1 aed = 17.67 inr 1 eur = 72.68 inr 1 gbp = 84.26 inr 1 kwd = 213.81 inr 1 sar = 17.31 inr 1 usd = 64.89 inr
May / 2017
29
Monday

കുടുംബസ്വത്തായി കരുതിയിരുന്ന അമേഠിയും റായ്ബറേലിയും തകർന്നടിഞ്ഞു; പത്തു മണ്ഡലങ്ങളിൽ കോൺഗ്രസിനു ജയിക്കാനായത് രണ്ടിടത്ത്; സഖ്യ കക്ഷിയായ എസ്‌പി പോലും കോൺഗ്രസിനെ തോൽപ്പിച്ചു; സ്വന്തം മണ്ഡലങ്ങൾപോലും കൈവിട്ട ഞെട്ടലിൽനിന്നു മുക്തമാകാതെ സോണിയയും രാഹുലും

March 11, 2017 | 04:22 PM | Permalink



സ്വന്തം ലേഖകൻ

റായ്ബലറേലി: കോൺഗ്രസ് പാർട്ടിക്കു നേതൃത്വം നല്കുന്ന നെഹ്രു കുടുംബത്തിന്റെ സ്വന്തം മണ്ഡലങ്ങളാണ് അമേഠിയും റായ്ബറേലിയും. എന്നാൽ മോദിയുടെയും അമിത് ഷായുടെയും ചാണക്യതന്ത്രത്തിൽ ഉത്തർപ്രദേശിൽ ബിജെപി നടത്തിയ അശ്വമേധത്തിൽ കോൺഗ്രസിന്റെ ഉറച്ച കോട്ടകളായ അമേലിയും റായ്ബറേലിയും വരെ തകർന്നടിഞ്ഞു. റായ്ബറേലി ലോക്‌സഭാ മണ്ഡലത്തെ പ്രതിനിധാനം ചെയ്യുന്നത് കോൺഗ്രസ് അധ്യക്ഷ സോണിയാ ഗാന്ധിയാണ്. അമേഠിയാകട്ടെ പാർട്ടിയുടെ ഉപാധ്യക്ഷൻ രാഹുൽ ഗാന്ധിയുടെ മണ്ഡലവും.

അമേഠിയിലും റായ്ബറേലിയിലും അഞ്ച് വീതം നിയമസഭാ മണ്ഡലങ്ങളാണുള്ളത്. തെരഞ്ഞെടുപ്പു ഫലങ്ങൾ അന്തിഘട്ടത്തിലേക്കു കടക്കുമ്പോൾ റായ്ബറേലിയിലെയും അമേഠിയിലുമായുള്ള മൊത്തം പത്തു സീറ്റുകളിൽ ആറിലും ബിജെപി സ്ഥാനാർത്ഥികളാണ് ലീഡ് ചെയ്യുന്നത്.

റായ്ബറേലിയിൽ ബച്ച്‌റാവൻ, ഹർചന്ദ്പുർ, റായ്ബറേലി, സുരേനി, ഉൻചാഹർ എന്നീ അഞ്ച് നിയമസഭാ മ്ണ്ഡലങ്ങളാണുള്ളത്. അമേഠിയിൽ തിലോയ്, സലോൺ, ജഗദീഷ്പുർ, ഗൗരിഗഞ്ച്, അമേഠി എന്നീ മണ്ഡലങ്ങളും. ഇതിൽ ഒമ്പതു മണ്ഡലങ്ങളിൽ കോൺഗ്രസും എസ്‌പിയും തമ്മിൽ സഖ്യത്തിലാണു മത്സരിച്ചത്. ഒരു മണ്ഡലത്തിൽ സഖ്യമില്ലാതെ ഇരു പാർട്ടികളും ഏറ്റുമുട്ടി. ഇതിൽ കോൺഗ്രസ് രണ്ടു മണ്ഡലങ്ങളിൽ ജയിച്ചു. കോൺഗ്രസുമായി മത്സരിച്ച ഗൗരീഗഞ്ചിലടക്കം രണ്ടിടങ്ങളിൽ എസ്‌പി ജയം നേടി.

ബച്ച്‌റാവനിൽ ബിജെപിയുടെ രാം നരേഷ് റാവത്താണ് ജയിച്ചത്. കോൺഗ്രസിന് ഷഹാബ് ശരൺ രണ്ടാം സ്ഥാനത്തായി.

ഹർചന്ദ് പുരിൽ കോൺഗ്രസിന്റെ രാകേഷ് സിങ് ജയിച്ചു. ബിജെപി രണ്ടാം സ്ഥാനത്തും ബിഎസ്‌പി മൂന്നാം സ്ഥാനത്തും.

റായ്ബറേലിയിൽ കോൺഗ്രസിന്റെ അദിതി സിങ് ജയിച്ചു. ബിഎസ്‌പി രണ്ടാം സ്ഥാനത്തും ബിജെപി മൂന്നാം സ്ഥാനത്തും.

സരേണിയിൽ ബിജെപിയുടെ ധീരേന്ദ്ര ബഹാദൂർ സിങ് ആണു ജയിച്ചത്. ബിഎസ്‌പി രണ്ടാം സ്ഥാനത്തും കോൺഗ്രസ് മൂന്നാം സ്ഥാനത്തുമായി.

ഉൻചാഹറിൽ സമാജ് വാദി പാർട്ടിയുടെ മനോജ് കുമാർ പാണ്ഡേയാണു ജയിച്ചത്. ബിജെപി രണ്ടാം സ്ഥാനത്തും ബിഎസ്‌പി മൂന്നാം സ്ഥാനത്തുമായി.

തിലോയിൽ ബിജെപിയുടെ മയങ്കേശ്വർ ശരൺ സിങ് ആണ് ജയിച്ചത്. ബിഎസ്‌പി രണ്ടാം സ്ഥാനത്തും കോൺഗ്രസ് മൂന്നാം സ്ഥാനത്തുമായി.

സാലോണിൽ ബിജെപിയുടെ ദാൽ ബഹാദൂർ ആണു വിജയിച്ചത്. കോൺഗ്രസ് രണ്ടാമതും ബിഎസ്‌പി മൂന്നാം സ്ഥാനത്തുമായി.

ജഗദീഷ്പുരിൽ ബിജെപിയുടെ സുരേഷ് കുമാർ ആണു ജയിച്ചത്. കോൺഗ്രസ് രണ്ടാമതും ബിഎസ്‌പി മൂന്നാമതുമായി.

ഗൗരിഗഞ്ചിൽ കോൺഗ്രസും എസ്‌പിയും തമ്മിൽ സഖ്യമില്ലായിരുന്നു. ഇരു പാർട്ടികളും ഇവിടെ മത്സരിച്ചു. എസ്‌പിയുടെ രാകേഷ് പ്രതാപ് സിങ് ആണ് ജയിച്ചത്. കോൺഗ്രസിന്റെ മുഹമ്മദ് നയിം രണ്ടാം സ്ഥാനത്തും ബിഎസ്‌പി മൂന്നാം സ്ഥാനത്തും ബിജെപി നാലാം സ്ഥാനത്തുമായി.

അമേഠിയിൽ ബിജെപിയുടെ ഗരിമ സിങ് ആണ് വിജയിച്ചത്. എസ്‌പി രണ്ടാം സ്ഥാനത്തും ബിഎസ്‌പി മൂന്നാം സ്ഥാനത്തും വന്നപ്പോൾ കോൺഗ്രസിനു നാലാം സ്ഥാനമായിരുന്നു.

2012 ലെ നിയമസഭാ തെരഞ്ഞെടുപ്പിലും ഈ മണ്ഡലങ്ങൾ കോൺഗ്രസിനെ കൈവിടുന്ന ലക്ഷണങ്ങൾ കാണിച്ചു തുടങ്ങിയിരുന്നു. 2012ൽ റായ്ബറേലിയിൽ സംപൂജ്യരായ കോൺഗ്രസ് അമേഠിയിൽ രണ്ട് സീറ്റിലൊതുങ്ങിയിരുന്നു.

നെഹ്റു കുടുംബം സ്വകാര്യസ്വത്തുപോലെ കരുതുന്ന ഇരു മണ്ഡലങ്ങളിലെയും പരാജയം കോൺഗ്രസിനെ കുറച്ചൊന്നുമല്ല ഇരുത്തിച്ചിന്തിപ്പിക്കുന്നത്. ഇതുവരെ കാണാത്ത ജനപ്രീതിയും രാഷ്ട്രീയ തന്ത്രങ്ങളുമായി മോദി-അമിത് ഷാ കൂട്ടുകെട്ട് ഇന്ത്യമുഴുവൻ പിടിച്ചെടുക്കാൻ പോകുന്നതിന്റെ തുടക്കമായി ഉത്തർപ്രദേശിലെ പരാജയത്തെ കോൺഗ്രസ് നേതാക്കൾ വിലയിരുത്താൻ തുടങ്ങിയിട്ടുണ്ട്.

