1 aed = 17.58 inr 1 eur = 70.41 inr 1 gbp = 82.56 inr 1 kwd = 211.28 inr 1 sar = 17.22 inr 1 usd = 64.32 inr
May / 2017
01
Monday

യുപിയിലെ മോദി തരംഗം കുഞ്ഞാലിക്കുട്ടിയെ ചിന്തിപ്പിക്കുന്നു; മലപ്പുറത്തെ ലീഗ് സ്ഥാനാർത്ഥിയെ കുറിച്ച് അവ്യക്തത; യുഡിഎഫ് തീരുമാനത്തിനായുള്ള കാത്തിരിപ്പിൽ സിപിഎമ്മും

March 15, 2017 | 07:32 AM | Permalink



സ്വന്തം ലേഖകൻ

തിരുവനന്തപുരം: മലപ്പുറം ലോക്‌സഭാ ഉപതിരഞ്ഞെടുപ്പിൽ സ്ഥാനാർത്ഥി ആരാകുമെന്ന കാര്യത്തിൽ മുസ്ലിം ലീഗിലും യുഡിഎഫിലും അവ്യക്തത. പുതുമുഖത്തെ മൽസരിപ്പിക്കാനുള്ള സാധ്യത ലീഗ് നേതൃത്വം തള്ളി. പി.കെ. കുഞ്ഞാലിക്കുട്ടി സ്ഥാനാർത്ഥിയാവുന്ന കാര്യത്തിൽ അവ്യക്തത തുടരുമ്പോഴാണ് ഈ പ്രതികരണം. ദേശീയ രാഷ്ട്രീയത്തിൽ സജീവമാകാനായി മലപ്പുറത്ത് മത്സരിക്കാൻ കുഞ്ഞാലിക്കുട്ടി തയ്യാറായിരുന്നു. എന്നാൽ യുപിയിലെ ബിജെപിയുടെ വിജയത്തോടെ പ്രതീക്ഷകൾ തെറ്റി. ഇതോടെ മത്സിക്കാനുള്ള മോഹം കുഞ്ഞാലിക്കുട്ടി ഉപേക്ഷിച്ചെന്നാണ് സൂചന.

അതിനിടെ പുതുമുഖത്തെ മത്സരിപ്പിക്കില്ലെന്നാണ് സൂചന. മലപ്പുറത്ത് പരിചയസമ്പത്തുള്ളവർ സ്ഥാനാർത്ഥിയാവുമെന്ന് ഉന്നതാധികാര സമിതി അംഗം സാദിഖലി ശിഹാബ് തങ്ങൾ പറഞ്ഞു. സ്ഥാനാർത്ഥിയെക്കുറിച്ച് പാർട്ടി ഇതുവരെ ചർച്ച ചെയ്തിട്ടില്ലെന്ന് കെ.പി.എ. മജീദ് പറഞ്ഞു. സ്ഥാനാർത്ഥിയെ തീരുമാനിക്കാൻ മുസ്ലിം ലീഗിന്റെ പ്രവർത്തകസമിതി യോഗം ബുധനാഴ്ച ചേരും. മലപ്പുറം ജില്ലയിൽ മുസ്‌ലിം ലീഗും കോൺഗ്രസും തമ്മിലുള്ള തർക്കങ്ങൾ പരിഹരിക്കാൻ തിരുവനന്തപുരത്ത് ഉഭയകക്ഷി ചർച്ച നടന്നു. ഈ ചർച്ചയിൽ കുഞ്ഞാലിക്കുട്ടിയെ കേരളത്തിൽ തുടരാൻ അനുവദിക്കണമെന്ന ആവശ്യം കോൺഗ്രസ് മുന്നോട്ട് വച്ചതായാണ് സൂചന. ഉമ്മൻ ചാണ്ടിയാണ് കുഞ്ഞാലിക്കുട്ടിക്കായി രംഗത്തുള്ളത്. കേരളത്തിന് കുഞ്ഞാലിക്കുട്ടിയുടെ സേവനം ആവശ്യമാണെന്നാണ് ഉമ്മൻ ചാണ്ടിയുടെ പക്ഷം.

സംസ്ഥാന രാഷ്ട്രീയത്തിൽനിന്ന് പി.കെ. കുഞ്ഞാലിക്കുട്ടി ദേശീയ രാഷ്ട്രീയത്തിലേക്കു ചുവടു മാറ്റുന്നതിൽ കോൺഗ്രസിനൊപ്പം മുസ്ലിം ലീഗിനും വിഷമമുണ്ട്. യുഡിഎഫ് സംവിധാനത്തിനിടയിൽ പലപ്പോഴും നിർണായക കണ്ണിയായി പ്രവർത്തിക്കുന്ന കുഞ്ഞാലിക്കുട്ടിക്കു പകരക്കാരനെ കണ്ടെത്തേണ്ടി വരും. കുഞ്ഞാലിക്കുട്ടി ഡൽഹിയിലേക്കു പോയാൽ ലീഗിനും യുഡിഎഫിനും മുന്നിലുള്ള പ്രതിസന്ധി ഇതാണ്. അതിനിടെ കുഞ്ഞാലിക്കുട്ടിയുടെ സ്ഥാനാർത്ഥിത്വം ഏറ്റവും ഉചിതമാണെന്ന് കോൺഗ്രസ് നേതാക്കൾ പരസ്യമായി പറയുന്നുമുണ്ട്. കുഞ്ഞാലിക്കുട്ടി സ്ഥാനാർത്ഥിയാകുന്നതിനോട് തനിക്ക് യോജിപ്പില്ലെന്ന തരത്തിൽ വരുന്ന പ്രചാരണം ശരിയല്ലെന്ന് ഉമ്മൻ ചാണ്ടി തന്നെ വ്യക്തമാക്കി. ഇ. അഹമ്മദിന് പകരം ദേശീയ നേതൃത്വത്തിൽ ലീഗിന്റെ മുഖമായി കുഞ്ഞാലിക്കുട്ടി വരുന്നതാണ് മെച്ചമെന്ന് കോൺഗ്രസ് നേതാക്കൾ അഭിപ്രായപ്പെട്ടു.

എന്നാൽ യുപിയിൽ ബിജെപിക്കുണ്ടായ വലിയ വിജയത്തിന്റെ പശ്ചാത്തലത്തിൽ മലപ്പുറം ലോക്സഭാ മണ്ഡലത്തിൽ കുഞ്ഞാലിക്കുട്ടി മൽസരിക്കാൻ സാധ്യത കുറഞ്ഞതായി ലീഗുകാർക്കിടയിലും സംസാരമുണ്ട്. കേന്ദ്രമന്ത്രിയാവുകയെന്ന ലക്ഷ്യത്തോടെയാണ് കുഞ്ഞാലിക്കുട്ടി ഡൽഹിക്ക് വണ്ടി കയറാൻ ഒരുങ്ങിയത്. എന്നാൽ മോദി തരംഗം തുടരുന്നതിനാൽ അടുത്ത ലോക്‌സഭാ തെരഞ്ഞെടുപ്പിലും ബിജെപിക്ക് മുൻതൂക്കം കിട്ടും. അതുകൊണ്ട് തന്നെ താൻ ലോക്‌സഭയിലേക്ക് മത്സരിക്കാനില്ലെന്നാണ് നിലപാട്. പകരം സിറാജ് സേട്ട്, സമദാനി, കെ എൻ എ ഖാദർ എന്നിവരിൽ ആരെങ്കിലുമായിരിക്കും സ്ഥാനാർത്ഥിയെന്നാണ് സൂചന. കുഞ്ഞാലിക്കുട്ടി എംഎൽഎ സ്ഥാനം ഒഴിഞ്ഞ് ലോക്സഭയിലേക്കു മൽസരിക്കുന്നതിൽ കോൺഗ്രസ് നേതൃത്വത്തിന് എതിർപ്പുണ്ടത്രെ. ഈ അഭിപ്രായം മുൻ കെപിസിസി പ്രസിഡന്റ് വി എം സുധീരനും മുതിർന്ന കോൺഗ്രസ് നേതാവ് ആര്യാടനും പ്രകടിപ്പിച്ചിരുന്നതായി കോൺഗ്രസ് വൃത്തങ്ങൾ സ്ഥിരീകരിക്കുന്നുണ്ട്.

അതിനിടെ ഇടതുപക്ഷ സ്ഥാനാർത്ഥി പ്രഖ്യാപനം മുസ്ലിം ലീഗിന്റെ സ്ഥാനാർത്ഥിപ്രഖ്യാപനത്തിനു ശേഷം മാത്രമേ ഉണ്ടാവുകയുള്ളൂ. ഇതിനു വേണ്ടി കാത്തിരിക്കുകയാണ് എൽഡിഎഫ്. ലീഗ് സ്ഥാനാർത്ഥിയെ പ്രഖ്യാപിച്ചശേഷം ബലാബലമുള്ള സ്ഥാനാർത്ഥിയെ കണ്ടെത്താനാണ് ഈ കാത്തിരിപ്പ്. മഞ്ചേരിയിൽ ടി കെ ഹംസ കെ പി എ മജീദിനെ തോൽപിച്ച സമയത്തും ലീഗ് സ്ഥാനാർത്ഥിയെ പ്രഖ്യാപിച്ച ശേഷമായിരുന്നു എൽഡിഎഫിന്റെ പ്രഖ്യാപനമെന്നതാണു പ്രതീക്ഷപകരുന്നത്. പി കെ കുഞ്ഞാലിക്കുട്ടിയാണെങ്കിൽ മതസംഘടനകൾക്കും രാഷ്ട്രീയസംഘടനകൾക്കും ഒരുപോലെ സ്വീകാര്യനായ ഒരു വ്യവസായിയാവും എൽഡിഎഫ് സ്ഥാനാർത്ഥിയെന്നാണ് അറിയുന്നത്. കഴിഞ്ഞ നിയമസഭാ തിരഞ്ഞെടുപ്പിൽ പെരിന്തൽമണ്ണയിൽ മഞ്ഞളാംകുഴി അലിക്കെതിരേ മൽസരിക്കാൻ നിർദേശിക്കപ്പെട്ട ഇദ്ദേഹം അവസാന നിമിഷം പിന്മാറുകയായിരുന്നു. ഇദ്ദേഹത്തിനുള്ള സാധ്യത കൂടുതലാണെന്നാണ് ഇടതുവൃത്തങ്ങളിൽ നിന്നു മനസ്സിലാവുന്നത്.

സ്ഥാനാർത്ഥി കുഞ്ഞാലിക്കുട്ടിയല്ലെങ്കിൽ വ്യവസായിക്കു പകരം നിലവിലുള്ള ജില്ലാ പഞ്ചായത്തംഗം അഡ്വ. ടി കെ റഷീദലി, ഡിവൈഎഫ്ഐ അഖിലേന്ത്യാ പ്രസിഡന്റ് അഡ്വ. പി എ മുഹമ്മദ് റിയാസ് എന്നിവരാണ് സാധ്യതാപട്ടികയിലുള്ളത്. സിനിമാനടൻ കമലിനെ മൽസരിപ്പിക്കണമെന്ന അഭിപ്രായം ഉണ്ടായിരുന്നെങ്കിലും അദ്ദേഹം പിന്മാറിയെന്നാണ് സൂചന..

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
അശോകൻ കൊല്ലപ്പെട്ടത് കഴുത്തിലൂടെ കാറിന്റെ ടയർ കയറി ഇറങ്ങിയപ്പോൾ; ആശുപത്രി വരാന്തയിൽ ഇരുന്ന് പിഞ്ചു കുഞ്ഞുങ്ങളെ കെട്ടിപ്പിടിച്ച് കരഞ്ഞ രശ്മിയുടെ നിലവിളി ഹൃദയഭേദകമായി; ഒരു നിമിഷത്തെ അശ്രദ്ധക്ക് പകരം ഇനി ഭർത്താവിനെ കൊന്ന കേസിൽ കോടതി കയറി ഇറങ്ങണം: ടൂർ ഇഷ്ടപ്പെടുന്ന ടെക്കി ലോകത്തിന് ഞെട്ടൽ മാറിയില്ല
മലയാളി യുവതിയുടെയും കുഞ്ഞിന്റെയും അപകട മരണവും ഭർത്താവിന്റെ ഗുരുതര പരിക്കും സംശയമുന ഉന്നതങ്ങളിലേക്ക് നീട്ടുന്നു; കോടനാട് എസ്‌റ്റേറ്റിലെ മോഷണക്കഥ പോലും വ്യാജമെന്ന് റിപ്പോർട്ടുകൾ; ജയലളിതയുടെ വിൽപ്പത്രം എവിടെയെന്ന ചോദ്യത്തിനും ഉത്തരമില്ല: അമ്മയുടെ സ്വത്തുക്കൾക്ക് വേണ്ടിയുള്ള പോരാട്ടത്തിൽ ക്വട്ടേഷൻ സംഘം ജീവനെടുത്തും രംഗത്ത്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
അപ്രതീക്ഷിതമായി വീട്ടിലെത്തിയ യുവാവ് കണ്ടത് സ്വന്തം കിടപ്പുമുറിയിൽ മറ്റൊരാൾക്കൊപ്പം അടിച്ചുപൂസായി കിടന്നുറങ്ങുന്ന കാമുകിയെ; കാലുമടക്കി തൊഴിക്കാൻ തോന്നിയെങ്കിലും ചെയ്യാതെ ഇരുവരുടെയും ചിത്രങ്ങൾ പകർത്തി സോഷ്യൽ മീഡിയയിലിട്ടു; വഞ്ചന നേരിട്ടു ബോധ്യപ്പെട്ടിട്ടും സമചിത്തതയോടെ പെറുമാറിയ ഡസ്റ്റന് സോഷ്യൽ മീഡിയയുടെ കയ്യടി
മനുഷ്യരെ കണ്ടാൽ വാലാട്ടും! മറ്റ് മൃഗങ്ങളെ കണ്ടാൽ സ്‌നേഹം കാട്ടും; നിറം മങ്ങാനുള്ള കാരണം ഷാംപു കൊണ്ടുള്ള കുളിയും; സ്വന്തമായി ഇര തേടാനും അറിയില്ല; നാടിനെ വിറപ്പിച്ച പുലിയിൽ പുലിവാലു പിടിച്ചത് വനം വകുപ്പും; കണ്ണൂരിൽ നിന്ന് നെയ്യാർഡാമിലെത്തിച്ച പുലി നാട്ടിൽ വളർത്തിയത്; പുലിയെ വളർത്തിയ മലബാറിലെ ഉന്നതനെ തേടി പൊലീസ്
തിങ്കളാഴ്ച ഹർജി നൽകാനിരുന്ന സെൻകുമാർ രണ്ട് ദിവസം മുമ്പേ നൽകിയതിൽ പരിഭ്രമിച്ച് സർക്കാർ; വിജിലൻസ് അന്വേഷണങ്ങൾ പ്രഖ്യാപിച്ചതും തിരിച്ചടിയായേക്കും; എത്രയും വേഗം നിയമനം നൽകി നിയമക്കുരുക്ക് അഴിക്കാൻ ഉപദേശിച്ച് ഉപദേശകർ; എന്തു സംഭവിച്ചാലും നിയമനം നൽകരുതെന്ന് ഉപദേശിച്ച് ചിലരും; ഡിജിപി വിഷയത്തിൽ പിണറായി സർക്കാർ പിടിച്ചത് പുലിവാല് തന്നെ
ശബരിമലയിൽ യുവതികളെ തന്ത്രപരമായി ദർശനത്തിന് എത്തിച്ച് ആചാരലംഘനം; ദർശന ദല്ലാളായ സുനിൽസ്വാമി സന്നിധാനത്ത് ഏർപ്പാടുകൾ ചെയ്തു കൊടുത്തപ്പോൾ ഒത്താശചെയ്ത് ദേവസ്വം ബോർഡും പൊലീസും; ദർശനത്തിന് എത്തിയത് പാലക്കാട്ടുനിന്നുള്ള യുവതികളെന്ന് സൂചനകൾ; യുവതീ ദർശനം പുറത്തായതോടെ എതിർപ്പുമായി ആർഎസ്എസ് നേതാവ് ടിജി മോഹൻദാസിന്റെ ട്വീറ്റ്
മാതൃഭൂമി ന്യൂസിലെ വേണുവിന്റെ തൊഴിൽ ഊത്തെന്ന് നടൻ ദിലീപ്! ഇദ്ദേഹത്തിന് പല കുടുംബങ്ങൾ നോക്കേണ്ടതുണ്ട്; വേണുവിനെകുറിച്ച് ഒരു സിനിമയെടുക്കാനുള്ള വിവരങ്ങൾ കൈയിലുണ്ട്; ലിബർട്ടി ബഷീർ ഒരേ സമയം മൂന്നു ഭാര്യമാരെ കൈവശം വെച്ചിരിക്കുന്നയാൾ; പല്ലിശ്ശേരി കോമാളിയും പണം വാങ്ങി എഴുതുന്നവനും; വിമർശകർക്കെതിരെ ആഞ്ഞടിച്ച് ദിലീപ് രംഗത്ത്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ഇയാൾ ആര്...? സത്യജിത് റായിയോ അമിതാഭ് ബച്ചനോ അല്ലെങ്കിൽ മമ്മൂട്ടിയോ, മോഹൻലാലോ? മഞ്ജു വാര്യരെ ഇപ്പോഴും പീഡിപ്പിക്കുന്നു; നടിയെ ആക്രമിച്ച കേസിൽ പെട്ട ബ്യൂട്ടീഷ്യനും കാവ്യയുമായുള്ള ബന്ധത്തെക്കുറിച്ചും അറിയാം; ആയിരം കുറുക്കന്മാരുടെ കൗശലവുമായി ചിരിച്ചു കൊണ്ട് കഴുത്തറക്കുന്ന സൈലന്റ് പ്രതികാരി; ദിലീപിനെതിരെ ഇനി നിയമനടപടി; ആരോപണങ്ങളിൽ പല്ലിശേരി മറുനാടനോട് മനസ്സ് തുറക്കുന്നു
മന്ത്രി മന്ദിരത്തിൽ എത്തിയപ്പോൾ കണ്ടത് കസേരയിൽ ഇരുന്ന് കാലുകൾ ടിപോയിൽ കയറ്റി വച്ചിരിക്കുന്ന മന്ത്രിയെ; സുന്ദരിക്കുട്ടിക്ക് സർക്കാർ ഉദ്യോഗം നൽകാമെന്ന് പറഞ്ഞ് ചോദിച്ചത് ഒന്ന് കെട്ടിപിടിച്ചോട്ടേയെന്നും; മുണ്ടഴിച്ചപ്പോൾ മുറിയിൽ നിന്ന് ഇറങ്ങിയോടി; ശശീന്ദ്രനെതിരെ മംഗളം റിപ്പോർട്ടർ കോടതിയിൽ നൽകിയ പരാതി ഇങ്ങനെ
തിരുവനന്തപുരത്ത് ഉപതെരഞ്ഞെടുപ്പിന് തയ്യാറെടുക്കാൻ കുമ്മനത്തിന് അമിത് ഷായുടെ നിർദ്ദേശം; കുമ്മനവും സുരേഷ് ഗോപിയും രാജീവ് ചന്ദ്രശേഖറും വി മുരളീധരനും വിവി രാജേഷും ബിജെപിയുടെ സാധ്യതാ സ്ഥാനാർത്ഥി പട്ടികയിൽ; തരൂരിനെ ഉപരാഷ്ട്രപതിയാക്കാനുള്ള തന്ത്രം തിരിച്ചറിഞ്ഞ് നീക്കങ്ങളുമായി കോൺഗ്രസും; മത്സരിക്കാൻ സുധീരൻ എത്തുമോ?