Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202424Wednesday
ഹോം വാർത്ത ലോകം

കാലുകൾ പുഴുവരിച്ച് മുടികൾ കൊഴിഞ്ഞ് മഞ്ഞിൽ കുടങ്ങിക്കിടന്നത് 47 ദിവസം; ഒടുവിൽ തായ്‌വാൻ യുവാവിന് പുനർജന്മം; ഒപ്പമുണ്ടായിരുന്ന പെൺകുട്ടി മൂന്ന് ദിവസം മുൻപ് മരണമടഞ്ഞു

April 27, 201710:25 AM IST Permalink
കാലുകൾ പുഴുവരിച്ച് മുടികൾ കൊഴിഞ്ഞ് മഞ്ഞിൽ കുടങ്ങിക്കിടന്നത് 47 ദിവസം; ഒടുവിൽ തായ്‌വാൻ യുവാവിന് പുനർജന്മം; ഒപ്പമുണ്ടായിരുന്ന പെൺകുട്ടി മൂന്ന് ദിവസം മുൻപ് മരണമടഞ്ഞു

മൗണ്ട്എവറസ്റ്റ്: കാലുകൾ പുഴുവരിച്ച് മുടികൾ കൊഴിഞ്ഞ് ആരുമില്ലാത്തിടത്ത് ഒറ്റപ്പെട്ടുപോവുന്നവരുടെ കഥ ലിയാങ് ഷെംങ്യുവെന്ന തായ്വാൻകാരന് പണ്ട് മുത്തശ്ശിയാണ് പറഞ്ഞ് കൊടുത്തത്.

അന്ന് കേട്ട കഥ തന്റെ ജീവിതത്തിൽ വന്നുഭവിച്ചത് ഭീതിയോടെ ഓർക്കുകയാണ് ആശുപത്രി കിടക്കയിൽ കിടന്നും ഇന്ന് ഈ ചെറുപ്പക്കാരൻ. പറഞ്ഞ് വരുന്നത് ട്രക്കിങ്ങിനിടെ 47 ദിവസം ഹിമാലയൻ മലനിരയുടെ വിജനമായ ഭാഗത്ത് ഒറ്റപ്പെട്ടുപോയ ശേഷം ഒടുവിൽ ജീവിതത്തിലേക്ക് തിരിച്ചെത്തിയ തായ്വാൻ വിദ്യാർത്ഥി ലിയാങ് ഷെംങ് യുവിന്റെ വിശേഷമാണ്.

മാർച്ച് ഒമ്പതിനാണ് ലിയാംങ് ഷെംങ്യുവും കാമുകി ല്യു ഷെൻ ചുന്നും ട്രക്കിങ്ങിനായി ഹിമാലയൻ താഴ്‌വരയിലെത്തിയത്. ദോങ്ഹ്വ സർവകലാശാലയിലെ ഒന്നാംവർഷ ബിരുദ വിദ്യാർത്ഥികളാണ് ഇരുവരും. മാർച്ച് ഒമ്പതിന് ട്രക്കിങ് ആരംഭിച്ചെങ്കിലും കനത്ത മഞ്ഞ വീഴ്ചയിൽ ഇരുവരും ഒറ്റപ്പെട്ട് പോവുകയായിരുന്നുവെന്ന് ചികിത്സയിലിരിക്കെ ലിയാംങ് ഷെംങ്യു ഡോക്ടർമാരോട് പറഞ്ഞു. രക്ഷിതാക്കളുടെ പരാതിയിൽ ഒന്നരമാസത്തോളമായി ഇവർക്ക് വേണ്ടി അധികൃതർ തിരച്ചിലിലായിരുന്നു.

മഞ്ഞിൽ പൊതിഞ്ഞിരിക്കുന്ന നിലയിൽ കഴിഞ്ഞ ദിവസം പ്രദേശവാസികളാണ് വിവരം പൊലീസിനെ അറിയിച്ചത്. അധികൃതർ ഉടൻ രക്ഷാപ്രവർത്തനം നടത്തിയെങ്കിലും ലിയാംങ് ഷെംങ്യുവിനെ മാത്രമേ രക്ഷപ്പെടുത്താൻ കഴിഞ്ഞുള്ളൂ. പെൺകുട്ടി മൂന്ന് ദിവസം മുന്നെ മരണമടഞ്ഞിരുന്നു. രക്ഷപ്പെട്ട ലിയാംങിന്റെ കാല് പുഴുവരിച്ച നിലയിലാണ്. മുപ്പത് കിലോയോളം തൂക്കവും കുറഞ്ഞിട്ടുണ്ട്. മുടി പൂർണമായും കൊഴിഞ്ഞുപോയതായും ഡോക്ടർമാർ പറഞ്ഞു. ഇവരെ കാണാതായതോടെ ബന്ധുക്കളാണ് പരാതിയുമായി പൊലീസ് അധികൃതരെ സമീപിച്ചത്.

പ്രദേശവാസികൾ അറിയിച്ചതനുസരിച്ച് ഹെലികോപ്റ്ററിലെത്തിയാണ് ലിയാംങിനെ സുരക്ഷാ ഉദ്യോഗസ്ഥർ രക്ഷപ്പെടുത്തിയത്. കടുത്ത മഞ്ഞുവീഴ്ച അവഗണിച്ച് യാത്ര തുടർന്ന ഇവർ യാത്രയ്ക്കിടെ താഴേക്ക് തെന്നിവീഴുകയും തിരിച്ച് കയറാൻ പറ്റാതാവുകയും ചെയ്തതാണ് അപകടകാരണമെന്നാണ് രക്ഷാപ്രവർത്തനത്തിന് നേതൃത്വം നൽകിയവർ വിശദീകരിക്കുന്നത്. എങ്കിലും ഇയാൾ ഇപ്പോൾ ആരോഗ്യനില വീണ്ടെടുത്തതായി ഡോക്ടർമാർ പറഞ്ഞു

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP