1 usd = 66.35 inr 1 gbp = 92.53 inr 1 eur = 80.99 inr 1 aed = 18.07 inr 1 sar = 17.69 inr 1 kwd = 220.79 inr

Apr / 2018
24
Tuesday

ജസ്റ്റിസ് കെമാൽ പാഷയുടെ ബെഞ്ചിൽ നിന്ന് അവസാന നിമിഷം ലാവ്‌ലിൻ കേസ് ജസ്റ്റിസ് ഉബൈദിന്റെ ബെഞ്ചിലേക്ക് മാറ്റി; ഈ ആഴ്ച കേസ് പരിഗണിക്കുമ്പോൾ പ്രതീക്ഷയോടെ കോടിയേരി; കുറ്റവിമുക്തനാക്കിയ വിധി തള്ളി കേസ് എടുത്താൽ പിണറായിക്ക് പദവി ഒഴിയേണ്ടി വരുമെന്ന കണക്കുകൂട്ടലിൽ നീക്കങ്ങൾ സജീവം  

January 03, 2017 | 12:45 PM | Permalink



മറുനാടൻ മലയാളി ബ്യൂറോ

കൊച്ചി: കേരള രാഷ്ട്രീയത്തിൽ തന്നെ വലിയ വഴിത്തിരിവുണ്ടാക്കിയേക്കാവുന്ന ലാവ്‌ലിൻ കേസിലെ റിവിഷൻ പെറ്റീഷൻ ഈയാഴ്ച ഹൈക്കോടതിയുടെ  പരിഗണനയ്‌ക്കെത്തുന്നു. കേസിൽ മുഖ്യമന്ത്രി പിണറായി വിജയനടക്കമുള്ളവരെ കുറ്റവിമുക്തരാക്കിയതിനെതിരെ സിബിഐ നൽകിയ റിവിഷൻ ഹർജി ജസ്റ്റിസ് പി. ഉബൈദിന്റെ ബെഞ്ചിലാണ് ഈയാഴ്ച പരിഗണനയ്‌ക്കെത്തുന്നത്. കേസിൽ പിണറായിയെ കുറ്റ വിമുക്തനാക്കിയതിന് പ്രതികൂല വിധിയുണ്ടായാൽ കേരളത്തിലെ രാഷ്ട്രീയത്തിൽ അത് പുതിയ ചർച്ചകൾക്ക് വഴിതുറക്കാൻ കാരണമാകും. ലാവ്‌ലിൻ കേസിൽ പ്രതിപ്പട്ടികയിൽ ഉണ്ടായിരുന്നുവെന്ന ഒറ്റ കാരണത്താലണ് ദീർഘകാലമായി തിരഞ്ഞെടുപ്പ് രംഗത്തുനിന്ന് പിണറായി വിട്ടുനിന്നത്.

പാർട്ടി സംസ്്ഥാന സെക്രട്ടറി പദവിയിൽ തന്നെ ഏറെക്കാലം തുടർന്ന പിണറായി കേസിൽ നിന്ന് കുറ്റവിമുക്തനാക്കപ്പെടുംവരെ തിരഞ്ഞെടുപ്പിൽ മത്സരിക്കേണ്ടതില്ലെന്ന ഉറച്ച തീരുമാനത്തിലായിരുന്നു. 2013 നവംബർ അഞ്ചിന് പിണറായിയെ കുറ്റവിമുക്തനാക്കിക്കൊണ്ട് കോടതി വിധി വന്നതിന്റെ അടിസ്ഥാനത്തിലാണ് അതിനുശേഷം നടന്ന ആലപ്പുഴയിലെ പാർട്ടി സംസ്ഥാന സമ്മേളനത്തിൽ പാർട്ടി നേതൃത്വം ഒഴിഞ്ഞ് ഭരണ നേതൃത്വത്തിലേക്ക് വരാൻ പിണറായി തീരുമാനിക്കുന്നതും അതിന് പാർട്ടി അനുമതി നൽകുന്നതും.

കേസ് നീണ്ടുപോയിരുന്നെങ്കിൽ വി എസ് സർക്കാരിന്റെ കാലത്ത് ആഭ്യന്തരം കൈകാര്യംചെയ്ത് മന്ത്രിസഭയിൽ രണ്ടാമനായും കഴിഞ്ഞ സർക്കാരിന്റെ കാലത്ത് പ്രതിപക്ഷ ഉപനേതാവായും നിയോഗിക്കപ്പെട്ട കോടിയേരിക്ക് ഇക്കുറി മുഖ്യമന്ത്രിയാകാനുള്ള സാഹചര്യമുണ്ടായിരുന്നു. പക്ഷേ പിണറായിയെ കോടതി ലാവ്‌ലിൻ കേസിൽ കുറ്റവിമുക്തനാക്കിയതോടെ ഇതിനുള്ള സാഹചര്യം മാറുകയും പിണറായി തിരഞ്ഞെടുപ്പ് രംഗത്തേക്ക് കളംമാറുകയും ചെയ്തതോടെ പാർട്ടിയുടെ ചുമതലയിലേക്ക് കോടിയേരിക്ക് മാറേണ്ടിവന്നു.

പക്ഷേ, കേസ് വീണ്ടും കോടതിയുടെ പരിഗണനയിൽ എത്തിയതോടെ കോടിയേരി പക്ഷം പ്രതീക്ഷയിലാണ്. നേരത്തേ ജസ്റ്റിസ് ബി. കെമാൽപാഷയുടെ ബെഞ്ചാണു കേസ് പരിഗണിച്ചത്. നാളെ മുതൽ തുടർച്ചയായ ദിവസങ്ങളിൽ കേസ് പരിഗണിക്കാൻ ജസ്റ്റിസ് കെമാൽപാഷ തീരുമാനിച്ചിരുന്നു. ഇതോടെ കേസിൽ പെട്ടെന്ന് ഒരു തീരുമാനമുണ്ടാകുമെന്ന സൂചനകളും പുറത്തുവന്നു. പക്ഷേ, കേസ് ഇനി പുതിയ ബെഞ്ചാണ് പരിഗണിക്കുന്നത്. ജഡ്ജിമാരുടെ പരിഗണനാ വിഷയങ്ങളിൽ വരുന്ന സ്വാഭാവിക മാറ്റം അനുസരിച്ചാണു ക്രിസ്മസ് അവധിക്കുശേഷം ബെഞ്ച് മാറി ജസ്റ്റിസ് ഉബൈദിന്റെ ബെഞ്ചിലേക്ക് കേസ് എത്തുന്നത്.

പിണറായിക്ക് രാഷ്ട്രീയ സാഹചര്യങ്ങളിൽ മുൻതൂക്കം വരുന്ന കാലത്തെല്ലാം കേസ് കുത്തിപ്പൊക്കാൻ അതതുകാലത്തെ യുഡിഎഫ് സർക്കാരുകൾ നീക്കം നടത്തിയിരുന്നുവെന്ന ആക്ഷേപം സിപിഐ(എം) ഉന്നയിച്ചിരുന്നു. 2001ൽ എകെ ആന്റണി അധികാരത്തിൽ വന്നപ്പോൾ യുഡിഎഫ് എംഎൽഎമാർ എഴുതിക്കൊടുത്ത് ആവശ്യപ്പെട്ടതിനെ തുടർന്നാണ് ലാവ്‌ലിൻ വിഷയത്തിൽ ആദ്യമായി വിജിലൻസ് അന്വേഷണം വരുന്നത്.

പക്ഷേ, ഈ കേസിനെ പിന്നീട് പിണറായി തനിക്ക് ബദലായി ഉയരുമെന്ന് തോന്നുന്ന ഘട്ടങ്ങളിലെല്ലാം പാർട്ടി വേദികളിൽ സമർത്ഥമായി ഉന്നയിക്കുകയും തനിക്ക് അനുകൂലമായി കാര്യങ്ങളെ മാറ്റിയെടുക്കുകയും ചെയ്തത് വി എസ്  അച്യുതാനന്ദനാണ്. ലാവ്‌ലിൻ ഇടപാടിൽ 374 കോടി പാഴായിയെന്ന് സിഎജി റിപ്പോർട്ട് വരുന്നത് 2005 ജൂലായ് ഒമ്പതിനാണ്. ഇതിന് പിന്നാലെ ലാവ്‌ലിൻ കരാർ എൽ.ഡി.എഫിലും പാർട്ടിയിലും ചർച്ച ചെയ്തിട്ടില്ലെന്ന് വി എസ്. അച്യുതാനന്ദൻ പറഞ്ഞതോടെ വിഷയം കേരളത്തിൽ കോളിളക്കമുള്ള ചർച്ചയായി മാറി.

ഇതിനു പിന്നാലെ 2006 ഫെബ്രുവരി 28ന് ലാവ്‌ലിൻ കേസിൽ പിണറായി വിജയനെ പ്രതിയാക്കാൻ തെളിവില്ലെന്ന് വിജിലൻസ് പ്രഥമ വിവര റിപ്പോർട്ട് തൃശ്ശൂർ വിജിലൻസ് കോടതിയിൽ സമർപ്പിച്ചതോടെ പിണറായി പക്ഷത്തിനും പാർട്ടിക്കും അത് ആശ്വാസമായി മാറി. സംസ്ഥാനം അസംബഌ തിരഞ്ഞെടുപ്പിനെ നേരിടാനൊരുങ്ങുന്നതിന് തൊട്ടുമുൻപേയായിരുന്നു ഇത്. യുഡിഎഫ് സർക്കാരിന്റെ അവസാനകാലത്ത് ആന്റണിയെ താഴെയിറക്കി ഉമ്മൻ ചാണ്ടിയായിരുന്നു മുഖ്യമന്ത്രി.

വിജിലൻസ് പിണറായിയെ കുറ്റവിമുക്തനാക്കി റിപ്പോർട്ട് നൽകിയതിന് പിന്നാലെ കേസ് സിബിഐക്ക് വിടാൻ ഉമ്മൻ ചാണ്ടി സർക്കാർ അവസാന നാളുകളിൽ തീരുമാനിക്കുകയായിരുന്നു. വി എസ് അച്യുതാനന്ദന്റെ വെളിപ്പെടുത്തലും സിഎജി റിപ്പോർട്ടും ചൂണ്ടിക്കാട്ടി നടത്തിയ നീക്കത്തോടെ ആ അസംബഌ തിരഞ്ഞെടുപ്പിലും പിണറായി ഭരണരംഗത്തേക്ക് എത്തുന്നത് തടയുകയായിരുന്നു ലക്ഷ്യം. കേസ് സിബിഐ ആദ്യം ഏറ്റെടുത്തില്ലെങ്കിലും കോൺഗ്രസിന്റെയും വിഎസിന്റെയും ലക്ഷ്യം വിജയിച്ചു.

പിന്നീട് കേസ് അന്വേഷിച്ച സിബിഐ വി എസ് സർക്കാർ അധികാരത്തിലിരിക്കെ 2009 ജൂൺ 11ന് പിണറായി വിജയൻ ഉൾപ്പടെ ഒൻപത് പേരെ പ്രതിചേർത്ത് കുറ്റപത്രം സമർപ്പിച്ചു. വിചാരണ നീണ്ടുപോയതോടെ പിന്നീട് നടന്ന അസംബഌ തിരഞ്ഞെടുപ്പിലും പിണറായി മത്സരരംഗത്തുനിന്ന് വിട്ടുനിന്നു. കേസ് വിചാരണ ഉടൻ നടത്തണമെന്ന് ആവശ്യപ്പെട്ട് പിണറായി തന്നെയാണ് 2012 ഡിസംബറിൽ ഹൈക്കോടതിയെ സമീപിക്കുന്നത്. ഹൈക്കോടതി നിർദ്ദേശത്തിന്റെ അടിസ്ഥാനത്തിൽ കേസ് പരിഗണിച്ച സിബിഐ കോടതി വിടുതൽ ഹർജികൾ ആദ്യം പരിഗണിക്കുകയും ഇതിന്റെ തുടർച്ചയായി 2013 നവംബറിൽ പിണറായി കുറ്റവിമുക്തനാക്കപ്പെടുകയുമായിരുന്നു.

പക്ഷേ, കഴിഞ്ഞ സർക്കാരിന്റെ അവസാന കാലമായപ്പോഴേക്കും വീണ്ടും യുഡിഎഫ് കേസിന് പുതുജീവൻ നൽകാൻ ശ്രമം തുടങ്ങി. കേസ് വേഗം തീർപ്പാക്കണമെന്നാവശ്യപ്പെട്ട് പ്രോസിക്യൂഷൻസ് ഡയറക്ടർ ജനറലായിരുന്ന ടി. ആസഫലി 2015 ഡിസംബറിൽ നൽകിയ ഹർജി ജസ്റ്റിസ് ഉബൈദാണു പരിഗണിച്ചത്. തുടക്കത്തിൽ തന്നെ പ്രതികളെ കുറ്റവിമുക്തരാക്കുക വഴി വിചാരണക്കോടതി പരിധി കടന്നുവെന്ന സർക്കാരിന്റെയും സിബിഐയുടെയും വാദത്തിൽ കഴമ്പുണ്ടെന്നായിരുന്നു കോടതിയുടെ പ്രാഥമിക വിലയിരുത്തൽ. പ്രതികളെ കുറ്റവിമുക്തരാക്കിയ സിബിഐ കോടതി വിധിയുടെ നിലനിൽപ് സംശയകരമാണെന്നു വിലയിരുത്തിയ കോടതി 2016 ഫെബ്രുവരി അവസാനം കേസ് പരിഗണിക്കാൻ മാറ്റി.

