Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം വാർത്ത ലോകം

ഫ്രാൻസിന് ഇനി ഉറക്കമില്ലാത്ത നാളുകൾ; ഫ്രാൻസിൽ ജനിച്ച് വളർന്ന് ഭീകരരായവർ തുറന്ന ഭീഷണിയുമായി രംഗത്ത്; നഗരങ്ങളിൽ മുഴുവൻ ബോംബ് വർഷിക്കുമെന്ന് ഭീഷണി

November 25, 201509:08 AM IST Permalink
ഫ്രാൻസിന് ഇനി ഉറക്കമില്ലാത്ത നാളുകൾ; ഫ്രാൻസിൽ ജനിച്ച് വളർന്ന് ഭീകരരായവർ തുറന്ന ഭീഷണിയുമായി രംഗത്ത്; നഗരങ്ങളിൽ മുഴുവൻ ബോംബ് വർഷിക്കുമെന്ന് ഭീഷണി

വിവിധ രാജ്യങ്ങളിൽ നിന്ന് ചെറുപ്പക്കാരെ ആകർഷിച്ച് സിറിയയിലെ തങ്ങളുടെ പാളയങ്ങളിലെത്തിച്ച് പരിശീലനം നൽകി ജിഹാദിപോരാളികളാക്കി മാറ്റിയാണ് ഐസിസ് കടുത്ത ആക്രമണങ്ങൾ നടത്തുന്നതെന്ന് വളരെ മുമ്പ് തന്നെ വ്യക്തമായ കാര്യമാണ്. ഇത്തരത്തിൽ റിക്രൂട്ട് ചെയ്യപ്പെടുന്നവർക്ക് കർക്കശമായ പരിശീലനമാണ് സിറിയയയിലെ ക്യാമ്പുകളിൽ വച്ച് ഐസിസുകാർ നൽകുന്നത്. ഇത്തരക്കാരിൽ പലരും തങ്ങളുടെ മാതൃരാജ്യങ്ങളിലേക്ക് മടങ്ങിയെത്തുകയും അവിടെ ഭീകരാക്രമണങ്ങൾ നടത്താൻ കോപ്പുകൂട്ടുന്നുമുണ്ട്.

പാരീസാക്രണത്തിലും ഇത്തരം സ്വദേശികളായ ജിഹാദികൾ നിർണായകമായ പങ്കാണ് വഹിച്ചിട്ടുള്ളതെന്ന് തെളിഞ്ഞിട്ടുണ്ട്. പാരീസാക്രമണത്തിന് ശേഷം ഫ്രാൻസിൽ ജനിച്ച് വളർന്ന് ഭീകരരായവർ തുറന്ന ഭീഷണിയുമായി രംഗത്തെത്തിയിട്ടുണ്ട്. ഫ്രാൻസിലെ നഗരങ്ങളിൽ ബോംബ് വർഷിക്കുമെന്നാണിവർ ഭീഷണി മുഴക്കിയിരിക്കുന്നത്. ഇതോടെ ഫ്രാൻസിനെ കാത്തിരിക്കുന്നത് ഉറക്കമില്ലാത്ത നാളുകളായിരിക്കുമെന്നുറപ്പായിരിക്കുകയാണ്.

ഫ്രാൻസിൽ അധികം വൈകാതെ പുതിയ ആക്രമണ പരമ്പരകൾ തീർക്കുമെന്ന പുതിയ ഭീഷണിയുമായാണ് ഫ്രഞ്ച് ഐസിസ് ഭീകരർ രംഗത്തെത്തിയിരിക്കുന്നത്.അതിന് 24 മണിക്കൂർ മുമ്പ് ഈഫൽ ഗോപുരം നിലംപതിച്ച്കിടക്കുന്ന സിനിമാദൃശ്യം ഉപയോഗിച്ചുള്ള മറ്റൊരു വീഡിയോയും അവർ പുറത്തിറക്കിയിരുന്നു. നിങ്ങളുടെ രാജ്യത്തെ തകർക്കാൻ ഞങ്ങൾ വരുന്നുവെന്നാണ് മുഖം മൂടി ധരിച്ച് തോക്കേന്തിയ ഒരു ഐസിസ് ഭീകരൻ ട്വിറ്ററിൽ ഇന്നലെ പോസ്റ്റ് ചെയ്തിരിക്കുന്ന ഒരു വീഡിയോയിലൂടെ ഭീഷണി മുഴക്കിയിരിക്കുന്നത്. എവിടെ വച്ചാണീ വീഡിയോ ചിത്രീകരിച്ചിരിക്കുന്നതെന്ന് വ്യക്തമായിട്ടില്ല. നിങ്ങൾ ഇപ്പോൾ ഐസിസിനെതിരെ പ്രഖ്യാപിച്ച യുദ്ധം ജയിക്കില്ലെന്നാണ് ഫ്രാൻസ് പ്രസിഡന്റ് ഫ്രാൻകോയിസിനെ ഭീകരൻ വെല്ലുവിളിച്ചിരിക്കുന്നത്. യുദ്ധത്തിൽ വിജയിക്കുമെന്ന് ഫ്രാൻസുകാർക്കും പാശ്ചാത്യർക്കും താങ്കൾ നൽകിയ വാഗ്ദാനം പാലിക്കാനാകില്ലെന്നും ജിഹാദി ഭീഷണി മുഴക്കിയിട്ടുണ്ട്. തങ്ങളുടെ സൃഷ്ടാവായ ദൈവത്തിന്റെ പേരിൽ തങ്ങൾക്കാണ് അന്തിമവിജയമുണ്ടാവുകയെന്നും ഭീകരൻ അവകാശപ്പെടുന്നുണ്ട്.

ഇതിന് പുറമെ ഈഫൽ ഗോപുരം തകർന്ന് വീണ് കിടക്കുന്ന ദൃശ്യത്തോട് കൂടിയ മറ്റൊരു വീഡിയോയും ഐസിസ് പുറത്തിറക്കിയിരുന്നു. ജിഐ ജോയ്; ദി റൈസ് ഓഫ് കോബ്ര എന്ന 2009ലെ ആക്ഷൻ സിനിമയിൽ നിന്നാണീ ക്ലിപ്പിങ്‌സ് ഭീകരർ മോഷ്ടിച്ചിരിക്കുന്നത്. പാരീസ് ഹാസ് കൊളാപ്‌സ്ഡ് എന്നാണീ വിഡിയോയ്ക്ക് കാപ്ഷൻ നൽകിയിരിക്കുന്നത്. പാരീസിൽ അടുത്തിടെ നടത്തിയത് പോലുള്ള കൂടുതൽ ആക്രമണങ്ങൾ രാജ്യത്ത് നടത്തുമെന്നും പ്രസ്തുത വീഡിയോ ഭീഷണി മുഴക്കുന്നുണ്ട്. ഫ്രഞ്ച് സേന സിറിയയിൽ ഐസിസിനെതിരെ നടത്തുന്ന ആക്രമണങ്ങളുടെയും പാരീസാക്രമണത്തിന്റെയും ദൃശ്യങ്ങൾ ഈ വിഡിയോയിൽ കൂട്ടിക്കലർത്തിയിട്ടുണ്ട്.ഇതിനൊപ്പമാണ് ഈഫൽ ടവർ വീഴുന്ന ദൃശ്യവുമുള്ളത്. ഹൈ പ്രൊഡക്ഷൻ വാല്യൂവുള്ള ഫൂട്ടേജാണ് ഐസിസ് പുറത്തിറക്കിയിരിക്കുന്നത്.

ന്യൂയോർക്ക് സിറ്റിയിലും യുസ് തലസ്ഥാനമായ വാഷിങ്ടൺ ഡിസിയിലും ആക്രമണം നടത്തുമെന്ന് ഭീഷണി മുഴക്കിക്കൊണ്ടുള്ള വീഡിയോകൾ കഴിഞ്ഞയാഴ്ച ഐസിസ് പുറത്തിറക്കിയിരുന്നു. ഇതിൽ ഒരു വീഡിയോയിൽ മാൻഹാട്ടനിലെ ഹെറാൾഡ് സ്‌ക്വയറിലെയും ടൈംസ് സ്‌ക്വയറിലെയും ജനക്കൂട്ടത്തെയും മഞ്ഞ ടാക്‌സികളെയും കാണിക്കുന്നുണ്ട്. തുടർന്ന് അരയിൽ ബോംബ് ധരിച്ചെത്തുന്ന ഒരു ഭീകരനെയും കാണാം. അയാൾ ആൾക്കൂട്ടത്തിലേക്ക് നടന്ന് കയറി ബോംബ് പൊട്ടിക്കുന്നതിന്റെ സൂചനകളും ഈ ഫൂട്ടേജിലുണ്ട്.തുടർന്നുള്ളദിവസം ഇറക്കിയ ഫൂട്ടേജിൽ വൈറ്റ് ഹൗസിനെ തകർക്കുന്നതാണ് ഐസിസ് ചിത്രീകരിച്ചിരിക്കുന്നത്. പാരീസിൽ നിന്ന് തങ്ങൾ ആക്രമണം തുടങ്ങിയെന്നും വൈറ്റ് ഹൗസിനെ തകർത്തുകൊണ്ട് അത് അവസാനിപ്പിക്കുമെന്നും ഈ വീഡിയോയിൽ പ്രത്യക്ഷപ്പെട്ട ഭീകരൻ മുന്നറിയിപ്പേകുന്നുണ്ട്.

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP