1 aed = 17.67 inr 1 eur = 72.68 inr 1 gbp = 84.26 inr 1 kwd = 213.81 inr 1 sar = 17.31 inr 1 usd = 64.89 inr
May / 2017
28
Sunday

പിണറായിയുടെ വാക്കിനല്ല, പാർട്ടി കോടതിയുടെ തീർപ്പിനാണ് വിലയെന്ന് പറഞ്ഞ് ആർഎസ്എസ് നേതാക്കൾ; കേന്ദ്രഭരണം കൊണ്ട് പകരം വീട്ടണമെന്ന് സൈബർ അണികളുടെ വികാരം; സിപിഎമ്മിനെ 'കൊലയാളി പാർട്ടി'യാക്കാൻ ദേശീയതലത്തിൽ പ്രചരണം ശക്തമാക്കും; കൊലയ്ക്കു മറുപടി കൊലയുമായി കണ്ണൂർ രാഷ്ട്രീയം വീണ്ടും കലുഷിതമാകുമ്പോൾ സമാധാന ചർച്ചകളെല്ലാം പ്രഹസനം

May 13, 2017 | 10:14 PM | Permalink



മറുനാടൻ മലയാളി ബ്യൂറോ

കണ്ണൂർ: ഈ വാർത്തയ്‌ക്കൊപ്പം കൊടുത്തിരിക്കുന്ന ചിത്രം ഏതാനും മാസങ്ങൾക്ക് മുമ്പ് കണ്ണൂർ കലുഷിതമായപ്പോൾ തിരുവനന്തപുരം മസ്‌ക്കറ്റ് ഹോട്ടലിൽ വെച്ച് മുഖ്യമന്ത്രി വിളിച്ചു ചേർത്ത സമാധാന യോഗത്തിന്റേതാണ്. ബിജെപി - സി.പി.എം നേതാക്കൾ ഒരുമിച്ചിരുന്നു ചിരിച്ചു കൊണ്ട് കണ്ണൂരിലെ കൊലപാത രാഷ്ട്രീയത്തെ കുറിച്ച് ചർച്ച ചെയ്തു. ഇനി സമാധാനം എന്ന് പറഞ്ഞുറപ്പിച്ച് ചായയും കഴിച്ച് കൈകൊടുത്തു പിരിഞ്ഞു. എന്നാൽ, ഈ സമാധാന യോഗം നടന്ന് മാസങ്ങൾ പിന്നിടവേ കണ്ണൂരിൽ വീണ്ടും ചോരവീണു. ആർഎസ്എസ് മണ്ഡലം കാര്യവാഹകായ ബിജുവാണ് ഇന്നലെ കൊലചെയ്യപ്പെട്ടത്. ആസൂത്രിതമായ കൊലപാതകമാണ് നടന്നതെന്ന കാര്യം വ്യക്തം. ഭരിക്കുന്ന പാർട്ടിയായ സിപിഎമ്മിനെ തന്നെയാണ് ഈ രാഷ്ട്രീയ കൊലപാതകം ഏറ്റവും അധികം ക്ഷീണിപ്പിക്കുന്നത് എന്നതാണ് മറ്റൊരു വാസ്തവം.

സി.പി.എം പ്രാദേശിക നേതാക്കൾ പോലും അറിവില്ലാതെയാണ് ഈ കൊലപാതകം നടന്നിരിക്കുന്നതെന്നാണ് കണ്ണൂരിലെ നേതാക്കൾ പറയുന്നത്. അതേസമയം സിപിഎമ്മിന്റെ അറിവോടെ നടന്ന ആസൂത്രിത കൊലപാതകമെന്ന പ്രചരണം ബിജെപിയും ശക്തമാക്കിക്കഴിഞ്ഞു. ഇതോടെ ദേശീയ തലത്തിൽ സിപിഎമ്മിനെ 'കൊലയാളി പാർട്ടി'യാക്കാനുള്ള ശ്രമങ്ങൾ ബിജെപി ശക്തമാക്കുമെന്നത് ഉറപ്പാണ്. മുഖ്യമന്ത്രി പിണറായി വിജയൻ നൽകുന്ന ഉറപ്പുകളല്ല, സി.പി.എം പാർട്ടിക്കോടതികളുടെ തീർപ്പുകൾക്കാണ് കണ്ണൂരിലെ പാർട്ടി ഗ്രാമങ്ങളിൽ വിലയെന്ന് തെളിയിക്കുന്നതാണ് ബിജുവിന്റെ കൊലപാതകം എന്ന വിധത്തിൽ പ്രചരണങ്ങൾ ശക്തമാക്കി കഴിഞ്ഞു സംഘപരിവാർ നേതാക്കൾ.

കണ്ണൂരിൽ ഇപ്പോഴത്തെ കൊലപാതകത്തിന് പിന്നിൽ ആരായാലും ഈ നാട്ടിൽ വിതച്ചിരിക്കുന്നത് അശാന്തി തന്നെ. അടുത്തിടെ മുഖ്യമന്ത്രി വിളിച്ചു ചേർത്ത സമാധാന യോഗത്തിലെ പ്രഖ്യാപനങ്ങളിലെ മഷി ഉണങ്ങുന്നതിന് മുൻപ് നടന്ന കൊലപാതകം സർക്കാരിന് തീരാകളങ്കമാകുമെന്നതിൽ തർക്കമില്ല. ആർഎസ്എസ് നേതാവായ ബിജു ഇന്നലെ പട്ടാപ്പകൽ കൊല ചെയ്യപ്പെട്ടതോടെ കണ്ണൂരിലെ അക്രമ രാഷ്ട്രീയം വീണ്ടും തലപൊക്കിയിരിക്കുകയാണ്.

മുഖ്യമന്ത്രിയുടെ സാന്നിധ്യത്തിൽ ആദ്യം തിരുവനന്തപുരത്ത് ബിജെപി-ആർഎസ്എസ് നേതാക്കളുമായി ചർച്ച. തൊട്ടടുത്ത ദിവസം കണ്ണൂരിൽ നടന്ന സമാധാനചർച്ച. അതുകഴിഞ്ഞ് കണ്ണൂരിനെ സമാധാന ജില്ലയാക്കുമെന്ന മുഖ്യമന്ത്രിയുടെ പ്രഖ്യാപനം. എല്ലാം ഇന്നലെയോടെ വെറുതേയായി. പിണറായി വിജയനെന്ന കേരളത്തിന്റെ മുഖ്യമന്ത്രിക്കപ്പുറം കാര്യങ്ങൾ തീരുമാനിക്കാൻ കണ്ണൂരിൽ മറ്റ് പലരുമുണ്ടെന്ന് തെളിയിക്കുന്ന സംഭവമാണ് ഇന്നലെ നടന്നത്.

പയ്യന്നൂരിലെ സി.പി.എം പ്രവർത്തകനായിരുന്ന ധനരാജിനെ കൊലപ്പെടുത്തിയ കേസിലെ പ്രതികൾക്ക് മാപ്പില്ലെന്ന് സി പി എമ്മിന്റെ സൈബർപോരാളികൾ അടുത്തിടെ പ്രഖ്യാപിച്ചിരുന്നു. അവരുടെ പ്രഖ്യാപനത്തിന്റെ അനന്തരഫലമാണോ ഇന്നലെ നടന്ന കൊലപാതകമെന്നും പരിശോധിക്കപ്പെടേണ്ടതുണ്ട്. ഈ കേസിൽപ്പെട്ട് ജാമ്യത്തിലിറങ്ങിയ പ്രതികളുടെയെല്ലാം ജീവൻ ഭീഷണിയിലാണെന്ന് പൊലീസിനറിയാമായിരുന്നു. അതുകൊണ്ടു തന്നെ ഇവരുടെ വീടുകൾക്ക് പൊലീസ് സംരക്ഷണമേർപ്പെടുത്തുകയും ചെയ്തിരുന്നു. എന്നാൽ ഏതാനും ദിവസം മുമ്പ് പൊലീസ് കാവൽ പിൻവലിച്ചിരുന്നു. ഇതിനി പാന്നാലെയാണ് ബിജു കൊല്ലപ്പെട്ടത്. ധനരാജ് കൊലക്കേസിലെ പന്ത്രണ്ടാം പ്രതിയായിരുന്നു ബിജു.

പട്ടാപ്പകൽ ഇന്നോവ കാറിലെത്തിയ സംഘം ബിജുവിനെ ഇടിച്ചുവീഴ്‌ത്തിയശേഷം മാരകായുധങ്ങൾകൊണ്ട് വെട്ടുകയായിരുന്നു. കഴുത്തിന് ആഴത്തിൽ മുറിവേറ്റ ബിജു സംഭവസ്ഥലത്ത് തന്നെ രക്തം വാർന്ന് മരിക്കുകയും ചെയ്തു. പിണറായി വിജയന്റെ നേതൃത്വത്തിലുള്ള ഇടത് സർക്കാർ അധികാരത്തിലെത്തിയശേഷം കണ്ണൂരിൽ നടക്കുന്ന ഏഴാമത്തെ കൊലപാതകമായിരുന്നു ബിജുവിന്റേത്. ജനുവരിയിൽ സംസ്ഥാന സ്‌കൂൾ കലോൽസവം കണ്ണൂരിൽ നടക്കുമ്പോഴായിരുന്നു കലോൽസവ നഗരി പോലും വിലാപയാത്രയ്ക്കു വേദിയാക്കുന്ന രീതിയിൽ അണ്ടല്ലൂരിലെ ബിജെപി പ്രവർത്തകൻ സന്തോഷിനെ കൊലപ്പെടുത്തിയിരുന്നു.

എല്ലാ രാഷ്ട്രീയ വൈരങ്ങളും മാറ്റിവെച്ച് സി പി എം ജില്ലാ സെക്രട്ടറി പി ജയരാജനടക്കം കൊല്ലപ്പെട്ട ബിജെപി പ്രവർത്തകന്റെ വീട്ടിൽ കുടുംബത്തെ ആശ്വസിപ്പിച്ചപ്പോൾ കണ്ണൂരിന്റെ ചിത്രം മാറുകയാണെന്ന പ്രതീക്ഷ ഉയർന്നതാണ്. പിന്നീട് സമാധാനയോഗത്തിലെ മുഖ്യമന്ത്രിയടക്കമുള്ളവരുടെ പ്രഖ്യാപനങ്ങൾ കുറേക്കൂടി പ്രതീക്ഷ പകർന്നു. എന്നാൽ എല്ലാം അഭിനയങ്ങളാണെന്ന് വ്യക്തമായി. പാർട്ടിയിലെ ക്രിമിനൽ സംഘങ്ങൾക്കു മേലെ ഒരു നിയന്ത്രണവും കേരളത്തിലെ മുഖ്യമന്ത്രിക്കില്ലെന്ന് ഒന്നുകിൽ കരുതണം. അതല്ലെങ്കിൽ കൊലയാളി സംഘങ്ങൾക്ക് കണക്കുതീർക്കാൻ കേരളത്തിന്റെ മുഖ്യമന്ത്രി മൗനാനുവാദം നൽകുന്നുവെന്ന് കരുതണം. രണ്ടിലേതായാലും അത് കേരളത്തിന്റെ ശാപം തന്നെ.

