1 usd = 63.53 inr 1 gbp = 88.11 inr 1 eur = 78.33 inr 1 aed = 17.41 inr 1 sar = 17.40 inr 1 kwd = 212.83 inr

Jan / 2018
18
Thursday

കോൺഗ്രസിലേത് ഉമ്മൻ ചാണ്ടിയുടെ മൗനത്തിൽ പിറന്ന ഭൂമികുലുക്കം..! പ്രതിസന്ധിയിൽ ഘടകകക്ഷികളെ കൂട്ടിയുള്ള പഴയ ഒളിപ്പോര് വീണ്ടും പയറ്റുമ്പോൾ ആടിയുലഞ്ഞ് യുഡിഎഫ്; കെ മുരളീധരന് പിന്തുണയുമായി എ വിഭാഗക്കാർ എത്തിയതോടെ വ്യക്തമാകുന്നത് ഗ്രൂപ്പ് സമവാക്യങ്ങളിലെ സാരമായ മാറ്റം; ഡിസിസി പുനഃസംഘടനയിലെ തഴയപ്പെട്ടതിന്റെ കണക്കു തീർക്കാൻ രണ്ടും കൽപ്പിച്ച് ഉമ്മൻ ചാണ്ടി

December 27, 2016 | 04:04 PM | Permalink



ബി രഘുരാജ്

തിരുവനന്തപുരം: കേരളത്തിലെ കോൺഗ്രസിലെ രാഷ്ട്രീയ ചാണക്യനായ ഉമ്മൻ ചാണ്ടിയുടെ കാലം കഴിഞ്ഞെന്ന് വിമർശിച്ചവർ പോലും അദ്ദേഹത്തെ എഴുതി തള്ളേണ്ടെന്ന നിലപാടുകാരായിരുന്നു. ഡിസിസി പുനഃസംഘടനയോടെ ഇപ്പോൾ കോൺഗ്രസിൽ ഉരുണ്ടുകൂടുന്ന പ്രശ്‌നങ്ങൾ ചുരുക്കത്തിൽ ഉമ്മൻ ചാണ്ടിയുടെ മൗനത്തിൽ നിന്നും പിറന്ന ഭൂമികുലുക്കമാണ്. മുൻകാലത്ത് കെ കരുണാകരനെയും പിന്നീട് എ കെ ആന്റണിയുടെയും കസേര തെറിപ്പിച്ച ഉമ്മൻ ചാണ്ടി തന്ത്രത്തിൽ ഇത്തവണ ഉന്നം വെക്കുന്നത് രണ്ട് തലകളാണ്. ഒന്ന് പ്രതിപക്ഷ നേതാവ് രമേശ് ചെന്നിത്തലയും രണ്ടാമതായി കെപിസിസി അധ്യക്ഷൻ വി എം സുധീരനും. രണ്ട് പേരും വ്യത്യസ്ത ധ്രുവങ്ങളിൽ ആണെങ്കിലും ഇരുവരുടെയും നിലപാടുകളാണ് ഉമ്മൻ ചാണ്ടിയെയും എ ഗ്രൂപ്പിനെയും ഇപ്പോഴത്തെ നിലയിൽ എത്തിച്ചത്. ഡിസിസി പുനഃസംഘടനയിൽ ഇക്കാര്യം ശരിക്കും വ്യക്തമാകുകയും ചെയ്തു ഇതോട രണ്ടും കൽപ്പിച്ച് രംഗത്തിറങ്ങിയിരിക്കയാണ് ഉമ്മൻ ചാണ്ടി.

യുഡിഎഫിലെ മുസ്ലിംലീഗിനെയും ഇപ്പോൾ വിട്ടുപോയ കെ എം മാണിയെയും കൂട്ടു പിടിച്ചു കൊണ്ട് തന്നെയായിരുന്നു എക്കാലവും ഉമ്മൻ ചാണ്ടിയുടെ ഒളിയുദ്ധങ്ങൾ. ഈ യുദ്ധമുറ തന്നെയാണ് ഇപ്പോൾ അദ്ദേഹം സുധീരനും ചെന്നിത്തലയ്ക്കും എതിരെ പ്രയോഗിക്കുന്നത്. ഇതിന് വേണ്ടി ഉമ്മൻ ചാണ്ടി സ്വീകരിച്ചിരിക്കുന്ന മാർഗ്ഗം വിഘടിച്ചു നിൽക്കുന്ന ഐ ഗ്രൂപ്പിനെ ശിഥിലമാക്കുക എന്നതാണ്. കരുത്തു ചോർന്നിരിക്കുന്ന ഐ ഗ്രൂപ്പിൽ നിന്നും നേതാക്കളെ ഒപ്പം നിർത്താനുള്ള നീക്കത്തിന്റെ ഭാഗം തന്നെയാണ് ഇന്ന് കെ മുരളീധരനെ പിന്തുണച്ച് സുധീരന് കത്തയച്ചിരിക്കുന്നതും. വിഷയത്തിൽ സുധീരന്റെ നിലപാടിനൊപ്പം നിൽക്കുന്ന രാജ്‌മോഹൻ ഉണ്ണിത്താൻ തന്നെയാണ് മുരളിയുടെ എതിരാളിയെന്ന് തിരിച്ചറിഞ്ഞു കൊണ്ട് തന്നെയാണ് എ ഗ്രൂപ്പ് നേതാവ് കെ സി ജോസഫ് കത്തയച്ചതും.

മുൻ കാലങ്ങളിൽ ഒപ്പമുണ്ടായിരുന്ന കെ എം മാണി ഇപ്പോഴില്ലെങ്കിലും ജോണി നെല്ലൂരും ഇ ടി മുഹമ്മദ് ബഷീറും രംഗത്തിറങ്ങിയതിന് പിന്നിൽ സുധീരൻ-ചെന്നിത്തല വിരുദ്ധ വികാരമാണെന്നാണ് വ്യക്തമാണ്. ചെന്നിത്തലയുടെ ആർഎസ്എസ് അനുകൂല നിലപാടായിരുന്നു എന്നും ലീഗിന് പ്രശ്‌നം. ഈ വിഷയം പലതവണ ചൂണ്ടിക്കാട്ടിയ ഇ ടി തന്നെയാണ് യുഡിഎഫ് പ്രതിഷേധങ്ങൾക്ക് മൂർച്ച പോരെന്ന പറഞ്ഞു രംഗത്തെത്തിയത് എന്നതും ശ്രദ്ധേയമാണ്. എന്നാൽ, രണ്ട് പേർക്കെതിരെയും പരസ്യമായി രംഗത്തിറങ്ങാൻ ഉമ്മൻ ചാണ്ടിയില്ല, അണികളെ പാർട്ടി നേതൃത്വത്തിന് എതിരാക്കി മാറ്റുക എന്നതാണ് ഉമ്മൻ ചാണ്ടിയുടെ തന്ത്രം. ഇതിനായി പലകാരണങ്ങൾ അവർ നിരത്തുന്നു.

സംസ്ഥാനത്തെ കോൺഗ്രസ് നേതൃത്വത്തിനും വി എം സുധീരനുമെതിരെ ആഞ്ഞടിച്ച കെ മുരളീധരൻ ഉമ്മൻ ചാണ്ടിയുടെ നേതൃത്വത്തിലുള്ള എ ഗ്രൂപ്പിന്റെ നേതൃത്വം ഏറ്റെടുത്തെന്ന സൂചനയാണ് പാർട്ടി പ്രവർത്തകർക്ക് നൽകിയിരിക്കുന്നത്. സിപിഎമ്മിനും ഇടത് രാഷ്ട്രീയത്തിനുമെതിരെ കോൺഗ്രസ് അണികൾക്കിടയിൽ കെ കരുണാകരൻ വളർത്തിക്കൊണ്ടു വന്ന വിദ്വേഷം ആളിക്കത്തിച്ച് സാധാരണ പാർട്ടി പ്രവർത്തകരെ സംസ്ഥാന നേതൃത്വത്തിനെതിരാക്കുകയെന്ന ശൈലിയാണ് കെ മുരളീധരൻ ഇപ്പോൾ സ്വീകരിച്ചിരിക്കുന്നത്. മുതിർന്ന നേതാക്കൾ അഭിപ്രായപ്രകടനം നടത്തുമ്പോൾ പക്വത കാണിക്കണമെന്ന പ്രസ്താവനയുമായി കെപിസിസി ഉപാധ്യക്ഷനായ വി.ഡി സതീശൻ എം.എൽഎ രംഗത്തെത്തിയെങ്കിലും തന്റെ അഭിപ്രായത്തിൽ ഉറച്ചുനിൽക്കുന്നെന്ന പ്രതികരണമാണ് മുരളിയിൽ നിന്നുണ്ടായത്.

ഇതിനിടെ ഘടകകക്ഷിനേതാക്കളായ കുഞ്ഞാലിക്കുട്ടി, ഇ.ടി മുഹമ്മദ് ബഷീർ എംപി, ജോണിനെല്ലൂർ എന്നിവരും കോൺഗ്രസ് നേതൃത്വത്തിനെതിരെ തിരിഞ്ഞതും മുരളിയുടെ പ്രതികരണം ശരി വച്ചതും ഉമ്മൻ ചാണ്ടി പക്ഷത്തിന് കരുത്ത് നൽകുന്നതാണ്. മുരളീധരന്റെ സുധീരൻ വിരുദ്ധ പ്രസ്താവന എ വിഭാഗത്തെ ശരിക്കും ആവേശത്തിലാക്കിയിട്ടുണ്ട്. ഐ ഗ്രൂപ്പിനൊപ്പം നിന്നിരുന്ന വി ഡി സതീശനും ഡിസിസി പുനഃസംഘടനയോടെ ഐ വിഭാഗത്തോട് കൂറു കുറവാണ്. തലമുറ മാറ്റത്തെ അനുകൂലിച്ച് യുവാക്കളായ നേതാക്കളുടെ പിന്തുണ തേടാനാണ് സതീശന്റെ ശ്രമം. കെപിസിസി അധ്യക്ഷ പദവി കൂടി ഈ നീക്കത്തിലൂടെ സതീശനുണ്ട്.

കെ കരുണാകരന്റെ അവസ്ഥ ഉമ്മൻ ചാണ്ടിക്കുണ്ടാകുമെന്ന തരത്തിൽ രാജ്‌മോഹൻ ഉണ്ണിത്താൻ ഇന്നലെ ചാനൽചർച്ചയ്ക്കിടെ പറഞ്ഞത് നിലവിലെ അഭിപ്രായഭിന്നത ഗുരുതരമാക്കിയെന്ന വിലയിരുത്തലിലാണ് സുധീര പക്ഷത്തെ നേതാക്കൾ. ഐ ഗ്രൂപ്പിൽ നിന്നും പരമാവധി പേരെ അടർത്തിയെടുത്ത് ഗ്രൂപ്പ് പ്രവർത്തനം ഊർജ്ജിമാക്കാനുള്ള നീക്കം ഉമ്മൻ ചാണ്ടി നേരിട്ട് തന്നെ നടത്തിയിരുന്നു. സോഷ്യൽ മീഡിയ വഴിയും സജീവമാകാനാണ് ഉമ്മൻ ചാണ്ടി അണികളുടെ നീക്കം. സംഘടനാ തിരഞ്ഞെടുപ്പിൽ മൃഗീയമായ ആധിപത്യം പിടിക്കുക എന്നതാണ് ഇതുവഴി ഉമ്മൻ ചാണ്ടി ലക്ഷ്യമിടുന്നത്. പാർട്ടി അധ്യക്ഷപദവിതന്നെയാണ് ഉമ്മൻ ചാണ്ടിയുടെ ലക്ഷ്യം. അടുത്ത തെരഞ്ഞെടുപ്പ് അടുക്കുമ്പോഴേക്കും നയിക്കാൻ താൻ തന്നെ ഉണ്ടാകുമെന്നു ഉമ്മൻ ചാണ്ടി അണികളോട് ഉറച്ചു പറഞ്ഞിട്ടുണ്ട്. ഫലത്തിൽ പ്രതിപക്ഷ നേതാവ് ചെന്നിത്തല ആണെങ്കിലും അതിനെയും കവച്ചുവെക്കുക എന്നതാണ് ഉമ്മൻ ചാണ്ടിയുടെ ഭാഗത്തു നിന്നും ഉണ്ടാകുക.

പാർട്ടി സംവിധാനത്തിൽ നിന്നുകൊണ്ട് എ ഗ്രൂപ്പ് സംഘടിപ്പിക്കുന്ന പരിപാടികളിൽ തനിക്ക് പകരക്കാരനായി കെ മുരളീധരനെ പങ്കെടുപ്പിക്കണമെന്ന നിർദ്ദേശവും നേതാക്കൾക്ക് ഉമ്മൻ ചാണ്ടി നൽകിയിട്ടുണ്ടെന്നും അറിയുന്നുണ്ട്. ഇതിന്റെ ഭാഗമായാണ് ഇന്ന് പി.എസ്.സി റാങ്ക് ലിസ്റ്റുകളുടെ കാലാവധി നീട്ടണമെന്നാവശ്യപ്പെട്ട് യൂത്ത് കോൺഗ്രസ് സംഘടിപ്പിച്ച സെക്രട്ടേറിയറ്റ് മാർച്ചിന്റെ ഉദ്ഘാടകനായി കെ മുരളീധരൻ എത്തിയതെന്നും അറിയുന്നു. ഉമ്മൻ ചാണ്ടിയുടെ നീക്കങ്ങൾക്ക് പിന്തുണ അറിയിച്ച് കെ സുധാകരനും രംഗത്തുണ്ട്.

ഡിസിസി പ്രസിഡന്റുമാരെ നിശ്ചയിച്ചതിൽ തഴയപ്പെട്ടുവെന്ന വികാരമുയർത്തി എ ഗ്രൂപ്പ് നേരത്തേതന്നെ നിസ്സഹകരണ പാതയിലാണ്. കെപിസിസി പ്രസിഡന്റ് മുൻകൈയെടുത്ത് നിശ്ചയിക്കുന്ന പരിപാടികളിൽനിന്ന് ഉമ്മൻ ചാണ്ടി വിട്ടുനിൽക്കുന്നു. അദ്ദേഹം പങ്കെടുക്കാത്തതിനാൽ പാർട്ടിയുടെ രാഷ്ട്രീയകാര്യസമിതിയോഗം പോലും ചേരാനായിട്ടില്ല. സംഘടനാതിരഞ്ഞെടുപ്പിലൂടെ കെപിസിസി നേതൃത്വത്തിലാണ് എ ഗ്രൂപ്പിന്റെ കണ്ണ്. എ ഗ്രൂപ്പിന്റെ നിസ്സഹകരണം പ്രതിപക്ഷ പ്രവർത്തനത്തെ ബാധിക്കുമെന്നാണ് ഐ ഗ്രൂപ്പ് വിലയിരുത്തുന്നത്.

സുധീരനെതിരെ വേറെയും കുറ്റപത്രം ഐ പക്ഷം അവതരിപ്പിക്കുന്നുണ്ട്. കെപിസിസി. എക്‌സിക്യുട്ടീവ് ചേർന്നിട്ട് മാസങ്ങളായി, രാഷ്ട്രീയകാര്യസമിതി ചേരാനാകുന്നില്ല, ജയ്ഹിന്ദ് ടി.വി.യുടെ പ്രസിഡന്റ് സ്ഥാനം ഒഴിഞ്ഞു, നെയ്യാറിലെ രാജീവ് ഗാന്ധി ഇൻസ്റ്റിറ്റ്യൂട്ടിന്റെ ഡയറക്ടർസ്ഥാനവും ഏറ്റെടുക്കുന്നില്ല, നാടക, പുസ്തക പ്രസിദ്ധീകരണസമിതികളും നിർജീവമായി തുടങ്ങിയ ആരോപണങ്ങളുടെ മുന സുധീരനുനേർക്കാണ്. എന്നാൽ, ഐ ഗ്രൂപ്പിൽതന്നെ ഇക്കാര്യങ്ങളെച്ചൊല്ലി വിള്ളലുണ്ട്. കെപിസിസി. വൈസ് പ്രസിഡന്റ് വി.ഡി. സതീശൻ ഡി.സി.സി.പുനഃസംഘടനയെ ചോദ്യംചെയ്ത് അന്തരീക്ഷം കലുഷിതമാക്കേണ്ടെന്ന നിലപാടിലാണ്. തലമുറമാറ്റം ഹൈക്കമാൻഡിന്റെ നയമാണെന്നും ഇത്തരത്തിൽ നടത്തുന്ന നീക്കങ്ങൾക്ക് പിന്തുണ നൽകണമെന്നും അദ്ദേഹം അഭിപ്രായപ്പെടുന്നു.

പരസ്യമായ പൊട്ടിത്തെറിയിലേക്ക് കോൺഗ്രസിലെ കാര്യങ്ങളെത്തിയത് ഹൈക്കമാൻഡും നിരീക്ഷിക്കുന്നുണ്ട്. താഴെ തട്ടിൽ വരെ ഗ്രൂപ്പ് പ്രവർത്തനം ഊർജ്ജിതമാക്കാനാണ് ഉമ്മൻ ചാണ്ടിയുടെ നീക്കം. താഴെ തട്ടിൽ അണികളെ ഗ്രൂപ്പ് അടിസ്ഥാനത്തിൽ സംഘടിപ്പിക്കുന്നതിനൊപ്പം സോഷ്യൽ മീഡിയയിലും സജീവമാക്കാനാണ് എ ഗ്രൂപ്പ് മാനേജർമാരുടെ നിർദ്ദേശം. ബെന്നി ബെഹനാനും ഗ്രൂപ്പിന്റെ തലവന്മാരും നേരിട്ടു തന്നെ ഓപ്പറേഷന് രംഗത്തുണ്ട്. ഇനിയും ഗ്രൂപ്പിനെ ക്ഷീണിപ്പിക്കുന്ന വിധത്തിൽ മുന്നോട്ട് പോകാൻ സാധിക്കില്ലെന്നാണഅ ബെന്നിയുടെ നിലപാട്. അതുകൊണ്ട് തന്നെ എ ഗ്രൂപ്പിലെ കേഡറുകളോട് ഉണർന്നു പ്രവർത്തിക്കാനുള്ള നിർദ്ദേശങ്ങൾ പോയിക്കഴിഞ്ഞു. എന്നാൽ, പാർട്ടിയിലും പാർലമെന്റ് തലത്തിലും ഉമ്മൻ ചാണ്ടിയോട് അടുപ്പമുള്ളവർക്ക് തീർത്തും സ്വാധീനമില്ലാത്ത അവസ്ഥയിലാണ്. അതുകൊണ്ട് താഴെ തട്ടില്ലുള്ള ഗ്രൂപ്പുകാർക്ക് താൽപ്പര്യം കുറവാണ്. എങ്കിലും ഉമ്മൻ ചാണ്ടിയോടുള്ള സ്‌നേഹം കൊണ്ട് പ്രവർത്തിക്കൂ എന്നാണ് ഗ്രൂപ്പു നേതാക്കൾ നിർദ്ദേശിച്ചിരിക്കുന്നത്.

എന്നാൽ, പഴയതു പോലെ പരസ്യമായ ഗ്രൂപ്പുകളി ഇപ്പോൾ സാധ്യമല്ലെന്ന ബോധ്യം ഉമ്മൻ ചാണ്ടിക്കുണ്ട്. അതുകൊണ്ട് തന്നെയാണ് പ്രവർത്തനങ്ങൾ പഴയതു പോലെ ഊർജ്ജിതമാക്കാൻ സാധിക്കാത്തതും. ഹൈക്കമാൻഡ് നേരിട്ട് കേരളത്തിലെ വിഷയങ്ങളിൽ ഇടപെടുന്നുണ്ട്. ഇതാണ് ഉമ്മൻ ചാണ്ടിക്ക് കൂടുതൽ തിരിച്ചടിയാകുന്നത്. രാഹുൽ ഗാന്ധിയുമായി സ്വരച്ചേർച്ച ഇല്ലായമയാണ് എ ഗ്രൂപ്പിന്റെ തകർച്ചയ്ക്ക് കാരണമായതും. എന്നാൽ നഷ്ടപ്രതാപം തിരിച്ചു പിടിക്കാൻ വേണ്ടിയുള്ള ശ്രമത്തിൽ സോഷ്യൽ മീഡിയ പ്ലാറ്റ്‌ഫോം കൂടി സമർത്ഥമായി ഉപയോഗിക്കാനാണ് എ ഗ്രൂപ്പുകാരുടെ നീക്കം. ഇതിനായി പ്രത്യേകം വാട്‌സ് ആപ്പ് ഗ്രൂപ്പുകളും രൂപം കൊടുത്തിട്ടുണ്ട്. ഉമ്മൻ ചാണ്ടി സാറിനെ ഇഷ്ടപ്പെടുന്നവർ ഗ്രൂപ്പിൽ അംഗമാകുക എന്ന പേരിലാണ് വാട്‌സ് ആപ്പിലെ പ്രചരണങ്ങൾ നടക്കുന്നത്.

ആയിരക്കണക്കിന് ഗ്രൂപ്പുകൾ ഉണ്ടാക്കാനാണ് ഇതുവഴി കൂടുതൽ സജീവമാകാനും ഉദ്ദേശിക്കുന്നു. ഉമ്മൻ ബ്രിഗേഡ് എന്ന പേരിൽ ഫേസ്‌ബുക്കിൽ പ്രത്യേകം ഗ്രൂപ്പുണ്ടാക്കുമുള്ള ശ്രമങ്ങൾ നടക്കുന്നുണ്ട്. ഇത്തരം സോഷ്യൽ മീഡിയ പ്രചരണങ്ങളുടെ ചുക്കാൻ പിടിക്കുന്നത് മകൻ ചാണ്ടി ഉമ്മൻ നേരിട്ടാണ്. ചാണ്ടി ഉമ്മന്റെ നിർദ്ദേശ പ്രകാരമാണ് സോഷ്യൽ മീഡിയയിൽ എ ഗ്രൂപ്പിനെ സജീവമാക്കാനുള്ള നീക്കങ്ങൾ. ഇത് കൂടാതെ മുഖ്യമന്ത്രി ആയിരുന്ന വേളയിൽ ജനസമ്പർക്ക പരിപാടിയിലൂടെ ആയിരങ്ങൾക്ക് സഹായം ഒരുക്കി നൽകിയ ഉമ്മൻ ചാണ്ടി ഓരോ ഇടങ്ങളിലും നേരിട്ടെത്തി ഇടപെടൽ നടത്താനും ഉദ്ദേശിക്കുന്നുണ്ട്.

കേരളത്തിൽ അങ്ങോളമിങ്ങോളം സഞ്ചരിച്ച് താഴെ തട്ടിലുള്ള നേതാക്കളെ കാണാനാണ് ഉമ്മൻ ചാണ്ടി ഉദ്ദേശിക്കുന്നത്. ഇങ്ങനെ നേതാക്കളെ കാണുമ്പോൾ ഗ്രൂപ്പ് നോക്കുകയുമില്ല. ഉമ്മൻ ചാണ്ടി നേരിട്ട് കൂടുക്കാഴ്‌ച്ച നടത്തുമ്പോൾ ഐ ഗ്രൂപ്പുകാർ പോലും മറുകണ്ടം ചാടുമെന്നും വിശ്വസിക്കുന്നു. പൊതുവേ വിദേശ യാത്രകൾക്ക് താൽപ്പര്യക്കുറവുള്ള വ്യക്തിയാണ ഉമ്മൻ ചാണ്ടി. എന്നാൽ, പദവി ഒന്നുമില്ലെങ്കിലും പ്രവാസികളെ കാണാൻ അദ്ദേഹം യാത്രകൾ നടത്താനും തീരുമാനിച്ചു. അടുത്തിടെ തന്നെ വീണ്ടും ഉമ്മൻ ചാണ്ടി ഗൾഫ് സന്ദർശനത്തിന് പദ്ധതിയിടുന്നുണ്ട്. ഇത്തരം യാത്രകളിലൂടെ ഫണ്ട് ശേഖരണം കൂടി ലക്ഷ്യമിടുന്നുണ്ടെന്നാണ് അറിയുന്നത്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഒൻപതാം ക്ലാസുകാരനായ സ്വന്തം മകന്റെ കഴുത്തിന് വെട്ടിയും കൈകാലുകൾ വെട്ടിയെടുത്തും പക തീർക്കാൻ മാത്രം എന്ത് പ്രശ്നമെന്ന് മനസ്സിലാകാതെ പൊലീസ്; സംശയം ഉണ്ടാക്കിയത് ജയമോളുടെ കൈകളിലെ പൊള്ളൽ; ഒന്നും മനസ്സിലാവാതെ പ്രവാസം കഴിഞ്ഞ് മടങ്ങിയെത്തിയ കുടുംബ നാഥൻ; കൊലപാതകത്തിൽ യുവാവിന്റെ പങ്കു തേടി പൊലീസ്; കേരളത്തെ നടുക്കിയ അരുംകൊലയുടെ കാരണം അറിയാൻ ഇനിയും കാത്തിരിക്കേണ്ടി വരും
ഇരയെ മോശക്കാരിയാക്കി കേസ് ദുർബ്ബലമാക്കാൻ ഗൂഡ നീക്കം; പീഡന ദൃശ്യങ്ങൾ പ്രതിക്ക് നൽകിയാൽ ഉറപ്പായും പുറംലോകത്ത് എത്തുമെന്ന നിലപാടിലേക്ക് പ്രോസിക്യൂഷൻ; മാർട്ടിന്റെ മൊഴി മാറ്റത്തിൽ ജനപ്രിയ നായകന്റെ ഇടപടെൽ കണ്ടെത്താനും അന്വേഷണം; തെളിവ് കിട്ടിയാൽ നടന്റെ ജാമ്യം റദ്ദാക്കാൻ ഹൈക്കോടതിയെ സമീപിക്കും; ദിലീപിനെതിരെ വീണ്ടും നിലപാട് കടുപ്പിക്കാൻ പൊലീസ്
'ഗാന്ധി' എന്നതിനുപകരം 'ഘാൻഡി' എന്നെഴുതിയത് വിവാദമായി; മനുഷ്യകുലത്തെ പ്രചോദിപ്പിക്കുന്ന മഹാപ്രവാചകരിലൊരാളാണെന്നും രാഷ്ട്രപിതാവിനെ വിശേഷിപ്പിച്ച് ഇസ്രയേൽ പ്രധാനമന്ത്രി; സബർമതി ആശ്രമത്തിൽ ചർക്കയിൽ നൂലുണ്ടാക്കിയും പട്ടം പറത്തിയും നെതന്യാഹു; ഇസ്രയേൽ രാഷ്ട്രത്തലവന്റെ വരവ് ആഘോഷമാക്കി മോദിയുടെ ഗുജറാത്ത്
പതിനാലു വയസ് വരെ വളർത്തിയ മകനെ ഒരു പിടി ചാരമാക്കിയത് സ്വന്തം അമ്മ തന്നെ; വീട്ടു വഴക്കിനെ തുടർന്ന് കൊലപ്പെടുത്തിയ ശേഷം കത്തിക്കുകയായിരുന്നെന്ന് അമ്മ ജയമോളുടെ കുറ്റസമ്മതം; കാലുകൾ രണ്ടും ശരീരത്തിൽ നിന്നും വെട്ടി മാറ്റി; അദ്ധ്യാപകന്റെ പങ്കും പൊലീസ് അന്വേഷിക്കുന്നു; കൊല്ലത്തു നിന്നും മൂന്ന് ദിവസം മുമ്പ് കാണാതായ ജിത്തുവിന്റെ മരണത്തിലെ ദുരൂഹത നീങ്ങുമ്പോൾ ഞെട്ടിത്തരിച്ച് അന്വേഷണ ഉദ്യോഗസ്ഥരും
വേട്ടക്കാരനും ഇരയും മാത്രമുള്ള വീഡിയോയിൽ വേട്ടക്കാരനു നിർദ്ദേശം നൽകുന്നത് സ്ത്രീ ശബ്ദം! എത്രമനോഹരമായ പീഡനം; ആ 85 ദിവസങ്ങൾക്ക് എണ്ണി എണ്ണി മറുപടി പറയിച്ചിരിക്കുമെന്നും വെല്ലുവിളി; മാർട്ടിന്റെ ചാഞ്ചാട്ടം തുണയാകുന്നത് ദിലീപിന് തന്നെ; നടിയെ കിഡ്‌നാപ്പ് ചെയ്ത കാർ ഡ്രൈവറുടെ മൊഴി മാറ്റത്തിൽ ഞെട്ടി പ്രോസിക്യൂഷനും; എല്ലാം നടന് അനുകൂലമാകുമെന്ന പ്രതീക്ഷയിൽ ആരാധകരും
പരസ്യ ഏജൻസിയിൽ നിന്നും ഇമെയിൽ വന്നപ്പോൾ എന്താ മാധ്യമ സിങ്കങ്ങളെ നിങ്ങൾ നിക്കറിൽ മുള്ളി പോയോ? പാവപ്പെട്ടവൻ പട്ടിണിമാറ്റാൻ അൽപ്പം ചാരായം വാറ്റിയാൽ ക്യാമറയുമായി എത്തുന്ന നിങ്ങൾക്കെന്തേ ജോയി ആലുക്കാസിനോട് ഇത്ര പേടി? പണത്തിന് മുൻപിൽ പരുന്തും പറക്കില്ലെന്നു പഠിപ്പിച്ച അച്ചായന് നടുവിരൽ നമസ്‌കാരം
ജോലിക്ക് താൽപ്പര്യമുള്ളവർ മാന്യമായ വസ്ത്രധാരണത്തോട് കൂടി വരിക; ബുച്ചർ മുതൽ സെക്യൂരിറ്റിക്കാർക്ക് വരെ വേണ്ടത് രണ്ട് കൊല്ലത്തെ പരിചയം; സെയിൽസ്മാന്മാർക്കും അവസരം; ലുലു ഗ്രൂപ്പിന്റെ നാട്ടികയിലെ റിക്രൂട്മെന്റ് റാലി 27നും 28നും; യജമാന-തൊഴിലാളി കാലത്തെ അടിമചന്ത വ്യാപാരമെന്ന് ആക്ഷേപിച്ച് സോഷ്യൽ മീഡിയ; എല്ലാം നാടിന് വേണ്ടിയെന്ന വാദത്തിൽ ഉറച്ച് യൂസഫലിയും
ഉപയോഗിച്ച സ്വർണം വാങ്ങിയ ശേഷം വേസ്‌റ്റേജ് ആയി കണക്കാക്കി കാണിച്ച് കോടികൾ നികുതി വെട്ടിച്ചു; ബിൽ കൊടുക്കാതെയും സ്‌റ്റോക്കിൽ കാണിക്കാതെയും കോടികൾ തിരിമറി നടത്തി; ആന്ധ്രയിലെ റെയ്ഡിൽ കണക്കിൽ കണ്ടെടുത്തത് 60 ലക്ഷം രൂപയുടെ വിൽപ്പന എങ്കിൽ പണമായി കണ്ടെത്തിയത് നാലു കോടി; ജോയ് ആലുക്കാസിന്റെ 130 ഷോറൂമുകളിൽ നടന്ന റെയ്ഡിൽ കോടിക്കണക്കിന് വെട്ടിപ്പ് കണ്ടെത്തിയതായി സൂചന; പരസ്യം പോവാതിരിക്കാൻ വാർത്ത മുക്കി മലയാള മാധ്യമങ്ങൾ
ഇവിടെത്തെ മാവിൽ മാങ്ങയുണ്ട്; അണ്ടിയിലെല്ലാം വണ്ടും; വണ്ടിനെ ബന്ധിച്ചിട്ടേ അച്ഛൻ പോകാവൂവെന്ന് മദർ; ഒരാഴ്ച കഴിഞ്ഞപ്പോൾ ഇത്രോം പവറുള്ള പ്രാർത്ഥനായാണെന്ന് അറിഞ്ഞില്ലെന്ന് കത്തുമെത്തി; ആലുവ മിണ്ടാമഠത്തിലെ വണ്ടുകൾക്ക് സംഭവിച്ചത് എന്ത്? ഫാ ജോസഫ് പുത്തൻപുരയ്ക്കലിന്റെ വചനപ്രഘോഷണം സോഷ്യൽ മീഡിയ ഏറ്റെടുക്കുമ്പോൾ
സീറ്റ് കിട്ടിയത് മുൻവശത്ത് ഡൈവറുടെ പിന്നിൽ; ആദ്യം കണ്ണാടിയിലൂടെ നോക്കി ചിരി; പിന്നെ കുപ്പിയിൽ വിരൽ കയറ്റി ആക്ഷനെത്തി; യാത്രയിലുടനീളം രതിവൈകൃതം തുടർന്നപ്പോൾ ദൃശ്യങ്ങൾ മൊബൈൽ ഫോണിൽ പകർത്തി; സോഷ്യൽ മീഡിയ വീഡിയോ എറ്റെടുത്തപ്പോൾ വനിതാ ഡോക്ടറെ അശ്ലീല ആംഗ്യം കാട്ടിയ സ്വകാര്യ ബസ് ഡ്രൈവർക്ക് എട്ടിന്റെ പണി ഉറപ്പായി
പതിനേഴുകാരന്റെ രാത്രികാല വികൃതികൾ നാട്ടുകാർ കൈയോടെ പൊക്കി; പ്രായപൂർത്തിയാകും മുമ്പേ കശുവണ്ടി തൊഴിലാളിയായ യുവതിയുമായി നിക്കാഹ്; മൊഴി ചൊല്ലി വീണ്ടും കെട്ടി; പരസ്ത്രീ ബന്ധത്തിൽ ഉലഞ്ഞ് രണ്ടാം കല്ല്യാണവും; ഓട്ടോ ഓട്ടത്തിനിടെയും സ്ത്രീകളെ വെറുതെ വിട്ടില്ല; ടിപ്പറോട്ടിക്കുമ്പോഴും ഞരമ്പ് രോഗത്തിന് പഞ്ഞിക്കിട്ടു; വനിതാ ഡോക്ടറെ അശ്ലീല ആംഗ്യം കാട്ടി അപമാനിച്ച ബസ് ഡ്രൈവർ നൗഷാദിന്റെ കഥ
സംയുക്തയും കുഞ്ചാക്കോയും മൊഴി നൽകാൻ കാരണം മഞ്ജുവോ? അച്ഛൻ അനുകൂലമായി സാക്ഷി പറയാൻ സമ്മതമെന്ന് മകൾ; അഴിക്കുള്ളിലായാലും മകളെ കോടതി കയറ്റില്ലെന്ന് അച്ഛനും; നടി അക്രമിക്കപ്പെട്ട കാര്യം വിളിച്ച് പറഞ്ഞപ്പോൾ കാവ്യയുടെ പെരുമാറ്റം തന്നെ അത്ഭുതപ്പെടുത്തിയെന്ന റിമി ടോമിയുടെ മൊഴി അതിനിർണ്ണായകം; രേഖകൾ കാണാൻ കോടതിയിലെത്തിയ ദിലീപ് ഞെട്ടിയത് സഹപ്രവർത്തകരുടെ മൊഴിയെ കുറിച്ചറിഞ്ഞ്; നടിയെ ആക്രമിച്ച കേസിൽ സാക്ഷിക്കൂട്ടിൽ താരങ്ങളുമെത്തും
ജീവിക്കാൻ പറ്റിയ മികച്ച സമയമാണ്! എല്ലാവരുടേയും തനി നിറം പുറത്തുവന്നു; പോപ്പ്കോണും കഴിച്ച് ഇതെല്ലാം കണ്ട് രസിച്ചിരിക്കുന്നുവെന്ന് പാർവതിയുടെ ട്വീറ്റ് പൊട്ടിത്തെറിയായി; വനിതാ കൂട്ടായ്മയിലെ തർക്കത്തിൽ 'അമ്മ' പക്ഷം പിടിക്കില്ല; കളികൾ അതിരുവിട്ടാൽ എല്ലാം തുറന്നു പറയാനുറച്ച് മഞ്ജു വാര്യരും; മമ്മൂട്ടിയെ തൊട്ടപ്പോൾ ദിലീപിനെ അഴിക്കുള്ളിലാക്കാൻ ഒരുമിച്ച ഡബ്ല്യൂസിസി അകാലചരമത്തിലേക്ക്
അമ്മയെ തലയ്ക്ക് അടിച്ചത് ആക്ഷൻ ഹീറോ ബിജു മോഡലിൽ; സഹോദരിയെ സ്‌കൈപ്പിൽ വിളിച്ചത് ദൃശ്യത്തിലെ ജോർജ് കുട്ടിയുടെ ആവേശത്തിൽ; കൊന്ന ശേഷം കുഴിയിലിട്ട് കത്തിച്ചത് അവിഹിതം ചർച്ചയാക്കി അമ്മ ഒളിച്ചോടിയെന്ന് വരുത്തി തീർക്കാൻ; രണ്ട് ദിവസം ചോദ്യം ചെയ്തിട്ടും കുറ്റബോധവും കൂസലുമില്ലാതെ എഞ്ചിനിയറിങ് കോളേജിലെ ചാത്തൻ കൂട്ടായ്മയുടെ തലവൻ; ക്രൂരകൃത്യം ചെയ്തത് മയക്കുമരുന്നിന്റെ ലഹരിയിലെന്ന് പൊലീസ്; ദീപയുടെ കൊലയിൽ അക്ഷയ് അശോക് ലക്ഷ്യമിട്ടത് എന്ത്?
ആക്രമിക്കപ്പെട്ട നടിയുടെ മുറിയിൽ എന്റെയും അവരുടേയും ഒപ്പം ഒരുമിച്ച് കിടന്നുറങ്ങുന്നതിനായി അമേരിക്കയിലെ ഷോ തീർന്ന ദിവസം രാത്രി കാവ്യ വന്നിരുന്നു; രാത്രി ഏകദേശം ഒരുമണിയോടുകൂടി ദിലീപേട്ടനും ഞങ്ങളുടെ മുറിയിലെത്തി; കാവ്യയും ദിലീപേട്ടനും ഒരുമിച്ച് ബാത്ത്റൂമിൽ പോയി; കുറച്ച് കഴിഞ്ഞാണ് തിരികെ വന്നത്: നടി ആക്രമിക്കപ്പെട്ട കേസിൽ നൽകിയ മൊഴിയിൽ ഞെട്ടിക്കുന്ന വെളിപ്പെടുത്തലുമായി റിമി ടോമി; ദിലീപിന്റെ വിവാഹപൂർവ ബന്ധം വെളിപ്പെടുന്ന മൊഴികൾ ഒന്നിനുപിറകെ ഒന്നായി പുറത്തുവിട്ട് റിപ്പോർട്ടർ ചാനൽ
എല്ലാറ്റിനും കാരണം അമ്മയുടെ ഫോൺ; മക്കളോടും അച്ഛനോടുമുള്ള അമ്മയുടെ സ്‌നേഹം നഷ്ടപ്പെട്ടത് ജീവിതതാളം തെറ്റിച്ച ആ ഫോൺ; പേരൂർക്കടയിൽ കൊടുംകൃത്യം ചെയ്ത അക്ഷയ് കലി തീർത്തതത് അമ്മയോടൊപ്പം ഫോണും ചുട്ടെരിച്ച്; കൈവിട്ടുപോയ ജീവിതം തിരിച്ചുപിടിക്കാൻ കൂട്ടുപിടിച്ച ലഹരി വിട്ടപ്പോൾ എല്ലാം താൻ പറഞ്ഞില്ലേ..ഇനി തന്നെ വിട്ടുകൂടേയെന്ന് പൊലീസിനോട് കെഞ്ചലും; ദീപ അശോകിന്റെ കൊലപാതകത്തിന്റെ ചുരുളഴിയുമ്പോൾ