ലോക്‌സഭാ തെരഞ്ഞെടുപ്പുകളിൽ രണ്ട് തവണ മാത്രമാണ് അമേഠി കോൺഗ്രസിനെ കൈവിട്ടത്. ഒൻപത് തവണയാണ് ഇവിടെനിന്ന് നെഹ്റു കുടുംബം തെരഞ്ഞെടുക്കപ്പെട്ടിട്ടുള്ളത്. മൂന്നാം തവണയാണ് രാഹുൽ വിജയിച്ചത്. സോണിയ നാലാമതും തെരഞ്ഞെടുക്കപ്പെട്ട റായ്ബറേലിയിൽ ഇന്ദിരാ ഗാന്ധിയും ഭർത്താവ് ഫിറോസും വർഷങ്ങളോളം എംപിമാരായിട്ടുണ്ട്. വെറും എംപിമാരായിരുന്നില്ല ഇവരാരും. രാജ്യത്തിന്റെ ഭരണചക്രം തിരിച്ചവരോ പിന്നിൽ നിന്ന് നിയന്ത്രിച്ചവരോ ആയിരുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
കാളക്കുട്ടിയെ കൊന്നത് വിവേകശൂന്യവും കിരാതവുമെന്ന് രാഹുൽഗാന്ധി; ആവേശകുമാരന്മാരായി പരസ്യമായി കാളക്കുട്ടിയെ കൊന്ന യൂത്ത് കോൺഗ്രസ് നേതാക്കൾക്കെതിരേ പൊലീസ് കേസുമെടുത്തു; ഏതു നിമിഷവും അറസ്റ്റ് ഭയന്ന് 'യൂത്ത് നേതാക്കൾ'; ബീഫ് നിരോധനത്തിനെതിരായ പ്രതിഷേധത്തിന്റെ അന്തസ് കെടുത്തിയെന്ന് രാജ്യമെങ്ങും പ്രതിഷേധം
എന്തുപറഞ്ഞാലും ദുർവ്യാഖ്യാനം ചെയ്യപ്പെടും; ഏതുനിമിഷവും രാജ്യദ്രോഹിയായി ചിത്രീകരിക്കപ്പെടും; സൗഹൃദങ്ങൾപോലും മതബോധത്തിനോട് അടിമപ്പെട്ട്; യുപിയിലെ മുസ്ലിംകൾക്ക് ഇത് സ്വന്തം രാജ്യമോ എന്ന ആശങ്ക ശക്തം; തിരഞ്ഞൈടുപ്പ് യുപിയുടെ മനസ്സിനെ മാറ്റിമറിച്ചത് റിപ്പോർട്ട് ചെയ്യപ്പെടുന്നതിനെക്കാൾ ഭീദിതമായി
ലിംഗം മുറിച്ച പെൺകുട്ടിയുടെ കാമുകൻ മനോനില തെറ്റി 45കാരിയുമായി ബന്ധം പുലർത്തിയിരുന്നയാൾ; ഗംഗേശാനന്ദയ്ക്കൊപ്പം തിരുവനന്തപുരത്ത് എത്തിയപ്പോൾ പെൺകുട്ടിയുമായി പ്രണയത്തിലായി; ബന്ധത്തെ എതിർത്തത് കമിതാക്കൾക്കു സ്വാമിയോടു വൈരാഗ്യമുണ്ടാക്കി; വയനാട്ടിലായിരുന്ന സ്വാമിയെ തിരുവനന്തപുരത്തേക്കു വിളിച്ചുവരുത്തിയത് പെൺകുട്ടി; ഗംഗേശാനന്ദയുടെ സുഹൃത്ത് ഗരുഡ ഭജാനന്ദ മറുനാടനോടു നടത്തിയ വെളിപ്പെടുത്തലുകൾ
മോദി ഭരണത്തിന് കീഴിൽ ഇന്ത്യയുടെ അന്തസ്സ് ഉയർന്നു; കേന്ദ്രത്തിൽ തുടർഭരണം ഉറപ്പ്; നോട്ടു പിൻവലിക്കൽ ഭരണത്തിലെ ഏറ്റവും മികച്ച തീരുമാനം; ന്യൂനപക്ഷങ്ങളും ഭരണത്തിൽ തൃപ്തർ; മൂന്ന് വർഷം പൂർത്തിയാക്കുന്ന പ്രധാനമന്ത്രി മോദിക്കും സർക്കാറിനും ഡിസ്റ്റിങ്ഷൻ നൽകി മറുനാടൻ വായനക്കാർ: സർവേഫലം പുറത്തുവിടുന്നു
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ
കടമായി നൽകിയ 20 ലക്ഷം തിരിച്ചു ചോദിച്ചത് പ്രശ്‌നമായി; വീട്ടുകാർ ഉറക്കമായപ്പോൾ കിടപ്പുമുറിയിലേക്ക് വിളിച്ചുവരുത്തി; ആപ്പിൾ മുറിക്കാനുള്ള കത്തി കഴുത്തിൽ ചേർത്ത് വഴങ്ങണമെന്ന് ഭീഷണിയും; പിടിവലിക്കൊടുവിൽ കത്തി കൈക്കലാക്കി ജനനേന്ദ്രിയത്തിൽ പിടിച്ച് കുറുകേ മുറിച്ചെന്ന് മൊഴി; ഗംഗേശാനന്ദ കോടിപതി ആയതിന്റെ പൊരുൾ തേടി പൊലീസ്
പുഴയിൽ കുളിച്ചു കയറിയ പതിനാറുകാരന് ആദ്യമുണ്ടായത് തലവേദന; കോട്ടയത്തെ ആശുപത്രിയിൽ വച്ചു മരണം; മണിമലയാറ്റിലെ കുളിക്കിടയിൽ പുഴവെള്ളത്തിൽ നിന്ന് മൂക്കിലൂടെയോ വായിലൂടെയോ ശരീരത്തിലെത്തിയത് അമീബിക് അണുബാധയുണ്ടാക്കിയതു മരണകാരണം; എരുമേലിയിലുണ്ടായത് ലോകത്തുതന്നെ അപൂർവമായ മരണം; നാടിനാകെ ദുരന്തമുന്നറിയിപ്പ്
കഥകളി പഠിച്ചതിനും തട്ടമിടാത്തതിനും മഹല്ലിലും നാട്ടിലും ഒറ്റപ്പെടുത്തി; ഉമ്മ മരിച്ചപ്പോൾ ഖബർസ്ഥാനിൽ അടക്കാൻ സമ്മതിച്ചില്ല; നടന്നുപോകുമ്പോൾ കുശുകുശുക്കുന്നവർ ഇപ്പോഴുമുണ്ട്; ചെന്നൈയിൽ പോയി പഠിക്കാൻ സഹായിച്ചത് സ്പീക്കർ ശ്രീരാമകൃഷ്ണൻ; വിലക്കിയവർക്ക് ഒന്നാം റാങ്കിലൂടെ മറുപടി; മൻസിയ മറുനാടൻ മലയാളിയോട് മനസു തുറക്കുന്നു
ലൗ ജിഹാദിന്റെ സൂത്രധാരൻ; ഹിന്ദു ഹെൽപ്പ് ലൈനിന്റെ മുന്നണി പോരാളി; എസ് എൻ ഡി പി-ബിജെപി കൂട്ടുകെട്ടിന്റെ സൂത്രധാരൻ; കേരളാ ഹൗസിലെ ബീഫ് വിവാദം ആളിക്കത്തിച്ച് വിവാദ നായകൻ; കുമ്മനത്തെ അധ്യക്ഷനാക്കിയ തന്ത്രശാലി; വെള്ളാപ്പള്ളിക്കും അമൃതാന്ദമയിക്കും കരിമ്പൂച്ചകളെ ഒരുക്കിയ പ്രതീഷ് വിശ്വനാഥനെന്ന 'സൂപ്പർ പവറിന്റെ' കഥ
വി എസ് എന്ന് ദേഹത്ത് എഴുതി സിറ്റിയിലൂടെ ബൈക്ക് ഓടിച്ചു; ഹക്കിം ഷായെ വടിവാളു കൊണ്ടു വെട്ടിയെന്നും ആരോപണം; ഓംപ്രകാശും പുത്തൻപാലം രാജേഷും കൂട്ടുകാർ; കാക്കികുപ്പായം നൽകരുതെന്ന് വിലക്കി ഇന്റലിജൻസ്; ചെന്നിത്തല വിശാലനായപ്പോൾ സേനയിലെത്തി; കഞ്ചാവ് കേസിലൂടെ സിപിഎമ്മിലെ കണ്ണിലെ കരടായി; ജനനേന്ദ്രിയം തകർത്തപ്പോൾ സസ്‌പെൻഷനും; എസ് ഐ സമ്പത്തിന്റെ കഥ ഇങ്ങനെ
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ
സോഷ്യൽ മീഡിയയിലൂടെ അപകീർത്തിപ്പെടുത്തിയെന്ന കേസിൽ മുൻകൂർ ജാമ്യം എടുത്ത് സ്റ്റേഷനിലേക്ക് പോയ യുവാവിനെ പരാതിക്കാരിയായ വീട്ടമ്മയുടെ നേതൃത്വത്തിലുള്ള ക്വട്ടേഷൻ സംഘം തട്ടിക്കൊണ്ടു പോയി; ക്രൂരമായി മർദ്ദിച്ച് മൊബൈൽ ഫോണും പണവും തട്ടിയെടുത്തത് പൊലീസ് സ്‌റ്റേഷനിൽ കൊണ്ടു പോയി വിലിച്ചെറിഞ്ഞു; അറസ്റ്റ് ചെയ്തില്ല എന്നു പറഞ്ഞ് പൊലീസിനെതിരെ ഫെയ്‌സ് ബുക്കിലൂടെ ലൈവായി കൊലവിളി