1 aed = 17.67 inr 1 eur = 72.68 inr 1 gbp = 84.26 inr 1 kwd = 213.81 inr 1 sar = 17.31 inr 1 usd = 64.89 inr
May / 2017
24
Wednesday

മോദിയുടെയും അമിത്ഷായുടെയും പടയോട്ടത്തിന് തടയിട്ട് മമതാ ബാനാർജി; ബംഗാളിലെ മുനിസിപ്പൽ തെരഞ്ഞെടുപ്പിൽ നേട്ടം കൊയ്ത് തൃണമൂൽ കോൺഗ്രസ്; ഹിൽ മേഖലയിലെ ഏഴു മുനിസിപ്പാലിറ്റികളിൽ നാലും മമതയുടെ പാർട്ടിക്ക്; ബംഗാൾ പിടിക്കാനിറങ്ങിയ ബിജെപിക്കു കിട്ടിയത് വെറും മൂന്നു സീറ്റ്; ഇടതും കോൺഗ്രസും പൊട്ടിപ്പൊളിഞ്ഞു

May 17, 2017 | 06:11 PM | Permalink



സ്വന്തം ലേഖകൻ

കൊൽക്കത്ത: മോദി പ്രഭാവമായിരുന്നു അടുത്തിടെ നടന്ന തെരഞ്ഞെടുപ്പുകളിലെ പ്രധാന ചർച്ചാവിഷയം. എവിടെ മത്സരിച്ചാലും ബിജെപി ജയിക്കുന്നു. വോട്ടിങ് യന്ത്രത്തിലെ ക്രമക്കേടാണ് തുടർച്ചയായ ജയങ്ങൾക്കു പിന്നിലെന്നുവരെ ആരോപണം ഉയർന്നു. ഉത്തർപ്രദേശ് അടക്കം അഞ്ചു നിയമസഭാ തെരഞ്ഞെടുപ്പുകളിലും അടുത്തിടെ നടന്ന ഡൽഹി മുനിസിപ്പൽ തെരഞ്ഞെടുപ്പിലും വൻ വിജയമാണ് ബിജെപി നേടിയത്. എന്നാൽ മോദിയുടെ മുന്നേറ്റത്തിനു ബംഗാളിൽ തടയിട്ടിരിക്കുകയാണ് മുഖ്യമന്ത്രി മമതാ ബാനർജിയും അവർ നേതൃത്വം നല്കുന്ന ത്രിണമൂൽ കോൺസും.

ബംഗാൾ മുനിസിപ്പൽ കോർപ്പറേഷൻ തിരഞ്ഞെടുപ്പിൽ ഏഴിൽ നാലു നഗരസഭകളും ഭരണകക്ഷിയായ തൃണമൂൽ കോൺഗ്രസ് പിടിച്ചു. ഗൂർഖാലാൻഡ് എന്ന പേരിൽ പ്രത്യേക സംസ്ഥാനത്തിനായി വാദിക്കുന്ന ഗൂർഖാ ജന്മുക്തി മോർച്ച(ജിജെഎം)യും ബിജെപിയും ചേർന്നുള്ള സഖ്യത്തിന് മൂന്നു സഗരസഭകളിലേ അധികാരത്തിലെത്താനായുള്ളൂ. തെരഞ്ഞെടുപ്പു നടന്ന പർവത മേഖല ജിജെഎമ്മിന്റെ ശക്തി കേന്ദ്രങ്ങളാണ്. ഇവിടെ നാലിടത്ത് അധികാരം പിടിക്കാനായത് തൃണമൂൽ കോൺഗ്രസിന്റെ ആത്മവിശ്വാസം വർധിപ്പിച്ചു. ബംഗാൾ പിടിക്കാൻ അരയും തലയും മുറുക്കി ഇറങ്ങിയ അമിത് ഷായുടെ ബിജെപി ഏഴു നഗരസഭകളിൽ വെറും മൂന്നു സീറ്റുകളിൽ ഒതുങ്ങി. ബിജെപിക്കു മാത്രമല്ല, ഒരുകാലത്ത് സംസ്ഥാനം അടക്കി ഭരിച്ചിരുന്ന ഇടതുപക്ഷത്തിനും കോൺഗ്രസിനും കാര്യമായ നേട്ടമുണ്ടാക്കാനായില്ല. ഇടതുപാർട്ടികൾ രണ്ടു സീറ്റിലും കോൺഗ്രസ് നാലു സീറ്റിലും മാത്രമാണ് ജയിച്ചത്.

അമിത് ഷായും ബിജെപിയും സ്വപ്‌നത്തിൽ കാണാത്ത തിരിച്ചടിയാണ് ബംഗാളിൽ ലഭിച്ചിരിക്കുന്നത്. 2019ലെ ലോക്സഭാ തിരഞ്ഞെടുപ്പിൽ ബംഗാളും കേരളവും പിടിക്കുകയെന്ന ലക്ഷ്യത്തോടെയാണ് അമിത് ഷാ കരുക്കൾ നീക്കുന്നത്. ബിജെപിയുടെ വളർച്ച പൂർണമാകണമെങ്കിൽ കേരളത്തിലും ബംഗാളിലും പാർട്ടിക്ക് നിർണായക സ്വാധീനമുണ്ടാകണമെന്നാണ് പാർട്ടി ദേശീയ അധ്യക്ഷന്റെ കണക്കുകൂട്ടൽ. ഇതിനുള്ള തന്ത്രങ്ങളുമായി മുന്നോട്ടു പോകുന്നതിനിടെയാണ് ബംഗാളിൽനിന്ന് അപ്രതീക്ഷിത തിരിച്ചടി ബിജെപിക്കു ലഭിച്ചിരിക്കുന്നത്.

2019 ലോക്സഭാ തെരഞ്ഞെടുപ്പിൽ ബംഗാൾ പിടിക്കുകയെന്ന ലക്ഷ്യമിട്ട് ബിജെപി മാസങ്ങളായി ഇവിടെ ശക്തമായി പ്രവർത്തിക്കുന്നുണ്ട്. അതിന്റെ ആദ്യഘട്ടമായാണ് മുനിസിപ്പൽ തെരഞ്ഞെടുപ്പിനെ കണ്ടത്. അമിത് ഷാ സംസ്ഥാനത്ത് തമ്പടിച്ച് വിസ്റ്റാർ യാത്ര എന്ന പേരിൽ ഏപ്രിൽ 25ന് റാലി നടത്തുകയും ചെയ്തിരുന്നു. ഇതിനു പുറമേ ആദിവാസി വീടുകൾ സന്ദർശിക്കുകയും ബൂത്ത് ലെവലിൽ ഓരോ വീടുകളും ലക്ഷ്യമിട്ട് കാമ്പെയ്ൻ നടത്തുകയും ചെയ്തിരുന്നു. ഇതിനു പുറമേ തൃണമൂൽ സർക്കാറിനെ ലക്ഷ്യമിട്ട് അഴിമതി ആരോപണങ്ങൾ ഉയർത്തുകയും ചെയ്തിരുന്നു. എന്നാൽ ഈ ശ്രമങ്ങൾ കൊണ്ടൊന്നും വോട്ടർമാരെ സ്വാധീനിക്കാൻ കഴിഞ്ഞില്ല എന്നാണ് തെരഞ്ഞെടുപ്പു ഫലം വ്യക്തമാക്കുന്നത്.