പക്ഷേ, ഇക്കുറി പിണറായി വിട്ടുകൊടുക്കാൻ തയ്യാറില്ലായിരുന്നു. ഫെബ്രുവരി 25നു കേസ് പരിഗണിച്ചപ്പോൾ തിരഞ്ഞെടുപ്പു മുന്നിൽ കണ്ടുള്ള രാഷ്ട്രീയ നീക്കമാണിതെന്ന് എതിർവാദമുയർത്തിയാണ് സിപിഐ(എം) കേസിനെ നേരിട്ടത്. ഇതോടെ ലാവ്‌ലിൻ കേസ് ഉടൻ പരിഗണിക്കേണ്ട അസാധാരണ സാഹചര്യമില്ലെന്നും കോടതിയെ രാഷ്ട്രീയമുതലെടുപ്പിന് ഉപയോഗിക്കരുതെന്നും വ്യക്തമാക്കി കോടതി കേസ് 2016 മേയിലേക്കു മാറ്റുകയായിരുന്നു. പിന്നീട് ജഡ്ജിമാരുടെ പരിഗണനാ വിഷയങ്ങൾ മാറിയതോടെ ബെഞ്ച് മാറി. കെമാൽ പാഷയുടെ ബെഞ്ചിലെത്തിയ കേസ് ഈയാഴ്ച തുടരെയുള്ള ദിവസങ്ങളിൽ പരിഗണിക്കാനും വേഗം തീർപ്പുകൽപിക്കാനും അദ്ദേഹം തീരുമാനിച്ചിരുന്നു. ഇതാണ് ഇപ്പോൾ ഉബൈദിന്റെ ബെഞ്ചിലേക്ക് മാറിയത്.

കുറ്റവിമുക്തനാക്കിയ സിബിഐ കോടതിവിധിക്ക് എതിരാണ് ഹൈക്കോടതിയുടെ തീരുമാനം വരുന്നതെങ്കിൽ പിണറായിക്കെതിരെ കോടിയേരി വിഭാഗം ശക്തമായി നീങ്ങിയേക്കുമെന്നാണ് സൂചന. എന്നാൽ മന്ത്രി എംഎം മണിയുടെ കാര്യത്തിൽ പാർട്ടി മറ്റൊരു നയമാണ് സ്വീകരിച്ചത് എന്നതിനാൽ കേസിൽ വീണ്ടും പ്രതിയാക്കപ്പെടുന്ന സാഹചര്യമുണ്ടായാലും പാർട്ടിയിലെ വിമർശനങ്ങളെ നേരിടാനുള്ള സാഹചര്യം പിണറായി ഒരുക്കിക്കഴിഞ്ഞു.

സമാനമായ സാഹചര്യത്തിൽ കുറച്ചുനാൾ മുമ്പ് വിചാരണക്കേസിൽ എംഎം മണിയെ കുറ്റവിമുക്തനാക്കണമെന്ന ഹർജി കോടതി തള്ളിയതോടെ അദ്ദേഹത്തെ മന്ത്രിസഭയിൽ നിന്ന് പുറത്താക്കണമെന്ന ആവശ്യം പാർട്ടിയിൽ തന്നെ ഒരു വിഭാഗത്തിൽ നിന്നും ഘടകകക്ഷികളിൽ നിന്നും ഉയരുകയും പ്രതിപക്ഷം ഏറെ ഒച്ചപ്പാടുയർത്തുകയും ചെയ്തു. പക്ഷേ, മണിയെ സംരക്ഷിക്കുന്ന നിലപാട് സ്വീകരിച്ച പാർട്ടി അദ്ദേഹത്തെ കോടതി കുറ്റക്കാരനെന്ന് വിധിക്കുന്നതുവരെ മന്ത്രിയായി തുടരുന്നതിന് പ്രശ്‌നമില്ലെന്നാണ് വ്യക്തമാക്കിയത്. ലാവ്‌ലിൻ കേസിൽ എന്തു വിധി വന്നാലും ഇതേ നിലപാട് സ്വീകരിക്കാമെന്ന നിലയിലേക്ക് കാര്യങ്ങൾ എത്തിച്ചതിന്റെ ആശ്വാസത്തിലാണ് പിണറായി പക്ഷം.

ലാവ്‌ലിൻ സംഭവങ്ങളുടെ നാൾവഴി ഇങ്ങനെ:

  • 1995ൽ യുഡിഎഫ് സർക്കാരിന്റെ കാലത്ത് രൂപീകരിച്ച കരാറിൽ മന്ത്രിസ്ഥാനത്തിരിക്കെ പിണറായി വരുത്തിയ മാറ്റം സംസ്ഥാസർക്കാരിന് നഷ്ടമുണ്ടാക്കിയെന്ന സിഎജി റിപ്പോർട്ടും തുടർന്നുള്ള സിബിഐ അന്വേഷണവും ഈ വിഷയത്തിൽ കൂടുതൽ ചർച്ചകൾക്കു കാരണമായത്.
  • 1994 മാർച്ച് 29: പള്ളിവാസൽ, പന്നിയാർ, ചെങ്കുളം വൈദ്യുതപദ്ധതികൾ നവീകരിക്കാൻ സംസ്ഥാന സർക്കാർ തീരുമാനം.
  • 1995 ഓഗസ്റ്റ് 10: പള്ളിവാസൽ, ചെങ്കുളം, പന്നിയാർ ആധുനീകരണ പദ്ധതിക്ക് എസ്എൻസി ലാവ്‌ലിനും കമ്പനിയുമായി കേരള വിദ്യുച്ഛക്തി ബോർഡ് ധാരണാപത്രം ഒപ്പുവെയ്ക്കുന്നു. സി.വി. പത്മരാജനായിരുന്നു വൈദ്യുതിമന്ത്രി.
  • 1996 ഫെബ്രുവരി 24: പദ്ധതി നടത്തിപ്പിന് എസ്.എൻ.സി. ലാവ്‌ലിൻ കമ്പനിയെ കൺസൾട്ടന്റായി നിയമിച്ചുകൊണ്ട് കരാർ ഒപ്പിടുന്നു. അന്ന് എ.കെ.ആന്റണിമന്ത്രിസഭയിൽ ജി. കാർത്തികേയൻ വൈദ്യുതിമന്ത്രി.
  • 1996 മെയ് 20: ഇ.കെ. നായനാർ മുഖ്യമന്ത്രിയായി എൽ.ഡി.എഫ്. മന്ത്രിസഭ അധികാരത്തിലേറുന്നു. പിണറായി വിജയൻ വൈദ്യുതി മന്ത്രി.
  • 1996 സപ്തംബർ 16: വൈദ്യുത മേഖലയിലെ വികസനത്തെക്കുറിച്ച് പഠിക്കാൻ സിപിഐ(എം). പോളിറ്റ് ബ്യൂറോ അംഗം ഇ. ബാലാനന്ദന്റെ നേതൃത്വത്തിൽ സമിതിയെ നിയമിച്ചു.
  • 1996 ഒക്ടോബർ 23: പിണറായി വിജയൻ കാനഡ സന്ദർശിക്കുന്നു.
  • 1997 ഫെബ്രുവരി 2: ബാലാനന്ദൻ സമിതി റിപ്പോർട്ട് സമർപ്പിക്കുന്നു. പള്ളിവാസൽ, ചെങ്കുളം വൈദ്യുത പദ്ധതികൾ അറ്റകുറ്റപ്പണികൾ നടത്തിയാൽ മതിയെന്നും കേന്ദ്ര പൊതുമേഖലാ സ്ഥാപനമായ 'ഭെല്ലി'നെ പരിഗണിക്കാമെന്നും നിർദ്ദേശം.
  • 1997 ഫെബ്രുവരി 10: സർക്കാരും ലാവ്‌ലിനുമായുള്ള അന്തിമ കരാർ ഒപ്പുവെയ്ക്കുന്നു. പദ്ധതി നവീകരണത്തിന് ഉപകരണങ്ങൾ വാങ്ങാനുള്ള ചുമതലകൂടി ലാവ്‌ലിനു നൽകി കരാർ തുക 153.6 കോടിയായി പുതുക്കി നിശ്ചയിക്കുന്നു.
  • 1997 ജൂൺ 11: മുഖ്യമന്ത്രി ഇ.കെ. നായനാരും പിണറായി വിജയനും കാനഡ സന്ദർശിക്കുന്നു.
  • 1998 ഏപ്രിൽ 25: മലബാർ കാൻസർ സെന്ററിന് സാമ്പത്തികസഹായം ലഭ്യമാക്കുന്നത് സംബന്ധിച്ച് കനേഡിയൻ സർക്കാരിന് കീഴിലെ കയറ്റുമതി വികസന കോർപ്പറേഷനുമായി കേരള സർക്കാർ ചർച്ച നടത്തുന്നു.
  • 1998 ജൂലായ് 6: കേരള സർക്കാരും കാനഡയിലെ കയറ്റുമതി വികസന കോർപ്പറേഷനുമായി വായ്പാകരാർ ഒപ്പുവെയ്ക്കുന്നു.
  • 2001: എ.കെ. ആന്റണി സർക്കാർ അധികാരത്തിൽ വന്നപ്പോൾ യു.ഡി.എഫ്. എംഎ‍ൽഎ.മാർ എഴുതി ഒപ്പിട്ടുകൊടുത്തതനുസരിച്ച് ലാവ്‌ലിൻ കരാറിനെക്കുറിച്ച് വിജിലൻസ് അന്വേഷണത്തിന് ഉത്തരവ്.
  • 2005 ജൂലായ് 9: ലാവ്‌ലിൻ ഇടപാട്: 374 കോടി പാഴായെന്ന് സി.എ.ജി. റിപ്പോർട്ട്.
  • 2005 ജൂലായ് 22: ലാവ്‌ലിൻ കരാർ എൽ.ഡി.എഫിലും പാർട്ടിയിലും ചർച്ച ചെയ്തിട്ടില്ലെന്ന് വി എസ്. അച്യുതാനന്ദൻ.
  • 2006 ഫെബ്രുവരി 28: ലാവ്‌ലിൻ കേസിൽ പിണറായി വിജയനെ പ്രതിയാക്കാൻ തെളിവില്ലെന്ന് വിജിലൻസ്. പ്രഥമ വിവര റിപ്പോർട്ട് തൃശ്ശൂർ വിജിലൻസ് കോടതിയിൽ സമർപ്പിക്കുന്നു. വൈദ്യുതി ബോർഡിലെ മുൻ ചെയർമാനടക്കം ഒൻപത് ഉദ്യോഗസ്ഥർക്കെതിരെ നടപടി വേണമെന്നും ശുപാർശ.
  • 2006 മാർച്ച് 1: ലാവ്‌ലിൻ അഴിമതി കേസ് അന്വേഷണം സിബിഐ.യ്ക്ക് വിടാൻ മന്ത്രിസഭായോഗം തീരുമാനിക്കുന്നു.
  • 2006 ജൂൺ 1: സിബിഐ. കൊച്ചി യൂണിറ്റ് പ്രാരംഭ അന്വേഷണം ആരംഭിക്കുന്നു.
  • 2006 ജൂലായ് 19: 'ക്രൈം' എഡിറ്റർ നന്ദകുമാർ സമർപ്പിച്ച കോടതിയലക്ഷ്യ ഹർജിക്ക് ലാവലിൻ കേസ് അന്വേഷണം സിബിഐ. ഏറ്റെടുത്തിട്ടില്ലെന്ന് സർക്കാർ വിശദീകരണം.
  • 2006 നവംബർ 16:ലാവ്‌ലിൻ കേസ് അന്വേഷണം ഏറ്റെടുക്കുന്നില്ലെന്ന് സിബിഐ. ഹൈക്കോടതിയെ അറിയിക്കുന്നു.
  • 2006 നവംബർ 22: സിബിഐ. അന്വേഷണം ആവശ്യമില്ലെന്ന് സർക്കാരിനുവേണ്ടി അഡ്വക്കേറ്റ് ജനറൽ ഹൈക്കോടതിയിൽ. അഡ്വക്കേറ്റ് ജനറലിന്റെ അഭിപ്രായത്തെപ്പറ്റി അറിയില്ലെന്ന് മുഖ്യമന്ത്രി വി എസ്.അച്യുതാനന്ദൻ.
  • 2007 ജനവരി 16: ലാവ്‌ലിൻ കേസ് സിബിഐ. അന്വേഷിക്കണമെന്ന് കേരള ഹൈക്കോടതി ഉത്തരവിടുന്നു.
  • 2007 ഫെബ്രുവരി 8: ലാവ്‌ലിൻ കേസ് സിബിഐ. ചെന്നൈ യൂണിറ്റ് അന്വേഷിക്കണമെന്ന് സിബിഐ. ഡയറക്ടർ ഉത്തരവിടുന്നു.
  • 2007 ഫെബ്രുവരി 13: സിബിഐ. ചെന്നൈ യൂണിറ്റ് പ്രഥമ വിവര റിപ്പോർട്ട് പ്രത്യേക കോടതിയിൽ സമർപ്പിക്കുന്നു.
  • 2008 ഫെബ്രുവരി 22: ലാവ്‌ലിൻ കരാർ മൂലം സംസ്ഥാനത്തിന് ഒരു നേട്ടവും ഉണ്ടായില്ലെന്ന് സിബിഐ.
  • 2008 മെയ് 18: പിണറായി വിജയനിൽനിന്ന് സിബിഐ. തെളിവെടുത്തു.
  • 2009 ജനവരി 22: ലാവ്‌ലിൻ കേസിൽ പ്രോസിക്യൂഷൻ അനുമതി തേടിക്കൊണ്ട് സിബിഐ. ചീഫ് സെക്രട്ടറിക്കും ഗവർണർക്കും കത്തയച്ചു.
  • 2009 ജനവരി 23: അന്വേഷണ പുരോഗതി വിശദീകരിച്ചുകൊണ്ട് സിബിഐ. ഹൈക്കോടതിയിൽ റിപ്പോർട്ട് നൽകി. പിണറായിയെ ഒമ്പതാം പ്രതിയാക്കി കുറ്റപത്രം.
  • 2009 ഫെബ്രുവരി 12: പ്രോസിക്യൂഷൻ അനുമതിക്കായി ഹൈക്കോടതി സർക്കാരിന് മൂന്നുമാസം സമയം നൽകി.
  • 2009 ഫെബ്രുവരി 14: പിണറായി വിജയന് പി.ബി.യുടെ പിന്തുണ. കേസ് രാഷ്ട്രീയപ്രേരിതമെന്ന് വിലയിരുത്തൽ.
  • 2009 ഫെബ്രുവരി 17: എ.ജി.യുടെ റിപ്പോർട്ട് കിട്ടിയാലുടൻ പ്രോസിക്യൂഷൻ സംബന്ധിച്ച നടപടിയെന്ന് മുഖ്യമന്ത്രി.
  • 2009 മാർച്ച് 28: പ്രോസിക്യൂഷൻ സംബന്ധിച്ച് മന്ത്രിസഭ ഉടൻ തീരുമാനിക്കണമെന്നാവശ്യപ്പെട്ട് മുഖ്യമന്ത്രിക്ക് ഗവർണറുടെ കത്ത്.
  • 2009 മെയ് 2: പിണറായിയെ പ്രോസിക്യൂട്ട് ചെയ്യരുതെന്ന് എ.ജി.യുടെ നിയമോപദേശം.
  • 2009 മെയ് 3: എ.ജി.യുടെ ഉപദേശം അംഗീകരിക്കാൻ സിപിഐ(എം). സംസ്ഥാന സെക്രട്ടേറിയറ്റ് തീരുമാനം.
  • 2009 മെയ് 6: പ്രോസിക്യൂഷൻ അനുവദിക്കേണ്ടതില്ലെന്ന് മന്ത്രിസഭാതീരുമാനം. ഒന്നാം പ്രതി മോഹനചന്ദ്രനെയും പത്താം പ്രതി ഫ്രാൻസിസിനെയും പ്രോസിക്യൂഷനിൽനിന്ന് ഒഴിവാക്കി.
  • 2009 മെയ് 7: തീരുമാനം ഗവർണറെ അറിയിച്ചു.
  • 2009 മെയ് 8: വിവേചനാധികാരം പ്രയോഗിക്കണമെന്നാവശ്യപ്പെട്ട് ഗവർണർക്ക് യു.ഡി.എഫ്. നേതാക്കളുടെ നിവേദനം.
  • 2009 മെയ് 10: ഗവർണർ ആവശ്യപ്പെട്ട കൂടുതൽ രേഖകൾ മുഖ്യമന്ത്രി കൈമാറി.
  • 2009 മെയ് 11: ആവശ്യപ്പെട്ട കൂടുതൽ വിവരങ്ങൾക്കായി കാത്തിരിക്കുകയാണെന്ന് ഗവർണറുടെ പത്രക്കുറിപ്പ്.
  • 2009 മെയ് 13: നിയമോപദേശം ചോർന്നതിന് എ.ജി.യെ മന്ത്രിസഭായോഗത്തിലേക്ക് വിളിച്ചുവരുത്തണമെന്ന് മന്ത്രിസഭായോഗത്തിൽ മുഖ്യമന്ത്രി ആവശ്യപ്പെടുന്നു. മന്ത്രിമാർ അനുകൂലിച്ചില്ല.
  • 2009 മെയ് 20: എ.ജി.യുടെ നിയമോപദേശത്തെപ്പറ്റി ഗവർണർ സിബിഐ.യുടെ മറുപടി തേടി.
  • 2009 ജൂൺ 1: പിണറായിയ്‌ക്കെതിരെ ശക്തമായ തെളിവുണ്ടെന്ന് ചൂണ്ടിക്കാട്ടി ഗവർണർക്ക് സിബിഐ.യുടെ മറുപടി.
  • 2009 ജൂൺ 7: പ്രോസിക്യൂഷന് ഗവർണറുടെ അനുമതി.
  • 2009 ജൽവരി 21ന് മുന്മന്ത്രിയെ പ്രതി ചേർക്കാൻ സിബിഐ ഗവർണ്ണറുടെ അൽമതി തേടി
  • ജൂൺ 7ന് പിണറായിയെ പ്രാസിക്യൂട്ട് ചെയ്യാൻ ഗവർണ്ണർ അൽമതി നൽകി
  • ജൂൺ 11ന് പിണറായി വിജയൻ ഉൾപ്പടെ ഒൻപത് പേരെ പ്രതിചേർത്ത് സിബിഐ കുറ്റപത്രം സമർപ്പിച്ചു
  • 2012 ഡിസംബർ 24ന് വിചാരണ ഉടൻ ആരംഭിക്കണമെന്ന പിണറായിയുടെ ഹർജി തിരുവനന്തപുരം സിബിഐ കോടതി തള്ളി. പിണറായി ഹൈക്കോടതിയെ സമീപിച്ചു
  • ജൂൺ 18 വിചാരണ ഉടൻ ആരംഭിക്കാനും വിടുതൽ ഹർജികൾ ആദ്യം പരിഗണിക്കാനും ഹൈക്കോടതി ഉത്തരവിട്ടു
  • 2013 നവംബർ 5ന് പിണറായിയെ കുറ്റവിമുക്തനാക്കി

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഭർത്താവ് ഉപേക്ഷിച്ചപ്പോൾ ഇളയവളെ ആറുകൊല്ലം മുമ്പ് കൊന്ന് തന്ത്രങ്ങളുടെ തുടക്കം; ആർക്കും സംശയം തോന്നാതിരുന്നപ്പോൾ മൂത്തകുട്ടിയേയും വകവരുത്തി; അമ്മയും അച്ഛനും മരിച്ചപ്പോൾ നാട്ടുകാർക്ക് സംശയമായി; വഴിവിട്ട ജീവിതം അടിപൊളിയാക്കാൻ കുതന്ത്രം ഉപദേശിച്ചത് കാമുകന്മാരോ? സാക്ഷാൽ പിണറായി വീട്ടിലെത്തിയപ്പോൾ ആദ്യമായി കുറ്റവാളി പതറി; മുഖ്യമന്ത്രിയുടെ നാട്ടിലെ ദുരൂഹക്കൊലയിൽ ഒടുവിൽ സൗമ്യയുടെ കുറ്റസമ്മതം; ജാരന്മാർക്ക് വേണ്ടി സ്വന്തം കുടുംബത്തെ ഒന്നടങ്കം ഇല്ലാതാക്കിയ ക്രൂരത ഇങ്ങനെ
രാമോജിറാവു ഫിലിംസിറ്റിയിൽ എത്തിയപോലുള്ള അനുഭവം; ഹാളിനകത്ത് 'മീന്മാർക്കറ്റ്' ഒരുക്കിയ ലോകത്തിലെ ആദ്യ വിവാഹം! വലിയ തോണിയിൽ നിരത്തി നിർത്തിയിട്ട മീനുകളിൽ ഇഷ്ടമുള്ളതിനെ ചൂണ്ടിക്കാണിച്ചാൽ അപ്പോൾ പൊരിച്ചുതരും; എംഎൽഎ പാറക്കൽ അബ്ദുല്ലയുടെ മകളുടെ വിവാഹം നടന്നത് ലക്ഷങ്ങൾ പൊടിച്ച്; മുസ്ലിം ലീഗിനെ പ്രതിരോധത്തിലാക്കി മറ്റൊരു വിവാഹ മാമാങ്കം കൂടി
ഒരാഴ്ചയായി പുതിയ അഡ്‌മിഷനില്ല; നിർബന്ധിച്ച് ഡിസ്ചാർജ് നൽകിയപ്പോൾ പലരും ബില്ലടച്ചില്ല; നഴ്‌സുമാരോട് ഏറ്റുമുട്ടി ഇനിയും നഷ്ടംവരുത്താനില്ലെന്ന് ഒരു വിഭാഗം ആശുപത്രി ഉടമകൾ; ശമ്പള വർധനയ്‌ക്കെതിരെ കോടതിയിൽ പോകുമെന്ന് ഔദ്യോഗിക വിഭാഗം; കെവിഎമ്മിനുള്ള സാമ്പത്തിക സഹായത്തിനെതിരെയും പ്രതിഷേധം; നഴ്‌സുമാരുടെ ശമ്പള വർധനയെച്ചൊല്ലി ആശുപത്രി മുതലാളിമാരുടെ സംഘടന പിളർപ്പിലേക്ക്
ഇവിടെ ഇനി താമസിക്കേണ്ട; എത്രയും പെട്ടെന്ന് ഇവിടെ നിന്ന് ഒഴിഞ്ഞ് പോകണം; കാരണം തേടിയപ്പോൾ പറഞ്ഞത് പുരുഷ സൃഹൃത്തുക്കളെ ചേർത്തുള്ള ഇല്ലാക്കഥകൾ; സഹായത്തിന് വിളിച്ചു വരുത്തിയ വീട്ടുടമയും നിന്നത് സദാചാരക്കാർക്കൊപ്പം; സീരിയൽ നടി കവിതയെ ജീവനൊടുക്കിയത് താങ്ങാനാവാത്ത സാമ്പത്തിക പ്രശ്‌നം കൊണ്ട് മാത്രമല്ല; നടിയുടെ ആത്മഹത്യക്ക് പിന്നിൽ സദാചാര പൊലീസും?
അവസാനം വരെ ഇഴഞ്ഞു നീങ്ങിയ സർക്കാർ മെഷിനറി കളി കൈവിടുമെന്നുറപ്പായപ്പോൾ വേഗത്തിൽ ചലിച്ചു; സെക്രട്ടറി ഒപ്പിടും മുമ്പ് വിജ്ഞാപനം ഇറക്കിയതായി പത്രക്കുറിപ്പ് ഇറക്കി ലേബർ കമ്മീഷണർ; സ്ഥലത്തില്ലാത്ത സെക്രട്ടറി തിരികെയെത്തി ഒപ്പിട്ടു; മണി പന്ത്രണ്ടാകും മുമ്പ് ഉത്തരവിറക്കാൻ സർക്കാർ നടത്തിയത് പെടാപ്പാട്; ലോങ് മാർച്ചിൽ പങ്കെടുക്കാനായി ചേർത്തലയിലേക്ക് വണ്ടി കയറിയ നഴ്‌സുമാർ കെവി എം സമരക്കാർക്ക് അഭിവാദ്യം അർപ്പിച്ച് മടങ്ങും
കുഞ്ഞിക്കണ്ണന്റേയും ഭാര്യ കമലയുടേയും മരണം അലൂമിനിയം ഫോസ്ഫേറ്റ് ശരീരത്തിലെത്തി; രണ്ടാമത്തെ മകളുടെ മരണത്തിന് കാരണവും വിഷം തന്നെ; ആദ്യം മരിച്ച കുട്ടിയുടെ പോസ്റ്റ്‌മോർട്ടം റിപ്പോർട്ട് നിർണ്ണായകമാകും; മരിച്ചവർക്ക് വിഷം നൽകിയതിനു പിന്നിൽ അറിഞ്ഞോ അറിയാതേയോ വീട്ടിലുള്ളയാൾക്ക് പങ്കുണ്ടെന്ന് സംശയിച്ച് അന്വേഷണം; ആശുപത്രിയിലുള്ള സൗമ്യയെ കസ്റ്റഡിയിൽ എടുത്ത് ചോദ്യം ചെയ്യും; ആൺ സുഹൃത്തുക്കളും നിരീക്ഷണത്തിൽ; പിണറായിയിലെ ദുരൂഹമരണങ്ങളുടെ ചുരുൾ അഴിയുന്നു
പാർട്ടി കോൺഗ്രസിലെ പ്രതിനിധികൾക്കിടയിൽ തോളിൽ കയ്യിട്ടുള്ള ആ ഇരുപ്പുണ്ടല്ലോ... ആ സ്‌നേഹമാണ് സഖാക്കളെ കണ്ടു പഠിക്കേണ്ടത്; ശിവൻകുട്ടിയുടെയും പാർവതിയുടെയും പാർട്ടി കോൺഗ്രസിലെ ചിത്രം വൻ വിവാദമാകുന്നു; ഭരണഘടനാ പദവി വഹിക്കുന്ന ഏഷ്യാനെറ്റ് വാർത്താ തലവന്റെ പെങ്ങൾക്ക് എങ്ങനെ വോളണ്ടിയർ ആകാൻ കഴിയുമെന്ന് ചോദിച്ചു വിമർശകർ
കാമുകനുമായുള്ള രഹസ്യ ബന്ധം സുഗമമാക്കാൻ ഭാര്യയെ കൊല്ലാൻ അമേരിക്കയിൽ മലയാളി നഴ്‌സിന്റെ ക്വട്ടേഷൻ; ഇന്റർനെറ്റിലൂടെ ഗുണ്ടയെ കണ്ടെത്തി കരാർ ഉറപ്പിച്ചത് 10000ഡോളർ ബിറ്റ് കോയിൻ നൽകി; സോഷ്യൽ മീഡിയയിലെ അക്രമ വാസനകൾ കണ്ടെത്താനുള്ള ചാനലിന്റെ അന്വേഷണം എത്തിയത് 31കാരിയിൽ; ഷിക്കാഗോയിൽ പിടിയിലായത് വിവാഹിതയായ നേഴ്‌സ്; ടീനാ ജോൺസിനെതിരെ ചുമത്തിയത് 20 വർഷം തടവ് ലഭിക്കാവുന്ന കുറ്റം
'സ്‌കോഡയിലൊക്കെ യാത്ര ചെയ്തിരുന്ന ഞാൻ ഇപ്പോൾ യാത്ര ചെയ്യുന്നത് മാരുതി ആൾട്ടോയിലാണ്..! തെറ്റ് ചെയ്തിട്ടാണ് ഈ മോശം അവസ്ഥയെങ്കിൽ സങ്കടമില്ലായിരുന്നു'; 26 ലോറികൾ സ്വന്തമായി ഉണ്ടായിരുന്നിട്ടും ഒന്നു പോലും നിരത്തിലിറക്കാൻ കഴിയാതെ ആത്മഹത്യയുടെ വക്കിലായ ഒരു മലയാളി വ്യവസായിയുടെ രോദനം; ഡ്രൈവർമാരുടെ സമരം മൂലം കോടികളുടെ കടക്കാരനായ സത്യശീലന്റെ കദനകഥ
സീരിയലിൽ അഭിനയിക്കാനെന്ന് പറഞ്ഞ് വീട്ടിൽ നിന്ന് ഇറങ്ങി; പോണേക്കരയിൽ താമസിച്ചത് നൗഫലിനൊപ്പം; രാത്രിയിൽ കാമുകൻ വീട്ടിലെത്തിയപ്പോൾ അവിടെ മറ്റൊരു പുരുഷ സാന്നിധ്യം; പ്രതികാരാഗ്നിയിൽ കാമുകിയെ കൊന്ന് ആത്മഹത്യ ചെയ്ത് ഇരുപത്തിയെട്ടുകാരൻ; മീരയുടെ മൃതദേഹം കണ്ടെത്തിയത് വിവസ്ത്രയായി; യുവാവ് തൂങ്ങിമരിച്ചത് വീട്ടിൽ വിളിച്ച് അറിയച്ച ശേഷം; കൊച്ചിയെ നടുക്കി കൊലപാതകവും ആത്മഹത്യയും
തക്‌ബീർ മുഴക്കി പ്രകടനം; മതം നോക്കി ബൈക്ക് യാത്രികരെപ്പോലും തടഞ്ഞു; മുസ്ലിം ബാലികമാരെ ബലാത്സംഗം ചെയ്യാൻ ഹിന്ദുക്കളുടെ യോഗം തീരുമാനിച്ചുവെന്ന വ്യാജ വാർത്ത പോപ്പുലർ ഫ്രണ്ടിന്റെ പ്രവർത്തകർ പരമാവധി ഷെയർ ചെയ്തു; യൂത്ത് ലീഗിന്റെയും സുന്നികളുടെയും എന്തിന് ഡിവൈഎഫ് എയിലെ വരെ ചെറുപ്പക്കാർ തെരുവിലിറങ്ങി; കേരളത്തിന്റെ മതധ്രുവീകരണത്തിൽ അമ്പരന്ന് പൊലീസ് റിപ്പോർട്ട്; സ്റ്റേറ്റ് ഇന്റലിജൻസ് നോക്കുകുത്തിയായെന്നും വിമർശം
പരിവാറിന് തീവ്രത പോരെന്ന് ആരോപിച്ച് അമർനാഥും അച്ഛൻ ബൈജുവും ശിവസേനയിൽ ചേർന്നു; ആർ എസ് എസിനെ പ്രതിക്കൂട്ടിൽ നിർത്താൻ കത്വയിലെ പീഡനം ചർച്ചയാക്കി; പോസ്റ്റിന്റെ പ്രതികരണം കണ്ട് ഉണ്ടാക്കിയ 'വോയ്‌സ് ഓഫ് .....'ഉം 'വോയ്‌സ് ഓഫ് യൂത്ത് 'ഉം വമ്പൻ ഹിറ്റായി; 11 പേരടങ്ങുന്ന സൂപ്പർ അഡ്‌മിനുണ്ടാക്കി ഹർത്താലിന് ആഹ്വാനം ചെയ്തത് സംഘികൾക്ക് പണികൊടുക്കാൻ; സന്ദേശങ്ങൾ ഏറ്റെടുത്ത് അക്രമം കാട്ടി കുടുങ്ങിയത് മുസ്ലിം മതമൗലികവാദികളും; വാട്‌സ് ആപ്പ് ഹർത്താലിന് പിന്നിൽ കൊല്ലത്തെ അച്ഛനും മകനും
ആകാശത്തിൽ 32,000 അടി ഉയരത്തിൽ വിമാനത്തിന്റെ എൻജിൻ പൊട്ടിത്തെറിച്ചു; ഒരു വിൻഡോ തകർന്ന് പുറത്തേക്ക് തെറിച്ച യാത്രക്കാരിയെ അടുത്തിരുന്നയാൾ പുറത്തേക്ക് തൂങ്ങി നിൽക്കാൻ സഹായിച്ചു; മുൻ നേവി ഫൈറ്റർ പൈലറ്റ് ധീരമായി വിമാനം നിലത്തിറക്കിയപ്പോൾ ഒരാളൊഴികെ എല്ലാവരും സുരക്ഷിതർ; ഹോളിവുഡ് സിനിമയെ വെല്ലുന്ന സംഭവങ്ങൾ ഇങ്ങനെ
സൗദിഭരണം പിടിക്കാൻ അട്ടിമറി ശ്രമം നടന്നോ..? സൽമാൻ രാജകുമാരനെ സുരക്ഷിതമായി ബങ്കറിലേക്ക് മാറ്റിയോ..? കൊട്ടാരത്തിന് സമീപം തുടർച്ചയായി വെടി ഉതിർക്കൽ ശബ്ദമെന്നും അട്ടിമറി ശ്രമമെന്നും പാശ്ചാത്യ മാധ്യമങ്ങൾ; അനുമതിയില്ലാതെ പറന്ന ഡ്രോൺ വെടിവച്ചിട്ടത് മാത്രമെന്ന് സൗദി; കടുത്ത നിലപാടുമായി അടിമുടി പരിഷ്‌കരണത്തിന് ശ്രമിക്കുന്ന എംബിഎസിന് വേണ്ടി ആശങ്കയോടെ ലോകം
ഫേസ്‌ബുക്ക് വഴി പരിചയപ്പെട്ടയാൾ ക്വട്ടേഷൻ സംഘത്തലവനെന്ന് അറിഞ്ഞതോടെ സെബെല്ലയുടെ മനസ്സിൽ വിരിഞ്ഞത് വീരാരാധന; ഹീറോയിസത്തിൽ മയങ്ങി സിനിമാ പ്രവർത്തകനായ ഭർത്താവ് ഇല്ലാത്തപ്പോൾ വീട്ടിൽ സൽക്കരിച്ച് അപ്പുണ്ണിയുടെ എല്ലാമെല്ലാമായി; കൊലപാതകത്തിന് മുമ്പും ശേഷവും വാഴക്കാലയിൽ താമസവും ഒരുക്കിക്കൊടുത്ത് കാമുകി; ആർജെയെ കൊന്ന കായംകുളം അപ്പുണ്ണി തന്ത്രങ്ങളേറെ പയറ്റിയിട്ടും ഒടുവിൽ വലയിൽകുരുങ്ങിയത് പ്രണയിനിയെ പൊലീസ് വീഴ്‌ത്തിയതോടെ
കണ്ണാ.. എന്റെ പ്രാർത്ഥനയുണ്ട്... ഒന്നും വരില്ല...; ആർജെയെ വെട്ടിയത് ഫോണിൽ സംസാരിക്കുമ്പോൾ തന്നെ; സുഹൃത്തിന്റെ നിലവിളി കേട്ട ശേഷം ഗൾഫിലുള്ള നർത്തകി ഇട്ട പോസ്റ്റ് അന്വേഷണത്തിൽ നിർണ്ണായകമാകും; ആക്രമണ വിവരം മറ്റൊരു സുഹൃത്തിനെ ആലപ്പുഴക്കാരി അറിയിച്ചതിനും തെളിവ് കിട്ടി; വിവാഹമോചിതയെ നാട്ടിലെത്തിച്ച് ചോദ്യം ചെയ്യാൻ പൊലീസ്; റേഡിയോ ജോക്കി രജേഷിനെ കൊല്ലാൻ ക്വട്ടേഷൻ നൽകിയത് ഖത്തറിലെ വ്യവസായി; പ്രതികളെ കുറിച്ച് സൂചന കിട്ടിയെന്ന് അന്വേഷണ സംഘം
പാർട്ടി കോൺഗ്രസിലെ പ്രതിനിധികൾക്കിടയിൽ തോളിൽ കയ്യിട്ടുള്ള ആ ഇരുപ്പുണ്ടല്ലോ... ആ സ്‌നേഹമാണ് സഖാക്കളെ കണ്ടു പഠിക്കേണ്ടത്; ശിവൻകുട്ടിയുടെയും പാർവതിയുടെയും പാർട്ടി കോൺഗ്രസിലെ ചിത്രം വൻ വിവാദമാകുന്നു; ഭരണഘടനാ പദവി വഹിക്കുന്ന ഏഷ്യാനെറ്റ് വാർത്താ തലവന്റെ പെങ്ങൾക്ക് എങ്ങനെ വോളണ്ടിയർ ആകാൻ കഴിയുമെന്ന് ചോദിച്ചു വിമർശകർ
സ്‌റ്റേജിൽ മൈക്കിലൂടെ ദാരിദ്ര്യത്തെക്കുറിച്ച് സംസാരിക്കാറുണ്ടായിരുന്ന മണി സമ്പന്നനായപ്പോൾ ചെയ്തത് പലതും പുറത്ത് പറയാൻ കഴിയില്ല; മണി അഹങ്കാരിയും തന്നിഷ്ടക്കാരനും; ഡാമിന്റെ പോകാൻ പാടില്ലാത്ത സ്ഥലത്തേക്ക് കുക്കും ഡോക്ടറും സ്ത്രീയുമായി പോയപ്പോൾ തടഞ്ഞ ഫോറസ്റ്റ് ഗാർഡിനെ തല്ലിചതച്ച സിനിമാക്കാരനെന്നും ശാന്തിവിള ദിനേശ്; ദിലീപിന്റെ അടുപ്പക്കാരന്റെ വിമർശനം കേട്ട് ഞെട്ടി മണിയുടെ കുടുംബവും സുഹൃത്തുക്കളും
40 കിലോ മീറ്റർ സ്പീഡിൽ ഓടാമെങ്കിൽ മാത്രം പത്തനാപുരത്ത് കൂടി പാറ കൊണ്ടു പോയാൽ മതി; നിങ്ങൾ കച്ചവടക്കാരാ.....എനിക്ക് നോക്കേണ്ടത് പാവപ്പെട്ട കുട്ടികളുടെ കാര്യമാണ്; എംഎൽഎയുടെ ബോർഡ് വച്ച് പോവുന്ന എനിക്ക് നിങ്ങൾ സൈഡ് തരാറില്ല; ആദ്യം എംഎൽഎയുടെ പേരെങ്കിലും അറിഞ്ഞിട്ടു വരൂ: പരാതി കൊടുക്കാൻ ചെന്ന ടിപ്പർ മുതലാളിമാരെ ഗണേശ് കുമാർ ഓടിച്ച വീഡിയോ മറുനാടൻ പുറത്തുവിടുന്നു
കല്യാൺ ജുവല്ലറിയിൽ നിന്നും വാങ്ങിയ അഞ്ച് പവന്റെ ആന്റീക് മോഡൽ നെക്‌ളേസിൽ ആകെ ഉണ്ടായിരുന്നത് 12 ഗ്രാം സ്വർണം! അകഭാഗത്ത് നിറച്ചത് മെഴുകു കട്ടകളും കല്ലും; പണയം വെക്കാൻ ബാങ്കിൽ എത്തിയ നെയ്യാറ്റിൻകര സ്വദേശി ഒറിജിനൽ തൂക്കമറിഞ്ഞ് ഞെട്ടി; സ്വർണത്തട്ടിപ്പ് ചൂണ്ടിക്കാട്ടി മാനേജറെ കണ്ടപ്പോൾ പറഞ്ഞത് എല്ലാവർക്കും അറിയാവുന്ന കാര്യമെന്ന്; തമ്പാനൂർ പൊലീസ് സ്‌റ്റേഷനിൽ പരാതി നൽകിയതോടെ മുഴുവൻ തുകയും തിരികെ നൽകി തടിയൂരി കല്യാൺ
ആർജെയെ കൊന്നതിന് പിന്നിൽ പെൺബുദ്ധിയോ? കടംകേറി മുടിഞ്ഞ യാത്രവിലക്കുള്ള സത്താർ എങ്ങനെ ക്വട്ടേഷൻ കൊടുക്കുമെന്ന സംശയത്തിൽ ആടിയുലഞ്ഞ് മടവൂരിലെ പാതിരാത്രിക്കൊല; മുസ്ലീമായി മതംമാറിയ നൃത്താധ്യാപികയുടെ മൊഴികളിൽ പൊലീസിന് സംശയം; ഖത്തറിൽ നിന്ന് ഓപ്പറേഷൻ നടത്തിയ സാലിഹിന് പിന്നിൽ അര്? റേഡിയോ ജോക്കിയുടെ കൊലപാതകത്തിൽ ട്വിസ്റ്റിന് സാധ്യത; പ്രതിയെ പിടിക്കാനും യുവതിയെ ചോദ്യം ചെയ്യാനും അന്വേഷണ സംഘം ഗൾഫിലേക്ക്
ഞാനും ഒരു യുവാവ് അല്ലേ; കമ്മലിട്ടവൾ പോയൽ കടുക്കനിട്ടൾ വരും! ഞമ്മക്കൊരു ഡൗട്ട് തോന്നി; ആ ബന്ധം വേണ്ടെന്ന് വച്ചു; പിന്നീട് അതിന് പിറകേ പോയിട്ടില്ല; ഡൈവേഴ്‌സ് ആയിട്ട് മൂന്ന് മാസമായി; ഞാൻ ക്വട്ടേഷൻ കൊടുത്താൽ എന്റെ മക്കളെ ആരു നോക്കും? യാത്രാ വിലക്കുള്ളതിനാൽ നാട്ടിൽ പോയി അന്വേഷണത്തിൽ സഹകരിക്കാനുമാകില്ല; ആർജെ രാജേഷിന്റെ കൊലയിൽ തനിക്ക് പങ്കില്ലെന്ന് നൃത്താധ്യാപികയുടെ മുൻ ഭർത്താവ്; ഖത്തറിലുള്ള ഓച്ചിറ സത്താറിന്റെ വിശദീകരണം പുറത്ത്
കാമുകനുമായുള്ള രഹസ്യ ബന്ധം സുഗമമാക്കാൻ ഭാര്യയെ കൊല്ലാൻ അമേരിക്കയിൽ മലയാളി നഴ്‌സിന്റെ ക്വട്ടേഷൻ; ഇന്റർനെറ്റിലൂടെ ഗുണ്ടയെ കണ്ടെത്തി കരാർ ഉറപ്പിച്ചത് 10000ഡോളർ ബിറ്റ് കോയിൻ നൽകി; സോഷ്യൽ മീഡിയയിലെ അക്രമ വാസനകൾ കണ്ടെത്താനുള്ള ചാനലിന്റെ അന്വേഷണം എത്തിയത് 31കാരിയിൽ; ഷിക്കാഗോയിൽ പിടിയിലായത് വിവാഹിതയായ നേഴ്‌സ്; ടീനാ ജോൺസിനെതിരെ ചുമത്തിയത് 20 വർഷം തടവ് ലഭിക്കാവുന്ന കുറ്റം