1 aed = 17.64 inr 1 eur = 73.79 inr 1 gbp = 83.98 inr 1 kwd = 212.76 inr 1 sar = 17.13 inr 1 usd = 64.34 inr

Jul / 2017
25
Tuesday

സന്ദർശകരുടെ വാച്ചും ഫോണും വാങ്ങിവച്ചശേഷം പ്രവേശനം നൽകുന്ന ഇടുക്കി ഡാമിൽ വൻസുരക്ഷാ പാളിച്ച; ചെറുതോണി ഡാമിനുള്ളിലേക്ക് കയറാൻ വാതിലുള്ള ഭാഗത്തുവരെ സുരക്ഷാക്രമീകരണമില്ല; പൊലിസുകാർ കാവൽ നിൽക്കേണ്ടിടത്ത് ഇതര സംസ്ഥാന തൊഴിലാളികളുടെ വാസം

August 19, 2016 | 07:43 PM | Permalink



മനു ജോൺ

തൊടുപുഴ: സഞ്ചാരികളുടെ മൊബൈൽ ഫോണും ക്യാമറയും വാച്ചും ഉൾപ്പെടയുള്ള വസ്തുവകകൾ പിടിച്ചുവയ്ക്കുകയും കർശനമായ ദേഹപരിശോധന വരെ നടത്തുകയും ചെയ്തശേഷം മാത്രം സന്ദർശകരെ പ്രവേശിപ്പിക്കുന്ന, ഏഷ്യയിലെ ഏറ്റവും വലിയ ആർച് ഡാമായ ഇടുക്കി അണക്കെട്ടിൽ വൻസുരക്ഷാ പാളിച്ച. ഐഎസ് അടക്കമുള്ള തീവ്രവാദ സംഘടനകളുടെ ഭീഷണി അനുദിനം പെരുകുമ്പോഴും ഇടുക്കി അണക്കെട്ടിന്റെ സുരക്ഷാക്രമീകരണങ്ങൾ കുറ്റമറ്റതാക്കാൻ യാതൊരു നടപടിയും ഉണ്ടായിട്ടില്ലെന്ന ഞെട്ടിപ്പിക്കുന്ന കണ്ടെത്തലാണ് പുറത്തുവരുന്നത്.

ഇടുക്കി അണക്കെട്ടിന്റെ ഷട്ടറുകൾ സ്ഥാപിച്ചിട്ടുള്ള ചെറുതോണി ഡാമാണ് ഒരു സുരക്ഷാ ഉദ്യോഗസ്ഥൻ പോലുമില്ലാതെ ഭീഷണിയുടെ നിഴലിൽ കിടക്കുന്നത്. ഇതേസമയം ആവശ്യമായ തിരിച്ചറിയൽ രേഖകൾ പോലും ഇല്ലാത്ത നിരവധി ഇതരസംസ്ഥാന തൊഴിലാളികൾ ഇവിടെ താമസിച്ചു പണിയെടുക്കുന്നതും കാണാനായി.

മാദ്ധ്യമ പ്രവർത്തകനായ റ്റിൻസ് ജെയിംസും ക്യാമറാമാൻ സജി എം. കൃഷ്ണനും നടത്തിയ അന്വേഷണമാണ് സർക്കാരിന്റെയും കെ. എസ്. ഇ. ബിയുടെയും രഹസ്യാന്വേഷണ വിഭാഗമുൾപ്പെടെയുള്ള പൊലിസ് വകുപ്പുകളുടെയും അലംഭാവവും വീഴ്ചയും വ്യക്തമാക്കുന്ന വിവരങ്ങൾ പുറംലോകത്തെ അറിയിച്ചത്. പട്ടാപ്പകൽപോലും വാഹനത്തിൽ ഡാമിന്റെ മുകൾഭാഗത്തും അടിഭാഗത്തും എത്താമെന്നും ഡാം ബോട്ടത്തിൽനിന്നും അണക്കെട്ടിനുള്ളിലേക്ക് പ്രവേശിക്കാവുന്ന വാതിൽക്കൽപോലും കാവൽക്കാരായി ആരുമില്ലെന്ന വസ്തുത ചിത്രങ്ങളിലുടെയും വീഡിയോയിലൂടെയുമാണ് ഇവർ ചൂണ്ടിക്കാട്ടുന്നത്.

ഇടുക്കി ജലാശയത്തിന് മൂന്നു ഡാമുകളാണുള്ളത്. ഇടുക്കി ആർച് ഡാം, സമീപത്തുതന്നെ ഷട്ടറുകൾ സ്ഥാപിച്ചിട്ടുള്ള ചെറുതോണി ഡാം, കുളമാവ് ഡാം എന്നിവയാണിവ. മുൻകാലങ്ങളിൽ ഓണം, ക്രിസ്മസ്, ന്യൂ ഇയർ തുടങ്ങിയ വിശേഷാവസരങ്ങളിൽ മാത്രമാണ് ഡാമുകളിൽ സന്ദർശകർക്ക് പ്രവേശനാനുമതി ഉണ്ടായിരുന്നത്. മുഴുവൻ ദിവസങ്ങളിലും സന്ദർശകരെ പ്രവേശിപ്പിക്കണമെന്ന് ജനപ്രതിനിധികൾ ഉൾപ്പെടെയുള്ളവർ ആവശ്യപ്പെട്ടെങ്കിലും സുരക്ഷാ കാരണങ്ങൾ ചൂണ്ടിക്കാട്ടി കെ. എസ്. ഇ. ബി നിഷേധിക്കുകയായിരുന്നു.

ഇതേസമയം തൊടുപുഴ-ഇടുക്കി റൂട്ടിൽ ബസ് സർവീസ് ഉൾപ്പെടെയുള്ള ഗതാഗതം കുളമാവ് ഡാമിന് മുകളിൽ കൂടിയാണ്. കഴിഞ്ഞ വർഷം മുതൽ എല്ലാ ശനി, ഞായർ, പൊതു അവധി ദിവസങ്ങളിൽ ഇടുക്കിയിൽ സന്ദർശകരെ കടത്തിവിടാൻ അനുമതി നൽകി. എന്നാൽ മൊബൈൽ ഫോൺ ഉൾപ്പെടെയുള്ളവ കൈവശം വയ്ക്കാൻ സന്ദർശകരെ അനുവദിക്കാറില്ല. പൈനാവ് വെള്ളാപ്പാറയിലെത്തി ചെറുതോണി ഡാമിന് മുകളിൽകൂടി നടന്ന് രണ്ടര കിലോമീറ്റർ അകലെയുള്ള ഇടുക്കി ആർച് ഡാമിനു മുകളിലൂടെ ഇടുക്കി ഡാം ടോപ്പിൽ പ്രധാന വഴിയിലിലേക്ക് ഇറങ്ങാം. ഏതാനും പേർക്ക് മാത്രം സഞ്ചരിക്കാവുന്ന ബഗ്ഗി കാർ ഇവിടെ അടുത്ത നാളിൽ എത്തിച്ച് സന്ദർശകരെ കയറ്റി ഓടുന്നുണ്ട്. പ്രവേശന സ്ഥലത്ത് പിടിച്ചുവയ്ക്കുന്ന ഫോണും ക്യാമറയും വാച്ചും മാറ്റും തിരികെ വാങ്ങാൻ ടാം ടോപ്പിൽനിന്നും എട്ട് കിലോമീറ്ററുകളോളം അകലെയുള്ള പ്രവേശന കവാടത്തിൽ വീണ്ടും എത്തേണ്ട ഗതികേടാണ് സന്ദർശകർക്കായി ഒരുക്കിയിരിക്കുന്ന സുരക്ഷാ സംവിധാനങ്ങൾ.

ചെറുതോണി, ഇടുക്കി ഡാമുകൾക്കായി ആറ് പൊലിസ് ക്യാമ്പുകളുണ്ട്. ഓരോ സ്ഥലത്തും നാല് പൊലിസുകാരെ വീതമാണ് ഡ്യൂട്ടിക്ക് നിയോഗിച്ചിരിക്കുന്നത്. എന്നാൽ ഡാമിന്റെ ഉള്ളിലേക്ക് കയറാനുള്ള വഴിയും സമീപപ്രദേശങ്ങളുമാണ് കാവൽക്കാരില്ലാതെ കിടക്കുന്നത്. മാത്രമല്ല, ഡ്യൂട്ടിക്ക് നിയോഗിക്കപ്പെട്ടിരിക്കുന്ന നാല് പൊലിസുകാരിൽ രണ്ട് പേർ വീതം വർക്കിങ് അറേഞ്ച്‌മെന്റിന്റെ ഭാഗമായി ഡ്യൂട്ടിസമയം പുറത്തുപോകുന്നതായും വിവരം ലഭിച്ചിട്ടുണ്ട്. സുരക്ഷാ ജോലിക്കാരില്ലാത്ത പ്രദേശത്തേയ്ക്ക് വാഴത്തോപ്പ് പഞ്ചായത്ത് പൊതുശ്മശാനത്തിന്റെ ഭാഗത്തുനിന്നും ടാർ റോഡുണ്ട്. ഇത് എപ്പോഴും തുറന്നു കിടക്കുകയാണ്.

ആറോളം അന്യസംസ്ഥാന തൊഴിലാളികളെ മാത്രമാണ് അതീവസുരക്ഷാ മേഖലയായ ഡാം ഷട്ടർ മേഖലയിൽ കാണാനായത്. ഹൈമാസ്റ്റ് ലൈറ്റുകൾ സ്ഥാപിക്കുന്നതിനായി എത്തിയ തൊഴിലാളികളാണിവർ. ഇവരെ നിരീക്ഷിക്കാൻപോലും ഉദ്യോഗസ്ഥർ തയാറായിട്ടില്ലത്രേ. ഡാമുകളുടെ എതിർവശത്തുള്ള വനമേഖലയിൽനിന്നും ഡാമിന് ആക്രമണ ഭീഷണി സാധ്യതയുണ്ടെന്നു വളരെക്കാലം മുമ്പുതന്നെ രഹസ്യാന്വേഷണ വിഭാഗം കണ്ടെത്തിയെങ്കിലും മുൻകരുതൽ നടപടിയുണ്ടായില്ല.

സി. സി ടി. വി പോലും ഡാം പ്രദേശത്തില്ല. സുരക്ഷയുടെ പേരിൽ സന്ദർശകരെയും നാട്ടുകാരെയും ഡാമുകളിൽനിന്ന് അകറ്റി നിർത്തുകയും കർതവ്യനിർവഹണത്തിൽ ഗുരുതര വീഴ്ച വരുത്തുകയും ചെയ്യുന്ന അധികാരികളുടെ പ്രഹസനത്തെയാണ് റ്റിൻസും സജിയും വീഡിയോയിലൂടെയും ചിത്രങ്ങളിലൂടെയും വെളിവാക്കുന്നത്. രണ്ട് വർഷം മുമ്പ് ഇടുക്കി ജലാശയത്തിൽ പൊലിസ് ക്യാമ്പിന് സമീപം നിർത്തിയിട്ടിരുന്ന ബോട്ട് തീപിടിച്ച് മുങ്ങിയ ദുരൂഹസംഭവത്തിന്റെ വസ്തുത ഇനിയും വെളിച്ചത്തുവന്നിട്ടില്ല. ഇതിനിടെയാണ് ഇപ്പോൾ സുരക്ഷാവീഴ്ചയും ഗുരുതരമാണെന്നു വ്യക്തമാകുന്നത്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ദിലീപും പൾസർ സുനിയും അഞ്ചിടങ്ങളിൽ കണ്ടതായി പൊലീസ് സ്ഥിരീകരിച്ചു; മൊബൈൽ ലൊക്കേഷനും ഹോട്ടൽ ബുക്കിംഗും ഒരുമിച്ചെത്തുന്ന സിസിടിവി ദൃശ്യങ്ങളും തെളിവായി മാറി; സിംകാർഡും മെമ്മറി കാർഡും കൈമാറാനുള്ള ശ്രമവും നിർണ്ണായകമായി; മുൻകൂർ ജാമ്യമായി ദിലീപ് ഡിജിപിക്ക് നൽകിയ പരാതിയും വിനയായി; ദിലീപ് കുറ്റക്കാരൻ ആണെന്ന് പൊലീസ് പറയുന്നത് ഇങ്ങനെ
ജാമ്യഹർജി തള്ളിയെന്ന് ജയിലർ അറിയിച്ചപ്പോൾ മുഖത്ത് നിറഞ്ഞത് നിസ്സംഗത; വീഡിയോ കോൺഫറൻസിങ് നീക്കം കേട്ടപ്പോൾ അറിയാതെ കണ്ണുകൾ നിറഞ്ഞു; ജാമ്യഹർജി തിടുക്കത്തിലായെന്ന സഹതടവുകാരുടെ ഉപദേശത്തിനും മറുപടിയില്ല; സങ്കീർത്തനം വായിച്ചും നാമജപം ഉരുവിട്ടും നേടിയ കരുത്തുചോർന്ന് ദിലീപ്: അടുത്തെങ്ങും ഇനി പുറംലോകം കാണാനാകുമോ എന്ന ആശങ്കയിൽ ജനപ്രിയ താരം
ദിലീപിന്റെ അക്കൗണ്ടിൽ നിന്ന് വൻതുക ഒരു അഭിനയേത്രിയുടെ അക്കൗണ്ടിലേക്ക് മാറ്റി; ഇടപാട് കൊച്ചിയിൽ നടി ആക്രമിക്കപ്പെട്ട ശേഷം; മാർച്ചിലെ കോടികളുടെ ബിനാമി ഇടപാട് കണ്ടെത്തിയത് എൻഫോഴ്‌സ്‌മെന്റ്; കണ്ടില്ലെന്ന് നടിച്ച് അന്വേഷണ സംഘവും; ഗൂഢാലോചന കേസിനിടെയിലെ സാമ്പത്തിക അന്വഷണത്തിൽ ഭയന്നു മലയാള സിനിമാ ലോകം
മാലാഖമാരുടെ ജീവിത സമരത്തിൽ അനുഭാവ പൂർവ്വം ഇടപെട്ട് മോദി സർക്കാർ; നഴ്സുമാരുടെ ശമ്പളം 20,000 രൂപയിൽ കുറയരുതെന്ന് സംസ്ഥാനങ്ങൾക്ക് നിർദ്ദേശം നൽകി കേന്ദ്ര ആരോഗ്യമന്ത്രി ജെ പി നദ്ദ; സുപ്രീം കോടതി വിധിയുടെ അടിസ്ഥാനമാക്കിയുള്ള കേന്ദ്ര ഇടപെടലിൽ വെട്ടിലായത് സ്വകാര്യ ആശുപത്രി മുതലാളിമാർക്ക് കൊള്ളലാഭം കൊയ്യാൻ ഓശാന പാടുന്നവർ
ജാമ്യഹർജി തള്ളിയെന്ന് ജയിലർ അറിയിച്ചപ്പോൾ മുഖത്ത് നിറഞ്ഞത് നിസ്സംഗത; വീഡിയോ കോൺഫറൻസിങ് നീക്കം കേട്ടപ്പോൾ അറിയാതെ കണ്ണുകൾ നിറഞ്ഞു; ജാമ്യഹർജി തിടുക്കത്തിലായെന്ന സഹതടവുകാരുടെ ഉപദേശത്തിനും മറുപടിയില്ല; സങ്കീർത്തനം വായിച്ചും നാമജപം ഉരുവിട്ടും നേടിയ കരുത്തുചോർന്ന് ദിലീപ്: അടുത്തെങ്ങും ഇനി പുറംലോകം കാണാനാകുമോ എന്ന ആശങ്കയിൽ ജനപ്രിയ താരം
17-18 വയസ്സുള്ള കുട്ടികളുടെ സെക്സ് അയയ്ക്കു പ്ലീസ്; കുടുംബശ്രീ അംഗങ്ങളുടെ വാട്‌സ്ആപ്പ് ഗ്രൂപ്പിൽ അസി. ജില്ലാ മിഷൻ കോ-ഓർഡിനേറ്ററുടെ മെസേജ് കണ്ട് വീട്ടമ്മമാർ ഞെട്ടി; അറിയാതെ പുറത്തുവന്നത് എസി മൊയ്തീൻ എന്ന അദ്ധ്യാപകന്റെ തനിനിറം; സംഭവം വിവാദമാകാതിരിക്കാൻ 'ഞരമ്പു രോഗി'യെ സംരക്ഷിച്ച് സി.പി.എം ജില്ലാ നേതൃത്വം
