1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
24
Saturday

മലപ്പുറത്തെ ലീഗ് കോട്ടകളിൽ വിള്ളലുണ്ടാക്കിയതിന് സമസ്തയിലെ ലീഗ് വിരോധികൾക്കു പഴി; ലീഗ് സ്വർഗത്തിലേക്കുള്ള കോണിയെന്നു പണ്ഡിതരെ കൊണ്ടു കുടുംബസംഗമങ്ങളിൽ പറയിച്ചിട്ടും രക്ഷയുണ്ടായില്ല

November 08, 2015 | 01:31 PM | Permalink



എം പി റാഫി

മലപ്പുറം: മലപ്പുറത്തെ ലീഗ് കോട്ടകളിലെല്ലാം വിള്ളൽ വീണതോടെ പഴിയെല്ലാം കേൾക്കുന്നത് സമസ്തയിലെ ലീഗ് വിരോധികൾക്കാണ്. കാലങ്ങളായി ലീഗിനെ തുണച്ചിരുന്ന ഇ.കെ സമസ്തക്കാർ ഇടതുമുന്നണിയെയും വികസന മുന്നണിയെയുമെല്ലാം തുണച്ചതും ലീഗിനെതിരെ പരസ്യമായി രംഗത്തു വന്നതുമാണ് ലീഗിനെ പ്രകോപിപ്പിച്ചിരിക്കുന്നത്.

ലീഗ് വിരോധം വച്ചുപുലർത്തുന്ന സമസ്ത നേതാക്കളെയും കീഴ്ഘടകങ്ങളെയും വച്ചുപൊറുപ്പിക്കേണ്ടന്നാണ് ലീഗിന്റെ നിലപാട്. പാണക്കാട് ഹൈദരലി ശിഹാബ് തങ്ങളെയും മറ്റു സമസ്ത നേതാക്കളെയും ലീഗ് ഇക്കാര്യം അറിയിച്ചു കഴിഞ്ഞു. ലീഗിനെ എക്കാലവും തുണച്ച പാരമ്പര്യമാണ് സമസ്ത കേരള ജംഇയ്യത്തു ഉലമയുടേത്, ഇതിനാൽ ലീഗിന്റെ ആനുകൂല്യം പറ്റി ലീഗിനെതിരെ തിരിയുന്നവർക്കെതിരെ കർശന നടപടിക്കൊരുങ്ങുകയാണ് മുസ്ലിം ലീഗ്. എന്നാൽ സമസ്തക്ക് രാഷ്ട്രീയമില്ലെന്നും വ്യക്തികൾക്ക് മാത്രമാണ് സമസ്ത രാഷ്ട്രീയം അനുവദിക്കുന്നെന്നുമാണ് ഇ.കെ സുന്നികൾ പറയുന്നത്. ഇതിനാൽ എക്കാലവും ലീഗിനെ പിന്തുണക്കണമെന്നു പറയുന്നത് ഉൾക്കൊള്ളാൻ സാധിക്കില്ലെന്നുമാണ് ഒരു വിഭാഗം ഇ.കെ സമസ്തയുടെ നേതാക്കളുടെ നിലപാട്. തെരഞ്ഞെടുപ്പ് ഫലം പുറത്തു വന്നതോടെ ലീഗ്-സമസ്ത പോര് കൂടി ശക്തമായിരിക്കുകയാണ്.

തെരഞ്ഞെടുപ്പിന് ഒരു ദിവസം മാത്രം ബാക്കിയുള്ളപ്പോൾ എം.എസ്.എഫ് സംസ്ഥാന പ്രസിഡന്റ് ടി.പി അഷ്‌റഫലിയെ പരാജയപ്പെടുത്താൻ ഇ.കെ സുന്നികളുടെ കൺവെൻഷൻ നടത്തിയിരുന്നു. ഇത് ഏറെ ചർച്ചകൾക്കും വിവാദങ്ങൾക്കും വഴിവെയ്ക്കുകയായിരുന്നു. തുടർന്ന് ഇ.കെ സുന്നിയിലെ സമുന്നതനായ നേതാവ് അമ്പലക്കടവ് ഹമീദ് ഫൈസിയെ പുറത്താക്കുന്നതിലേക്ക് കാര്യങ്ങൾ എത്തിച്ചേർന്നു. സ്ഥാനാർത്ഥി പ്രഖ്യാപനം ആരംഭിച്ചതു മുതൽ ടി.പി അഷ്‌റഫലിയെ പരാജയപ്പെടുത്താൻ രഹസ്യനീക്കങ്ങൾ പലതും സമസ്ത നേതാക്കളും വിദ്യാർത്ഥി, യുവജന വിഭാഗങ്ങളും തുടങ്ങിയിരുന്നു. തെരഞ്ഞെടുപ്പിന് തലേദിവസം കരുവാരക്കുണ്ട് ഡിവിഷനിലെ പലവീടുകളിലും സജീവ ഇ.കെ സുന്നി പ്രവർത്തകർ അഷ്‌റഫലിക്കെതിരെ വോട്ടുമുക്കുന്നതിനും രംഗത്തിറങ്ങി.

മുസ്ലിം സ്ത്രീകളുടെ വിവാഹപ്രായത്തിലും ശരീഅത്ത് നിലപാടിലും സമസ്ത എടുത്ത നിലപാടിന് വിരുദ്ധമായി അഷ്‌റഫലി പരസ്യമായി രംഗത്തെത്തിയതാണ് സമസ്തയിലെ ഒരു വിഭാഗം അഷ്‌റഫലിയുടെ പരാജയത്തിനായി അഹോരാത്രം പരിശ്രമിച്ചത്. അതേസമയം, അമ്പലക്കടവ് ഹമീദ് ഫൈസിക്ക് പിന്തുണയുമായി സമസ്തയുടെ വിദ്യാർത്ഥി വിഭാഗം എത്തി. കഴിഞ്ഞ ദിവസം നടന്ന എസ്.കെ.എസ്.എസ്.എഫ് ജില്ലാ സെക്രട്ടേറിയേറ്റ് യോഗം ഹമീദ് ഫൈസിക്കെതിരെയുള്ള നടപടിയിൽ പ്രതിഷേധം അറിയിച്ചിരുന്നു. മാത്രമല്ല, എസ്.കെ എസ്.എസ്.എഫ് ജില്ലാ, സംസ്ഥാന നേതാക്കൾ പാണക്കാട് ഹൈദരലി ശിഹാബ് തങ്ങളെ നേരിൽ കണ്ട് ഹമീദ് ഫൈസിയെ തിരിച്ചെടുക്കണമെന്ന ആവശ്യം മുന്നോട്ടു വച്ചിരുന്നു. എന്നാൽ ഇതിനു വഴങ്ങാൻ പാണക്കാട് തങ്ങളും ലീഗ് നേതൃത്വവും തയ്യാറായിട്ടില്ല.

എന്നാൽ കരുവാരക്കുണ്ട് ഡിവിഷനിൽ നിന്നും ടി.പി അഷ്‌റഫലി 2317 വോട്ടിന്റെ ഭൂരിപക്ഷത്തിൽ ജില്ലാ പഞ്ചായത്തിലേക്ക് വിജയിച്ചതോടെ ഇ.കെ സുന്നികൾക്ക് സഹിക്കാവുന്നതിലും അപ്പുറമായിരുന്നു. മലപ്പുറം ജില്ലാ പഞ്ചായത്തിലേക്ക് തേഞ്ഞിപ്പലം ഡിവിഷനിൽ നിന്നും മത്സരിച്ച ഡി.സി.സി സെക്രട്ടറി എ.കെ അബ്ദുറഹിമാനെ പരാജയപ്പെടുത്താനും ഇ.കെ സുന്നികൾ പരസ്യമായി രംഗത്തു വന്നിരുന്നു. ബദ്ധശത്രുവായ എ.പി സമസ്തയെ സഹായിക്കുന്നതിനാലായിരുന്നു ഇ.കെ സുന്നികൾ ഈ നിലപാട് സ്വീകരിച്ചിരുന്നത്. എന്നാൽ എ.കെ അബ്ദുറഹിമാനും വൻഭൂരിപക്ഷത്തിൽ ജയിച്ചത് ഇ.കെ സുന്നികൾക്ക് കനത്ത തിരിച്ചടിയായിട്ടുണ്ട്.

ടി.പി അഷ്‌റഫലിയെ പരാജയപ്പെടുത്തലായിരുന്നു ഒരു വിഭാഗം ഇ.കെ സുന്നികളുടെ ലക്ഷ്യം. അതേസമയം, കുരവാരക്കുണ്ട് പോലുള്ള ലീഗ് കോട്ടയിൽ നിന്നും ഭൂരിപക്ഷം രണ്ടായിരത്തിലേക്ക് താഴ്ന്നത് സമസ്തയുടെ വിജയമായാണ് ഇ.കെ സുന്നികൾ കണക്കാക്കുന്നത്. മാത്രമല്ല, ഇ.കെ സുന്നികൾ ഇടതുപക്ഷത്തിന് പിന്തുണ നൽകിയ മിക്ക ഇടങ്ങളിലും ലീഗിന്റെ പരാജയവും നേട്ടമായി കാണുന്നു. ഇ.കെ സമസ്തയുടെ വിദ്യാർത്ഥി വിഭാഗം നേതാവ് അഷ്‌റഫ് തറമ്മൽ തിരൂർ നഗരസഭയിലെ പതിനാലാം വാർഡിൽ നിന്നും ലീഗിനെതിരെ ഇടത് സ്ഥാനാർത്ഥിയായി ജനവിധി തേടിയിരുന്നു. അഞ്ചു വോട്ടിന്റെ ഭൂരിപക്ഷത്തിന് അഷ്‌റഫ് തറമ്മലിന്റെ വിജയം ഇ.കെ സുന്നികളുടെ വിജയം കൂടിയായാണ് കണക്കാക്കുന്നത്. ലീഗ്-സമസ്ത നേർക്കുനേർ പോരാട്ടം നടന്ന പ്രദേശം കൂടിയാണ് ഇവിടെ. ചരിത്രത്തിലാദ്യമായാണ് ലീഗിനെതിരെ ഇ.കെ സുന്നികൾ രംഗത്തെത്തുന്നത്.

യൂത്ത് ലീഗ് നേതാവ് സി ജൗഹറിനെ പരാജയപ്പെടുത്തിയായിരുന്നു അഷ്‌റഫ് തറമ്മലിന്റെ വിജയം. എന്നാൽ ഒരു സീറ്റിനു മാത്രം മുൻതൂക്കത്തിൽ ഇടതുമുന്നണി പിടിച്ചെടുത്ത തിരൂർ നഗരസഭയിൽ അഷ്‌റഫ് തറമ്മൽ നിർണായകമായിരിക്കുകയാണ്. പതിനെഞ്ചു വർഷത്തിനു ശേഷം നഗരസഭാ ഭരണം നഷ്ടമായതിലും കനത്ത പരാജയമാണ് അഷ്‌റഫ് തറമ്മൽ വിജയിച്ചതിലൂടെ നേരിട്ടിരിക്കുന്നതെന്നാണ് ലീഗിന്റെ വിലയിരുത്തൽ. സമസ്തയുടെ വിദ്യാർത്ഥി സംഘടന എസ്.കെ എസ്.എസ്.എഫ് മലപ്പുറം ജില്ലാ കൗൺസിലറും തിരൂർ താലൂക്ക് ട്രഷററുമാണ് അഷ്‌റഫ്.

ലീഗുമായി ഇടഞ്ഞു നിൽക്കുന്ന ഒരു വിഭാഗം ഇ.കെ സുന്നികൾ അഷ്‌റഫിന്റെ വിജയത്തിനായി പരസ്യമായി രംഗത്തു വന്നിരുന്നു. ഇതോടെ ലീഗ് പ്രതിരോധത്തിലാകുകയും വിജയിക്കുക ലീഗിന്റെ ലക്ഷ്യമായി മാറുകയുമായിരുന്നു. അഷ്‌റഫിന്റെ വിജയത്തിനായി സമസ്ത നേതാക്കൾ രഹസ്യമായി ചരടുവലി നടത്തിയതോടെ ലീഗ് സ്ഥാനാർത്ഥിക്കു വേണ്ടി ഉന്നത നേതാക്കൾ പ്രചരണത്തിനിറങ്ങുകയും പാണക്കാട് തങ്ങൾമാരോടൊപ്പം നിൽക്കുന്ന ലീഗ് സ്ഥാനാർത്ഥിയുടെ ഫോട്ടോ ഓരോ വീടുകളിലും പ്രചരിപ്പിക്കുകയായിരുന്നു. മാത്രമല്ല, സമസ്തയിൽ തന്നെയുള്ള ലീഗ് അനുകൂലികളായ പണ്ഡിതരെ കൊണ്ടുവന്ന് കുടുംബ സംഗമവും ലീഗിന് വോട്ടു ചെയ്യാൻ ആഹ്വാനവും നടത്തിയിരുന്നു.

ലീഗ് സ്വർഗത്തിലേക്കുള്ള കോണിയാണെന്നും ലീഗിനു വോട്ടു ചെയ്താൽ മാത്രമെ പരലോകത്തു വിജയിക്കുകയുള്ളൂവെന്നും ഈ പണ്ഡിതർ ഒരോ പ്രദേശത്തും ക്ലാസെടുത്തു. എന്നാൽ തെരഞ്ഞെടുപ്പ് ഫലം വന്നപ്പോൾ ലീഗിന് കനത്ത തിരിച്ചടി നേരിട്ടതോടെ ഇ.കെ വിഭാഗത്തിനെതിരെ പരസ്യ പോരിനിറങ്ങിയിരിക്കുകയാണ് ലീഗ്. ഇ.കെ സുന്നികൾ ലീഗിനെ പരാജയപ്പെടുത്താൻ ശ്രമിച്ച പലസ്ഥലങ്ങളിലും ലീഗിന് വിജയം ലഭിച്ചെങ്കിലും, ഭൂരിപക്ഷ തിളക്കം മങ്ങിത്തന്നെ നിലനിന്നു. ലീഗ്-സമസ്ത ബന്ധത്തിലെ അകൽച്ചയും പരസ്പര കലഹവും 2015ലെ തദ്ദേശ തെരഞ്ഞെടുപ്പ് ചരിത്രത്തിലെ നാഴികക്കല്ലായിരിക്കുകയാണ്.

