്യം വ്യക്തമാക്കിയിട്ടില്ല.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
എന്നെ ആരും പൂട്ടിയിടുകയോ ഒളിപ്പിച്ചു താമസിപ്പിക്കുകയോ ചെയ്തിട്ടില്ല! ഇഷ്ടപ്പെട്ട വ്യക്തിക്കൊപ്പം ജീവിക്കുകയാണ്; രണ്ടര വയസ്സുള്ള ഒരു കുഞ്ഞുമുണ്ട്; അധികമാരെയും അറിയിക്കാത്തത് ഭർത്താവ് മറ്റൊരു മതസ്ഥൻ ആയതിനാൽ; ആ ഫേസ്‌ബുക്ക് അക്കൗണ്ടുകളൊന്നും എന്റേതുമല്ല; സീരിയൽ നടി രസ്‌ന ഗോസിപ്പുകളോട് പ്രതികരിക്കുന്നു
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ആൺസുഹൃത്തിനെ മർദ്ദിച്ച് വിരട്ടിയോടിക്കും; പെൺകുട്ടിയെ മലമുകളിലെ രഹസ്യകേന്ദ്രത്തിലെത്തിച്ച് കാമകേളി; എതിർത്താൽ കരണത്തടിയും പീഡനവും; എല്ലാം കഴിഞ്ഞാൽ ഭക്ഷണവും വണ്ടിക്കൂലിയും; ഭൂതത്താൻകെട്ടിലെ ചതിക്കുഴിയിൽ വീഴുന്നതിൽ ഏറെയും കാമുകീകാമുകന്മാർ; എല്ലാം അറിഞ്ഞിട്ടും കണ്ണും കാതും തുറക്കാതെ പൊലീസും വനംവകുപ്പും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
വാടക കൊടുക്കാൻ പോലും എന്റെ കൈയിൽ പണമില്ല; എന്റെ ഭർത്താവിനെ എങ്ങനെ രക്ഷപ്പെടുത്തണമെന്ന് എനിക്കൊരു പിടിയുമില്ല; 21 മാസം മുമ്പ് പൊലീസ് കൊണ്ടു പോയപ്പോൾ മുതൽ തുടരുന്ന കാത്തിരിപ്പ്; ഒരു ബിസിനസ്സിലും ഇന്നേവരെ ഇടപെട്ടിട്ടില്ലാത്ത ഞാനും ഏത് നിമിഷവും ജയിലിലാകും; രണ്ട് കൊല്ലം കൊണ്ട് എല്ലാം നശിച്ച് ആകെ തളർന്നു പോയ അറ്റ്‌ലസ് രാമചന്ദ്രന്റെ ഭാര്യ മനസ്സ് തുറക്കുന്നു
സ്വത്തിലെ തർക്കം തുടങ്ങിയത് നടന്റെ വിവാഹ മോചനത്തിന് ശേഷം; ആവശ്യപ്പെട്ടത് സംവിധായക സുഹൃത്തിന്റെ പേരിൽ എല്ലാം തിരികെ എഴുതിക്കാൻ; മുൻ ഭാര്യയ്ക്ക് മാത്രമേ നൽകൂവെന്ന് പറഞ്ഞത് വൈരാഗ്യമുണ്ടാക്കി; പൾസർ സുനിയുടെ വെളിപ്പെടുത്തലുകളുടെ വഴിയേ നടിയുടെ മൊഴിയും; നടിയെ ആക്രമിച്ച കേസ് അന്വേഷണം ബംഗളുരുവിലെ ഭൂമി ഇടപാടുകളിലേക്ക്
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു