1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
28
Wednesday

ചൈനീസ് ഉച്ചകോടിയിൽ ഇന്ത്യ പങ്കെടുക്കില്ല; പിന്മാറ്റം പാക്ക് അധിനിവേശ കശ്മീരിലൂടെ കടന്നുപോകുന്ന ചൈന-പാക്ക് സാമ്പത്തിക ഇടനാഴിയിലെ ആശങ്ക അറിയിക്കാൻ; പരമാധികാരവും അതിർത്തിയും ബഹുമാനിക്കണമെന്ന് അയൽരാജ്യത്തോട് ഇന്ത്യ; നയതന്ത്ര തലത്തിൽ ഇന്ത്യ-ചൈന 'ശീതയുദ്ധം' മുറുകുന്നു

May 14, 2017 | 06:25 AM | Permalink



മറുനാടൻ മലയാളി ബ്യൂറോ

ന്യൂഡൽഹി: ചൈനയെന്ന രാഷ്ട്രത്തെ ഏറ്റവും അടുത്ത സുഹൃത്ത് എന്ന വിധത്തിൽ വിശ്വസിക്കാൻ കഴിയില്ലെന്നത് കാലം തെളിയിച്ചതാണ്. ഇന്ത്യ-ചീന ഭായി, ഭായി എന്നത് നടക്കാത്ത കാര്യമാണെന്ന് കൂടുതൽ വ്യക്തമാക്കുകയാണ ഓരോ ദിവസം ചെല്ലും തോറും. ഇന്ത്യയുടെ ശത്രുരാജ്യമായ പാക്കിസ്ഥാനെ എല്ലാ വിധത്തിലും സഹായിക്കുന്ന ചൈനീസ് നിലപാടാണ് പലപ്പോഴും ഈ ബന്ധത്തിന് തടസമായി നിൽക്കുന്നത്. ഇപ്പോഴിതാ ചൈനയുടെ പാക് നിലപാടിനെ ചൊല്ലി ഇരുരാജ്യങ്ങളും തമ്മിലുള്ള ശീതയുദ്ധം കനക്കുന്നു. ഏഷ്യയുടെ മറ്റു ഭാഗങ്ങളെയും യൂറോപ്പിനെയും ചൈനയുമായി ബന്ധിപ്പിക്കുന്ന 'വൺ ബെൽറ്റ്, വൺ റോഡ്' ഉച്ചകോടിയിൽ നിന്നും ഇന്ത്യ പിന്മാറി.

പാക്ക് അധിനിവേശ കശ്മീരിലൂടെ കടന്നുപോകുന്ന ചൈനപാക്ക് സാമ്പത്തിക ഇടനാഴി (സിപിഇസി) പദ്ധതി സംബന്ധിച്ച ആശങ്കയാണ് ഇന്ത്യയെ പിന്മാറ്റത്തിന് പ്രേരിപ്പിച്ചത്. റഷ്യൻ പ്രസിഡന്റ് വ്‌ളാഡിമിർ പുടിൻ അടക്കം 20 രാഷ്ട്രത്തലവന്മാർ ഇന്നും നാളെയുമായി ചൈനയിൽ നടക്കുന്ന ഉച്ചകോടിയിൽ പങ്കെടുക്കും. പരമാധികാരവും അതിർത്തിയും ബഹുമാനിക്കുന്നതായിരിക്കണം രാജ്യങ്ങളെ തമ്മിൽ ബന്ധിപ്പിക്കുന്ന പദ്ധതികളെന്ന് ഇന്ത്യൻ വിദേശകാര്യ മന്ത്രാലയം വാർത്താക്കുറിപ്പിലൂടെ അറിയിച്ചു.

രാജ്യങ്ങളെ തമ്മിൽ ബന്ധിപ്പിക്കുന്ന പദ്ധതികൾ രാജ്യാന്തര ചട്ടങ്ങളുടെയും നിയമവാഴ്ചയുടെയും സുതാര്യതയുടെയും സമത്വത്തിന്റെയും അടിസ്ഥാനത്തിലായിരിക്കണമെന്ന് വിശ്വസിക്കുന്നു. ഇത്തരം പദ്ധതികൾ സാമ്പത്തിക ഉത്തരവാദിത്തത്തിന്റെ ചട്ടങ്ങൾ പിന്തുടരുന്നതായിരിക്കണമെന്നും വാർത്താക്കുറിപ്പിൽ ഇന്ത്യൻ വിദേശകാര്യ മന്ത്രാലയം അറിയിച്ചു. സിപിഇസിയുമായി ബന്ധപ്പെട്ടതാണ് ഇന്ത്യയുടെ എതിർപ്പെന്ന് പത്രക്കുറിപ്പിൽ വ്യക്തമാക്കുന്നുണ്ട്.

പരമാധികാരത്തെ അടിയറവയ്ക്കുന്ന ഒരു പദ്ധതിക്കും ഒരു രാജ്യവും അനുമതി നൽകില്ലെന്നും ഇന്ത്യ പറയുന്നു. അയൽ രാജ്യങ്ങളായ നേപ്പാൾ, ശ്രീലങ്ക, പാക്കിസ്ഥാൻ തുടങ്ങിയവ ഉച്ചകോടിയിൽ പങ്കെടുക്കുന്നുണ്ട്. പാക്ക് പ്രധാനമന്ത്രി നവാസ് ഷെരീഫ് ചൈനീസ് പ്രസിഡന്റ് ഷീ ചിൻപിങ്ങുമായി കൂടിക്കാഴ്ചയും നടത്തി. യോഗത്തിൽ നിന്നും വിട്ടുനിൽക്കാൻ ആദ്യം തീരുമാനിച്ചിരുന്ന യുഎസ് അവസാന നിമിഷം തീരുമാനം മാറ്റുകയായിരുന്നു.

ചൈന-പാക്കിസ്ഥാൻ സാമ്പത്തിക ഇടനാഴിക്ക് പുറമേ ഏഷ്യയുടെ വിവിധ ഭാഗങ്ങളിൽ തുറമുഖകളും റയിൽവേ ലൈനുകൾ നിർമ്മിക്കുന്നതിനും വൈദ്യുതി ലൈനുകൾ വലിക്കുന്നതിനുമാണ് പുതിയ നീക്കത്തിലൂടെ ചൈന ലക്ഷ്യമിടുന്നത്. എന്നാൽ, രാജ്യത്തിന്റെ പരമാധികാരത്തെ ചോദ്യം ചെയ്യുന്ന ഒരു നടപടിക്കും പിന്തുണയില്ലെന്നാണ് ഇന്ത്യയുടെ നിലപാട്. പ്രത്യേകിച്ചും പാക് അധീന കാശ്മീരിൽ ചൈന നടത്തുന്ന നിർമ്മാണങ്ങൾ ശരിക്കും ഇന്ത്യയെ പ്രകോപിപ്പിക്കുന്നുണ്ട്.

ഇന്ത്യയുടെ സാമ്പത്തിക മുന്നേറ്റം വെല്ലുവിളിയാണെന്ന് ഏതാനും ദിവസങ്ങൾ മുമ്പ് ചൈനീസ് ഔദ്യോഗിക മാധ്യമമായ ഗ്ലോബൽ ടൈംസ് എഴുതിയിരുന്നു. ഈ പോക്കു പോയാൽ ആഗോള സാമ്പത്തിക മേഖലയുടെ തലസ്ഥാനമായി ഇന്ത്യ മാറാൻ അധികം സമയം വേണ്ടെന്നാണ് ചൈനീസ് മാധ്യമം മുന്നറിയിപ്പു നൽകിയത്. ലോകത്തിലെ ഏറ്റവും വലിയ പ്രഫഷണൽ സർവീസ് സ്ഥാപനങ്ങളിലൊന്നായ ബ്രിട്ടനിലെ ഏണസ്റ്റ് ആൻഡ് യംഗിന്റെ സർവേയെ അടിസ്ഥാനമാക്കിയാണ് ഗ്ലോബൽ ടൈംസ് ഇന്ത്യയുടെ വളർച്ച വശദീകരിക്കുന്നത്. ലോകത്തിലെ ഏറ്റവും ആകർഷകമായ നിക്ഷേപസൗഹൃദ രാജ്യമായി സർവേയിൽ ഇന്ത്യ തെരഞ്ഞെടുക്കപ്പെട്ടു. ബഹുരാഷ്ട്ര കമ്പനികളിലെ 500 എക്സിക്യൂട്ടീവുകളാണ് സർവേയിൽ പങ്കടുത്തത്. നിക്ഷേപം നടത്താൻ ഏറ്റവും അനുകൂല സാഹചര്യങ്ങളുള്ള മൂന്നു രാജ്യങ്ങളിലൊന്നായി സർവേയിൽ പങ്കെടുത്ത 60 ശതമാനം പേരും തെരഞ്ഞെടുത്തു.

വിപുലമായ ആഭ്യന്തരവിപണിയാണ് ഇന്ത്യയിൽ നിക്ഷേപം നടത്താൻ ബഹുരാഷ്ട്ര കമ്പനികളെ പ്രേരിപ്പിക്കുന്നത്. കുറഞ്ഞ തൊഴിൽ നിരക്കും വിദഗ്ദ തൊഴിലാളികളുടെ ലഭ്യതയും ഇന്ത്യയിലേക്കു കമ്പനികളെ ആകർഷിക്കുന്നു. ചൈനയ്ക്കും ഇത്തരം അനുകൂല സാഹര്യങ്ങളുണ്ടെങ്കിലും ജനസംഖ്യയിലെ യുവാക്കളുടെ അനുപാതമാണ് ഇന്ത്യയെ മുന്നിൽ നിർത്തുന്നത്. രാജ്യത്തെ പകുതി ജനങ്ങളും 25 വയസിൽ താഴെയുള്ളവരാണ്.

ചൈനീസ് കമ്പനികൾ തന്നെ ഇന്ത്യയിൽ നിക്ഷേപം നടത്താൻ കൂടുതൽ താത്പര്യം കാട്ടുന്നതായി ഗ്ലോബൽ ടൈംസ് ചൂണ്ടിക്കാട്ടുന്നു. മൊബൈൽ ഫോൺ നിർമ്മാതാക്കളായ വിവോ, ഒപ്പോ, ലെനോവോ തുടങ്ങിയ കമ്പനികൾ ഇന്ത്യൻ മാർക്കറ്റിൽ പ്രവേശിച്ചുകഴിഞ്ഞു. യുസി ബ്രൗസർ അടക്കമുള്ള മൊബൈൽ ആപ്പുകൾക്കും ഇന്ത്യയിൽ വൻ സ്വീകാര്യത ലഭിക്കുന്നു. സൗരോർജത്തിന്റെ കാര്യം മാത്രമെടുത്താലും ഇന്ത്യയ്ക്കു വെല്ലുവിളികളില്ലാത്ത വളർച്ചയാണ്. ഇക്കാര്യങ്ങൾ അതീവഗൗരവത്തിൽ ചൈന എടുത്തില്ലെങ്കിൽ കാര്യങ്ങൾ കൈവിട്ടുപോകുമെന്നും ഗ്ലോബൽ ടൈംസിലെ ലേഖനം ചൂണ്ടിക്കാട്ടുന്നത്. ഇങ്ങനെ ഒരു വശത്ത് ഇന്ത്യയുടെ സാമ്പത്തിക കാര്യങ്ങളിൽ ആശങ്കപ്പെടുന്ന ചൈന പാക്കിസ്ഥാനെ പരമാവധി സഹായിച്ച് ശീതയുദ്ധം മുറുക്കുകയാണ്. അരുണാചലിൽ അടക്കം ചൈനീസ് നിലപാട് പലപ്പോഴും പ്രകോപനങ്ങൾക്ക് ഇട നൽകിയിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
വനിതാ കൂട്ടായ്മയിൽ അംഗമായ രമ്യ നമ്പീശൻ ശക്തമായ നിലപാടെടുക്കും; കൂട്ടായ്മയെ പിന്തുണച്ച പൃഥ്വിരാജ് എന്തു പറയും എന്നറിയാനും ആകാംക്ഷ; നിർണായകം മമ്മൂട്ടിയുടെയും മോഹൻലാലിന്റെയും നിലപാടുകൾ തന്നെ; നടി ആക്രമിക്കപ്പെട്ട സംഭവത്തിലെ വിവാദങ്ങളടക്കം ചർച്ച ചെയ്യാൻ അമ്മ എക്സിക്യൂട്ടിവ് ഇന്ന് ചേരും; ദിലീപും പങ്കെടുക്കും
ദിലീപിനെ ചോദ്യം ചെയ്യുമെന്ന അഭ്യൂഹങ്ങൾ അവസാനിക്കുന്നു; ആലുവ പൊലീസ് ക്ലബ്ബിലെത്തി താരവും നാദിർഷയും മൊഴി നൽകുന്നു; നടിയെ ആക്രമിച്ച സംഭവവുമായി ബന്ധപ്പെട്ട വിവരങ്ങളും പൊലീസ് ചോദിച്ചറിയും; ജനപ്രിയനായകനെ മൊഴിയിൽ വിവാദ കേസിന്റെ ക്ലൈമാക്‌സ് ആകുമോ എന്നറിയാൻ കാത്ത് കേരളം; ഭീഷണിപ്പെടുത്തിയെന്ന പരാതിയിൽ മൊഴി നൽകാനാണ് എത്തിയതെന്ന് ദിലീപ്
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
നടിയും പൾസർ സുനിയും സുഹൃത്തുക്കളാണെന്ന് താനാരോടും പറഞ്ഞിട്ടില്ല; എന്റെ മകനും നടിയുമായി വഴിവിട്ട ബന്ധവുമില്ല; മകന്റെ സിനിമയിൽ അഭിനയിച്ചതിനാൽ കാറു ചോദിച്ചപ്പോൾ നൽകി; ഞാൻ വിചാരിച്ചിരുന്നുവെങ്കിൽ എല്ലാം ഒതുക്കി തീർക്കാമായിരുന്നു; ദിലീപിന്റെ വെളിപ്പെടുത്തൽ തള്ളി സംവിധായകൻ ലാൽ; നടിക്കെതിരായ പരാമർശം ജനകീയ നായകനെ ഒറ്റപ്പെടുത്തും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
ലണ്ടനിൽ നിന്ന് പറന്നിറങ്ങിയ ലേഡീ സൂപ്പർ സ്റ്റാർ ഉറച്ചു തന്നെ; പാർവ്വതിയും റീമാ കല്ലിങ്കലും മഞ്ജു വാര്യരും താരസംഘടനയുടെ യോഗത്തിനെത്തുക രണ്ടും കൽപ്പിച്ച്; നടിയുടെ ആക്രമണം അജണ്ടയാക്കാതിരിക്കാൻ കരുക്കൾ നീക്കവും സജീവം; നിർണ്ണായകമാകുക മമ്മൂട്ടിയുടേയും മോഹൻലാലിന്റേയും നിലപാട്; കള്ളക്കളി തുടർന്നാൽ 'വുമൺ ഇൻ സിനിമ കളക്ടീവ്' അമ്മയെ കൈവിടും
ഭയങ്കര അടുപ്പത്തിലായിരുന്നു അവർ; ഗോവയിൽ ഒരുമിച്ചു പ്രവർത്തിച്ചിരുന്നു; അവർ വലിയ ഫ്രണ്ട്സായിരുന്നു എന്നൊക്കെ തന്റെ അടുത്ത് പറഞ്ഞിട്ടുണ്ട്; അതാണ് അപകടത്തിനു വഴിവച്ചത്; എല്ലാം എന്നോട് പറഞ്ഞത് ലാലും; തട്ടിക്കൊണ്ടു പോകലിനിരയായ നടിക്കെതിരെ ഗുരുതര ആരോപണവുമായി ദിലീപ്; സിനിമാ ലോകത്ത് പ്രതിസന്ധി രൂക്ഷം
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
നടിയും പൾസർ സുനിയും സുഹൃത്തുക്കളാണെന്ന് താനാരോടും പറഞ്ഞിട്ടില്ല; എന്റെ മകനും നടിയുമായി വഴിവിട്ട ബന്ധവുമില്ല; മകന്റെ സിനിമയിൽ അഭിനയിച്ചതിനാൽ കാറു ചോദിച്ചപ്പോൾ നൽകി; ഞാൻ വിചാരിച്ചിരുന്നുവെങ്കിൽ എല്ലാം ഒതുക്കി തീർക്കാമായിരുന്നു; ദിലീപിന്റെ വെളിപ്പെടുത്തൽ തള്ളി സംവിധായകൻ ലാൽ; നടിക്കെതിരായ പരാമർശം ജനകീയ നായകനെ ഒറ്റപ്പെടുത്തും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു