1 usd = 73.48 inr 1 gbp = 96.05 inr 1 eur = 84.72 inr 1 aed = 20.00 inr 1 sar = 19.59 inr 1 kwd = 242.17 inr

Oct / 2018
20
Saturday

വളരും തോറും പിളരുകയും പിളരും തോറും വളരുകയും ചെയ്യുന്ന പാർട്ടിയാണ് കേരളാ കോൺഗ്രസ് എന്ന മാണി സിദ്ധാന്തം വീണ്ടും ശരിയായി; യുഡിഎഫിലെ ഒറ്റ സീറ്റ് കുറയാതെ എൽഡിഎഫിൽ നാല് സീറ്റ് ഉറപ്പിച്ച് കേരളാ കോൺഗ്രസ് പിളർപ്പ്; ഇക്കുറി 30 സീറ്റിൽ കേരളാ കോൺഗ്രസ് സ്ഥാനാർത്ഥികൾ

March 03, 2016 | 01:53 PM IST | Permalink



വളരും തോറും പിളരുകയും പിളരും തോറും വളരുകയും ചെയ്യുന്ന പാർട്ടിയാണ് കേരളാ കോൺഗ്രസ് എന്ന മാണി സിദ്ധാന്തം വീണ്ടും ശരിയായി; യുഡിഎഫിലെ ഒറ്റ സീറ്റ് കുറയാതെ എൽഡിഎഫിൽ നാല് സീറ്റ് ഉറപ്പിച്ച് കേരളാ കോൺഗ്രസ് പിളർപ്പ്; ഇക്കുറി 30 സീറ്റിൽ കേരളാ കോൺഗ്രസ് സ്ഥാനാർത്ഥികൾ

ബി രഘുരാജ്‌

തിരുവനന്തപുരം: വീണ്ടും കേരളാ കോൺഗ്രസ് പിളരുന്നു. കേരളാ കോൺഗ്രസ് മാണിയിലെ പി ജെ ജോസഫ് വിഭാഗത്തിലെ ഒരു വിഭാഗം പാർട്ടി വിടുകയാണ്. ഫ്രാൻസിസ് ജോർജും കൂട്ടരും ഇടതുപക്ഷത്ത് എത്തുമ്പോൾ ശരിയാകുന്നത് കെഎം മാണിയുടെ പ്രസിദ്ധമായ സിദ്ധാന്തമാണ്. പിളരും തോറും വളരുന്ന ലോകത്തെ ഏക പാർട്ടിയാണ് കേരളാ കോൺഗ്രസ്. കെ എം മാണിയുടെ നാക്കിൽ വീണ ഈ വാക്ക് ഇത്തവണത്തെ പിളർപ്പിലും അക്ഷരാർത്ഥത്തിൽ ശരിയാകും. കൂടുതൽ കേരളാ കോൺഗ്രസുകാരെ നിയമസഭയിൽ എത്തിക്കാൻ ഈ പിളർപ്പും വഴിവച്ചേക്കും.

2011ലെ നിയമസഭാ തെരഞ്ഞെടുപ്പിൽ കേരളാ കോൺഗ്രസ് മാണിയും ജേക്കബും പിള്ളയും പിന്നെ പി സി തോമസുമായിരുന്നു വിവിധ കേരളാ കോൺഗ്രസ് വിഭാഗങ്ങൾ. അഞ്ച് കൊല്ലം കഴിയുമ്പോൾ അത് പിളർന്ന് പിളർന്ന് പലരൂപത്തിൽ പത്ത് പേരുകളിൽ സജീവമാണ്. മാണിയുടെ കേരളാ കോൺഗ്രസ്, ടി എം ജേക്കബ് വിഭാഗം, പിള്ള ഗ്രൂപ്പ്, പി സി ജോർജിന്റെ സെക്യുലർ, ഫ്രാൻസ് ജോർജ്, സ്‌കറിയാ തോമസ്, പി സി തോമസ്, ടി എസ് ജോൺ എന്നിവയാണ് അവ. ഇതിൽ പി സി തോമസ് ബിജെപി മുന്നണിയിലാണ്. ടി എസ് ജോണും എൻഡിഎ പക്ഷത്ത് എത്തുമെന്നാണ് സൂചന. അതായത് അഞ്ച് വർഷം കൊണ്ട് പിളർപ്പിലൂട ഇരട്ടി കേരളാ കോൺഗ്രസുകൾ ഉണ്ടായി. ഇതിന്റെ വളർച്ച നിയമസഭാ സ്ഥാനാർത്ഥിത്വത്തിലും ഉണ്ടാകും.

2011ൽ 11 നിയമസഭാ അംഗങ്ങളാണ് കേരളാ കോൺഗ്രസുകാരായി ജയിച്ചു കയറിയത്. മാണിയുടെ ബാനറിൽ പി സി ജോർജ് ഉൾപ്പെടെ 9 പേർ. പിന്നെ കെ ബി ഗണേശ് കുമാറും ടി എം ജേക്കബും. ജേക്കബിന്റെ മരണത്തെ തുടർന്നുള്ള ഉപതെരഞ്ഞെടുപ്പിൽ അനൂപ് ജേക്കബ് ജയിച്ചതോടെ അംഗ സഖ്യ 11 ആയി തുടർന്നു. മാണിയുമായി തെറ്റി പി സി ജോർജ് രാജിവച്ചപ്പോൾ അത് പത്തായി മാറി. ഇത്തവണത്തെ തെരഞ്ഞെടുപ്പിൽ കൂടുതൽ കേരളാ കോൺഗ്രസുകാർ ജയിക്കുമെന്നാണ് വിലയിരുത്തൽ. തദ്ദേശത്തിൽ മാണിയുടെ കോട്ടകളിൽ വിള്ളലുണ്ടായിരുന്നില്ല. അതുകൊണ്ട് തന്നെ മാണിക്ക് കുറഞ്ഞത് എട്ടു പേരെയെങ്കിലും വിജയിപ്പിക്കാൻ കഴിയും. ഇതിനൊപ്പം ഇടതുപക്ഷത്തെ കേരളാ കോൺഗ്രസ് വിജയവും കൂടാനാണ് സാധ്യത. ഇതോടെ പിളരും തോറും വളരുമെന്ന സിദ്ധാന്തവും ശരിയാകുകയാണ്.

കഴിഞ്ഞ തവണ നിയമസഭാ തെരഞ്ഞെടുപ്പിൽ കേരളാ കോൺഗ്രസ് മാണി വിഭാഗം 15 സീറ്റിൽ മത്സരിച്ചു. പി ജെ ജോസഫ് വിഭാഗവും പി സി ജോർജും ഉൾപ്പെടെയാണ് ഇത്. വലത് മുന്നണിയിൽ കേരളാ കോൺഗ്രസ് ജേക്കബ് മൂന്നിടത്ത് മൽസരിച്ചു. ബാലകൃഷ്ണ പിള്ളാ വിഭാഗത്തിന് രണ്ടും. അങ്ങനെ വലതു പക്ഷത്ത് ഇരുപത് കേരളാ കോൺഗ്രസുകാർ. ഇടതു പക്ഷത്തുണ്ടായിരുന്നത് പി സി തോമസിന്റെ ലയന വിരുദ്ധ വിഭാഗവും. ഇവർക്ക് മൂന്ന് സീറ്റാണ് ഇടതുപക്ഷം നൽകിയത്. വി സുരേന്ദ്രൻപിള്ളയും സ്‌കറിയാ തോമസും സ്റ്റീഫൻ ജോർജും. മൂന്നു പേരും തോറ്റു. എന്തായാലും കഴിഞ്ഞ നിയമസഭാ തെരഞ്ഞെടുപ്പിൽ മത്സരത്തിന് ഉണ്ടായിരുന്നത് 23 കേരളാ കോൺഗ്രസുകാർ മാത്രം.

ഇവിടെയാണ് പിളർപ്പുകളിലൂടെ വളരുന്ന മാണിയുടെ തിയറി വീണ്ടും ചർച്ചയാകുന്നത്. ഇത്തവണ മാണി വിഭാഗത്തിലെ ജോസഫ് ഗ്രൂപ്പ് പിളരുന്നു. അവർ ഫ്രാൻസിസ് ജോർജിന്റെ നേതൃത്വത്തിൽ ഇടതുപക്ഷത്ത് എത്തുമ്പോൾ മൂന്ന് സീറ്റ് ഇടതുപക്ഷം നൽകും. എന്നു പറഞ്ഞ് യുഡിഎഫിൽ കേരളാ കോൺഗ്രസ് മാണി വിഭാഗത്തിന് വലിയ കുഴപ്പം ഉണ്ടാവുകയുമില്ല. പി സി ജോർജ് പോയതിനാൽ പൂഞ്ഞാർ കോൺഗ്രസ് ഏറ്റെടുത്താലും കേരളാ കോൺഗ്രസിന് കുറഞ്ഞത് 14 സീറ്റ് കിട്ടും. പി സി ജോർജും മത്സരിക്കുമെന്ന് ഉറപ്പാണ്. അത് ഏത് മുന്നണിയിലാണെന്ന് മാത്രമേ അറിയാനുള്ളൂ. ഇതിനൊപ്പമാണ് ഫ്രാൻസിസ് ജോർജിനും ആന്റണി രാജുവിനും കെസി ജോസഫിനുമുള്ള ഇടതുപക്ഷത്തെ മൂന്ന് സീറ്റുകൾ. കെസി ജോസഫ് കുട്ടനാട്ട് വിട്ടാലും അവിടെ കേരളാ കോൺഗ്രസ് മാണിയുടെ സ്ഥാനാർത്ഥി തന്നെ എത്തുമെന്നാണ് സൂചന.

അതായത് കഴിഞ്ഞ തവണ കേരളാ കോൺഗ്രസ് മാണി വിഭാഗത്തിലുണ്ടായിരുന്ന 18 നേതാക്കൾ കുറഞ്ഞത് ഇത്തവണ നിയമസഭയിലേക്ക് പോരിനെത്തും. ഇടുക്കിയിൽ പി സി ജോസഫിനും സീറ്റ് നൽകിയാൽ എണ്ണം 19 ആകുന്നു. ഇടതുപക്ഷത്ത് കഴിഞ്ഞ തവണ നിലയുറപ്പിച്ച വി സുരേന്ദ്രൻപിള്ളയ്ക്കും സ്‌കറിയാ തോമസിനും സീറ്റ് ഉറപ്പാണ്. ഇതോടെ മത്സരിക്കുന്ന കേരളാ കോൺഗ്രസുകാരുടെ എണ്ണം ഇരുപത്തിയൊന്നാകും. കെ ബി ഗണേശ് കുമാർ ഇടതു മുന്നണിയിലും അനൂപ് ജേക്കബ്, ജോണി നെല്ലൂർ എന്നിവർ യുഡിഎഫിലും സ്ഥാനാർത്ഥികളാകുമെന്നതും ഉറപ്പ്. അതായത് കേരളാ കോൺഗ്രസ് മത്സരാർത്ഥികൾ ഇരുപതിമൂന്നാകുമെന്ന് വ്യക്തം.

ആർ ബാലകൃഷ്ണ പിള്ളയ്ക്ക് സീറ്റ് കൊടുക്കുന്നത് ഇടതുപക്ഷം പരിഗണിക്കുന്നുണ്ട്. ഏതായാലും രണ്ട് സീറ്റുകളാണ് ഇടതുപക്ഷത്ത് നിന്ന് കേരളാ കോൺഗ്രസ് പിള്ള വിഭാഗം പ്രതീക്ഷിക്കുന്നത്. ഇത് അംഗീകരിക്കപ്പെട്ടാൽ നിയമസഭാ പോരിനിറങ്ങുന്ന കേരളാ കോൺഗ്രസുകാരുടെ എണ്ണം ഇരുപത്തി നാലാകും. കേരളാ കോൺഗ്രസ് ജേക്കബും വിലപേശലിലാണ്. ടി എം ജേക്കബിന്റെ ഭാര്യ ഡെയ്‌സി ജേക്കബിനെ മത്സരിപ്പിക്കാനും അവർക്ക് ആഗ്രഹമുണ്ട്. നാല് സീറ്റുകളാണ് അവർ യുഡിഎഫിനോട് ആവശ്യപ്പെടുന്നത്. മൂന്ന് സീറ്റ് കഴിഞ്ഞതവണ നൽകിയത് അനുവദിക്കാനാണ് സാധ്യത. അങ്ങനെ എങ്കിൽ പോലും കേരളാ കോൺഗ്രസ് സ്ഥാനാർത്ഥികളുടെ എണ്ണം ഇരുപത്തിയഞ്ചാകും.

ഇതിനൊപ്പമാണ് ബിജെപി ചേരിയിലെ കേരളാ കോൺഗ്രസുകാരുടെ സാന്നിധ്യം. പാലായിൽ പി സി തോമസ് ബിജെപി മുന്നണിയുടെ ഭാഗമായി മത്സരിക്കുമെന്നാണ് സൂചന. എൻഡിഎ മുന്നണിയിൽ പി സി തോമസിന്റെ മൂന്ന് സ്ഥാനാർത്ഥികളെങ്കിലും ഉണ്ടാകും. പി സി ജോർജ്ജുമായി തെറ്റി നിൽക്കുന്ന ടി എസ് ജോണും ബിജെപിയുമായി സംസാരിക്കുന്നുണ്ട്. അങ്ങനെ വന്നാൽ എൻഡിഎ പക്ഷത്ത് രണ്ട് ടി എസ് ജോൺ ്സ്ഥാനാർത്ഥികളും ഉണ്ടാകും. അതായത് ബിജെപി 5 കേരളാ കോൺഗ്രസുകാരെയെങ്കിലും മത്സരിപ്പിക്കും. അങ്ങനെ കേരളാ കോൺഗ്രസ് സ്ഥാനാർത്ഥികൾ എല്ലാ മുന്നണിയിലും കൂടെ 30 കഴിയും. പൂഞ്ഞാറിലും മറ്റും ഇടതുപക്ഷത്തിന്റെ സ്വതന്ത്രനായി ജോർജ് ജെ മാത്യുവിനെ പോലുള്ളവരും എത്താൻ സാധ്യതയുണ്ട്. ഏതായാലും നിയമസഭയിലേക്ക് പോരിനിറങ്ങുന്ന കേരളാ കോൺഗ്രസുകാരുടെ എണ്ണം മുപ്പതിൽ കുറയില്ല.

1964ൽ ഇന്ത്യൻ നാഷണൽ കോൺഗ്രസ് വിട്ടുപോന്ന കേരളത്തിലെ ഒരു വിഭാഗം നേതാക്കാൾ രൂപം കൊടുത്ത രാഷ്ട്രീയ കക്ഷിയാണ് കേരളാ കോൺഗ്രസ്. അന്ന് കോൺഗ്രസ് വിട്ടുപോന്നവരുടെ നേതാവായിരുന്ന കെ എം ജോർജിന്റെ നേതൃത്വത്തിൽ കേരളാ കോൺഗ്രസ് രൂപമെടുത്തു. കോൺഗ്രസ് നേതാവായിരുന്ന പി ടി ചാക്കോയുടെ ആഭ്യന്തര മന്ത്രി പദത്തിൽനിന്നുള്ള രാജിയും അപ്രതീക്ഷിത മരണവുമായിരുന്നു ഈ പാർട്ടിയുടെ രൂപീകരണത്തിലേക്ക് കാര്യങ്ങളെത്തിയത്. അതിന് ശേഷം പല നേതാക്കളുടേയും വ്യക്തിതാൽപ്പര്യങ്ങൾ കേരളാ കോൺഗ്രസിനെ പിളർത്തി. മാണിയും ജോസഫും പിള്ളയും ജേക്കബും എൺപതുകളിൽ കേരളാ കോൺഗ്രസുകാരുടെ നേതാക്കളായി. അതിനിടെയാണ് പിളരും തോറും വളരുന്ന സിദ്ധാന്തം കെഎം മാണി മുന്നോട്ട് വയ്ക്കുന്നത്.

കേരളാ കോൺഗ്രസിന്റെ സ്ഥാപക നേതാവിന്റെ മകൻ കൂടിയായ ഫ്രാൻസിസ് ജോർജും പിളർപ്പിന് നേതൃത്വം നൽകുന്നുവെന്നതാണ് 1016ലെ നിയമസഭാ തെരഞ്ഞെടുപ്പിന് തൊട്ടുമുമ്പത്തെ കേരളാ കോൺഗ്രസ് രാഷ്ട്രീയത്തിലെ പ്രത്യേകത. ഫ്രാൻസിസ് ജോർജ് പുതിയ പാർട്ടിയുണ്ടാക്കുമോ അതോ ഇടതുപക്ഷത്തെ സ്‌കറിയാ തോമസുമായി സഹകരിച്ച് മുന്നോട്ട് പോകുമോ എന്നതാണ് ഉയരുന്ന ഏക ചോദ്യം. ഏതായാലും കേരളാ കോൺഗ്രസ് രാഷ്ട്രീയത്തെ ഈ പിളർപ്പും തളർത്തില്ല. പിളരും തോറും വളരുകയാണ് ഈ പാർട്ടി.

കോൺഗ്രസുകാരനായിരുന്ന പി ടി ചാക്കോ എന്ന ആഭ്യന്തരമന്ത്രിയുടെ രാജിയിലാണു കേരള കോൺഗ്രസിന്റെ പിറവിക്കു നിദാനമായത്. അദ്ദേഹം സഞ്ചരിച്ചിരുന്ന കാർ അപകടത്തിൽപ്പെട്ടതിനെ തുടർന്നുണ്ടായ വിവാദങ്ങളാണ് അക്കാലത്ത് വലിയ രാഷ്ട്രീയ കോളിളക്കമുണ്ടാക്കിയത്. സ്ത്രീ വിവാദങ്ങളെ തുടർന്ന് മന്ത്രിസ്ഥാനം രാജിവച്ച അദ്ദേഹം അഭിഭാഷകവൃത്തിക്കൊപ്പം രാഷ്ട്രീയ പ്രവർത്തനവും തുടരുകയായിരുന്നു. 1964 ജൂൺ മാസത്തിൽ കെപിസിസി. പ്രസിഡന്റ് സ്ഥാനത്തേക്ക് ചാക്കോ മത്സരിച്ചെങ്കിലും കെ.സി.എബ്രഹാമിനോട് തോറ്റു. പി ടി ചാക്കോയുടെ രാജിയിൽ തുടങ്ങിയ കോൺഗ്രസിലെ ഭിന്നതയാണു ആ പാർട്ടിയിലെ പിളർപ്പിലേക്ക് എത്തിച്ചത്. ചാക്കോയുടെ മരണത്തോടെ പ്രശ്‌നം രൂക്ഷമായി. 1964 ഓഗസ്റ്റ് ഒന്നിനാണു ചാക്കോ അന്തരിച്ചത്. തുടർന്നാണു കേരള കോൺഗ്രസിനു രൂപം നൽകിയത്.

സഭയിൽ ചാക്കോയെ അനുകൂലിച്ചിരുന്ന എംഎൽഎ.മാരിൽ 15 പേർ കെ.എം. ജോർജിന്റെ നേതൃത്വത്തിൽ പ്രത്യേക ബ്ലോക്കായി ഇരിക്കാൻ തീരുമാനിച്ചു. ഇവരുടെ ഉപനേതാവ് ആർ ബാലകൃഷ്ണപിള്ളയായിരുന്നു. ഇതാണ് പിന്നീട് കേരളാ കോൺഗ്രസ് ആയി മാറിയത്. ശങ്കർ മന്ത്രിസഭയ്ക്ക് എതിരെ വന്ന അവിശ്വാസ പ്രമേയത്തെ കെ.എം. ജോർജിന്റെ നേതൃത്വത്തിലുള്ള വിഭാഗം പിന്തുണക്കുകയും ചെയ്തു. 1964ൽ കേരള കോൺഗ്രസിന്റെ രൂപീകരണത്തിനുശേഷം 1965ൽ നടന്ന നിയമസഭാ തെരഞ്ഞെടുപ്പിൽ 25 സീറ്റുമായി തങ്ങളുടെ ശക്തിതെളിയിക്കാൻ കേരള കോൺഗ്രസിനു കഴിഞ്ഞിരുന്നു. 1979ൽ കേരള കോൺഗ്രസ് പിളർന്നതോടെ കെ എം മാണിയുടെയും പി ജെ ജോസഫിന്റെയും ആർ ബാലകൃഷ്ണപിള്ളയുടെയും നേതൃത്വത്തിൽ കേരള കോൺഗ്രസ് വിവിധ വിഭാഗങ്ങൾ രൂപപ്പെടുകയായിരുന്നു.

കോൺഗ്രസിലുണ്ടായ ഭിന്നത കേരള കോൺഗ്രസിന്റെ പിറവിക്കു കാരണമായപ്പോൾ തുടർന്നുണ്ടായ പിളർപ്പുകൾക്കൊക്കെ ഒരുതരത്തിൽ അല്ലെങ്കിൽ മറ്റൊരു തരത്തിൽ കാരണക്കാരനായത് കെ എം മാണിതന്നെയായിരുന്നു. 1964ൽ രൂപീകൃതമായ കേരള കോൺഗ്രസ് പിളർന്നു കേരള കോൺഗ്രസ് എം രൂപപ്പെടുന്നത് 1979ലാണ്. കെ എം മാണിതന്നെയാണ് ഇതിന്റെ നേതാവും ചെയർമാനും. കേരള കോൺഗ്രസ് പിളർന്നപ്പോഴാണ് പി ജെ ജോസഫും ആർ ബാലകൃഷ്ണപിള്ളയും സ്വന്തം അനുയായികുകളുമായി പാർട്ടിയുണ്ടാക്കിയത്. മാണി കേരള കോൺഗ്രസ് എം ഉണ്ടാക്കിയപ്പോൾ കേരള കോൺഗ്രസ് എന്ന പേരിൽ തുടർന്നത് പി ജെ ജോസഫ് ഗ്രൂപ്പാണ്. തിരിച്ചറിയുന്നതിനായി കേരള കോൺഗ്രസ് ജോസഫ് എന്ന വിളിപ്പേരും സ്വീകരിച്ചു. അതിനൊപ്പം തന്നെയാണ് മാതൃകക്ഷിയിൽ നിന്നടർന്നു കേരള കോൺഗ്രസ് ബി എന്ന പേരിൽ ആർ ബാലകൃഷ്ണപിള്ളയും സ്വന്തം കക്ഷിയുണ്ടാക്കിയത്.

കെ എം. മാണിയുടെ നേതൃത്വത്തിലുള്ള കേരള കോൺഗ്രസ് എമ്മിൽ പിന്നീടൊരു പൊട്ടിത്തെറിയുണ്ടാകുന്നത് 1993ലാണ്. മാണിയുമായുള്ള അഭിപ്രായവ്യത്യാസത്തെത്തുടർന്ന് 1993ൽ ടി എം ജേക്കബ്, ജോണി നെല്ലൂർ, മാത്യൂ സ്റ്റീഫൻ, പി.എം. മാത്യു എന്നിവർ വിഭജിച്ച് പുതിയ കക്ഷിയുണ്ടാക്കാൻ തീരുമാനിക്കുകയായിരുന്നു. പി.എം. മാത്യൂ, മാത്യൂ സ്റ്റീഫൻ എന്നിവർ പിന്നീട് മാതൃസംഘടനയിലേയ്ക്ക് മടങ്ങി. 1993 ഡിസംബർ 12ന് കക്ഷി രൂപീകരിച്ചതുമുതൽ കേരള കോൺഗ്രസ് (ജേക്കബ്) വിഭാഗം യു.ഡി.എഫിന്റെ ഭാഗമായിരുന്നുവെങ്കിലും 2005ൽ ഉമ്മൻ ചാണ്ടിയുമായുള്ള അഭിപ്രായവ്യത്യാസത്തെത്തുടർന്ന് കെ. കരുണാകരന്റെ ഡെമോക്രാറ്റിക് ഇന്ദിര കോൺഗ്രസ് (കരുണാകരൻ) എന്ന കക്ഷിയിൽ ലയിക്കാനുള്ള തീരുമാനമെടുത്തു. 2006ലെ തിരഞ്ഞെടുപ്പിൽ ഡി.ഐ.സി.(കെ) ഐക്യജനാധിപത്യ മുന്നണിയുമായി സഖ്യമുണ്ടാക്കി തിരഞ്ഞെടുപ്പിൽ മത്സരിച്ചു.

2006 സെപ്റ്റംബറിൽ പാർട്ടി പ്രസിഡന്റായ കെ. മുരളീധരനുമായുള്ള അഭിപ്രായവ്യത്യാസത്തെത്തുടർന്ന് ടി.എം. ജേക്കബും ഇദ്ദേഹത്തെ പിന്തുണയ്ക്കുന്നവരും ഡി.ഐ.സി.യിൽ നിന്ന് വിഘടിച്ച് കേരള കോൺഗ്രസ് (ജേക്കബ്) കക്ഷി പുനരുജ്ജീവിപ്പിച്ചു. ഇവർ ചെറിയ ഇടവേളയ്ക്കുശേഷം യു.ഡി.എഫിലേയ്ക്ക് തിരികെപ്പോകുകയും ചെയ്തു. അതിനിടെ, കേരള കോൺഗ്രസ് (ജോസഫ്) കക്ഷി ഇടതുപക്ഷ ജനാധിപത്യ മുന്നണിയുടെ ഭാഗമായാണു തുടർന്നിരുന്നുവെങ്കിലും 2010ൽ മുന്നണി വിട്ട് കേരള കോൺഗ്രസ് എമ്മുമായി ലയിച്ചു. അതോടെ ഐക്യജനാധിപത്യ മുന്നണിയുടെ ഭാഗമാവുകയും ചെയ്തു. നേരത്തേ പി.സി. തോമസിന്റെ ഇന്ത്യൻ ഫെഡറൽ ഡെമോക്രാറ്റിക് പാർട്ടി ജോസഫ് ഗ്രൂപ്പിൽ ലയിച്ചിരുന്നു.

എന്നാൽ, മാണി വിഭാഗവുമായി ലയിക്കാനുള്ള തീരുമാനം പി.ജെ. ജോസഫ് എടുത്തതോടെ പി.സി. തോമസ് വിഭാഗം പാർട്ടിയിൽ നിന്ന് പിരിഞ്ഞുപോയി. ജോസഫ് വിഭാഗം കേരള കോൺഗ്രസ് (എം) എന്ന കക്ഷിയിൽ ലയിച്ചതോടെ തോമസിന്റെ വിഭാഗം കേരള കോൺഗ്രസ് ലയന വിരുദ്ധ ഗ്രൂപ്പായി മാറി. 2007ൽ കേരള കോൺഗ്രസുകളൊന്നാകെ ലയിക്കാനുള്ള ആലോചന നടന്നിരുന്നു. അതിനായി കെ.എം. മാണി ചെയർമാനായും ആർ ബാലകൃഷ്ണപിള്ള കൺവീനറായും 12 അംഗ കമ്മിറ്റി രൂപീകരിച്ചു. നാലു കേരളാ കോൺഗ്രസുകളിൽ നിന്നായി മൂന്നു അംഗങ്ങളാണ് കമ്മറ്റിയിൽ ഉണ്ടായിരുന്നത്. ഈ ഐക്യവേദിയിൽ അന്ന് ഇടതു മുന്നണിക്കൊപ്പം ഉണ്ടായിരുന്ന ജോസഫ് ഗ്രൂപ്പ് പങ്കെടുത്തിരുന്നില്ല. എന്നാൽ പിന്നീട് ഐക്യവേദിക്ക് നേതൃത്വം കൊടുത്ത ബാലകൃഷ്ണപിള്ള ഐക്യത്തിന് പുറത്തായി. ഐക്യവേദിയിലില്ലായിരുന്ന ജോസഫ് ഗ്രൂപ്പ് മാണി ഗ്രൂപ്പിനൊപ്പം ചേർന്നു.

പിന്നീട് ജേക്കബ് ഗ്രൂപ്പും ഒറ്റയ്ക്കു നിൽക്കാൻ തീരുമാനമെടുത്തു. ഇതിനു ശേഷമാണ് സെക്കുലർ കേരളാ കോൺഗ്രസായിരുന്ന പി.സി. ജോർജ് പാർട്ടി പിരിച്ചുവിട്ടു മാണി നേതൃത്വം നൽകുന്ന കേരളാ കോൺഗ്രസിൽ ലയിച്ചത്. ഈ ലയനം കഴിഞ്ഞാണ് വിഭിന്ന ചേരികളിലായിരുന്ന മാണി ഗ്രൂപ്പും ജോസഫ് ഗ്രൂപ്പും 2010 മെയ് 27നാണ് ലയിച്ചത്. ഇടതുമുന്നണിയുടെ ഭാഗമായിരുന്ന ജോസഫ് വിഭാഗം, ലയനത്തോടെ യു.ഡി.എഫിലെത്തുകയും ചെയ്തു. ഈ ലയനമാണു കേരളാ കോൺഗ്രസുകളുടെ ഏറ്റവും വലിയ ലയനമായി വിലയിരുത്തപ്പെടുന്നത്. വിവാദങ്ങൾക്കിടെ പി സി ജോർജും വിട്ടുപോയി. ഇപ്പോഴിതാ ഫ്രാൻസിസ് ജോർജും കൂട്ടരും മാണിയേും പിജെ ജോസഫിനേയും വിട്ട് പുതിയ പാർട്ടിയാകുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
തണ്ണിമത്തൻ കൊണ്ട് മാറ് മറയ്ക്കുകയും പിന്നീട് മാറ് പൂർണമായും തുറന്നുകാണിക്കുകയും ചെയ്തതിലൂടെ സ്ത്രീ സ്വാതന്ത്ര്യം ചർച്ചയാക്കിയ സാമൂഹിക പ്രവർത്തക; ചുംബന സമരത്തിന് ശേഷം തൃശൂരിലെ പുലികളിയിൽ ആദ്യ പെൺപുലിയായും ചരിത്രമുണ്ടാക്കി; നഗ്ന ശരീരത്തിലെ പുലി വരയിലൂടെ ചർച്ചയിലെത്തിയ വനിതാ കരുത്ത്; മലചവിട്ടുന്ന രഹ്നാ ഫാത്തിമ ചർച്ചയായത് ഇങ്ങനെയൊക്കെ
എംഎൽഎ ആയത് വെറും 89 വോട്ടിന്റെ ഭൂരിപക്ഷത്തിൽ; കള്ളവോട്ട് നേടിയെന്നാരോപിച്ചുള്ള കേസ് ഇപ്പോഴും നടത്തി തോറ്റ സ്ഥാനാർത്ഥി കെ സുരേന്ദ്രൻ; മണ്ഡലത്തിന്റെ മനസ്സറിഞ്ഞ എംഎൽഎ അകാലത്തിൽ മരിക്കുമ്പോൾ കെ സുരേന്ദ്രനെ നേരിടാൻ അടിയന്തിരമായി ലീഗിന് നേതാവിനെ കണ്ടെത്തേണ്ടി വരും; ശബരിമല വിവാദത്തിന്റെ പശ്ചാത്തലത്തിൽ നേമത്ത് തുറന്ന അക്കൗണ്ട് മഞ്ചേശ്വരത്തേക്ക് വ്യാപിപ്പിക്കാൻ കരുക്കൾ നീക്കി ബിജെപി
രാഹുൽ ഈശ്വറെ ജയിലിൽ അടച്ചതും അയ്യപ്പഭക്തരെ തല്ലിചതച്ചതും ഇതര സംസ്ഥാനങ്ങളിലും ചൂടേറിയ വാർത്ത; പൊലീസ് ഭക്തർക്ക് നേരെ കല്ലെറിയുന്ന ദൃശ്യങ്ങൾ അടങ്ങിയ വാർത്തകൾ തമിഴ്‌നാട്ടിലും ആന്ധ്രയിലും കർണ്ണാടകയിലും സൃഷ്ടിച്ചത് വലിയ വികാരം; ശബരിമല പ്രക്ഷോഭം ദക്ഷിണേന്ത്യ മുഴുവനായി വളരുമെന്ന് റിപ്പോർട്ടുകൾ; സ്ത്രീകളുടെ വോട്ട് പ്രതീക്ഷിച്ചിറങ്ങി എല്ലാം കൈവിട്ടപ്പോൾ കരകയറാൻ വഴി തേടി സിപിഎം
ജമാൽ ഖഷോഗിയെ കൊന്നുവെന്ന് തുറന്ന് സമ്മതിച്ച് സൗദി അറേബ്യ; ചോദ്യം ചെയ്യലിനിടയിൽ കൈയബദ്ധം പറ്റിയെന്ന് സമ്മതിച്ച് 18 പേര അറസ്റ്റ് ചെയ്തു; രഹസ്യാന്വേഷണ സംഘത്തിലെ ഉപമേധാവിയെ പുറത്താക്കി; കിരീടാവകാശിയായ മുഹമ്മദ് ബിൻ സൽമാൻ നേരിട്ട് ഉത്തരവ് നൽകിയ കൊലപാതകം എന്നാരോപിച്ച് തുർക്കി ആക്രമണത്തിന് മൂർച്ച കൂട്ടി; അമേരിക്കയും സൗദിയും തമ്മിലുള്ള ബന്ധവും വഷളായേക്കുമെന്ന ആശങ്ക അറബ് ലോകത്ത് ശക്തം
വിശ്വാസികളുടെ വിശ്വാസം വ്രണപ്പെടുത്താൻ ശ്രമിച്ച രഹന ഫാത്തിമയെ പിരിച്ചു വിടുക...ജനങ്ങളുടെ വികാരം മനസ്സിലാക്കിയില്ലെങ്കിൽ അടുത്ത പടി നിങ്ങളുടെ സർവീസ് വേണ്ടെന്ന് വെക്കും; മല കയറിയ കൊച്ചി സ്വദേശിക്കെതിരെ ബിഎസ്എൻഎൽ കേരള സർക്കിളിന്റെ ഫേസ്‌ബുക്കിൽ പൊങ്കാല; വർഗീയ കലാപത്തിന് കോപ്പുകോട്ടിയെന്നാരോപിച്ച് മഹിള മോർച്ച അടക്കമുള്ള സംഘടനകളുടെ പരാതി; താൻ കെ.സുരേന്ദ്രനുമായി കൂടിക്കാഴ്ച നടത്തിയെന്നും സന്ദർശനം ഗൂഢാലോചനയെന്നുമുള്ള രശ്മി നായരുടെ ആരോപണം പകപോക്കലെന്ന് രഹന
ഞാനൊരു ഹിന്ദുവാണ്...ഒരവസരം കൂടി കിട്ടിയാൽ ശബരിമലയിലേക്ക് വീണ്ടും വരും..ക്ഷേത്ര ദർശനം നടത്തും; ക്ഷേത്രത്തിന് 100 മീറ്റർ അകലെ എന്നെ തടഞ്ഞതിനാൽ ജോലി പൂർത്തിയാക്കാനായില്ല; സുപ്രീം കോടതി വിധി നടപ്പാക്കുന്നുണ്ടോയെന്ന് റിപ്പോർട്ട് ചെയ്യാനാണ് മല കയറിയത്; ബലമായി വിമാനത്താവളത്തിലേക്ക് മടക്കി അയയ്ക്കുകയായിരുന്നെന്നും തെലുങ്കു മോജോ ടിവി റിപ്പോർട്ടർ കവിത ജക്കൽ
ട്രാക്ടറിൽ ടാർപോളിൻ വച്ച് പൊതിഞ്ഞു കൊണ്ടാണ് രാഹുലിനെ അവിടുന്ന് കൊണ്ട് വന്നത്. ആദ്യം ഞാനിത് വിശ്വസിച്ചില്ല; ആന്ധ്രയിൽ നിന്നുള്ള മാധവിയെ തടയുമ്പോൾ രാഹുൽ സന്നിധാനത്തായിരുന്നു; അറസ്റ്റിനുള്ള വകുപ്പുകൾ ഇല്ലാതെയുള്ള ഈ രഹസ്യ നടപടി ശരിയോ എന്ന് ചോദിച്ച് കരഞ്ഞ് കൊണ്ട് ദീപ രാഹുൽ ഈശ്വറിന്റെ ഫേസ്‌ബുക്ക് ലൈവ്
ഊണ് കഴിക്കുന്നതിനിടെ എന്റെ മാറിടത്തിലേക്ക് തന്നെ കള്ളക്കണ്ണിട്ട് നോക്കും; മീൻ കറി കഴിക്കുമ്പോൾ മീനിനെയും പെണ്ണുങ്ങളുടെ ശരീരത്തെയും താരതമ്യം ചെയ്യും; ഏറ്റവുമൊടുവിൽ വാതിൽ തുറന്നുതള്ളിക്കയറി വന്ന് എന്റെ കൂടെ കട്ടിലിൽ കയറിക്കിടന്നു; ഡയറക്ടറോട് പരാതിപ്പെട്ടപ്പോഴും വഷളത്തരം തുടർന്നു; അലൻസിയർക്കെതിരെ മീ ടൂ ആരോപണവുമായി നടി; വെളിപ്പെടുത്തൽ ഇന്ത്യ പ്രൊട്ടസ്റ്റ്‌സ് വെബ്‌സൈറ്റിൽ
തണ്ണിമത്തൻ കൊണ്ട് മാറ് മറയ്ക്കുകയും പിന്നീട് മാറ് പൂർണമായും തുറന്നുകാണിക്കുകയും ചെയ്തതിലൂടെ സ്ത്രീ സ്വാതന്ത്ര്യം ചർച്ചയാക്കിയ സാമൂഹിക പ്രവർത്തക; ചുംബന സമരത്തിന് ശേഷം തൃശൂരിലെ പുലികളിയിൽ ആദ്യ പെൺപുലിയായും ചരിത്രമുണ്ടാക്കി; നഗ്ന ശരീരത്തിലെ പുലി വരയിലൂടെ ചർച്ചയിലെത്തിയ വനിതാ കരുത്ത്; മലചവിട്ടുന്ന രഹ്നാ ഫാത്തിമ ചർച്ചയായത് ഇങ്ങനെയൊക്കെ
സിദ്ദിഖിന്റേത് അച്ചടക്കലംഘനം; ലളിതച്ചേച്ചിയെ ആരും ചുമതലപ്പെടുത്തിയിട്ടില്ല; സംഘടനയിലെ ഗുണ്ടായിസം അനുവദിക്കാൻ പറ്റില്ലെന്നും എല്ലാവരുടെയും ചരിത്രം അറിയാമെന്നും ജഗദീഷ്; സിദ്ദിഖ് പറഞ്ഞത് സംഘടനാ നിലപാടല്ലെന്ന് ബാബുരാജും; എഎംഎംഎ ഭാരവാഹികൾ വാട്‌സ് ആപ്പ് ഗ്രൂപ്പിൽ ഇട്ട ശബ്ദസന്ദേശം പുറത്ത്; പത്രസമ്മേളനം വിളിച്ചത് ദിലീപ് സിനിമയുടെ സെറ്റിൽ വെച്ച്; താരസംഘടനയിൽ വൻ പൊട്ടിത്തെറി; നടക്കുന്നത് മോഹൻലാൽ അനുകൂലികളും ദിലീപ് അനുയായികളും തമ്മിലുള്ള വടംവലി
കറുപ്പുടുത്ത് കെട്ടുംകെട്ടി ശബരിമലയിലേക്ക് പോകാനെത്തിയത് യുക്തിവാദി! കേരള യുക്തിവാദി സംഘം പുറത്താക്കിയ നേതാവിന് സ്വന്തമായി ആശയ പ്രചരണത്തിന് ഓൺലൈൻ പത്രവും; കോളേജ് അദ്ധ്യാപകന്റെ ഭാര്യയ്‌ക്കൊപ്പം കെട്ടുമുറുക്കിയത് അഭിഭാഷക കുടുംബം; യാത്രതിരിച്ചത് തന്റെ പ്രതിഷേധം കോടതിവിധി നടപ്പാക്കാതിരിക്കുന്നതിനും ലിംഗ സ്വാതന്ത്ര്യം തടയുന്നതിലെന്നും ഫെയ്‌സ് ബുക്കിൽ കുറിച്ച്; എന്തുവന്നാലും മലചവിട്ടുമെന്ന് പറയുന്ന ചേർത്തലക്കാരി ലിബിയുടെ കഥ ഇങ്ങനെ
ശബരിമലയ്ക്ക് കെ എസ് ആർ ടി സി ബസിൽ പുറപ്പെട്ട ജേണലിസം വിദ്യാർത്ഥികളെ പ്രതിഷേധക്കാർ നിലയ്ക്കലിൽ വച്ച് തടഞ്ഞു; പെണ്ണുങ്ങളെ കേറ്റുകയില്ലെന്ന് ആക്രോശിച്ച് കൊണ്ട് നിരവധി സ്ത്രീകൾ ഇരച്ച് കയറി വിദ്യാർത്ഥികളെ ഇറക്കി വിട്ടു; ചെറുത്ത് നിന്ന പെൺകുട്ടികളുമായി വാക്കേറ്റം; പമ്പക്ക് പുറപ്പെട്ട മുഴുവൻ കെ എസ് ആർ ടി സി ബസുകളും തടഞ്ഞ് പരിശോധിക്കുന്നു; പ്രതിഷേധത്തിനിടെ ആത്മഹത്യാ ശ്രമവും; നിലയ്ക്കലിലേക്ക് ആളുകളുടെ ഒഴുക്ക്; ശബരിമല യുവതി പ്രവേശന വിഷയത്തിൽ നിലയ്ക്കൽ സംഘർഷ ഭരിതമാകുന്നു
പ്രളയത്തിന്റെ പേരിലുള്ള ധൂർത്തിന് തടയിട്ട് കേന്ദ്രസർക്കാർ; മുഖ്യമന്ത്രി ഒഴികെയുള്ള മന്ത്രിമാർക്ക് വിദേശത്തേക്ക് പോകാനുള്ള അനുമതി നിഷേധിച്ചു; ഗൾഫിൽ പോകുന്ന മുഖ്യമന്ത്രിക്കും ഔദ്യോഗിക പരിപാടികൾക്ക് വിലക്ക്; നയതന്ത്രചർച്ചകൾക്കും മുതിരേണ്ടതില്ല; കേന്ദ്രം തടഞ്ഞത് പ്രവാസികൾ അയയ്ക്കാവുന്നത്രയും പണം അയച്ചുകഴിഞ്ഞിട്ടും ദുരിതാശ്വാസ ഫണ്ട് ഉപയോഗിച്ച് ടൂറടിക്കാനുള്ള നീക്കം
ശ്രമിച്ചത് അതീവ രഹസ്യമായി കിസ് ഓഫ് ലൗ സമരനായികയെ പതിനെട്ടാംപടി ചവിട്ടിക്കാൻ; എല്ലാം മറച്ചുവച്ച് ഏഷ്യാനെറ്റും മറ്റ് ചാനലുകളും; തെലുങ്ക് മാധ്യമ പ്രവർത്തകയെ മറയാക്കി ആക്ടിവിസ്റ്റിനെ സന്നിധാനത്ത് എത്തിക്കാനുള്ള നീക്കം പൊളിച്ചത് മറുനാടന്റെ വാർത്ത; തീക്കൊള്ളി കൊണ്ട് തലചൊറിയുന്നുവെന്ന് സർക്കാരിന് മനസ്സിലായത് ഭക്തരുടെ ചെറുത്ത് നിൽപ്പിന്റെ ശക്തി മനസ്സിലായതോടെ; നിസ്സഹായാവസ്ഥ അറിയിച്ച് ഐജി ശ്രീജിത്തും; രഹ്നാ ഫാത്തിമയേയും കവിതയേയും തിരിച്ചയക്കുന്നത് ഭക്തരുടെ ശരണം വിളി പ്രതിഷേധം
ഞങ്ങൾ മൂന്നു പേരുടെ പേരുപോലും പറയാൻ കഴിയാത്ത വിധം മോഹൻലാൽ മാറിയത് ആശ്ചര്യപ്പെടുത്തി; കണ്ണുനിറഞ്ഞുകൊണ്ട് രേവതി; തന്റെ അവസരങ്ങൾ തട്ടിത്തെറിപ്പിച്ചുവെന്ന് പറഞ്ഞ് ദിലീപിനെതിരെ പരാതിപ്പെട്ടിട്ടും അനങ്ങാതിരുന്നതിൽ പ്രതിഷേധിച്ചാണ് ഇരയായ നടി രാജി വച്ചതെന്ന് പാർവതി; മോഹൻലാലിനും എഎംഎംഎയ്ക്കുമെതിരെ ആഞ്ഞടിച്ച് ഡബ്ലുസിസി; സിനിമാ നടന്മാർക്കെതിരെ പൊട്ടിത്തെറിച്ച് കറുപ്പുവസ്ത്രം ധരിച്ച് നടിമാർ; താരസംഘടനയിൽ നിന്ന് രാജി വയ്ക്കില്ലെന്നും അംഗങ്ങൾ
രാത്രി പതിനൊന്നരയോടെ ഓടിയെത്തിയത് 17കാരി; ആരോ തന്റെ വാതിലിൽ മുട്ടി വിളിച്ചതിന്റെ ഭയത്താലായിരുന്നു ആ കുട്ടി; പേടിച്ചു വിറച്ച കുട്ടിക്കും അമ്മൂമ്മയ്ക്കും തന്റെ മുറിയിൽ സുരക്ഷിതത്വം ഒരുക്കി; അതൊരു ലൈംഗിക പീഡനമോ ശാരീരിക പീഡനമോ ആയിരുന്നില്ല; വെറുമൊരു രാത്രിഭയം; സംഭവിച്ചത് 25-26 കൊല്ലം മുമ്പും; കേസും പുലിവാലുമായപ്പോൾ വിശദീകരണവുമായി രേവതി രംഗത്ത്; കൊച്ചി പ്രസ് ക്ലബ്ബിലെ വെളിപ്പെടുത്തലിൽ പുതിയ വിശദീകരണം ഇങ്ങനെ
ഇതൊരു സുവർണ്ണാവസരമാണ്; അയ്യപ്പൻ സ്വയം കഴിവ് തെളിയിക്കട്ടേ! കിളവികളെ വേണോ അതോ നല്ല സൊയമ്പൻ പെമ്പിള്ളേരെ വേണോ; തീരുമാനം അയ്യപ്പനെന്ന് പോസ്റ്റിട്ട ജീവനക്കാരന്റെ കാര്യത്തിൽ തീരുമാനമെടുത്ത് എംഎ യൂസഫലി; ലുലു ഗ്രൂപ്പിൽ നിന്ന് ദീപക് പവിത്രനെ പുറത്താക്കി അയ്യപ്പ വിശ്വാസികളുടെ വികാരത്തിനൊപ്പം നിന്ന് പ്രവാസി വ്യവസായിയുടെ ഇടപടെൽ; ലുലു ഹൈപ്പർമാർക്കറ്റ് ജീവനക്കാരന് പണി പോയത് സോഷ്യൽ മീഡിയയിലെ പൊങ്കാല കാരണം
എല്ലാ വഴികളും അടഞ്ഞാൽ ശബരിമല നട അനിശ്ചിത കാലത്തേക്ക് അടയ്ക്കാൻ ആലോചിച്ച് തന്ത്രി കുടുംബവും പന്തളം കൊട്ടാരവും; ആചാരങ്ങളുടെ കാര്യത്തിൽ പരമാധികാരി തന്ത്രി കുടുംബം ആയതിനാൽ സുപ്രീംകോടതിക്ക് പോലും ഒന്നും ചെയ്യാനാവില്ല; ഒരുതവണ യുവതീ പ്രവേശനം ഉണ്ടായാൽ ഉടൻ പുണ്യാഹത്തിന്റെ പേരിൽ നട അടക്കും; ഇക്കുറി മാലയിട്ട എല്ലാവർക്കും അയ്യപ്പ ദർശനം ലഭിച്ചേക്കില്ല
ഉറക്കമില്ലാതെ ബാലു കരഞ്ഞുകൊണ്ടിരുന്ന ആ ചതിയിലെ വില്ലന് ഈ അപകടവുമായി എന്തെങ്കിലും ബന്ധമുണ്ടോ? വടക്കുംനാഥനെ കണ്ട ശേഷം താമസിക്കാനായി തൃശൂരിൽ മുറി ബുക്ക് ചെയ്തിട്ടും ഉറക്കമിളച്ച് തിരുവനന്തപുരത്തേക്ക് മടങ്ങാൻ പ്രേരണ നൽകിയത് എന്ത്? വിദേശത്തെ സ്റ്റേജ് ഷോകൾ വഴിയും സംഗീത പരിപാടികൾ വഴിയും സമ്പാദിച്ച സ്വത്തുക്കൾ ഒക്കെ ആരുടെ പേരിൽ? ബാലഭാസ്‌കറിന്റെ മരണത്തിൽ ചില സംശയങ്ങൾ ഒക്കെയുണ്ടെന്ന് ബന്ധുക്കൾ അടുപ്പക്കാരോട് പറഞ്ഞതായി റിപ്പോർട്ട്
ഊണ് കഴിക്കുന്നതിനിടെ എന്റെ മാറിടത്തിലേക്ക് തന്നെ കള്ളക്കണ്ണിട്ട് നോക്കും; മീൻ കറി കഴിക്കുമ്പോൾ മീനിനെയും പെണ്ണുങ്ങളുടെ ശരീരത്തെയും താരതമ്യം ചെയ്യും; ഏറ്റവുമൊടുവിൽ വാതിൽ തുറന്നുതള്ളിക്കയറി വന്ന് എന്റെ കൂടെ കട്ടിലിൽ കയറിക്കിടന്നു; ഡയറക്ടറോട് പരാതിപ്പെട്ടപ്പോഴും വഷളത്തരം തുടർന്നു; അലൻസിയർക്കെതിരെ മീ ടൂ ആരോപണവുമായി നടി; വെളിപ്പെടുത്തൽ ഇന്ത്യ പ്രൊട്ടസ്റ്റ്‌സ് വെബ്‌സൈറ്റിൽ
തണ്ണിമത്തൻ കൊണ്ട് മാറ് മറയ്ക്കുകയും പിന്നീട് മാറ് പൂർണമായും തുറന്നുകാണിക്കുകയും ചെയ്തതിലൂടെ സ്ത്രീ സ്വാതന്ത്ര്യം ചർച്ചയാക്കിയ സാമൂഹിക പ്രവർത്തക; ചുംബന സമരത്തിന് ശേഷം തൃശൂരിലെ പുലികളിയിൽ ആദ്യ പെൺപുലിയായും ചരിത്രമുണ്ടാക്കി; നഗ്ന ശരീരത്തിലെ പുലി വരയിലൂടെ ചർച്ചയിലെത്തിയ വനിതാ കരുത്ത്; മലചവിട്ടുന്ന രഹ്നാ ഫാത്തിമ ചർച്ചയായത് ഇങ്ങനെയൊക്കെ
ശരണം വിളിയിൽ പ്രകമ്പനം കൊണ്ട് പന്തളം; വട്ടമിട്ടു പറന്ന് കൃഷ്ണപ്പരുന്ത്; അയ്യപ്പനാമം ജപിച്ച് മുസ്ലിങ്ങളും ക്രിസ്ത്യാനികളും: പിന്തുണയേകി പിസിജോർജും ദേവനും തിരുവാഭരണ വാഹകരും പേട്ട സംഘങ്ങളും; മൂവായിരം പേരെ പ്രതീക്ഷിച്ചിടത്ത് വന്നത് അരലക്ഷത്തിലധികം പേർ; അയ്യപ്പന്റെ ജന്മനാട്ടിലെ ഭക്തജന പ്രതിഷേധം കണ്ട് അമ്പരന്ന് രാഷ്ട്രീയക്കാർ; വിശ്വാസികളുടെ താക്കീതെന്ന് ഉദ്‌ഘോഷിച്ച് നാമജപഘോഷയാത്ര
വേദിയെ ഇളക്കി മറിച്ച ആ കൂട്ടുകെട്ട് ഇനി ഇല്ല; അനുജനെ പോലെ ഉലകം ചുറ്റാൻ എപ്പോഴും കൂടെയുണ്ടായിരുന്ന പ്രിയപ്പെട്ട ബാലയ്ക്ക് വിടനൽകാൻ ശിവമണി എത്തി; വർഷങ്ങൾ നീണ്ട കൂട്ടുകെട്ട് തകർത്ത് ബാല പോയപ്പോൾ അന്ത്യ ചുംബനം നൽകാൻ ശിവമണി എത്തിയത് നെഞ്ചുതകരുന്ന വേദനയോടെ: സ്റ്റീഫൻ ദേവസിയുടെ തോളിൽ ചാരി നിന്ന് വയലിനില്ലാത്ത ബാലയെ കണ്ട് കണ്ണ് തുടച്ച് ശിവമണി
ഫ്രാങ്കോ മുളയ്ക്കലിന്റെ കൈവെള്ളയിൽ മൂന്ന് കറുത്തപാടുകൾ ഉണ്ട്; വിരലുകൾ കൈവെള്ളയിലേക്ക് ചേരുന്ന ഭാഗത്തായുള്ള ഈ പാടുകളാണ് സ്ത്രീപീഡന കേസിൽ ബിഷപ്പിനെ അഴിക്കുള്ളിലാക്കിയത്..! പ്രമുഖ ജ്യോതിഷ പണ്ഡിതന്റെ വിധി അച്ചട്ടായെന്ന് പി സി ജോർജ്ജ്; എന്നെ വളർത്തി വലുതാക്കി ബിഷപ്പാക്കിയ ദൈവം ജയിലിലുമാക്കി, ഇനിയെന്തെന്ന് ദൈവം തീരുമാനിക്കട്ടെയെന്ന് ബിഷപ്പും; ജയിലിൽ എത്തി മെത്രാന്റെ കൈ മുത്തിയ ശേഷം ബലാത്സംഗ കേസ് പ്രതിയെ യേശുവിനോട് ഉപമിച്ചും പിസി ജോർജ്ജ്
കേരളത്തിലേതടക്കം 4230 ബാങ്കിങ് ഇതര ധനകാര്യ സ്ഥാപനങ്ങളുടെ ലൈസൻസ് റദ്ദാക്കി ആർബിഐ; കച്ചവടം പൂട്ടുന്നവരിൽ കൊശമറ്റവും കുറ്റൂക്കാരനും പോപ്പുലറും അടക്കം 58 കേരള സ്ഥാപനങ്ങളും; പാവപ്പെട്ടവന്റെ പിച്ചച്ചട്ടിയിൽ കൈയിട്ടുവാരിയ കോടീശ്വരന്മാരായ വെള്ളക്കോളർ ബ്ലേഡ് കമ്പനി മുതലാളിമാർക്ക് നിനച്ചിരിക്കാതെ പണി കിട്ടിയതിങ്ങനെ; പ്രതിസന്ധിയിലാകുന്നത് മുണ്ടുമുറുക്കിയുടുത്ത് പണം നിക്ഷേപിച്ച അരപ്പട്ടിണിക്കാർ
ബാലഭാസ്‌കറിന് തലയ്ക്കും നെട്ടെല്ലിനും മൾട്ടിപ്പിൾ ഫ്രാക്ച്ചർ; യുവ സംഗീതജ്ഞന്റെ നില അതീവഗുരുതരമെന്ന് വിലയിരുത്തി ഡോക്ടർമാർ; അടിയന്തര ശസ്ത്രക്രിയ നിർണ്ണായകം; ഭാര്യ ലക്ഷ്മിയും ഡ്രൈവറും അപകടനില തരണം ചെയ്തു; ഒന്നരവയസ്സുള്ള മകൾ തേജസ്വനി ബാലയുടെ ജീവനെടുത്തത് അച്ഛന്റെ മടിയിൽ ഇരുന്നുള്ള ഫ്രണ്ട് സീറ്റ് യാത്ര; വയലിനിൽ വിസ്മയം തീർക്കുന്ന ബാലഭാസ്‌കറിനും കുടുംബത്തിനും വേണ്ടി പ്രാർത്ഥനയോടെ മലയാളികൾ; കഴക്കൂട്ടത്തെ അപകടത്തിന്റെ ഞെട്ടലിൽ സംഗീത ലോകം