1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
25
Sunday

കടിച്ച പാമ്പിനെ കൊണ്ട് വിഷം എടുപ്പിച്ച പിള്ള വിജയം ആഘോഷിക്കാൻ സിംഗപ്പൂരിന് പോയി; മകൾക്കും കുടുംബത്തിനും ഒപ്പം ആഡംബര ക്രൂയിസിങ് കഴിഞ്ഞ് വന്നാൽ ഉടൻ ചുമതല ഏൽക്കും; ജയിലിൽ ആയ പിള്ളയ്ക്ക് മന്ത്രി പദവി കിട്ടിയതോടെ കുറ്റാരോപിതൻ മാത്രമായ കെഎം മാണിക്കും പ്രതീക്ഷ

May 19, 2017 | 10:25 AM | Permalink



മറുനാടൻ മലയാളി ബ്യൂറോ

തിരുവനന്തപുരം: ഇടതുമുന്നണി പ്രവേശനത്തിനായി ഏറെക്കാലമായി കാത്തിരിപ്പ് തുടരുന്ന ആർ ബാലകൃഷ്ണപിള്ളയ്ക്ക് ഒടുവിൽ ക്യാബിനറ്റ് പദവി ലഭിക്കുന്നതോടെ സമാന അവസ്ഥയിൽ സഹകരണം മാത്രമായി പുറത്തുനിൽക്കുന്ന മറ്റു ചില കക്ഷികൾക്കും പ്രതീക്ഷയേറുന്നു. വിഎസിന്റെ അഴിമതിക്കേസിൽ ശിക്ഷിക്കപ്പെട്ടയാളാണ് ബാലകൃഷ്ണ പിള്ളയെന്നതിനാൽ തന്നെ അദ്ദേഹത്തെ എൽഡിഎഫിലേക്ക് അടുപ്പിക്കാനുള്ള ശ്രമങ്ങൾ നേരത്തെ ഇക്കാരണത്തിൽ തട്ടി മുടങ്ങിയിരുന്നു.

എന്നാലും മുന്നണിയിലെടുക്കാതെ സഹകരണം തേടുകയായിരുന്നു സി.പി.എം ചെയ്തത്. എന്നാൽ ഇതിന് മാറ്റം വന്ന് അഴിമതി കേസിൽ ശിക്ഷിക്കപ്പെട്ടയാൾക്കുപോലും പുതിയ സർക്കാർ ക്യാബിനറ്റ് പദവി നൽകി കൂടെ നിർത്തുന്നതോടെ ബാർ കോഴ കേസിൽ കുറ്റാരോപിതൻ മാത്രമായി നിൽക്കുന്ന മാണിക്കുൾപ്പെടെ എൽഡിഎഫ് പ്രവേശനത്തിന് സാധ്യത തെളിയുകയാണെന്നാണ് സൂചനകൾ.

ഏതായാലും പിള്ള ഇപ്പോൾ വിദേശസഞ്ചാരത്തിലാണ്. ഇന്നലെ പിള്ള സിൽക്ക് എയറിൽ സിംഗപ്പൂരിലേക്ക് യാത്രയായി. മകൾക്കും കുടുംബത്തിനുമൊപ്പം വിനോദയാത്രയ്ക്കു പോയ പിള്ള മടങ്ങിവന്ന ശേഷമാകും പുതിയ പദവി ഏറ്റെടുക്കുക. മകൾ ബിന്ദു, മരുമകൻ ബാലകൃഷ്ണൻ എന്നിവർക്കൊപ്പമാണ് പിള്ളയുടെ യാത്ര. ഒരാഴ്ചത്തെ ക്രൂയിസ് യാത്രയ്ക്കായാണ് സിംഗപ്പൂരിൽ എത്തിയിട്ടുള്ളത്. തിരിച്ചെത്തിയ ശേഷം പിള്ള സ്ഥാനമേൽക്കും.

പല കക്ഷികളേയും നിലവിൽ എൽഡിഎഫിനു പുറത്തുനിർത്തി സഹകരിപ്പിക്കുന്നുണ്ട്. ഇവരെ ഏറെക്കാലമായി അവഗണിക്കുന്നുവെന്ന പരാതി പരിഹരിക്കാനുള്ള ആദ്യ നീക്കമായാണ് പിള്ളയ്ക്ക ഇപ്പോൾ നൽകിയ ക്യാബിനറ്റ് പദവി വിലയിരുത്തപ്പെടുന്നത്. ഇക്കാര്യം സി.പി.എം സിപിഐ കേന്ദ്രങ്ങൾ തന്നെ വ്യക്തമാക്കുന്നുണ്ട്. ഈ രണ്ട് മുഖ്യകക്ഷികളും പച്ചക്കൊടി കാട്ടിയതോടെയാണ് പിള്ളയുടെ മുന്നണിപ്രവേശനത്തിന് സാധ്യത തെളിയുന്നത്. എന്നാൽ, പൊടുന്നനെയുണ്ടായ തീരുമാനം മറ്റ് ഇടതുകക്ഷികളെ അമ്പരിപ്പിച്ചതായാണ് റിപ്പോർട്ടുകൾഡ. ഇക്കാര്യത്തിൽ വിമർശനവും ഉയർന്നു. ഇക്കാര്യത്തിൽ ഇതുവരെ മൗനംപാലിച്ച വി എസ് എന്തു നിലപാടെടുക്കുമെന്നതും കൗതുകകരമാണ്.

മന്ത്രിതുല്യ പദവിയോടെയാണ് പിള്ളയെ സംസ്ഥാന മുന്നോക്ക സമുദായക്ഷേമ കോർപ്പറേഷൻ ചെയർമാനായി നിയമിക്കാൻ മന്ത്രിസഭായോഗം തീരുമാനിച്ചത്. ഇടമലയാർ കേസിൽ പിള്ളയ്‌ക്കെതിരെ സുപ്രീംകോടതിവരെ നിയമപോരാട്ടം നടത്തി ശിക്ഷ വാങ്ങിച്ചു നൽകിയ വിഎസിന്റെ നിലപാടുകൾക്ക് എതിരാണ് ഈ തീരുമാനമെന്നതിനാൽ വിഷയം പാർട്ടിയിലും സജീവ ചർച്ചയാവുമെന്ന് ഉറപ്പാണ്. അതേസമയം, ഗണേശ്‌കുമാറിന് മന്ത്രിപദവി നൽകി വേണമെങ്കിൽ പിള്ളയെ തൃപ്തിപ്പെടുത്താമായിരുന്നു. ഇതിന് മുതിരാതെ പിള്ളയ്ക്ക് തന്നെ ക്യാബിനറ്റ് പദവി നൽകിയതാണ് ചർച്ചയാവുന്നത്.

തങ്ങളുമായി ആലോചിച്ചാണ് ഈ തീരുമാനമെന്ന സിപിഐയുടെ പ്രതികരണം സിപിഎമ്മിനെ ആശ്വസിപ്പിച്ചിട്ടുണ്ട്. അവർ ഉടക്കുമോ എന്നായിരുന്നു ആശങ്ക. മുന്നണി നേതൃയോഗത്തിൽ ആലോചിച്ചില്ലെങ്കിലും സി.പി.എം-സിപിഐ നേതൃത്വം ഇക്കാര്യം സംസാരിച്ചിരുന്നു. കെ.എം.മാണിയോടുള്ള എതിർപ്പ് സിപിഐക്കു പിള്ളയോടില്ല താനും. എന്നാൽ കോട്ടയത്ത് ജില്ലാ പഞ്ചായത്ത് തിരഞ്ഞെടുപ്പിൽ സി.പി.എം മാണിക്ക് പിന്തുണ നൽകിയത് മുന്നണിയിലേക്കുള്ള വരവിന്റെ ആദ്യ ചുവടുവയ്പായി വിലയിരുത്തപ്പെടുന്നുണ്ട്.

മുന്നണിക്കു പുറത്ത് ഒമ്പതോളം കക്ഷികൾ എൽഡിഎഫുമായി സഹകരിക്കുന്നുണ്ട്. പക്ഷേ, ഭരണത്തിൽ തഴയപ്പെടുന്നു എന്ന പരാതി ഏവർക്കുമുണ്ട്. കാബിനറ്റ് പദവിയില്ലാതെ മുന്നാക്ക വികസന കോർപറേഷൻ അധ്യക്ഷപദം വേണ്ടെന്നു പിള്ള തീർത്തു പറഞ്ഞു. ഒടുവിൽ, സി.പി.എം അതിനു വഴങ്ങി. പക്ഷേ, അന്നു പിള്ളയ്ക്കു കാബിനറ്റ് പദവി നൽകിയതു വിവാദമാക്കിയവർ തന്നെ അതു തിരിച്ചു ചെയ്തതിലെ വൈരുധ്യമാണു പ്രതിപക്ഷം ആയുധമാക്കുന്നത്.

ശിക്ഷിക്കപ്പെട്ട പിള്ളയ്ക്ക് പദവി നൽകിയെങ്കിൽ കുറ്റാരോപിതൻ മാത്രമായ മാണിയെ കൂടെ കൂട്ടുന്നതിൽ എന്താണ് പ്രശ്‌നമെന്ന നിലയിലേക്ക് കാര്യങ്ങൾ എത്തുമെന്നാണ് സൂചനകൾ. എന്നാൽ പിള്ളയുടെ പാർട്ടിയേക്കാൾ പ്രബലരായ മാണിയെ മുന്നണിയിലെടുത്താൽ തങ്ങളുടെ രണ്ടാം സ്ഥാനം നഷ്ടമാകുമോ എന്ന ആശങ്കയുണ്ട് സിപിഐക്കെന്നതാണ് മറ്റൊരു കാര്യം. അതിനാലാണ് അവർ മാണിയെ കൂടെ കൂട്ടുന്നതിനെ എതിർക്കുന്നതെന്നാണ് സൂചനകൾ.

യുഡിഎഫിലായിരിക്കെ നിരന്തരം എതിർത്തിരുന്ന, അഴിമതിക്കേസിൽ ജയിലിൽ പോകേണ്ടിവന്ന പിള്ളയ്ക്ക് ഇടതുസർക്കാർ കാബിനറ്റ് പദവി നൽകി എന്നത് രാഷ്ട്രീയരംഗത്താകെ ചർച്ചയായിട്ടുണ്ട്. ഭരണപരിഷ്‌കാര കമ്മിഷൻ ചെയർമാനായ വിഎസിനാണ് ആദ്യം കാബിനറ്റ് പദം നൽകിയത്. അദ്ദേഹത്തിന്റെ രാഷ്ട്രീയ ജീവിതത്തിലെ പ്രധാന ശത്രുക്കളിലൊരാൾക്കും അദ്ദേഹത്തിന്റെ തന്നെ പാർട്ടി ഇപ്പോൾ അതു നൽകിയിരിക്കുന്നു എന്നതാണ് ചർച്ചയാവുന്നത്.

മന്ത്രിസഭയ്ക്കു പുറത്തു കാബിനറ്റ് പദവിയുള്ളവരുടെ യോഗം വിളിച്ചാൽ ഇരുവരും ഒരുമിച്ച് പങ്കെടുക്കുന്ന സ്ഥിതിയുമുണ്ടാവും. ശക്തമായ അമർഷം ഉണ്ടെങ്കിലും മന്ത്രിസഭാ വാർഷികവേളയിൽ വിവാദം വേണ്ടെന്ന കേന്ദ്ര നേതൃത്വത്തിന്റെ നിർദ്ദേശത്തെ തുടർന്നാണെന്നറിയുന്നു, വി എസ് ഇതുവരെ പ്രതികരിച്ചിട്ടില്ല. മാണി സിപിഎമ്മിനോട് അടുക്കുന്നു എന്ന അഭ്യൂഹങ്ങൾക്കിടെയാണു പിള്ളയ്ക്കു മാന്യമായ പദവി സി.പി.എം നൽകിയിരിക്കുന്നത്. മാണിയോടും അയിത്തമുണ്ടാകില്ലെന്ന സൂചന ഇതിലുണ്ട്. മാണി വരുന്നതു പിള്ള എതിർക്കാതിരിക്കാനാണ് ഇത് എന്നു കരുതുന്നവരുമുണ്ട്.

യുഡിഎഫ് വിട്ടുവന്ന പാർട്ടി എന്ന നിലയിൽ ഇടതുമുന്നണി അംഗത്വമാണ് ആദ്യം മുതൽ പിള്ളയുടെ ആവശ്യം. ഘടകകക്ഷി ആകാതിരുന്നതിനാലാണു കെ.ബി.ഗണേശ്‌കുമാറിനു മന്ത്രിപദം നിഷേധിക്കപ്പെട്ടത് എന്നു ചൂണ്ടിക്കാട്ടി വലിയ സമ്മർദവും അദ്ദേഹം നടത്തി. കഴിഞ്ഞദിവസം ഉൾപ്പെടെ ഇത്തരമൊരു പ്രതികരണവും ഉണ്ടായിരുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
സ്വത്തിലെ തർക്കം തുടങ്ങിയത് നടന്റെ വിവാഹ മോചനത്തിന് ശേഷം; ആവശ്യപ്പെട്ടത് സംവിധായക സുഹൃത്തിന്റെ പേരിൽ എല്ലാം തിരികെ എഴുതിക്കാൻ; മുൻ ഭാര്യയ്ക്ക് മാത്രമേ നൽകൂവെന്ന് പറഞ്ഞത് വൈരാഗ്യമുണ്ടാക്കി; പൾസർ സുനിയുടെ വെളിപ്പെടുത്തലുകളുടെ വഴിയേ നടിയുടെ മൊഴിയും; നടിയെ ആക്രമിച്ച കേസ് അന്വേഷണം ബംഗളുരുവിലെ ഭൂമി ഇടപാടുകളിലേക്ക്
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ആൺസുഹൃത്തിനെ മർദ്ദിച്ച് വിരട്ടിയോടിക്കും; പെൺകുട്ടിയെ മലമുകളിലെ രഹസ്യകേന്ദ്രത്തിലെത്തിച്ച് കാമകേളി; എതിർത്താൽ കരണത്തടിയും പീഡനവും; എല്ലാം കഴിഞ്ഞാൽ ഭക്ഷണവും വണ്ടിക്കൂലിയും; ഭൂതത്താൻകെട്ടിലെ ചതിക്കുഴിയിൽ വീഴുന്നതിൽ ഏറെയും കാമുകീകാമുകന്മാർ; എല്ലാം അറിഞ്ഞിട്ടും കണ്ണും കാതും തുറക്കാതെ പൊലീസും വനംവകുപ്പും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
വാടക കൊടുക്കാൻ പോലും എന്റെ കൈയിൽ പണമില്ല; എന്റെ ഭർത്താവിനെ എങ്ങനെ രക്ഷപ്പെടുത്തണമെന്ന് എനിക്കൊരു പിടിയുമില്ല; 21 മാസം മുമ്പ് പൊലീസ് കൊണ്ടു പോയപ്പോൾ മുതൽ തുടരുന്ന കാത്തിരിപ്പ്; ഒരു ബിസിനസ്സിലും ഇന്നേവരെ ഇടപെട്ടിട്ടില്ലാത്ത ഞാനും ഏത് നിമിഷവും ജയിലിലാകും; രണ്ട് കൊല്ലം കൊണ്ട് എല്ലാം നശിച്ച് ആകെ തളർന്നു പോയ അറ്റ്‌ലസ് രാമചന്ദ്രന്റെ ഭാര്യ മനസ്സ് തുറക്കുന്നു
മാതൃഭൂമി കാർട്ടൂണിൽ മുന്തി നിൽക്കുന്നത് കുമ്മനത്തിന്റെ കറുത്ത നിറം; ട്രോളുകളിൽ സൂപ്പർ കറുത്ത നായർ പ്രയോഗം; ഡെക്കാൺ ക്രോണിക്കൾ എഡിറ്റർ കളിയാക്കാൻ ഉപയോഗിച്ചത് നായയോട് ഉപമിച്ച്; പ്രധാനമന്ത്രിക്കൊപ്പം യാത്ര ചെയ്ത കുമ്മനത്തെ പുരോഗമനം നടിക്കുന്നവർ പോലും അധിക്ഷേപിക്കുന്നത് വംശീയ വിദ്വേഷത്തോടെ
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു