1 usd = 63.53 inr 1 gbp = 88.11 inr 1 eur = 78.33 inr 1 aed = 17.41 inr 1 sar = 17.40 inr 1 kwd = 212.83 inr

Jan / 2018
22
Monday

മോദിയെന്ന പിന്നോക്കക്കാരൻ ഉയർത്തിപ്പിടിക്കുന്നത് ബ്രാഹ്മണാധിപത്യത്തിന്റെയും കോർപറേറ്റുകളുടെയും താൽപ്പര്യം; ബിജെപിയോട് അടുക്കുന്ന വെള്ളാപ്പള്ളി അറിയാൻ; ഗുരുനിന്ദയുടെ രാഷ്ട്രീയത്തിനെതിരെ ദേശാഭിമാനിയിൽ പിണറായിയുടെ പരമ്പര

August 03, 2015 | 11:10 AM | Permalink



സ്വന്തം ലേഖകൻ

തിരുവനന്തപുരം: ഈ ചരിത്രവസ്തുതകളൊക്കെ സൗകര്യപൂർവം മറന്നാലേ വെള്ളാപ്പള്ളി നടേശൻ പറയുന്നത്, അദ്ദേഹത്തിന്റെ സമുദായാംഗങ്ങൾക്കുപോലും ഉൾക്കൊള്ളാനാകൂ- സിപിഐ(എം) പോളിറ്റ് ബ്യൂറോ അംഗം പിണറായി വിജയന്റെ നിരീക്ഷണങ്ങളാണ് ഇവ. എസ് എൻ ഡി പിയെ ബിജെപിയുമായി അടുപ്പിക്കാനുള്ള ജനറൽ സെക്രട്ടറി വെള്ളാപ്പള്ളി നടേശന്റെ നീക്കത്തിനെതിരെ സിപിഐ(എം) പ്രചരണത്തിന് തുടക്കമിടകുയാണ് പിണറായി. ദേശാഭിമാനിയ്ൽ ഗുരുനിന്ദയുടെ രാഷ്ട്രീയത്തിലേക്കോ? എന്ന തലക്കെട്ടിൽ ലേഖന പരമ്പര എഴുതിയാണ് സിപിഐ(എം) നിലപാട് വിശദീകരണത്തിന് പിണറായി തുടക്കമിടുന്നത്.

പിന്നാക്ക കാരനായ നരേന്ദ്ര മോദി ഇന്ത്യ ഭരിക്കുമ്പോൾ ബിജെപിയെ എങ്ങനെ എതിർക്കുമെന്ന വെള്ളാപ്പള്ളിയുടെ ചോദ്യത്തിനുമുണ്ട് മറുപടി. ലേഖനത്തിൽ പിണറായി ഇങ്ങനെ കുറിക്കുന്നു- സവർണ വർഗീയ അപസ്മാരം പടർത്തിയ മണ്ഡൽ വിരുദ്ധ പ്രക്ഷോഭത്തിൽ തെരുവിൽ കത്തിയമർന്നവരുടെ ചിത്രം മനസ്സുകളിൽനിന്ന് മാറാറായിട്ടില്ല. ആ വിധത്തിൽ പിന്നോക്കവിരുദ്ധ ജാതീയതയുടെ തീ പടർത്തിയ, മണ്ഡൽ കമീഷൻ റിപ്പോർട്ട് നടപ്പാക്കിയ സർക്കാരിനെ അട്ടിമറിച്ചതിന്റെ ചോരപ്പാടുകൾ കൈകളിലുണങ്ങാത്ത ബിജെപിയുമായി വെള്ളാപ്പള്ളി നടേശനു കൈകോർക്കാനാകുമായിരിക്കും. സാധാരണക്കാരനായ എസ്എൻഡിപി പ്രവർത്തകന് അതിനു സാധിക്കുമോ?

ഹിന്ദുക്കൾ നേരിടുന്ന അവഗണന വലിയ പ്രശ്‌നമാണെന്ന് വെള്ളാപ്പള്ളി പറയുന്നു. ഏതാണാവോ വെള്ളാപ്പള്ളി പറയുന്ന ഈ ഹിന്ദു? ഹിന്ദുമതത്തിൽ പ്രമാണിമാരുണ്ട്. അങ്ങേയറ്റം പാവപ്പെട്ടവരുമുണ്ട്. വിരുദ്ധങ്ങളായ ഇവരുടെ താൽപ്പര്യങ്ങൾ ഏതു ബിന്ദുവിലാണ് കൂട്ടിമുട്ടി ഹിന്ദു താൽപ്പര്യമാകുക? ലക്ഷക്കണക്കിനാളുകൾ തെരുവിലുറങ്ങുന്ന മുംബൈയിൽ 27 നിലയുള്ള വീട് കെട്ടിപ്പൊക്കിയ അംബാനിയുടെ താൽപ്പര്യവും വൈകിട്ടത്തെ അത്താഴത്തിന് അരിവാങ്ങാൻ വിഷമിക്കുന്ന ഒരു പാവപ്പെട്ട തൊഴിലാളിയുടെ താൽപ്പര്യവും ഇരുവരും ഹിന്ദുവാണ് എന്നതുകൊണ്ടുമാത്രം ഒന്നാകുമോ? ഹിന്ദുതാൽപ്പര്യം സംരക്ഷിക്കാൻ ആരുമായും കൂട്ടുകൂടും എന്ന് വെള്ളാപ്പള്ളി പറയുമ്പോൾ ഇതിൽ ഏതു ഹിന്ദുവിന്റെ താൽപ്പര്യമാണ് മനസ്സിലുള്ളത് എന്നതുകൂടി വ്യക്തമാക്കണം.

അദാനിക്കുവേണ്ടി ഭരണം നടത്തുന്ന, അത്തരം കോർപറേറ്റുകൾക്ക് കോർപറേറ്റ് ടാക്‌സ് അഞ്ചുശതമാനംകണ്ട് ആദ്യ ബജറ്റിൽത്തന്നെ കുറച്ചുകൊടുത്ത നരേന്ദ്രമോദിക്ക് കേരളത്തിലെ പ്രമുഖനായ വെള്ളാപ്പള്ളി ചെന്നു കൈകൊടുത്താൽ അത് ഹിന്ദുതാൽപ്പര്യ സംരക്ഷണമാകുമോ?-പിണറായി ചോദിക്കുന്നു.

ദേശാഭിനാനിയിൽ പിണറായി എഴുതിയ ലേഖനത്തിന്റെ പൂർണ്ണ രൂപം

ഗുരുനിന്ദയുടെ രാഷ്ട്രീയത്തിലേക്കോ?

വിശ്വഹിന്ദു പരിഷത്ത് നേതാക്കളായ അശോക് സിംഗാൾ, പ്രവീൺ തൊഗാഡിയ എന്നിവരുമായി ആദ്യവും ബിജെപി അധ്യക്ഷൻ അമിത് ഷായുമായി തുടർന്നും നടത്തിയ കൂടിക്കാഴ്ചയ്ക്കുശേഷം എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞ കാര്യങ്ങളെ മുഖ്യമായും ആറായി തരംതിരിക്കാം.

പിന്നോക്ക താൽപ്പര്യം സംരക്ഷിക്കുന്ന പാർട്ടിയാണ് ബിജെപി, ഹിന്ദുക്കൾ നേരിടുന്ന അവഗണന വലിയ പ്രശ്‌നമാണ്, കമ്യൂണിസ്റ്റുകാർ അധികാരത്തിലിരുന്നപ്പോൾ സമുദായത്തിന് ഒരു ഗുണവും കിട്ടിയിട്ടില്ല, ബിജെപി സവർണ പാർട്ടിയല്ല, ബിജെപിയോട് അയിത്തമില്ല, മറ്റു ജാതിസംഘടനകളുടെയും പിന്തുണ ഞാൻ ബിജെപിക്ക് ഉറപ്പുകൊടുത്തിട്ടുണ്ട് എന്നിവയാണവ.

ഇവ ഓരോന്നായി എടുക്കുക. പിന്നോക്ക താൽപ്പര്യം സംരക്ഷിക്കുന്ന പാർട്ടിയാണ് ബിജെപി എന്നു വെള്ളാപ്പള്ളി പറയുന്നു. ബിജെപിയുടെ പിന്നോക്കസമുദായ താൽപ്പര്യം 1992ൽ നമ്മൾ നേരിട്ടുകണ്ടതാണ്. പിന്നോക്ക സമുദായക്കാർക്ക് കേന്ദ്രസർവീസിലും പൊതുമേഖലാ സ്ഥാപനങ്ങളിലും 27 ശതമാനം ജോലി സംവരണംചെയ്തുകൊണ്ട് ഇടതുപക്ഷ പിന്തുണയുണ്ടായിരുന്ന വി പി സിങ്ങിന്റെ നാഷണൽ ഫ്രണ്ട് സർക്കാർ ഉത്തരവിറക്കിയപ്പോൾ അതിനെതിരെ രാജ്യമാകെ പൊതുവിലും ഡൽഹിയിൽ പ്രത്യേകിച്ചും തീപടർത്തുന്ന പ്രക്ഷോഭം നടത്തിയ പാർട്ടിയാണത്. മണ്ഡൽ കമീഷൻ റിപ്പോർട്ട് നടപ്പാക്കലിൽ അസ്വസ്ഥതപൂണ്ട്, അത് വി പി സിങ് സർക്കാരിനുണ്ടാക്കിക്കൊടുക്കുന്ന ജനപിന്തുണയിൽ വിറളിപിടിച്ച് രഥയാത്ര സംഘടിപ്പിക്കുകയും രഥയാത്രയെ തടഞ്ഞതിന്റെ പേരിൽ കോൺഗ്രസിനൊപ്പംനിന്ന് വോട്ടുചെയ്ത് മണ്ഡൽ കമീഷൻ റിപ്പോർട്ട് നടപ്പാക്കിയ സർക്കാരിനെ മാസങ്ങൾക്കുള്ളിൽ അട്ടിമറിക്കുകയും ചെയ്ത പാർട്ടിയാണ് ബിജെപി. എന്തൊരു പിന്നോക്ക സ്‌നേഹം!

നാഷണൽ ഫ്രണ്ട് മന്ത്രിസഭ മണ്ഡൽ കമീഷൻ റിപ്പോർട്ട് നടപ്പാക്കിയതിനെ തുടർന്നാണ് ഉത്തരേന്ത്യയിൽ പരക്കെ പിന്നോക്ക ജാതി വിഭാഗത്തിൽ വലിയ ഉണർവ് ഉണ്ടായത്. അതിന്റെ തുടർപ്രതിഫലനമായാണ് യുപിയിലും ബിഹാറിലും ഒക്കെ പിന്നോക്ക സമുദായക്കാരുടെ രാഷ്ട്രീയം മേൽക്കൈ നേടുന്നതും മുലായംസിങ് യാദവിനെയും ലാലുപ്രസാദിനെയും ദളിത് സമുദായത്തിൽപ്പെട്ട മായാവതിയെയുംപോലുള്ളവർ മുഖ്യമന്ത്രിസ്ഥാനത്തേക്ക് എത്തുന്നതും. ആ പിന്നോക്ക രാഷ്ട്രീയവളർച്ചയിൽ അതിശക്തമായ അസഹിഷ്ണുതയായിരുന്നു ബിജെപിക്ക്. ആ വളർച്ച തടയാൻ ഹിന്ദുവർഗീയ വികാരം ഉപയോഗിക്കുകയെന്ന കുതന്ത്രമാണ് ബിജെപി പിന്നീടിങ്ങോട്ട് എന്നും പ്രയോഗിച്ചത്.

ഈ ചരിത്രവസ്തുതകളൊക്കെ സൗകര്യപൂർവം മറന്നാലേ വെള്ളാപ്പള്ളി നടേശൻ പറയുന്നത്, അദ്ദേഹത്തിന്റെ സമുദായാംഗങ്ങൾക്കുപോലും ഉൾക്കൊള്ളാനാകൂ. സവർണ വർഗീയ അപസ്മാരം പടർത്തിയ മണ്ഡൽ വിരുദ്ധ പ്രക്ഷോഭത്തിൽ തെരുവിൽ കത്തിയമർന്നവരുടെ ചിത്രം മനസ്സുകളിൽനിന്ന് മാറാറായിട്ടില്ല. ആ വിധത്തിൽ പിന്നോക്കവിരുദ്ധ ജാതീയതയുടെ തീ പടർത്തിയ, മണ്ഡൽ കമീഷൻ റിപ്പോർട്ട് നടപ്പാക്കിയ സർക്കാരിനെ അട്ടിമറിച്ചതിന്റെ ചോരപ്പാടുകൾ കൈകളിലുണങ്ങാത്ത ബിജെപിയുമായി വെള്ളാപ്പള്ളി നടേശനു കൈകോർക്കാനാകുമായിരിക്കും. സാധാരണക്കാരനായ എസ്എൻഡിപി പ്രവർത്തകന് അതിനു സാധിക്കുമോ?

