1 usd = 64.89 inr 1 gbp = 90.66 inr 1 eur = 79.79 inr 1 aed = 17.67 inr 1 sar = 17.30 inr 1 kwd = 216.65 inr

Feb / 2018
25
Sunday

ഫ്രഞ്ച് പാർലമെന്റിലെ സീറ്റിങ് അറേഞ്ച്‌മെന്റായിരുന്നു ഇടതും വലതും എന്നത് എത്രപേർക്കറിയാം? ഇടതെന്നാൽ കമ്മ്യൂണിസ്റ്റുകൾ എന്നു വിചാരിക്കുന്നവർ വായിച്ചറിയുക; സി.പി.എം ഇല്ലാതെ ഇടതു ബദൽ വളർത്താൻ സിപിഐ മുൻകൈ എടുക്കേണ്ടത് എന്തുകൊണ്ട്

August 09, 2017 | 04:51 PM | Permalink



സജീവൻ അന്തിക്കാട്

ടത് എന്നാൽ കമ്മ്യൂണിസമാണെന്ന തെറ്റിദ്ധാരണ കേരളത്തിൽ ഇന്നും വ്യാപകമാണ്. മലയാളികൾ ഇടതെന്നു കരുതുന്ന പാർട്ടികൾക്കെല്ലാം പേരിനൊപ്പം ഒരു കമ്മൂണിസ്റ്റ് ടാഗ് ഉള്ളതിനാലായിരിക്കാം ഇങ്ങിനെ തെറ്റിദ്ധരിക്കാനിടയായത്. സത്യത്തിൽ ഇടതെന്നാൽ കമ്മ്യൂണിസമല്ല. കമ്മൂണിസ്റ്റ് സ്വപ്നങ്ങളിൽ ചിലതെല്ലാം 'ഇടത് ' രാഷ്ട്രീയ സമീപനങ്ങളുമായി ഒത്തു പോകുന്നു എന്ന് മാത്രമെയുള്ളൂ.

ഫ്രഞ്ച് വിപ്ലവകാലഘട്ടത്തിൽ (1789-99 ) എസ്റ്റേറ്റ് ജനറൽ എന്ന അസംബ്ലിയിലെ ഒരു സീറ്റിങ്ങ് അറേഞ്ച്‌മെന്റായിരുന്നു ഇടതു വലതുകൾ. ഇടതു വശത്ത് ഇരുന്നിരുന്ന വിഭാഗം ഇടത് . വലതു വശത്തിരുന്നവർ വലത് . ഒരു പക്ഷെ ഇടതു വശത്തിരുന്നവർ പ്രകടിപ്പിച്ചിരുന്ന ആശയങ്ങൾ വലതുപക്ഷത്തിരുന്നവർക്കും ലോകത്തിനും അതുവരെ തീരെ പരിചിതമല്ലാത്ത തരത്തിലുള്ളതായിരിക്കാം. അവർ രാജാധികാരത്തിന്റെ പ്രിവിലേജുകളെ തള്ളി പറഞ്ഞിരിക്കാം. കുടിലിലോ കൊട്ടാരത്തിലോ പിറന്നോട്ടെ , മനുഷ്യർ തുല്യരാണെന്നും സഹോദരരാണെന്നും സ്വാതന്ത്യം ജീവവായുവാണെന്നും വിളിച്ച് പറഞ്ഞിരിക്കാം. ഇവ്വിധം പാരമ്പര്യ ചിന്തക്ക് അതു വരെ പരിചിതമല്ലാത്ത പുരോഗമനാശയങ്ങൾ പുലർത്തിപ്പോന്ന എല്ലാ വിഭാഗങ്ങളെയും പൊതുവെ ഇടതെന്ന് വിളിച്ചു പോന്നു(The Left : the party of movement, The right: party of order). ഇപ്രകാരം രാഷ്ട്രീയ വർണ്ണരാജിയിൽ 'ഇടതു'' ''വലതു' കളുണ്ടായി വർഷങ്ങളേറെ കഴിഞ്ഞാണ് 1848 ൽ മാർക്‌സും എംഗൽസും ചേർന്ന് കമ്മൂണിസ്റ്റ് മാനിഫെസ്റ്റോ ചേർന്നവതരിപ്പിക്കുന്നതും ലോകമെമ്പാടും പ്രചരിപ്പിക്കുന്നതും.

ഇന്ത്യയിൽ ഇടത് ആശയഗതികളുള്ളവരുടെ താവളം ഇന്ത്യൻ നാഷണൽ കോൺഗ്രസ്സായിരുന്നു. കോൺഗ്രസ്സിനുള്ളിൽ കോൺഗ്രസ്സ് സോഷ്യലിസ്റ്റ് പാർട്ടി ( സി.എസ്‌പി) എന്ന കോക്കസ്സുണ്ടാക്കി അവർ പ്രവർത്തിച്ചു പോന്നു. നെഹ്‌റു അടക്കമുള്ളവരുടെ പിന്തുണയാൽ കോൺഗ്രസ്സിന് ഒരു ഇടതുമുഖം കൊടുക്കാൻ സി.എസ്‌പി ക്കായി. ഇന്ത്യൻ നാഷണൽ കോൺഗ്രസ്സിൽ നെഹ്‌റുവിനും ഇടത് ആശയങ്ങൾക്കുമുണ്ടായിരുന്ന മുൻകൈയാണ് ഇന്ത്യൻ ഭരണഘടനയിൽ പ്രതിഫലിച്ചത്. ഇന്ത്യയുടെ ആദ്യ നിയമമന്ത്രിയായി ബി.ആർ.അംബേദ്കറെ നിയമിക്കുന്നതും ഭരണഘടനയുടെ ഡ്രാഫ്റ്റ് തയ്യാറാക്കുന്നതിന്റെ ചുമതല അദ്ദേഹം ചെയർമാനായ കമ്മിറ്റിയെ ഏൽപ്പിക്കുന്നതിലുമൊക്കെ ഈ നെഹ്‌റൂവിയൻ ഇടതിന്റെ സ്വാധീനം വ്യക്തമായി കാണാം.

