1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
25
Sunday

മുൻഷി വേണുവിനെ മരണശേഷം മതം മാറ്റി! ഡിവൈൻ ധ്യാനകേന്ദ്രത്തിനെതിരെ ആരോപണവുമായി 'ജന്മഭൂമി' ദിനപത്രം; വൃക്ക രോഗത്താൽ അവശനായി അഭയം തേടിയെത്തിയപ്പോൾ ജോൺ ജോർജ്ജാക്കിയത് അർദ്ധ ബോധാവസ്ഥയിലെന്ന്; അവശ്യഘട്ടത്തിൽ തിരിഞ്ഞു നോക്കാത്തവർ നടന്റെ മതത്തിന്റെ പേരിൽ തർക്കിക്കുമ്പോൾ...

April 18, 2017 | 12:17 PM | Permalink



മറുനാടൻ മലയാളി ബ്യൂറോ

തിരുവനന്തപുരം: എല്ലാ മതങ്ങളും മനുഷ്യനന്മയ്ക്ക് വേണ്ടി എന്നാൽ പൊതുവിൽ ഓരോരുത്തരും അവരുടെ മതത്തെ കുറിച്ച് പറയാറ്. എന്നാൽ ഒരുവന്റെ ജീവിതത്തിലെ അവശനായ ഘട്ടത്തിൽ വിശ്വസിക്കുന്ന മതം കൊണ്ട് ഒരു ഉപകാരവും ഉണ്ടായില്ലെങ്കിൽ പിന്നെ എന്താണ് ആ മതത്തിൽ വിശ്വസിക്കുന്നതിൽ അർത്ഥമുള്ളത്? സ്വർഗ്ഗരോഗ സങ്കൽപ്പമെല്ലാം നൽകി എല്ലാ മതപുരോഹിതരും വിശ്വാസികളെ പിടിച്ചു നിർത്താൻ ശ്രമിക്കാറുണ്ട്. എങ്കിലും ബൗദ്ധിക ജീവിതത്തിലെ ആവശ്യങ്ങൾക്ക് വേണ്ടിയാണ് മനുഷ്യന്റെ പ്രാർത്ഥനകൾ. അടുത്തിടെ അന്തരിച്ച നടൻ മുൻഷി വേണുവിന്റെ പേരിലാണ് ഇപ്പോൾ മതവിഭാഗക്കാരുടെ വാഗ്വാദം. ഹിന്ദുമത വിശ്വാസിയായിരുന്ന മുൻഷി വേണുവിനെ അവസാന കാലത്ത് ക്രിസ്ത്യാനിയാക്കി മതം മാറ്റിയെന്ന ആരോപണം ഉന്നയിച്ച് രംഗത്തു വന്നത് ബിജെപി മുഖപത്രമായ 'ജന്മഭൂമി'യാണ്. മുരിങ്ങൂറുള്ള ഡിവൈൻ ധ്യാനകേന്ദ്രത്തിനെതിരെയാണ് പത്രത്തിന്റെ ആരോപണം.

ജീവകാര്യണ്യ പ്രവർത്തനത്തിന്റെ മറവിൽ നടക്കുന്ന മതം മാറ്റത്തിന് ഒരു ഇരകൂടി എന്നു പറഞ്ഞാണ് പത്രം ഡിവൈൻ ധ്യാനകേന്ദ്രത്തിനെതിരെ ആരോപണം ഉന്നയിക്കുന്നത്. ജോൺ ജോർജ്ജ് എന്ന പേരു നൽകിയാണ് വേണുവിനെ മതം മാറ്റിയത്. അദ്ദേഹത്തിന്റെ മരണശേഷം പള്ളിയിൽ സംസ്‌ക്കരിച്ചതോടയാണ് വേണു മതം മാറിയെന്ന വിവരം പലരും അറിയുന്നത്. ഇക്കാര്യം ചൂണ്ടിക്കാട്ടിയാണ് നിർബന്ധിത മതപരിവർത്തനമെന്ന ആരോപണവുമായി ബിജെപി പത്രം രംഗത്തെത്തിയിരിക്കുന്നത്. വൃക്കരോഗത്തെ തുടർന്ന് അർദ്ധബോധാവസ്ഥയിൽ വേണു കഴിയുന്ന വേളയിലാണ് അദ്ദേഹത്തെ മതം മാറ്റിയതെന്നും ജന്മഭൂമി ആരോപിക്കുന്നു.