ഹിന്ദുക്കൾ നേരിടുന്ന അവഗണന വലിയ പ്രശ്‌നമാണെന്ന് വെള്ളാപ്പള്ളി പറയുന്നു. ഏതാണാവോ വെള്ളാപ്പള്ളി പറയുന്ന ഈ ഹിന്ദു? ഹിന്ദുമതത്തിൽ പ്രമാണിമാരുണ്ട്. അങ്ങേയറ്റം പാവപ്പെട്ടവരുമുണ്ട്. വിരുദ്ധങ്ങളായ ഇവരുടെ താൽപ്പര്യങ്ങൾ ഏതു ബിന്ദുവിലാണ് കൂട്ടിമുട്ടി ഹിന്ദു താൽപ്പര്യമാകുക? ലക്ഷക്കണക്കിനാളുകൾ തെരുവിലുറങ്ങുന്ന മുംബൈയിൽ 27 നിലയുള്ള വീട് കെട്ടിപ്പൊക്കിയ അംബാനിയുടെ താൽപ്പര്യവും വൈകിട്ടത്തെ അത്താഴത്തിന് അരിവാങ്ങാൻ വിഷമിക്കുന്ന ഒരു പാവപ്പെട്ട തൊഴിലാളിയുടെ താൽപ്പര്യവും ഇരുവരും ഹിന്ദുവാണ് എന്നതുകൊണ്ടുമാത്രം ഒന്നാകുമോ? ഹിന്ദുതാൽപ്പര്യം സംരക്ഷിക്കാൻ ആരുമായും കൂട്ടുകൂടും എന്ന് വെള്ളാപ്പള്ളി പറയുമ്പോൾ ഇതിൽ ഏതു ഹിന്ദുവിന്റെ താൽപ്പര്യമാണ് മനസ്സിലുള്ളത് എന്നതുകൂടി വ്യക്തമാക്കണം. അദാനിക്കുവേണ്ടി ഭരണം നടത്തുന്ന, അത്തരം കോർപറേറ്റുകൾക്ക് കോർപറേറ്റ് ടാക്‌സ് അഞ്ചുശതമാനംകണ്ട് ആദ്യ ബജറ്റിൽത്തന്നെ കുറച്ചുകൊടുത്ത നരേന്ദ്രമോദിക്ക് കേരളത്തിലെ പ്രമുഖനായ വെള്ളാപ്പള്ളി ചെന്നു കൈകൊടുത്താൽ അത് ഹിന്ദുതാൽപ്പര്യ സംരക്ഷണമാകുമോ?

മറ്റു ജാതിസംഘടനകളുടെയും പിന്തുണ താൻ ബിജെപിക്ക് ഉറപ്പുകൊടുത്തിട്ടുണ്ട് എന്ന് വെള്ളാപ്പള്ളി പറഞ്ഞതായി കാണുന്നു. മറ്റു ജാതിസംഘടനകൾക്കുവേണ്ടി സംസാരിക്കാനും ഇദ്ദേഹത്തിന് അധികാരമുണ്ടോ? മറ്റു സംഘടനകൾ ഇത്തരമൊരു ദൗത്യം ഇദ്ദേഹത്തെ ഏൽപ്പിച്ചിട്ടുണ്ടോ? ഇക്കാര്യങ്ങൾ അവർ വ്യക്തമാക്കട്ടെ.

സിപിഐ എമ്മിനോടാണ് എസ്എൻഡിപി യോഗത്തിന് താൽപ്പര്യം എന്നു വെള്ളാപ്പള്ളി പറയുന്നുണ്ട്, അമിത് ഷായുമായി ചേർന്നുനിൽക്കുമ്പോഴും. ഈഴവസമൂഹത്തിന് സിപിഐ എമ്മിനോട് താൽപ്പര്യമുണ്ട് എന്നു പറഞ്ഞാലതു ശരി. എസ്എൻഡിപി നേതൃത്വത്തിന് കമ്യൂണിസ്റ്റുകാരോട് താൽപ്പര്യമുണ്ട് എന്നു പറഞ്ഞാൽ അത് എത്രമാത്രം ശരിയാകും? എസ്എൻഡിപി നേതൃത്വം കമ്യൂണിസ്റ്റുകാരോട് എന്നെങ്കിലും താൽപ്പര്യം കാട്ടിയിട്ടുണ്ടോ?

1957ൽ കമ്യൂണിസ്റ്റുകാർ മത്സരിച്ചപ്പോൾ യോഗനേതൃത്വം കമ്യൂണിസ്റ്റ് പാർട്ടിക്കെതിരായിരുന്നു. 59ൽ വിമോചനസമരം വന്നപ്പോൾ യോഗനേതൃത്വം വിമോചനക്കാരുടെ കൂടെയായിരുന്നു. മന്നംശങ്കർപട്ടംബാഫക്കി എന്നതായിരുന്നു അന്നു മുദ്രാവാക്യം. അതായിരുന്നു അന്നത്തെ സഖ്യം. അന്ന് ശങ്കർ കമ്യൂണിസ്റ്റുകാർക്കെതിരെ നിന്നപ്പോഴും സാധാരണ യോഗം പ്രവർത്തകരുടെ മനസ്സ് കമ്യൂണിസ്റ്റ് പാർട്ടിക്കൊപ്പമായിരുന്നു. പിന്നീട് യോഗനേതൃത്വം എസ്ആർപി എന്നൊരു പാർട്ടിയുണ്ടാക്കി. ആ പാർട്ടി ജനിച്ചതും മരിച്ചതും കമ്യൂണിസ്റ്റ് വിരുദ്ധ യുഡിഎഫിൽ. യോഗനേതൃത്വത്തിന്റെ ചരിത്രം ഇതാണ്. എന്നാൽ, ഈഴവസമുദായത്തിന്റെ ചരിത്രം ഇതല്ല. ഇടത്തരം കർഷകരും കർഷകത്തൊഴിലാളികളും ചെത്തുതൊഴിലാളികളും കയർത്തൊഴിലാളികളും ഉൾപ്പെട്ട ആ സമുദായം യോഗനേതൃത്വം ഇത്തരം നിലപാടുകൾ എടുത്ത ഘട്ടത്തിലടക്കം കമ്യൂണിസ്റ്റ് പാർട്ടിക്കൊപ്പം നിന്നിട്ടുണ്ട്.

കമ്യൂണിസ്റ്റുകാർ അധികാരത്തിലിരുന്നപ്പോഴൊന്നും സമുദായത്തിന് ഒരു ഗുണവും കിട്ടിയിട്ടില്ല എന്നു പറയുന്നുണ്ട് വെള്ളാപ്പള്ളി നടേശൻ. ജാതി അടിസ്ഥാനത്തിലാണല്ലൊ അദ്ദേഹം ഇതു പറയുന്നത്. അതുകൊണ്ടുമാത്രം അതേ ഭാഷയിൽത്തന്നെ തിരിച്ചുചോദിക്കട്ടെ. ഇ എം എസ് മന്ത്രിസഭ കൊണ്ടുവന്ന കാർഷികബന്ധ നിയമം, ഭൂപരിഷ്‌കരണ നിയമം തുടങ്ങിയവയുടെ ഫലമായി സ്വന്തമായി ഭൂമിയും കുടികിടപ്പും കിട്ടിയവരിൽ മഹാഭൂരിപക്ഷവും ഈഴവസമുദായത്തിൽപ്പെട്ടവരല്ലേ? കർഷകത്തൊഴിലാളികൾ, ചെത്തുതൊഴിലാളികൾ, ചെറുകിട കർഷകർ, കുടികിടപ്പുകാർ ഒക്കെയായ ആ സമുദായത്തിലെ മഹാഭൂരിപക്ഷവും അതിന്റെ ഗുണഭോക്താക്കളായില്ലേ? ഈ വിഭാഗം തൊഴിലാളികളുടെ കൂലിയിൽ മറ്റൊരു സംസ്ഥാനത്തുമില്ലാത്ത വർധന വരുത്തിക്കൊടുത്തതു കമ്യൂണിസ്റ്റ് പാർട്ടിയും അതിന്റെ സർക്കാരുമല്ലേ? കുട്ടിക്കൃഷ്ണമേനോന്റെ നേതൃത്വത്തിലുണ്ടായിരുന്ന ടെനൻസി കമീഷന് ഇ എം എസ് എഴുതിയ വിയോജനക്കുറിപ്പ്, ഭൂപരിഷ്‌കരണം കാണക്കൃഷിക്കാരിൽനിന്ന് പാട്ടക്കൃഷിക്കാരുടെ തലത്തിലേക്കിറക്കിക്കൊണ്ടുവരണം എന്നതായിരുന്നു. അധികാരത്തിൽ വന്നപ്പോൾ ഇ എം എസ് മന്ത്രിസഭ ചെയ്തതുമതാണ്. അതിന്റെ ഗുണം ഏറ്റവുമധികമനുഭവിച്ചത് ഈഴവസമുദായമാണെന്നു മനസ്സിലാക്കാൻ വെള്ളാപ്പള്ളി ചരിത്രം ഒന്നു പരതിനോക്കിയാൽമാത്രം മതി. സ്വസമുദായത്തിലെ പാവപ്പെട്ടവരോട് ഒന്നു ചോദിച്ചാലും മതി.

ഈ സത്യങ്ങൾ മറച്ചുവച്ചുകൊണ്ട് കമ്യൂണിസ്റ്റുകാരെക്കൊണ്ട് സമുദായത്തിൽപ്പെട്ടവർക്ക് നേട്ടമുണ്ടായിട്ടില്ല എന്നു പറയാൻ വെള്ളാപ്പള്ളിക്ക് എങ്ങനെ കഴിയുന്നു? സമുദായത്തിലെ താഴെത്തട്ടുകാർക്ക് ഗുണമുണ്ടായിട്ടുണ്ട്. അതിലെ പ്രമാണിവിഭാഗത്തിന് അതിൽ അസ്വസ്ഥതയുണ്ടായിട്ടുമുണ്ട്. ആ പ്രമാണി വിഭാഗവുമായി കമ്യൂണിസ്റ്റുകാർക്ക് ഇടയേണ്ടിവന്നിട്ടുണ്ട്. മുമ്പുണ്ടായിട്ടുണ്ട്. ഇപ്പോഴുമുണ്ട്. നാളെയുമുണ്ടാകും. അതു സ്വാഭാവികമാണുതാനും. മഹാഭൂരിപക്ഷം വരുന്ന സാധാരണക്കാരും അതിനു താഴെത്തട്ടിലുള്ളവരും എന്നും പാർട്ടിക്കൊപ്പം നിന്നിട്ടുമുണ്ട്. സമുദായപ്രമാണിമാർക്കുണ്ടാകുന്ന അസഹിഷ്ണുത സാധാരണ ഈഴവ സമുദായാംഗങ്ങളുടെ പറ്റിൽ ആരും എഴുതേണ്ടതില്ല. ജാതി പറഞ്ഞാൽ എന്താണു കുഴപ്പം എന്നുചോദിക്കുന്ന വെള്ളാപ്പള്ളി കാർഷികബന്ധ നിയമംകൊണ്ടും കൂലിവർധനകൊണ്ടും നേട്ടമുണ്ടാക്കിയവരുടെ ജാതിതിരിച്ചുള്ള കണക്കെടുത്തുനോക്കട്ടെ. അപ്പോൾ മനസ്സിലാകും താൻ പറഞ്ഞതല്ല സത്യമെന്ന്.

ബിജെപി സവർണപാർട്ടിയല്ല എന്നും പറയുന്നുണ്ട് വെള്ളാപ്പള്ളി. അദ്ദേഹം കർണാടകയിലെ ഉഡുപ്പി ക്ഷേത്രത്തിൽ ഒന്നു പോകട്ടെ. അവിടെ ഇപ്പോഴും അയിത്തം നിലനിൽക്കുന്നു. രണ്ട് ഊട്ടുപുരയുണ്ട് അവിടെ. ഒന്നു ബ്രാഹ്മണർക്ക്. മറ്റൊന്ന് കീഴ്ജാതിക്കാർക്ക്. ഈ ജാതിവിവേചനവും അയിത്താചാരണവും അവിടെ അവസാനിപ്പിക്കാൻ ഏറെക്കാലമായി ഒരു പാർട്ടി ലാത്തിച്ചാർജടക്കം നേരിട്ട് സമരം ചെയ്യുന്നുണ്ട്. അതാണ് സിപിഐ എം. സമരനേതാക്കളെ പൊലീസിനെവിട്ട് തല്ലിക്കുന്നതും കേസിൽ കുടുക്കുന്നതും വിഎച്ച്പിയുടെയും ബിജെപിയുടെയും വലിയ നേതാവായ പേജാവർ സ്വാമിയാണ്. വിശ്വഹിന്ദുപരിഷത്തിന്റെ നേതൃനിരയിൽ അശോക് സിംഗാളിനും പ്രവീൺ തൊഗാഡിയക്കും ഒപ്പം സ്ഥാനമുള്ളയാൾ. അവരുടെ തെക്കേ ഇന്ത്യൻ നേതാവ്. പുതിയ ചങ്ങാതിമാരായ പ്രവീൺ തൊഗാഡിയക്കും അശോക് സിംഗാളിനും ഒപ്പം വെള്ളാപ്പള്ളി ഒന്ന് അവിടെ പോകണം. അവർക്കൊപ്പം ഊണ് കഴിക്കാനിരുന്നാൽ രക്ഷപ്പെടുത്താൻ അവിടെ സമരം ചെയ്യുന്ന സിപിഐ എമ്മുകാരേ ഉണ്ടാകൂ.

തൊട്ടപ്പുറത്ത് മംഗലാപുരത്ത് കുക്കെ സുബ്രഹ്മണ്യ ക്ഷേത്രമുണ്ട്. ആ ക്ഷേത്രത്തിൽ 'മഡെ സ്‌നാന' എന്നൊരു ആചാരമുണ്ട്. ബ്രാഹ്മണർ ഭക്ഷണം കഴിച്ചിട്ടു പുറത്തിടുന്ന ഇലയിൽ അവർണ ജാതിക്കാർ ഉരുളണം. ഇത് നടത്തിക്കൊണ്ടുപോകുന്നത് വിഎച്ച്പി-ബിജെപി നേതാക്കളാണ്. അവസാനിപ്പിക്കാൻ സമരം ചെയ്യുന്നത് സിപിഐ എമ്മുകാരും. അവിടെച്ചെന്ന് വിശ്വഹിന്ദു പരിഷത്തിനോടു വെള്ളാപ്പള്ളി നടേശൻ ഒന്നു പറഞ്ഞുനോക്കട്ടെ ഈ അനാചാരം അവസാനിപ്പിക്കണമെന്ന്. അപ്പോൾ അറിയാം, വിഎച്ച്പിയും ബിജെപിയും ഒക്കെ സവർണ പാർട്ടിയാണോ അല്ലയോ എന്ന്.

പിന്നോക്കക്കാരും ദളിത് വിഭാഗങ്ങളും സവർണ വർഗീയശക്തികളാൽ ആക്രമിക്കപ്പെട്ടിടങ്ങളിലൊക്കെ ബിജെപിയും വിഎച്ച്പിയും സംഘപരിവാർ ആകെത്തന്നെയും ആക്രമണം നടത്തിയ സവർണ വർഗീയശക്തികളുടെ ഒപ്പമായിരുന്നു എന്നതും മറന്നുകൂടാ. 2002ൽ ഹരിയാനയിലെ ഝജ്ജറിൽ ഒരു വലിയ ദളിത്വേട്ട നടന്നു. ചമാർ സമുദായത്തിൽപ്പെട്ടവരാണ് ആക്രമിക്കപ്പെട്ടത്. ചത്തുപോയ കന്നുകാലികളുടെ തോലുരിച്ച് അതിൽനിന്ന് ചെരിപ്പുണ്ടാക്കി വിൽക്കുന്നത് കുലത്തൊഴിലാക്കിയ സമുദായമാണത്. അതിൽപ്പെട്ട നാലു ചെറുപ്പക്കാർ ഒരു ചത്ത പശുവിനെ തോലുരിക്കാനായി കൊണ്ടുവരികയായിരുന്നു. അപ്പോൾ ബിജെപിവിഎച്ച്പിആർഎസ്എസ് സംഘം ഇവരെ ആക്രമിച്ചു. ക്രൂരമായി മർദിച്ചശേഷം പൊലീസിന് ഏൽപ്പിച്ചുകൊടുത്തു. ലോക്കപ്പിലിട്ടും പൊലീസിനു പുറമെ ഈ സംഘാംഗങ്ങൾ ഇവരെ മർദിച്ചു. അതിന്റെ ഫലമായി നാലുപേരും കൊല്ലപ്പെട്ടു. ഇതിൽ പ്രതിഷേധിച്ച ആ പ്രദേശത്തെ ദളിത് കുടുംബങ്ങളെയാകെ ഈ സംഘം വേട്ടയാടി. സ്ത്രീകളെ അപമാനിച്ചു, കുടിലുകൾക്ക് തീവച്ചു. ഇവിടെ വിഎച്ച്പിയുടെയും ബിജെപിയുടെയും സംസ്ഥാന നേതൃത്വംവരെ കൊല്ലപ്പെട്ട ദളിതുകൾക്കെതിരെയാണ് നിലകൊണ്ടത്. ഗോഹത്യ നടത്തിയവർക്ക് ഇങ്ങനെ വരണമെന്നാണ് പരസ്യമായി പറഞ്ഞത്. എന്നാൽ, പിന്നീട് അന്വേഷണത്തിൽ തെളിഞ്ഞത് ഇവർ പശുവിനെ കൊന്നിരുന്നില്ല എന്നും ചത്ത പശുവിനെ എടുത്തുകൊണ്ടുവരികമാത്രമേ ചെയ്തിരുന്നുള്ളു എന്നുമാണ്. അന്ന് ബിജെപി പിന്തുണയോടെ ഹരിയാന ഭരിച്ചിരുന്ന ഓംപ്രകാശ് ചൗതാലയോ കേന്ദ്രം ഭരിച്ചിരുന്ന വാജ്‌പേയിയോ ഏതെങ്കിലും തരത്തിൽ ഈ ദളിതുകളുടെ കണ്ണീരൊപ്പാൻ എത്തിയില്ല. മറിച്ച് സവർണ അക്രമകാരികളെ ഭരണാധികാരം വഴിവിട്ട് രക്ഷിക്കുകയും ചെയ്തു.

ഇനി മറ്റൊരു ഉദാഹരണം. 19971998ൽ മഹാരാഷ്ട്രയിൽ ബിജെപി നേതാവായിരുന്ന പ്രമോദ് മഹാജന്റെ ലോക്‌സഭാ മണ്ഡലത്തിൽ വ്യാപകമായി ദളിത് വേട്ട നടന്നു. മഹാജൻ അവിടേക്ക് തിരിഞ്ഞുനോക്കിയില്ല. ഇതിലുള്ള പ്രതിഷേധം മുൻനിർത്തി അടുത്ത തെരഞ്ഞെടുപ്പ് വന്നപ്പോൾ ആ മണ്ഡലത്തിലെ ദളിത് സമൂഹം കൂട്ടത്തോടെ മഹാജനെതിരെ വോട്ടുചെയ്തു. അദ്ദേഹം തോറ്റു. മഹാജൻ പിന്നീടൊരിക്കലും ലോക്‌സഭയിലേക്ക് മത്സരിച്ചിട്ടില്ല. മത്സരിക്കുന്നെങ്കിൽ മഹാരാഷ്ട്രയ്ക്കു പുറത്തേ ഉണ്ടാകൂ എന്ന് അദ്ദേഹം പരസ്യമായി പറയുകയും ചെയ്തു. ഇതിലൊക്കെ പ്രകടമാണ് പിന്നോക്ക ദളിത് വിഭാഗങ്ങൾക്ക് ബിജെപിയോടും ബിജെപിക്ക് ഈ വിഭാഗങ്ങളോടും ഉള്ള മനോഭാവം.

ഒരു 'പിന്നോക്കക്കാരനെ' ഉയർത്തിക്കാട്ടി എന്നതുകൊണ്ട് ബിജെപി ബ്രാഹ്മണാധിപത്യ പാർട്ടിയല്ലാതാകില്ല. അങ്ങനെ ഒരാളെ ഉയർത്തിക്കാട്ടാൻ അവർ നിർബന്ധിതമായതുപോലും മണ്ഡൽ കമീഷൻ റിപ്പോർട്ടുമായി ബന്ധപ്പെട്ട് ഉയർന്നുവന്ന പിന്നോക്കരാഷ്ട്രീയതരംഗം കൊണ്ടാണ്. ഉയർത്തിക്കാട്ടപ്പെട്ട ആ പിന്നോക്കക്കാരൻ ബ്രാഹ്മണാധിപത്യത്തിന്റെയും കോർപറേറ്റുകളുടെയും താൽപ്പര്യങ്ങളാണ് ഉയർത്തിപ്പിടിക്കുന്നത് എന്നത് വെള്ളാപ്പള്ളി കാണാതിരുന്നുകൂടാ. സിപിഐ എം പൊളിറ്റ് ബ്യൂറോയിൽ ബ്രാഹ്മണനില്ലേ എന്നു ചോദിക്കുന്ന വെള്ളാപ്പള്ളി, ആ വ്യക്തിയാണ് അയിത്താചരണത്തിനെതിരായ സമരനിരയുടെ മുമ്പിൽ ചെന്നുനിന്ന് ബ്രാഹ്മണാധിപത്യത്തെയും അതിന്റെ ജീർണാചാരങ്ങളെയും വെല്ലുവിളിക്കുന്നത് എന്നതും മറന്നുകൂടാ. ബിജെപി ഉയർത്തിക്കാട്ടിയ ആ പിന്നോക്കക്കാരന്റെ തണലിലാണ് മുൻ സൂചിപ്പിച്ചപോലെ പലയിടത്തും അശോക് സിംഗാളുമാരും പേജാവർ സ്വാമിമാരും അയിത്താചരണം നടത്തുന്നത് എന്നതും മറന്നുകൂടാ.

(അവസാനിക്കുന്നില്ല)

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഭർത്താവിനെ കാണാനില്ലെന്ന് പരാതി നൽകി നാൽപ്പതുകാരി; ഭർത്താവിനെ കണ്ടെത്തിയപ്പോൾ കേട്ടത് ഒൻപതാം ക്ലാസിൽ പഠിപ്പ് നിർത്തിയ പയ്യൻ ഭാര്യയെ ബലാത്സംഗം ചെയ്ത സംഭവവും; പോൺ സൈറ്റുകളിലെ വീഡിയോ കണ്ട് ലൈംഗിക സുഖം നുകരാനുള്ള നെട്ടോട്ടം തന്നെ പീഡകനാക്കിയെന്ന് സമ്മതിച്ച് ബാലകനും; ഊന്നുകൽ പൊലീസിനെ ഞെട്ടിച്ച പതിഞ്ചുകാരന്റെ കുറ്റസമ്മതം ഇങ്ങനെ
അന്നൊരു മഴക്കാലമായിരുന്നു; പതിവ് പോലെ സാറിന്റെ വീട്ടിൽ ഞാൻ പോയി; അവിടെ ഇരുന്ന് മഴയും കൊതുകു കടിയും ഒന്നും കൊള്ളാതെ വീട്ടിൽ പോകൂ; തീരുമാനം ഉണ്ടാകുമെന്ന് സാറു പറഞ്ഞത് തോളിൽ കൈവച്ചു; ഒരു പക്ഷേ നാടിന്റെ സ്വഭാവം ഒക്കെ അറിഞ്ഞു കൊണ്ട് സമാധാനിപ്പിക്കാനാകാം സാറ് പറഞ്ഞത്; ചെന്നിത്തലയോട് പരിഭവമോ പരാതിയോ ഇല്ലെന്ന് വിശദീകരിച്ച് ശ്രീജിത്ത്; സമരപന്തലിലെ വിവാദത്തിൽ തല്ലുകൊണ്ട ആന്റേഴ്സൺ ഒറ്റപ്പെടുന്നു
അന്ധവിശ്വാസത്തിന് അടിമ; സാത്താൻ വിശ്വാസത്തെക്കുറിച്ചുള്ള ചിന്തകളും വിഷാദവും ജയമോളെ പിടികൂടിയിരുന്നുവെന്നും മൊഴി; അനുജന്റെ കൊലയ്ക്ക് കാരണം സ്വത്ത് തർക്കമെന്ന് വിശദീകരിച്ച് ചേച്ചിയും; സ്വഭാവ ദൂഷ്യമുണ്ടെന്ന പ്രചരണവും മകന്റെ സ്‌നേഹം നഷ്ടപ്പെടുമോ എന്ന ഭയവും അമ്മയെ മാനസിക രോഗിയാക്കിയെന്ന് വിശദീകരിച്ച് ടീന; കുറ്റസമ്മത മൊഴി സോഷ്യൽ മീഡിയയിൽ എത്തിയതിലും അന്വേഷണം; കൊട്ടിയത്തെ ക്രൂര കൊലയിൽ ജയമോളുടെ മൊഴി വിശ്വസിക്കാതെ പൊലീസ്
മനോരമക്ക് 52,531 കോപ്പി കുറഞ്ഞപ്പോൾ മാതൃഭൂമിക്ക് 40,485 കോപ്പി കുറഞ്ഞു; ദേശാഭിമാനിക്ക് മാത്രം 1,85,640 കോപ്പിയുടെ വളർച്ച; 24 ലക്ഷം കോപ്പിയുമായി മനോരമ ഒന്നാം സ്ഥാനം നിലനിർത്തിയപ്പോൾ മാതൃഭൂമി രണ്ടാമതെത്തിയത് 14 ലക്ഷം കോപ്പിയുമായി; മൂന്നാമതെത്തിയ ദേശാഭിമാനിക്ക് ആറ് ലക്ഷം കോപ്പി; നാല് ഹിന്ദി പത്രങ്ങൾക്കും ടൈംസ് ഓഫ് ഇന്ത്യക്കും ശേഷം ആറാം സ്ഥാനം ഉറപ്പിച്ചു മനോരമ
ലോക കേരള സഭയ്ക്ക് പോലും വേണ്ടാത്ത പ്രവാസി! അറ്റ്‌ലസ് രാമചന്ദ്രനെ ജയിൽ മോചിതനാക്കാനുള്ള നീക്കങ്ങൾ അട്ടിമറിച്ച് ബിസിനസ് എതിരാളികൾ; മലയാളി വ്യവസായിയുടെ അരോഗ്യനില അതീവ ഗുരുതരം; ഒത്തു തീർപ്പ് ഫോർമുലയിൽ നിന്ന് ബാങ്കുകളെ പിന്തിരിപ്പിക്കുന്നതിന് പിന്നിലും നാട്ടിലെ പഴയ സുഹൃത്ത് തന്നെ; എല്ലാ സ്വത്തും വിറ്റ് ഭർത്താവിനേയും മകളേയും മരുമകളേയും പുറത്തെത്തിക്കാനുള്ള നീക്കം പൊളിഞ്ഞ വേദനയിൽ ഇന്ദിരാ രാമചന്ദ്രനും; ജാമ്യം കിട്ടാൻ മോദി തന്നെ കണ്ണുതുറക്കണം
60 കോടി യുവജനതയുമായി ഇന്ത്യ മത്സരിക്കുന്നു; ലോകം വാ പൊളിച്ചു നിൽക്കേണ്ടി വരുമെന്നു ബ്രിട്ടീഷ് മാധ്യമ പ്രവർത്തകൻ; ഒരു കുട്ടി നയം പൊളിച്ചെഴുതി പിടിച്ചു നിൽക്കാൻ ചൈന; ഇന്ത്യൻ യുവത്വത്തിന് മുന്നിൽ മത്സരിക്കാൻ കരുത്തില്ലാതെ ലോകജനത നിൽക്കേണ്ടി വരും; യൂസഫലിയുടെ നാട്ടികയിലെ റിക്രൂട്ട്‌മെന്റിന് പതിനായിരങ്ങൾ എത്തുന്നതിന്റെ ഗുട്ടൻസും തുറന്നു പറഞ്ഞ് ഇയാൻ ജാക്
അമ്മ ധൈര്യമായിരിക്കണം, മകനു വേണ്ടി ബാക്കിയുള്ള കാര്യം നമുക്കു ചെയ്യണം...; ധീര ജവാന്റെ അമ്മയുടെ കണ്ണുകളിൽ നോക്കി എല്ലാം കേട്ടിരുന്നു; മനസാന്നിധ്യം വീണ്ടെടുത്ത് ആശ്വാസമേകി മടക്കം; പാക് വെടിവയ്പിൽ വീരമൃത്യു വരിച്ച സാം എബ്രഹാമിന്റെ വീട്ടിലെത്തിയ കളക്ടർ അനുപമയും വിങ്ങിപ്പൊട്ടി; സാം ഏബ്രഹാമിന് വിടനൽകാനൊരുങ്ങി മാവേലിക്കര
പതിനാലു വയസ് വരെ വളർത്തിയ മകനെ ഒരു പിടി ചാരമാക്കിയത് സ്വന്തം അമ്മ തന്നെ; വീട്ടു വഴക്കിനെ തുടർന്ന് കൊലപ്പെടുത്തിയ ശേഷം കത്തിക്കുകയായിരുന്നെന്ന് അമ്മ ജയമോളുടെ കുറ്റസമ്മതം; കാലുകൾ രണ്ടും ശരീരത്തിൽ നിന്നും വെട്ടി മാറ്റി; അദ്ധ്യാപകന്റെ പങ്കും പൊലീസ് അന്വേഷിക്കുന്നു; കൊല്ലത്തു നിന്നും മൂന്ന് ദിവസം മുമ്പ് കാണാതായ ജിത്തുവിന്റെ മരണത്തിലെ ദുരൂഹത നീങ്ങുമ്പോൾ ഞെട്ടിത്തരിച്ച് അന്വേഷണ ഉദ്യോഗസ്ഥരും
പെരുമാറ്റ ദൂഷ്യം ചോദ്യം ചെയ്തത് വാക്കേറ്റത്തിന് തുടക്കമിട്ടു; വീട്ടിലിട്ട് കൊന്ന മകന്റെ കാലും കൈയും അറുത്തു മാറ്റി ചാക്കിലാക്കി പെട്രോൾ ഒഴിച്ചു കത്തിച്ചു; ഭാവഭേദങ്ങളൊന്നുമില്ലാതെ പുത്രൻ കാണാതായെന്ന് ഏവരേയും പറഞ്ഞു വിശ്വസിപ്പിച്ചു; കൈയിലെ പൊള്ളൽ സത്യം വിളിച്ചു പറഞ്ഞപ്പോൾ അന്വേഷകരെത്തിയത് കാമുകനായ അദ്ധ്യാപകനിലേക്ക്; സത്യം പുറത്തുവന്നിട്ടും കൂസലില്ലാത്തെ ജയമോൾ; കുണ്ടറയിലെ കൊലയിൽ പ്രതി അമ്മ മാത്രമോ?
കൃത്യം വിവരിക്കുമ്പോൾ മകനെ കുഞ്ഞെന്ന് വിളിച്ച് നിസ്സംഗതയോടെ കുറ്റസമ്മതം; കഴുത്തിൽ ഷാൾ മുറുക്കിയതെങ്ങനെയെന്ന് ഭാവ ഭേദമില്ലാതെ പൊലീസിന് കാട്ടികൊടുത്ത് മൊഴി നൽകൽ; പതിനാലുകാരനെ ഒറ്റയ്ക്ക് കൊന്ന് തള്ളിയ വിവരണം വിശ്വസിക്കാനാവാതെ പൊലീസും; കുണ്ടറയിലെ കൊലയിൽ ജയമോളുടേത് പഠിപ്പിച്ച് പറയിച്ച മൊഴിയോ? ജിത്തു ജോബിന്റെ കൊലയിൽ ശാസ്ത്രീയ തെളിവിനായി കാത്തിരിക്കാൻ തീരുമാനിച്ച് പൊലീസും; അമ്മയുടെ കുറ്റസമ്മത വീഡിയോ കാണാം
വേട്ടക്കാരനും ഇരയും മാത്രമുള്ള വീഡിയോയിൽ വേട്ടക്കാരനു നിർദ്ദേശം നൽകുന്നത് സ്ത്രീ ശബ്ദം! എത്രമനോഹരമായ പീഡനം; ആ 85 ദിവസങ്ങൾക്ക് എണ്ണി എണ്ണി മറുപടി പറയിച്ചിരിക്കുമെന്നും വെല്ലുവിളി; മാർട്ടിന്റെ ചാഞ്ചാട്ടം തുണയാകുന്നത് ദിലീപിന് തന്നെ; നടിയെ കിഡ്‌നാപ്പ് ചെയ്ത കാർ ഡ്രൈവറുടെ മൊഴി മാറ്റത്തിൽ ഞെട്ടി പ്രോസിക്യൂഷനും; എല്ലാം നടന് അനുകൂലമാകുമെന്ന പ്രതീക്ഷയിൽ ആരാധകരും
മൂന്ന് വയസുള്ള മകനെ ജുവല്ലറിയിൽ ഉപേക്ഷിച്ച് പ്രവാസിയുടെ ഭാര്യ ഒളിച്ചോടിയത് ആത്മാർത്ഥ സുഹൃത്തിന്റെ ഭർത്താവിനൊപ്പം; ആതിര വിവാഹിതനായ കാമുകനൊപ്പം നാടുവിട്ടത് ഭർത്താവ് കഷ്ടപ്പെട്ടുണ്ടാക്കിയ പണവും സ്വർണവുമായി; ലിജിനുമായി അടുത്തത് സുഹൃത്തിനൊപ്പം വീട്ടിൽ സ്ഥിരം സന്ദർശകരായതോടെ; സൈബർ സെല്ലിന്റെ സഹായത്തിൽ അന്വേഷണം പുരോഗമിക്കുന്നു
ഭർത്താവിനെ കാണാനില്ലെന്ന് പരാതി നൽകി നാൽപ്പതുകാരി; ഭർത്താവിനെ കണ്ടെത്തിയപ്പോൾ കേട്ടത് ഒൻപതാം ക്ലാസിൽ പഠിപ്പ് നിർത്തിയ പയ്യൻ ഭാര്യയെ ബലാത്സംഗം ചെയ്ത സംഭവവും; പോൺ സൈറ്റുകളിലെ വീഡിയോ കണ്ട് ലൈംഗിക സുഖം നുകരാനുള്ള നെട്ടോട്ടം തന്നെ പീഡകനാക്കിയെന്ന് സമ്മതിച്ച് ബാലകനും; ഊന്നുകൽ പൊലീസിനെ ഞെട്ടിച്ച പതിഞ്ചുകാരന്റെ കുറ്റസമ്മതം ഇങ്ങനെ
സീറ്റ് കിട്ടിയത് മുൻവശത്ത് ഡൈവറുടെ പിന്നിൽ; ആദ്യം കണ്ണാടിയിലൂടെ നോക്കി ചിരി; പിന്നെ കുപ്പിയിൽ വിരൽ കയറ്റി ആക്ഷനെത്തി; യാത്രയിലുടനീളം രതിവൈകൃതം തുടർന്നപ്പോൾ ദൃശ്യങ്ങൾ മൊബൈൽ ഫോണിൽ പകർത്തി; സോഷ്യൽ മീഡിയ വീഡിയോ എറ്റെടുത്തപ്പോൾ വനിതാ ഡോക്ടറെ അശ്ലീല ആംഗ്യം കാട്ടിയ സ്വകാര്യ ബസ് ഡ്രൈവർക്ക് എട്ടിന്റെ പണി ഉറപ്പായി
പതിനേഴുകാരന്റെ രാത്രികാല വികൃതികൾ നാട്ടുകാർ കൈയോടെ പൊക്കി; പ്രായപൂർത്തിയാകും മുമ്പേ കശുവണ്ടി തൊഴിലാളിയായ യുവതിയുമായി നിക്കാഹ്; മൊഴി ചൊല്ലി വീണ്ടും കെട്ടി; പരസ്ത്രീ ബന്ധത്തിൽ ഉലഞ്ഞ് രണ്ടാം കല്ല്യാണവും; ഓട്ടോ ഓട്ടത്തിനിടെയും സ്ത്രീകളെ വെറുതെ വിട്ടില്ല; ടിപ്പറോട്ടിക്കുമ്പോഴും ഞരമ്പ് രോഗത്തിന് പഞ്ഞിക്കിട്ടു; വനിതാ ഡോക്ടറെ അശ്ലീല ആംഗ്യം കാട്ടി അപമാനിച്ച ബസ് ഡ്രൈവർ നൗഷാദിന്റെ കഥ
ജീവിക്കാൻ പറ്റിയ മികച്ച സമയമാണ്! എല്ലാവരുടേയും തനി നിറം പുറത്തുവന്നു; പോപ്പ്കോണും കഴിച്ച് ഇതെല്ലാം കണ്ട് രസിച്ചിരിക്കുന്നുവെന്ന് പാർവതിയുടെ ട്വീറ്റ് പൊട്ടിത്തെറിയായി; വനിതാ കൂട്ടായ്മയിലെ തർക്കത്തിൽ 'അമ്മ' പക്ഷം പിടിക്കില്ല; കളികൾ അതിരുവിട്ടാൽ എല്ലാം തുറന്നു പറയാനുറച്ച് മഞ്ജു വാര്യരും; മമ്മൂട്ടിയെ തൊട്ടപ്പോൾ ദിലീപിനെ അഴിക്കുള്ളിലാക്കാൻ ഒരുമിച്ച ഡബ്ല്യൂസിസി അകാലചരമത്തിലേക്ക്
പതിനാലു വയസ് വരെ വളർത്തിയ മകനെ ഒരു പിടി ചാരമാക്കിയത് സ്വന്തം അമ്മ തന്നെ; വീട്ടു വഴക്കിനെ തുടർന്ന് കൊലപ്പെടുത്തിയ ശേഷം കത്തിക്കുകയായിരുന്നെന്ന് അമ്മ ജയമോളുടെ കുറ്റസമ്മതം; കാലുകൾ രണ്ടും ശരീരത്തിൽ നിന്നും വെട്ടി മാറ്റി; അദ്ധ്യാപകന്റെ പങ്കും പൊലീസ് അന്വേഷിക്കുന്നു; കൊല്ലത്തു നിന്നും മൂന്ന് ദിവസം മുമ്പ് കാണാതായ ജിത്തുവിന്റെ മരണത്തിലെ ദുരൂഹത നീങ്ങുമ്പോൾ ഞെട്ടിത്തരിച്ച് അന്വേഷണ ഉദ്യോഗസ്ഥരും
അമ്മയെ തലയ്ക്ക് അടിച്ചത് ആക്ഷൻ ഹീറോ ബിജു മോഡലിൽ; സഹോദരിയെ സ്‌കൈപ്പിൽ വിളിച്ചത് ദൃശ്യത്തിലെ ജോർജ് കുട്ടിയുടെ ആവേശത്തിൽ; കൊന്ന ശേഷം കുഴിയിലിട്ട് കത്തിച്ചത് അവിഹിതം ചർച്ചയാക്കി അമ്മ ഒളിച്ചോടിയെന്ന് വരുത്തി തീർക്കാൻ; രണ്ട് ദിവസം ചോദ്യം ചെയ്തിട്ടും കുറ്റബോധവും കൂസലുമില്ലാതെ എഞ്ചിനിയറിങ് കോളേജിലെ ചാത്തൻ കൂട്ടായ്മയുടെ തലവൻ; ക്രൂരകൃത്യം ചെയ്തത് മയക്കുമരുന്നിന്റെ ലഹരിയിലെന്ന് പൊലീസ്; ദീപയുടെ കൊലയിൽ അക്ഷയ് അശോക് ലക്ഷ്യമിട്ടത് എന്ത്?
പെരുമാറ്റ ദൂഷ്യം ചോദ്യം ചെയ്തത് വാക്കേറ്റത്തിന് തുടക്കമിട്ടു; വീട്ടിലിട്ട് കൊന്ന മകന്റെ കാലും കൈയും അറുത്തു മാറ്റി ചാക്കിലാക്കി പെട്രോൾ ഒഴിച്ചു കത്തിച്ചു; ഭാവഭേദങ്ങളൊന്നുമില്ലാതെ പുത്രൻ കാണാതായെന്ന് ഏവരേയും പറഞ്ഞു വിശ്വസിപ്പിച്ചു; കൈയിലെ പൊള്ളൽ സത്യം വിളിച്ചു പറഞ്ഞപ്പോൾ അന്വേഷകരെത്തിയത് കാമുകനായ അദ്ധ്യാപകനിലേക്ക്; സത്യം പുറത്തുവന്നിട്ടും കൂസലില്ലാത്തെ ജയമോൾ; കുണ്ടറയിലെ കൊലയിൽ പ്രതി അമ്മ മാത്രമോ?