ബംഗാളിലെ ഹിൽസ് മേഖലയിലെ കുർസിയോങ്, ഡാർജീലിങ്, മൃക്, കാലിംപോങ്, പുജാലി, രായ്ഗഞ്ച്, ദോംകൽ എന്നീ മുനിസിപ്പാലിറ്റികളിലേക്ക് ഞായറാഴ്ചയാണു തെരഞ്ഞെടുപ്പ് നടന്നത്. ഹിൽസ് മേഖല ജിജെഎമ്മിന്റെ ശക്തികേന്ദ്രമാണ്. എന്നിട്ടും ഇവിടുത്തെ നാലു മുനിസിപ്പാലിറ്റികളിൽ വിജയിക്കാനായത് തൃണമൂലിന്റെ ശക്തിയും ആത്മവിശ്വാസവും വർധിപ്പിച്ചു. മൃക്കിൽ തൃണമൂലിന്റെ വിജയം ചരിത്രമാണ്. ആദ്യമായാണ് സമതലത്തിലെ ഒരു പാർട്ടി ഇവിടെ അധികാരം പിടിക്കുന്നത്.

ഏഴ് നഗരസഭകളിലേക്കുമായി 148 സീറ്റിലാണ് തിരഞ്ഞെടുപ്പ് നടന്നത്. ഇതിൽ, തൃണമൂൽ കോൺഗ്രസ് 66 സീറ്റും ജിജെഎം 70 സീറ്റും നേടി. ബംഗാൾ സ്വന്തമാക്കുകയെന്ന ലക്ഷ്യവുമായി ഇറങ്ങുന്ന ബിജെപിക്ക് ഏഴ് നഗരസഭകളിലുമായി മൂന്ന് സീറ്റിൽ മാത്രമാണ് വിജയിക്കാൻ കഴിഞ്ഞത്. ഇടതുപാർട്ടികൾ രണ്ടു സീറ്റിലും കോൺഗ്രസ് നാലു സീറ്റിലും ജയിച്ചു.

തൃണമൂൽ കോൺഗ്രസ് വിജയിച്ച നഗരസഭകൾ
മൃക്ക് (9 സീറ്റ്): തൃണമൂൽ കോൺഗ്രസ് 6, ഗൂർഖ ജന്മുക്തി മോർച്ച 3
ഡോംകൽ( 21 സീറ്റ്): തൃണമൂൽ കോൺഗ്രസ് 18, ഇടതുപക്ഷം 2, കോൺഗ്രസ് 1
പുജ്ലി(16 സീറ്റ്): തൃണമൂൽ കോൺഗ്രസ് 12, ബിജെപി 2, കോൺഗ്രസ് 1, മറ്റുള്ളവർ 1
റായ്ഗാൻജ് (27 സീറ്റ്): തൃണമൂൽ കോൺഗ്രസ് 24, കോൺഗ്രസ് 2, ബിജെപി 1

ഗൂർഖാ ജന്മുക്തി മോർച്ച വിജയിച്ച നഗരസഭകൾ
ന്മ ഡാർജിലിങ് (32 സീറ്റ്): ഗൂർഖ ജന്മുക്തി മോർച്ച 31, തൃണമൂൽ കോൺഗ്രസ് 1
ന്മ കുർസേങ് (20 സീറ്റ്): ഗൂർഖ ജന്മുക്തി മോർച്ച 17, തൃണമൂൽ കോൺഗ്രസ് 3
ന്മ കലിംപോങ് ( 23 സീറ്റ്): ഗൂർഖ ജന്മുക്തി മോർച്ച 19, തൃണമൂൽ കോൺഗ്രസ് 2, മറ്റുള്ളവർ 2

ബംഗാളിലെ ജനങ്ങൾ മമത ബാനർജിയുടെ വികസന നയങ്ങൾക്ക് വിശ്വാസമർപ്പിച്ചുവെന്നതിന്റെ തെളിവാണ് നാലു നഗരസഭകളിലെ ജയമെന്ന് തൃണമൂൽ കോൺഗ്രസ് അവകാശപ്പെട്ടു. തുടർച്ചയായി പർവതപ്രദേശങ്ങൾ സന്ദർശിക്കുകയും ജനങ്ങളുമായി ഇടപെടുകയും ചെയ്യുന്ന മമതയെ ജനങ്ങൾ പിന്തുണയ്ക്കുന്നത് സ്വാഭാവികമാണെന്ന് തൃണമൂൽ നേതാവ് പാർഥ ചാറ്റർജി പറഞ്ഞു.

എന്നാൽ, പർവതമേഖലകളിലെ നഗരസഭകളിൽ വലിയ വിജയം നേടാൻ സാധിച്ചുവെന്ന് ഗൂർഖ ജന്മുക്തി മോർച്ച അവകാശപ്പെട്ടു. ഗൂർഖാലാൻഡ് എന്ന പ്രത്യേക സംസ്ഥാനം വേണമെന്ന ആവശ്യം തെളിയിക്കുന്നതാണ് പർവതമേഖലകളിലെ ജനങ്ങളുടെ വിധിയെഴുത്തെന്നും ജിജെഎം നേതാവ് പ്രതികരിച്ചു. മൃക്ക് ചെറിയ നഗരസഭയാണെന്നും തോൽവി തിരിച്ചടിയല്ലെന്നുമാണ് ജിജെഎമ്മിന്റെ വാദം.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
TODAYLAST WEEKLAST MONTH
പുഴയിൽ കുളിച്ചു കയറിയ പതിനാറുകാരന് ആദ്യമുണ്ടായത് തലവേദന; കോട്ടയത്തെ ആശുപത്രിയിൽ വച്ചു മരണം; മണിമലയാറ്റിലെ കുളിക്കിടയിൽ പുഴവെള്ളത്തിൽ നിന്ന് മൂക്കിലൂടെയോ വായിലൂടെയോ ശരീരത്തിലെത്തിയത് അമീബിക് അണുബാധയുണ്ടാക്കിയതു മരണകാരണം; എരുമേലിയിലുണ്ടായത് ലോകത്തുതന്നെ അപൂർവമായ മരണം; നാടിനാകെ ദുരന്തമുന്നറിയിപ്പ്
വ്യാജ ഐഎഎസ് തെറിപ്പിക്കും, കൂട്ടുനിന്ന ഉദ്യോഗസ്ഥരും കുടുങ്ങും; എനിക്ക് കസേരയും പദവിയുമല്ല അഴിമതിക്കെതിരായ കുരിശുയുദ്ധമാണ് പ്രധാനം; മന്ത്രി മൊയ്തീന്റെ പ്രൈവറ്റ് സെക്രട്ടറി രാജാറാം തമ്പിയുടെ ഭാര്യയ്ക്ക് ജോലി നൽകിയത് ചട്ടവിരുദ്ധം; ബിജു പ്രഭാകറിനെതിരെ വെല്ലുവിളിച്ച് വർഷങ്ങൾക്ക് ശേഷം സ്വാമി താരമാകുന്നതിങ്ങനെ
സർജിക്കൽ സ്‌ട്രൈക്കിനു ശേഷവും പാഠം പഠിക്കാത്ത പാക്കിസ്ഥാന് കനത്ത തിരിച്ചടി നൽകി ഇന്ത്യ; രജൗരി, നൗഷേര മേഖലകളിലെ പാക് സൈനിക പോസ്റ്റുകൾ ഇന്ത്യൻ സൈന്യം ബോംബിട്ടു തകർത്തു; ആക്രമണത്തിന്റെ ദൃശ്യങ്ങളും പുറത്തുവിട്ടു; അപ്രതീക്ഷിത പ്രഹരത്തിൽ പകച്ച് പാക് സൈന്യം; വരും ദിവസങ്ങളിൽ കനത്ത ആക്രമണം തുടരാൻ തീരുമാനിച്ചുറപ്പിച്ച് ഇന്ത്യ
വീട്ടിൽ പട്ടിണി കിടക്കുമ്പോഴും പാലും പഴവും കഴിച്ച് സ്വാമി കൊഴുത്തു; അമ്മയും അച്ഛനും സ്വാമിയുടെ അടിമകളായപ്പോൾ മറ്റൊരു നിവൃത്തിയുമില്ലാതെ കിടക്ക വിരിക്കേണ്ടി വന്നു; പീഡനം അക്രമം ആയി മാറിയപ്പോൾ ഇനി മറ്റൊരു പെൺകുട്ടിക്കും ഈ ദുരന്തം ഉണ്ടാകാതിരിക്കാൻ ജനനേന്ദ്രിയം തന്നെ മുറിക്കാൻ ഉറച്ചു; പെൺകുട്ടി പൊലീസിനോട് വിവരിച്ചത് ഇങ്ങനെ
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ
കടമായി നൽകിയ 20 ലക്ഷം തിരിച്ചു ചോദിച്ചത് പ്രശ്‌നമായി; വീട്ടുകാർ ഉറക്കമായപ്പോൾ കിടപ്പുമുറിയിലേക്ക് വിളിച്ചുവരുത്തി; ആപ്പിൾ മുറിക്കാനുള്ള കത്തി കഴുത്തിൽ ചേർത്ത് വഴങ്ങണമെന്ന് ഭീഷണിയും; പിടിവലിക്കൊടുവിൽ കത്തി കൈക്കലാക്കി ജനനേന്ദ്രിയത്തിൽ പിടിച്ച് കുറുകേ മുറിച്ചെന്ന് മൊഴി; ഗംഗേശാനന്ദ കോടിപതി ആയതിന്റെ പൊരുൾ തേടി പൊലീസ്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ലൗ ജിഹാദിന്റെ സൂത്രധാരൻ; ഹിന്ദു ഹെൽപ്പ് ലൈനിന്റെ മുന്നണി പോരാളി; എസ് എൻ ഡി പി-ബിജെപി കൂട്ടുകെട്ടിന്റെ സൂത്രധാരൻ; കേരളാ ഹൗസിലെ ബീഫ് വിവാദം ആളിക്കത്തിച്ച് വിവാദ നായകൻ; കുമ്മനത്തെ അധ്യക്ഷനാക്കിയ തന്ത്രശാലി; വെള്ളാപ്പള്ളിക്കും അമൃതാന്ദമയിക്കും കരിമ്പൂച്ചകളെ ഒരുക്കിയ പ്രതീഷ് വിശ്വനാഥനെന്ന 'സൂപ്പർ പവറിന്റെ' കഥ
വി എസ് എന്ന് ദേഹത്ത് എഴുതി സിറ്റിയിലൂടെ ബൈക്ക് ഓടിച്ചു; ഹക്കിം ഷായെ വടിവാളു കൊണ്ടു വെട്ടിയെന്നും ആരോപണം; ഓംപ്രകാശും പുത്തൻപാലം രാജേഷും കൂട്ടുകാർ; കാക്കികുപ്പായം നൽകരുതെന്ന് വിലക്കി ഇന്റലിജൻസ്; ചെന്നിത്തല വിശാലനായപ്പോൾ സേനയിലെത്തി; കഞ്ചാവ് കേസിലൂടെ സിപിഎമ്മിലെ കണ്ണിലെ കരടായി; ജനനേന്ദ്രിയം തകർത്തപ്പോൾ സസ്‌പെൻഷനും; എസ് ഐ സമ്പത്തിന്റെ കഥ ഇങ്ങനെ
സോഷ്യൽ മീഡിയയിലൂടെ അപകീർത്തിപ്പെടുത്തിയെന്ന കേസിൽ മുൻകൂർ ജാമ്യം എടുത്ത് സ്റ്റേഷനിലേക്ക് പോയ യുവാവിനെ പരാതിക്കാരിയായ വീട്ടമ്മയുടെ നേതൃത്വത്തിലുള്ള ക്വട്ടേഷൻ സംഘം തട്ടിക്കൊണ്ടു പോയി; ക്രൂരമായി മർദ്ദിച്ച് മൊബൈൽ ഫോണും പണവും തട്ടിയെടുത്തത് പൊലീസ് സ്‌റ്റേഷനിൽ കൊണ്ടു പോയി വിലിച്ചെറിഞ്ഞു; അറസ്റ്റ് ചെയ്തില്ല എന്നു പറഞ്ഞ് പൊലീസിനെതിരെ ഫെയ്‌സ് ബുക്കിലൂടെ ലൈവായി കൊലവിളി