ജന്മഭൂമിയിലെ വാർത്ത ഇങ്ങനെയാണ്:

ജീവകാരുണ്യ പ്രവർത്തനത്തിന്റെ മറവിൽ നടക്കുന്ന മതംമാറ്റത്തിന് ഒരു ഇരകൂടി. കഴിഞ്ഞദിവസം അന്തരിച്ച മുൻഷിവേണു എന്ന കലാകാരനാണ് ഒടുവിൽ ഈ ക്രൂരതക്ക് ഇരയായത്. ജീവിതസായാഹ്നത്തിൽ ആശ്രയമറ്റ് ചികിത്സതേടി മുരിങ്ങൂരിലെ ഡിവൈൻ ധ്യാനകേന്ദ്രത്തിലെത്തിയ മുൻഷി വേണു എന്ന വേണു നാരായണനെ ഡിവൈൻ ധ്യാനകേന്ദ്രം അധികൃതർ മതംമാറ്റി. ജോൺ ജോർജ്ജ് എന്ന പേരും നൽകി. അർദ്ധബോധാവസ്ഥയിലാണ് മുൻഷി വേണുവിനെ മതപരിവർത്തനത്തിന് വിധേയനാക്കിയത്.

ഇരുവൃക്കകളും തകരാറിലായതിനെത്തുടർന്ന് ആശ്രയമറ്റാണ് വേണു ഡിവൈൻ ധ്യാനകേന്ദ്രത്തിലെത്തിയത്. ഇവിടെ പ്രവേശിപ്പിക്കണമെങ്കിൽ മതംമാറണമെന്ന് അധികൃതർ വേണുവിനെ നിർബന്ധിച്ചിരുന്നു. ആദ്യം ഇതിന് വഴങ്ങിയില്ലെങ്കിലും മറ്റുഗതിയൊന്നും ഇല്ലാതായതോടെ വേണു സമ്മതിക്കുകയായിരുന്നു. അടുത്ത ചില സുഹൃത്തുക്കൾക്കുമാത്രമാണ് ഇക്കാര്യം അറിയാമായിരുന്നത്.

വേണുവിന്റെ സംസ്‌കാരം നടത്തിയത് ആലുവ തോട്ടക്കാട്ടുകര മലങ്കര സെന്റ് ജോർജ്ജ് പള്ളിസെമിത്തേരിയിലാണ്. ക്രിസ്തുമതാചാരപ്രകാരം തന്നെയായിരുന്നു സംസ്‌കാരം. ധ്യാനകേന്ദ്രത്തിൽ താമസിക്കുമ്പോൾ സിനിമയിൽ അഭിനയിക്കാനാവില്ല എന്ന് കർശന നിർദ്ദേശം നൽകിയിരുന്നതായും സുഹൃത്തുക്കൾ വെളിപ്പെടുത്തുന്നു. ഇതിൽ വേണു നിരാശനായിരുന്നു.

വേണുവിന്റെ മരണത്തെത്തുടർന്ന് ധ്യാനകേന്ദ്രം അധികൃതർ സ്ഥാപിച്ച ഫ്ളക്സ് ബോർഡിലും വേണുവിന്റെ ചിത്രത്തിന് താഴെ ജോൺജോർജ്ജ് എന്ന പേരാണ് നൽകിയിരുന്നത്. മതപരിവർത്തനം നടത്തുന്നതിന്റെ പേരിൽ വിദേശഫണ്ട് സ്വീകരിക്കുന്നതായും ധ്യാനകേന്ദ്രത്തിനെതിരെ ആരോപണമുണ്ട്. ഡിവൈൻ ധ്യാനകേന്ദ്രത്തിന്റെ കീഴിലുള്ള അനാഥാലയങ്ങളിലും മറ്റും താമസിക്കുന്ന അന്യമതസ്ഥരെ ക്രിസ്തുമതത്തിലേക്ക് പരിവർത്തനം ചെയ്യുന്നത് പതിവാണ്. സേവനത്തിന്റെ മറവിൽ നിർബന്ധിത മതപരിവർത്തനം തന്നെയാണ് നടക്കുന്നത്.