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
സ്വത്തിലെ തർക്കം തുടങ്ങിയത് നടന്റെ വിവാഹ മോചനത്തിന് ശേഷം; ആവശ്യപ്പെട്ടത് സംവിധായക സുഹൃത്തിന്റെ പേരിൽ എല്ലാം തിരികെ എഴുതിക്കാൻ; മുൻ ഭാര്യയ്ക്ക് മാത്രമേ നൽകൂവെന്ന് പറഞ്ഞത് വൈരാഗ്യമുണ്ടാക്കി; പൾസർ സുനിയുടെ വെളിപ്പെടുത്തലുകളുടെ വഴിയേ നടിയുടെ മൊഴിയും; നടിയെ ആക്രമിച്ച കേസ് അന്വേഷണം ബംഗളുരുവിലെ ഭൂമി ഇടപാടുകളിലേക്ക്
എന്നെ വിശ്വസിച്ച് നടിയെ ആക്രമിച്ച അഞ്ചുപേരെ എനിക്കു സേഫാക്കണം; ദിലീപിന്റെ ശത്രുക്കളും നടിയുടെ ആളുകളും എന്നെ വന്നു കാണുന്നുണ്ട്; ജയിലിലായ എന്റെ കാര്യങ്ങൾ അന്വേഷിക്കാൻ ഒരു വക്കീലിനെയെങ്കിലും വിടാമായിരുന്നു; ഇനിയും വിശ്വസിക്കണമെങ്കിൽ 300 രൂപ മണിയോർഡർ അയയ്ക്കുക; ഇനി എല്ലാം ആലോചിച്ച് ചെയ്യണമെന്ന് പൾസർ സുനി ദിലീപിനു നൽകിയ കത്തു പുറത്ത്
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ആൺസുഹൃത്തിനെ മർദ്ദിച്ച് വിരട്ടിയോടിക്കും; പെൺകുട്ടിയെ മലമുകളിലെ രഹസ്യകേന്ദ്രത്തിലെത്തിച്ച് കാമകേളി; എതിർത്താൽ കരണത്തടിയും പീഡനവും; എല്ലാം കഴിഞ്ഞാൽ ഭക്ഷണവും വണ്ടിക്കൂലിയും; ഭൂതത്താൻകെട്ടിലെ ചതിക്കുഴിയിൽ വീഴുന്നതിൽ ഏറെയും കാമുകീകാമുകന്മാർ; എല്ലാം അറിഞ്ഞിട്ടും കണ്ണും കാതും തുറക്കാതെ പൊലീസും വനംവകുപ്പും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
വാടക കൊടുക്കാൻ പോലും എന്റെ കൈയിൽ പണമില്ല; എന്റെ ഭർത്താവിനെ എങ്ങനെ രക്ഷപ്പെടുത്തണമെന്ന് എനിക്കൊരു പിടിയുമില്ല; 21 മാസം മുമ്പ് പൊലീസ് കൊണ്ടു പോയപ്പോൾ മുതൽ തുടരുന്ന കാത്തിരിപ്പ്; ഒരു ബിസിനസ്സിലും ഇന്നേവരെ ഇടപെട്ടിട്ടില്ലാത്ത ഞാനും ഏത് നിമിഷവും ജയിലിലാകും; രണ്ട് കൊല്ലം കൊണ്ട് എല്ലാം നശിച്ച് ആകെ തളർന്നു പോയ അറ്റ്‌ലസ് രാമചന്ദ്രന്റെ ഭാര്യ മനസ്സ് തുറക്കുന്നു
മാതൃഭൂമി കാർട്ടൂണിൽ മുന്തി നിൽക്കുന്നത് കുമ്മനത്തിന്റെ കറുത്ത നിറം; ട്രോളുകളിൽ സൂപ്പർ കറുത്ത നായർ പ്രയോഗം; ഡെക്കാൺ ക്രോണിക്കൾ എഡിറ്റർ കളിയാക്കാൻ ഉപയോഗിച്ചത് നായയോട് ഉപമിച്ച്; പ്രധാനമന്ത്രിക്കൊപ്പം യാത്ര ചെയ്ത കുമ്മനത്തെ പുരോഗമനം നടിക്കുന്നവർ പോലും അധിക്ഷേപിക്കുന്നത് വംശീയ വിദ്വേഷത്തോടെ
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു