1 usd = 73.26 inr 1 gbp = 95.73 inr 1 eur = 84.33 inr 1 aed = 19.94 inr 1 sar = 19.52 inr 1 kwd = 241.50 inr

Oct / 2018
22
Monday

നഴ്‌സുമാർ ലോകത്തിലെ വെളുത്ത മെഴുകുതിരികൾ; വിദ്യാഭ്യാസ ലോൺ മുതൽ സാംക്രമിക രോഗ സാധ്യത വരെ വെല്ലുവിളി; മലയാളി മാലാഖമാരുടെ തൊഴിൽ വെല്ലുവിളികളെ കുറിച്ച്

December 12, 2016 | 10:59 AM IST | Permalink



നഴ്‌സുമാർ ലോകത്തിലെ വെളുത്ത മെഴുകുതിരികൾ; വിദ്യാഭ്യാസ ലോൺ മുതൽ സാംക്രമിക രോഗ സാധ്യത വരെ വെല്ലുവിളി; മലയാളി മാലാഖമാരുടെ തൊഴിൽ വെല്ലുവിളികളെ കുറിച്ച്

റെജി ചിറയത്ത്

രു രാജ്യത്തിനകത്തുള്ള വിഭവങ്ങൾ അതിന്റെ ഉള്ളിൽ ത്തന്നെ ക്രയവിക്രയം ചെയ്തല്ല മറിച്ച് രാജ്യത്തിന് പുറത്തു നിന്നും പണവും വിഭവങ്ങളും രാജ്യത്തിനകത്തേക്ക് കൊണ്ടുവന്നാണ് നാം വികസനം സാധ്യമാക്കേണ്ടത്. ആ അർത്ഥത്തിൽ ഇന്ന് വികസനത്തിന് ചുക്കാൻ പിടിക്കുന്നത് മനുഷ്യ വിഭവത്തിന്റെ കയറ്റുമതിയിലാണ്. ഇന്ത്യയുടെ വികസനത്തിൽ ഏറ്റവും പ്രധാന വരുമാനമാർഗമാണ്,ഇന്ത്യക്കാർ മറ്റു രാജ്യങ്ങളിൽ ജോലി ചെയ്തു അയക്കുന്ന പണം. അതിൽത്തന്നെ മുഖ്യപങ്കു ഇന്ത്യൻ നഴ്‌സുമാർ വിദേശ രാജ്യങ്ങളിൽ ജോലിചെയ്തയക്കുന്ന പണമാണെന്നു എല്ലാവർക്കുമറിയാം. വിദേശരാജ്യങ്ങളിൽ മനുഷ്യവിഭവത്തിൽ ഏറ്റവും മൂല്യമുള്ള ഒന്നായി ഇന്ന് നഴ്‌സിങ് മാറിയിരിക്കുന്നു.ബഹുമാനപെട്ട മുൻ ഇന്ത്യൻ പ്രസിഡന്റ് എപിജെ അബ്ദുൽ കലാം കേരള വികസനത്തിന് വേണ്ടി നിർദ്ദേശിച്ച 10 കാര്യങ്ങളിൽ ഒന്നാണ് നഴ്‌സിങ് മേഖലയുടെ പ്രോത്സാഹനം. ഇന്ത്യൻ നഴ്‌സുമാരുടെ പ്രത്യകിച്ചും കേരളത്തിലെ നഴ്‌സുമാരുടെ വിദ്യഭ്യാസയോഗ്യതയും പ്രാഗല്ഭ്യവും അർപ്പണമനോഭാവവും ലോകം മുഴുവൻ അംഗീകരിക്കപ്പെട്ടിട്ടുള്ളതാണ്. അതുകൊണ്ടുതന്നെ വലിയ സാധ്യതയാണ് കേരളത്തിന് ഈ രംഗത്ത് പ്രതീക്ഷിക്കാവുന്നത്. ഒരർത്ഥത്തിൽ കേരളവികസനത്തിന്റെ നെടുത്തൂണുകളാകാൻ കേരള നഴ്‌സുമാർക്ക് കഴിയും.

ഏതാണ്ട് 10 വർഷം മുൻപുവരെ സമൂഹത്തിലെ നല്ലൊരു വിഭാഗം ആളുകൾ നഴ്‌സുമാരെ മോശമായ കണ്ണുകൾ കൊണ്ടാണ് കണ്ടിരുന്നത് എന്നതായിരുന്നു വസ്തുത. പലവിധ രോഗങ്ങളാലും അപകടങ്ങളാലും ആശുപത്രിയിലെത്തിയിരുന്ന രോഗികളുടെ വേദനയിൽ പങ്കുചേർന്നു, അവരെ സ്വന്തം കുടുംബാംഗങ്ങളെ പോലെ പരിചരിച്ചിരുന്ന നഴ്‌സുമാരെ വിവാഹക്കമ്പോളത്തിൽ ആർക്കും വേണ്ടാത്ത അവസ്ഥയുണ്ടായിരുന്നു. എല്ലാ മേഖലയിലും ഉണ്ടായിരുന്ന മൂല്യച്യുതികൾ പോലെ മാത്രമേ നഴ്‌സിങ് മേഖലയിലും ഉണ്ടായിരുന്നുള്ളു എങ്കിലും അക്കാലത്തു പൊതുവെ നഴ്‌സിങ് മേഖലയെ മോശമായി കണ്ടിരുന്നത് നീതീകരിക്കാനാവുന്നതായിരുന്നില്ല.

പക്ഷെ പതുക്കെ സ്ഥിതി മാറി. യൂറോപ്യൻ രാജ്യങ്ങളിലും മധ്യ പൂർവേഷ്യൻ രാജ്യങ്ങളിലും നഴ്‌സുമാരുടെ പ്രാധാന്യവും പ്രതിഫലവും വർധിച്ചു. ഈ രാജ്യങ്ങളിൽ ജോലി ചെയ്തിരുന്ന യുവാക്കൾ നഴ്‌സിങ്ങിന്റെ പ്രാധാന്യം തിരിച്ചറിഞ്ഞതോടെ പഠിച്ചിറങ്ങിയ നഴ്‌സുമാരെ വിവാഹം ചെയ്യാനും അവരെ വിദേശ രാജ്യങ്ങളിലേക്ക് കൊണ്ടുപോയി ജോലി നേടിക്കൊടുത്തു ജീവിതം ഭദ്രമാക്കാനും അവരിന്ന് മുന്നിലാണ്. വിദേശത്ത് ഏറ്റവും പ്രതിഫലസാധ്യതയുള്ള ജോലി നഴ്‌സിങ് ആണ് എന്ന തിരിച്ചറിവ് മൂലം ഇന്ന് നഴ്‌സുമാർക്ക് വിവാഹവേദിയിൽ വൻസ്വീകാര്യതയാണുള്ളത്. പക്ഷെ പ്രവാചകന് സ്വന്തം നാട്ടിൽ വിലയില്ല എന്നു പറയുന്നത് പോലെ നഴ്‌സുമാർ ഇന്ത്യക്കകത്ത് ഇന്നും പൊതുവെ അവഗണിക്കപ്പെട്ടവരാണ്. നഴ്‌സിങ് മേഖലയിൽ ജോലി ചെയ്യുന്നവർ ഇന്ന് അഭിമുഖീകരിക്കുന്ന പ്രശ്‌നങ്ങൾ ചർച്ച ചെയ്യാനാണ് ഞാനിവിടെ ശ്രമിക്കുന്നത്.

1) മാറിവരുന്ന സർക്കാരുകളുടെ നയങ്ങളും അപക്വമായ നിയമങ്ങളും.

മിക്കവാറും നഴ്‌സിങ് പഠനത്തിനെത്തുന്നത് നിർധന കുടുംബത്തിലുള്ളവരോ ഇടത്തരം കുടുംബത്തിലുള്ളവരോ ആണ്. ലോണെടുത്തും കടം വാങ്ങിയും എങ്ങിനെയെങ്കിലും ദീർഘകാല കോഴ്‌സും പ്രവർത്തനപരിചയവും കഴിഞ്ഞിറങ്ങുന്ന നഴ്‌സുമാരിൽ വിരലിലെണ്ണാവുന്നർക്ക് മാത്രമേ സർക്കാർ ജോലി ലഭിക്കുന്നുള്ളൂ. ബാക്കിയുള്ളവർ സ്വകാര്യമേഖലയിലേക്ക് തള്ളപ്പെടുന്നു. കൂലിവേലക്കാർക്കുപോലും ഇന്ന് ന്യായമായ ശമ്പളം ലഭിക്കുമ്പോൾ കഴിവും പ്രാഗല്ഭ്യവും അർപ്പണബോധവുമുള്ള നഴ്‌സുമാർക്ക് സ്വകാര്യമേഖലയിൽ അർഹമായ ശമ്പളം ലഭിക്കുകയില്ല. ഭരണത്തിലുള്ള സർക്കാരിന് ഇതറിയാമെങ്കിലും സ്വകാര്യമേഖലയിലെ ആശുപത്രിമുതലാളിമാരെ പിണക്കാൻ ഇഷ്ടമില്ലാത്തതിനാൽ ഒരു തരത്തിലുമുള്ള പരിശോധനക്കും തയ്യാറാവുകയുമില്ല. ഇനി അഥവാ ഏതെങ്കിലും നിയമം അവരെ സഹായിക്കാനായി ഉണ്ടാക്കിയാൽ ത്തന്നെ അത് തിരിച്ചടിക്കാറാണ് പതിവ്.

ഉദാഹരണത്തിന് ഇപ്പോഴത്തെ ഇന്ത്യസർക്കാർ, വൻ പ്രതിഫലം കൈപ്പറ്റി വിദേശ റിക്രൂട്ടിങ് നടത്തുന്ന മധ്യവർത്തികളെ ഒഴിവാക്കി, മൂന്ന് സർക്കാർ ഏജൻസിയെ ഏല്പിച്ചു കൊണ്ട് നഴ്‌സുമാരുടെ എമിഗ്രേഷൻ തടഞ്ഞത് മാത്രം പരിശോധിച്ചാൽ മതി. ഫലത്തിൽ ഇതു നഴ്‌സുമാരുടെ മൊത്തം റിക്രൂട്ട്‌മെന്റ് തടഞ്ഞ അവസ്ഥയുണ്ടാക്കി. സർക്കാർ ഏജൻസികൾ അവസരത്തിനൊത്തു ഉയർന്നതുമില്ല ഒപ്പം സ്വകാര്യമേഖലയെ തടയുകയും ചെയ്തു. ഇതോടെ സങ്കീർണമായ ഇന്ത്യൻ നഴ്‌സുമാരുടെ റിക്രൂട്ടിങ്ങിൽ നിന്നും പല മധ്യ പൂർവേഷ്യൻ രാജ്യങ്ങളും പിൻവാങ്ങിയത് ഇന്ത്യൻ നഴ്‌സുമാരുടെ സ്വപ്നങ്ങൾക്കുമേൽ കരിനിഴൽ വീഴ്‌ത്തി. അത്തരം ഗൾഫ് രാജ്യങ്ങൾ ഇപ്പോൾ ഫിലിപ്പീൻസിൽ നിന്നാണ് നഴ്‌സുമാരെ തിരഞ്ഞെടുക്കുന്നത്,ഇന്ത്യൻ ഭരണാധികാരികളുടെ കെടുകാര്യസ്ഥതയുടെ ഉത്തമ ഉദാഹരണമാണ്. കടം വാങ്ങി കൊടുത്തിട്ടെങ്കിലും വിദേശജോലി നേടാനുള്ള വഴി ഇന്ന് അടഞ്ഞിരിക്കയാണ്. ഇന്ന് ഏതെങ്കിലും വിധത്തിൽ സ്വകാര്യ റിക്രൂട്ടിങ് ഏജൻസി മുഖാന്തിരം ജോലി വാങ്ങിയാൽ ത്തന്നെ അവരുടെ കാശിനുപുറമെ വൻതുക എമിഗ്രേഷൻ ഏജന്റിന് 'ചവുട്ടിക്കയറ്റാൻ 'കൂടി കൊടുക്കേണ്ടിവരുന്നു. ഇനി എത്ര നിവേദനം കൊടുത്താലും ഇത്തരം തല തിരിഞ്ഞ നിയമങ്ങൾ ഒരു കാരണവശാലും സർക്കാർ പുനഃപരിശോധിക്കുകയും ഇല്ല.

2) കോഴ്‌സ് കഴിഞ്ഞിറങ്ങുമ്പോൾ തോളത്ത് കയറുന്ന വൻകടബാധ്യതയുടെ മാറാപ്പ്

പാവപ്പെട്ടവരും, ഇടത്തരം കുടുംബത്തിൽ നിന്നും വരുന്നവരുമായ നഴ്‌സിങ് വിദ്യാർത്ഥികൾ, വലിയ വിദ്യാഭ്യാസലോണിന്റെയും മറ്റു കൈകടങ്ങളുടെയും സഹായത്തോടെയാണ് മിക്കവാറും കോഴ്‌സ് പൂർത്തിയാക്കുക. സർക്കാർ മേഖലയിൽ നഴ്‌സിങ് പഠനത്തിന് സാധ്യത വളരെ വിരളമാണ്. അഥവാ മനപ്പൂർവം സർക്കാർ ഈ മേഖലയെ സ്വകാര്യ അറവുകാർക്ക് ഏല്പിച്ചുകൊടുത്തിരിക്കയാണ്. കേരളത്തിനകത്തും പുറത്തും നഴ്‌സിങ് കോളേജ് നടത്തുക വൻബിസിനസ് ആണ്. പല കോളേജുകൾക്കും അർഹമായ സൗകര്യങ്ങളോ ഹോസ്പിറ്റൽ പരിശീലനത്തിനുള്ള സൗകര്യങ്ങളോ ഇല്ലെങ്കിലും ഭരണത്തിലിരിക്കുന്നവരുടെ ഒത്താശയോടെ നിലനിൽക്കാൻ ബുദ്ധിമുട്ടില്ല. കോളേജിന്റെ നിലക്കും വിലക്കും അനുസരിച്ചു കോളേജ് ഫീസും ഹോസ്റ്റൽ ഫീസും തോന്നിയതുപോലെ ഈടാക്കുന്നു. അതുകൊണ്ടുത്തന്നെ പഠിച്ചിറങ്ങുന്ന നഴ്‌സുമാർക്ക് ഈ വൻവിദ്യാഭ്യാസലോണിന്റെയും മറ്റു കടങ്ങളുടെയും ബാധ്യത ഉടനെ ഏറ്റെടുക്കേണ്ടിവരുന്നു. കിട്ടുന്ന ശമ്പളമാകട്ടെ പലിശപോലും കൊടുക്കാൻ തികയുകയും ഇല്ല.

സർക്കാർ ഫീസിൽ പഠിച്ചിറങ്ങുന്ന ഡോക്ടർമാരും എൻജിനീയർമാരും അനവധിയാണ് പക്ഷെ സർക്കാർ അവർക്കു നൽകിയ ഇളവിന് പകരമായി അവർ ഒരു വർഷത്തെ സാമൂഹ്യസേവനം പോലും ചെയ്യാൻ വിമുഖത കാട്ടുമ്പോൾ ഭീമമായ ഫീസുകൊടുത്തു പഠിച്ചിറങ്ങിയ നഴ്‌സുമാരാകട്ടെ സ്വന്തം നാട്ടിൽ വെറും 3500 മുതൽ 15000 രൂപ വരെയുള്ള ശമ്പളസ്‌കെയിലിൽ സ്വകാര്യമേഖലയിൽ ജോലി ചെയ്യാൻ നിർബന്ധിതരാകുന്നു.

3) തൊഴിൽ ദാതാക്കളുടെ തൊഴിൽപരമായ ചൂഷണങ്ങൾ

നഴ്‌സുമാർക്ക് സ്വകാര്യമേഖലയിൽ ജോലി നൽകുന്ന ആശുപത്രി സ്ഥാപനങ്ങൾ, തങ്ങളുടെ ബിസിനസ്സ് വളർച്ചക്ക് ഏറ്റവുമധികം ചൂഷണം ചെയ്യുന്നത് നഴ്‌സുമാരെയാണ്. 8 മണിക്കൂർ ജോലിയെന്നത് നഴ്‌സുമാർക്ക് സ്വപ്നം മാത്രമാണ്. ഈ മേഖലയിൽ രാത്രിസമയജോലി ഇന്ത്യയിൽ പലപ്പോഴും 12 മുതൽ 14 മണിക്കൂറാണ്.അധികജോലി വേതനമോ മറ്റു അലവൻസുകളോ ലഭിക്കില്ല എന്നുമാത്രമല്ല നാമമാത്രമായ ശമ്പളവും ആണ് ലഭിക്കുക. വേണ്ടത്ര നഴ്‌സുമാരെ മനപ്പൂർവം നിയമിക്കാതെ ഉള്ളവരെ വച്ചു വലിപ്പിക്കുന്ന പ്രവണതയും വ്യാപകമാണ്.ഇതുമൂലം ജോലിസമയത്ത് ഒന്നിരിക്കാനോ എന്തെകിലും കഴിക്കാനോ അവസരമില്ലാതെ നഴ്‌സുമാർ അവശരാകുന്നത് പതിവാണ്.

4) ശക്തവും അംഗീകൃതവുമായ നഴ്‌സിങ് സംഘടനകളുടെ അഭാവം.

മറ്റു മേഖലകളിൽ ഉള്ളതുപോലെ തൊഴിലാളി യൂണിയനുകളോ ശക്തമായ സംഘടനകളോ നഴ്‌സിങ് മേഖലയിൽ ഇല്ല. ഏതാണ്ട് ഒന്ന് രണ്ടു വർഷം മുൻപ് പല സ്ഥാപനങ്ങളും നഴ്‌സുമാരെ അകാരണമായി പിരിച്ചുവിടുകയും ജോലിസമയം കൂട്ടുകയും ശമ്പളവർദ്ധനവ് നടപ്പാക്കാതെ പീഡിപ്പിക്കുകയും ചെയ്തപ്പോൾ, ആ നിർണ്ണായകമായ സാഹചര്യത്തിൽ മാത്രമാണ് സംഘടിച്ചു ചൂഷണത്തെ എതിർക്കേണ്ടതിന്റെ ആവശ്യകത നഴ്‌സുമാർക്ക് ബോധ്യമായതുതന്നെ.

ഈ രംഗത്തെ മഹാഭൂരിപക്ഷം സ്ത്രീകളായതിനാലും കർശനമായ വേതനവ്യവസ്ഥകൾ ഉള്ളതിനാലും ആശുപത്രി മാനേജ്‌മെന്റുകൾ വളരെ ശക്തരും സ്വാധീനമുള്ളവരും ആയതുകൊണ്ടും നഴ്‌സുമാർക്ക് ശക്തമായ സംഘടന രൂപീകരിക്കാനും എല്ലാ നഴ്‌സുമാരെയും ഒരു കുടക്കീഴിൽ കൊണ്ടുവരാനും കഴിഞ്ഞിട്ടില്ല എന്നുവേണം കരുതാൻ. മിക്കവാറും ആശുപത്രികൾ നഴ്‌സുമാരുടെ സർട്ടിഫിക്കറ്റ് വാങ്ങിവച്ചു ബോണ്ട് സമ്പ്രദായം ഇന്നും തുടരുന്നത് നഴ്‌സുമാരെ ഭയപ്പെടുത്തുന്നു. ഒറ്റപ്പെട്ട സമരങ്ങളെ പൊലീസിനെയും ചിലപ്പോഴെല്ലാം ഗുണ്ടകളെയും ഇറക്കി നേരിടുന്നതും കേരളം കാണുകയുണ്ടായി. നഴ്‌സുമാരുടെ ആനുകാലിക പ്രശ്‌നങ്ങളിൽ ഇടപെടുന്ന ശക്തമായ നഴ്‌സിങ് സംഘടന ചൂഷണത്തിന് അറുതി വരുത്താൻ എല്ലാ രാജ്യങ്ങളിലും അനിവാര്യമാണ്.

5) മേലധികാരികളുടെ മാനസിക പീഡനം

നഴ്‌സുമാർ ജോലി ചെയ്യുന്നത് കർശനമായ മേൽനോട്ടത്തിന് വിധേയമായാണ്. ചെറിയ തെറ്റുകൾ പോലും തിരഞ്ഞുപിടിച്ച് ചോദ്യം ചെയ്യപ്പെടുകയും അതിനു വിശദീകരണവും കാരണം കാണിക്കൽ വരെ നല്‌കേണ്ടിവരികയും ചെയ്യും. പലപ്പോഴും രോഗികളുടെയും കൂടെയുള്ളവരുടെയും ഡോക്ടർമാരുടെയും പരാതികളിൽ ബലിയാടാകേണ്ടി വരുന്നതും നഴ്‌സുമാർ തന്നെ.ഉത്തരവാദിത്ത്വപെട്ട മേലധികാരികളുടെയും സൂപ്പർവൈസർമാരുടെയും ശകാരം ഇവർക്ക് നിത്യാഭ്യാസങ്ങളാണ്. രോഗം വന്നാൽ ലീവ് കിട്ടണമെങ്കിൽ പോലും കർശനമായ വ്യവസ്ഥകൾ നിലവിലുണ്ട്.രോഗികൾക്ക് ആശുപത്രികളിൽ വരുന്നതിനു സമയമോ പ്രത്യക ദിവസമോ ഇല്ലാത്തതിനാൽ പലപ്പോഴും നഴ്‌സുമാർക്ക് കുടുംബത്തോടൊപ്പം പൊതു അവധികളോ ആഘോഷദിവസങ്ങളോ ലഭിക്കാറില്ല. എന്നാലും ആരോടും പരാതിയില്ലാതെ ത്യാഗത്തിന്റെ ആൾ രൂപങ്ങളായി നഴ്‌സുമാർ മാറുന്നു.

6) രോഗികളുടെയും അവരുടെ കൂടെ നിൽക്കുന്നവരുടെയും മോശം പെരുമാറ്റം.

ആശുപത്രികളിൽ രോഗികൾക്ക് സ്വസ്ഥമായ അന്തരീക്ഷം സൃഷ്ടിക്കേണ്ടത് നഴ്‌സുമാരാണ്. രോഗികൾക്ക് അണുബാധയേൽക്കാതെ നോക്കാനായി സന്ദർശകരെ നിയന്ത്രിക്കേണ്ടതും നഴ്‌സുമാർ തന്നെയാണ്. ഇതിന്റെ കൃത്യമായ ലക്ഷ്യം മനസ്സിലാവാത്ത സന്ദർശകർ നഴ്‌സുമാരോട് കയർത്തു സംസാരിക്കുന്നതും കയ്യേറ്റം ചെയ്യുന്നതും ഒറ്റപ്പെട്ട സംഭവങ്ങളല്ല. രോഗിക്ക് അസുഖം കൂടിയാലോ ഡോക്ടർ താമസിച്ചാലോ ചീത്ത കേൾക്കേണ്ടതും നഴ്‌സുമാരാണ്. രോഗികളും കൂടെയുള്ളവരും ലൈംഗികമായ ലക്ഷ്യത്തോടെ സംസാരിക്കുന്നതും പെരുമാറുന്നതും അസാധാരണമല്ല. ഇവിടെയെല്ലാം ക്ഷമാപൂർവം പെരുമാറാൻ നഴ്‌സുമാർക്കു മാത്രമേ കഴിയൂ.

7) സാംക്രമിക രോഗങ്ങൾക്കുള്ള സാധ്യത

നഴ്‌സുമാർ ജോലി ചെയ്യുന്നത് എന്നും രോഗികൾക്കൊപ്പമാണെന്നു ഓർക്കണം. കടന്നു വരുന്ന രോഗികൾ പലരും മാരകമായ സംക്രമികരോഗങ്ങൾ പിടിപെട്ടവരാകാം. ഇവരെ പരിചരിക്കുന്ന നഴ്‌സുമാർക്ക് ഇവരിൽ നിന്നും സുരക്ഷിതമായ അകലം പാലിക്കാൻ കഴിയില്ല. രക്തത്തിലൂടെയും ശരീരസ്രവങ്ങളിലൂടെയും വായുവിലൂടെയും ഇത്തരം രോഗങ്ങൾ നഴ്‌സുമാർക്കും അവരിലൂടെ കുടുംബത്തിലുള്ളവർക്കും ലഭിക്കാൻ സാധ്യത ഏറെയാണ്.രോഗസാധ്യത ഏറ്റവും കൂടുതൽ ഉള്ള മേഖലയാണ് നഴ്‌സിങ് എങ്കിലും രോഗികളുടെ കുടുംബാംഗങ്ങൾ പോലും അറച്ചു മാറിനിൽക്കുമ്പോൾ മുഖം ചുളിക്കാതെ സ്‌നേഹത്തോടെ പരിചരിക്കുന്ന നഴ്‌സുമാർ അക്ഷരാർത്ഥത്തിൽ വെള്ളയുടുപ്പിട്ട മാലാഖാമാരാണെന്നു പറയാതെ വയ്യ.

8) മാറി മാറി വരുന്ന ജോലിസമയങ്ങൾ സൃഷ്ടിക്കുന്ന മാനസിക -ശാരീരിക ക്ലേശങ്ങൾ

നഴ്‌സുമാരുടെ ജോലിസമയം ഇടവിട്ട് മാറിക്കൊണ്ടിരിക്കും അത് 'രാവിലെ, വൈകിട്ട്, രാത്രി' എന്നിങ്ങനെ തുടർച്ചയായി ദിവസങ്ങളുടെ ഇടവേളയിൽ മാറുന്നത് ശരീരത്തിലെ ജൈവക്ലോക്കിന്റെ താളം തെറ്റിക്കുന്നു.രാത്രിജോലി വരുന്നത് കൃത്യമായ ഉറക്കത്തെയും ബാധിക്കുന്നു. ഇതിനുപുറമെ സ്വന്തം കുടുംബത്തിലെ കാര്യങ്ങൾ, കുട്ടികളുടെ പഠനം, അടുക്കള എന്നിവയിലും ശ്രദ്ധ നൽകേണ്ടതുണ്ട്. വിശ്രമമില്ലാത്ത ജോലിഭാരം പലപ്പോഴും നഴ്‌സുമാർക്ക് സമ്മാനിക്കുക നടുവേദന, തലവേദന,കൈകാൽ കഴപ്പ് തുടങ്ങിയ അവസ്ഥകളാണ് എങ്കിലും ഒന്നും മുടങ്ങാതെ ഒരു എണ്ണയിട്ട ഒരു യന്ത്രം കണക്കെ നഴ്‌സുമാർ ജോലിചെയ്യുന്നു.

