പ്രായോഗികതയുടെ പക്ഷത്ത് നിൽക്കുന്നവർ വാദിക്കുന്നത് കള്ളു മുതലാളിമാർക്ക് വേണ്ടി; ബാർ ത...

പ്രായോഗികതയുടെ പക്ഷത്ത് നിൽക്കുന്നവർ വാദിക്കുന്നത് കള്ളു മുതലാളിമാർക്ക് വേണ്ടി; ബാർ തർക്കത്തിൽ സർക്കാരിനെ വിമർശിച്ച് ലീഗ് മുഖപത്രവും; സമ്പൂർണ്ണ മദ്യനിരോധനത്തെ പിന്തുണയ്ക്കുന്നെന്ന് ഇ ടി മുഹമ്മദ് ബഷീറും

August 20, 201411:16 AM IST Permalink

തിരുവനന്തപുരം: സംസ്ഥാനത്ത് അടച്ച ബാറുകൾ തുറക്കുന്ന വിഷയത്തിൽ തർക്കം മുറുകവേ പക്ഷം പിടിച്ച് പാർട്ടി പത്രങ്ങളും രംഗത്തെത്തി. വിഷയത്തിൽ സർക്കാറിന് വിമർശിച്ച് മുസ്ലിംലീഗ് മുഖപത്രം രംഗത്തെത്തി. പ്രായോഗികതയുടെ പക്ഷത്ത് നിൽക്കുന്നവർ വാദിക്കുന്നത് കളളുമുതലാളിമാർക്ക് വേണ്ടിയെന്ന മുഖപ്രസംഗത്തിൽ ചന്ദ്രിക വിമർശിച്ചു. ബാറുകൾ പൂട്ടിയിട്ടാൽ മദ്യദുരന്തമുണ്ടാകുമെന്നാണ് ഇക്കൂട്ടർ പറയുന്നത്. ബാർ തുറപ്പിക്കാൻ വേണ്ടി ഒരു മദ്യദുരന്തമുണ്ടായാൽ പോലും അത്ഭുതപ്പെടാനില്ല.

ലൈസൻസ് പുതുക്കി നൽകുന്നതിൽ പ്രായോഗിക സമീപനം വേണമെന്ന നിർദ്ദോഷകരമെന്നു തോന്നുന്ന വാദം ഉന്നയിച്ചാണ് ബാറുടമകൾക്ക് വേണ്ടി ചില നേതാക്കൾ രംഗത്തുവരുന്നതെന്നും മുഖപ്രസംഗത്തിൽ പറയുന്നു. എന്താണ് പ്രായോഗികത? പ്രയോഗത്തിൽ വരുത്താൻ കഴിയുന്നതിനെയാണ് പ്രായോഗികം എന്നു വിളിക്കുന്നത്. പൂട്ടിയ ബാറുകൾ തുറക്കാത്തതിൽ എന്ത് അപ്രായോഗികതയ്യാണ് ഉള്ളത്.

കള്ളു മുതലാളിമാരുടെ പണസഞ്ചിയിൽ കണ്ണുവച്ച്, മഹത്തായ ഒരു ആശയത്തിന്റെ കടയ്ക്കൽ കത്തിവയ്ക്കാനാണ് ഇക്കൂട്ടർ ശ്രമിക്കുന്നതെന്നും മുഖപ്രസംഗത്തിലുണ്ട്. നാളെ യുഡിഎഫ് യോഗം ചേരാനിരിക്കെയാണ് ചന്ദ്രികയുടെ വിമർശനം. അതേസമയം സമ്പൂർണ്ണ മദ്യനിരോധനമെന്ന എംഎം ഹസന്റെ വാദത്തെ അംഗീകരിക്കുമെന്ന് ഇ ടി മുഹമ്മദ് ബഷീർ എംപി വ്യക്തമാക്കി. അതേസമയം ഇതേചൊല്ലി തർക്കം മുറുകുകയാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +