ഇ പി ജയരാജനെ ഒരൊറ്റ അനിഷ്ട പ്രസ്താവനയിലുടെ പടിയിറക്കിവിട്ട പിണറായി കൈയേറ്റക്കാരനായ തോമസ് ചാണ്ടിക്കെതിരെ വാതുറക്കാത്തതെന്തേ? മുഖ്യമന്ത്രി ആവശ്യപ്പെട്ടാൽ മാത്രം രാജിയെന്ന് പറഞ്ഞ് കടിച്ചുതൂങ്ങുന്ന ചാണ്ടിയുടെ രാജിക്കായി എൻസിപിയിലും മുറവിളി; ഗത്യന്തരമില്ലാതെ രാജി ആവശ്യപ്പെട്ട് ഉമ്മൻ ചാണ്ടിയും; ലേക്പാലസിലെ താറാവുകറിയുടെ രുചിയറിഞ്ഞ രാഷ്ട്രീയ നേതാക്കൾ ക്രമക്കേടറിഞ്ഞിട്ടും വാരിക്കോരി സഹായം നൽകിയ വിവരങ്ങളും പുറത്ത്
മറുനാടൻ മലയാളി ബ്യൂറോ
തിരുവനന്തപുരം: ബന്ധു നിയമന വിവാദത്തിൽ ഇപി ജയരാജനനെതിരായ അനിഷ്ടം മുഖ്യമന്ത്രി പിണറായി വിജയൻ പ്രകടിപ്പിച്ചത് മാധ്യമങ്ങളെ കണ്ട ശേഷം നടത്തിയ ഒറ്റ പ്രസ്താവന കൊണ്ടാണ്. ഇത് രാജി ആവശ്യപ്പെടലായി കണ്ടി ജയരാജൻ രാജിവെക്കുകയും ചെയ്തു. അഴിമതി ഉണ്ടാകാത്ത ഈ സംഭവത്തിൽ സിപിഎമ്മിലെ മുതിർന്ന മന്ത്രിയുടെ രാജി പിടിച്ചു വാങ്ങിയ മുഖ്യമന്ത്രി പിണറായി വിജയന്റെ മൗനമാണ് ഇപ്പോൾ ചർച്ചാ വിഷയം ആകുന്നത്. തോമസ് ചാണ്ടിയുടെ കൈയേറ്റം പകൽപോലെ വ്യക്തമായിട്ടും അതിൽ മാധ്യമങ്ങൾ പ്രതികരണം തേടിയപ്പോൾ മിണ്ടാതെ മൗനം പാലിക്കുകയാണ് അദ്ദേഹം ചെയ്തത്. ഈ മൗനം തന്നെയാണ് ചാണ്ടിയുടെ പിടിവള്ളിയും. മുഖ്യമന്ത്രി ആവശ്യപ്പെട്ടാൽ മാത്രം രാജിയെന്ന തീരുമാനത്തിലേക്ക് തോമസ് ചാണ്ടി എത്തിയതും ഇക്കാരണം കൊണ്ടു തന്നെയാണ്. അതായത് മുഖ്യമന്ത്രിയുടെ മൗനമാണ് തോമസ് ചാണ്ടിയുടെ രക്ഷയെന്ന് അർത്ഥം.
തുടക്കം മുതൽ ഈ വിഷയത്തിൽ തോമസ് ചാണ്ടിയെ പിന്തുണക്കുന്ന നിലപാടാണ് പിണറായി വിജയൻ സ്വീകരിച്ചിരുന്നത്. നിയമസഭയിൽ അടക്കം ചാണ്ടിയെ ശക്തമായി പ്രതിരോധിച്ചു അദ്ദേഹം. എന്നാൽ, വീണ്ടും വിവാദങ്ങൾ നിറഞ്ഞതോടെ അദ്ദേഹം മൗനം പാലിക്കുന്ന നിലപാടാണ് സ്വീകരിച്ചത്. ചാണ്ടിയുടെ കൈയേറ്റങ്ങൾ ഓരോന്നായി പുറത്തുവന്നതോടെ സിപിംഎം സംസ്ഥാന സെക്രട്ടറി കോടിയേരി ബാലകൃഷ്ണനും മൗനത്തിലാണ്. കക്ഷിഭേദമന്യേയുള്ള രാഷ്ട്രീയ നേതാക്കൾക്ക് ചാണ്ടിയുമായി അടുത്തബന്ധമുണ്ട്. ലേക് പാലസിലെ നിത്യസന്ദരർശകരാണ് ആലപ്പുഴയിലെ മിക്ക നേതാക്കളും. അതുകൊണ്ടു തന്നെ ഇവർ ആരും ചാണ്ടിക്കെതിരെ ആത്മാർഥമായി പ്രതികരിക്കാറില്ലെന്നതാണ് വാസ്തവം.
തോമസ് ചാണ്ടിയുടെ ലേക് പാലസ് റിസോർട്ടിനു മുന്നിലൂടെയുള്ള റോഡ് നിർമ്മിക്കാൻ ഫണ്ട് അനുവദിച്ചത് കോൺഗ്രസ്, സിപിഐ എംപിമാലരായിരുന്നു. വയൽ നികത്തിയുള്ള റോഡിന് ഫണ്ട് അനുവദിച്ചതാകട്ടെ നിയമവിരുദ്ധവും. തണ്ണീർത്തട സംരക്ഷണ നിയമം ലംഘിച്ചാണ് വലിയകുളത്തു നിന്ന് സീറോ ജെട്ടിയിലേക്കുള്ള ഈ റോഡ് നിർമ്മിച്ചത്. നിയമം പ്രാബല്യത്തിൽ വന്ന 2008 ആഗസ്തിനു ശേഷം നെൽവയൽ നികത്തി റോഡ് നിർമ്മിക്കാൻ സംസ്ഥാനതല നിരീക്ഷണ സമിതിയുടെ അനുവാദം വേണം. എന്നാൽ, അതിനുള്ള അപേക്ഷ പോലും നൽകാതെയാണ് കെ.ഇ. ഇസ്മായിലും പി.ജെ. കുര്യനും പണം അനുവദിച്ച് ലേക് പാലസ് റിസോർട്ടിനായുള്ള റോഡ് നിർമ്മിച്ചത്. രാഷ്ട്രീയ ഭേദമന്യെ തോമസ് ചാണ്ടിക്ക് സഹായവും സംരക്ഷണവും ലഭിക്കുന്നതിന്റെ തെളിവാണിത്.
നിലംനികത്തി റോഡ് നിർമ്മിക്കാൻ ആദ്യം പ്രാദേശികതല നിരീക്ഷണ സമിതിയെ സമീപിക്കണം. അവരുടെ ശുപാർശ സംസ്ഥാനതല സമിതിക്ക് നൽകണം. അവരാണ് അന്തിമ തീരുമാനമെടുക്കേണ്ടത്. റിസോർട്ടിനു മുന്നിൽ ടാറിങ് അവസാനിപ്പിച്ച ഈ റോഡ് നിർമ്മാണം തുടങ്ങിയത് 2011ൽ. മുല്ലയ്ക്കൽ വില്ലേജിൽ തിരുമല കരുവേലി പാടശേഖരത്തിന്റെ മദ്ധ്യത്തിലൂടെ റോഡ് നിർമ്മിക്കാൻ നിലം നികത്താൻ പ്രാദേശിക സമിതിക്ക് ശുപാർശ കിട്ടിയിട്ടില്ല. മുല്ലയ്ക്കൽ കൃഷി ഓഫീസിലും അപേക്ഷ ലഭിച്ചിട്ടില്ല.
എന്നിട്ടും റവന്യു, കൃഷി ഉദ്യോഗസ്ഥരെയും ജനപ്രതിനിധികളെയും രാഷ്ട്രീയ നേതാക്കളെയും കാഴ്ചക്കാരാക്കി പൊതുഫണ്ട് ഉപയോഗിച്ച് അനധികൃതമായി റോഡ് നിർമ്മിച്ചു. കിളിരൂർ കേസിൽ ലേക് പാലസ് റിസോർട്ടിനെതിരെ ആരോപണം ഉയർന്നിരുന്നു. ഇതിന്റെ അടിസ്ഥാനത്തിൽ അന്നത്തെ ഐജി ശ്രീലേഖയുടെ നേതൃത്വത്തിൽ ഇവിടെ അന്വേഷണവും നടത്തി. എന്നിട്ടും അച്യുതാനന്ദന്റെ ഭരണകാലയളവിൽ റിസോർട്ടിലേക്ക് റോഡിന് സിപിഐ എംപി ഫണ്ട് അനുവദിച്ചതാണ് വിവാദമാകുന്നത്.
അതേസമയം കായൽ കൈയേറിയ തോമസ് ചാണ്ടിയുടെ രാജിയാവശ്യം ശക്തമായിരിക്കെ ഇതുവരെ മൗനം പാലിച്ച മുൻ മുഖ്യമന്ത്രി ഉമ്മൻ ചാണ്ടിയും പ്രതികരണവുമായി രംഗത്തെത്തി. തോമസ് ചാണ്ടിക്കെതിരെ കായൽ കൈയേറ്റവുമായി ബന്ധപ്പെട്ട് ഉയർന്നിരിക്കുന്ന ആരോപണങ്ങൾ ഗൗരവതരമാണെന്ന് മുന്മുഖ്യമന്ത്രി ഉമ്മൻ ചാണ്ടി. മന്ത്രിക്കെതിരായ ആരോപണങ്ങളിലെ നിജസ്ഥിതി വെളിപ്പെടുത്തേണ്ട ബാധ്യത മുഖ്യമന്ത്രിക്ക് ആണെന്നും അദ്ദേഹം അഭിപ്രായപ്പെട്ടു. മുഖ്യമന്ത്രി നിശബ്ദത തുടർന്നാൽ ശക്തമായ പ്രക്ഷോഭങ്ങൾ ആരംഭിക്കുമെന്നും ഉമ്മൻ ചാണ്ടി പറഞ്ഞു.
തോമസ് ചാണ്ടിക്കെതിരെ ഉയർന്നിരിക്കുന്ന ആരോപണങ്ങൾ വളരെ ഗൗരവതരമാണ്. ഇക്കാര്യത്തിൽ മുഖ്യമന്ത്രിയുടെ മൗനം അർത്ഥഗർഭമാണ്. ആരോപണങ്ങളിലെ നിജസ്ഥിതി വെളിപ്പെടുത്തേണ്ട ബാധ്യത മുഖ്യമന്ത്രിക്കാണ്. ഉമ്മൻ ചാണ്ടി പറഞ്ഞു. തോമസ് ചാണ്ടിയുടെ കൈയേറ്റവുമായി ബന്ധപ്പെട്ട് മുൻ യുഡിഎഫ് സർക്കാരിനെതിരെ ഉയർന്നിരിക്കുന്ന ആരോപണങ്ങളും അന്വേഷിക്കണമെന്ന് ഉമ്മൻ ചാണ്ടി ആവശ്യപ്പെട്ടു.
അതേസമയം മന്ത്രിക്കെതിരെ മുൻ മുഖ്യമന്ത്രിയും ഭരണ പരിഷ്കാര കമ്മിഷൻ ചെയർമാനുമായ വി എസ്. അച്യുതാനന്ദൻ രംഗത്ത്. തോമസ് ചാണ്ടിയെ മുഖ്യമന്ത്രി പിണറായി വിജയനും കൂട്ടരും സംരക്ഷിക്കുന്നതിലുള്ള പ്രതിഷേധം വി എസ് പരസ്യമായി പ്രകടിപ്പിച്ചു. ബോൾഗാട്ടി പാലസിൽ സി.പി.എം സംഘടിപ്പിച്ച ഇടതു പാർട്ടികളുടെ ദക്ഷിണേഷ്യൻ സെമിനാറിനിടെ മാധ്യമപ്രവർത്തകരുടെ ചോദ്യങ്ങൾക്ക് മറുപടിയായി വി എസ്സിന്റെ പ്രതികരണം.തോമസ് ചാണ്ടി രാജിവയ്ക്കേണ്ടതല്ലേ എന്ന ചോദ്യത്തിന് അതൊക്കെ മന്ത്രിസഭയിലെ പ്രമാണിമാർ തീരുമാനിക്കട്ടെയെന്ന് വി എസ് പറഞ്ഞു. ഇതുപോലെയുള്ളവരെ കൊണ്ടുനടക്കുന്നത് മന്ത്രിസഭയിലുള്ള പ്രമാണിമാർക്ക് ഭൂഷണമായി തോന്നിക്കാണുമെന്നും അദ്ദേഹം കൂട്ടിച്ചേർത്തു.
അഴിമതിയാരോപണം നേരിടുന്ന മന്ത്രിയുടെ രാജി ഇനിയും ആവശ്യപ്പെടാത്ത മുഖ്യമന്ത്രി പിണറായി വിജയനെതിരായ പടയൊരുക്കമാണ് വി എസ് നടത്തിയത്. അഴിമതിക്കാരായവരെ സംരക്ഷിക്കുന്ന സമീപനമാണ് മന്ത്രിസഭയിലെ മുഖ്യമന്ത്രി അടക്കമുള്ള പ്രമാണിമാരുടേതെന്നാണ് വി എസ്സിന്റെ പക്ഷം. മന്ത്രി തോമസ്ചാണ്ടിയുടെ രാജി നീളുന്ന സാഹചര്യമുണ്ടായാൽ കൂടുതൽ ശക്തമായി രംഗത്തെത്തുമെന്ന സൂചനയും വിഎസിന്റെ വാക്കുകളിലുണ്ട്.
തോമസ് ചാണ്ടിക്കെതിരെ ഉയർന്നിരിക്കുന്ന ആരോപണങ്ങളോട് മുഖ്യമന്ത്രി ഇതുവരെയും പ്രതികരിച്ചിട്ടില്ല. ഇന്നും ഇതുമായി ബന്ധപ്പെട്ട മാധ്യമപ്രവർത്തകരുടെ ചോദ്യത്തോട് മുഖ്യമന്ത്രി പ്രതികരിക്കാതെ മടങ്ങുകയായിരുന്നു. മന്ത്രിക്കെതിരായ ആരോപണങ്ങളിൽ കഴമ്പുണ്ടെന്നാണ് കഴിഞ്ഞ ദിവസം ജില്ലാ കളക്ടർ ടിവി അനുപമ റവന്യൂമന്ത്രിക്ക് സമർപ്പിച്ച റിപ്പോർട്ടിൽ പറയുന്നത്. അതിനിടെ സ്വന്തം പാർട്ടിയിൽ തന്നെ തോമസ് ചാണ്ടിക്കെതിരെ പടയൊരുക്കം തുടങ്ങിയിട്ടുണ്ട്. ചാണ്ടിക്കെതിരേ നടപടി ആവശ്യപ്പെട്ട് എൻ.സി.പി.യിൽ ഒരുവിഭാഗത്തിന്റെ ഒപ്പുശേഖരണം. മന്ത്രിയുടെ രാജി ആവശ്യപ്പെട്ട് കേന്ദ്രനേതൃത്വത്തിന് നൽകാനുള്ള കത്തിൽ എട്ട് ജില്ലാപ്രസിഡന്റുമാരും ഏഴ് സംസ്ഥാനഭാരവാഹികളും ഒപ്പുവെയ്ക്കാൻ സന്നദ്ധത അറിയിച്ചു.
കോഴിക്കോട്, പാലക്കാട്, മലപ്പുറം, തൃശ്ശൂർ, എറണാകുളം, ഇടുക്കി, കോട്ടയം, തിരുവനന്തപുരം ജില്ലാ പ്രസിഡന്റുമാരാണ് രാജി ആവശ്യമടങ്ങിയ കത്ത് പുറത്തിറക്കുന്നത്. സംസ്ഥാന പ്രസിഡന്റായിരുന്ന ഉഴവൂർ വിജയൻ മരിച്ച് രണ്ടുമാസം കഴിഞ്ഞെങ്കിലും സംസ്ഥാന സമിതി വിളിച്ചിട്ടില്ല. അടിയന്തരമായി യോഗംചേർന്ന് കത്തിനെക്കുറിച്ച് ചർച്ചവേണമെന്നാണ് ജില്ലാപ്രസിഡന്റുമാരുടെ ആവശ്യം. മുന്മന്ത്രി എ.കെ. ശശീന്ദ്രനെ അനുകൂലിക്കുന്ന സംസ്ഥാനഭാരവാഹികളായ പി.കെ. രാജൻ, പ്രൊഫ. ജോബ് കാട്ടൂർ, സുഭാഷ് പുഞ്ചക്കാട്ടിൽ, കെ.എ. ഗംഗാധരൻ, പി.കെ. ആനന്ദകുട്ടൻ, വർക്കല ബി. രവികുമാർ, പി.എ. റസാഖ് മൗലവി, പി.കെ. മുരളീധരൻ എന്നിവരും കത്ത് നൽകിയിട്ടുണ്ട്. കത്ത് 29-ന് അഖിലേന്ത്യാപ്രസിഡന്റ് ശരദ്പവാറിന് കൈമാറിയേക്കും.
ശശീന്ദ്രൻ രാജിവെച്ചതിനുപിന്നാലെയാണ് തോമസ്ചാണ്ടിക്ക് മന്ത്രിപദവി ലഭിച്ചത്. ചാണ്ടികൂടി രാജിവച്ചാൽ പാർട്ടിക്ക് മന്ത്രിസ്ഥാനം ഇല്ലാതാവുന്ന സാഹചര്യമാവും. ഗ്രൂപ്പ് പോരിന്റെപേരിൽ ആകെയുള്ള മന്ത്രിസ്ഥാനം നഷ്ടപ്പെടുത്തരുതെന്ന വാദവുമായി തോമസ്ചാണ്ടി അനുകൂലികളും രംഗത്തുണ്ട്.
രാജി ആവശ്യപ്പെട്ട എൻ.വൈ.സി. സംസ്ഥാനപ്രസിഡന്റ് മുജീബ്റഹ്മാനെ സ്ഥാനത്തുനിന്ന് നീക്കിയ നടപടി ശശീന്ദ്രൻ അനുകൂലികളെ ചൊടിപ്പിച്ചിട്ടുണ്ട്. എങ്കിൽ കൈയേറ്റവിഷയത്തിൽ അന്വേഷണം നേരിടുന്ന മന്ത്രി തോമസ് ചാണ്ടിക്കെതിരേയും പാർട്ടിതലത്തിൽ നടപടി വേണമെന്നാണ് ഇവരുടെ ആവശ്യം. കേരളത്തിലെ പ്രശ്നം ചർച്ചചെയ്യാൻ ശരദ്പവാർ 29-ന് നേതാക്കളെ ഡൽഹിക്ക് വിളിപ്പിച്ചു. മന്ത്രി തോമസ്ചാണ്ടി, എ.കെ. ശശീന്ദ്രൻ എംഎൽഎ., സംസ്ഥാനപ്രസിഡന്റിന്റെ ചുമതലവഹിക്കുന്ന ടി.പി. പീതാംബരൻ എന്നിവരാണ് പവാറിനെ കാണുക.
അടിയന്തരമായി സംസ്ഥാനസമിതി വിളിക്കേണ്ട സാഹചര്യമില്ലെന്ന് പീതാംബരൻ പറഞ്ഞു. മന്ത്രിക്കെതിരായ ആരോപണത്തിൽ ഇപ്പോഴും വ്യക്തത വന്നിട്ടില്ല. ഒരുവിഭാഗം ഒപ്പുശേഖരണം തുടങ്ങിയകാര്യവും അറിയില്ല. അഖിലേന്ത്യനേതാവ് പ്രഫുൽ പട്ടേലിന്റെ തീയതി ലഭിക്കാത്തതുകൊണ്ടാണ് യോഗം വിളിക്കാൻ വൈകുന്നതെന്നും അദ്ദേഹം പറഞ്ഞു.
അതേസമയം കലക്ടറുടെ പ്രാഥമിക റിപ്പോർട്ട് തന്നെ എതിരായി വന്നതോടെ ഇക്കാര്യം ചർച്ചചെയ്യേണ്ട സാഹചര്യമാണു സിപിഎമ്മിനും മുന്നണിക്കും മുന്നിലുള്ളത്. വേങ്ങര ഉപതിരഞ്ഞെടുപ്പിനിടെ സർക്കാർ പ്രതിക്കൂട്ടിൽ നിൽക്കേണ്ടിവന്നതും പ്രശ്നമായിട്ടുണ്ട്. കലക്ടറുടെ അന്തിമ റിപ്പോർട്ട് രണ്ടാഴ്ചയ്ക്കുള്ളിൽ വരാനിരിക്കെ അതിനുശേഷം തീരുമാനമെടുക്കാമെന്ന അഭിപ്രായമാണു ശക്തം. തെളിവുണ്ടെങ്കിൽ സംരക്ഷിക്കേണ്ടെന്ന വികാരവും ഉയർന്നു. മന്ത്രി വഴിവിട്ടു നീങ്ങിയാൽ സംരക്ഷിക്കേണ്ട കാര്യമില്ലെന്ന സിപിഐയുടെ തീരുമാനം റവന്യു വകുപ്പിന്റെ നീക്കങ്ങൾക്കു കരുത്തു പകരുന്നുണ്ട്.
അതിനിടെ, ആലപ്പുഴ ജില്ലാ കലക്ടർ സമർപ്പിച്ച ഇടക്കാല റിപ്പോർട്ടിൽ റവന്യു വകുപ്പ് വിശദീകരണം തേടി. ഭൂമിയുടെ അനുബന്ധ രേഖകൾ പരിശോധിച്ച് അവ്യക്തതകൾ പരിഹരിക്കാൻ റവന്യു പ്രിൻസിപ്പൽ സെക്രട്ടറി, കലക്ടർ ടി.വി.അനുപമയ്ക്കു നിർദ്ദേശം നൽകി. കലക്ടർ വിശദ പരിശോധനയ്ക്കു കൂടുതൽ സമയം ചോദിച്ചു. മാധ്യമങ്ങളും പ്രതിപക്ഷവും ഉയർത്തുന്ന സമ്മർദത്തിനു കീഴടങ്ങേണ്ടതില്ലെന്ന ചിന്തയും സി.പി.എം നേതൃത്വത്തിലുണ്ട്. ഭൂമി കയ്യേറ്റം, ചട്ടലംഘനം എന്നിവ സംബന്ധിച്ച അന്വേഷണത്തിൽ ചൊവ്വാഴ്ച തെളിവെടുപ്പിനു ഹാജരാകാൻ മന്ത്രി തോമസ് ചാണ്ടിക്കു ആലപ്പുഴ ജില്ലാ കലക്ടർ നിർദ്ദേശം നൽകിയിട്ടുണ്ട്. മന്ത്രിയുടെ റിസോർട്ടിന് ഇളവു ചെയ്ത നികുതി തിരിച്ചു പിടിക്കാൻ ആലപ്പുഴ നഗരസഭ തീരുമാനിച്ചെങ്കിലും ഫയൽ നഷ്ടപ്പെട്ട സംഭവത്തിൽ ജീവനക്കാരെ സസ്പെൻഡ് ചെയ്തതിൽ പ്രതിഷേധിച്ചു ജീവനക്കാർ സമരത്തിലായതിനാൽ ഇന്നലെ നടപടി തുടങ്ങാനായില്ല.
Stories you may Like
- TODAY
- LAST WEEK
- LAST MONTH
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- സംസ്കരിച്ച എണ്ണ ഇറക്കുമതിയിലുള്ള ലൂപ് ഹോൾ വഴി യുക്രെയിനെതിരെയുള്ള യുദ്ധത്തിൽ റഷ്യയെ ബ്രിട്ടൻ സഹായിക്കുന്നു എന്ന ഡാറ്റ പുറത്ത്; റഷ്യൻ എണ്ണ എത്തുന്നത് ഇന്ത്യയും ചൈനയും തുർക്കിയും വഴി; ഇന്ത്യയ്ക്കുണ്ടായത് വൻ നേട്ടം
- പോളിങ് ഉദ്യോഗസ്ഥരുടെ നിയമന ഉത്തരവ് ചോർന്ന സംഭവം; കോന്നി താലൂക്ക് ഓഫീസിലെ എൽഡി ക്ലാർക്ക് യദുകൃഷ്ണനെ കലക്ടർ സസ്പെൻഡ് ചെയ്തു; പ്രിന്റ് അടിക്കാൻ കൊടുത്ത കോപ്പിയാണ് പുറത്തു പോയതെന്ന് വിശദീകരണം; ആന്റോയുടെ ആരോപണം ശരിയാകുമ്പോൾ
- കുടുംബകലഹത്തെ തുടർന്ന് മക്കളെ പൂട്ടിയിട്ട ശേഷം ഭാര്യയെ പ്രവാസി വെട്ടിക്കൊന്നു തൂങ്ങി മരിച്ചു; സംഭവം വെൺമണി പുന്തലയിൽ
- ശരിയത്ത് നിയമപ്രകാരമുള്ള ബ്ലഡ് മണി കൊല്ലപ്പെട്ട തലാൽ അബ്ദുമഹ്ദിന്റെ കുടുംബം സ്വീകരിച്ചാൽ ശിക്ഷയിൽ ഇളവ് ലഭിക്കാൻ സാധ്യത; ജയിലിൽ മകളെ കണ്ട അമ്മ ഇനി ആ ചർച്ചകളിലേക്ക്; നിമിഷപ്രിയയുടെ മോചനം സാധ്യമായേക്കും; യെമനിൽ നിന്ന് വരുന്നത് ശുഭസൂചനകൾ
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- പ്രകാശ് ജാവദേക്കർ തന്നെയും ഇ പി ജയരാജനെയും കണ്ടിരുന്നു; ഒരേ ഒരു സീറ്റിൽ വിട്ടുവീഴ്ച ചെയ്താൽ ലാവ്ലിൻ കേസും സ്വർണക്കടത്ത് കേസും സെറ്റിൽ ചെയ്യാം എന്ന്ഉറപ്പുകൊടുത്തു; പക്ഷേ ആ ഡീൽ നടക്കാത്തത് ഇക്കാരണം കൊണ്ട്; വെളിപ്പെടുത്തലുമായി ടി ജി നന്ദകുമാർ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്