1 usd = 63.53 inr 1 gbp = 88.11 inr 1 eur = 78.33 inr 1 aed = 17.41 inr 1 sar = 17.40 inr 1 kwd = 212.83 inr

Jan / 2018
20
Saturday

അമ്മ എങ്ങനെ പ്രവർത്തിക്കണമെന്ന് തീരുമാനിച്ചിരുന്നത് ദിലീപ്; ചോദ്യം ചെയ്തപ്പോൾ പൃഥ്വിരാജ് അടക്ക മാപ്പു പറയേണ്ടി വന്നു; ട്വന്റി -20 പുറത്തുവന്നതോടെ ദിലീപ് അമ്മയുടെ അവസാന വാക്കായി മാറി; കോൺഫിഡന്റ് ഗ്രൂപ്പിന്റെ ബ്രാന്റ് അമ്പാസഡർ സ്ഥാനത്തു നിന്നു എന്നെ പോലും തെറിപ്പിച്ചു: രാജസേനൻ തുറന്നു പറയുന്നു..

July 12, 2017 | 03:46 PM | Permalink



രാജസേനൻ

സിനിമയിലെ അടക്കിവാഴൽ തന്നെയായിരുന്നു അമ്മയിലും ദിലീപ് നടത്തിയിരുന്നത്. ദിലീപിന്റെ വാക്കുകൾ തള്ളാൻ ഒരിക്കലും അമ്മയുടെ ഭാരവാഹികൾ ധൈര്യപ്പെട്ടില്ല. അമ്മ എങ്ങനെ പ്രവർത്തിക്കണമെന്ന് തീരുമാനിച്ചിരുന്നതും ദിലീപ് തന്നെയായിരുന്നു. അതുകൊണ്ടുതന്നെയായിരുന്നു ദിലീപിന്റെ വിഷയം വന്നപ്പോൾ ഇന്നസെന്റും മുകേഷും ഗണേശ്‌കുമാറും ദേവനുമെല്ലാം പ്രകോപിതരായതും സൂപ്പർ താരങ്ങൾ മൗനം പാലിച്ചതും. ഇന്ന് ദിലീപിനെ അമ്മയിൽനിന്ന് പുറത്താക്കിയെന്നു പറയുന്നത് ദിലീപിന്റെ സ്വന്തം തീയേറ്റർ സംഘടനയിൽനിന്ന് ദിലീപിനെ പുറത്താക്കിയെന്നു പറയുന്നതിന് തുല്യമാണ്.

നടിയെ ആക്രമിച്ച സംഭവത്തിൽ ജയിലിലായ ദിലീപിനെ അമ്മയിൽനിന്നും മറ്റു സംഘടനകളിൽനിന്നും ഇപ്പോൾ പുറത്താക്കിയിരിക്കുന്നു. യഥാർത്ഥത്തിൽ ദിലീപിനെ അമ്മയിൽനിന്ന് പുറത്താക്കുകയാണോ അതോ അമ്മയെ മലയാളസിനിമയിൽനിന്ന് പുറത്താക്കുകയാണോ വേണ്ടതെന്ന് ഇനിയെങ്കിലും ചിന്തിക്കണം. ചില താരങ്ങൾ അമ്മയുടെ മറവിൽ മലയാള സിനിമയിൽ ഉണ്ടാക്കിയെടുത്ത ആധിപത്യങ്ങളും താൻപോരിമയും മലയാളസിനിമയ്ക്ക് തന്നെ തിരിച്ചടിയാവുകയാണ്.

ചലച്ചിത്രതാരങ്ങൾക്ക് ഒരു സംഘടന എന്ന ആശയത്തിന് വർഷങ്ങളുടെ പഴക്കമുണ്ട്. പ്രേംനസീർ, സത്യൻ, മധു, തിക്കുറുശ്ശി, കൊട്ടാരക്കര എന്നിവരുടെ കാലഘട്ടത്തിലാണ് ചലച്ചിത്ര പ്രവർത്തകരുടെ ഒരു സംഘടന എന്ന ആശയം ഉണ്ടായത്. എന്നാൽ പ്രേംനസീർ ഈ ആശയത്തെ ശക്തിയായി എതിർത്തു. കലാകാരന്മാരുടെ ഇടയിലുള്ള ഈഗോയും അഭിപ്രായവ്യത്യാസങ്ങളും സംഘടനയ്ക്കുള്ളിൽ പ്രതിഫലിക്കുമെന്നും അത് സിനിമാമേഖലയ്ക്കുതന്നെ തിരിച്ചടിയാകുമെന്നും നസീർ ചൂണ്ടിക്കാട്ടി.

എങ്കിലും ചെന്നൈ കേന്ദ്രീകരിച്ച് ചലച്ചിത്ര പരിഷത്ത് എന്ന ഒരു സൗഹൃദ കൂട്ടായ്മ രൂപംകൊണ്ടു. ആ സൗഹൃദ കൂട്ടായ്മ ഒരിക്കൽ സെക്രട്ടേറിയറ്റിനു മുന്നിൽ സമരം നടത്തി. മധുവും ജയഭാരതിയുമൊക്കെ പങ്കാളികളായപ്പോൾ താരങ്ങളെ കാണാൻ തടിച്ചുകൂടിയ ജനക്കൂട്ടത്തിന്റെ ആവേശം ലാത്തിച്ചാർജിലാണ് കലാശിച്ചത്. അന്ന് നസീറിന്റെ ചോദ്യം ഇതിന്റെ ആവശ്യം ഉണ്ടായിരുന്നോ എന്നായിരുന്നു.

കാലാന്തരത്തിൽ മലയാളസിനിമ കേരളത്തിലേക്ക് പറിച്ചുനട്ടു. ആദ്യം സിനിമാ ടെക്നീഷ്യന്മാർക്കുവേണ്ടി മാക്ട എന്ന സംഘടന രൂപപ്പെട്ടു. അതിനുമുമ്പ് തന്നെ റൈറ്റേഴ്സ് ഫോറം എന്നപേരിൽ കലൂർ ഡെന്നീസും ജോൺപോളുമൊക്കെ ചേർന്ന് ഒരു കൂട്ടായ്മയുണ്ടായിരുന്നു. അതാണ് 'മാക്ട'യായി പരിണാമപ്പെട്ടത്. താരങ്ങളൊഴിച്ച് എല്ലാവരും അതിലെ അംഗങ്ങളായിരുന്നു.

അപ്പോഴാണ് എന്തുകൊണ്ട് നടീനടന്മാർക്ക് ഒരു സംഘടന ആയിക്കൂടാ എന്ന ആശയം വീണ്ടും സജീവമായത്. അങ്ങനെയാണ് അമ്മ എന്ന സംഘടന രൂപീകരിക്കപ്പെട്ടത്. അമ്മയുടെ ആദ്യകാല സെക്രട്ടറി ടി.പി. മാധവനായിരുന്നു. 600 ഓളം സിനിമകളിൽ അഭിനയിച്ച, 'അമ്മ'യ്ക്ക് രൂപംനൽകുന്നതിൽ നിർണായക പങ്ക് വഹിച്ച ടി.പി. മാധവൻ ഇന്ന് ആരോരും തിരിഞ്ഞുനോക്കാനില്ലാതെ പത്തനാപുരം ഗാന്ധിഭവനിൽ അന്തേവാസിയാണ് എന്നറിയുമ്പോഴാണ് 'അമ്മ' ആരുടെ കൈകളിലാണെന്നും എവിടെയെത്തിയെന്നും തിരിച്ചറിയേണ്ടത്.

ഗൾഫ് നാടുകളിലും മറ്റും സ്റ്റേജ് ഷോകളിലൂടെ ഫണ്ട് ഉണ്ടാക്കിയായിരുന്നു 'അമ്മ' ആദ്യകാലത്ത് പ്രവർത്തിച്ചത്. 'അമ്മ'യുടെ സ്റ്റേജ് ഷോകൾ സംപ്രേഷണം ചെയ്യാൻ ചാനലുകൾ മത്സരിച്ചു. അവധിദിവസങ്ങളിലും ഉത്സവദിവസങ്ങളിലും സ്റ്റേജ് ഷോകൾ ചാനലുകൾ സംപ്രേഷണം ചെയ്തതോടെ പ്രേക്ഷകർ തീയേറ്ററുകളിൽനിന്ന് അകന്നു. ഇതിനെതിരെ പ്രതിഷേധവുമായി തീയേറ്റർ അസോസിയേഷൻ രംഗത്തെത്തി.

നിർമ്മാതാക്കളും വിഷയം ഏറ്റെടുത്തതോടെ നിർമ്മാതാക്കളുടെയും തീയേറ്റർ ഉടമകളുടെയും വിതരണക്കാരുടെയും പിന്തുണയോടെ കേരളാ ഫിലിം ചേമ്പേഴ്സ് അമ്മയ്ക്കെതിരെ രംഗത്തെത്തി. ചലച്ചിത്രതാരങ്ങൾ സ്റ്റേജ് ഷോകളിൽ പങ്കെടുക്കുന്നതിനെതിരെ രംഗത്തെത്തിയ സംഘടന താരങ്ങളുടെ പരിപാടികൾ ചാനലുകൾ വഴി കാണിക്കാൻ പാടില്ലയെന്ന നിർദ്ദേശവും വച്ചു. എന്നാൽ വിലക്കിനെ മറികടന്ന് മുന്നോട്ടുപോകാനായിരുന്നു അമ്മയുടെ തീരുമാനം. വിലക്കിയവരെ വിലക്കാനും അമ്മ തീരുമാനിച്ചു.

മാക്ടയടക്കം അമ്മയ്ക്കെതിരെ രംഗത്തുവന്നു. ചാനലുകളുമായി നിർമ്മാതാക്കളുടെ സംഘടന പ്രശ്നപരിഹാരത്തിന് ഇതിനിടെ കരാറുണ്ടാക്കി. സിനിമകളുടെ പാട്ടുകൾ, 15 മിനിട്ടിന്റെ ദൃശ്യങ്ങൾ എന്നിവ ചാനലുകൾക്ക് സൗജന്യമായി നൽകാമെന്നും പകരം രണ്ട് മിനിട്ട് പരസ്യം നൽകണമെന്നുമായിരുന്നു ആ കരാർ.

അമ്മയ്ക്കെതിരെ രംഗത്തുവന്ന ഫിലിം ചേമ്പർ ഓഫ് കോമേഴ്സിനെ തകർക്കാനും ശ്രമം നടന്നു. മലയാളം ഫിലിം ചേമ്പർ ഓഫ് കോമേഴ്സ് എന്ന സംഘടനയിലൂടെയായിരുന്നു ഇത്. സർക്കാർ ഈ വിഷയത്തിൽ ഇടപെട്ട് ചർച്ചകൾ നടത്തി. ഇതിനിടെ അമ്മയുടെ നിലപാടുകളെ ചോദ്യം ചെയ്ത പൃഥ്വിരാജ്, സുരേഷ്‌കൃഷ്ണ, ലാലുഅലക്സ്, ഭീമൻ രഘു, ക്യാപ്റ്റൻ രാജു, മീരാ ജാസ്മിൻ എന്നിവർക്ക് കാരണം കാണിക്കൽ നോട്ടീസും നേരിടേണ്ടിവന്നു. അമ്മയുടെ സംഘടിത ശക്തിക്കുമുമ്പിൽ നിർമ്മാതാക്കളും തീയേറ്റർ ഉടമകളും വിതരണക്കാരും മുട്ടുമടക്കുന്ന കാഴ്ചയാണ് ഉണ്ടായത്.

പൃഥ്വിരാജ് അടക്കമുള്ളവർക്ക് നിരുപാധികം മാപ്പു പറയേണ്ടിയും വന്നു. അമ്മയുടെ തലപ്പത്ത് ദിലീപ് പിടിമുറുക്കുന്ന കാലമായിരുന്നു അത്. ഇതിനിടയിലാണ് ഫണ്ട് ശേഖരണത്തിനായി അമ്മ സിനിമ നിർമ്മിക്കുക എന്ന ആശയം വന്നത്. എന്നാൽ എല്ലാ താരങ്ങളെയും ഉൾപ്പെടുത്തി ഒരു ബിഗ് ബജറ്റ് ചിത്രത്തിന്റെ റിസ്‌ക് ഏറ്റെടുക്കാൻ ആരും തയ്യാറായില്ല. അവിടെയായിരുന്നു ദിലീപിന്റെ കരുനീക്കം.

അമ്മയ്ക്ക് ഒന്നരകോടിയുടെ സഹായം വാഗ്ദാനം ചെയ്ത ദിലീപ് സിനിമാ നിർമ്മാണവും ഏറ്റെടുത്തു. ട്വന്റി -20 പുറത്തുവന്നതോടെ ദിലീപ് അമ്മയുടെ അവസാന വാക്കായി മാറി. ഇതിനുശേഷമാണ് തിലകനുമായി അഭിപ്രായവ്യത്യാസം ഉണ്ടാകുന്നത്. ഇതിനുപിന്നിലും ദിലീപിന് പങ്കുണ്ടെന്ന് ആക്ഷേപം ഉയർന്നു. അമ്മയിലെ ചിലർക്കെതിരെ തിലകൻ മുന്നോട്ടുവന്നതോടെ മുഖ്യധാരാ സിനിമകളിൽ തിലകന് അപ്രഖ്യാപിത വിലക്കുകൾ വന്നു. തിലകൻ പൂർണമായും ഒതുക്കപ്പെട്ടു.

ഇതിനിടെ മാക്ടയെ സാംസ്‌കാരിക സംഘടനയാക്കി പകരം സാങ്കേതികവിദഗ്ദ്ധർക്കുവേണ്ടി ട്രേഡ് യൂണിയൻ സംവിധാനത്തിൽ മാക്ട ഫെഡറേഷൻ വിനയന്റെ നേതൃത്വത്തിൽ രൂപീകരിച്ചു. സംഘടന ഒരുവിധം ശക്തമായി മുന്നോട്ടുപോകവെ ചില സംവിധായകരുടെ മോശം പ്രവണതകൾക്കെതിരെ വിനയൻ ഒരു യോഗത്തിൽ പറഞ്ഞ വാക്കുകൾ ദിലീപ് ആയുധമാക്കി. യോഗത്തിന്റെ അന്നുരാത്രി മറ്റൊരു പ്രമുഖ സംവിധായകനുമൊത്ത് സംവിധായകൻ ഫാസിലിന്റെ വീട്ടിൽ എത്തിയ ദിലീപ് ആദ്യം ചെയ്തത് ഫാസിലിന് സ്വന്തം ഡേറ്റ് കൊടുക്കുകയായിരുന്നു.

പിന്നീട് നടന്നത് ഫാസിലിനെ കരുവാക്കി എല്ലാവരെയും ഞെട്ടിച്ച് വിനയന്റെ സംഘടന പൊളിക്കുകയായിരുന്നു. മാക്ട ഫെഡറേഷനിൽ നിന്ന് പരമാവധി അംഗങ്ങളെ അടർത്തിമാറ്റിയായിരുന്നു ഫെഫ്ക ഫെഡറേഷന്റെ രൂപീകരണം. ഇതിനെല്ലാം അമ്മയിലെ സൂപ്പർതാരങ്ങളുടെ അനുഗ്രഹാശിസ്സുകളും ഉണ്ടായിരുന്നു. മാക്ട ഫെഫ്കയായതോടെ ആ സംഘടനയിലെ ജനാധിപത്യം അവസാനിച്ചു.

ഇന്ന് സിനിമാസംഘടനകളുടെ അവസ്ഥ പറയുകയാണെങ്കിൽ അമ്മയിലെ ചില പ്രമുഖ താരങ്ങളുടെ താൽപര്യങ്ങൾക്കുവേണ്ടി അവരെ രഹസ്യമായി സഹായിക്കുന്ന ചില നിർമ്മാതാക്കളും, കൈയുംകാലും താങ്ങി താരങ്ങളുടെ പുറകെ നടക്കുന്ന ചില സംവിധായകരും നേതൃത്വം നൽകുന്ന ജനാധിപത്യബോധമില്ലാത്ത ഒരു ചെറിയ ആൾക്കൂട്ടമായി സംഘടനകൾ മാറി. അമ്മയെ മാത്രമല്ല മലയാളസിനിമയെത്തന്നെ സ്വന്തം കൈപ്പിടിയിൽ ഒതുക്കാനാണ് ദിലീപ് എന്നും ശ്രമിച്ചത്. ദിലീപിന്റെ സിനിമകൾ ദിലീപിന്റെ മാത്രം സിനിമകളായി. സംവിധായകനേയും തിരക്കഥാകൃത്തിനേയും ടെക്നീഷ്യനേയും ലൈറ്റ് ബോയിയേയുമെല്ലാം ദിലീപ് തീരുമാനിക്കും. സ്വതന്ത്ര വീക്ഷണമുള്ള സംവിധായകർക്ക് ദിലീപിനെവച്ച് ചിത്രമെടുക്കാനാവില്ല. അഥവാ എടുത്താൽത്തന്നെ അങ്ങേയറ്റം സന്ധി ചെയ്യേണ്ടിവരും. അതിനു തയ്യാറായില്ലെങ്കിൽ വലിയ വില കൊടുക്കേണ്ടിവരും. ഞാനും സംവിധായകൻ തുളസീദാസുമൊക്കെ അതിന്റെ ഇരകളായിരുന്നു.

2007ൽ പ്രമുഖ ബിൽഡറായ കോൺഫിഡന്റ് ഗ്രൂപ്പിന്റെ ബ്രാന്റ് അമ്പാസഡറായിരുന്നു ഞാൻ. ഗ്രൂപ്പിന്റെ എംഡി റോയി എനിക്ക് രണ്ടു സിനിമകൾ ഓഫർ ചെയ്തിരുന്നു. ഒന്ന് ഐതിഹ്യമാലയിൽനിന്ന് അടർത്തിയെടുത്ത, ശ്രദ്ധ പിടിച്ചുപറ്റാവുന്ന ഒരു പ്രമേയമായിരുന്നു. ദിലീപിനെ നായകനാക്കിയാണ് സിനിമ ആലോചിച്ചത്. ഫോണിൽ ദിലീപിനോട് ബന്ധപ്പെട്ടപ്പോൾ ഉദയ്കൃഷ്ണൻ, സിബി കെ. തോമസ് എന്നിവരെയാണ് ഉദ്ദേശിച്ചത്. ജെ. പള്ളാശേരിയെപ്പോലുള്ളവർ പോരെ എന്ന് താൻ ചോദിച്ചു. തനിക്ക് കംഫർട്ടായവർ തിരക്കഥയെഴുതിയാൽ മതിയെന്നായിരുന്നു ദിലീപിന്റെ മറുപടി.

സിനിമയ്ക്കുവേണ്ടി കോൺഫിഡന്റ് ഗ്രൂപ്പിന്റെ ഓഫീസിലെത്തി ദിലീപ് പത്തുലക്ഷവും തിരക്കഥാകൃത്തുക്കൾ ഒന്നരലക്ഷംവീതവും അഡ്വാൻസ് വാങ്ങി. ആഴ്ചകൾ കഴിഞ്ഞു നിർമ്മാതാവ് പറഞ്ഞതനുസരിച്ച് ദിലീപിനെ വിളിക്കുമ്പോൾ ചെയ്യാം ചേട്ടായെന്നത് സ്ഥിരം പല്ലവിയായി. പിന്നീട് തിരക്കഥാകൃത്തുക്കൾ ഫ്രീയല്ലായെന്നായി.

അവരെ വിളിക്കുമ്പോൾ ദിലീപേട്ടൻ ഫ്രീയാകട്ടെ എന്നാവും മറുപടി. പിന്നീട് നടന്നത് സംവിധായകൻ അറിയാതെ ദിലീപ് ബാഗ്ലൂരിലെത്തി നിർമ്മാതാവിനെ കണ്ട് സംവിധായകനെ വെട്ടി പുതിയ സിനിമ മുന്നോട്ടുവച്ചതാണ്. എന്റെ ആ സിനിമാ സ്വപ്നം അവിടെ തീർന്നു.
തുളസീദാസിന് നേരിടേണ്ടിവന്നത് ഇതിനെക്കാൾ വലിയ ദുരന്തമാണ്. ദിലീപിനെ വച്ച് കുട്ടനാടൻ എക്സ്പ്രസ് എന്ന സിനിമയാണ് തുളസീദാസ് പദ്ധതിയിട്ടത്. ലിബർട്ടി ബഷീറിനെ നിർമ്മാതാവായി നിർദ്ദേശിച്ചപ്പോൾ താൽപര്യമെടുത്തില്ല.

മറ്റുചില നിർമ്മാതാക്കളെ മുന്നോട്ടുവച്ചെങ്കിലും അതിനും താൽപര്യമുണ്ടായില്ല. ഒടുവിൽ ഉള്ളാട്ടിൽ ശശിയെ പരിചയപ്പെട്ടു. സിനിമ ചെയ്യാമെന്ന് സമ്മതിച്ചു. പ്രൊഡക്ഷൻ കൺട്രോളർ എ.ആർ.കണ്ണന്റെ സാന്നിധ്യത്തിൽ അഞ്ച് ലക്ഷം അഡ്വാൻസും വാങ്ങി. അഡ്വാൻസ് വാങ്ങുമ്പോൾ തുളസീദാസിനോട് നിർമ്മാതാവിൽനിന്ന് ഒരു 25 ലക്ഷം കൂടി വാങ്ങിനൽകാമോ, ഒരു വസ്തു ഇടപാടിന്റെ രജിസ്ട്രേഷനു വേണ്ടിയാണെന്ന് ദിലീപ് പറഞ്ഞു.

നിർമ്മാതാവിനോട് സംസാരിച്ചപ്പോൾ മൊത്തം തുകയായ 40 ലക്ഷം ഒരുമിച്ചു നൽകിയേക്കാമെന്ന് പറഞ്ഞു. ആറ് മാസത്തിനുള്ളിൽ പടം ചെയ്യണമെന്ന ധാരണയുമുണ്ടാക്കി. എന്നാൽ ദിലീപ് പിന്നീട് ഒഴിഞ്ഞുമാറുകയാണുണ്ടായത്. ആദ്യം നടിയെ മാറ്റി കാവ്യമാധവനെ നായികയാക്കണമെന്ന് ആവശ്യപ്പെട്ടു. പിന്നീട് ക്യാമറാമാൻ ആനന്ദക്കുട്ടനുപകരം അളഗപ്പനെ വേണമെന്ന് ആവശ്യപ്പെട്ടു. സംഗീത സംവിധായകനെ മാറ്റണമെന്ന് ആവശ്യപ്പെട്ടു.

ഇങ്ങനെ ഓരോ ദിവസവും ഓരോരുത്തരെ മാറ്റണമെന്ന് ആവശ്യപ്പെട്ട് സിനിമ നീട്ടിക്കൊണ്ടുപോയപ്പോൾ സഹിക്കെട്ട് തുളസീദാസ് താൻ ഒരു പുതുമുഖ സംവിധായകനല്ലെന്ന് ദിലീപ് മനസ്സിലാക്കണമെന്ന് പറഞ്ഞു.

സിനിമ നീണ്ടതോടെ പണം കിട്ടിയില്ലെങ്കിൽ തുളസീദാസിനെതിരെ കേസ് കൊടുക്കുമെന്ന് നിർമ്മാതാവ് പറഞ്ഞു. ഇക്കാര്യം തുളസീദാസ് ദിലീപിനെയും ദിലീപുമായി ബന്ധപ്പെട്ടവരെയും അറിയിച്ചു. പിന്നീട് തുളസീദാസ് അറിയുന്നത് ദിലീപ് നിർമ്മാതാവ് ഉള്ളാട്ടിൽ ശശിയെ കണ്ട് സംവിധായകനെ വെട്ടി പുതിയ സിനിമയായ ക്രേസി ഗോപാലനുവേണ്ടി ധാരണയുണ്ടാക്കിയെന്നാണ്. നിർമ്മാതാവ് പണം നഷ്ടപ്പെടാതിരിക്കാൻ ദിലീപുമായി സന്ധിചെയ്തു.

ദിലീപിനെതിരെ തുളസീദാസ് മാക്ട ഫെഡറേഷനിൽ പരാതി കൊടുത്തു. പരാതി കൊടുക്കാൻ ഉപദേശിച്ചവരൊന്നും പിന്നീട് ഒപ്പം ഉണ്ടായില്ല. വിനയനെയും കലൂർ ഡെന്നീസിനെയും ബൈജു കൊട്ടാരക്കരയെയുംപോലുള്ള ചുരുക്കംപേർ മാത്രമാണ് ഒപ്പം നിന്നത്. ദിലീപിന്റെ അപ്രമാദിത്വത്തെ മറ്റുള്ളവർ അംഗീകരിച്ചു.

തുളസീദാസിന് അഡ്വാൻസ് നൽകിയ നിർമ്മാതാക്കൾവരെ പിൻവാങ്ങി. തുളസീദാസിന്റെ സിനിമകളിൽ അഭിനയിക്കാൻ താരങ്ങൾ തയ്യാറായില്ല. ദിലീപിനെതിരെ സംസാരിച്ചതിന്റെ പേരിൽ വധഭീഷണിയുണ്ടായി. മൂന്നുവർഷമാണ് സിനിമയില്ലാതെ തുളസീദാസിന് വീട്ടിലിരിക്കേണ്ടിവന്നത്. ഇന്നും തുളസീദാസിന്റെ സിനിമകളിൽ അഭിനയിക്കാൻ പലർക്കും പേടിയാണ്.

സിനിമയിലെ ഈ അടക്കിവാഴൽ തന്നെയായിരുന്നു അമ്മയിലും ദിലീപ് നടത്തിയിരുന്നത്. ദിലീപിന്റെ വാക്കുകൾ തള്ളാൻ ഒരിക്കലും അമ്മയുടെ ഭാരവാഹികൾ ധൈര്യപ്പെട്ടില്ല. അമ്മ എങ്ങനെ പ്രവർത്തിക്കണമെന്ന് തീരുമാനിച്ചിരുന്നതും ദിലീപ് തന്നെയായിരുന്നു. അതുകൊണ്ടുതന്നെയായിരുന്നു ദിലീപിന്റെ വിഷയം വന്നപ്പോൾ ഇന്നസെന്റും മുകേഷും ഗണേശ്‌കുമാറും ദേവനുമെല്ലാം പ്രകോപിതരായതും സൂപ്പർ താരങ്ങൾ മൗനം പാലിച്ചതും.

ഇന്ന് ദിലീപിനെ അമ്മയിൽനിന്ന് പുറത്താക്കിയെന്നു പറയുന്നത് ദിലീപിന്റെ സ്വന്തം തീയേറ്റർ സംഘടനയിൽനിന്ന് ദിലീപിനെ പുറത്താക്കിയെന്നു പറയുന്നതിന് തുല്യമാണ്. ചിലരുടെ നിക്ഷിപ്ത താൽപര്യങ്ങൾക്കുവേണ്ടി നിലകൊള്ളേണ്ടിവന്ന അമ്മയെ മലയാളസിനിമയിൽനിന്ന് പുറത്താക്കണമെന്ന് പറയാൻ ശക്തിയുള്ള ഏതെങ്കിലും ചലച്ചിത്രതാരങ്ങളുടെയോ സാങ്കേതികവിദഗ്ദ്ധരുടെയോ നിർമ്മാതാക്കളുടെയോ കൂട്ടായ്മ ഇന്നുണ്ടാകുമോ. ദിലീപിന്റെ പെറ്റമ്മയാണ് 'അമ്മ'. മറ്റുള്ളവർക്ക് പോറ്റമ്മയും.

കടപ്പാട്: ജന്മഭൂമി

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
മകനെ കാണുന്നില്ലെന്ന് സംശയം പറയുന്നത് രാത്രി പത്തരയ്ക്ക്; വീട്ടിനുള്ളിൽ കയറി പരിശോധനയ്ക്ക് അനുവദിച്ചുമില്ല; പുറകു വശത്തേക്കും ആരേയും വിട്ടില്ല; നാട്ടുകാർ തെരച്ചിൽ നടത്തുമ്പോൾ മൂവരും കതകടച്ച് വീട്ടിനുള്ളിൽ ഉറങ്ങി; ജിത്തു ജോബിന്റെ ക്രൂര കൊലപാതകം അച്ഛനും സഹോദരിയും നേരത്തെ അറിഞ്ഞിരുന്നോ? അമ്മയ്‌ക്കൊപ്പം വീട്ടിലെ മറ്റുള്ളവരേയും സംശയിച്ച് നാട്ടുകാർ; മൃതദേഹം കണ്ടെത്തിയിട്ടും അയൽക്കാരല്ലാതെ ആരും ഞെട്ടിയതുമില്ല; കൊട്ടിയത്തേത് ദൃശ്യം മോഡൽ കൊലപാതകമെന്നുറപ്പിച്ച് സമീപവാസികൾ
നടിയെ ആക്രമിച്ച ദൃശ്യങ്ങൾ പകർത്തിയപ്പോൾ കേട്ട സ്ത്രീ ശബ്ദം ആരുടേത്? എന്തു കൊണ്ട് ആ സ്ത്രീ ശബ്ദം കണ്ടെത്തുകയോ കുറ്റപത്രത്തിൽ ചേർക്കുകയോ ചെയ്തില്ല; കേസിൽ അട്ടിമറി വിജയം നേടാൻ ദിലീപിന് തുറുപ്പു ചീട്ടാവുന്നത് മെമ്മറി കാർഡിലെ സ്ത്രീ ശബ്ദം തന്നെ; നടി തന്നെ ഏർപ്പാടാക്കിയ പീഡനമെന്ന് തെളിയിക്കാനുള്ള ശ്രമവുമായി ദിലീപിന്റെ അഭിഭാഷക സംഘം; ജനപ്രിയ നായകൻ നിയമ പോരാട്ടത്തിന് ഹൈക്കോടതിയിലേക്ക്
സഹതടവുകാർ എഴുന്നേറ്റിട്ടും ഒരാൾ മാത്രം ഇരുന്നു; സെല്ലിൽ അവശനായി കണ്ട അക്ഷയിന്റെ പൊട്ടിക്കരഞ്ഞു കൊണ്ട് പറഞ്ഞത് കേട്ട് ഡിജിപി ശ്രീലേഖ ഞെട്ടി; കൈകാലുകൾ തല്ലിത്തതച്ച ശേഷം ജനനേന്ദ്രിയത്തിൽ ഈർക്കിൽ പ്രയോഗവും ഗരുഡൻ തൂക്കവും കേസിനേയും ദുർബ്ബലമാക്കും; അമ്മയെ കൊലപ്പെടുത്തിയ കേസിൽ അക്ഷയിന് രക്ഷപ്പെടാൻ പഴുതൊരുക്കി കസ്റ്റഡി മർദ്ദനം; സിഐയ്ക്കും ഷാഡോ പൊലീസുകാർക്കും എതിരെ വകുപ്പുതല നടപടി
ആ വിവാഹം തട്ടിപ്പായിരുന്നു എന്നതിന് പുതിയ തെളിവുകളുമായി എൻഐഎ; പിതാവുമായുള്ള കേസിൽ വിജയം ഉറപ്പിക്കാൻ സൈനബ ഡ്രൈവറുടെ സഹായത്തോടെ ഷെഫിനെ വരനായി കണ്ടെത്തി; കോടതിയെ തെറ്റധരിപ്പിക്കാൻ വേണ്ടി വിവാഹ വെബ് സൈറ്റിൽ പരസ്യം നൽകിയത് വിവാഹത്തിന് ശേഷം ഒരാഴ്ച കഴിഞ്ഞ്; ഹാദിയാ കേസിൽ പൊലീസ് പറഞ്ഞതും കോടതി ശരിവച്ചതും അംഗീകരിച്ച് എൻ ഐ എ
ഒരു അമ്മയ്ക്ക് മകനെ ഇത്രയും ക്രൂരമായി കൊലപ്പെടുത്താനാകില്ല; കൊച്ചുമകനുമായി വസ്തു വീതംവയ്ക്കുന്ന കാര്യം സംസാരിച്ചിട്ടു പോലുമില്ല; ജിത്തുവിനെ അമ്മ കൊലപ്പെടുത്താൻ കാരണമായത് വസ്തുഓഹരി തർക്കമല്ലെന്ന് മുത്തച്ഛൻ; പുകമറ നീക്കാൻ ജയമോളെ കസ്റ്റഡിൽ വാങ്ങാനുറച്ച് പൊലീസും; കൊട്ടിയത്തെ കൊലയിൽ ദുരൂഹത കണ്ട് അന്വേഷണ സംഘവും
സേവന പ്രവർത്തനങ്ങൾക്കായി ഇന്നസെന്റും കൂട്ടരും രഹസ്യമായി യോഗം ചേർന്നു; താരങ്ങളുടെ സ്‌റ്റേജ് ഷോയിലൂടെ വീണ്ടും സജീവമാകാൻ ചർച്ച; ഇനി സംഘടനയിലേക്കില്ലെന്ന നിലപാടിൽ ഉറച്ച് ദിലീപ്; മമ്മൂട്ടിക്കും താൽപ്പര്യം കുറഞ്ഞു; പ്രസിഡന്റാകാൻ കരുക്കൾ നീക്കി ഗണേശ് കുമാർ; മധുവിന്റെ പേരും സജീവ ചർച്ചയിൽ; മോഹൻലാലിനെ അധ്യക്ഷനും പൃഥ്വി രാജിനെ ജനറൽ സെക്രട്ടറിയാക്കിയും കൂടിയാലോചന; 'അമ്മ'യിലെ പ്രശ്‌നങ്ങളിൽ ജൂൺ വരെ ആശയക്കുഴപ്പം തുടരും
പതിനാലു വയസ് വരെ വളർത്തിയ മകനെ ഒരു പിടി ചാരമാക്കിയത് സ്വന്തം അമ്മ തന്നെ; വീട്ടു വഴക്കിനെ തുടർന്ന് കൊലപ്പെടുത്തിയ ശേഷം കത്തിക്കുകയായിരുന്നെന്ന് അമ്മ ജയമോളുടെ കുറ്റസമ്മതം; കാലുകൾ രണ്ടും ശരീരത്തിൽ നിന്നും വെട്ടി മാറ്റി; അദ്ധ്യാപകന്റെ പങ്കും പൊലീസ് അന്വേഷിക്കുന്നു; കൊല്ലത്തു നിന്നും മൂന്ന് ദിവസം മുമ്പ് കാണാതായ ജിത്തുവിന്റെ മരണത്തിലെ ദുരൂഹത നീങ്ങുമ്പോൾ ഞെട്ടിത്തരിച്ച് അന്വേഷണ ഉദ്യോഗസ്ഥരും
പെരുമാറ്റ ദൂഷ്യം ചോദ്യം ചെയ്തത് വാക്കേറ്റത്തിന് തുടക്കമിട്ടു; വീട്ടിലിട്ട് കൊന്ന മകന്റെ കാലും കൈയും അറുത്തു മാറ്റി ചാക്കിലാക്കി പെട്രോൾ ഒഴിച്ചു കത്തിച്ചു; ഭാവഭേദങ്ങളൊന്നുമില്ലാതെ പുത്രൻ കാണാതായെന്ന് ഏവരേയും പറഞ്ഞു വിശ്വസിപ്പിച്ചു; കൈയിലെ പൊള്ളൽ സത്യം വിളിച്ചു പറഞ്ഞപ്പോൾ അന്വേഷകരെത്തിയത് കാമുകനായ അദ്ധ്യാപകനിലേക്ക്; സത്യം പുറത്തുവന്നിട്ടും കൂസലില്ലാത്തെ ജയമോൾ; കുണ്ടറയിലെ കൊലയിൽ പ്രതി അമ്മ മാത്രമോ?
കൃത്യം വിവരിക്കുമ്പോൾ മകനെ കുഞ്ഞെന്ന് വിളിച്ച് നിസ്സംഗതയോടെ കുറ്റസമ്മതം; കഴുത്തിൽ ഷാൾ മുറുക്കിയതെങ്ങനെയെന്ന് ഭാവ ഭേദമില്ലാതെ പൊലീസിന് കാട്ടികൊടുത്ത് മൊഴി നൽകൽ; പതിനാലുകാരനെ ഒറ്റയ്ക്ക് കൊന്ന് തള്ളിയ വിവരണം വിശ്വസിക്കാനാവാതെ പൊലീസും; കുണ്ടറയിലെ കൊലയിൽ ജയമോളുടേത് പഠിപ്പിച്ച് പറയിച്ച മൊഴിയോ? ജിത്തു ജോബിന്റെ കൊലയിൽ ശാസ്ത്രീയ തെളിവിനായി കാത്തിരിക്കാൻ തീരുമാനിച്ച് പൊലീസും; അമ്മയുടെ കുറ്റസമ്മത വീഡിയോ കാണാം
വേട്ടക്കാരനും ഇരയും മാത്രമുള്ള വീഡിയോയിൽ വേട്ടക്കാരനു നിർദ്ദേശം നൽകുന്നത് സ്ത്രീ ശബ്ദം! എത്രമനോഹരമായ പീഡനം; ആ 85 ദിവസങ്ങൾക്ക് എണ്ണി എണ്ണി മറുപടി പറയിച്ചിരിക്കുമെന്നും വെല്ലുവിളി; മാർട്ടിന്റെ ചാഞ്ചാട്ടം തുണയാകുന്നത് ദിലീപിന് തന്നെ; നടിയെ കിഡ്‌നാപ്പ് ചെയ്ത കാർ ഡ്രൈവറുടെ മൊഴി മാറ്റത്തിൽ ഞെട്ടി പ്രോസിക്യൂഷനും; എല്ലാം നടന് അനുകൂലമാകുമെന്ന പ്രതീക്ഷയിൽ ആരാധകരും
മൂന്ന് വയസുള്ള മകനെ ജുവല്ലറിയിൽ ഉപേക്ഷിച്ച് പ്രവാസിയുടെ ഭാര്യ ഒളിച്ചോടിയത് ആത്മാർത്ഥ സുഹൃത്തിന്റെ ഭർത്താവിനൊപ്പം; ആതിര വിവാഹിതനായ കാമുകനൊപ്പം നാടുവിട്ടത് ഭർത്താവ് കഷ്ടപ്പെട്ടുണ്ടാക്കിയ പണവും സ്വർണവുമായി; ലിജിനുമായി അടുത്തത് സുഹൃത്തിനൊപ്പം വീട്ടിൽ സ്ഥിരം സന്ദർശകരായതോടെ; സൈബർ സെല്ലിന്റെ സഹായത്തിൽ അന്വേഷണം പുരോഗമിക്കുന്നു
സീറ്റ് കിട്ടിയത് മുൻവശത്ത് ഡൈവറുടെ പിന്നിൽ; ആദ്യം കണ്ണാടിയിലൂടെ നോക്കി ചിരി; പിന്നെ കുപ്പിയിൽ വിരൽ കയറ്റി ആക്ഷനെത്തി; യാത്രയിലുടനീളം രതിവൈകൃതം തുടർന്നപ്പോൾ ദൃശ്യങ്ങൾ മൊബൈൽ ഫോണിൽ പകർത്തി; സോഷ്യൽ മീഡിയ വീഡിയോ എറ്റെടുത്തപ്പോൾ വനിതാ ഡോക്ടറെ അശ്ലീല ആംഗ്യം കാട്ടിയ സ്വകാര്യ ബസ് ഡ്രൈവർക്ക് എട്ടിന്റെ പണി ഉറപ്പായി
പതിനേഴുകാരന്റെ രാത്രികാല വികൃതികൾ നാട്ടുകാർ കൈയോടെ പൊക്കി; പ്രായപൂർത്തിയാകും മുമ്പേ കശുവണ്ടി തൊഴിലാളിയായ യുവതിയുമായി നിക്കാഹ്; മൊഴി ചൊല്ലി വീണ്ടും കെട്ടി; പരസ്ത്രീ ബന്ധത്തിൽ ഉലഞ്ഞ് രണ്ടാം കല്ല്യാണവും; ഓട്ടോ ഓട്ടത്തിനിടെയും സ്ത്രീകളെ വെറുതെ വിട്ടില്ല; ടിപ്പറോട്ടിക്കുമ്പോഴും ഞരമ്പ് രോഗത്തിന് പഞ്ഞിക്കിട്ടു; വനിതാ ഡോക്ടറെ അശ്ലീല ആംഗ്യം കാട്ടി അപമാനിച്ച ബസ് ഡ്രൈവർ നൗഷാദിന്റെ കഥ
ജീവിക്കാൻ പറ്റിയ മികച്ച സമയമാണ്! എല്ലാവരുടേയും തനി നിറം പുറത്തുവന്നു; പോപ്പ്കോണും കഴിച്ച് ഇതെല്ലാം കണ്ട് രസിച്ചിരിക്കുന്നുവെന്ന് പാർവതിയുടെ ട്വീറ്റ് പൊട്ടിത്തെറിയായി; വനിതാ കൂട്ടായ്മയിലെ തർക്കത്തിൽ 'അമ്മ' പക്ഷം പിടിക്കില്ല; കളികൾ അതിരുവിട്ടാൽ എല്ലാം തുറന്നു പറയാനുറച്ച് മഞ്ജു വാര്യരും; മമ്മൂട്ടിയെ തൊട്ടപ്പോൾ ദിലീപിനെ അഴിക്കുള്ളിലാക്കാൻ ഒരുമിച്ച ഡബ്ല്യൂസിസി അകാലചരമത്തിലേക്ക്
പതിനാലു വയസ് വരെ വളർത്തിയ മകനെ ഒരു പിടി ചാരമാക്കിയത് സ്വന്തം അമ്മ തന്നെ; വീട്ടു വഴക്കിനെ തുടർന്ന് കൊലപ്പെടുത്തിയ ശേഷം കത്തിക്കുകയായിരുന്നെന്ന് അമ്മ ജയമോളുടെ കുറ്റസമ്മതം; കാലുകൾ രണ്ടും ശരീരത്തിൽ നിന്നും വെട്ടി മാറ്റി; അദ്ധ്യാപകന്റെ പങ്കും പൊലീസ് അന്വേഷിക്കുന്നു; കൊല്ലത്തു നിന്നും മൂന്ന് ദിവസം മുമ്പ് കാണാതായ ജിത്തുവിന്റെ മരണത്തിലെ ദുരൂഹത നീങ്ങുമ്പോൾ ഞെട്ടിത്തരിച്ച് അന്വേഷണ ഉദ്യോഗസ്ഥരും
അമ്മയെ തലയ്ക്ക് അടിച്ചത് ആക്ഷൻ ഹീറോ ബിജു മോഡലിൽ; സഹോദരിയെ സ്‌കൈപ്പിൽ വിളിച്ചത് ദൃശ്യത്തിലെ ജോർജ് കുട്ടിയുടെ ആവേശത്തിൽ; കൊന്ന ശേഷം കുഴിയിലിട്ട് കത്തിച്ചത് അവിഹിതം ചർച്ചയാക്കി അമ്മ ഒളിച്ചോടിയെന്ന് വരുത്തി തീർക്കാൻ; രണ്ട് ദിവസം ചോദ്യം ചെയ്തിട്ടും കുറ്റബോധവും കൂസലുമില്ലാതെ എഞ്ചിനിയറിങ് കോളേജിലെ ചാത്തൻ കൂട്ടായ്മയുടെ തലവൻ; ക്രൂരകൃത്യം ചെയ്തത് മയക്കുമരുന്നിന്റെ ലഹരിയിലെന്ന് പൊലീസ്; ദീപയുടെ കൊലയിൽ അക്ഷയ് അശോക് ലക്ഷ്യമിട്ടത് എന്ത്?
പെരുമാറ്റ ദൂഷ്യം ചോദ്യം ചെയ്തത് വാക്കേറ്റത്തിന് തുടക്കമിട്ടു; വീട്ടിലിട്ട് കൊന്ന മകന്റെ കാലും കൈയും അറുത്തു മാറ്റി ചാക്കിലാക്കി പെട്രോൾ ഒഴിച്ചു കത്തിച്ചു; ഭാവഭേദങ്ങളൊന്നുമില്ലാതെ പുത്രൻ കാണാതായെന്ന് ഏവരേയും പറഞ്ഞു വിശ്വസിപ്പിച്ചു; കൈയിലെ പൊള്ളൽ സത്യം വിളിച്ചു പറഞ്ഞപ്പോൾ അന്വേഷകരെത്തിയത് കാമുകനായ അദ്ധ്യാപകനിലേക്ക്; സത്യം പുറത്തുവന്നിട്ടും കൂസലില്ലാത്തെ ജയമോൾ; കുണ്ടറയിലെ കൊലയിൽ പ്രതി അമ്മ മാത്രമോ?