2016 ജൂലൈയിലാണ് രാമന്തളി കുന്നരുവിൽ സി പി എം പ്രവർത്തകൻ ധനരാജ് കൊല്ലപ്പെട്ടത്. മണിക്കൂറുകൾക്കകം ഇതിന്റെ പ്രതികാരമായി അന്നൂരിലെ വീട്ടിൽ ഉറങ്ങിക്കിടക്കുകയായിരുന്ന ഓട്ടോഡ്രൈവറും ബിജെപി പ്രവർത്തകനുമായ രാമചന്ദ്രനെ സി പി എമ്മുകാർ വെട്ടിക്കൊലപ്പെടുത്തി. ധൻരാജിന്റെ കൊലപാതകത്തിനുള്ള പ്രതികാരമായാണ് കൊലപാതകം നടന്നിരിക്കുന്നത് എന്നാണു പ്രാഥമിക വിവരം. ബിജു കൊല്ലപ്പെടുമ്പോൾ കൂടെ യാത്ര ചെയ്തിരുന്ന സുഹൃത്ത് രാജേഷിന്റെ മൊഴിയിൽ ഏഴുപേർക്കെതിരെ കേസെടുത്ത് പൊലീസ് അന്വേഷണം തുടങ്ങി. ധൻരാജ് വധത്തിനു പിന്നിലെ പ്രധാന ബുദ്ധികേന്ദ്രം ചൂരക്കാട്ട് ബിജുവാണെന്ന നിലയിൽ പൊലീസ് കേസന്വേഷണം നടന്നുവരവെയാണ് കൊലപാതകം നടന്നിരിക്കുന്നത്. കണ്ണൂരിലെ സമാനമായ കൊലപാതകങ്ങളുടെ സ്വഭാവവും സൂചിപ്പിക്കുന്നത് ഇപ്പോൾ നടന്നിരിക്കുന്നത് പ്രതികാരക്കൊലയാണെന്നാണ്.

പിണറായി സർക്കാർ അധികാരത്തിലെത്തിയതിന്റെ ഒന്നാം വാർഷികമാണ് അടുത്തു വരുന്നത്. അതിനിടയിൽ കണ്ണൂർ ജില്ലയിൽ മാത്രം എട്ട് രാഷ്ട്രീയ കൊലപാതകങ്ങളാണ് നടന്നത്. തെരഞ്ഞെടുപ്പ് ഫലം പുറത്തു വന്ന ദിവസം മുഖ്യമന്ത്രിയുടെ മണ്ഡലത്തിൽ സി.പി.എം പ്രവർത്തകൻ രവീന്ദ്രൻ കൊല്ലപ്പെട്ടു. പിന്നീട് പടുവിലായിയിലെ കള്ളുഷാപ്പ് തൊഴിലാളി മോഹനൻ കൊല്ലപ്പെട്ടു. തില്ലങ്കേരിയിൽ ബിജെപി പ്രവർത്തകൻ വിനീഷും പിണറായിയിൽ ബിജെപി പ്രവർത്തകൻ രമിത്തും വെട്ടേറ്റു മരിച്ചു. പയ്യന്നൂരിൽ സി പി എം പ്രവർത്തകൻ ധനരാജും തൊട്ടു പിന്നാലെ ബിജെപി പ്രവർത്തകൻ രാമചന്ദ്രനും കൊല്ലപ്പെട്ടു. കഴിഞ്ഞ ജനുവരിയിൽ ബിജെപി പ്രവർത്തകൻ അണ്ടല്ലൂരിലെ സന്തോഷ് കൊല്ലപ്പെട്ടു. ഇന്നലെ ബിജെപി പ്രവർത്തകൻ ബിജുവും.

ഇപ്പോഴത്തെ കൊലപാതകത്തോടെ ജില്ലയിൽ സമാധാന അന്തരീക്ഷം വീണ്ടും കലുഷിതമായിരിക്കയാണ്. കണ്ണൂരിൽ സർക്കാരിന്റെ സമാധാന ശ്രമങ്ങൾ ആത്മാർത്ഥമല്ലെന്ന് ആർഎസ്എസ് പ്രാന്തകാര്യവാഹ് പി.ഗോപാലൻകുട്ടി മാസ്റ്റർ പരസ്യമായി പ്രതികരിച്ചു കഴിഞ്ഞു. പൊലീസിന്റെ ഒത്താശയോടെയാണ് ആർഎസ്എസ് പ്രവർത്തകന്റെ കൊലപാതകം നടന്നിരിക്കുന്നത്. ആർഎസ്എസ് പുലർത്തുന്ന സംയമനം ദൗർബല്യമായി കാണരുതെന്നും ഗോപാലൻകുട്ടി മാസ്റ്റർ പ്രതികരിച്ചു. അതേസമയം, കണ്ണൂരിലെ സംഘർഷ മേഖലകളിൽ അഫ്സ്പ പ്രയോഗിക്കണമെന്ന് ഒ.രാജഗോപാൽ എംഎൽഎ ആവശ്യപ്പെട്ടു. ഇതുസംബന്ധിച്ച് ഗവർണർക്ക് നിവേദനം നൽകിയിട്ടുണ്ട്. സംസ്ഥാനത്ത് പൊലീസിനെ നിയന്ത്രിക്കുന്നത് കണ്ണൂരിലെ സി.പി.എം നേതൃത്വമാണെന്നും അദ്ദേഹം പറഞ്ഞു.

ഇപ്പോഴത്തെ കൊലപാതകത്തോടെ കേന്ദ്രഭരണം ഉപയോഗിച്ച് സിപിഎമ്മിനോട് പ്രതികാരം ചെയ്യണമെന്ന ആവശ്യവും സൈബർ ലോകത്ത് ബിജെപി അണികൾ ഉയർത്തിക്കഴിഞ്ഞു. കേരളത്തിൽ ഭരണം പിടിക്കാൻ അരയും തലയും മുറുക്കി അമിത്ഷായുടെ നേതൃത്വത്തിൽ രംഗത്തിറങ്ങുമ്പോൾ രാഷ്ട്രീയ കൊലപാതകങ്ങൾ പാർട്ടിക്ക് പങ്കില്ലെങ്കിൽ കൂടി മുഖ്യമന്ത്രിക്കും സിപിഎമ്മിനും അത് തിരിച്ചടിയാകുമെന്നത് ഉറപ്പാണ്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഹിസ്ബുൾ മുജാഹിദ്ദീൻ കമാണ്ടർ സബ്‌സർ ഭട്ട് അടക്കം പത്തുകൊടുംഭീകരരെ സൈന്യം വധിച്ചത് 24 മണിക്കൂർ കൊണ്ട്; പാക് പിന്തുണയോടെ യുവാക്കളും വിദ്യാർത്ഥികളും അടക്കം ആയിരങ്ങൾ സേനയ്‌ക്കെതിരെ പ്രതിഷേധവുമായി തെരുവിൽ; പാക് അനുകൂല മുദ്രാവാക്യങ്ങൾ ഉയർത്തി തെരുവുകൾ നിറയെ പ്രകടനങ്ങൾ; കാശ്മീർ കനത്ത സംഘർഷത്തിലേക്ക്
സാധാരണക്കാരന്റെ ഇഷ്ടഭക്ഷണമായ ബീഫ് നിരോധിക്കുകയെന്ന പൊട്ടത്തരമൊന്നും ഭരണകൂടം ചെയ്യില്ല; ബീഫ് നിരോധിച്ചേ... ഫാസിസം വന്നേ... എന്നു നിലവിളിക്കുന്നതിനു പകരം തലകുലുക്കി നോക്കാൻ ഭരണകർത്താക്കൾ തയാറാകണം; കന്നുകാലികളെ വാങ്ങി ലങ്കയിലേക്കോ കമ്യൂണിസ്റ്റ് ചൈനയിലേക്കോ കയറ്റി അയച്ച് കൊന്ന് ടിന്നുകളിൽ സംസ്‌കരിച്ച് ഇറക്കുമതി ചെയ്ത് കേന്ദ്ര നിയമത്തെ മറികടക്കാമെന്നും ജോയ് മാത്യു
സോഷ്യൽ മീഡയിയിൽ കളംനിറഞ്ഞ് ബീഫ് നിരോധനം; ട്രോളുകളിൽ അഞ്ഞൂറാൻ മുതൽ ആടു തോമവരെ; ബീഫ് ഫെസ്റ്റിവലുകൾ നടത്താൻ മത്സരിച്ച് ഇടുതും വലതും; നെഹ്രു പാസാക്കിയ നിയമം സുപ്രീംകോടതി നിർദ്ദേശപ്രകാരം നടപ്പാക്കുന്നുവെന്നു വിശദീകരിക്കുന്ന വീഡിയോ പ്രചരിപ്പിച്ച് ബിജെപി; ബൽറാമിനു മറുപടിയുമായി സുരേന്ദ്രൻ; കേന്ദ്ര വിജ്ഞാപനത്തിൽ അങ്കത്തട്ടായി കേരളം
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ
വീട്ടിൽ പട്ടിണി കിടക്കുമ്പോഴും പാലും പഴവും കഴിച്ച് സ്വാമി കൊഴുത്തു; അമ്മയും അച്ഛനും സ്വാമിയുടെ അടിമകളായപ്പോൾ മറ്റൊരു നിവൃത്തിയുമില്ലാതെ കിടക്ക വിരിക്കേണ്ടി വന്നു; പീഡനം അക്രമം ആയി മാറിയപ്പോൾ ഇനി മറ്റൊരു പെൺകുട്ടിക്കും ഈ ദുരന്തം ഉണ്ടാകാതിരിക്കാൻ ജനനേന്ദ്രിയം തന്നെ മുറിക്കാൻ ഉറച്ചു; പെൺകുട്ടി പൊലീസിനോട് വിവരിച്ചത് ഇങ്ങനെ
കടമായി നൽകിയ 20 ലക്ഷം തിരിച്ചു ചോദിച്ചത് പ്രശ്‌നമായി; വീട്ടുകാർ ഉറക്കമായപ്പോൾ കിടപ്പുമുറിയിലേക്ക് വിളിച്ചുവരുത്തി; ആപ്പിൾ മുറിക്കാനുള്ള കത്തി കഴുത്തിൽ ചേർത്ത് വഴങ്ങണമെന്ന് ഭീഷണിയും; പിടിവലിക്കൊടുവിൽ കത്തി കൈക്കലാക്കി ജനനേന്ദ്രിയത്തിൽ പിടിച്ച് കുറുകേ മുറിച്ചെന്ന് മൊഴി; ഗംഗേശാനന്ദ കോടിപതി ആയതിന്റെ പൊരുൾ തേടി പൊലീസ്
പുഴയിൽ കുളിച്ചു കയറിയ പതിനാറുകാരന് ആദ്യമുണ്ടായത് തലവേദന; കോട്ടയത്തെ ആശുപത്രിയിൽ വച്ചു മരണം; മണിമലയാറ്റിലെ കുളിക്കിടയിൽ പുഴവെള്ളത്തിൽ നിന്ന് മൂക്കിലൂടെയോ വായിലൂടെയോ ശരീരത്തിലെത്തിയത് അമീബിക് അണുബാധയുണ്ടാക്കിയതു മരണകാരണം; എരുമേലിയിലുണ്ടായത് ലോകത്തുതന്നെ അപൂർവമായ മരണം; നാടിനാകെ ദുരന്തമുന്നറിയിപ്പ്
നടിമാർ പുതിയ സംഘടന പ്രഖ്യാപിച്ചത് 'അമ്മ' അറിയാതെ; സംഘടനാ വിരുദ്ധ പ്രവർത്തനത്തിന് നടപടി എടുക്കണമെന്ന് താര നേതാക്കൾ; മഞ്ജുവും കൂട്ടരും മുഖ്യമന്ത്രിയെ സന്ദർശിച്ചത് ടിവിയിൽക്കണ്ട് ഞെട്ടി ഇടത് എംപി ഇന്നസെന്റ് ഉൾപ്പെടെയുള്ള താരങ്ങൾ; 'വുമൺ കളക്ടീവി'ന് ഒപ്പമെന്ന സന്ദേശം നൽകി പൃത്ഥ്വിരാജും ന്യൂജെൻ താരങ്ങളും; പിളർപ്പിന്റെ വക്കിൽ താരസംഘന
കഥകളി പഠിച്ചതിനും തട്ടമിടാത്തതിനും മഹല്ലിലും നാട്ടിലും ഒറ്റപ്പെടുത്തി; ഉമ്മ മരിച്ചപ്പോൾ ഖബർസ്ഥാനിൽ അടക്കാൻ സമ്മതിച്ചില്ല; നടന്നുപോകുമ്പോൾ കുശുകുശുക്കുന്നവർ ഇപ്പോഴുമുണ്ട്; ചെന്നൈയിൽ പോയി പഠിക്കാൻ സഹായിച്ചത് സ്പീക്കർ ശ്രീരാമകൃഷ്ണൻ; വിലക്കിയവർക്ക് ഒന്നാം റാങ്കിലൂടെ മറുപടി; മൻസിയ മറുനാടൻ മലയാളിയോട് മനസു തുറക്കുന്നു
ലൗ ജിഹാദിന്റെ സൂത്രധാരൻ; ഹിന്ദു ഹെൽപ്പ് ലൈനിന്റെ മുന്നണി പോരാളി; എസ് എൻ ഡി പി-ബിജെപി കൂട്ടുകെട്ടിന്റെ സൂത്രധാരൻ; കേരളാ ഹൗസിലെ ബീഫ് വിവാദം ആളിക്കത്തിച്ച് വിവാദ നായകൻ; കുമ്മനത്തെ അധ്യക്ഷനാക്കിയ തന്ത്രശാലി; വെള്ളാപ്പള്ളിക്കും അമൃതാന്ദമയിക്കും കരിമ്പൂച്ചകളെ ഒരുക്കിയ പ്രതീഷ് വിശ്വനാഥനെന്ന 'സൂപ്പർ പവറിന്റെ' കഥ
വി എസ് എന്ന് ദേഹത്ത് എഴുതി സിറ്റിയിലൂടെ ബൈക്ക് ഓടിച്ചു; ഹക്കിം ഷായെ വടിവാളു കൊണ്ടു വെട്ടിയെന്നും ആരോപണം; ഓംപ്രകാശും പുത്തൻപാലം രാജേഷും കൂട്ടുകാർ; കാക്കികുപ്പായം നൽകരുതെന്ന് വിലക്കി ഇന്റലിജൻസ്; ചെന്നിത്തല വിശാലനായപ്പോൾ സേനയിലെത്തി; കഞ്ചാവ് കേസിലൂടെ സിപിഎമ്മിലെ കണ്ണിലെ കരടായി; ജനനേന്ദ്രിയം തകർത്തപ്പോൾ സസ്‌പെൻഷനും; എസ് ഐ സമ്പത്തിന്റെ കഥ ഇങ്ങനെ
സോഷ്യൽ മീഡിയയിലൂടെ അപകീർത്തിപ്പെടുത്തിയെന്ന കേസിൽ മുൻകൂർ ജാമ്യം എടുത്ത് സ്റ്റേഷനിലേക്ക് പോയ യുവാവിനെ പരാതിക്കാരിയായ വീട്ടമ്മയുടെ നേതൃത്വത്തിലുള്ള ക്വട്ടേഷൻ സംഘം തട്ടിക്കൊണ്ടു പോയി; ക്രൂരമായി മർദ്ദിച്ച് മൊബൈൽ ഫോണും പണവും തട്ടിയെടുത്തത് പൊലീസ് സ്‌റ്റേഷനിൽ കൊണ്ടു പോയി വിലിച്ചെറിഞ്ഞു; അറസ്റ്റ് ചെയ്തില്ല എന്നു പറഞ്ഞ് പൊലീസിനെതിരെ ഫെയ്‌സ് ബുക്കിലൂടെ ലൈവായി കൊലവിളി
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