1 aed = 17.77 inr 1 eur = 75.78 inr 1 gbp = 86.39 inr 1 kwd = 213.51 inr 1 sar = 17.40 inr 1 usd = 64.42 inr

Dec / 2017
17
Sunday

അവന്റെ അച്ഛൻ കുഴപ്പക്കാരൻ; അവൻ അതിലും വലിയ കള്ളൻ; ബിജു രമേശിനെ പ്രകോപിപ്പിച്ചും ജോസ് കെ മാണിയെ എതിർത്തും പിസി ജോർജ്ജ്; ചീഫ് വിപ്പിനെ പരസ്യമായി പുച്ഛിച്ച് മാണിയും തള്ളിപ്പറഞ്ഞ് കേരളാ കോൺഗ്രസും

January 24, 2015 | 06:26 PM | Permalink



സ്വന്തം ലേഖകൻ

കോട്ടയം: പ്രത്യക്ഷത്തിൽ മാണി സാറിനാണ് പിന്തുണ. എന്നാൽ ചെയ്യുന്നതെല്ലാം പാർട്ടി ചെയർമാനെ പ്രതിരോധത്തിലാക്കാനുള്ള തന്ത്രങ്ങളും. ബാർകോഴയെന്ന ഊരാക്കുടുക്കിൽപ്പെട്ട ധനമന്ത്രി കെഎം മാണിയെ പരോക്ഷമായി തള്ളിപ്പറഞ്ഞ് പിസി ജോർജ്ജ് വീണ്ടും. മാണിയുടെ രാജി ജോർജ്ജ് ആവശ്യപ്പെടുന്നില്ല. എന്നാൽ മാണി രാജിവച്ച് ജോസ് കെ മാണിയെ മന്ത്രിക്കാനുള്ള നീക്കത്തെ എതിർക്കുമെന്ന് പരസ്യമായി തന്നെ ജോർജ്ജ് വ്യക്തമാക്കി. കോഴ ആവശ്യപ്പെടുന്ന മാണിയുടെ ശബ്ദരേഖ പുറത്തുവന്നാൽ ധനമന്ത്രി സ്ഥാനത്ത് നിന്ന് മാണി രാജിവയ്ക്കണമെന്ന് ആവശ്യപ്പെടുമെന്ന് ജോർജ്ജ് നേരത്തെ വ്യക്തമാക്കിയിട്ടുണ്ട്. കൂടുതൽ തെളിവ് പുറത്തുവിടാൻ ബിജു രമേശിനെ പ്രേരിപ്പിക്കുന്ന തരത്തിൽ വാർത്താ സമ്മേളനത്തിൽ ബാറുടമാ നേതാവിനെതിരെ ആരോപണങ്ങളും ആക്ഷേപങ്ങളും ഉന്നയിക്കുകയും ചെയ്തു. വിവാദങ്ങൾ കേരളാ കോൺഗ്രസിന്റെ പ്രതിശ്ചായയെ ബാധിച്ചിട്ടുണ്ടെന്നും പറഞ്ഞു.

അതിനിടെ ബാർ കോഴക്കേസ് കേരള കോൺഗ്രസ് പാർട്ടിയുടെ പ്രതിച്ഛായ തകർത്തുവെന്ന പി.സി ജോർജിന്റെ പ്രസ്താവനയ്‌ക്കെതിരെ മന്ത്രി കെ.എം മാണി രംഗത്ത് വന്നു. പ്രസ്താവന പുച്ഛിച്ച് തള്ളുന്നുവെന്ന് മാണി വ്യക്തമാക്കിവല്ലവരും വല്ലതും പറഞ്ഞാൽ ഏറ്റുപിടിച്ച് ചർച്ച ചെയ്യേണ്ടതില്ല. ബാർ കോഴയിൽ ആരാപണം ഉന്നയിച്ച് 85 ദിവസം കഴിഞ്ഞിട്ടും ആരും തെളിവ് നൽകിയിട്ടില്ലെന്നും മാണി മാദ്ധ്യമപ്രവർത്തകരുടെ ചോദ്യത്തോട് പ്രതികരിച്ചു. ഇതോടെ ജോർജ്ജും മാണിയും തമ്മിലെ ഭിന്നതയും വ്യക്തമായി. ഇനി ചേരുന്ന പാർട്ടി നേതൃയോഗത്തിൽ ജോർജ്ജിനെതിരെ മാണി രൂക്ഷമായി രംഗത്ത് വരുമെന്നാണ് സൂചന. പാർട്ടി പിടിക്കാനുള്ള ജോർജ്ജിന്റെ നീക്കമാണ് ബാർ കോഴയിൽ നടക്കുന്നതെന്ന് മാണിയും തിരിച്ചറിഞ്ഞു കഴിഞ്ഞു.

കേരളാ കോൺഗ്രസ് പാർട്ടിയെന്ന നിലയിലും ജോർജ്ജിനെ തള്ളിപ്പറഞ്ഞു. ജോർജ്ജിന്റെ പരമാർശങ്ങളോട് യോജിപ്പില്ലെന്നും പാർട്ടിയെ ഒറ്റപ്പെടുത്താനും നേതാക്കളെ കരിവാരിതേയ്ക്കാനുമുള്ള ഗൂഡ നീക്കമാണ് നടക്കുന്നതെന്നും കേരളാ കോൺഗ്രസ് നേതൃത്വം അറിയിച്ചു. മാണിയുടെ രാജിയെ കുറിച്ച് പാർട്ടി ആലോചിക്കുന്നത്. നേതൃമാറ്റവുമായി ബന്ധപ്പെട്ട് ജോസ് കെ മാണിയുടെ പേര് വിലിച്ചിഴയ്ക്കുന്നത് ശരിയല്ലെന്നും ഖേദകരമാണെന്നും കേരളാ കോൺഗ്രസ് എം വാർത്താക്കുറിപ്പിൽ വ്യക്തമാക്കി.

മാണിക്കെതിരെ തെളിവ് പുറത്തുവിടാനാണ് ജോർജ്ജ് ബിജു രമേശിനെ പ്രകോപിപ്പിക്കുന്നതെന്ന ആക്ഷേപവും ശക്തമാണ്. ജോർജ്ജിന്റെ ഇന്നത്തെ വാർത്താ സമ്മേളനത്തിലും അതുണ്ടായി. ബിജു രമേശിനേയും അച്ഛൻ രമേശൻ കോൺട്രാക്ടറേയും അമ്മാവൻ ചന്ദ്രസേനനുമെതിരെയെല്ലാം ജോർജ്ജ് ആക്ഷേപം ഉന്നയിച്ചു. കള്ള് കച്ചവടം മോശം തൊഴിലല്ല. എന്റെ അപ്പൻ 40 വർഷക്കാലം കള്ള്ചാരായ ഷാപ്പ് നടത്തിയിരുന്നു. എന്നാൽ ബാർ അസോസിയേഷൻ വർക്കിങ് പ്രസിഡന്റ് ബിജു രമേശ് മഹാ ഫ്രാഡാണ്. ബിജു രമേശിന്റെ അച്ഛൻ രമേശൻ കൺട്രോക്ടർ വലിയ കുഴപ്പക്കാരനായിരുന്നു. അതിലും വലിയ കള്ളനാണ് ബിജു രമേശ്-ജോർജ്ജ് പറഞ്ഞു.

ചെറ്റക്കുടിലിലായിരുന്നു ബിജു രമേശിന്റെ അച്ഛൻ 40 കൊല്ലം മുമ്പ് താമസിച്ചിരുന്നത്. അധോലോക ബന്ധങ്ങളുമുണ്ട്. തിരുവനന്തപുരത്ത് കിംസ് ആശുപത്രിക്കടുത്ത് ഭൂമി കൈയേറി മണ്ണിട്ട് നികത്തി. റവന്യൂ വകുപ്പിലെ ഉന്നതരുടെ സ്വാധീനത്താൽ പരാതി മുക്കിയ വ്യക്തിയാണ് ബിജു രമേശ്. കേരളത്തിലെ ഏറ്റവും വലിയ മദ്യ ദുരന്തമായ വൈപ്പിൻ സംഭവത്തിന് പിന്നിൽ ബിജുവിന്റെ ഭാര്യയുടെ അച്ഛൻ ചന്ദ്രസേനനാണ്. തിരുവനന്തപുരം കോർപ്പറേഷനിലെ 600 ഓളം വാഹനങ്ങൾക്ക് കമ്പനി പമ്പുടമകൾക്ക് നൽകുന്നതിനേക്കാൽ വിലകുറച്ച് പെട്രോൾ നൽകിയ കക്ഷിയാണ് രമേശൻ കോൺട്രാക്ടർ. സമൂഹ നന്മയ്ക്ക് വേണ്ടിയല്ല ഇപ്പോൾ ബിജു രമേശ് ആരോപണം ഉന്നയിക്കുന്നതെന്നും പിസി ജോർജ്ജ് വ്യക്തമാക്കി.

സഹോദരി ഭർത്താവായ പ്രേംശങ്കർ ഐപിഎസിനെ റോഡിലൂടെ വലിച്ചിഴച്ച് കൊണ്ട് പോയ വ്യക്തിയാണ് ബിജു രമേശ്. ഇതിന് ദേശാഭിമാനിയിൽ നിന്ന് പുറത്താക്കിയ മാദ്ധ്യമപ്രവർത്തകൻ ജി ശക്തിധരൻ സാക്ഷിയുമാണ്. ശക്തിധരനോട് ചോദിച്ചാൽ എല്ലാം മനസ്സിലാകുമെന്ന് ജോർജ്ജ് വ്യക്തമാക്കി. കോട്ടയത്തെ മാദ്ധ്യമ പ്രവർത്തകർക്ക് ശക്തിധരന്റെ ഫോൺ നമ്പറും പിസി ജോർജ്ജ് തന്നെ നൽകി. ബിജു രമേശിനെ പ്രകോപിപ്പിച്ച് ബാർ കോഴയിലെ കൂടുതൽ തെളിവ് പുറത്തുവിടാനുള്ള ജോർജ്ജിന്റെ തന്ത്രമായാണ് കോട്ടയത്തെ ഇന്നത്തെ പത്ര സമ്മേളനത്തെ മാണി അനുകൂലികൾ കാണുന്നത്. ജോസ് കെ മാണിയെ പച്ചിലയെന്നും സിഎഫ് തോമസിനെ പഴുത്തയിലയെന്നും വിശേഷിപ്പിച്ച് മന്ത്രിസ്ഥാനത്തിന് യോഗ്യർ എംഎൽഎമാരിൽ തന്നെയുണ്ടെന്ന് കൂടി ജോർജ്ജ് ആവർത്തിച്ചതോടെ കേരളാ കോൺഗ്രസിലെ ഭിന്നതകളും മറനീക്കി പുറത്തുവന്നു.

ബാർ കോഴയിൽ ആരോപണം ശക്തമായതിനാൽ രാജിവച്ചൊഴിയാനും പകരം മകനും എംപിയുമായ ജോസ് കെ മാണിയെ മന്ത്രിയാക്കാനും കെഎം മാണി തയ്യാറെടുക്കുന്നതായി സൂചനയുണ്ടായിരുന്നു. ഈ നീക്കത്തെയാണ് രണ്ട് ദിവസം കൊണ്ട് ജോർജ്ജ് പരസ്യമായി എതിർക്കുന്നത്. എംപിയായ ജോസ് കെ മാണി മന്ത്രിയാകേണ്ട സാഹചര്യമില്ല. സിഎഫ് തോമസിനെ പോലെ മുതർന്ന നേതാക്കളുണ്ട്. ടിയു കുരുവിളയും മോൻസ് ജോസഫും തോമസ് ഉണ്ണിയാടനും റോഷി അഗസ്റ്റിനും ജയരാജുമെല്ലാം മന്ത്രിയാകാൻ യോഗ്യരാണ്. മാണി രാജിവച്ചാൽ അവരിൽ ഒരാൾ മന്ത്രിയാകും. ജോസ് കെ മാണിയുടെ കാര്യം പാർട്ടിയിൽ ചർച്ചയായാൽ തുറന്നെതിർക്കുമെന്നും ജോർജ്ജ് വ്യക്തമാക്കി.

ഇത്രയും കാലം പാർട്ടിക്കു വേണ്ടി പ്രവർത്തിച്ചവരെ തഴഞ്ഞിട്ട് മാണിയുടെ മകനെ മന്ത്രിയാക്കുന്നത് മാന്യതക്ക് നിരക്കാത്തതും അധാർമികവുമാണെന്നും അദ്ദേഹം പറഞ്ഞു. കേരളാ കോൺഗ്രസ് ആരുടേയും കുടുംബസ്വത്തല്ല. മാണിക്ക് പിൻഗാമിയായി സി.എഫ് തോമസ് മൂത്ത് പഴുത്ത് പഴമായി നിൽക്കുന്നുണ്ട്. പാർട്ടിയിലെ എല്ലാ നേതാക്കളും സീനിയറാണ്. പിന്നെ റോഷി അഗസ്റ്റിൻ മുതൽ ജയരാജുവരെയുണ്ട്. തോമസ് ഉണ്ണിയാടനുണ്ട്. നല്ല നായരാണ് അദ്ദേഹം. ജോസഫ് ഗ്രൂപ്പിൽ ടി.യു. കുരുവിളയും മോൻസ് ജോസഫുമുണ്ട്. എന്താ കുഴപ്പം പി.സി ജോർജ്ജ് ചോദിച്ചു. എന്നാൽ മാണിക്ക് ഒപ്പം ചേർന്നത് ജോസ് കെ മാണിക്ക് മുദ്രാവാക്യം വിളിക്കാനല്ലെന്നും ജോർജ്ജ് പറയുന്നു.

കേരളാ കോൺഗ്രസ് നേതാവെന്ന നിലയിൽ മാണിയുടെ രാജി ആവശ്യപ്പെടാനാവില്ല. ആരോപണം വന്നതു കൊണ്ട് മാണി രാജിവയ്‌ക്കേണ്ടതില്ല. രാജിവച്ചാൽ പിന്നെ തിരിച്ചു വരാനാവില്ല. ഒരു കൊല്ലം കൂടിയല്ലേ സർക്കാരിന് ബാക്കിയുള്ളൂ. തന്റെ അഴിമതി വിരുദ്ധ സമിതിയെ രണ്ടു മാസത്തേക്ക് പെന്റിംഗിൽ വച്ചിരിക്കുകയാണ്. ബാർ കോഴ വിവാദങ്ങൾ പാർട്ടിയുടെ പ്രതിച്ഛായയെ ബാധിച്ചിട്ടുണ്ട്. ബാധിച്ചില്ലെന്ന് പറയുന്നവർ പാർട്ടിയുടെ ശത്രുക്കളാണെന്നും ജോർജ്ജ് പറഞ്ഞു. മാണി ബജറ് അവതരിപ്പിക്കുമോയെന്ന് ചോദ്യത്തിന് നമ്മളിൽ എത്ര പേർ ബ്ജറ്റ് അവതരണം കാണാൻ ജീവിച്ചിരിക്കും എന്ന് നിശ്ചയമുണ്ടോയെന്ന മറുചോദ്യമായിരുന്നു ജോർജ്ജിന്റെ മറുപടി. അതുപോലെയാണ് മാണി ബജറ്റ് അവതരിപ്പിക്കുന്ന കാര്യമെന്നും അദ്ദേഹം കൂട്ടിച്ചേർത്തു.

ഇപ്പോൾ മാണിയോട് രാജി ആവശ്യപ്പെടുന്നത് മാന്യതക്ക് നിരക്കുന്നതല്ല. ഇനി കോടതിയുടെ കമന്റ് വന്നാൽ രാജി ആവശ്യപ്പെടാം. അത് ധാർമികതയാകും പി.സി പറഞ്ഞു. രാഷ്ട്രീയത്തിൽ ജോസ് കെ മാണിയുടെ ഭാര്യ രാഷ്ട്രീയത്തിലിറങ്ങുമോ എന്നു ചോദിച്ചപ്പോൾ അങ്ങനെയൊരാളും ഈ ഫീൽഡിലുണ്ടോ എന്നായിരുന്നു പ്രതികരണം. കൂടുതൽ ചോദ്യങ്ങൾ വന്നതോടെ എം പിയായി ആ പയ്യൻ ജീവിച്ചോട്ടെ എന്നായിരുന്നു മറുപടി. കേരളാ കോൺഗ്രസ് കുടുംബ വാഴ്ചയുടെ പാർട്ടിയല്ല. എന്റെ മകൻ ഷോൺ, ജില്ലാ പഞ്ചായത്തിലേക്ക് സ്ഥാനാർത്ഥിയാകുമെന്ന് വാർത്ത വന്നപ്പോൾ താനാണ് എതിർത്തത്. മകനെ മന്ത്രിയാക്കാൻ പറയുന്നത് ന്യായവുമല്ലജോർജ്ജ് വിശദീകരിക്കുന്നു.

എംഎൽഎമാർ മന്ത്രിയായാൽ മതിയെന്നു പാർട്ടിക്കുള്ളിൽ പറയാനും താൻ തയാറാണ്. അതേസമയം, വെറും ആരോപണം വന്നയുടൻ മാണിയുടെ രാജി ആവശ്യപ്പെടുന്നത് ശരിയല്ല. പക്ഷേ, കോടതിയുടെ പ്രതികരണം വന്നാൽ കാര്യം മാറും ജോർജ് കൂട്ടിച്ചേർത്തു. വിവാദങ്ങൾ ഉമ്മൻ ചാണ്ടി സർക്കാരിനെ മോശമായി ബാധിച്ചിട്ടുണ്ട്. മുഖ്യമന്ത്രി 18 മണിക്കൂർ ദിവസവും പണിയെടുക്കുന്നു. എല്ലാ ആഴ്ചയും ഇത്രയും സമയം ബാക്കിയുള്ള മന്ത്രിമാർ പണിയെടുത്താൽ സർക്കാരിന്റെ പ്രതിശ്ചായ ഉയരും. ആഭ്യന്തരമന്ത്രി രമേശ് ചെന്നിത്തലയുടെ ഓപ്പറേഷൻ കുബേരയും മികച്ചതായിരുന്നു. എന്നാൽ ഇതൊന്നും കാര്യമാകുന്നില്ല. മോശമാണ് ഭരണമെന്ന ഇമേജാണ് വിവാദങ്ങൾ ഉണ്ടാക്കുന്നതെന്ന് ജോർജ്ജ് പറയുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
സഭയുടെ സ്വത്തുകൾ വിറ്റു സ്വന്തമാക്കിയെന്നു ആരോപിച്ച് ഒരുകൂട്ടം വൈദികർ മാർ ആലഞ്ചേരിയെ തടഞ്ഞു വച്ചു; മാർ ഭരണികുളങ്ങരയുടെ നേതൃത്വത്തിൽ ഒരുക്കിയ കെണിയിൽ വീണു പോയെന്നു മറ്റൊരു വിഭാഗം; അപവാദ കഥയിൽ മനം നൊന്ത് വലിയ പിതാവിന് ഹൃദയാഘാതം വന്നത് മറച്ചുവച്ചത് മൂന്ന് ദിവസം:സീറോ മലബാർ സഭയിൽ വൻ പൊട്ടിത്തെറി; അനാരോഗ്യത്തിന്റെ പേര് പറഞ്ഞു മേജർ ആർച്ച് ബിഷപ്പ് രാജി വച്ചൊഴിഞ്ഞേക്കുമെന്ന് റിപ്പോർട്ടുകൾ
തിരക്കഥ കൊണ്ടു വരാമെന്ന് പറഞ്ഞു പോകാൻ എഴുന്നേറ്റപ്പോൾ കയറിപ്പിടിച്ചു; ബഹളം വച്ചപ്പോൾ കൈവിട്ടു; കാക്കനാട്ടെ കോടതിയിൽ എല്ലാം രഹസ്യമൊഴിയായി രേഖപ്പെടുത്തിയത് ഒക്ടോബറിൽ; നടൻ പുറത്തിറങ്ങി നടക്കുന്നത് രണ്ടാൾ ജാമ്യത്തിലും; ഒരാളോടും ഭാവിയിൽ അയാൾ ഇങ്ങനെ പെരുമാറരുതെന്നും യുവതിയുടെ വെളിപ്പെടുത്തൽ; ആരോപിക്കുന്നത് നടൻ ബലാത്സംഗം ചെയ്യാൻ ശ്രമിച്ചുവെന്ന്; ഉണ്ണിമുകുന്ദൻ ഊരാക്കുടുക്കിലേക്കെന്ന് സൂചന; കരുതലോടെ അന്വേഷണത്തിന് പൊലീസും
സർവവും നശിച്ച മാനസികരോഗിയുടെ രൂപസാദൃശ്യം; കടുത്ത പ്രമേഹവും രക്തസമ്മർദവും മറ്റ് ശാരീരിക അവശതകളും മൂലം നന്നേ ക്ഷീണിച്ചു; ജയിലിൽനിന്ന് ആശുപത്രിയിലേക്കു കൊണ്ടുവരുന്നതു വീൽച്ചെയറിൽ; ചുരുക്കം സുഹൃത്തുക്കൾ വാങ്ങി നൽകുന്ന ഭക്ഷണം ആർത്തിയോടെ കഴിക്കുന്നത് കണ്ട് ഞെട്ടി മലയാളികൾ; അറ്റ്ലസ് രാമചന്ദ്രന്റെ സ്ഥിതി അതി ദയനീയം
കാമുകിയെ മടുത്തപ്പോൾ മകളെ നോട്ടമിട്ടു; അവസരം കിട്ടിയപ്പോൾ കടന്നു പിടിച്ചു; അമ്മയോട് വിവരങ്ങൾ പറഞ്ഞപ്പോൾ സാരമില്ലെന്ന് മറുപടി; വസ്തുവകകൾ കണ്ടവർ കൊണ്ടു പോയപ്പോൾ ഗൾഫിലുള്ള ഭർത്താവ് ഭാര്യയുടെ ദുർനടപ്പിനെ കുറിച്ച് അറിഞ്ഞു; അമ്മയുടെ കാമുകനെതിരെ മാനഭംഗത്തിന് പരാതി നൽകി പെൺകുട്ടി; പണമെറിഞ്ഞ് അന്വേഷകരെ സ്വാധീനിച്ച് പ്രതിയും; കിളികൊല്ലൂരിൽ ചർച്ചയാകുന്ന പീഡന വിവാദം ഇങ്ങനെ
കുടവയർ കാണാതിരിക്കാൻ മോഹൻലാൽ വയറിൽ ബെൽറ്റ് കെട്ടിവെച്ചോ? ബനിയൻ ധരിച്ച് പൊതുവേദിയിൽ പ്രത്യക്ഷപ്പെട്ട ലാൽ എയർപിടിച്ചു നിന്നതെന്തിന്? പൊതുവേദികളിൽ അനായാസം ഇടപഴകുന്ന ലാലേട്ടനെ ഒടിയൻ ലുക്കിന് വേണ്ടി സംവിധായകൻ ശ്വാസം മുട്ടിച്ചെന്ന് ആരോപണം; ഞങ്ങടെ ലാലേട്ടൻ ഇങ്ങനെയല്ലെന്ന് എന്നു പറഞ്ഞ് ഒരു കൂട്ടം ആരാധകരും
അവതരിപ്പിക്കുന്ന കഥാപാത്രം സമൂഹത്തെ എങ്ങനെ സ്വാധീനിക്കുമെന്ന് തിരക്കഥാകൃത്തും സംവിധായകനും താരവും പരിശോധന നടത്തണമെന്നാണ് ഉദ്ദേശിച്ചത്; സൈബർ ലോകത്ത് മമ്മൂട്ടി ആരാധകരുടെ ആക്രമണം പെരുകുന്നതിനിടെ 'കസബ' വിവാദത്തിൽ വിശദീകരണവുമായി നടി പാർവതി; മെഗാതാരത്തെ വിമർശിച്ച നടിയെയും സംവിധായികയേയും ബഹിഷ്‌ക്കരിക്കാനും സിനിമാ ലോകത്ത് നീക്കം
ദിലീപും പൃഥ്വിയും അടുക്കുന്നില്ല; മഞ്ജു വാര്യരും മനസ്സ് തുറക്കുന്നില്ല; നടിയെ ആക്രമിച്ച കേസിലെ വിചാരണ കഴിയും വരെ ഇനി 'താര സംഘടന'യിൽ ഒത്തു ചേരലുകളില്ല; ഒടിയന്റെ വിശ്രമവേളയിലെ മോഹൻലാലിന്റെ ഒത്തു തീർപ്പും പൊളിഞ്ഞുവെന്ന് റിപ്പോർട്ട്; കോടതി വിധി വരെ കാത്തിരിക്കാൻ സൂപ്പർ താരങ്ങൾക്കിടയിൽ ധാരണ; 'അമ്മ'യുടെ യോഗം ഇനി ജൂണിൽ മാത്രം; അഭിനേതാക്കളുടെ നേതാവാകാൻ ഇനി ഞാനില്ലെന്ന് പ്രഖ്യാപിച്ച് ഇന്നസെന്റും
'മോർഫിങ് അല്ലാത്രേ, ഒറിജിനൽ തന്നെ ആണത്രേ! കിം ഇൽ സുങ്ങ് കുടുംബത്തിലെ സ്ത്രീകളുടെ പ്രസവത്തിന്റെ കണക്കെടുക്കാൻ പാർട്ടി സെക്രട്ടറിക്ക് സമയമില്ലാത്തതുകൊണ്ടായിരിക്കും'; സിപിഎം നെടുങ്കണ്ടം ഏരിയാ സമ്മേളന ഫ്‌ളക്സിൽ കിം ജോങ് ഉന്നിന്റെ ചിത്രം വന്നതിനെ പരിഹസിച്ച് വിടി ബൽറാം; പാമ്പാടുംപാറ ലോക്കൽ കമ്മിറ്റി സ്ഥാപിച്ച ഫ്ലക്സിലെ കിമ്മിന്റെ ചിത്രം കണ്ട് ഞെട്ടി പാർട്ടിയും
ഓർക്കാട്ടേരിയിലെ മൊബൈൽ ഷോപ്പ് ഉടമയായ 23കാരന്റേയും സ്റ്റാഫായ വീട്ടമ്മയുടേയും തിരോധാനത്തിന് തുമ്പുണ്ടാക്കി പൊലീസ്; ഏറെക്കാലം നീണ്ട അന്വേഷണത്തിന് ഒടുവിൽ ഇരുവരേയും കോഴിക്കോട്ടെ വാടക വീട്ടിൽ നിന്ന് പൊക്കി; അംജാദിനെ കാണാതായി രണ്ടുമാസം കഴിഞ്ഞ് 32കാരിയായ പ്രവീണയും പോയതെങ്ങോട്ടെന്ന നാട്ടുകാരുടെ ആശങ്കയും തീരുന്നു
നളന്ദയിലെ സരസ്വതിയെ ഷെറിൻ മാത്യൂസാക്കിയത് അമേരിക്കയിലെ ആനുകൂല്യം തട്ടാൻ; ഭിന്നശേഷിക്കാരിയുടെ അച്ഛനും അമ്മയുമായി കൊച്ചിക്കാർ മാറിയത് ബോധപൂർവ്വം; ഒരു കുട്ടിയുണ്ടായിട്ടും മൂന്നു വയസ്സുകാരിയെ മകളാക്കിയതിന്റെ രഹസ്യം അറിഞ്ഞ് ഞെട്ടി അമേരിക്കൻ മലയാളികൾ; വെസ്ലിക്കും സിനിക്കുമെതിരെ കൊലക്കുറ്റം ചുമത്താനുറച്ച് അന്വേഷണ സംഘം; ഹൂസ്റ്റണിലെ മൂന്നുവയസ്സുകാരിയോട് വളർത്തച്ഛനും വളർത്തമ്മയും കാട്ടിയതുകൊടുംക്രൂതയെന്ന് തിരിച്ചറിഞ്ഞ് അന്വേഷണ സംഘം
വീടു നിറയെ നൂറു രൂപയുടെ കള്ളനോട്ടുകൾ; വ്യാജ ലോട്ടറിയുണ്ടാക്കി സമ്മാനവും തട്ടിയെടുത്തു; മീഡിയാവൺ ടിവിയുടെ കൃത്രിമ ഐഡന്റിറ്റീകാർഡുപയോഗിച്ചും തട്ടിപ്പ്; പുതിയറയിലെ വാടക വീട്ടിൽ നിറയെ അധോലോക ഇടപാടുകളുടെ തെളിവുകൾ; ഓർക്കാട്ടേരിയിൽ നിന്ന് ഒളിച്ചോടിയ 32കാരിയേയും കൊച്ചു മുതലാളിയേയും അഴിക്കുള്ളിൽ തളയ്ക്കാൻ തെളിവുകിട്ടിയ ആവേശത്തിൽ പൊലീസ്; ഹേബിയസ് കോർപസിൽ തീർപ്പായാലും കാമുകനും കാമുകിക്കും മോചനമില്ല
പണമുണ്ടാക്കാൻ മൊബൈൽ അനുബന്ധ ഉപകരണങ്ങളുടെ ഓൺലൈൺ ഇടപാട് നടത്തി ഓർക്കാട്ടേരിക്കാരൻ; ആരെങ്കിലും തിരക്കിയെത്തുന്നോ എന്ന് അറിയാൻ വീട്ടിൽ സിസിടിവി സംവിധാനം; പിടിക്കുമെന്ന് ഉറപ്പായപ്പോൾ ബൈക്കിൽ രക്ഷപ്പെടാനും ശ്രമം; പ്രണയം മൂത്ത് 32കാരിയുമായി മുങ്ങിയ കൊച്ചു മുതലാളിയെ പൊക്കിയത് കെണിയൊരുക്കി; കുവൈറ്റിലുള്ള ഭർത്താവിനേയും ഏഴ് വയസ്സുള്ള മകളേയും ഉപേക്ഷിച്ചുള്ള പ്രവീണയുടെ ഒളിച്ചോട്ടത്തിൽ ക്ലൈമാക്‌സ് ഇങ്ങനെ
കുടവയർ കാണാതിരിക്കാൻ മോഹൻലാൽ വയറിൽ ബെൽറ്റ് കെട്ടിവെച്ചോ? ബനിയൻ ധരിച്ച് പൊതുവേദിയിൽ പ്രത്യക്ഷപ്പെട്ട ലാൽ എയർപിടിച്ചു നിന്നതെന്തിന്? പൊതുവേദികളിൽ അനായാസം ഇടപഴകുന്ന ലാലേട്ടനെ ഒടിയൻ ലുക്കിന് വേണ്ടി സംവിധായകൻ ശ്വാസം മുട്ടിച്ചെന്ന് ആരോപണം; ഞങ്ങടെ ലാലേട്ടൻ ഇങ്ങനെയല്ലെന്ന് എന്നു പറഞ്ഞ് ഒരു കൂട്ടം ആരാധകരും
ഓർക്കാട്ടേരിയിലെ മൊബൈൽ ഷോപ്പ് ഉടമയായ 23കാരന്റേയും സ്റ്റാഫായ വീട്ടമ്മയുടേയും തിരോധാനത്തിന് തുമ്പുണ്ടാക്കി പൊലീസ്; ഏറെക്കാലം നീണ്ട അന്വേഷണത്തിന് ഒടുവിൽ ഇരുവരേയും കോഴിക്കോട്ടെ വാടക വീട്ടിൽ നിന്ന് പൊക്കി; അംജാദിനെ കാണാതായി രണ്ടുമാസം കഴിഞ്ഞ് 32കാരിയായ പ്രവീണയും പോയതെങ്ങോട്ടെന്ന നാട്ടുകാരുടെ ആശങ്കയും തീരുന്നു
കൊച്ചു നാൾ തൊട്ടേ പ്രതിഭയുടെ പൊൻ തിളക്കം നടിയിൽ പ്രകടമായിരുന്നു; ദിലീപിനൊപ്പം ഇഴുകി ചേർന്നഭിനയിച്ച ഗാനരംഗങ്ങൾ ചേതോഹരം; ഞാൻ ദ്രോഹം ചെയ്തിട്ടുണ്ടെങ്കിൽ നടിക്ക് സമ്മതമാണെങ്കിൽ ഞാൻ വിവാഹം കഴിക്കാം; പ്രായശ്ചിത്തമായിട്ടല്ല. ഒരു ജീവിത പങ്കാളിയെ ആവശ്യമുള്ളതു കൊണ്ട്; ദിലീപ് ശിക്ഷപ്പെട്ടാൽ ആത്മഹത്യയും: സലിം ഇന്ത്യയ്ക്ക് പറയാനുള്ളത്
ഓർത്തഡോക്‌സ് സഭാ വൈദികൻ ചട്ടങ്ങൾ ലംഘിച്ച് രണ്ടാം വിവാഹം നടത്തിയെന്ന് ആക്ഷേപം; വിധവയേയോ ഉപേക്ഷിപ്പെട്ടവരേയോ വിവാഹം കഴിക്കാൻ പാടില്ലെന്ന വിലക്ക് ലംഘിച്ചെന്ന് കാതോലിക്കാ ബാവയ്ക്ക് പരാതി; നിസ്സാര തെറ്റുകളുടെ പേരിൽ വർഷങ്ങളോളം 'സസ്‌പെൻഷനിൽ' നിർത്തിയ വൈദികരോട് ഇനി സഭ എന്തു പറയുമെന്ന് വിശ്വാസികളുടെ ചോദ്യം; അമേരിക്കയിലെ വൈദികന്റെ മിന്നുകെട്ട് വിവാദമാകുമ്പോൾ
ഇടിച്ചു തകർന്ന കാറിൽ ഉണ്ടായിരുന്നത് ആർക്കിടെക്ചർ കോളേജിലെ സഹപാഠികളായ യുവതികൾ; പാതിരാത്രി രക്ഷാപ്രവർത്തനം നടത്താൻ ഓടിയെത്തിയത് ബിനീഷ് കോടിയേരി; അപകടമുണ്ടാക്കിയ വാഹനം അതിവേഗം മാറ്റി പൊലീസും; മത്സര ഓട്ടത്തിൽ പങ്കെടുത്ത ബെൻസിനെ കുറിച്ച് ഇനിയും പൊലീസിന് വിവരമില്ല; സിസിടിവി ക്യാമറ ഓഫായിരുന്നുവെന്നും സൂചന; എസ് പി ഗ്രാൻഡ് ഡെയ്‌സ് ഉടമയുടെ മകന്റെ ജീവനെടുത്തത് അമിത വേഗത തന്നെ
14കാരിയായ മകളുമൊത്ത് കാമുകനൊപ്പം ഒളിച്ചോടി നിലമ്പൂരുകാരി; അമ്മയോടുള്ള ഭ്രമം തീർന്നപ്പോൾ ഒൻപതാംക്ലാസുകാരിയെ കടന്ന് പിടിച്ച് രണ്ടാം ഭർത്താവ്; പഴയ കേസുകൾ പൊടി തട്ടിയെടുക്കുമ്പോൾ എസ് ഐയുടെ കണ്ണിലുടക്കിയത് പോക്സോ കേസ്; കൂട്ടുകാരെ നിരീക്ഷിച്ച് പ്രതിയെ കണ്ടെത്താൻ 'ബീഫിൽ' കുരുക്കിട്ടു; ഗുജറാത്ത് പൊലീസ് ഒന്നും നടക്കില്ലെന്ന് പറഞ്ഞപ്പോഴും അതിസാഹസിക നീക്കങ്ങൾ ഫെനിയെ വലയിലുമാക്കി; പീഡകരുടെ പേടിസ്വപ്നമായ നെയ്യാർഡാമിലെ ആക്ഷൻ ഹീറോ സതീഷിന്റെ ബറോഡാ ഓപ്പറേഷൻ ഇങ്ങനെ
നളന്ദയിലെ സരസ്വതിയെ ഷെറിൻ മാത്യൂസാക്കിയത് അമേരിക്കയിലെ ആനുകൂല്യം തട്ടാൻ; ഭിന്നശേഷിക്കാരിയുടെ അച്ഛനും അമ്മയുമായി കൊച്ചിക്കാർ മാറിയത് ബോധപൂർവ്വം; ഒരു കുട്ടിയുണ്ടായിട്ടും മൂന്നു വയസ്സുകാരിയെ മകളാക്കിയതിന്റെ രഹസ്യം അറിഞ്ഞ് ഞെട്ടി അമേരിക്കൻ മലയാളികൾ; വെസ്ലിക്കും സിനിക്കുമെതിരെ കൊലക്കുറ്റം ചുമത്താനുറച്ച് അന്വേഷണ സംഘം; ഹൂസ്റ്റണിലെ മൂന്നുവയസ്സുകാരിയോട് വളർത്തച്ഛനും വളർത്തമ്മയും കാട്ടിയതുകൊടുംക്രൂതയെന്ന് തിരിച്ചറിഞ്ഞ് അന്വേഷണ സംഘം