സമൂഹ ശരീരത്തെ കാർന്നു തിന്നുകൊണ്ടിരിക്കുന്ന അസമത്വങ്ങളും വിവേചനങ്ങളും മാറ്റി തീർക്കാനല്ലെങ്കിൽ പിന്നെന്തിനാണ് സ്വാതന്ത്ര്യം' എന്ന അംബേദ്കറുടെ ചോദ്യം തന്നെയാണ് ഇന്ത്യൻ ഭരണഘടനയുടെ അന്തസത്ത. ഇന്ത്യൻ സിവിൽ സർവീസിൽ വരെ 22% പട്ടികജാതി പട്ടികവർഗ്ഗ സംവരണം കൊണ്ടുവരാനുള്ള അംബേദ്കറുടെ നിർദ്ദേശങ്ങൾ പോലും അക്കാലത്ത് തന്നെ ഭരണഘടന അസംബ്ലി അംഗീകരിച്ചുവെന്നത് ഇടത് ആശയങ്ങൾക്ക് കോൺഗ്രസ്സിലും ഭരണഘടനാ ഡ്രാഫ്റ്റിങ്ങ് സമിതിയിലുമുണ്ടായിരുന്ന മേൽക്കൈ വ്യക്തമാക്കുന്നു. സ്വാതന്ത്ര്യ ലബ്ധിക്ക് ശേഷം അംബേദ്ക്കർ അവതരിപ്പിച്ച സ്ത്രീകളുടെ തുല്യതയെന്ന മഹത്തായ 'ഇടത് ' ആശയം ഇന്ത്യയിലെ 85% വരുന്ന ഹിന്ദു സമുദായത്തിൽ നടപ്പാക്കാൻ നെഹ്‌റുവിനും കോൺഗ്രസ്സിനുമായതും മറ്റൊന്നും കൊണ്ടല്ല.

സ്വതന്ത്ര പൂർവ്വ ഇന്ത്യയിലും ഹിന്ദുത്വ തന്നെയായിരുന്നു പ്രധാന വലത് പക്ഷം. ഇന്ത്യൻ നാഷണൽ കോൺഗ്രസ്സിനെതിരെ മുസ്ലിം ലീഗും നിർണ്ണായക ഘട്ടങ്ങളിൽ അവരോടൊപ്പം നിന്നു. ഹിന്ദുത്വയെ പ്രതിനിധാനം ചെയ്തത് പ്രധാനമായും ഹിന്ദുമഹാസഭ തന്നെയായിരുന്നു. എന്നാൽ 1925ൽ കേശവ് ബലിറാം ഹെഡ്‌ഗേവാർ ഹിന്ദു മഹാസഭ ഉപേക്ഷിച്ച് RSS ഉണ്ടാക്കിയതോടെ ഒരു രാഷ്ടീയ പ്രസ്ഥാനമെന്ന രീതിയിലുള്ള അവരുടെ പ്രവർത്തനക്ഷമതക്ക് മങ്ങലേറ്റു. ഗാന്ധിവധത്തിൽ പ്രതിസ്ഥാനത്തു വന്നതോടെ അവരുടെ ജനപിന്തുണ നാമമാത്രമായി തീർന്നു. സംഘടനയെ തരിപ്പണമാക്കിയ ഗാന്ധി ഘാതക പ്രതിഛായയിൽ നിന്നും രക്ഷപ്പെടാനായി 1951 ൽ ശ്യാമ പ്രസാദ് മുഖർജി ഭാരതീയ ജനസംഘത്തിന് രൂപം കൊടുത്തതോടെ ഇന്ത്യയുടെ മതാധിഷ്ടിത വലതുപക്ഷം പിച്ച വെക്കാൻ തുടങ്ങി. ഇന്ത്യയിൽ നടന്ന ആദ്യ പൊതുതിരഞ്ഞെടുപ്പിൽ മാതൃസംഘടനയായ ഹിന്ദുമഹാസഭയേക്കാളും മറ്റൊരു വലതു മത കക്ഷിയായ അഖില ഭാരതീയ രാമരാജ്യ പരിഷത്തിനേക്കാളും വോട്ടു ഷെയർ നേടി കൊണ്ട് മൂന്ന് ലോക സഭാ സീറ്റുകളുമായി ഭാരതീയ ജനസംഘമെന്ന പ്രസ്ഥാനം ഇന്ത്യയിൽ മതാധിഷ്ഠിത വലത് ആധിപത്യത്തിന് തുടക്കമിട്ടു. 1957 ലെ തെരഞ്ഞെടുപ്പിൽ 5.97 % വോട്ട് ഷെയറും 4 സീറ്റുകളുമായി അവർ തങ്ങളുടെ നില ചെറുതായൊന്ന് മെച്ചപ്പെടുത്തി.

ഇന്ത്യയിൽ മതാധിഷ്ഠിതമല്ലാത്ത ഒരു 'വലത് '' സംഭവിക്കുന്നത് 1959 ലാണ്. ഇന്ത്യൻ നാഷണൽ കോൺഗ്രസ്സിന്റെ സോഷ്യലിസ്റ്റ് - സ്റ്റേറ്റിസ്റ്റ് താൽപ്പര്യങ്ങളോട് (ഇടതു നയങ്ങൾ ) വിയോജിച്ച് സി രാജഗോപാലാചാരി ഉണ്ടാക്കിയ സ്വതന്ത്ര പാർട്ടി. ഇന്ത്യയിൽ ആദ്യമായി കമ്പോളാധിഷ്ടിത സമ്പദ് വ്യവസ്ഥക്കു വേണ്ടി വാദിച്ച അവർ വ്യാവസായിക സംരംഭങ്ങളെ പ്രോത്സാഹിപ്പിക്കാനായി ലൈസൻസ് രാജ് പിൻവലിക്കാനും ആവശ്യപ്പെട്ടു. . ഇന്ത്യയുടെ വികസനത്തിനു തടസ്സം നെഹ്‌റുവിന്റെ ഇടതു നയങ്ങളാണെന്ന ആരോപണവുമായി 1962ലെ തെരഞ്ഞെടുപ്പിൽ മത്സരിച്ച അവർ മതാധിഷ്ഠിത വലതുപക്ഷത്തെ നേരിയ തോതിൽ പിന്നിലാക്കി 6. 8% വോട്ടും 18 സീറ്റും സമ്പാദിച്ചു. ജനസംഘത്തിന് 14 സീറ്റും 6.44% വോട്ടും മാത്രമെ കിട്ടിയുള്ളു.

ജവഹർലാൽ നെഹ്‌റുവിന്റെ ആകസ്മിക മരണം സംഭവിച്ച 1964 നു ശേഷം വലതുപക്ഷ ആശയങ്ങളുടെ ഒരു കുതിച്ചു കയറ്റം തന്നെ ഇന്ത്യയിലുണ്ടായി. തീവ്ര ഇടതു നയങ്ങളുമായി ഭരണകൂടം പിടിച്ചെടുക്കാനുള്ള വിപ്ലവ പദ്ധതി പാർട്ടിക്കകത്തു രഹസ്യമാക്കി വെച്ചും ബഹുകക്ഷി വോട്ട് രാഷ്ട്രീയം പരസ്യ പദ്ധതിയാക്കിയും മുന്നോട്ടു പോയിരുന്ന കമ്മ്യൂണിസ്റ്റ് പാർട്ടിയിൽ പിളർപ്പുണ്ടായതും 1964 ൽ തന്നെയാണ്. എങ്കിലും 1967 ലെ തെരഞ്ഞെടുപ്പിൽ ഇന്ദിരാഗാന്ധിയുടെ നേതൃത്വത്തിലുള്ള കോൺഗ്രസ് തന്നെ വിജയിച്ചു. നെഹ്‌റുവിയൻ കാലഘട്ടത്തിലെ പോലെ തിളക്കം ആ വിജയത്തിനുണ്ടായില്ല എന്ന് മാത്രം. എന്നാൽ ജനാധിപത്യ വിശ്വാസികൾക്ക് ശുഭപ്രതീക്ഷ നൽകുന്ന ഒരു സുപ്രധാന ഫലം 1967 ലെ തെരഞ്ഞെടുപ്പിലുണ്ടായി. മതാധിഷ്ഠിത വലതിനെ പിന്നിലാക്കി രാഷ്ട്രീയാധിഷ്ഠിത വലത് ഇന്ത്യയുടെ പ്രതിപക്ഷ നേതൃപദവിയിലേക്ക് വന്നു. സ്വതന്ത്ര പാർട്ടി 44 സീറ്റു നേടിയപ്പോൾ ഭാരതീയ ജനസംഘത്തിന് 35 സീറ്റു മാത്രമെ നേടാനായുള്ളു.

മാത്രമല്ല ബീഹാർ, രാജസ്ഥാൻ ,ഗുജറാത്ത്, ഒഡീഷ്സ എന്നീ സംസ്ഥാന നിയമസഭകളിൽ സ്വതന്ത പാർട്ടി പ്രധാന പ്രതിപക്ഷമായും മാറുകയുണ്ടായി. ഇന്ത്യൻ നാഷണൽ കോൺഗ്രസ്സ് ഇന്ദിരയുടെ നേതൃത്വത്തിൽ കോൺസ്സ് ഇൻഡിക്കേറ്റായും (ആർ) കാമരാജ് -മൊറാർജി ദേശായ് നേതൃത്വത്തിൻ കീഴിൽ സിൻഡിക്കേറ്റ് കോൺഗ്രസ്സായും (ഒ) 1969ൽ പിളർന്നപ്പോൾ ദേശീയ രാഷ്ടീയത്തിൽ ഇടതു -വലതു ധ്രുവീകരണം ഒന്നു കൂടെ പ്രത്യക്ഷീഭവിച്ചു.

തന്റെ ഇടതു നിലപാടുകൾ ഒന്നു കൂടി കർക്കശമാക്കിയാണ് ഇന്ദിരാഗാന്ധി ഈ വലതുപക്ഷ വെല്ലുവിളിയെ നേരിട്ടത് . അവർ ബാങ്കുകൾ ദേശസാൽക്കരിച്ചു. രാജകുടുംബങ്ങൾക്ക് സ്വാതന്ത്ര്യാനന്തരം നൽകികൊണ്ടിരുന്ന പ്രിവിപേഴ്‌സെന്ന കപ്പം നിർത്തൽ ചെയ്യാൻ ഭരണഘടനാ ഭേദഗതിക്ക് ശ്രമിച്ചു. പൊതുമേഖലയെ ശക്തിപ്പെടുത്തി പത്തിന പരിപാടിയുമായുള്ള ഇന്ദിരാഗാന്ധിയുടെ ജൈത്രയാത്ര വിലയിരുത്തി കൊണ്ട് അവരെ ലോകം ലെഫ്റ്റ് വിങ്ങ് രാഷ്ടീയക്കാരിയായി വാഴ്‌ത്തുന്ന കാലത്താണ് സിപിഐ ഇന്ത്യൻ നാഷണൽ കോൺഗ്രസ്സുമായി അടുക്കുന്നത്. കമ്മ്യൂണിസ്റ്റുകളുടെ ശക്തികേന്ദ്രമായ കേരളത്തിൽ ആജന്മ ശത്രുക്കളായ സിപിഎമ്മുമായി 1967ൽ സി.പി ഐ ഉണ്ടാക്കിയ കൂട്ടുകക്ഷി ഭരണത്തിനുണ്ടായ അതിദാരുണമായ പതനത്തിന്റെ സമയം കൂടിയായിരുന്നു അത് . കോൺഗ്രസ്സുമായി ചേർന്ന അവർ ഇന്ത്യയിലാദ്യമായി സിപിഐ നേതൃത്വം നൽകുന്ന ഒരു മന്ത്രിസഭക്ക് കേരളത്തിൽ രൂപം കൊടുത്തു. ഇന്ദിരാഗാന്ധിയെ ഇന്ത്യൻ നാഷണൽ കോൺഗ്രസ്സിൽ നിന്ന് വലതുപക്ഷം പുറത്താക്കുന്നതിനും പന്ത്രണ്ടു ദിവസം മുമ്പ് തന്നെ സി അച്ചുതമേനോൻ കോൺഗ്രസ്സ് പിന്തുണയാൽ കേരളത്തിലെ മുഖ്യ മന്ത്രിയായി കഴിഞ്ഞിരുന്നു.

കമ്മ്യൂണിസ്റ്റ് പാർട്ടികളിൽ നിന്നും സായുധവിപ്ലവവും ഭരണകൂട അട്ടിമറിയും വ്യവകലനം ചെയ്താൽ അതൊരു ഇടതു പാർട്ടി മാത്രമാകും. നിവൃത്തികേടുകൊണ്ട് ബഹുകക്ഷി ജനാധിപത്യമംഗീകരിക്കുന്ന സ്ഥിതിയിൽ നിന്ന് പുറത്തു കടന്നാൽ ആ കക്ഷി ഒരു ജനാധിപത്യ പാർട്ടിയായും മാറും. ജനാധിപത്യ പ്രക്രിയയിൽ വിശ്വസിക്കുകയും അധികാരമുള്ളവരെ മാത്രം പിന്തുണക്കുകയും തെരഞ്ഞെടുപ്പ് ഒരു മഹോത്സവവുമായി ആഘോഷിക്കുകയും ചെയ്യുന്ന ജനത ഏതു വിപ്ലവ പാർട്ടിയിലും ഇടർച്ച വരുത്താൻ തക്ക പ്രാപ്തിയുള്ള രാഷ്ടീയ ശക്തിയാണ്. ഇത് വേഗത്തിൽ തിരിച്ചറിഞ്ഞ പാർട്ടിയായിരുന്നു സിപിഐ.

വിപ്ലവവും വ്യവസ്ഥിതി മാറ്റലുമല്ല ഉള്ള വ്യവസ്ഥയെ മനുഷ്യർക്കുപകാരപ്പെടുമാറ് മെച്ചപ്പെടുത്തുകയാണ് വേണ്ടതെന്ന് അവർ അതിവേഗം മനസ്സിലാക്കി പ്രവർത്തിച്ചു. 1969 ലെ രാഷ്ട്രീയാവസ്ഥയിൽ ഇന്ത്യൻ ഭരണകൂടം അതുവരെ പുലർത്തി പോന്നിരുന്ന ഇടത് ആഭിമുഖ്യത്തിനു വൻ ഭീഷണിയുയർത്തി കൊണ്ട് മത-രാഷ്ട്രീയ വലതുപക്ഷം വളർന്നു വന്ന നിർണ്ണായക സാഹചര്യത്തിൽ ഇന്ത്യൻ നാഷണൽ കോൺഗ്രസ്സിനു പിന്തുണ കൊടുക്കാൻ സിപിഐക്കു കഴിഞ്ഞു. എന്നാൽ സോവിയറ്റ് യൂണിയനെയും കിഴക്കൻ യുറോപ്പിനെയുമൊക്കെ മധുര മനോജ്ഞ കമ്മൂണിസ്റ്റ് സ്വർഗ്ഗങ്ങളായി തെറ്റിദ്ധരിച്ച അന്നത്തെ അക്കാദമിക് ഇടതുകൾക്ക് സിപിഐ യുടെ കോൺഗ്രസ്സ് ബന്ധത്തെ ശരിയായി മനസ്സിലാക്കാൻ കഴിഞ്ഞില്ലെന്ന് മാത്രമല്ല വലതു കമ്മ്യൂണിസമെന്ന ചാപ്പയടിച്ച് ആ ശരിയായ നിലപാടിനെ അവർ പരമാവുധി വക്രീകരിക്കുകയും ചെയ്തു.

1975 ൽ ഇന്ദിരാഗാന്ധി ഭരണഘടനയെ വെല്ലുവിളിക്കുകയും 1977 വരെ ഏകാധിപതിയായി ഇന്ത്യ വാഴുകയും ചെയ്തപ്പോൾ ' ഇന്ദിരയുടെ ഇടതു നയങ്ങളേക്കാൾ വലുതാണ് പൗര സ്വാതന്ത്ര്യമെന്ന് ' ഉയർന്ന് ചിന്തിക്കാൻ സിപിഐക്കു കഴിഞ്ഞില്ല. ഏകകക്ഷി സർവ്വാധിപത്യമെന്ന കമ്മൂണിസ്റ്റ് ആശയത്തിൽ നിന്നും ബഹുകക്ഷി ജനാധിപത്യമെന്ന ലിബറൽ ആശയത്തിലേക്കു വളരാൻ കഴിഞ്ഞ ഒരു കമ്മൂണിസ്റ്റ് പാർട്ടിക്ക് അടിയന്തിരാവസ്ഥയെ അനുകൂലിക്കാനെങ്ങിനെ കഴിഞ്ഞുവെന്നത് ഒരു രാഷ്ട്രീയ അത്ഭുതം തന്നെയാണ്. ഒരു പക്ഷെ അത്തരത്തിലുള്ള ഒരു ചിന്ത സി.പിഐ ൽ വളർന്നു പടരാതിരിക്കുന്നതിനായി ഇന്ദിര ഗാന്ധി ആസൂത്രണം ചെയ്ത തന്ത്ര പരമായ നടപടികളിൽ ആകർഷിക്കപ്പെട്ടതു കൊണ്ടായിരിക്കുമോ? ജെയപ്രകാശ് നാരായണന്റെ നേതൃത്വത്തിലുള്ള സോഷ്യലിസ്റ്റുകളും മൊറാർജിയുടെ നേതൃത്വത്തിലുള്ള രാഷ്ട്രീയ വലതു പക്ഷവും ഹിന്ദുത്വ ശക്തികളായ ജനസംഘവും ഒത്തു ചേർന്ന് ഇന്ത്യൻ ഭരണകൂടത്തിന്റെ അടിസ്ഥാന സ്വഭാവമായ മതേതരത്വത്തെയും സോഷ്യലിസത്തെയും അട്ടിമറിക്കുമെന്ന് ഇന്ദിരാഗാന്ധിയോടൊപ്പം അവരും ചിന്തിച്ചു കാണുമോ? എന്തായാലും അടിയന്തിരാവസ്ഥ നൽകുന്ന അധികാരമുപയോഗിച്ച് ഇന്ദിരാഗാന്ധി ഭരണഘടനക്ക് 42 മതൊരു ഭരണഘടന ഭേദഗതി കൊണ്ടുവരികയും അതു പ്രകാരം 'പരമാധികാര ജനാധിപത്യ റിപ്പബ്ലിക്ക് ' മാത്രമായിരുന്ന ഇന്ത്യ 'പരമാധികാര ജനാധിപത്യ മതേതരത്വ സോഷ്യലിസ്റ്റ് റിപ്പബ്ലിക്കായി' മാറുകയും ചെയ്തതോടെ സിപിഐക്ക് മറിച്ചു ചിന്തിക്കേണ്ടി വന്നില്ല എന്നതായിരിക്കാം സത്യം .

സിപിഐ യെ കൂടെ നിർത്തുകയെന്നത് ഇന്ദിരാഗാന്ധിയെ സംബന്ധിച്ചിടത്തോളം പരമപ്രധാനമായിരുന്നു. ജനാധിപത്യ രാജ്യത്ത് അഭ്യന്തര അടിയന്തിരാവസ്ഥ പ്രഖ്യാപിച്ച നടപടിയെ ഇന്ദിരാഗാന്ധി ലോകത്തിനു മുന്നിൽ പ്രതിരോധിച്ചിരുന്നത് ഇന്ത്യൻ കമ്മ്യൂണിസ്റ്റു പാർട്ടിയുടെ പിന്തുണ കൂടി ഉയർത്തി കാട്ടിയായിരുന്നു. ഇന്ദിര ഗാന്ധിയുടെ അടിയന്തരാവസ്ഥ ക്കെതിരെ ആഗോളതലത്തിൽ തന്നെ പ്രതിഷേധമുയരുന്ന സാഹചര്യത്തിൽ സിപിഐ മുന്നണിയിൽ നിന്നും പോകുന്നത് ലോകത്തിലെ സോഷ്യലിസ്റ്റ് ബ്ലോക്കിന്റെ അപ്രീതിക്ക് കാരണമാകുമെന്ന തിരിച്ചറിവും 'സോഷ്യലിസവും ' 'മതേതരത്വവും' ഭരണഘടനയിലിടം പിടിച്ചതിന്റെ ഒരു കാരണമായി കാണാവുന്നതാണ്.

