വിഎസിന്റെ ബദൽരേഖ രാഷ്ട്രീയ മറുകണ്ടം ചാടൽ; തൻപ്രമാണിത്തം ഉപേക്ഷിച്ചും തെറ്റുതിരുത്തിയും അച്ചടക്കത്തോടെ പ്രതിപക്ഷ നേതാവ് പാർട്ടിയോടൊപ്പം നിൽക്കണം; അടിതെറ്റിയത് ആകാശക്കോട്ടകൾ; വിഎസിനും മാദ്ധ്യമങ്ങൾക്കും വിമർശനവുമായി ദേശാഭിമാനി
തിരുവനന്തപുരം: ദേശാഭിമാനിയിൽ പ്രതിപക്ഷ നേതാവ് വി എസ് അച്യുതാനന്ദനെ വിമർശിച്ച് ലേഖനം. ആലപ്പുഴ സമ്മേളനത്തിൽ പാർട്ടി സമ്മേളന പ്രതിനിധിയായിരുന്ന ആർഎസ് ബാബുവാണ് വിഎസിനെതിരെ നിലപാടുകൾ വിശദീകരിക്കുന്നത്. പിണറായി വിജയനെ പിന്തുണച്ച് എഴുതിയിരിക്കുന്ന ലേഖനത്തിൽ മാദ്ധ്യമങ്ങൾക്കും വിമർശനമുണ്ട്. വിഎസിന്റെ ബദൽ രേഖ ഉയർത്തി സിപിഎമ്മിനെ തകർക്കാനുള്ള കെപിസിസി പ്രസിഡന്റ് വി എം സുധീരന്റെ നീക്കം അപഹാസ്യമാണെന്നാണ് ബാബു വിശദീകരിക്കുന്നത്. പിണറായി വിജയനുമായി അടുത്തു നിൽക്കുന്ന ദേശാഭിമാനിയുടെ പ്രധാനികളിൽ ഒരാളാണ് ബാബു.
ആലപ്പുഴ സമ്മേളനത്തിന്റെ ചർച്ചകളിലും വിഎസിനെതിരെ ബാബു വിമർശനം ഉന്നയിച്ചിരുന്നു. പാർട്ടി സെക്രട്ടറി സ്ഥാനത്ത് കോടിയേരി ബാലകൃഷ്ണന് പകരം ഇപി ജയരാജന്റെ പേരുയർത്തിയെന്ന വാദത്തേയും ബാബു തള്ളുന്നു. കോടിയേരിയെ അല്ലാതെ ആരേയും സെക്രട്ടറി സ്ഥാനത്തേക്ക് പരിഗണിച്ചിട്ടില്ല. കേന്ദ്ര നേതൃത്വത്തിന്റെ പൂർണ്ണ പിന്തുണ സംസ്ഥാന നേതൃത്വത്തിനുണ്ടെന്നും വിശദീകരിക്കുന്നു.
വി എസിന്റെ 'ബദൽരേഖ'യെപ്പറ്റിയുള്ള സംസ്ഥാന സെക്രട്ടറിയറ്റിന്റെ പ്രമേയത്തിലെ ആശയപരവും രാഷ്ട്രീയപരവും സംഘടനാപരവുമായ നിലപാട് ശരിവച്ചിരിക്കുകയാണ് കേന്ദ്രനേതൃത്വവും സംസ്ഥാനസമ്മേളനവും. സെക്രട്ടറിയറ്റ് പ്രമേയത്തെ പുച്ഛിച്ചുതള്ളിയ വി എസിന്റെ നടപടിയും അദ്ദേഹം വാങ്മൂലം നടത്തിയ പരസ്യവിശദീകരണവും സാധാരണനിലയിൽ ഒരുപാർട്ടി അംഗത്തിന്റെ അച്ചടക്കത്തിന് നിരക്കുന്നതല്ല. പാർട്ടിയുടെ ശത്രുക്കൾക്ക് ഉപയോഗിക്കാൻ കഴിയുന്ന ആയുധമാണ് വി എസിന്റെ 'ബദൽരേഖ'യെന്ന് കെപിസിസി യോഗം ചൊവ്വാഴ്ച കൈക്കൊണ്ട തീരുമാനം വ്യക്തമാക്കുന്നുവെന്നാണ് ബാബുവിന്റെ അഭിപ്രായം.
വി എസ് പരസ്യപ്പെടുത്തിയ രേഖയുടെ അടിസ്ഥാനത്തിൽ ചന്ദ്രശേഖരൻകേസിൽ സിപിഐ എം നേതാക്കൾക്കെതിരെ പുതിയ അന്വേഷണവും കള്ളക്കേസും ഉണ്ടാക്കുന്നതിന് സംസ്ഥാന സർക്കാരിനോട് കെപിസിസി ശുപാർശചെയ്തിരിക്കുകയാണ്. ഇതിന്റെ നിയമസാധുത ചോദ്യംചെയ്യപ്പെടുന്നതാണ്. അതിനപ്പുറം 'ബദൽരേഖ'യുടെ രാഷ്ട്രീയം കെപിസിസിയുടെയും ഉമ്മൻ ചാണ്ടിയുടെയും കൈയിൽ കളിക്കുന്നതായി. ഇങ്ങനെ സംഘടനാപരമായി മാത്രമല്ല രാഷ്ട്രീയമായും മറുകണ്ടം ചാടലാണ് 'ബദൽരേഖ'യും അതേത്തുടർന്നുള്ള നിലപാടുകളുമെന്നും വിശദീകരിക്കുന്നു
ഉമ്മൻ ചാണ്ടിയും രമേശ് ചെന്നിത്തലയും സുധീരനുംവച്ച കെണിയിൽ വീണിരിക്കുകയാണ് 'ബദൽരേഖ'. ഇതൊക്കെയാണെങ്കിലും തൻപ്രമാണിത്തം ഉപേക്ഷിച്ചും തെറ്റുതിരുത്തിയും അച്ചടക്കത്തോടെ പാർട്ടിയോടൊപ്പം നിൽക്കാനാണ് പാർട്ടി ജനറൽസെക്രട്ടറി പ്രകാശ് കാരാട്ടിന്റെയും പിണറായി വിജയൻ ഉൾപ്പെടെയുള്ള പിബി അംഗങ്ങളുടെയും അഭ്യർത്ഥന. തികച്ചും ക്ഷമാശീലത്തോടെയാണ് ഈ വിഷയത്തിൽ പാർട്ടി നേതൃത്വം ഇടപെടുന്നത്. പൊതുസമൂഹത്തിൽ പാർട്ടിയുടെ നിലപാടിനോടുള്ള പിന്തുണ വർധിക്കുകയാണ്. ഇതിന്റെയെല്ലാം ഫലമായി സിപിഐ എമ്മിനെതിരെ കെട്ടിയുയർത്തിയ ആകാശക്കോട്ടകൾക്ക് അടിതെറ്റുകയാണെന്നും പറയുന്നു.
ദേശാഭിമാനി ലേഖനത്തിന്റെ പൂർണ്ണ രൂപം
അടിതെറ്റിയ ആകാശക്കോട്ടകൾ
ആർ എസ് ബാബു
സിപിഐ എം സംസ്ഥാന സമ്മേളനം ആലപ്പുഴയിൽ മഹാവിജയമായി പരിസമാപിച്ചതും പാർട്ടി കേന്ദ്രകമ്മിറ്റി അംഗം വി എസ് അച്യുതാനന്ദന്റെ പരസ്യപ്പെടുത്തിയ 'ബദൽരേഖ' കെപിസിസിയോഗം ആയുധമാക്കിയതും പുതിയ സംസ്ഥാന സെക്രട്ടറിയെ തെരഞ്ഞെടുത്തത് സ്ഥാനമൊഴിഞ്ഞ സെക്രട്ടറിയുടെ നിർദ്ദേശം അവഗണിച്ചാണെന്ന നുണവാർത്തയും കേരളരാഷ്ട്രീയത്തിലെ വർത്തമാനകാല പ്രവണതകളിലേക്കുള്ള വിരൽചൂണ്ടലാണ്. സിപിഐ എമ്മിനെ ക്ഷീണിപ്പിക്കുക എന്ന ലക്ഷ്യത്തോടെ ഒരു 'മാർക്സിസ്റ്റ് വിരുദ്ധ തരംഗം' വി എസിന്റെ പേരിൽ സൃഷ്ടിക്കാനാണ് പാർട്ടി സംസ്ഥാന സമ്മേളനം ആലപ്പുഴയിൽ ചേർന്ന ദിവസങ്ങളിലെല്ലാം ബഹുഭൂരിപക്ഷം മാദ്ധ്യമങ്ങളും ശ്രമിച്ചത്. സമ്മേളനത്തിന്റെ ശോഭ കെടുത്താൻ കമ്യൂണിസ്റ്റ് വിരുദ്ധ മാദ്ധ്യമങ്ങൾ മാത്രമല്ല, അവയ്ക്ക് കോപ്പുകൂട്ടാൻ ദിവസേന ദുഷ്പ്രചാരണവുമായി രാഷ്ട്രീയപാർട്ടികൾ, ഗ്രൂപ്പുകൾ, വ്യക്തികൾ അടക്കം ചാനലുകളിലും പുറത്തും ഇറങ്ങി. യുഡിഎഫ് നേതാവിന്റെ നേതൃത്വത്തിൽ കണ്ണൂരിൽ 'വി എസിനുവേണ്ടി' വിരലിലെണ്ണാവുന്നവരുടെ പ്രകടനവും കണ്ടു.
എന്നാൽ, ആലപ്പുഴയിൽ വിജയകരമായി നടന്ന പ്രതിനിധിസമ്മേളനവും തുടർന്ന് ഇന്ത്യക്കകത്തും പുറത്തുമുള്ള ജനലക്ഷങ്ങൾ കണ്ട് ആഹ്ലാദിച്ച വമ്പിച്ച റാലിയും പൊതുസമ്മേളനവും അതിൽ അലയടിച്ച വികാരവും മാർക്സിസ്റ്റ് വിരുദ്ധർക്ക് വല്ലാത്ത നിരാശ പ്രദാനംചെയ്തു. പാർട്ടി കേന്ദ്രകമ്മിറ്റി അംഗവും പ്രതിപക്ഷനേതാവുമായ വി എസ് അച്യുതാനന്ദൻ എത്തിയില്ലെങ്കിൽ ആലപ്പുഴ ഇ എം എസ് സ്റ്റേഡിയത്തിൽ ജനലക്ഷങ്ങൾ പോയിട്ട് പൂച്ചക്കുട്ടികൾപോലും എത്തില്ലെന്ന് കരുതിയ വിദ്വാന്മാരുണ്ട്. ഈ വിധത്തിൽ ചാനലുകളിലിരുന്ന് വമ്പുപറഞ്ഞ കേമന്മാരുണ്ട്. സമ്മേളനത്തിനും റാലിക്കും വി എസ് വരില്ലെന്ന് മാദ്ധ്യമങ്ങൾ നേരത്തെ അറിയിച്ചിട്ടും ജനലക്ഷങ്ങൾ ചെങ്കൊടിയേന്തി സ്റ്റേഡിയത്തിന് അകത്തും പുറത്തുമായി എത്തി. 25,000 ചുവപ്പ് വളന്റിയർമാർ നേതാക്കളുടെ സല്യൂട്ട് സ്വീകരിച്ചു. വ്യക്തി എത്ര മഹാനാണെങ്കിലും അല്ലെങ്കിലും ആ വ്യക്തിയുടെ പേരിലല്ല കമ്യൂണിസ്റ്റ് പ്രസ്ഥാനം നിലകൊള്ളുന്നതെന്ന് ആലപ്പുഴ റാലി വിളംബരംചെയ്തു.
ആ റാലിയിൽ തെളിഞ്ഞ രണ്ട് പ്രത്യേകതകളുണ്ട്. പ്രതിസന്ധികളിൽ പാർട്ടിയെ കരകയറ്റിയ ഉരുക്കുപോൽ ഉറച്ച പാർട്ടി നേതൃത്വത്തിന് ജനങ്ങൾ നൽകിയ അംഗീകാരമാണ് ശ്രദ്ധേയമായ ഒരു കാര്യം. പുതിയ സംസ്ഥാന സെക്രട്ടറി കോടിയേരി ബാലകൃഷ്ണനെ സ്റ്റേഡിയം വരവേറ്റത് അതീവ ആഹ്ലാദത്തോടെ കരഘോഷം മുഴക്കിയാണ്. പതിനാറുവർഷം പാർട്ടി സംസ്ഥാന സെക്രട്ടറിയായിരുന്ന് കമ്യൂണിസ്റ്റ് പ്രസ്ഥാനത്തെ കാത്തുസൂക്ഷിക്കുകയും വിഭാഗീയതകൾക്ക് അതീതമായി പാർട്ടിയിൽ ഐക്യം കെട്ടിപ്പടുക്കാൻ ധീരനിലപാട് കൈക്കൊള്ളുകയുംചെയ്ത പിണറായി വിജയന്റെ പേര് സ്വാഗതപ്രാസംഗികനും അധ്യക്ഷനും അടക്കമുള്ളവർ ഉച്ചരിച്ചപ്പോൾ സ്റ്റേഡിയം ആർത്തിരമ്പി ഹർഷാരവം മുഴക്കി. നിലയ്ക്കാത്ത ആ സംഘടിത ആരവം പിണറായി സ്വീകരിച്ച പാർട്ടി സംഘടനാരാഷ്ട്രീയ നിലപാടുകൾക്കുള്ള ജനങ്ങളുടെ അംഗീകാരമാണ്. പാർട്ടി സംസ്ഥാന സമ്മേളനത്തിൽ തെരഞ്ഞെടുക്കപ്പെട്ട അറുനൂറിലധികം പ്രതിനിധികളെ 'പിണറായിയുടെ ആളുകൾ' എന്ന് മുദ്രകുത്തുന്ന ചാനൽജീവികൾ കണ്ണുതുറന്ന് കാണണം ജനങ്ങളുടെ ഈ മനസ്സ്. വി എസിന്റെ പേര് ഉപയോഗിച്ച് സിപിഐ എം തകരാൻ പോകുകയാണെന്ന് സ്വപ്നംകണ്ട കെപിസിസി പ്രസിഡന്റ് വി എം സുധീരനോട് ആലപ്പുഴ റാലി കൺകുളിർക്കെ കാണാൻ വൃന്ദ കാരാട്ട് ഉപദേശിച്ചത് പ്രസക്തം.
'വ്യക്തിമഹാത്മ്യ സിദ്ധാന്തം' നിരാകരിച്ച റാലിയിലെ നേതാക്കളുടെ പ്രസംഗമാണ് ശ്രദ്ധേയമായ മറ്റൊരു വസ്തുത. സിപിഐ എം ഏതെങ്കിലും വ്യക്തികളുടെയോ സംഘങ്ങളുടെയോ അല്ല ജനങ്ങളുടെ പൊതുസ്വത്താണെന്ന് പാർട്ടി ജനറൽ സെക്രട്ടറി പ്രകാശ് കാരാട്ട് ഓർമിപ്പിച്ചത് ആലപ്പുഴയിലെ ജനസഞ്ചയം കരഘോഷത്തോടെയാണ് സ്വീകരിച്ചത്. വ്യക്തിയല്ല പ്രസ്ഥാനമാണ് വലുതെന്ന മാർക്സിസംലെനിനിസത്തിന്റെ അടിസ്ഥാനപ്രമാണമാണ് കാരാട്ട് ഉൾപ്പെടെയുള്ള നേതാക്കൾ ചൂണ്ടിക്കാട്ടിയത്. ആലപ്പുഴയിൽ ഈ മഹാസമ്മേളനം നടക്കുമ്പോൾ കേന്ദ്രകമ്മിറ്റി അംഗം വി എസ് അച്യുതാനന്ദൻ ആദ്യവസാനം ഉണ്ടാകേണ്ടതായിരുന്നെന്നും രണ്ടാംദിവസം സമ്മേളനത്തിൽനിന്ന് പുറത്തുപോയ വി എസിനോട് തിരിച്ചുവന്ന് സമ്മേളനത്തിൽ പങ്കെടുക്കണമെന്ന് ഫോണിൽ വിളിച്ച് ആവശ്യപ്പെട്ടിരുന്നെന്നും അദ്ദേഹം വെളിപ്പെടുത്തി.
വ്യക്തികേന്ദ്രീകൃത പാർട്ടിയല്ല ഇതെന്നും താൻപോയാലും ആരുപോയാലും സിപിഐ എം നിലനിൽക്കുകയും വളരുകയുംചെയ്യുമെന്ന് വ്യക്തമാക്കിയ കോടിയേരി, പാർട്ടിയെ വെല്ലുവിളിച്ച എം വി രാഘവന്റെയും ഗൗരിയമ്മയുടെയും ഭീഷണികൾ കേട്ട് കണ്ണൂരിലും ആലപ്പുഴയിലും ഉൾപ്പെടെ സിപിഐ എം തകരാൻപോകുന്നുവെന്ന് കിനാവ് കണ്ടവരുടെ അനുഭവമാണ് വിവരിച്ചത്. ഗൗരിയമ്മ പാർട്ടി വിട്ടപ്പോൾ തിരുവിതാംകൂറിൽ പാർട്ടി തകർന്നെന്നായിരുന്നു പ്രചാരണം. പക്ഷേ, അടുത്തവർഷം പാർട്ടിയുടെ നേതൃത്വത്തിൽ സർക്കാർ അധികാരത്തിൽവന്നത് കോടിയേരി ഓർമിപ്പിച്ചു. ജനങ്ങൾ ഏറ്റവും വലിയ ഹർഷാരവത്തോടെയാണ് പിണറായിയുടെ പ്രസംഗത്തെ സ്വീകരിച്ചത്. രക്തസാക്ഷിത്വത്തേക്കാൾ വലുതായി ഒരു ത്യാഗവുമില്ലെന്ന് ചൂണ്ടിക്കാട്ടുകയും ജീവരക്തംകൊണ്ട് ലോക്കപ്പ് മുറിയിലെ ഭിത്തിയിൽ ചുവപ്പുപരത്തിയ ഒഞ്ചിയം രക്തസാക്ഷി മണ്ടോടി കണ്ണന്റെ ധീരസ്മരണ അയവിറക്കുകയും ചെയ്തത് വർത്തമാനകാല രാഷ്ട്രീയ അവസ്ഥകളോടുള്ള പ്രതികരണമായിരുന്നു. പാർട്ടി സമ്മേളനത്തിൽ പ്രകടമായ ഐക്യത്തെ പിബി അംഗം സീതാറാം യെച്ചൂരി ശ്ലാഘിക്കുകയും ചെയ്തു.
പ്രതിനിധികളിലും നേതാക്കളിലും നല്ല ഐക്യം പ്രകടമായ സംസ്ഥാന സമ്മേളനത്തെ അപകീർത്തിപ്പെടുത്താനുള്ള ദുഷിച്ച വാർത്തകളും ഇടംപിടിച്ചിട്ടുണ്ട്. അതിനുദാഹരണമാണ് കേരളകൗമുദി ഒന്നാംപേജിൽ ബഹുകോളത്തിൽ നൽകിയ 'ആദ്യം ഉയർന്നത് ഇ പി ജയരാജന്റെ പേര്' എന്ന കള്ളവാർത്ത. പിണറായി വിജയൻ ഇ പി ജയരാജന്റെ പേര് നിർദ്ദേശിച്ചെന്നും അത് നിരാകരിച്ച് കോടിയേരിയെ സെക്രട്ടറിയാക്കാൻ പിബി നിർദ്ദേശിച്ചെന്നുമുള്ള കെട്ടുകഥയാണ് 'പേട്ട പത്ര'ത്തിന്റേത്. 16 വർഷം സംസ്ഥാന സെക്രട്ടറിയായി തുടർന്ന ഒരു നേതാവിന്റെ അനുഭവപരിജ്ഞാനവും സംഘടനാബോധവും രാഷ്ട്രീയപക്വതയും ഉൾച്ചേരുന്ന നിർദ്ദേശം സ്വാഭാവികമായും പുതിയ സെക്രട്ടറിയെ തെരഞ്ഞെടുക്കുന്നതിൽ പ്രധാനഘടകമാണ്. പുതിയ സെക്രട്ടറിയെ തെരഞ്ഞെടുക്കുന്നതിനുള്ള വിവിധതലങ്ങളിലെ ആലോചനകളിലോ തെരഞ്ഞെടുപ്പ് നടത്തിയ സംസ്ഥാനകമ്മിറ്റിയിലോ കോടിയേരിയുടെ പേരിനെപ്പറ്റി ഒരുതർക്കവും ഉണ്ടായില്ല. എന്നിട്ടാണ് പിണറായി നിർദ്ദേശിച്ച പേര് തള്ളിയെന്ന സങ്കൽപ്പകഥ രചിച്ചത്.
പിണറായി വിജയൻ മലപ്പുറം സംസ്ഥാന സമ്മേളനം കഴിയുമ്പോൾ പിണറായിയിലെ ബ്രാഞ്ചിൽ ഒതുങ്ങുമെന്ന് പ്രവചനം നടത്തിയ സ്വപ്നജീവിയായ 'പേട്ട പത്ര'ത്തിൽനിന്ന് മറ്റൊന്നു പ്രതീക്ഷിക്കേണ്ട. സിപിഐ എമ്മിൽ ആഭ്യന്തരക്കുഴപ്പം സൃഷ്ടിക്കാൻ പലപ്പോഴും പക്ഷംപിടിച്ച ജിഹ്വയാണത്. മറ്റാർക്കോവേണ്ടി അവർ നടത്തുന്ന ആ പണി ഇത്തരം പലരൂപങ്ങളിൽ തുടരുന്നു. പക്ഷേ, ഇതുകൊണ്ടൊന്നും സിപിഐ എം നേതൃത്വത്തിലും അണികളിലും അനുഭാവിവൃന്ദത്തിലും ആശയക്കുഴപ്പമുണ്ടാക്കാൻ കഴിയില്ല. വി എസിന്റെ പേരുപയോഗിച്ച് നാട്ടിൽ കമ്യൂണിസ്റ്റ് വിരുദ്ധ തരംഗം സൃഷ്ടിക്കാൻ ഇറങ്ങിപ്പുറപ്പെട്ട മാദ്ധ്യമങ്ങളും രാഷ്ട്രീയ നിരൂപകരും പ്രചരിപ്പിച്ച വാർത്തകൾ പലതാണ്. പാർട്ടി സംസ്ഥാന സമ്മേളനത്തിൽനിന്ന് ഇറങ്ങിപ്പോയ വി എസിനെ തിരിച്ചുകൊണ്ടുവരുന്നതിനായി വി എസ് ഉന്നയിച്ച നിബന്ധനകൾ പാർട്ടി അംഗീകരിക്കാൻപോകുന്നുവെന്ന അഭ്യൂഹം ഏഷ്യാനെറ്റ് ഉൾപ്പെടെയുള്ള ചാനലുകൾ അനുസ്യൂതം നൽകി.
ത്രിപുര മുഖ്യമന്ത്രി മണിക് സർക്കാരും ബംഗാൾ ഘടകവും വി എസിനൊപ്പമെന്നും അവയ്ലബിൾ പിബി വി എസിന്റെ നിബന്ധന അംഗീകരിക്കുമെന്നും ഏഷ്യാനെറ്റിന്റെ ഡൽഹി ലേഖകൻ പ്രശാന്ത് രഘുവംശം ഉൾപ്പെടെയുള്ളവർ പ്രചരിപ്പിച്ചു. മനോരമയിൽ വന്ന വി എസിന്റെ 'ബദൽരേഖ'യ്ക്ക് എതിരായി പാർട്ടി സംസ്ഥാന സെക്രട്ടറിയറ്റ് അംഗീകരിച്ച പ്രമേയം മരവിപ്പിക്കുമെന്നും അതിലെ ഒരുഭാഗം നീക്കംചെയ്യാൻ പോകുന്നുവെന്നും ഇക്കൂട്ടർ പ്രവചിച്ചു. അതുപോലെ ടി പി ചന്ദ്രശേഖരൻ കേസിൽ വി എസ് ഉന്നയിക്കുന്ന ആവശ്യങ്ങളിൽ നടപടി സ്വീകരിക്കാമെന്ന ഉറപ്പ് പിബി നൽകുമെന്നും വാർത്ത നൽകി. പക്ഷേ, ഇതൊന്നും പിബിയുടെ ഭാഗത്തുനിന്നുണ്ടായില്ല. ഒരു വിലപേശലിനും പാർട്ടി വഴങ്ങില്ലെന്ന് പ്രകാശ് കാരാട്ട് ആദ്യം സംസ്ഥാന പ്രതിനിധി സമ്മേളനത്തെയും പിന്നീട് ഫോൺചെയ്ത് വി എസിനെയും അറിയിച്ചു.
ഇങ്ങനെ വി എസിന്റെ 'ബദൽരേഖ'യെപ്പറ്റിയുള്ള സംസ്ഥാന സെക്രട്ടറിയറ്റിന്റെ പ്രമേയത്തിലെ ആശയപരവും രാഷ്ട്രീയപരവും സംഘടനാപരവുമായ നിലപാട് ശരിവച്ചിരിക്കുകയാണ് കേന്ദ്രനേതൃത്വവും സംസ്ഥാനസമ്മേളനവും. സെക്രട്ടറിയറ്റ് പ്രമേയത്തെ പുച്ഛിച്ചുതള്ളിയ വി എസിന്റെ നടപടിയും അദ്ദേഹം വാങ്മൂലം നടത്തിയ പരസ്യവിശദീകരണവും സാധാരണനിലയിൽ ഒരുപാർട്ടി അംഗത്തിന്റെ അച്ചടക്കത്തിന് നിരക്കുന്നതല്ല. പാർട്ടിയുടെ ശത്രുക്കൾക്ക് ഉപയോഗിക്കാൻ കഴിയുന്ന ആയുധമാണ് വി എസിന്റെ 'ബദൽരേഖ'യെന്ന് കെപിസിസി യോഗം ചൊവ്വാഴ്ച കൈക്കൊണ്ട തീരുമാനം വ്യക്തമാക്കുന്നു.
വി എസ് പരസ്യപ്പെടുത്തിയ രേഖയുടെ അടിസ്ഥാനത്തിൽ ചന്ദ്രശേഖരൻകേസിൽ സിപിഐ എം നേതാക്കൾക്കെതിരെ പുതിയ അന്വേഷണവും കള്ളക്കേസും ഉണ്ടാക്കുന്നതിന് സംസ്ഥാന സർക്കാരിനോട് കെപിസിസി ശുപാർശചെയ്തിരിക്കുകയാണ്. ഇതിന്റെ നിയമസാധുത ചോദ്യംചെയ്യപ്പെടുന്നതാണ്. അതിനപ്പുറം 'ബദൽരേഖ'യുടെ രാഷ്ട്രീയം കെപിസിസിയുടെയും ഉമ്മൻ ചാണ്ടിയുടെയും കൈയിൽ കളിക്കുന്നതായി. ഇങ്ങനെ സംഘടനാപരമായി മാത്രമല്ല രാഷ്ട്രീയമായും മറുകണ്ടം ചാടലാണ് 'ബദൽരേഖ'യും അതേത്തുടർന്നുള്ള നിലപാടുകളും. ഉമ്മൻ ചാണ്ടിയും രമേശ് ചെന്നിത്തലയും സുധീരനുംവച്ച കെണിയിൽ വീണിരിക്കുകയാണ് 'ബദൽരേഖ'. ഇതൊക്കെയാണെങ്കിലും തൻപ്രമാണിത്തം ഉപേക്ഷിച്ചും തെറ്റുതിരുത്തിയും അച്ചടക്കത്തോടെ പാർട്ടിയോടൊപ്പം നിൽക്കാനാണ് പാർട്ടി ജനറൽസെക്രട്ടറി പ്രകാശ് കാരാട്ടിന്റെയും പിണറായി വിജയൻ ഉൾപ്പെടെയുള്ള പിബി അംഗങ്ങളുടെയും അഭ്യർത്ഥന. തികച്ചും ക്ഷമാശീലത്തോടെയാണ് ഈ വിഷയത്തിൽ പാർട്ടി നേതൃത്വം ഇടപെടുന്നത്. പൊതുസമൂഹത്തിൽ പാർട്ടിയുടെ നിലപാടിനോടുള്ള പിന്തുണ വർധിക്കുകയാണ്. ഇതിന്റെയെല്ലാം ഫലമായി സിപിഐ എമ്മിനെതിരെ കെട്ടിയുയർത്തിയ ആകാശക്കോട്ടകൾക്ക് അടിതെറ്റുകയാണ്.
- TODAY
- LAST WEEK
- LAST MONTH
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- സംസ്കരിച്ച എണ്ണ ഇറക്കുമതിയിലുള്ള ലൂപ് ഹോൾ വഴി യുക്രെയിനെതിരെയുള്ള യുദ്ധത്തിൽ റഷ്യയെ ബ്രിട്ടൻ സഹായിക്കുന്നു എന്ന ഡാറ്റ പുറത്ത്; റഷ്യൻ എണ്ണ എത്തുന്നത് ഇന്ത്യയും ചൈനയും തുർക്കിയും വഴി; ഇന്ത്യയ്ക്കുണ്ടായത് വൻ നേട്ടം
- പോളിങ് ഉദ്യോഗസ്ഥരുടെ നിയമന ഉത്തരവ് ചോർന്ന സംഭവം; കോന്നി താലൂക്ക് ഓഫീസിലെ എൽഡി ക്ലാർക്ക് യദുകൃഷ്ണനെ കലക്ടർ സസ്പെൻഡ് ചെയ്തു; പ്രിന്റ് അടിക്കാൻ കൊടുത്ത കോപ്പിയാണ് പുറത്തു പോയതെന്ന് വിശദീകരണം; ആന്റോയുടെ ആരോപണം ശരിയാകുമ്പോൾ
- കുടുംബകലഹത്തെ തുടർന്ന് മക്കളെ പൂട്ടിയിട്ട ശേഷം ഭാര്യയെ പ്രവാസി വെട്ടിക്കൊന്നു തൂങ്ങി മരിച്ചു; സംഭവം വെൺമണി പുന്തലയിൽ
- ശരിയത്ത് നിയമപ്രകാരമുള്ള ബ്ലഡ് മണി കൊല്ലപ്പെട്ട തലാൽ അബ്ദുമഹ്ദിന്റെ കുടുംബം സ്വീകരിച്ചാൽ ശിക്ഷയിൽ ഇളവ് ലഭിക്കാൻ സാധ്യത; ജയിലിൽ മകളെ കണ്ട അമ്മ ഇനി ആ ചർച്ചകളിലേക്ക്; നിമിഷപ്രിയയുടെ മോചനം സാധ്യമായേക്കും; യെമനിൽ നിന്ന് വരുന്നത് ശുഭസൂചനകൾ
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- പ്രകാശ് ജാവദേക്കർ തന്നെയും ഇ പി ജയരാജനെയും കണ്ടിരുന്നു; ഒരേ ഒരു സീറ്റിൽ വിട്ടുവീഴ്ച ചെയ്താൽ ലാവ്ലിൻ കേസും സ്വർണക്കടത്ത് കേസും സെറ്റിൽ ചെയ്യാം എന്ന്ഉറപ്പുകൊടുത്തു; പക്ഷേ ആ ഡീൽ നടക്കാത്തത് ഇക്കാരണം കൊണ്ട്; വെളിപ്പെടുത്തലുമായി ടി ജി നന്ദകുമാർ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്