മകന്റെ പിറന്നാൾ ജിദ്ദയിൽ ആഘോഷിച്ച് കരിപ്പൂരിലെത്തി; ക്ലോറോഫോം മണപ്പിച്ച് ബോധം കെടുത്തി ബാഗ്ലൂരിലേക്ക് ചിലർ കൊണ്ടു പോയി; സ്ലോ പോയിസൺ സെഡേറ്റീവിന്റെ മയക്കത്തിലോ ഗൾഫ് വ്യവസായി? ഷിഫ അൽ ജസീറ ഉടമയുടെ തിരോധാനത്തിൽ ആശങ്കകളുമായി സുഹൃത്തുക്കൾ; ഒന്നും മിണ്ടാതെ ബന്ധുക്കളും; ഡോ കെ ടി റബീഉള്ള അബോധാവസ്ഥയിലോ?
ജനപ്രിയതാരം കാർണിവല്ലിൽ മുറി ബുക്ക് ചെയ്തത് ഒത്തുതീർപ്പ് ചർച്ചയ്ക്ക്; കാവ്യയെ ചോദ്യം ചെയ്യില്ലെന്ന് ഉറപ്പാക്കാനുള്ള മാനസികാവസ്ഥ മുതലെടുത്ത് കെണിയൊരുക്കി; ഉന്നതനുമായി നീക്കുപോക്കുണ്ടാക്കാനെത്തിയ താരത്തെ കുടുക്കിയത് തന്ത്രങ്ങളിലൂടെ; അത്താണിയിലെ മാധ്യമ സ്ഥാപനത്തിന്റെ ഗസ്റ്റ് ഹൗസ് സാക്ഷ്യം വഹിച്ചത് സിനിമയെ വെല്ലുന്ന തിരക്കഥയ്ക്ക്; ദിലീപ് അറസ്റ്റിലായതിന് പിന്നിലെ കഥ ഇങ്ങനെ
പ്രധാനനടി വസ്ത്രം മാറുന്നത് ഒളിഞ്ഞു നോക്കിയപ്പോൾ നിന്നെ തലകീഴായി കുനിച്ചു നിർത്തിയത് ഓർമ്മയുണ്ടോ? അവന്റെ കൈയൊന്നു തെറ്റിയാൽ നീ ഈ ഭൂമിയിൽ ഓർമ്മ മാത്രമായേനേ; അന്നും നീ ഒരു ക്വട്ടേഷൻ നൽകി ഒരു ജീവനെടുത്തു; 20 കൊല്ലം മുമ്പ് നടൻ ദിലീപ് ചെയ്ത ഒരു ക്രൂരകൃത്യം വെളിപ്പെടുത്തി സിനിമാ പ്രവർത്തകന്റെ പോസ്റ്റ്
അന്വേഷണം കാവ്യാമാധവന്റെ അടുത്ത ബന്ധുവിലേക്ക്; 'മാഡത്തെ' കുറിച്ചുള്ള സംശയങ്ങൾ പൊലീസിന് തീരുന്നു; ഫെനി ബാലകൃഷ്ണന്റെ മൊഴിയെടുക്കുന്നത് വ്യക്തമായ തെളിവ് കിട്ടിയതിനാൽ; കാക്കനാട്ടെ ലക്ഷ്യയിലേയും ദിലീപിന്റെ ഭാര്യാ വീട്ടിലേയും റെയ്ഡ് ലക്ഷ്യമിടുന്നത് യാഥാർത്ഥ പ്രതിയെ കുരുക്കാൻ: കാവ്യയുടെ അമ്മയെ ചോദ്യം ചെയ്യും
പൾസർ സുനി ആദ്യം തട്ടിക്കൊണ്ട് പോയി ആക്രമിച്ചത് കാവ്യയുടെ കൂട്ടുകാരിയെ; പ്രശ്‌നം പറഞ്ഞു തീർത്തതിൽ താര സംഘടനയുടെ പങ്കും അന്വേഷണ പരിധിയിൽ; കിളിരൂരിലെ വിവാദ നിർമ്മാതാവിനെതിരെ മൊഴികൊടുക്കാൻ ലോഹിയുടെ നായിക തയ്യാർ; നടിയുടെ അടുത്തു ചെന്ന് കാര്യങ്ങൾ തിരക്കാൻ പൊലീസ്: 'അമ്മ'യെ കുടുക്കാൻ വീണ്ടും വനിതാ കൂട്ടായ്മ