(തെറ്റായ നിലപാടാണെങ്കിലും 2017 ലെ രാഷ്ടീയ കാലാവസ്ഥയിൽ നിന്നു കൊണ്ട് ചിന്തിക്കുമ്പോൾ സിപിഐയുടെ അടിയന്തിരാവസ്ഥയിലെ കോൺഗ്രസ്സ് ബന്ധം കൊണ്ട് മതേതര ജനാധിപത്യ മനസ്സുകൾക്ക് താൽക്കാലികമായി ആശ്വസിക്കാറായി എന്നു പറയാം. മൃഗീയ ഭൂരിപക്ഷമുണ്ടായിട്ടും സംഘപരിവാർ ശക്തികൾക്ക് ഇന്ത്യയെ ഒറ്റയടിക്കു ഹിന്ദു രാഷ്ട്രമാക്കാൻ സാധിക്കാത്തത് ഭരണഘടനയിലെ ആമുഖത്തിലെഴുതി വെച്ച 'മതേതരത്വം' കൊണ്ടു കൂടിയാണ്.)

ഇന്ദിരാഗാന്ധി സർവ്വാധികാരിണിയായി വാഴുമ്പോൾ പിന്തുണച്ച സിപിഐ, ഇന്ദിരക്ക് അധികാരം നഷ്ടപ്പെട്ടപ്പോഴാണ് അവരെ കൈവിട്ടത്. അടിയന്തിരാവസ്ഥക്കാലത്തുപേക്ഷിക്കേണ്ടിയിരുന്ന കോൺഗ്രസ്സ് ബന്ധം അവർ വേർപ്പെടുത്തിയത് അനവസരത്തിലായിരുന്നു. തെരഞ്ഞെടുപ്പ് തോൽവിയും ജയിൽവാസവുമൊക്കെ കഴിഞ്ഞ് ഇനിയൊരു 'പഴയ ഇന്ദിര ' ഒരിക്കലുമുണ്ടാകില്ലെന്ന് ഉറപ്പായ കാലത്ത് അവരെ തള്ളിപ്പറയേണ്ട ഒരു കാര്യവും സിപിഐക്കുണ്ടായിരുന്നില്ല. സിപിഐയുടെ ആ തീരുമാനവും മറ്റൊരു വലിയ തെറ്റായിപ്പോയെന്നു ബോധ്യപ്പെടുത്തും വിധം1980 ലെ തെരഞ്ഞെടുപ്പിൽ ഇന്ദിരാഗാന്ധി പ്രധാനമന്ത്രിയായി തിരിച്ചു വന്നു. കോൺഗ്രസ്സ് വിരുദ്ധ ഭരണത്തെ തള്ളിക്കളഞ്ഞ ഇന്ത്യൻ ജനത സിപിഐ യുടെ രാഷ്ടീയ വഞ്ചനയെയും കണക്കിന് ശിക്ഷിച്ചു. സിപിഐ യുടെ ലോക്‌സഭയിലെ അംഗസംഖ്യ വെറും പത്തായി ചുരുങ്ങി.

അവിടുന്നിങ്ങോട്ടുള്ള സിപിഐയുടെ വളർച്ച കീഴോട്ടു തന്നെയായിരുന്നു. ഇന്ത്യയുടെ വിവിധ സംസ്ഥാനങ്ങളിൽ ചെറുതെങ്കിലും ഭേദപ്പെട്ട ഒരു കമ്മ്യൂണിസ്റ്റ് പാർട്ടിയായി സാന്നിധ്യമറിയിച്ചിരുന്ന ആ പാർട്ടി ക്രമേണ പലയിടത്തും അപ്രത്യക്ഷമായി. വേരറ്റു പോകാതെ പിടിച്ചു നിന്ന അപൂർവ്വം സ്ഥലങ്ങളിലെല്ലാം കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്‌സിസ്റ്റ് )എന്ന പ്രസ്ഥാനത്തിന്റെ വെറുമൊരു ബി.ടീമായി ആ പാർട്ടി അധ:പതിച്ചു.

സിപിഎമ്മിന് സ്വാധീനമുള്ള മൂന്ന് സംസ്ഥാനങ്ങളിലും എതിർ പക്ഷത്തു നിൽക്കുന്നത് കോൺഗ്രസ്സ് പാർട്ടിയാണെന്നുള്ളതായിരുന്നു സിപിഎമ്മിന്റെ കോൺഗ്രസ്സ് വിരോധത്തിന്റെ അടിസ്ഥാനം. ഈ നിലപാട് സിപിഎമ്മിന് മാത്രം ഗുണം ചെയ്യുന്നതും സിപിഐയെ ദേശീയ രാഷ്ട്രീയത്തിൽ നിന്നും അപ്രത്യക്ഷമാക്കി കൊണ്ടിരിക്കുകയും ചെയ്യുന്ന വൻ കെണിയായിരുന്നുവെന്ന് ഇന്ന് വിലയിരുത്താവുന്നതാണ് . കേരളത്തിൽ കോൺഗ്രസ്സ് മുന്നണിയിൽ ചേർന്നു നിന്നാലും ലഭിക്കാനിടയുള്ള സീറ്റുകൾക്കും അധികാരത്തിനും വേണ്ടി ദേശീയ തലത്തിലുള്ള സാധ്യതകൾ നഷ്ടപ്പെടുത്തുകയാണ് സിപിഐ ഇപ്പോഴും ചെയ്തു കൊണ്ടിരിക്കുന്നതെന്ന് മനസ്സിലാക്കാൻ രാഷ്ട്രീയ നിരീക്ഷകർക്കാകും. പ്രാദേശികപാർട്ടിയെന്ന നിലയിലേക്ക് തരം താഴ്ന്നുള്ള സി .പി .ഐ എമ്മിന്റെ സങ്കുചിത കോൺഗ്രസ്സ് വിരുദ്ധ നിലപാടു കൊണ്ട് ഇന്ത്യയിലെ ഇടതു മതേതര മൂവ്‌മെന്റിന് വൻ തിരിച്ചടിയാണുണ്ടാകുന്നതെന്ന് മനസ്സിലാക്കാൻ ഇനിയും സിപിഐക്കാകുന്നില്ലെന്നത് വീഴ്ചകളിൽ നിന്നും പഠിക്കാൻ വിസമ്മതിക്കുന്ന മനസ്സുകൾക്ക് ആ പാർട്ടിയിലുള്ള ആധിപത്യത്തെ കുറിക്കുന്നു. 1969 ൽ ഇന്ദിരാഗാന്ധിയും സിപിഐയും ഭയപ്പെട്ടതിനേക്കാൾ നൂറിരട്ടി പ്രഭാവത്തിൽ ഇന്ത്യ പരിപൂർണ്ണമായും മതാധിഷ്ടിത വലതു പക്ഷത്തിന് കീഴിൽ വന്നു നിൽക്കുന്ന വർത്തമാനകാലഘട്ടത്തിൽ കോൺഗ്രസ്സിനൊപ്പം ഒരു മതേതരജനാധിപത്യ ബദലന്വേഷിക്കാൻ കൂട്ടാക്കാത്തതും മറ്റൊന്നും കൊണ്ടല്ല. വാളയാർ ചെക്ക് പോസ്റ്റിനപ്പുറം കോൺഗ്രസ്സല്ലാതെ വേറൊരു ഇടതിനും സാധ്യതയില്ലെന്ന് ഏറ്റവും കൂടുതൽ അറിയാവുന്ന പാർട്ടിയാണ് സിപിഐ.

1951 ൽ രൂപീകരിക്കപ്പെട്ട ജനസംഘത്തിന് ഭൂരിപക്ഷത്തോടെ ഇന്ത്യ ഭരിക്കാൻ 61 വർഷം കാത്തിരിക്കേണ്ടി വന്നെങ്കിൽ പത്തുവർഷം പോലും വേണ്ടി വരില്ല ഒരിടതു മതേതര കോൺഗ്രസ്സ് സഖ്യത്തിന് ഭരണത്തിൽ തിരിച്ചു വരാനെന്ന് മനസ്സിലാക്കാൻ അതീന്ദ്രിയ ജ്ഞാനമൊന്നും വേണ്ട. അത്തരമൊരു സഖ്യത്തിന് ഏറ്റവും തടസ്സം സൃഷ്ടിക്കുക സിപിഎമ്മായിരിക്കുമെങ്കിലും സി.പി.എം ശക്തമായിരിക്കുന്ന ഇടങ്ങളിലൊക്കെ കോൺഗ്രസിനോ കോൺഗ്രസ്സ് സ്വഭാവമുള്ള പാർട്ടികൾക്കോ ശക്തമായ അടിത്തറയുള്ളതിനാൽ സിപിഐ (എം) ഇല്ലാത്ത ഒരു ഇടതു മതേതര ബദൽ ഇന്ത്യയിൽ തീർത്തും സാധ്യമാണെന്നതാണ് വർത്തമാനകാല രാഷ്ട്രീയ യാഥാർഥ്യം. ആ ചരിത്രപരമായ കടമ തിരിച്ചറിയുകയും അതിനായി മുന്നിട്ടിറങ്ങുകയുമാണ് അടിയന്തിരമായി സിപിഐ ചെയ്യേണ്ടത്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
വീട്ടുജോലിക്കായി റിക്രൂട്ട് ചെയ്യും; കാറിന്റെ ഡിക്കിയിൽ കൊണ്ടു പോയി അറബികൾക്ക് സമ്മാനിക്കും; കള്ള പാസ്‌പോർട്ടായതിനാൽ ജയിൽവാസം ഭയന്ന് സ്ത്രീകളും വഴങ്ങും; ദുബായിലെത്തിച്ചത് 500ഓളം മലയാളി യുവതികളെ; ഷാർജയിലും അജ്മാനിലും ദുബായിലും വാണിഭ മാഫിയ; നെടുമ്പാശ്ശേരി മനുഷ്യക്കടത്തിൽ അഴിക്കുള്ളിലായ ചന്തപ്പടി സുരേഷ് വാണിഭ ചന്തയിൽ നിന്ന് ഉണ്ടാക്കിയത് കോടികൾ
20 പേർ കാടുകയറിയത് വർഷമോൾ എന്ന ഓട്ടോയിലും രണ്ട് ജീപ്പിലും; നേതൃത്വം നൽകിയത് ഷുഹൈബും; ഗുഹയിൽ പാകം ചെയ്യുകയായിരുന്ന മധുവിനെ കാട്ടിക്കൊടുത്തത് വനപാലകർ തന്നെ; മോഷണം തടയാൻ നാട്ടുകാർ തന്നെ പ്രതിയെ പിടിക്കണമെന്ന് ഉപദേശിച്ചത് പൊലീസുകാരും; അക്രമത്തിന് നേതൃത്വം നൽകിയവരെല്ലാം കുടിയേറ്റക്കാരും; ആർക്കിടെക്ടുകൾക്ക് പോലും പരിശീലനം നൽകിയ മധു എന്തിന് ജോലി രാജിവച്ച് കാടുകയറി? അട്ടപ്പാടിയിലെ ആൾക്കൂട്ട കൊലയിൽ ഉത്തരംമുട്ടി സർക്കാർ സംവിധാനങ്ങൾ
ആർത്തവകാലത്ത് മഠത്തിക്കാവിലമ്മയേയും മഹാദേവനേയും കല്ലൂപ്പാറ ദേവിയേയും കണ്ടെന്ന് പോസ്റ്റിട്ട് സംഘികളെ പ്രതിരോധിച്ച ബാലസംഘം നേതാവിനെ കയ്യൊഴിഞ്ഞ് സിപിഎം; മല്ലപ്പള്ളി ഏരിയാ കമ്മിറ്റി തള്ളിപ്പറഞ്ഞതോടെ കൂടെ നിന്ന സൈബർ സഖാക്കളും പേടിച്ച് പിന്മാറി; നവമിക്കും സഹോദരിക്കുമെതിരെ ആക്രമണം ഉണ്ടായിട്ടും അക്കാര്യം മിണ്ടാതെ സ്വന്തം പാർട്ടി; പ്രതിഷേധത്തിന് ശക്തികൂട്ടി ഇന്ന് ഭക്തജനസംഘം റാലി
ഉടുമുണ്ടഴിച്ച് കൈകൾ ബന്ധിച്ച് ക്രൂരമായി മർദ്ദിക്കുമ്പോഴും മന്ദഹസിച്ചു കൊണ്ടുള്ള ആ നിൽപ്പുണ്ടല്ലോ... അത് ആരുടെ ഹൃദയമാണ് തകർക്കാത്തത്... ആ സെൽഫിക്കരുകിൽ നിശ്ചലമായി കാണുന്ന പ്ലാസ്റ്റിക് ചാക്കിലെ വേവാൻ കൊതിച്ചു കിടക്കുന്ന അരിയുണ്ടല്ലോ അതാരുടെ ചങ്കാണ് തകർക്കാത്തത്... ഉറക്കം വരാത്ത ദിനരാത്രങ്ങളിൽ ഭീകര സ്വപ്നങ്ങളിൽ നിന്നും നീയെന്നിറങ്ങി പോകും മധു? ഷാജൻ സ്‌കറിയ എഴുതുന്നു...
ദാരിദ്ര്യം കാരണം യുപി ക്ലാസിൽ പഠനം നിർത്തി; ബീഡി തെറുപ്പിൽ നിന്ന് തൃശൂർ ചന്തയിലെ പച്ചക്കറിക്കാരിയായി; ഗൾഫിലെത്തിയതോടെ അറബികളുടെ തോഴിയും; ദുബായിൽ അയൽവാസി സ്റ്റുഡിയോ ഉടമയെ പങ്കാളിയായി കിട്ടിയപ്പോൾ കച്ചവടം പൊടി പൊടിച്ചു; മനുഷ്യക്കടത്ത് പുറത്താക്കിയത് സെക്‌സ് റാണിയുടെ വളർച്ചയുടെ ചരിത്രം; നെടുമ്പാശ്ശേരി കേസിൽ ലിസി സോജനും സംഘവും അഴിക്കുള്ളിലാകുന്നത് ഇങ്ങനെ
മധുവിനെ ആദിവാസി എന്നു വിളിക്കരുതെന്ന മമ്മൂട്ടിയുടെ പ്രസ്താവനക്കെതിരെ സോഷ്യൽ മീഡിയയിൽ പ്രതിഷേധ കനത്തപ്പോൾ അട്ടപ്പാടിയിലെ ആദിവാസി ഗ്രാമം താരം ദത്തെടുത്തെന്ന നുണ പ്രചരണവുമായി ഫാൻസുകാർ; എവിടെ എന്നു ചോദിച്ചപ്പോൾ മറുപടിയില്ല; മോദിയെ തൃപ്തിപ്പെടുത്താൻ ഗോഞ്ചിയൂർ ഗ്രാമം ദത്തെടുത്ത സുരേഷ് ഗോപി പിന്നീട് തിരിഞ്ഞു നോക്കാതെ മുങ്ങിയെന്നും ആക്ഷേപം
ഒമറിക്ക സിനിമയിൽ സ്ത്രീകഥാപാത്രങ്ങളെ ഉപയോഗിക്കുന്നത് മറ്റു പല ആവശ്യങ്ങൾക്കുമാണ്: അശ്‌ളീലച്ചുവയുള്ള കമന്റുകൾക്ക് പുറമെ ഒമർ ലുലുവിന്റെ നായികമാർക്ക് എതിരെ കേട്ടാലറയ്ക്കുന്ന തെറിവിളി; അട്ടപ്പാടിയിൽ സദാചാരവാദികളാൽ കൊല്ലപ്പെട്ട മധുവിനെ അപമാനിച്ചും പോസ്റ്റുകൾ; കറുത്തവന് എതിരെ പോസ്റ്റുകൾ ഇട്ടതോടെ ഞരമ്പുരോഗികളായ 65000 അംഗങ്ങളുള്ള ഫാൻ ഫൈറ്റ് ക്‌ളബ് അടച്ചുപൂട്ടി
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ
ബൈബിളിനകത്തു കണ്ട 'രാഖി' സത്യം പറഞ്ഞു; സ്വകാര്യ സ്‌കൂൾ അദ്ധ്യാപികയെ ആസിഡൊഴിച്ച് ആക്രമിച്ചത് പ്രണയം മൂത്ത്; വിരൂപിയായാൽ അന്യമതക്കാരിയെ തനിക്ക് തന്നെ സ്വന്തമാക്കാമെന്ന് മർച്ചന്റ് നേവിക്കാരൻ സ്വപ്നം കണ്ടു; കപ്പലിൽ ഉപയോഗിക്കുന്ന ആസിഡുമായി സൗദിയിൽ നിന്നെത്തിയത് കല്ല്യാണം മുടക്കാൻ; കുറ്റിച്ചലിലെ ആസിഡ് ആക്രമണത്തിൽ പരുത്തിപ്പള്ളിക്കാരൻ സുബീഷ് വേണുഗോപാൽ അറസ്റ്റിൽ; പ്രതിയിലേക്ക് പൊലീസെത്തിയത് സമർത്ഥമായ നീക്കങ്ങളിലൂടെ
സ്വർണ്ണാഭരണം മോഷണം പോയെന്നത് കള്ളക്കഥ; ലൈംഗിക ബന്ധത്തിൽ ഏർപ്പെട്ടത് ഉഭയസമ്മത പ്രകാരവും; പരാതിക്കിടയാക്കിയ അഭിപ്രായ ഭിന്നതിയിൽ വികാരിക്കും ബംഗ്ലാദേശിനിക്കും മിണ്ടാട്ടമില്ല; സിംബാബ് വേക്കാരേയും ചോദ്യം ചെയ്‌തേക്കും; പരാതിക്കാരി ഉറച്ചു നിന്നാൽ അച്ചൻ കുടുങ്ങും; പള്ളി മേടിയിലെ പീഡനത്തിൽ നിറയുന്നത് ഹണിട്രാപ്പ് തന്നെ; ഫാ തോമസ് താന്നിനിൽക്കും തടത്തിൽ ഊരാക്കുടുക്കിൽ
ഫയൽ ഒപ്പിട്ടശേഷം, അടുത്ത നിമിഷം മന്ത്രി എന്നെ ചുംബിച്ചു; ഒരു നിമിഷം ഞെട്ടുകയും ആഴക്കടലിൽ പെട്ടെന്നവണ്ണം ഉലയുകയും ചെയ്തു; ഒച്ചവച്ച് ആളെക്കൂട്ടാനുള്ള അവിവേകം എനിക്കുണ്ടായില്ല; വൈപ്‌സ് കൊണ്ട് കൈ തുടച്ച് നീരസം പ്രകടിപ്പിച്ച് ഞാനിറങ്ങിപ്പോന്നു; സെക്രട്ടറിയേറ്റിലെ ഓഫീസിൽ വെച്ച് മന്ത്രിയിൽ നിന്നും ലൈംഗികാതിക്രമം നേരിടേണ്ടി വന്നത് ഫേസ്‌ബുക്കിൽ എഴുതി മുൻ പിആർടി ഉദ്യോഗസ്ഥ
സാം എബ്രഹാമിനെ കൊന്നത് ഭാര്യയും കാമുകനും ചേർന്ന് തന്നെ; സോഫിയയും അരുൺ കമലാസനനും കുറ്റക്കാരെന്ന് കണ്ടെത്തി കോടതി; വികാരരഹിതനായി വിധി കേട്ട് ഒന്നാം പ്രതി; സോഫിയ വിധി കേട്ടതും ജയിലിലേക്ക് മടങ്ങിയതും പൊട്ടിക്കരഞ്ഞ്; ശാസ്ത്രീയ തെളിവുകൾ പരിശോധിച്ച് കോടതി നിഗമനത്തിലെത്തിയത് 14 ദിവസത്തെ വിചാരണയ്‌ക്കൊടുവിൽ; മെൽബണെ ഞെട്ടിച്ച മലയാളി കൊലയിൽ ശിക്ഷ തീരുമാനിക്കാനുള്ള വാദം അടുത്ത മാസം 21ന് തുടങ്ങും
രാകേഷ് എങ്ങനെ ഡയസിലിക്കുന്നുവെന്ന് മന്ത്രി ബാലനോട് ചോദിച്ചത് പാച്ചേനി; സിപിഎം പ്രതിനിധിയായെന്ന് ജയരാജൻ നൽകിയ മറുപടി തിരിച്ചടിച്ചു; ജനപ്രതിനിധികളെ വിളിച്ചിട്ടില്ലല്ലോ എന്ന ചോദ്യത്തിന് മുന്നിൽ മന്ത്രിമാർ പതറി; കെസി ജോസഫിനേയും സണ്ണി ജോസഫിനേയും കെഎം ഷാജിയേയും എത്തിച്ച് യുഡിഎഫിന്റെ മിന്നൽ ആക്രമണവും; സമാധാന ചർച്ച പൊളിഞ്ഞത് ഭരണക്കാരുടെ പിടിപ്പുകേടിൽ
90 കളിൽ എതിരാളികളെ വക വരുത്തിയത് 'കാൽ വെട്ടു സംഘം'; കുടൽമാല പുറത്താക്കി മണ്ണ് വാരി ഇട്ടും മുഖം വെട്ടിക്കീറിയും കൊലകൾ; ദേഹമാസകലം പഴുത്തുള്ള ക്രൂര മരണം ഒഴിവാക്കൻ എസ് കത്തിയെത്തി; ഷുഹൈബിനെ കൊന്നത് അക്രമ രാഷ്ട്രീയം തലക്കു പിടിച്ച് അഴിഞ്ഞാടുന്ന ചാവേറുകൾ; കാൽവെട്ടി വൈകല്യം വരുത്താനുള്ള തീരുമാനം അട്ടിമറിച്ചത് സിഐടിയുക്കാരനും; മട്ടന്നൂരിലെ കൊലയിൽ ജില്ലാ നേതൃത്വം ഒന്നും അറിഞ്ഞില്ലെന്ന് ജയരാജൻ; സിബിഐയെ എത്തിക്കാനുറച്ച് സുധാകരനും
രാമചന്ദ്രന് ജാമ്യം നിന്നത് സുഷമാ സ്വരാജ് തന്നെ; ചർച്ചകൾക്ക് നേതൃത്വം നൽകിയത് ദുബായിലെ ഇന്ത്യൻ അംബാസിഡർ; മോചനത്തിനായി അഹോരാത്രം പണിയെടുത്തത് ദുബായിലെ ബിജെപി എൻആർഐ സെൽ നേതാവ്; ഷെട്ടിയുടെ 100 മില്ല്യണും തുണയായി; ഇനി സെറ്റിൽ ചെയ്യാൻ അവശേഷിക്കുന്നത് ഡൽഹിക്കാരന്റെ കടം മാത്രം; എല്ലാവരും കൈവിട്ടു ജയിലിൽ കഴിഞ്ഞ അറ്റ്‌ലസ് രാമചന്ദ്രനെ ഇന്ത്യ നേരിട്ട് പുറത്തിറക്കുന്നത്‌ ഇങ്ങനെ
ഉറക്കത്തിൽ ആരോ ചുണ്ടിൽ സ്പർശിക്കുന്നതായി തോന്നി; ഞെട്ടി ഉണർന്ന് ബഹളം വച്ചിട്ടും ആരും സഹായിച്ചില്ല; പ്രതികരണവും പ്രതിഷേധവും ഫേസ്‌ബുക്കിൽ മാത്രം; കൺമുന്നിൽ ഒരു പെൺകുട്ടി ആക്രമിക്കപ്പെട്ടാൽ ആരും തിരിഞ്ഞ് നോക്കില്ല; സിനിമയിലെ സുഹൃത്തുക്കൾ മാത്രമാണ് പൊലീസിനെ വിളിക്കാനും പിടികൂടാനും സഹായിച്ചത്: മാവേലി യാത്രയിലെ ദുരനുഭവം മറുനാടനോട് വിവരിച്ച് സനൂഷ
മോഹൻലാലിനെ കാത്തിരിക്കുന്ന പ്രശ്‌നങ്ങൾ കിറുകൃത്യമായി പറഞ്ഞു; ദിലീപിന്റെ സമയം വെളിപ്പെടുത്തലും ശരിയായി; ഇപ്പോൾ കോടിയേരി ബാലകൃഷ്ണൻ കുടുംബത്താൽ ദുഃഖിക്കുന്നുവെന്ന പ്രവചനവും ഫലിച്ചു; 'ആസ്വാമി' എന്ന് വിളിച്ചു പുച്ഛിച്ച മലയാളികൾ ഇപ്പോൾ 'അയ്യോസ്വാമി എന്നായി വിളി; സ്വാമി ഭദ്രാനന്ദ ഭാവി പറയുന്നതിലെ കൃത്യത ചർച്ചയാക്കി സോഷ്യൽ മീഡിയ
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ
വലംകൈയായ ശുഹൈബിനെ 36 വെട്ടിൽ തീർത്തതറിഞ്ഞ് വിങ്ങിപ്പൊട്ടിയ കെ സുധാകരൻ ഖത്തറിൽ നിന്നും അടുത്ത വിമാനത്തിൽ നാട്ടിലെത്തി; വെട്ടിനുറുക്കിയ മൃതദേഹം കണ്ട് സങ്കടവും രോഷവും അണപൊട്ടി കണ്ണൂരിലെ നേതാവ്; മുഖ്യമന്ത്രി അടക്കമുള്ള സിപിഎം നേതാക്കളുടെ അറിവോടെ നടന്ന ആസൂത്രിത കൊലപാതകമെന്ന് പറഞ്ഞ് പൊട്ടിത്തെറിച്ചു; ഇരുട്ടിന്റെ മറവിൽ അക്രമികൾ ഇല്ലാതാക്കിയത് മൂന്ന് അനുജത്തിമാരുടെയും പ്രതീക്ഷയായ ഏകആൺതരിയെ
നാലര ലക്ഷം രൂപ മാത്രം വിലയുള്ള വീടും സ്ഥലവും ഈടു വച്ച് ലോൺ എടുത്തത് 15 ലക്ഷം രൂപ; ലോൺ തീർക്കാതെ തന്നെ രൊക്കം കാശിന് എഞ്ചിനിയറിങ് വിദ്യാർത്ഥിക്ക് വിറ്റത് 45 ലക്ഷം രൂപ വാങ്ങി; ഭാര്യയ്ക്ക് പാരമ്പര്യമായി കിട്ടിയ വീട് വിറ്റിട്ടും നാല് വർഷമായി താമസം അവിടെ തന്നെ; കോടിയേരി ബാലകൃഷ്ണന്റെ തലശ്ശേരിയിലെ വീട് വിൽപ്പന കള്ളപ്പണം വെളുപ്പിക്കാനോ?