രാഷ്ട്രീയ ലക്ഷ്യത്തോടെ തന്നെയാണ് ഷാലി മുരിങ്ങൂറിന്റെ പേരിൽ ബിജെപി പത്രം ഇത്തരമൊരു വാർത്ത പുറത്തുവിട്ടത്. മരണ ശേഷം ഇത്തരമൊരു വാർത്ത പുറത്തുവിട്ടതിന് പിന്നിലെ ഉദ്ദേശ്യം ഇതോടെ സോഷ്യൽ മീഡിയയിൽ അടക്കം ചർച്ചയായിട്ടുണ്ട്. ജീവിതത്തിലെ അവശഘട്ടത്തിൽ സഹായിക്കാൻ അദ്ദേഹത്തിന്റെ മതത്തിലെ ആരും തന്നെ ഉണ്ടായിരുന്നില്ല. ബിജെപിയുടെ ആൾക്കാർ പോലും അദ്ദേഹത്തെ തിരിഞ്ഞു നോക്കിയിരുന്നില്ല. ഈ ഘട്ടത്തിലാണ് അദ്ദേഹത്തിന് ഡിവൈൻ ധ്യാനകേന്ദ്രം സഹായവുമായി എത്തിയത്. അതുകൊണ്ട് അദ്ദേഹം അവരുടെ മതത്തിൽ വിശ്വസിക്കുന്നതിൽ എന്താണ് തെറ്റെന്ന ചോദ്യമാണ് സോഷ്യൽ മീഡിയിയൽ നിരവധി പേർ ഉന്നയിക്കുന്നത്. എന്നാൽ, രോഗാവസ്ഥയെ മുതലെടുത്ത് മതം മാറ്റിയത് തെറ്റാണെന്നും നിരവധി പേർ വാദിക്കുന്നു.

ഗുരുതരമായ വൃക്ക രോഗം ബാധിച്ച ചാലക്കുടിയിലെ പാലിയേറ്റീവ് കെയറിൽ ചികിത്സയിലിരിക്കെയാണ് അദ്ദേഹം മരിച്ചത്. തിരുവനന്തപുരം വഴുതക്കാട് സ്വദേശിയായ വേണു അവിവാഹിതനാണ്. പത്തുവർഷത്തോളമായി ചാലക്കുടിയിലെ ഒരു ലോഡ്ജിലായിരുന്നു താമസം. ഇതിനിടെയാണ് വൃക്കരോഗം തിരിച്ചറിഞ്ഞത്. സിനിമയിൽ നിന്നും കിട്ടിയ കയ്യിലുണ്ടായിരുന്ന തുക മുഴുവൻ ചികിത്സക്കായി ചെലവഴിച്ച വേണു അവസാനകാലത്ത് സുമനസുകളുടെ സഹായത്താലാണ് ജീവിതം തള്ളി നീക്കിയത്. രോഗം പിടിപ്പെട്ടതോടെ അഭിനയിക്കാൻ ആരും വിളിക്കാതായി. ദുരിതത്തിലായ ഇദ്ദേഹത്തെ സഹായിക്കാൻ ഒടുവിൽ മെഗാ സ്റ്റാർ മമ്മൂട്ടിയും നടൻ രാജീവ് പിള്ളയും മാത്രമാണ് ഉണ്ടായത്. ഇവരാണ് ചികിത്സാ സഹായവും നൽകിയത്. ഈ കാരുണ്യത്തിൻ ഏറെ നാൾ വേണു തള്ളി നീക്കി.

സിനിമ സംഘടനയായ അമ്മയിൽ അംഗത്വമില്ലാത്തതിനാൽ സംഘടനയുടെ സഹായവും ലഭിച്ചില്ല. മുറിവാടക കൊടുക്കാനില്ലാത്തപ്പോൾ കടത്തിണ്ണയിൽയിലായിരുന്നു വേണുവിന്റെ അന്തിയുറക്കം. സിനിമയിലെ അവസരങ്ങൾ നിലച്ചതോടെയാണ് വേണു തീർത്തും പ്രതിസന്ധിയിലായിരുന്നു. രണ്ടു വർഷത്തോളം മുൻഷിയിലൂടെ സ്വീകരണ മുറികളിലെ സാന്നിദ്ധ്യമായിമാറിയ വേണുവിന് മുൻഷി വലിയ ആശ്വാസമായിരുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ശബരിമലയിലെ സ്വർണക്കൊടി മരത്തിൽ മെർക്കുറി ഒഴിച്ചു; പഞ്ചവർഗത്തറയിലെ സ്വർണം ഒരുകിയൊലിച്ചു; ദേവസ്വം ബോർഡ് പ്രസിഡന്റ് നൽകിയ പരാതിയിൽ കേസെടുത്ത് പൊലീസ് അന്വേഷണം തുടങ്ങി; മനപ്പൂർവ്വം ചെയ്തതെന്ന് മന്ത്രി കടകംപള്ളി സുരേന്ദ്രൻ; സിസി ടിവി പരിശോധനയിൽ വ്യക്തമായത് മൂന്ന് പേർ ചേർന്ന് രാസവസ്തു ഒഴിക്കുന്നത്: സന്നിധാനത്ത് സംഭവിച്ചത് ഗുരുതര സുരക്ഷാ വീഴ്‌ച്ച
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
ആൺസുഹൃത്തിനെ മർദ്ദിച്ച് വിരട്ടിയോടിക്കും; പെൺകുട്ടിയെ മലമുകളിലെ രഹസ്യകേന്ദ്രത്തിലെത്തിച്ച് കാമകേളി; എതിർത്താൽ കരണത്തടിയും പീഡനവും; എല്ലാം കഴിഞ്ഞാൽ ഭക്ഷണവും വണ്ടിക്കൂലിയും; ഭൂതത്താൻകെട്ടിലെ ചതിക്കുഴിയിൽ വീഴുന്നതിൽ ഏറെയും കാമുകീകാമുകന്മാർ; എല്ലാം അറിഞ്ഞിട്ടും കണ്ണും കാതും തുറക്കാതെ പൊലീസും വനംവകുപ്പും
വാടക കൊടുക്കാൻ പോലും എന്റെ കൈയിൽ പണമില്ല; എന്റെ ഭർത്താവിനെ എങ്ങനെ രക്ഷപ്പെടുത്തണമെന്ന് എനിക്കൊരു പിടിയുമില്ല; 21 മാസം മുമ്പ് പൊലീസ് കൊണ്ടു പോയപ്പോൾ മുതൽ തുടരുന്ന കാത്തിരിപ്പ്; ഒരു ബിസിനസ്സിലും ഇന്നേവരെ ഇടപെട്ടിട്ടില്ലാത്ത ഞാനും ഏത് നിമിഷവും ജയിലിലാകും; രണ്ട് കൊല്ലം കൊണ്ട് എല്ലാം നശിച്ച് ആകെ തളർന്നു പോയ അറ്റ്‌ലസ് രാമചന്ദ്രന്റെ ഭാര്യ മനസ്സ് തുറക്കുന്നു
സ്വത്തിലെ തർക്കം തുടങ്ങിയത് നടന്റെ വിവാഹ മോചനത്തിന് ശേഷം; ആവശ്യപ്പെട്ടത് സംവിധായക സുഹൃത്തിന്റെ പേരിൽ എല്ലാം തിരികെ എഴുതിക്കാൻ; മുൻ ഭാര്യയ്ക്ക് മാത്രമേ നൽകൂവെന്ന് പറഞ്ഞത് വൈരാഗ്യമുണ്ടാക്കി; പൾസർ സുനിയുടെ വെളിപ്പെടുത്തലുകളുടെ വഴിയേ നടിയുടെ മൊഴിയും; നടിയെ ആക്രമിച്ച കേസ് അന്വേഷണം ബംഗളുരുവിലെ ഭൂമി ഇടപാടുകളിലേക്ക്
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു