ഭിന്നിച്ച മതസംഘടനകൾ ഒന്നാകുന്നത് കേരള മുസ്ലിം ചരിത്രത്തിൽ ഇതാദ്യം; മുജാഹിദുകൾ ഒന്നായപ്പോഴും 'വിവാദ ആദർശ' വിഷയങ്ങളിൽ വ്യക്തതക്കുറവ്; മുജാഹിദ് ലയനമല്ല യോജിപ്പാണ് ഉണ്ടായതെന്ന് ടി പി അബ്ദുല്ലക്കോയ മദനിയും
കെ സി റിയാസ്
കോഴിക്കോട്: 14 വർഷത്തെ ആദർശ-സംഘടനാ പോർവിളികൾ പരസ്പരം മാപ്പാക്കി കേരളത്തിലെ ഇരുവിഭാഗം മുജാഹിദുകളും ഒന്നായെന്നു പ്രഖ്യാപിച്ചെങ്കിലും 'വിവാദ ആദർശ' സംഘടനാപരമായ വിഷയങ്ങളിലെ പാളിച്ചകൾ വ്യക്തമാക്കാൻ നേതൃത്വത്തിനു വിമുഖത. 2002-ൽ സംഘടനയിലുണ്ടായ ദൗർഭാഗ്യകരമായ പിളർപ്പിന് ഇരുവിഭാഗവും ആദർശപരവും സംഘടനാപരവുമായ അവകാശവാദങ്ങൾ ഉന്നയിക്കുകയും ആരോപണ പ്രത്യാരോപണങ്ങളുമായി ഒന്നര പതിറ്റാണ്ടോളം നാട്ടിലും മറുനാട്ടിലും ഗൾഫ് നാടുകളിലുമായി വ്യാപകമായ വാദകോലാഹലങ്ങൾ ഉയർത്തുകയും ചെയ്തിരുന്നു.
എന്നാൽ ഇന്നലെ കോഴിക്കോട് സി ഡി ടവറിലെ മുജാഹിദ് സെന്ററിൽ പരസ്പരം ഒന്നായെന്നു വാർത്താസമ്മേളനത്തിൽ പ്രഖ്യാപിച്ചപ്പോഴും ഇരുകൂട്ടർക്കുമുണ്ടായ സംഘടനാപരമായ വീഴ്ചകളും ആദർശപരമായ വ്യതിയാനവും അതു തിരുത്തിയ രീതിയും പരസ്യമാക്കാൻ നേതൃത്വം തയ്യാറായില്ല. മുസ്ലിംകളിലെ അന്ധവിശ്വാസങ്ങൾക്കും അനാചാരങ്ങൾക്കുമെതിരെ സന്ധിയില്ലാതെ പോരാടിയ മുജാഹിദുകളിൽ ബഹുഭൂരിക്ഷവും ജിന്ന്, സിഹ്റ് ബാധ ഫലിക്കില്ലെന്ന വിശ്വാസക്കാരാണ്.
എന്നാൽ, ജിന്ന്-സിഹ്റ് വിഷയങ്ങളിൽ ഫലിക്കുമെന്നും ഇല്ലെന്നും മുജാഹിദുകളിൽ ഭിന്നമായ വാദങ്ങളുണ്ടെന്നിരിക്കെ ഇതിൽ സംഘടനയുടെ നിലപാട് എന്താണെന്നു ചോദിച്ചപ്പോൾ പ്രശ്നത്തിൽ വൈജ്ഞാനിക ചർച്ച നടന്നുവെന്നും അഭിപ്രായ വ്യത്യാസം പണ്ഡിതോചിതമായി പരിഹരിക്കുമെന്നുമാണ് കെ എൻ എം പ്രസിഡന്റ് ടി പി അബ്ദുല്ലക്കോയ മദനി പ്രതികരിച്ചത്.
ജിന്ന്-സിഹ്റ് വിഷയത്തിൽ ഉൾപ്പെടെ അന്ധവിശ്വാസങ്ങൾക്കെതിരെ മർകസ്സുദ്ദഅ്വ വിഭാഗത്തിന് കടുത്ത നിലപാടുള്ള സാഹചര്യത്തിലാണ് ഔദ്യോഗിക വിഭാഗത്തിന്റെ ഈ മയപ്പെടുത്തൽ. എന്നാൽ പണ്ഡിതനും ഔദ്യോഗിക ചേരിയിലെ സംസ്ഥാന സെക്രട്ടറിയുമായ എം അബ്ദുറഹ്മാൻ സലഫി ഉൾപ്പെടെയുള്ള ബഹുഭൂരിപക്ഷത്തിനും ഇക്കാര്യത്തിൽ മർക്കസ്സുദ്ദഅ്വ വിഭാഗത്തിന്റെ നിലപാടുകളോട് പൂർണയോജിപ്പാണുള്ളതെന്നും അറിയുന്നു.
ഇരുകൂട്ടർക്കുമുണ്ടായ തെറ്റുകൾ അണികളോട് പരസ്യമായി ഏറ്റുപറയുമോ എന്നു ചോദിച്ചപ്പോൾ ഒരു വർഷമായി തുടരുന്ന ചർച്ചയോടൊപ്പം അണികളെ പ്രശ്നങ്ങൾ ബോധവത്കരിച്ചുവരികയായിരുന്നുവെന്നും ടി പി അബ്ദുല്ലക്കോയ മദനി വ്യക്തമാക്കി. മജാഹിദ് ഐക്യമാണോ ലയനമാണോ ഇപ്പോഴുണ്ടായതെന്നു ചോദിച്ചപ്പോൾ യോജിപ്പാണെന്നും ടി പി മറുപടി നൽകി.
2002-ലെ പിളർപ്പിനു മുമ്പ് 1999-ൽ രജിസ്റ്റർ ചെയ്ത നദ്വത്തുൽ മുജാഹിദീൻ കേരളയെക്കുറിച്ചുള്ള വിഷയത്തിലും വ്യക്തമായ ഒരു തീരുമാനത്തിൽ എത്താൻ നേതൃത്വത്തിനായിട്ടില്ല. പിളർപ്പിനു ശേഷം ഹുസൈൻ മടവൂരിന്റെ നേതൃത്വത്തിൽ കോഴിക്കോട്ട് നടത്തിയ മുജാഹിദ് സമ്മേളനത്തിന്റെ പ്രോഗ്രാം നോട്ടീസിൽ നദ്വത്തുൽ മുജാഹിദീൻ കേരള (എൻ എം കെ) എന്നായിരുന്നു നൽകിയത്. ഇതു സംബന്ധിച്ച ചോദ്യത്തിന് അത് അന്നത്തെ പ്രത്യേക സാഹചര്യത്തിലുണ്ടായതാണെന്നായിരുന്നു ഇന്ത്യൻ ഇസ്ലാഹി മൂവ്മെന്റ് ദേശീയ ജനറൽസെക്രട്ടറിയായ ഡോ. ഹുസൈൻ മടവൂരിന്റെ പ്രതികരണം.
സംഘടന പിളർന്നപ്പോൾ ഇരുകൂട്ടരും ആദർശപരവും സംഘടനാപരവുമായ വിഷയങ്ങളിലെ തങ്ങളുടെ വാദമുഖങ്ങൾ ഒന്നൊന്നായി നിരത്തിയതുപോലെ യോജിപ്പിലെത്തുമ്പോഴും തിരുത്തൽ പ്രക്രിയ പരസ്യമാക്കാത്തതെന്താണെന്നു ചോദിച്ചപ്പോൾ വിശദമായി എല്ലാം വ്യക്തമാവുമെന്നും ഈമാസം 20ന് കോഴിക്കോട് കടപ്പുറത്ത് ചേരുന്ന പൊതുസമ്മേളനത്തിൽ അണികളുൾപ്പെടെയുള്ള പൊതുസമൂഹത്തിന് കാര്യങ്ങൾ ബോധ്യമാവുമെന്നും നേതൃത്വം വ്യക്തമാക്കി.
എന്തായാലും മുജാഹിദ് സംഘടനകളുടെ യോജിപ്പ് കേരളീയ പൊതുസമൂഹവും വിവിധ മുസ്ലിം സംഘടനകളുമെല്ലാം പൊതുവെ സ്വാഗതം ചെയ്തിട്ടുണ്ട്. ഭിന്നിച്ചുപോയ മുസ്ലിം സംഘടനകൾ വീണ്ടും ഒന്നാകുന്ന ചരിത്രം നൂറ്റാണ്ടുകൾ പിന്നിട്ട കേരള മുസ്ലിം ചരിത്രത്തിൽ ഇല്ലെന്നിരിക്കെ, ഒരു പുരോഗമന പ്രസ്ഥാനം എന്ന കണക്കെ മുജാഹിദുൾ ഇക്കാര്യത്തിൽ മാതൃകയായത് സുന്നി ഐക്യത്തിലും ഉണ്ടാവണമെന്നാണ് മുസ്ലിം സംഘടനകളുടെ പൊതുവികാരം.
ഇന്നലെ കോഴിക്കോട് സി ഡി ടവറിൽ ചേർന്ന ഇരുവിഭാഗം കെ എൻ എമ്മിന്റെയും പോഷക സംഘടനകളുടെയും സംയുക്ത എക്സിക്യൂട്ടീവ് യോഗത്തിനു ശേഷം മുജാഹിദ് നേതാക്കളായ ടി പി അബ്ദുല്ലക്കോയ മദനിയും എം സലാഹുദ്ദീൻ മദനിയുമാണ് 2002-ലെ പിളർപ്പിനു ശേഷം തങ്ങൾ ഒന്നായ കാര്യം വാർത്താസമ്മേളനത്തിൽ പ്രഖ്യാപിച്ചത്.
കേരള മുസ്ലിം നവോത്ഥാന പരിശ്രമങ്ങൾക്ക് നിസ്തുല സംഭാവനകൾ അർപ്പിച്ച മുജാഹിദ് പ്രസ്ഥാനത്തിൽ ഒന്നര പതിറ്റാണ്ടായി നിലനിന്ന ആദർശപരവും സംഘടനാപരവുമായ ഭിന്നതകൾ ഒരു വർഷം നീണ്ട വൈജ്ഞാനിക സംവാദങ്ങൾക്കും ആദർശ ചർച്ചകൾക്കും ശേഷം പരിഹരിച്ചതായി നേതാക്കൾ വ്യക്തമാക്കി. സംഘടന ഐക്യത്തോടെ മുന്നോട്ടു പോകുമെന്നും ഐക്യസന്ദേശം മുഴുവൻ കീഴ്ഘടകങ്ങളിലും യാഥാർത്ഥ്യമാക്കാൻ യോഗം ഏകകണ്ഠമായി തീരുമാനിച്ചതായി കെ എൻ എം പ്രസിഡന്റ് ടി പി അബ്ദുല്ലക്കോയ മദനി അവതരിപ്പിച്ച പ്രമേയം വ്യക്തമാക്കി. പണ്ഡിതനും കെ എൻ എം മർക്കകസുദ്ദഅ്വ വിഭാഗം പ്രസിഡന്റുമായ സി പി ഉമർ സുല്ലമി പ്രമേയത്തെ പിന്താങ്ങി. ഐക്യസമ്മേളനം 20ന് കോഴിക്കോട് കടപ്പുറത്ത് നടത്താനാണ് തീരുമാനമെന്നും പുറമെ നിന്നുള്ള അതിഥികളെ പങ്കെടുപ്പിക്കുന്നതടക്കം പ്രോഗ്രാം കാര്യങ്ങൾ പിന്നീട് തീരുമാനിക്കുമെന്നും ഭാരവാഹികൾ വ്യക്തമാക്കി.
കേരളത്തിലെ മുസ്ലിംകളുടെ പരിഷ്കരണ പ്രവർത്തനങ്ങൾക്കു മുന്നിൽ നടന്ന മുജാഹിദ് പ്രസ്ഥാനത്തിൽ 2002-ലാണ് ദൗർഭാഗ്യകരമായ പിളർപ്പുണ്ടായത്. ശേഷം കോഴിക്കോട് അരയിടത്തു പാലത്തുള്ള മുജാഹിദ് സെന്റർ(സി ഡി ടവർ) ആസ്ഥാനമായി ഔദ്യോഗിക വിഭാഗവും കോഴിക്കോട് തളി ആർ എം റോഡിൽ മർകസുദ്ദഅ്വ ആസ്ഥാനമായി മറുവിഭാഗവും പ്രവർത്തിച്ചുവരികയായിരുന്നു. ഇത് ഇനി ഒന്നായാണ് പ്രവർത്തിക്കുക. നേതൃത്വത്തിലും എക്സിക്യൂട്ടീവിലുമെല്ലാം ഇരു വിഭാഗത്തിനും പ്രാതിനിധ്യം നൽകി സംഘടനാ പ്രവർത്തനം വിപുലമാക്കാനും തീരുമാനിച്ചിട്ടുണ്ട്. സംസ്ഥാനതലം മുതൽ പ്രാദേശികതലം വരെ സംഘടന ഇനി മുതൽ ഒറ്റക്കെട്ടായാണ് മുന്നോട്ടുപോകുക.
സംയുക്ത എക്സിക്യൂട്ടീവിൽ കെ എൻ എം ജനറൽസെക്രട്ടറി പി പി ഉണ്ണീൻ കുട്ടി മൗലവി ആമുഖ ഭാഷണം നടത്തി. തുടർന്ന് ഐക്യത്തിന് നേതൃത്വം നൽകിയ ഇരുവിഭാഗത്തിലെയും നേതാക്കളായ എം അബ്ദുറഹിമാൻ സലഫിയും എ അസ്ഗറലിയും ആദർശ പ്രശ്നങ്ങളിലും സംഘടനാ പ്രശ്നങ്ങളിലുമുണ്ടായ തീരുമാനങ്ങൾ വിശദീകരിച്ചു. ഡോ. ഹുസൈൻ മടവൂർ, എം മുഹമ്മദ് മദനി, എം സ്വലാഹുദ്ദീൻ മദനി, എ അബ്ദുൽഹമീദ് മദീനി, നൂർ മുഹമ്മദ് നൂർഷ എന്നിവർ പ്രസംഗിച്ചു.
2015 ഡിസംബർ മുതൽ 2016 നവംബർ വരെ ഇരുപക്ഷത്തെയും അഞ്ചു വീതം പണ്ഡിതന്മാർ നടത്തിയ ചർച്ചയിൽ നിന്ന് ഉരുത്തിരിഞ്ഞ തീരുമാനങ്ങൾ പണ്ഡിത സഭയായ കേരള ജംഇയ്യത്തുൽ ഉലമ ശരിവച്ചതോടെ ഐക്യശ്രമത്തിന് വേഗം കൂടുകയായിരുന്നു. ഇതിനെ ഇരു ഭരണസമിതികളും കൗൺസിലുകളും പൂർണ്ണമായി അംഗീകരിച്ചതോടെയാണ് ഐക്യം യാഥാർഥ്യമായതെന്ന് കെ എൻ എം പത്രക്കുറിപ്പിൽ വ്യക്തമാക്കി.
ഭിന്നിപ്പുകളിൽ മനസു മരവിച്ച യുവാക്കളിൽ ചിലർ അരാഷ്ട്രീയവാദങ്ങളിലേക്കും അപകടകരമായ ചിന്തകളിലേക്കും ആകൃഷ്ടരാകുമോ എന്ന് ഭയമുണ്ടെന്ന് യോഗം അംഗീകരിച്ച പ്രമേയത്തിൽ ചൂണ്ടിക്കാട്ടി. ഇത് തടയാൻ വിദ്യാർത്ഥി-യുവജന വിഭാഗങ്ങളിൽ കർമപദ്ധതി തയ്യാറാക്കും. ഭീകരവാദത്തിന്റെ അപകടങ്ങൾ ബോധ്യപ്പെടുത്തുന്നതിനായി വിവിധ കേന്ദ്രങ്ങളിൽ സെമിനാറുകൾ സംഘടിപ്പിക്കും. മുസ്ലിം പുരോഗതിക്ക് വഴിമുടക്കികളായി നിന്നവർ ചരിത്രത്തെ വക്രീകരിച്ച് നവോത്ഥാന നായകരായി സ്വയം പ്രഖ്യാപിക്കുകയാണ്.
മുജാഹിദ് പ്രസ്ഥാനത്തിലെ ഭിന്നിപ്പുകൾ അന്ധവിശ്വാസങ്ങളുടെയും അനാചാരങ്ങളുടെയും തിരുച്ചുവരവിനും അപകടകരമായ ചിന്തകൾ കടന്നുവരാനുള്ള സാഹചര്യത്തിനും വഴി തുറക്കുമെന്നും, ദൃശ്യ-ശ്രാവ്യ-അച്ചടി മാദ്ധ്യമങ്ങളുടെ പിൻബലത്തോടെ അന്ധവിശ്വാസങ്ങളുടെ പ്രചാരണം ശക്തിപ്പെട്ടുവരികയാണെന്നും യോഗം വിലയിരുത്തി. ആൾദൈവങ്ങളും ആത്മീയകേന്ദ്രങ്ങളും അനുദിനം വർധിച്ചു വരികയാണ്. ആരാധനാലയങ്ങളിലെ സ്ത്രീ പ്രവേശത്തിനായി പതിറ്റാണ്ടുകളായി പ്രവർത്തിക്കുന്ന മുജാഹിദ് പ്രസ്ഥാനം വനിതകൾക്കിടയിലെ സാമൂഹ്യ ബോധവൽക്കരണത്തിന് കൂട്ടായ ശ്രമങ്ങൾ സംഘടിപ്പിക്കും.
ഇന്ത്യൻ ഭരണഘടന ഉറപ്പ് തരുന്ന മതപരമായ സിവിൽ നിയമങ്ങൾക്ക് പകരം പൊതു സിവിൽ കോഡ് അടിച്ചേൽപ്പിക്കാനും ശരീഅത്ത് നിയമം തള്ളിക്കളയാനുമുള്ള കേന്ദ്ര സർക്കാർ നീക്കങ്ങൾക്കെതിരെ ഇതരസംഘടനകളുമായി ചേർന്ന് ബഹുജന ബോധവൽക്കരണം സംഘടിപ്പിക്കും. ഭരണകൂടത്തിന്റെ ഭാഗത്തുനിന്ന് ന്യൂനപക്ഷങ്ങളെ ഭീതിദമാക്കുന്ന സാഹചര്യങ്ങൾ ഉണ്ടാകുന്നതിൽ യോഗം ഉൽക്കണ്ഠ രേഖപ്പെടുത്തി.
മത-സാമൂഹിക-സാംസ്കാരിക മേഖലകളിൽ കൂടുതൽ സംഭാവനകൾ അർപ്പിക്കാൻ ആവശ്യമായ വിഭവസമാഹരണം നടത്തും. വൈവാഹിക മേഖലകളിലെ ചൂഷണങ്ങൾ അവസാനിപ്പിക്കാനും സ്ത്രീധനം, ആഡംബരവിവാഹം എന്നിവക്കെതിരെയുള്ള ബോധവൽക്കരണവും ശക്തമാക്കും. നിലവിലുള്ള വിദ്യാഭ്യാസസാമൂഹ്യ സ്ഥാപനങ്ങളിൽ ഗുണമേന്മ വർധിപ്പിക്കുന്നതിനാവശ്യമായ നടപടികൾ സ്വീകരിക്കുന്നതോടൊപ്പം ഇതര സ്ഥാപനങ്ങൾ തുടങ്ങാനുള്ള പദ്ധതികൾ ആവിഷ്കരിക്കാനും തീരുമാനിച്ചു.
- TODAY
- LAST WEEK
- LAST MONTH
- പ്രമുഖ യൂടൂബർ സ്വാതി കെട്ടിടത്തിൽ നിന്ന് ചാടി ജീവനൊടുക്കി; സംഭവസമയം മുറിയിൽ ഉണ്ടായിരുന്ന സുഹൃത്തിനെ ചോദ്യം ചെയ്തു പൊലീസ്; ആത്മഹത്യയ്ക്ക് പിന്നിലെ കാരണം തേടി അന്വഷണം; സ്വാതി ഗോദര വ്ളോഗിങ് തുടങ്ങിയത് യുപിഎസ്സി പരീക്ഷാ പരിശീലനത്തിന് ഡൽഹിയിൽ എത്തിയ ശേഷം
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- മോഷണക്കുറ്റം ആരോപിച്ച് പൊലീസ് കസ്റ്റഡിലെടുത്തു; താനല്ല മോഷ്ടിച്ചതെന്ന് കേണു പറഞ്ഞിട്ടും കേൾക്കാതെ ഏമാന്മാർ; കുറ്റം സമ്മതിപ്പിക്കാനായി ക്രൂരമായി തല്ലിച്ചതച്ചതോടെ ആരോഗ്യം നശിച്ചു; കോടതി മോചിപ്പിച്ചതോടെ പൊലീസിനെതിരെ നിയമപോരാട്ടം; വിധിവരാനിരിക്കെ ജീവനൊടുക്കി യുവാവ്
- ഇറാനെ വരുതിയിലാക്കാൻ കൂടുതൽ ഉപരോധത്തിന് അമേരിക്കയും ബ്രിട്ടനും യൂറോപ്യൻ യൂണിയനും; ഇസ്രയേൽ ആക്രമിക്കാൻ ഉപയോഗിച്ച ഡ്രോണുകൾക്ക് എൻജിൻ നിർമ്മിച്ച 16 വ്യക്തികൾക്കും മൂന്ന് സ്ഥാപനങ്ങൾക്കുമെതിരെ നടപടി
- യുഡിഎഫ് വോട്ടുകൾ 47.24ൽ നിന്ന് 40.95 ആയി കുറയുന്നു; എന്നിട്ടും 8 മുതൽ 20 വരെ സീറ്റ് ലഭിക്കാം; എൽഡിഎഫ് വോട്ടിൽ തൽസ്ഥിതി, സീറ്റ് പൂജ്യം മുതൽ 10വരെ; വോട്ട് വർധിക്കുന്നത് എൻഡിഎക്ക്, പൂജ്യം മുതൽ 2വരെ ലഭിക്കാം; ഞെട്ടിച്ച് ട്വന്റി ട്വന്റി; മറുനാടൻ സർവേയിലെ കണക്കിന്റെ കളി ഇങ്ങനെ
- ജീവിതശൈലി രോഗമായ ടൈപ്പ് 2 പ്രമേഹത്തോടൊപ്പം ജനിതകമായി ഈ മൂന്ന് തരം ക്യാൻസറുകളും ബാധിക്കാമെന്ന് പുതിയ ഗവേഷണഫലം; ഇംഗ്ലണ്ടിലെ സറെ യൂണിവേഴ്സിറ്റി നടത്തിയ പഠനത്തിലാണ് പുതിയ കണ്ടുപിടുത്തം; ജീവിതശൈലി മാറ്റിയാൽ പ്രതിരോധശക്തി നേടാനാവുമെന്ന് ആരോഗ്യ വിദഗ്ദ്ധർ
- തമിഴ് സിനിമാതാരവും മോഡലുമായ യുവതിക്കെതിരെ ട്രെയിനിൽ ലൈംഗികാതിക്രമം; സംഭവം ചെന്നൈ- തിരുവനന്തപുരം എക്സ്പ്രസിൽ വെച്ച്; കൊല്ലം സ്വദേശിയായ യുവാവ് അറസ്റ്റിൽ; കഞ്ചാവു കേസികളിലെ പ്രതിയെന്ന് പൊലീസ്
- മുന്തിരി ജ്യൂസ് കുടിച്ച് ദേഹാസ്വാസ്ഥ്യം; നാലുപേർ ചികിത്സ തേടി
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്