ഒരു ഡോക്ടറെ പോലെ ത്തന്നെ സമൂഹത്തിൽ നിലയും വിലയും ആദരവും ലഭിക്കേണ്ടവരാണ് നിശ്ചയമായും നഴ്‌സുമാർ. പക്ഷെ അർഹിക്കുന്ന അംഗീകാരം അവർക്കു ലഭിക്കുന്നുണ്ടോ എന്ന് സംശയമാണ്. ഒരു നഴ്‌സിന്റെ ഭർത്താവ് എന്നനിലയിൽ ഞാൻ എന്റെ ഭാര്യയുടെ തൊഴിലിനെ ബഹുമാനിക്കുന്നു.അവൾ മൂലം എനിക്കുണ്ടായ സാമ്പത്തികമായ നേട്ടത്തെയും എന്റെയും കുട്ടികളുടെയും ആരോഗ്യസംരക്ഷണത്തിലുള്ള അറിവിനും ശ്രദ്ധക്കും വൃത്തിബോധത്തിനും ഞാൻ നേരിട്ട് ഗുണഭോക്താവാണ്.ഇതെഴുതാൻ എന്നെ പ്രേരിപ്പിച്ചത് തന്നെ അവരനുഭവിക്കുന്ന പ്രശ്‌നങ്ങൾ നേരിട്ട് അവരുടെ ജീവിതത്തിൽ നിന്ന് മനസ്സിലായതുകൊണ്ടാണ്.രോഗിയായി ജീവിതത്തിലെ അഹങ്കാരമെല്ലാംവെടിഞ്ഞു നാളെ ഞാനും ശയ്യാവലംബിയാകുന്നത് വിദൂരമല്ല എന്ന ഓർമയിൽ, നിറഞ്ഞ പുഞ്ചിരിയോടെ നമ്മെ പരിചരിക്കുന്ന നന്മനിറഞ്ഞ, സ്വയം എരിഞ്ഞു ലോകത്തിനു പ്രകാശമാകുന്ന, വെളുത്ത മെഴുകുതിരികളായ എല്ലാ നഴ്‌സുമാർക്കും ഹൃദയം നിറഞ്ഞ അഭിവാദനങ്ങൾ അർപ്പിക്കുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
സന്നിധാനത്ത് എത്തി അയ്യപ്പന് മുമ്പിൽ തൊഴു കൈയോടെ പൊട്ടിക്കരഞ്ഞ് ഐജി ശ്രീജിത്ത്; കണ്ണുകൾ നിറഞ്ഞ് അയ്യപ്പന് മുന്നിൽ മുതിർന്ന പൊലീസ് ഉദ്യോഗസ്ഥൻ പ്രാർത്ഥിക്കുന്ന ചിത്രങ്ങൾ ചർച്ചയാക്കി വിശ്വാസികൾ; ഐപിഎസുകാരന്റെ മുഖത്ത് നിറയുന്നത് ചെയ്ത തെറ്റിന്റെ പശ്ചാത്തപമെന്ന് വിലയിരുത്തി ഭക്തർ; രഹ്നാ ഫാത്തിമയെ നടപ്പന്തൽ വരെ എത്തിച്ചതിൽ വിശ്വാസിയായ ശ്രീജിത്ത് ധർമ്മ ശാസ്താവിന് മുമ്പിൽ മാപ്പിരുന്നതോ? സോപാനത്തെ ശ്രീജിത്തിന്റെ പ്രാർത്ഥനാ ഫോട്ടോ വൈറലാകുമ്പോൾ
ഏഷ്യാനെറ്റും മാതൃഭൂമിയും മനോരമയും അടക്കമുള്ളവർ സന്നിധാനത്ത് നിന്ന് മലയിറങ്ങി; മുഖ്യധാരാ ചാനലുകളുടേയും പത്രങ്ങളുടേയും പ്രതിനിധികൾ റിപ്പോർട്ടിങ് മതിയാക്കിയത് പൊലീസിന്റെ രഹസ്യ നിർദ്ദേശത്തെ തുടർന്നെന്ന് റിപ്പോർട്ട്; അയ്യപ്പ സന്നിധിയിലും നിലയ്ക്കൽ മോഡൽ പൊലീസ് ഓപ്പറേഷന് സാധ്യത; സ്ത്രീ പ്രവേശന വിവാദം റിപ്പോർട്ട് ചെയ്യാൻ സന്നിധാനത്തുള്ളത് മറുനാടനും ചില മാധ്യമങ്ങളും മാത്രം; തുലമാസ നട ഇന്ന് രാത്രി അടയ്ക്കാനിരിക്കെ ശബരിമലയിൽ ആകെ അനിശ്ചിതത്വം
പമ്പയിൽ നിന്നും മുഖ്യധാരാ മാധ്യമങ്ങൾ പിന്മാറി; ഇന്റർനെറ്റ് സേവനങ്ങൾ പമ്പയിലും സന്നിധാനാത്തും വിച്ഛേദിക്കുമെന്ന് സൂചന; ഐജി ശ്രീജിത്തും സന്നിധാനത്ത് എത്തി; സ്ത്രീകളെത്തിയാൽ ഇന്ന് പതിനെട്ടാംപടി ചവിട്ടിക്കുമെന്ന നിലപാടിൽ പൊലീസ്; ഏത് പ്രതിസന്ധിയേയും നേരിടാൻ കരുത്തുണ്ടെന്ന് പ്രഖ്യാപിച്ച് പരിവാർ നേതാക്കളും; തുലാമാസ പൂജയുടെ അവസാന ദിവസം ശബരിമലിയിൽ എന്തും സംഭവിക്കാം
ശബരിമല വിഷയത്തിൽ സർക്കാരുമായി തുറന്ന പോരിന് രാജകുടുംബം; ദേവസ്വം ബോർഡിൽനിന്ന് ക്ഷേത്രം തിരിച്ചുപിടിക്കുമെന്ന് വ്യക്തമാക്കി പന്തളം രാജകൊട്ടാരം; ഇതിനുള്ള നടപടി തുടങ്ങിയെന്ന് ശശികുമാര വർമ്മ; ട്രസ്റ്റ് രൂപീകരിച്ച് ശബരിമല ഭരണം പിടിച്ചെടുക്കുമെന്നും പ്രഖ്യാപനം; പൂർണ പിന്തുണയെന്ന് അയ്യപ്പസേവ സംഘവും
ഇന്ന് ആദ്യമെത്തിയത് ബിന്ദു; ദർശനത്തിന് സംരക്ഷണം തേടി കറുകച്ചാൽ സ്വദേശി എത്തിയത് രണ്ട് യുവാക്കൾക്കൊപ്പം എരുമേലി പൊലീസിന് മുമ്പിൽ; ആക്ടിവിസ്റ്റിന് സുരക്ഷ നൽകാനാവില്ലെന്ന് അറിയിച്ച് പൊലീസ്; ദളിത് നേതാവിനെ മുണ്ടക്കയം സ്റ്റേഷനിലേക്ക് മാറ്റി; ശബരിമലയിലേക്ക് തിരിക്കാനൊരുങ്ങിയ മഞ്ജുവിനെതിരെ വീട്ടിന് മുമ്പിലും പ്രതിഷേധം; എരുമേലിയിൽ ഭക്തരുടെ ശയനപ്രദക്ഷിണ പ്രതിഷേധം; കരുതലോടെ നിരീക്ഷണവുമായി ഭക്തർ; എല്ലാ കണ്ണുകളും സന്നിധാനത്തേക്ക്
''നമുക്കാവശ്യമുള്ളപ്പോൾ അയ്യപ്പൻ നൈഷ്ഠിക ബ്രഹ്മചാരി, അല്ലാത്തപ്പോൾ രണ്ടു ഭാര്യമാരും കുട്ടിയുമുള്ള ശാസ്താവാകും; ഏഴു വർഷം ശബരിമലയിൽ സ്ത്രീകൾ കയറിയിട്ടും ആർക്കും ഒരു പരാതിയും പ്രതിഷേധവും ഇല്ലായിരുന്നു''ഈ ഇരട്ടത്താപ്പാണ് സുപ്രീം കോടതിയെക്കൊണ്ട് വിധി പുറപ്പെടുവിച്ചതെന്ന് ബിജെപിയുടെ ബൗദ്ധീക സെൽ തലവൻ ടി ജി മോഹൻദാസ്; ആഴ്ചകൾ മുൻപുള്ള റിപ്പോർട്ടർ ചാനൽ ചർച്ച വൈറലാക്കി സൈബർ സഖാക്കൾ
ഉറങ്ങിക്കിടന്ന ഭർത്താവിനെ അമ്മിക്കല്ലിന് തലയ്ക്കടിച്ച് കൊലപ്പെടുത്തിയ ശേഷം ജനനേന്ദ്രീയം മുറിച്ചെടുത്തു! 24കാരിയുടെ ക്രൂരത മനുഷ്യമനസാക്ഷിയെ ഞെട്ടിക്കുന്നത്; അഞ്ചു വർഷം മുൻപ് വിവാഹിതരായ ഇവർ സ്ഥിരമായി വഴക്കിടാറുണ്ടായിരുന്നെന്ന് ബന്ധുക്കൾ; ഭർത്താവിനോടുള്ള ദേഷ്യം തീരാതെ മൃതദ്ദേഹത്തിൽ മുറിവുകളുണ്ടാക്കി യുവതി
തണ്ണിമത്തൻ കൊണ്ട് മാറ് മറയ്ക്കുകയും പിന്നീട് മാറ് പൂർണമായും തുറന്നുകാണിക്കുകയും ചെയ്തതിലൂടെ സ്ത്രീ സ്വാതന്ത്ര്യം ചർച്ചയാക്കിയ സാമൂഹിക പ്രവർത്തക; ചുംബന സമരത്തിന് ശേഷം തൃശൂരിലെ പുലികളിയിൽ ആദ്യ പെൺപുലിയായും ചരിത്രമുണ്ടാക്കി; നഗ്ന ശരീരത്തിലെ പുലി വരയിലൂടെ ചർച്ചയിലെത്തിയ വനിതാ കരുത്ത്; മലചവിട്ടുന്ന രഹ്നാ ഫാത്തിമ ചർച്ചയായത് ഇങ്ങനെയൊക്കെ
ഊണ് കഴിക്കുന്നതിനിടെ എന്റെ മാറിടത്തിലേക്ക് തന്നെ കള്ളക്കണ്ണിട്ട് നോക്കും; മീൻ കറി കഴിക്കുമ്പോൾ മീനിനെയും പെണ്ണുങ്ങളുടെ ശരീരത്തെയും താരതമ്യം ചെയ്യും; ഏറ്റവുമൊടുവിൽ വാതിൽ തുറന്നുതള്ളിക്കയറി വന്ന് എന്റെ കൂടെ കട്ടിലിൽ കയറിക്കിടന്നു; ഡയറക്ടറോട് പരാതിപ്പെട്ടപ്പോഴും വഷളത്തരം തുടർന്നു; അലൻസിയർക്കെതിരെ മീ ടൂ ആരോപണവുമായി നടി; വെളിപ്പെടുത്തൽ ഇന്ത്യ പ്രൊട്ടസ്റ്റ്‌സ് വെബ്‌സൈറ്റിൽ
ബിനീഷ് കോടിയേരി ചങ്ക് സഹോദരൻ! ഗണപതി കോവിൽ വരെ സ്വന്തം റിസ്‌കിലെത്തിയാൽ എല്ലാം ശരിയാക്കമെന്ന് ഉറപ്പ് നൽകിയത് കളക്ടർ നൂഹുവും ഐജി മനോജ് എബ്രഹാമും; പൊലീസ് പറഞ്ഞിടം വരെ പെൺകുട്ടിയെന്ന് ആരും തിരിച്ചറിയാതെ എത്തി; ഐജി ശ്രീജിത്തും നല്ല രീതിയിൽ പിന്തുണ നൽകി; നടപ്പന്തൽ വരെ എത്തിയത് എങ്ങനെ എന്ന് രഹ്നാ ഫാത്തിമ വിശദീകരിക്കുന്ന ഓഡിയോ പുറത്ത്; പൊലീസിനേയും സിപിഎമ്മിനേയും പ്രതിക്കൂട്ടിലാക്കി ആഞ്ഞടിക്കാൻ പരിവാറുകാർ; ശബരിമല വിവാദം പുതിയ തലത്തിലേക്ക്
സിദ്ദിഖിന്റേത് അച്ചടക്കലംഘനം; ലളിതച്ചേച്ചിയെ ആരും ചുമതലപ്പെടുത്തിയിട്ടില്ല; സംഘടനയിലെ ഗുണ്ടായിസം അനുവദിക്കാൻ പറ്റില്ലെന്നും എല്ലാവരുടെയും ചരിത്രം അറിയാമെന്നും ജഗദീഷ്; സിദ്ദിഖ് പറഞ്ഞത് സംഘടനാ നിലപാടല്ലെന്ന് ബാബുരാജും; എഎംഎംഎ ഭാരവാഹികൾ വാട്‌സ് ആപ്പ് ഗ്രൂപ്പിൽ ഇട്ട ശബ്ദസന്ദേശം പുറത്ത്; പത്രസമ്മേളനം വിളിച്ചത് ദിലീപ് സിനിമയുടെ സെറ്റിൽ വെച്ച്; താരസംഘടനയിൽ വൻ പൊട്ടിത്തെറി; നടക്കുന്നത് മോഹൻലാൽ അനുകൂലികളും ദിലീപ് അനുയായികളും തമ്മിലുള്ള വടംവലി
ദൂബായിലെ പിണറായിയുടെ കുറ്റം പറച്ചിൽ മോദിക്ക് കൊണ്ടു; ശബരിമലയിൽ നേട്ടമുണ്ടാക്കാനുള്ള നീക്കത്തിന് പച്ചക്കൊടി കാട്ടി പ്രധാനമന്ത്രി; നിയമസഭ പ്രമേയം പാസാക്കിയാൽ കേന്ദ്ര ഇടപെടുമെന്ന പിള്ളയുടെ പ്രസ്താവന അമിത് ഷായുടെ നിർദ്ദേശ പ്രകാരം; ശബരിമല യുവതീ പ്രവേശനത്തിൽ പരിവാർ പ്രസ്ഥാനങ്ങൾ പ്രതിഷേധം കടുപ്പിക്കും; മണ്ഡലകാലത്ത് ഭക്തർക്ക് പിന്തുണ അറിയിക്കാൻ അമിത് ഷാ കേരളത്തിലെത്തും; ശബരിമലയിൽ രാഷ്ട്രീയ യുദ്ധം തുടരും
