Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202426Friday
ഹോം വാർത്ത ലോകം

ബോയ്ഫ്രണ്ടിനടുത്ത് നിന്നതിന്റെ പേരിൽ പരസ്യമായി ചാട്ടവാറിനടിച്ചപ്പോൾ വേദനകൊണ്ട് പിടയുന്ന യുവതിയുടെ ചിത്രങ്ങൾ വൈറലായി; ഇന്തോനേഷ്യൻ പ്രവിശ്യയിലെ ശരിയത്ത് നിയമം കണ്ണു നിറയ്ക്കുന്നത് ഇങ്ങനെ

October 18, 201608:48 AM IST Permalink
ബോയ്ഫ്രണ്ടിനടുത്ത് നിന്നതിന്റെ പേരിൽ പരസ്യമായി ചാട്ടവാറിനടിച്ചപ്പോൾ വേദനകൊണ്ട് പിടയുന്ന യുവതിയുടെ ചിത്രങ്ങൾ വൈറലായി; ഇന്തോനേഷ്യൻ പ്രവിശ്യയിലെ ശരിയത്ത് നിയമം കണ്ണു നിറയ്ക്കുന്നത് ഇങ്ങനെ

കാമുകനോട് ചേർന്നു നിന്നു എന്നതാണ് ഈ പെൺകുട്ടി ചെയ്ത കുറ്റം. ശരിയത്ത് നിയമം നിലനിൽക്കുന്ന ഇന്തോനേഷ്യൻ പ്രവിശ്യയിൽ അത് മാപ്പർഹിക്കാത്ത തെറ്റാണ്. ആർത്തുവിളിക്കുന്ന ജനക്കൂട്ടത്തിന് മുന്നിൽനിന്ന് ചാട്ടവാറിന് അടിയേറ്റ് പുളയുന്ന യുവതിയുടെ ചിത്രങ്ങൾ വൈറലായപ്പോൾ, യുവതിയുടെ ആർത്തനാദം ശരിയത്ത് നിയമം ലോകത്തിന്റെ കണ്ണു നയ്ക്കുകയാണ്.

ഇന്തോനേഷ്യയിലെ ബാന്ദ ആച്ചേ പ്രവിശ്യയിലാണ് സംഭവം. 23 തവണയാണ് യുവതിയുടെ പുറത്ത് ചാട്ടവാർ ആഞ്ഞുപതിച്ചത്. ഓരോ തവണ ചാട്ടയടി കൊള്ളുമ്പോഴും അവർ അലറിക്കരയുന്നു. പൊട്ടിച്ചിരിച്ചും കൈയടിച്ചും കൂക്കിവിളിച്ചും അതാസ്വദിക്കുകയാണ് മറ്റുള്ളവർ.

ഇന്തോനേഷ്യയിൽ ശരിയത്ത് നിയമം കർശനമാക്കിയിട്ടുള്ള ഏക പ്രവിശ്യയാണ് ആച്ചെ. അവിവാഹിതരായ സ്ത്രീ പുരുഷന്മാർ അടുത്തുപെരുമാറുന്നത് ഇവിടെ വിലക്കപ്പെട്ട കുറ്റമാണ്. സ്വവർഗാനുരാഗവും ചൂതാട്ടവും മദ്യപാനവുമൊക്കെ കടുത്ത ശിക്ഷ ലഭിക്കുന്ന കുറ്റങ്ങളാണ്.

തിങ്കളാഴ്ച ആച്ചേയിലെ പ്രധാന പള്ളിക്ക് മുന്നിൽ ശിക്ഷ നേരിട്ടത് 13 പേരാണ്. ഇതിൽ ആറ് കാമുകി-കാമുകന്മാരും ഉൾപ്പെടും. 21-നും 30-നും മധ്യേ പ്രായമുള്ളവരായിരുന്നു കുറ്റവാളികളെല്ലാവരും. അടുത്തുനിൽക്കുക, ചുംബിക്കുക, ആലിംഗനം ചെയ്യുക തുടങ്ങിയ കുറ്റങ്ങളാണ് ഇവരിൽ ആരോപിച്ചിരുന്നത്. ഒരാളെ സ്വവർഗാനുരാഗത്തിന്റെ പേരിലും ശിക്ഷിച്ചു.

കുറ്റം ചെയ്തതിന് പിടിക്കപ്പെട്ട യുവതികളിലൊരാൾ ഗർഭിണിയായിരുന്നതിനാൽ തൽക്കാലം രക്ഷപ്പെട്ടു. എന്നാൽ, പ്രസവത്തിനുശേഷം ചാട്ടയടി കൊള്ളേണ്ടിവരുമെന്ന് ശരിയത്ത് കോടതി വിധിച്ചിട്ടുണ്ട്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP