1 aed = 17.58 inr 1 eur = 70.41 inr 1 gbp = 82.56 inr 1 kwd = 211.28 inr 1 sar = 17.22 inr 1 usd = 64.32 inr
May / 2017
01
Monday

ഉറപ്പായും ജയിക്കാവുന്ന മണ്ഡലത്തിൽ കുഞ്ഞാലിക്കുട്ടി സ്ഥാനാർത്ഥിയാകുന്നത് നിരവധി ഭൈമീകാമുകന്മാരെ നിരാശപ്പെടുത്തികൊണ്ട്; യുഡിഎഫിന്റെ കരുത്തായ നേതാവിനെ ഡൽഹിക്ക് അയക്കുന്നത് ലീഗിന് പുതിയ മുഖം നൽകാൻ; ലക്ഷ്യം ദേശീയതലത്തിൽ ചെറുസംഘടനകളെ യോജിപ്പിച്ചുള്ള മോദി വിരുദ്ധ രാഷ്ട്രീയം

March 16, 2017 | 11:56 PM | Permalink



എംപി റാഫി

മലപ്പുറം: സ്ഥാനാർത്ഥി പ്രഖ്യാപനത്തോട് അടുത്തപ്പോൾ ലോക്സഭാ മത്സരത്തിൽ നിന്നും പിന്മാറാനുള്ള താൽപര്യം പ്രകടിപ്പിച്ചെങ്കിലും ഇ അഹമ്മദിന്റെ പകരക്കാരനായി നേതൃത്വത്തിന് മറ്റൊരാളെ കാണാൻ സാധിച്ചില്ല. മത്സരത്തിന് താനില്ലെന്ന് ഉന്നതാധികാര സമിതിയിലെ നേതാക്കളിൽ ചിലരുമായി കുഞ്ഞാലിക്കുട്ടി നേരത്തെ പങ്കുവെച്ചിരുന്നു. എന്നാൽ പുതിയ രാഷ്ട്രീയ സാഹചര്യത്തിൽ പാർട്ടി ദേശീയതലത്തിൽ ശക്തിയാർജിക്കേണ്ടതുണ്ടെന്നും ഇതിനായി ശക്തനായ നേതാവ് ദേശീയ രാഷ്ട്രീയത്തിൽ അനിവാര്യമാണെന്നും പാണക്കാട് ഹൈദരലി തങ്ങൾ അടക്കമുള്ള നേതാക്കൾ കുഞ്ഞാലിക്കുട്ടിയോടു പറഞ്ഞു.

ഇ അഹമ്മദിന്റെ പകരക്കാരനായി മറ്റാരെ കാണുമെന്ന ചോദ്യത്തിനും പാർട്ടി നേതൃത്വത്തിനു മുന്നിൽ മറ്റൊരു മറുപടിയുണ്ടായിരുന്നില്ല. ഇ അഹമ്മദിന്റെ നിര്യാണത്തെ തുടർന്ന് ചേർന്ന ഉന്നതാധികാര യോഗത്തിലും ചെന്നൈയിൽ ചേർന്ന ദേശീയ കമ്മിറ്റിയിലും കുഞ്ഞാലിക്കുട്ടിയെ ദേശീയ രാഷ്ട്രീയത്തിലേക്കു കൊണ്ടുവരാൻ ധാരണയുണ്ടായിരുന്നു. കുഞ്ഞാലിക്കുട്ടിയും ഇതിന് അനുകൂല മറുപടി പറഞ്ഞതോടെ മലപ്പുറം സീറ്റിനായി മറ്റാരും രംഗത്ത് വന്നിരുന്നില്ല. എന്നാൽ യു.പി അടക്കമുള്ള സംസ്ഥാനങ്ങളിലെ തെരഞ്ഞെടുപ്പ് ഫലം കുഞ്ഞാലിക്കുട്ടിയെ അൽപ്പമൊന്ന് പിന്നോട്ടടിപ്പിച്ചെങ്കിലും കേരള രാഷ്ട്രീയത്തിൽ യു.ഡി.എഫിന്റെ ചുക്കാൻ പിടിച്ചു കൊണ്ടു തന്നെ ദേശീയ രാഷ്ട്രീയത്തിലേക്കു പോകാൻ മുസ്ലിംലീഗ് നേതൃത്വം കുഞ്ഞാലിക്കുട്ടിയെ നിയോഗിക്കുകയായിരുന്നു. ഇതോടെ മലപ്പുറത്തെ ഉറച്ച സീറ്റിൽ മത്സരിച്ച് ജയിച്ച് ഡൽഹിക്ക് പോകാനാഗ്രഹിച്ച നിരവധി പേരുടെ സാധ്യതകൾ അടഞ്ഞു.

കേരളത്തിൽ മുസ്ലിം സംഘടനകളുമായെല്ലാം അടുത്ത ബന്ധം കാത്ത് സൂക്ഷിക്കുന്ന ലീഗ് നേതാവ് കൂടിയാണ് പി.കെ കുഞ്ഞാലിക്കുട്ടി. ബന്ധവും സ്വാധീനവും നേതൃ കഴിവുമെല്ലാം ഉപയോഗപ്പെടുത്തി ദേശീയ തലത്തിൽ മതേതര കൂട്ടായ്മ ഉണ്ടാക്കുകയാണ് കുഞ്ഞാലിക്കുട്ടിയുടെ ദേശീയ രാഷ്ട്രീയത്തിലേക്കുള്ള ചുവടുമാറ്റത്തിന്റെ പ്രധാന ലക്ഷ്യം. ന്യൂനപക്ഷ പിന്നോക്ക വിഭാഗങ്ങളുടെ വോട്ടുകൾ ഭിന്നിക്കുന്നതിലൂടെയുള്ള ബിജെപി കൊയ്തു കൊണ്ടിരിക്കുന്ന നേട്ടം ഇല്ലാതാക്കാൻ കഴിയുന്നതെന്തും ചെയ്യുമെന്ന് കുഞ്ഞാലിക്കുട്ടി തന്നെ വ്യക്തമാക്കുന്നു. ഉത്തരേന്ത്യയിൽ സ്വാധീനമുള്ള ചെറുപാർട്ടികൾ, മത സംഘടനകൾ, സ്വാധീനമുള്ള വ്യക്തികൾ എന്നിവരുമായി ചേർന്ന് പുതിയ മുന്നണി രൂപപ്പെടുത്താനും ആലോചനയുണ്ട്. ഇതിനായി കൃത്യമായ മാസ്റ്റർ പ്ലാൻ തയ്യാറാക്കാനാണ് പദ്ധതി.

കുഞ്ഞാലിക്കുട്ടിയുടെ സ്ഥാനാർത്ഥിത്വത്തോടെ കേരളത്തിലെ ലീഗ് രാഷ്ട്രീയത്തിലെ ഒരു പുതിയ ഏട് കൂടി പിറക്കുകയാണ്. ഏറെ ആഹ്ലാദത്തോടെയാണ് മലപ്പുറം ലോക്സഭാ മണ്ഡലത്തിനകത്തും പുറത്തുമുള്ള ലീഗ് പ്രവർത്തകർ കുഞ്ഞാലിക്കുട്ടിയുടെ സ്ഥാനാർത്ഥിത്വത്തെ കണ്ടത്. പ്രഖ്യാപനം നേരിൽ കാണാനായി പാണക്കാട് കൊടപ്പനക്കൽ തറവാട്ടു മുറ്റത്ത് ഇന്നലെ രാവിലെ മുതൽ പ്രവർത്തകരെത്തി. വൈകിട്ട് അഞ്ച് മണിയോടെയാണ് ഹൈദരലി ശിഹാബ് തങ്ങൾ സ്ഥാനാർത്ഥി പ്രഖ്യാപനം നടത്തിയത്.

അപ്പോഴേക്കും വിവിധ പ്രദേശങ്ങളിലുള്ള നൂറുകണക്കിന് പ്രവർത്തർ പാണക്കാട്ട് തടിച്ചുകൂടിയിരുന്നു. അണികളുടെ സ്വന്തം കുഞ്ഞാപ്പയാണ് സ്ഥാനാർത്ഥിയെന്നറിഞ്ഞതോടെ പ്രവർത്തകർ കൂടുതൽ ആവേശത്തിലായി. ശക്തമായ തെരഞ്ഞെടുപ്പ് പോരാട്ടം മലപ്പുറം ഉപതെരഞ്ഞെടുപ്പിൽ ഉണ്ടാകില്ലെങ്കിലും കുഞ്ഞാലിക്കുട്ടിയുടെ ലോക്സഭയിലേക്കുള്ള കന്നി മത്സരത്തെ കൊഴുപ്പിക്കാനാണ് പാർട്ടിയുടെയും അണികളുടെയും തീരുമാനം. ഉറച്ച സീറ്റെന്ന നിലയിൽ തള്ളിക്കളയാൻ ലീഗില്ല. നേരത്തെ തന്നെ തെരെഞ്ഞെടുപ്പ് ഗോദയിലേക്ക് മുസ്ലിംലീഗ് പ്രവേശിച്ചു കഴിഞ്ഞിരുന്നു. തുടർ പ്രവർത്തനങ്ങൾക്ക് സ്ഥാനാർത്ഥി പ്രഖ്യാപനത്തിനായി കാത്തിരിക്കുകയായിരുന്നു.

പ്രഖ്യാപനം വന്നതോടെ നേരത്തെ അടിച്ചു തയ്യാറാക്കിയ ഫ്ളക്സ ബോർഡുകൾ മണ്ഡലത്തിലെ പലയിടങ്ങളിലും പ്രത്യക്ഷപ്പെട്ടു. ഉപതെരഞ്ഞെടുപ്പിന് കളമൊരുങ്ങിയതോടെ തന്നെ കുഞ്ഞാലിക്കുട്ടിയുടെ ഫോട്ടോ പതിച്ച ബോർഡുകൾ പ്രത്യക്ഷപ്പെട്ടിരുന്നു. ഇപ്പോൾ വോട്ടഭ്യർത്ഥിച്ചുള്ള പ്രചാരണ ബോർഡുകൾ കവലകളിൽ സ്ഥാനം പിടിച്ചു കഴിഞ്ഞു. മുമ്പില്ലാത്ത വിധം ബൂത്ത് തല ചെയർമാൻ, കൺവീനർമാരെ തെരഞ്ഞെടുത്ത് പ്രവർത്തനം ഏറെ മുന്നോട്ടു പോയി. യു.ഡി.എഫ് കമ്മിറ്റക്ക് പുറമെയാണ് ഈ സംവിധാനം. വോട്ടർ പട്ടിക അരിച്ചുപെറുക്കി കൊണ്ടുള്ള പേരു ചേർക്കലും ഇതിനോടകം കഴിഞ്ഞു. കോൺഗ്രസുമായി തർക്കമുള്ള പ്രദേശങ്ങളിലും തദ്ധേശ സ്ഥാപനങ്ങളിൽ ഇടതുപക്ഷത്തോടൊപ്പം ചേർന്ന് ഭരണം പങ്കിടുന്ന സ്ഥലങ്ങളിലും യു.ഡി.എഫ് സംവിധാനത്തോടെ മുന്നോട്ടു പോകാൻ തിരക്കിട്ട നീക്കങ്ങളും നടന്നു വരുന്നു.

20നാണ് കുഞ്ഞാലിക്കുട്ടി നാമനിർദ്ദേശ പത്രിക സമർപ്പിക്കുന്നത്. മലപ്പുറത്തെ അങ്കം മുറുകാൻ ഇനി എതിരാളിയെ കൂടി പ്രഖ്യാപിക്കണം. രണ്ട് ദിവസത്തിനകം ഇടതുമുന്നണിയുടെ സ്ഥാനാർത്ഥി പ്രഖ്യാപനമുണ്ടാകും. സ്ഥാനാർത്ഥിക്കായുള്ള അവസാനവട്ട ഞെട്ടോട്ടത്തിലാണ് സിപിഐ.എം. ജില്ലാ പഞ്ചായത്തംഗം ടി.കെ റഷീദലി, മുൻ എംപി ടി.കെ ഹംസ,ഡിവൈഎഫ്ഐ നേതാവ് മുഹമ്മദ് റിയാസ്, എസ്.എഫ്.ഐ നേതാവ് വി.പി സാനു എന്നീ പേരുകൾ പരികണനയിലുണ്ടെന്നാണ് അറിയുന്നത്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
അശോകൻ കൊല്ലപ്പെട്ടത് കഴുത്തിലൂടെ കാറിന്റെ ടയർ കയറി ഇറങ്ങിയപ്പോൾ; ആശുപത്രി വരാന്തയിൽ ഇരുന്ന് പിഞ്ചു കുഞ്ഞുങ്ങളെ കെട്ടിപ്പിടിച്ച് കരഞ്ഞ രശ്മിയുടെ നിലവിളി ഹൃദയഭേദകമായി; ഒരു നിമിഷത്തെ അശ്രദ്ധക്ക് പകരം ഇനി ഭർത്താവിനെ കൊന്ന കേസിൽ കോടതി കയറി ഇറങ്ങണം: ടൂർ ഇഷ്ടപ്പെടുന്ന ടെക്കി ലോകത്തിന് ഞെട്ടൽ മാറിയില്ല
മലയാളി യുവതിയുടെയും കുഞ്ഞിന്റെയും അപകട മരണവും ഭർത്താവിന്റെ ഗുരുതര പരിക്കും സംശയമുന ഉന്നതങ്ങളിലേക്ക് നീട്ടുന്നു; കോടനാട് എസ്‌റ്റേറ്റിലെ മോഷണക്കഥ പോലും വ്യാജമെന്ന് റിപ്പോർട്ടുകൾ; ജയലളിതയുടെ വിൽപ്പത്രം എവിടെയെന്ന ചോദ്യത്തിനും ഉത്തരമില്ല: അമ്മയുടെ സ്വത്തുക്കൾക്ക് വേണ്ടിയുള്ള പോരാട്ടത്തിൽ ക്വട്ടേഷൻ സംഘം ജീവനെടുത്തും രംഗത്ത്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
അപ്രതീക്ഷിതമായി വീട്ടിലെത്തിയ യുവാവ് കണ്ടത് സ്വന്തം കിടപ്പുമുറിയിൽ മറ്റൊരാൾക്കൊപ്പം അടിച്ചുപൂസായി കിടന്നുറങ്ങുന്ന കാമുകിയെ; കാലുമടക്കി തൊഴിക്കാൻ തോന്നിയെങ്കിലും ചെയ്യാതെ ഇരുവരുടെയും ചിത്രങ്ങൾ പകർത്തി സോഷ്യൽ മീഡിയയിലിട്ടു; വഞ്ചന നേരിട്ടു ബോധ്യപ്പെട്ടിട്ടും സമചിത്തതയോടെ പെറുമാറിയ ഡസ്റ്റന് സോഷ്യൽ മീഡിയയുടെ കയ്യടി
മനുഷ്യരെ കണ്ടാൽ വാലാട്ടും! മറ്റ് മൃഗങ്ങളെ കണ്ടാൽ സ്‌നേഹം കാട്ടും; നിറം മങ്ങാനുള്ള കാരണം ഷാംപു കൊണ്ടുള്ള കുളിയും; സ്വന്തമായി ഇര തേടാനും അറിയില്ല; നാടിനെ വിറപ്പിച്ച പുലിയിൽ പുലിവാലു പിടിച്ചത് വനം വകുപ്പും; കണ്ണൂരിൽ നിന്ന് നെയ്യാർഡാമിലെത്തിച്ച പുലി നാട്ടിൽ വളർത്തിയത്; പുലിയെ വളർത്തിയ മലബാറിലെ ഉന്നതനെ തേടി പൊലീസ്
തിങ്കളാഴ്ച ഹർജി നൽകാനിരുന്ന സെൻകുമാർ രണ്ട് ദിവസം മുമ്പേ നൽകിയതിൽ പരിഭ്രമിച്ച് സർക്കാർ; വിജിലൻസ് അന്വേഷണങ്ങൾ പ്രഖ്യാപിച്ചതും തിരിച്ചടിയായേക്കും; എത്രയും വേഗം നിയമനം നൽകി നിയമക്കുരുക്ക് അഴിക്കാൻ ഉപദേശിച്ച് ഉപദേശകർ; എന്തു സംഭവിച്ചാലും നിയമനം നൽകരുതെന്ന് ഉപദേശിച്ച് ചിലരും; ഡിജിപി വിഷയത്തിൽ പിണറായി സർക്കാർ പിടിച്ചത് പുലിവാല് തന്നെ
ശബരിമലയിൽ യുവതികളെ തന്ത്രപരമായി ദർശനത്തിന് എത്തിച്ച് ആചാരലംഘനം; ദർശന ദല്ലാളായ സുനിൽസ്വാമി സന്നിധാനത്ത് ഏർപ്പാടുകൾ ചെയ്തു കൊടുത്തപ്പോൾ ഒത്താശചെയ്ത് ദേവസ്വം ബോർഡും പൊലീസും; ദർശനത്തിന് എത്തിയത് പാലക്കാട്ടുനിന്നുള്ള യുവതികളെന്ന് സൂചനകൾ; യുവതീ ദർശനം പുറത്തായതോടെ എതിർപ്പുമായി ആർഎസ്എസ് നേതാവ് ടിജി മോഹൻദാസിന്റെ ട്വീറ്റ്
മാതൃഭൂമി ന്യൂസിലെ വേണുവിന്റെ തൊഴിൽ ഊത്തെന്ന് നടൻ ദിലീപ്! ഇദ്ദേഹത്തിന് പല കുടുംബങ്ങൾ നോക്കേണ്ടതുണ്ട്; വേണുവിനെകുറിച്ച് ഒരു സിനിമയെടുക്കാനുള്ള വിവരങ്ങൾ കൈയിലുണ്ട്; ലിബർട്ടി ബഷീർ ഒരേ സമയം മൂന്നു ഭാര്യമാരെ കൈവശം വെച്ചിരിക്കുന്നയാൾ; പല്ലിശ്ശേരി കോമാളിയും പണം വാങ്ങി എഴുതുന്നവനും; വിമർശകർക്കെതിരെ ആഞ്ഞടിച്ച് ദിലീപ് രംഗത്ത്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ഇയാൾ ആര്...? സത്യജിത് റായിയോ അമിതാഭ് ബച്ചനോ അല്ലെങ്കിൽ മമ്മൂട്ടിയോ, മോഹൻലാലോ? മഞ്ജു വാര്യരെ ഇപ്പോഴും പീഡിപ്പിക്കുന്നു; നടിയെ ആക്രമിച്ച കേസിൽ പെട്ട ബ്യൂട്ടീഷ്യനും കാവ്യയുമായുള്ള ബന്ധത്തെക്കുറിച്ചും അറിയാം; ആയിരം കുറുക്കന്മാരുടെ കൗശലവുമായി ചിരിച്ചു കൊണ്ട് കഴുത്തറക്കുന്ന സൈലന്റ് പ്രതികാരി; ദിലീപിനെതിരെ ഇനി നിയമനടപടി; ആരോപണങ്ങളിൽ പല്ലിശേരി മറുനാടനോട് മനസ്സ് തുറക്കുന്നു
മന്ത്രി മന്ദിരത്തിൽ എത്തിയപ്പോൾ കണ്ടത് കസേരയിൽ ഇരുന്ന് കാലുകൾ ടിപോയിൽ കയറ്റി വച്ചിരിക്കുന്ന മന്ത്രിയെ; സുന്ദരിക്കുട്ടിക്ക് സർക്കാർ ഉദ്യോഗം നൽകാമെന്ന് പറഞ്ഞ് ചോദിച്ചത് ഒന്ന് കെട്ടിപിടിച്ചോട്ടേയെന്നും; മുണ്ടഴിച്ചപ്പോൾ മുറിയിൽ നിന്ന് ഇറങ്ങിയോടി; ശശീന്ദ്രനെതിരെ മംഗളം റിപ്പോർട്ടർ കോടതിയിൽ നൽകിയ പരാതി ഇങ്ങനെ
തിരുവനന്തപുരത്ത് ഉപതെരഞ്ഞെടുപ്പിന് തയ്യാറെടുക്കാൻ കുമ്മനത്തിന് അമിത് ഷായുടെ നിർദ്ദേശം; കുമ്മനവും സുരേഷ് ഗോപിയും രാജീവ് ചന്ദ്രശേഖറും വി മുരളീധരനും വിവി രാജേഷും ബിജെപിയുടെ സാധ്യതാ സ്ഥാനാർത്ഥി പട്ടികയിൽ; തരൂരിനെ ഉപരാഷ്ട്രപതിയാക്കാനുള്ള തന്ത്രം തിരിച്ചറിഞ്ഞ് നീക്കങ്ങളുമായി കോൺഗ്രസും; മത്സരിക്കാൻ സുധീരൻ എത്തുമോ?