ദുരനുഭവങ്ങൾ ഒളിയും മറയുമില്ലാതെ പേരുകൾ സഹിതം വെളിപ്പെടുത്തി യോഗത്തിനെത്തിയ നടിമാർ; മുതിർന്ന നടന്മാർ വരെ പ്രതിക്കൂട്ടിൽ; എല്ലാം വീഡിയോയിൽ പതിഞ്ഞതിനാൽ എന്ത് ചെയ്യണമെന്ന് അറിയാതെ അമ്മ; മലയാള സിനിമയെ വെട്ടിലാക്കാൻ കൂടുതൽ മീടു ആരോപണങ്ങൾ; താരസംഘടനയുടെ വനിതാ സെൽ യോഗം സംഘടനയ്ക്കുണ്ടാക്കുന്നത് വലിയ തലവേദന; ഇടവേള ബാബുവിന്റെ ബുദ്ധി തിരിഞ്ഞു കുത്തുമ്പോൾ
ഓപ്പറേഷൻ രഹ്നാ ഫാത്തിമ ഓപ്പറേറ്റ് ചെയ്തത് എംവി ജയരാജൻ നേരിട്ടെന്ന് റിപ്പോർട്ടുകൾ; ഏതെങ്കിലും ഒരു വനിതയെ സന്നിധാനത്ത് എത്തിക്കാൻ മുഖ്യമന്ത്രിയുടെ പ്രൈവറ്റ് സെക്രട്ടറിയുടെ നിർദ്ദേശം ശിരസ്സാ വഹിച്ച ഐജി ശ്രീജിത്ത് പിടിച്ചത് പുലിവാൽ; സന്നിധാനം വരെ ചുംബന സമര നായികയ്ക്ക് എസ്‌കോർട്ട് പോയ ഐജി നടപ്പന്തലിൽ എത്തിയപ്പോൾ ഭയന്ന് പോയെന്ന് സാക്ഷികൾ; ഭക്തരുടെ മുമ്പിൽ പരാജയപ്പെട്ടതോടെ മന്ത്രിയെ വിളിച്ച് പറ്റില്ലെന്ന് പറഞ്ഞതോടെ സന്നിധാനത്തെ യുവതീ പ്രവേശനം അസാധ്യമായി
കറുപ്പുടുത്ത് കെട്ടുംകെട്ടി ശബരിമലയിലേക്ക് പോകാനെത്തിയത് യുക്തിവാദി! കേരള യുക്തിവാദി സംഘം പുറത്താക്കിയ നേതാവിന് സ്വന്തമായി ആശയ പ്രചരണത്തിന് ഓൺലൈൻ പത്രവും; കോളേജ് അദ്ധ്യാപകന്റെ ഭാര്യയ്‌ക്കൊപ്പം കെട്ടുമുറുക്കിയത് അഭിഭാഷക കുടുംബം; യാത്രതിരിച്ചത് തന്റെ പ്രതിഷേധം കോടതിവിധി നടപ്പാക്കാതിരിക്കുന്നതിനും ലിംഗ സ്വാതന്ത്ര്യം തടയുന്നതിലെന്നും ഫെയ്‌സ് ബുക്കിൽ കുറിച്ച്; എന്തുവന്നാലും മലചവിട്ടുമെന്ന് പറയുന്ന ചേർത്തലക്കാരി ലിബിയുടെ കഥ ഇങ്ങനെ
ശബരിമലയ്ക്ക് കെ എസ് ആർ ടി സി ബസിൽ പുറപ്പെട്ട ജേണലിസം വിദ്യാർത്ഥികളെ പ്രതിഷേധക്കാർ നിലയ്ക്കലിൽ വച്ച് തടഞ്ഞു; പെണ്ണുങ്ങളെ കേറ്റുകയില്ലെന്ന് ആക്രോശിച്ച് കൊണ്ട് നിരവധി സ്ത്രീകൾ ഇരച്ച് കയറി വിദ്യാർത്ഥികളെ ഇറക്കി വിട്ടു; ചെറുത്ത് നിന്ന പെൺകുട്ടികളുമായി വാക്കേറ്റം; പമ്പക്ക് പുറപ്പെട്ട മുഴുവൻ കെ എസ് ആർ ടി സി ബസുകളും തടഞ്ഞ് പരിശോധിക്കുന്നു; പ്രതിഷേധത്തിനിടെ ആത്മഹത്യാ ശ്രമവും; നിലയ്ക്കലിലേക്ക് ആളുകളുടെ ഒഴുക്ക്; ശബരിമല യുവതി പ്രവേശന വിഷയത്തിൽ നിലയ്ക്കൽ സംഘർഷ ഭരിതമാകുന്നു
ശ്രമിച്ചത് അതീവ രഹസ്യമായി കിസ് ഓഫ് ലൗ സമരനായികയെ പതിനെട്ടാംപടി ചവിട്ടിക്കാൻ; എല്ലാം മറച്ചുവച്ച് ഏഷ്യാനെറ്റും മറ്റ് ചാനലുകളും; തെലുങ്ക് മാധ്യമ പ്രവർത്തകയെ മറയാക്കി ആക്ടിവിസ്റ്റിനെ സന്നിധാനത്ത് എത്തിക്കാനുള്ള നീക്കം പൊളിച്ചത് മറുനാടന്റെ വാർത്ത; തീക്കൊള്ളി കൊണ്ട് തലചൊറിയുന്നുവെന്ന് സർക്കാരിന് മനസ്സിലായത് ഭക്തരുടെ ചെറുത്ത് നിൽപ്പിന്റെ ശക്തി മനസ്സിലായതോടെ; നിസ്സഹായാവസ്ഥ അറിയിച്ച് ഐജി ശ്രീജിത്തും; രഹ്നാ ഫാത്തിമയേയും കവിതയേയും തിരിച്ചയക്കുന്നത് ഭക്തരുടെ ശരണം വിളി പ്രതിഷേധം
എല്ലാ വഴികളും അടഞ്ഞാൽ ശബരിമല നട അനിശ്ചിത കാലത്തേക്ക് അടയ്ക്കാൻ ആലോചിച്ച് തന്ത്രി കുടുംബവും പന്തളം കൊട്ടാരവും; ആചാരങ്ങളുടെ കാര്യത്തിൽ പരമാധികാരി തന്ത്രി കുടുംബം ആയതിനാൽ സുപ്രീംകോടതിക്ക് പോലും ഒന്നും ചെയ്യാനാവില്ല; ഒരുതവണ യുവതീ പ്രവേശനം ഉണ്ടായാൽ ഉടൻ പുണ്യാഹത്തിന്റെ പേരിൽ നട അടക്കും; ഇക്കുറി മാലയിട്ട എല്ലാവർക്കും അയ്യപ്പ ദർശനം ലഭിച്ചേക്കില്ല
ഉറക്കമില്ലാതെ ബാലു കരഞ്ഞുകൊണ്ടിരുന്ന ആ ചതിയിലെ വില്ലന് ഈ അപകടവുമായി എന്തെങ്കിലും ബന്ധമുണ്ടോ? വടക്കുംനാഥനെ കണ്ട ശേഷം താമസിക്കാനായി തൃശൂരിൽ മുറി ബുക്ക് ചെയ്തിട്ടും ഉറക്കമിളച്ച് തിരുവനന്തപുരത്തേക്ക് മടങ്ങാൻ പ്രേരണ നൽകിയത് എന്ത്? വിദേശത്തെ സ്റ്റേജ് ഷോകൾ വഴിയും സംഗീത പരിപാടികൾ വഴിയും സമ്പാദിച്ച സ്വത്തുക്കൾ ഒക്കെ ആരുടെ പേരിൽ? ബാലഭാസ്‌കറിന്റെ മരണത്തിൽ ചില സംശയങ്ങൾ ഒക്കെയുണ്ടെന്ന് ബന്ധുക്കൾ അടുപ്പക്കാരോട് പറഞ്ഞതായി റിപ്പോർട്ട്
തണ്ണിമത്തൻ കൊണ്ട് മാറ് മറയ്ക്കുകയും പിന്നീട് മാറ് പൂർണമായും തുറന്നുകാണിക്കുകയും ചെയ്തതിലൂടെ സ്ത്രീ സ്വാതന്ത്ര്യം ചർച്ചയാക്കിയ സാമൂഹിക പ്രവർത്തക; ചുംബന സമരത്തിന് ശേഷം തൃശൂരിലെ പുലികളിയിൽ ആദ്യ പെൺപുലിയായും ചരിത്രമുണ്ടാക്കി; നഗ്ന ശരീരത്തിലെ പുലി വരയിലൂടെ ചർച്ചയിലെത്തിയ വനിതാ കരുത്ത്; മലചവിട്ടുന്ന രഹ്നാ ഫാത്തിമ ചർച്ചയായത് ഇങ്ങനെയൊക്കെ
ഊണ് കഴിക്കുന്നതിനിടെ എന്റെ മാറിടത്തിലേക്ക് തന്നെ കള്ളക്കണ്ണിട്ട് നോക്കും; മീൻ കറി കഴിക്കുമ്പോൾ മീനിനെയും പെണ്ണുങ്ങളുടെ ശരീരത്തെയും താരതമ്യം ചെയ്യും; ഏറ്റവുമൊടുവിൽ വാതിൽ തുറന്നുതള്ളിക്കയറി വന്ന് എന്റെ കൂടെ കട്ടിലിൽ കയറിക്കിടന്നു; ഡയറക്ടറോട് പരാതിപ്പെട്ടപ്പോഴും വഷളത്തരം തുടർന്നു; അലൻസിയർക്കെതിരെ മീ ടൂ ആരോപണവുമായി നടി; വെളിപ്പെടുത്തൽ ഇന്ത്യ പ്രൊട്ടസ്റ്റ്‌സ് വെബ്‌സൈറ്റിൽ
ശരണം വിളിയിൽ പ്രകമ്പനം കൊണ്ട് പന്തളം; വട്ടമിട്ടു പറന്ന് കൃഷ്ണപ്പരുന്ത്; അയ്യപ്പനാമം ജപിച്ച് മുസ്ലിങ്ങളും ക്രിസ്ത്യാനികളും: പിന്തുണയേകി പിസിജോർജും ദേവനും തിരുവാഭരണ വാഹകരും പേട്ട സംഘങ്ങളും; മൂവായിരം പേരെ പ്രതീക്ഷിച്ചിടത്ത് വന്നത് അരലക്ഷത്തിലധികം പേർ; അയ്യപ്പന്റെ ജന്മനാട്ടിലെ ഭക്തജന പ്രതിഷേധം കണ്ട് അമ്പരന്ന് രാഷ്ട്രീയക്കാർ; വിശ്വാസികളുടെ താക്കീതെന്ന് ഉദ്‌ഘോഷിച്ച് നാമജപഘോഷയാത്ര
വേദിയെ ഇളക്കി മറിച്ച ആ കൂട്ടുകെട്ട് ഇനി ഇല്ല; അനുജനെ പോലെ ഉലകം ചുറ്റാൻ എപ്പോഴും കൂടെയുണ്ടായിരുന്ന പ്രിയപ്പെട്ട ബാലയ്ക്ക് വിടനൽകാൻ ശിവമണി എത്തി; വർഷങ്ങൾ നീണ്ട കൂട്ടുകെട്ട് തകർത്ത് ബാല പോയപ്പോൾ അന്ത്യ ചുംബനം നൽകാൻ ശിവമണി എത്തിയത് നെഞ്ചുതകരുന്ന വേദനയോടെ: സ്റ്റീഫൻ ദേവസിയുടെ തോളിൽ ചാരി നിന്ന് വയലിനില്ലാത്ത ബാലയെ കണ്ട് കണ്ണ് തുടച്ച് ശിവമണി
ബിനീഷ് കോടിയേരി ചങ്ക് സഹോദരൻ! ഗണപതി കോവിൽ വരെ സ്വന്തം റിസ്‌കിലെത്തിയാൽ എല്ലാം ശരിയാക്കമെന്ന് ഉറപ്പ് നൽകിയത് കളക്ടർ നൂഹുവും ഐജി മനോജ് എബ്രഹാമും; പൊലീസ് പറഞ്ഞിടം വരെ പെൺകുട്ടിയെന്ന് ആരും തിരിച്ചറിയാതെ എത്തി; ഐജി ശ്രീജിത്തും നല്ല രീതിയിൽ പിന്തുണ നൽകി; നടപ്പന്തൽ വരെ എത്തിയത് എങ്ങനെ എന്ന് രഹ്നാ ഫാത്തിമ വിശദീകരിക്കുന്ന ഓഡിയോ പുറത്ത്; പൊലീസിനേയും സിപിഎമ്മിനേയും പ്രതിക്കൂട്ടിലാക്കി ആഞ്ഞടിക്കാൻ പരിവാറുകാർ; ശബരിമല വിവാദം പുതിയ തലത്തിലേക്ക്
ഫ്രാങ്കോ മുളയ്ക്കലിന്റെ കൈവെള്ളയിൽ മൂന്ന് കറുത്തപാടുകൾ ഉണ്ട്; വിരലുകൾ കൈവെള്ളയിലേക്ക് ചേരുന്ന ഭാഗത്തായുള്ള ഈ പാടുകളാണ് സ്ത്രീപീഡന കേസിൽ ബിഷപ്പിനെ അഴിക്കുള്ളിലാക്കിയത്..! പ്രമുഖ ജ്യോതിഷ പണ്ഡിതന്റെ വിധി അച്ചട്ടായെന്ന് പി സി ജോർജ്ജ്; എന്നെ വളർത്തി വലുതാക്കി ബിഷപ്പാക്കിയ ദൈവം ജയിലിലുമാക്കി, ഇനിയെന്തെന്ന് ദൈവം തീരുമാനിക്കട്ടെയെന്ന് ബിഷപ്പും; ജയിലിൽ എത്തി മെത്രാന്റെ കൈ മുത്തിയ ശേഷം ബലാത്സംഗ കേസ് പ്രതിയെ യേശുവിനോട് ഉപമിച്ചും പിസി ജോർജ്ജ്
കേരളത്തിലേതടക്കം 4230 ബാങ്കിങ് ഇതര ധനകാര്യ സ്ഥാപനങ്ങളുടെ ലൈസൻസ് റദ്ദാക്കി ആർബിഐ; കച്ചവടം പൂട്ടുന്നവരിൽ കൊശമറ്റവും കുറ്റൂക്കാരനും പോപ്പുലറും അടക്കം 58 കേരള സ്ഥാപനങ്ങളും; പാവപ്പെട്ടവന്റെ പിച്ചച്ചട്ടിയിൽ കൈയിട്ടുവാരിയ കോടീശ്വരന്മാരായ വെള്ളക്കോളർ ബ്ലേഡ് കമ്പനി മുതലാളിമാർക്ക് നിനച്ചിരിക്കാതെ പണി കിട്ടിയതിങ്ങനെ; പ്രതിസന്ധിയിലാകുന്നത് മുണ്ടുമുറുക്കിയുടുത്ത് പണം നിക്ഷേപിച്ച അരപ്പട്ടിണിക്കാർ