1 usd = 69.80 inr 1 gbp = 89.03 inr 1 eur = 79.91 inr 1 aed = 19.00 inr 1 sar = 18.61 inr 1 kwd = 229.95 inr

Aug / 2018
19
Sunday

നെയ്‌മർക്കു വേണ്ടി ആരെങ്കിലും വിളിച്ചോ എന്ന് ആർക്കും ഉറപ്പില്ല; എന്നിട്ടും ബ്രസീലിയൻ താരത്തെ ചികിത്സിക്കാൻ ഏഴംഗ സംഘത്തെ ഒരുക്കി സർക്കാർ

July 10, 2014 | 10:29 AM IST | Permalink



നെയ്‌മർക്കു വേണ്ടി ആരെങ്കിലും വിളിച്ചോ എന്ന് ആർക്കും ഉറപ്പില്ല; എന്നിട്ടും ബ്രസീലിയൻ താരത്തെ ചികിത്സിക്കാൻ ഏഴംഗ സംഘത്തെ ഒരുക്കി സർക്കാർ

സ്വന്തം ലേഖകൻ

തിരുവനന്തപുരം: നെയ്മറിനു ഞവരക്കിഴി വയ്ക്കാഞ്ഞിട്ട് ഉറക്കമില്ലെന്ന് തോന്നുന്നു, സർക്കാരിന്. വീണിടത്തുകിടന്ന് ഉരുളുന്നതും പോര, ചെളിയും വാരി മേലാകെ പൂശുകയാണ്. അല്ലെങ്കിൽ പിന്നെ തിരിച്ചടിച്ച ഒരു പബ്ലിസിറ്റി സ്റ്റണ്ടിനു പിന്നാലെ വീണ്ടും ഇങ്ങനെ പാടുകിടക്കുമോ?

ലോകകപ്പ് മത്സരത്തിനിടെ നട്ടെല്ലിന് പരിക്കേറ്റ ബ്രസീൽ ഫുട്ബോൾ താരം നെയ്മറെ ചികിത്സിക്കാൻ സംസ്ഥാനത്തെ ഏഴ് വിദഗ്ദ്ധ ആയുർവേദ ഡോക്ടർമാരുടെ പാനലിന് രൂപം നൽകി എന്നാണ് പുതിയ വിശേഷം. തിരുവനന്തപുരം ഗവൺമെന്റ് ആയുർവേദ കോളേജ് പ്രിൻസിപ്പൽ ഡോ. പി.കെ. അശോകിന്റെ നേതൃത്വത്തിലാണ് പാനൽ.

കൊളംബിയയുമായുള്ള ലോകകപ്പ് ക്വാർട്ടർ ഫൈനൽ മത്സരത്തിനിടെ നട്ടെല്ലിന്റെ കശേരുക്കൾക്ക് പരിക്കേറ്റ ബ്രസീലിയൻ സ്‌ട്രൈക്കർ നെയ്മർ ഡ സിൽവ സാന്റോസ് ജൂണിയറിന്റെ പരിക്ക് വേഗം ഭേദമാക്കാൻ ആയുർവേദ ചികിത്സയ്ക്ക് സാധ്യതയുണ്ടോ എന്നാരാഞ്ഞ് ബ്രസീലിയൻ ഫുട്‌ബോൾ ഫെഡറേഷൻ കേരള മുഖ്യമന്ത്രി ഉമ്മൻ ചാണ്ടിയുടെ ഓഫീസിലേക്ക് കത്തെഴുതി എന്നായിരുന്നു മനോരമ ന്യൂസ് ലേഖിക ബ്രേക്ക് ചെയ്ത വാർത്ത. വിവിധ ചാനലുകളും പത്രങ്ങളും വാർത്ത ഏറ്റെടുത്തെങ്കിലും പിറ്റേദിവസം ദേശാഭിമാനിയാണ് അപഹാസ്യമായ വാർത്തയുടെ ഉറവിടം വെളിപ്പെടുത്തി, ആവേശക്കമ്മിറ്റിക്കാരെ ഇളിഭ്യരാക്കിയത്.

ഇപ്പോൾ ബ്രസീലിലുള്ള കാലിക്കറ്റ് യൂണിവേഴ്‌സിറ്റിയുടെ ഒരു പഴയ ഫുട്‌ബോൾ കോച്ചിന്റെ തലയിൽ വിരിഞ്ഞ ബുദ്ധിയായിരുന്നു, മുഖ്യമന്ത്രിയുടെ ഓഫീസിൽ നിന്ന് ചോർത്തിക്കിട്ടിയ വാർത്തയായി ചാനലുകൾ ആഘോഷിച്ചത്. നെയ്മറിന് നട്ടെല്ലിനേറ്റ പരിക്ക് ആയുർവേദ ചികിത്സയിലൂടെ മാറ്റാൻ കഴിയുമോയെന്ന് ഈ കോച്ച് ആരോഗ്യവകുപ്പ് സെക്രട്ടറി ഡോ. ഇളങ്കോവനോട് ഇമെയ്ൽ ചെയ്തു ചോദിക്കുന്നത്, ആരും ഏൽപ്പിച്ചിട്ടായിരുന്നില്ല. ഉണ്ടിരുന്ന നായർക്ക് ഉൾവിളി തോന്നി എന്നു പറയുമ്പോലെ, ഒരു ഏർപ്പാട്. ഓർത്തോപീഡിക് സർജൻ കൂടിയായ ഡോ. ഇളങ്കോവൻ കയ്യോടെ ആരോഗ്യമന്ത്രി വി എസ് ശിവകുമാറിനെ ഇക്കാര്യം അറിയിച്ചു. മന്ത്രിയും മുഖ്യമന്ത്രിയും കൂടിയാലോചിച്ച് നെയ്മറിന് ആയുർവേദ ചികിത്സ നൽകാമെന്നു ബ്രസീൽ ഫുട്‌ബോൾ ഫെഡറേഷനെ അറിയിക്കാൻ കലിക്കറ്റ് സർവ്വകലാശാലയുടെ പഴയ കോച്ചിനെ ചുമതലപ്പെടുത്തുകയായിരുന്നു. ഇന്ത്യയുടെ തെക്കേയറ്റത്ത് കേരളമെന്നൊരു ദേശമുണ്ടെന്നും ഇവിടെ കുറേ ബ്രസീൽ ആരാധകരുണ്ടെന്നും കേരളത്തിലെ ആയുർവേദം പേരുകേട്ടതാണെന്നും അറിയാവുന്ന ഏതെങ്കിലും ബ്രസീലുകാർ ഉണ്ടാവുമോ? ഇനി അങ്ങനെ ആർക്കാനും തോന്നിയാൽ തന്നെ, അന്താരാഷ്ട്ര സ്‌പോൺസർമാരുടെയും സ്‌പോർട്‌സ് മെഡിസിൻ സ്‌പെഷ്യലിസ്റ്റുകളുടെയും കണ്ണുവെട്ടിച്ച് ഏതെങ്കിലും നാടൻ ചികിത്സയ്ക്ക് തയ്യാറായി അവരുടെ പ്രധാന താരം ഇവിടെയെത്തുമോ? ഇതൊന്നും ആലോചിക്കാതെയായിരുന്നു, വാർത്ത. എന്നാൽ ബ്രസീൽ ഫുട്‌ബോൾ ഫെഡറേഷന്റെ പ്രതികരണത്തിനു പോലും കാത്തുനിൽക്കാതെ ഈ കത്തിടപാട് ആഘോഷമാക്കിയ മാദ്ധ്യമങ്ങളുടെ വീഴ്ച കേരള സർക്കാർ അവസരമാക്കി മാറ്റി. ആയുർവേദ വിദ്യാഭ്യാസ ഡയറക്റ്റർ ഡോ. കെ ശിവദാസൻ, ആയുർവേദ ഡയറക്റ്റർ ഡോ. അനിത ജേക്കബ്, ആയുർവേദ കോളജ് പ്രിൻസിപ്പൽ ഡോ. പി കെ. അശോകൻ എന്നിവരുമായി മുഖ്യമന്ത്രിയും ആരോഗ്യമന്ത്രിയും കൂടിയാലോചന നടത്തി, സംഭവങ്ങൾക്ക് ഔദ്യോഗിക പരിവേഷവും നൽകി.

ഇപ്പോഴിതാ, ഒട്ടും കൂസാതെ നെയ്മറിനെ ചികിത്സിക്കാൻ ഡോക്ടർമാരുടെ പാനലിനെ തന്നെ തയ്യാറാക്കി നിർത്തിയിരിക്കയാണ്, ആയുർവേദ ഡോക്ടർമാർ. കിട്ടിയ അവസരം മാർക്കറ്റിങ്ങിന് എങ്ങനെ മുതലാക്കണമെന്ന് അവർക്കാരെങ്കിലും പറഞ്ഞുകൊടുക്കേണ്ടതുണ്ടോ? മുതലക്കുഞ്ഞിനെ ആരെങ്കിലും നീന്തൽ പഠിപ്പിക്കേണ്ട കാര്യമില്ലല്ലോ! നെയ്മർക്ക് വിദഗ്ദ്ധ ചികിത്സ നൽകാനുള്ള പരിപൂർണ സംവിധാനം ആയുർവേദ കോളേജിലുണ്ടെന്നാണ് ആയുർവേദ മെഡിക്കൽ സംഘം സർക്കാരിന് നൽകിയ റിപ്പോർട്ട്. നടപടികൾ വിലയിരുത്താൻ സർക്കാർ തലത്തിൽ അഡൈ്വസറി കമ്മിറ്റി രൂപീകരിക്കണമെന്നും മുഖ്യമന്ത്രിക്കും ആരോഗ്യ മന്ത്രിക്കും നൽകിയ റിപ്പോർട്ടിൽ പറയുന്നു. നെയ്മറുടെ പരിക്കിന്റെ സ്‌കെച്ച് ഉൾപ്പെടെ സമ്പൂർണ റിപ്പോർട്ടാണ് സമർപ്പിച്ചത്. നട്ടെല്ലിന്റെ പരിക്ക് ഭേദമാക്കാൻ കിടത്തി ചികിത്സിക്കണം. ആയുർവേദ കോളേജിലെ സുരക്ഷ പോരെങ്കിൽ മാസ്‌കോട്ട് ഹോട്ടലിലോ, സർക്കാർ അതിഥി മന്ദിരത്തിലോ താമസിപ്പിച്ച് ചികിത്സിക്കാം. രോഗിയെ നേരിൽ കണ്ടാലേ ചികിത്സാവിധി നിർണയിക്കാനാവൂ. ചികിത്സാ കാലാവധി ഇപ്പോൾ തീർച്ചപ്പെടുത്താനാവില്ലെന്നും റിപ്പോർട്ടിൽ പറയുന്നു.

നെയ്മർ ഇതൊക്കെ അറിഞ്ഞിട്ടുതന്നെയുണ്ടാവില്ല എന്നതു വേറെ കാര്യം. എങ്കിലെന്താണ്? നെയ്മറുടെ ചെലവിൽ ആളുകളിക്കാൻ കുറേപേർക്ക് ഒരു കാരണമായില്ലേ?

 

സ്വന്തം ലേഖകൻ    
മറുനാടൻ മലയാളി റിപ്പോർട്ടർ

mail: editor@marunadanmalayali.com

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
രക്ഷാപ്രവർത്തനത്തിന് ഹെലികോപ്ടർ എത്തിയാൽ വീടുതകരുമെന്ന് ഭയം; ചെങ്ങന്നൂർ ശ്രീ അയ്യപ്പ കോളേജ് ഹോസ്റ്റലിൽ കുടുങ്ങിയ പെൺകുട്ടികൾക്ക് നേരേ ഒരുകൂട്ടം സ്ത്രീകളുടെ ആക്രമണം; പ്രളയദുരന്തത്തിനിടെയുണ്ടായ സംഭവത്തിൽ ലജ്ജിച്ച് തലതാഴ്‌ത്തി നാട്ടുകാർ; സംഭവത്തിൽ നടുക്കം രേഖപ്പെടുത്തി വ്യോമസേന; കർശന നടപടിയെന്ന് മുഖ്യമന്ത്രി
കൊട്ടിയൂരിൽ ദുരിതാശ്വാസ ക്യാമ്പിൽ എസ്ഡിപിഐ പ്രവർത്തകർ സഹായവുമായി എത്തിയത് പ്രത്യേക ടാഗും യൂണിഫോമും ധരിച്ച്; ദുരിതാശ്വാസ പ്രവർത്തനത്തിന് മതമോ ജാതിയോ രാഷ്ട്രീയമോ അടയാളപ്പെടുത്തുന്ന ചിഹ്നം വേണ്ടെന്ന് പറഞ്ഞ് ഡിവൈഎഫ്‌ഐ പ്രവർത്തകർ; വാക്കേറ്റം അവസാനിച്ചത് ഡിവൈഎഫ്ഐ- എസ്ഡിപിഐ സംഘട്ടനത്തിൽ; മൂന്ന് പേർ പരിക്കേറ്റ് ആശുപത്രിയിൽ; കേരളം കണ്ട ഏറ്റവും വലിയ പ്രളയക്കെടുതിക്കിടയിലും നാണംകെട്ട രാഷ്ട്രീയം കളിച്ച് പാർട്ടികൾ
ആലുവയിലും പറവൂരിലും ജലനിരപ്പ് താഴ്ന്നു; ട്രെയിൻ ഗതാഗതം പുനഃസ്ഥാപിച്ചു തുടങ്ങി; അണക്കെട്ടുകളിൽ എല്ലാം വെള്ളം താഴ്ന്നു; റാന്നിയിൽ വീണ്ടും വെള്ളം ഉയർന്നപ്പോൾ പന്തളത്തെ വെള്ളം താഴ്ന്നില്ല; ചെങ്ങന്നൂരിൽ എന്തു സംഭവിച്ചു എന്നു മാത്രം ഇപ്പോഴും ആർക്കും ഒരു നിശ്ചയവും ഇല്ല; മഴ സാധ്യതയുള്ള എട്ട് ജില്ലകളിൽ യെല്ലോ അലർട്ട്; ഒറ്റപ്പെട്ട നെല്ലിയാമ്പതിയിലേക്ക് ഹെലികോപ്ടറിൽ ഭക്ഷണവും വെള്ളവും എത്തിക്കും
സാഹസികതയുടെ സഹയാത്രികന് കേരളക്കരയുടെ ഒരു ബിഗ് സല്യൂട്ട്; കൊച്ചിയിൽ വമ്പൻ ഹെലികോപ്റ്റർ വീടിന് മുകളിലിറക്കി 26 പേരെ രക്ഷിച്ച് ക്യാപ്റ്റൻ പി. രാജ്കുമാർ; ഓഖി ദുരന്ത സമയത്ത് സാഹസികമായ രീതിയിൽ രക്ഷാപ്രവർത്തനം നടത്തിയതിന് രാജ്യം ശൗര്യചക്ര നൽകി ആദരിച്ചു;ഐഎൻഎസ് ഗരുഡയിലെ ഉദ്യോഗസ്ഥനായ രാജ്കുമാർ പാലക്കാട് സ്വദേശി
ചെങ്ങന്നൂരുകാരെ രക്ഷിക്കാൻ ഏത് ദുരന്തത്തെയും നേരിട്ട് പരിചയമുള്ള 240 അംഗ വിദഗ്ധസംഘം ഒഡീഷയിൽ നിന്നും കേരളത്തിൽ എത്തി; രാജ്യത്തെ എല്ലാ കോൺഗ്രസ് എംഎൽഎമാരും എംപിമാരും ഒരു മാസത്തെ ശമ്പളം നൽകും; കക്ഷി രാഷ്ട്രീയത്തിന് അതീതമായി എല്ലാ സംസ്ഥാനങ്ങളും പണം നൽകി; ഖത്തർ സർക്കാറും ഷാർജ ഭരണാധികാരിയും സഹായം നൽകും
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം
തമിഴ് നാട്ടിലും കർണാടകത്തിലും ആന്ധ്രയിലും പെയ്യാത്ത മഴയെന്ത് കേരളത്തിൽ മാത്രം? 18 മലകളുടെ അധിപനായ ധർമ്മശാസ്താവ് അതിന്റെ പരിശുദ്ധിക്കു കളങ്കം വരുത്തുവാൻ ശ്രമിച്ച അവിശ്വാസികൾക്ക് നൽകുന്ന മുന്നറിയിപ്പാണ് ഈ പെരുമഴ; 18 തികഞ്ഞ സ്ത്രീകളെ കയറ്റാൻ ശ്രമിക്കുന്നവരോട് അയ്യപ്പൻ പറയുന്നത് ആരും തന്നെ കാണാൻ വരേണ്ട എന്നാണ്; ശബരിമല ക്ഷേത്രത്തിൽ ചടങ്ങുകൾ പോലും മുടങ്ങിയതോടെ സ്ത്രീ പ്രവേശന വിഷയം ആയുധമാക്കി വിശ്വാസികൾ; തന്ത്രിക്ക് പോലും എത്താനാകാത്ത അവസ്ഥ സോഷ്യൽ മീഡിയ ചർച്ചയാക്കുമ്പോൾ
ഇടയനോടൊപ്പം ഒരു ദിവസം എന്ന പേരിൽ പ്രാർത്ഥന നടത്തിയും മെത്രാൻ കന്യാസ്ത്രീകളെ പീഡിപ്പിച്ചു; ഒരു ദിവസം എന്ന് പറഞ്ഞാൽ രാത്രിയും ഉൾപ്പെടുമെന്ന് പറഞ്ഞ് അരമനയിലേക്ക് അർദ്ധരാത്രിയും കന്യാസ്ത്രീകളെ വിളിപ്പിച്ചു; പ്രലോഭനങ്ങളിൽ വീഴാത്ത ജലന്ധർ മഠത്തിലെ കന്യാസ്ത്രീകളും പീഡകനെതിരെ മൊഴി കൊടുത്തതോടെ നാണക്കേട് കൊണ്ട് തല താഴുന്നുന്നത് സംരക്ഷിക്കാൻ ശ്രമിച്ച കത്തോലിക്കാ സഭ; കുമ്പസാര രഹസ്യത്തിന് പിന്നാലെ പ്രാർത്ഥനാലയവും ലൈംഗിക ചൂഷണത്തിന് ഉപയോഗിക്കുമ്പോൾ ആശങ്കയോടെ വിശ്വാസികൾ
ആന്റണി പെരുമ്പാവൂർ വേശ്യാലയം നടത്തുന്നത് മോഹൻലാലിന്റെ അറിവോടെയെന്ന വ്യാജ പ്രചരണത്തിലൂടെ ശ്രദ്ധ പിടിച്ചു പറ്റി; പെങ്ങന്മാർക്കെതിരെ കുരച്ചാൽ എസ് എഫ് ഐയെ തകർക്കുമെന്ന് വീമ്പു പറഞ്ഞ് താരമായി; പച്ചത്തെറിയുമായി പരിവാറുകാരെ ആക്രമിച്ചു പുരോഗമന വേഷം കെട്ടി; സൈബർ ഗുണ്ടായിസത്തിന്റെ ഉസ്താദായ കോട്ടയത്തെ വ്യാജ മാധ്യമ പ്രവർത്തകയുടെ ശിങ്കിടിയായി തിളങ്ങി; മയക്കുമരുന്ന് കൈവശം വച്ചതിന് പൊലീസ് പൊക്കിയ 'ആക്കിലപ്പറമ്പൻ' സോഷ്യൽ മീഡിയയിലെ വൈറലുകളുടെ സൃഷ്ടാവ്
'ഇടയനോടൊപ്പം ഒരു ദിവസം' തുടങ്ങിയത് 2014ൽ; 18 കന്യാസ്ത്രീകൾ തിരുവസ്ത്രം ഊരിയത് 'എ ഡേ വിത്ത് ഷെപ്പേഡ്' പ്രാർത്ഥനയ്ക്കിടെ മോശം അനുഭവം ഉണ്ടായപ്പോൾ; സ്വകാര്യമായി ചോദിച്ചപ്പോൾ സത്യം പറഞ്ഞ് മുഴുവൻ കന്യാസ്ത്രീകളും; ക്യാമറയ്ക്ക് മുന്നിൽ മൊഴിയെടുത്തപ്പോൾ ബിഷപ്പിനെ പുണ്യാളനാക്കി രണ്ടു പേരും; മഠത്തിലെ കംപ്യൂട്ടറുകളിലെ ഡിജിറ്റൽ തെളിവുകളും ബിഷപ്പിനെതിര്; ഇനി വേണ്ടത് ബെഹ്‌റയുടെ അനുമതി മാത്രം; ബിഷപ്പ് ഫ്രാങ്കോ മുളയ്ക്കൽ അഴിയെണ്ണാതിരിക്കാൻ നെട്ടോട്ടത്തിൽ
കുതിരാനിൽ കുടുങ്ങി ജയറാം; കഴുത്തറ്റം വെള്ളത്തിൽ നിന്നും നീന്തി രക്ഷപ്പെട്ട് ധർമ്മജൻ; ഉടൻ വരുന്ന വെള്ളത്തെ കാത്ത് ടോവിനോ; മുങ്ങിയ വീടിന്റെ ചിത്രം പങ്കുവച്ച് ജോജു; ദിലീപിന്റെ വീടിന് അടുത്തു വരെ വെള്ളം എത്തി; കായലും കടലും കയറി വീട് പണിത താരങ്ങൾക്കെല്ലാം ആശങ്ക; മല്ലികാ സുകുമാരനെ പോലെ ദുരിതം അറിഞ്ഞവരിൽ അനേകം സിനിമാക്കാർ
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
പ്രസംഗിച്ചു കൊണ്ടിരുന്ന മോഹൻലാലിനെ 'വെടി വെക്കാൻ' നടൻ അലൻസിയറിന്റെ ശ്രമം; ഈർഷ്യ മറച്ചുവെക്കാതെ മോഹൻലാൽ പ്രസംഗം തുടർന്നപ്പോൾ മുഖ്യമന്ത്രിയുടെ ശ്രദ്ധ ക്ഷണിച്ചു സ്‌റ്റേജിലിരുന്ന മന്ത്രി എ കെ ബാലൻ; ഗൗരവം ചോർത്താൻ മുഖ്യമന്ത്രി ചിരിച്ചെങ്കിലും ആർക്കും തമാശ തോന്നിയില്ല; വിരലുകൾ തോക്കുപോലെ ആ്ക്കിയുള്ള വെടിക്ക് ശേഷം സ്‌റ്റേജിലെത്തിയ നടനെ തടഞ്ഞു പൊലീസും സുരക്ഷാ ഉദ്യോഗസ്ഥരും: ചലച്ചിത്ര അവാർഡ്ദാന ചടങ്ങിൽ ഇന്നലെ നടന്നത് നാടകീയ രംഗങ്ങൾ
ജെസ്‌ന കേരളത്തിന് പുറത്ത് ജീവിച്ചിരിക്കുന്നു; മുക്കൂട്ടുതറയിൽ നിന്നുള്ള തിരോധാനം ആസൂത്രിതം; കണ്ടെന്ന കഥകൾ അന്വേഷണം വഴി തെറ്റിക്കാനുള്ള നീക്കത്തിന്റെ ഭാഗം; മടിവാളയിലെ ആശ്രയഭവനിൽ കണ്ടുവെന്ന പ്രചാരണത്തിന് പിന്നിൽ ഒന്നാന്തരം തിരക്കഥ; മറുനാടൻ മുൻപ് സൂചിപ്പിച്ച വഴിയിലൂടെ പൊലീസിന്റെ അന്വേഷണ സംഘം നീങ്ങുമ്പോൾ പുറത്തു വരുന്ന സൂചനകളെല്ലാം ഇനി ജെസ്‌നയിലേക്ക് അധികദൂരമില്ലെന്ന് തന്നെ
സിനിമ മോഹം തലയ്ക്ക് പിടിച്ച ശ്രീകുമാർ മേനോൻ മാസം ഒരുകോടി രൂപ വരുമാനം ഉണ്ടായിരുന്ന സ്വന്തം സ്ഥാപനത്തെ കൈവിട്ടു; കല്യാണുമായി തെറ്റിയതോടെ വരുമാനം നിലച്ച ശ്രീകുമാറിന്റെ പുഷ് കടം കയറി പാപ്പർ ഹർജിയിൽ വരെ എത്തി; ശമ്പളം പോലും ലഭിക്കാതായതോടെ ജീവനക്കാരെല്ലാം സ്ഥലം വിട്ടു; രണ്ടാമൂഴം ഉറപ്പില്ലാതിരിക്കെ ഒടിയൻ കൂടി പൊളിഞ്ഞാൽ എന്താകുമെന്ന് അറിയാതെ ദിലീപ്-മഞ്ജു തർക്കത്തിലൂടെ ശ്രദ്ധ നേടിയ സംവിധായകൻ
ചൂടുണ്ടെന്ന് അറിയാതെയാ അമ്മ ഗ്യാസിന് മുകളിൽ വച്ച ചട്ടുകം കാലിൽ വച്ചത്; കാലു വേദനിച്ചപ്പോ അമ്മ തേൻ പുരട്ടി തന്നിട്ട് ആരോടും പറയല്ലേ എന്ന് പറഞ്ഞു; അടിക്കുകയും പിച്ചുകയും ചെയ്യുമെങ്കിലും അമ്മയോടെനിക്ക് ദേഷ്യമൊന്നുമില്ല; കിടക്കയിൽ മൂത്രമൊഴിച്ചതിന് രണ്ടാനമ്മ ചട്ടുകം പഴുപ്പിച്ച് പൊള്ളിച്ച രണ്ടാം ക്ലാസ്സുകാരിയുടെ മൊഴിയിൽ പൊലീസും കരഞ്ഞു
അരുൺ ഗോപിയും ടോമിച്ചൻ മുളകുപാടവും ചേർന്ന് മലയാളികളെ മുഴുവൻ ഒറ്റ ദിവസം കൊണ്ട് വിഡ്ഢികളാക്കിയോ? പ്രണവ് മോഹൻലാൽ സിനിമയുടെ പ്രമോഷനായി ഒരുക്കിയ നാടകം ആയിരുന്നു ഹനയുടെ മീൻ വില്പനയെന്ന് ആരോപിച്ച് തെളിവുകൾ നിരത്തി അനേകം പേർ; സിനിമക്കാർ കുഴിച്ച കുഴിയിൽ മാതൃഭൂമി ലേഖകൻ ഒറ്റയ്ക്ക് വീഴുകയും പിന്നാലെ മനോരമ മുതൽ മറുനാടൻ വരെ സർവ്വ മാധ്യമങ്ങളും ഒരുമിച്ച് വീഴുകയും ചെയ്തെന്ന് വാദിച്ച്‌ സോഷ്യൽ മീഡിയ
ഗണേശിന്റെ 'ഇടവേളക്കളി' വേണ്ടെന്ന് തറപ്പിച്ച് പറഞ്ഞ് മോഹൻലാൽ; പത്തനാപുരത്തെ എതിരാളിയെ ഒപ്പം നിർത്തി ശുദ്ധീകരണം; ഇനി ജഗദീഷിന് കൂടുതൽ റോൾ; ഡബ്ല്യൂസിസിയെ തകർക്കാൻ വനിതാ സെൽ ഉണ്ടാക്കുന്നത് മഞ്ജു വാര്യരുടെ മനസ്സറിഞ്ഞ്; പൃഥ്വിരാജിനെ ഒപ്പം നിർത്താൻ ഭേദഗതികൾ; ചട്ടങ്ങൾ മാറ്റി ദിലീപിനെ സംഘടനയ്ക്ക് പുറത്ത് നിർത്തും; താരസംഘടനയിൽ ഒടുവിൽ ലാൽ പിടിമുറുക്കുമ്പോൾ
മോഹൻലാലിനെ 'വെടി വെക്കാൻ' ശ്രമിച്ച നടൻ അലൻസിയറിനെ എഎംഎംഎയിൽ നിന്നും പുറത്താക്കിയേക്കും; താരസംഘടനയുടെ അധ്യക്ഷനെ പൊതുവേദിയിൽ പരസ്യമായി അധിക്ഷേപിച്ചത് വെച്ചു പൊറുപ്പിക്കില്ലെന്ന് ഭാരവാഹികൾ; കാരണം കാണിക്കൽ നോട്ടീസ് നൽകി നടപടി സ്വീകരിക്കാൻ നീക്കം; സ്റ്റേജിലേക്ക് കൈചൂണ്ടിയതാണെന്നും മോഹൻലാലിനെതിരെ 'കൈതോക്ക്' പ്രയോഗിച്ചിട്ടില്ലെന്നും വിശദീകരിച്ച് അലൻസിയറും
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം