1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
25
Sunday

പിള്ളയുടെ നിയമനം കമ്പനി നിയമത്തിന് വിരുദ്ധം; മുന്നോക്ക വിഭാഗ കോർപ്പറേഷൻ ഡയറക്ടർ ആക്കാനുള്ള നീക്കം കമ്പനികാര്യ വകുപ്പ് തള്ളി; മുസ്ലിം വിരുദ്ധ പ്രസ്താവനയോടെ പുലിവാലു പിടിച്ച ബാലകൃഷ്ണ പിള്ളക്ക് മുമ്പിൽ കാബിനറ്റ് പദവിയുടെ വാതിലും കൊട്ടിയടക്കപ്പെടുന്നു

August 17, 2016 | 08:59 AM | Permalink



സ്വന്തം ലേഖകൻ

തിരുവനന്തപുരം: സംസ്ഥാന മുന്നോക്ക ക്ഷേമ കോർപറേഷൻ ചെയർമാനാകാനുള്ള കേരളാ കോൺഗ്രസ് (ബി) നേതാവ് ആർ ബാലകൃഷ്ണപിള്ളയുടെ മോഹം ഉടൻ നടക്കില്ല. പദവിക്ക് പിള്ള ആയോഗ്യനാണെന്ന് നിയമവിദഗ്ദ്ധർ ചൂണ്ടിക്കാട്ടി. 2013ൽ പാർലമെന്റ് പാസാക്കിയ കമ്പനി നിയമപ്രകാരം ഈ സ്ഥാനത്തേക്കു ബാലകൃഷ്ണപിള്ളയെ നിയമിക്കാനാവില്ല. എന്നാൽ 2017 ഫെബ്രുവരിക്ക് ശേഷം സർക്കാരിന് വേണമെങ്കിൽ ബാലകൃഷ്ണ പിള്ളയെ ഈ സ്ഥാനത്തേക്ക് നിയോഗിക്കാനും കഴിയും

പുതുക്കിയ കമ്പനി നിയമമനുസരിച്ച് ഏതെങ്കിലും കേസിൽ ശിക്ഷിക്കപ്പെട്ടാൽ ശിക്ഷാ കാലാവധി തീരുന്നതു മുതൽ അഞ്ചുവർഷം കഴിഞ്ഞാലെ ആ വ്യക്തിയെ ഏതെങ്കിലും കമ്പനിയുടെ ഡയറക്ടറായി നിയമിക്കാൻ കഴിയുകയുള്ളൂ. കമ്പനി നിയമപ്രകാരം ആദ്യം ഡയറക്ടർമാരെ നിയമിക്കുകയും പിന്നീട് ഡയറക്ടർമാരിലൊരാളെ ചെയർമാനാക്കുകയുമാണ് ചെയ്യുന്നത്. ഇടമലയാർ കേസിൽ ബാലകൃഷ്ണപിള്ള ശിക്ഷ അനുഭവിച്ചിട്ടുണ്ട്. പിള്ളയുടെ ശിക്ഷാകാലാവധി കഴിഞ്ഞത് 2012 ഫെബ്രുവരിയിലാണ്. പുതുക്കിയ കമ്പനി നിയമപ്രകാരം പിള്ളക്കു 2017 ഫെബ്രുവരി വരെ സംസ്ഥാന മുന്നോക്ക ക്ഷേമ കോർപറേഷൻ ചെയർമാനാകുന്നതിൽ അയോഗ്യതയുണ്ടെന്നാണ് നിയമ വിദ്ഗദ്ധർ ചൂണ്ടിക്കാട്ടുന്നത്. നിലവിൽ ഇടതുമുന്നണിയുടെ ഭാഗമാണ് പിള്ള. പത്താനാപുരത്ത് ഗണേശ് ജയിച്ചതും ഇടത് പിന്തുണയോടെയാണ്. മുന്നോക്ക് വിഭാഗ കോർപ്പറേഷന്റെ ചെയർമാൻ സ്ഥാനം പിള്ളയ്ക്ക് വാഗ്ദാനം ചെയ്യുകയും ചെയ്തു. ഇത് നൽകുന്നതിന് മുന്നോടിയായി നടത്തിയ നീക്കത്തിലാണ് കേന്ദ്ര സർക്കാർ ഉടക്ക് വയ്ക്കുന്നത്.

പിള്ളയെ ഡയറക്ടറാക്കുന്നതിനു വേണ്ടി മുന്നോക്ക ക്ഷേമ കോർപറേഷൻ കേന്ദ്ര കോർപറേറ്റ് മന്ത്രാലയത്തിലെ കമ്പനി കാര്യസെല്ലിനു അപേക്ഷ നൽകി. ബാലകൃഷ്ണപിള്ളക്ക് ഡയറക്ടർ ഐഡന്റിഫിക്കേഷൻ നമ്പർ ലഭിക്കാൻ വേണ്ടിയായിരുന്നു ഇത്. എന്നാൽ നിയമം ചൂണ്ടിക്കാട്ടി കേന്ദ്ര കോർപറേറ്റ് മന്ത്രാലയത്തിലെ കമ്പനി കാര്യസെൽ ഈ അപേക്ഷ നിരസിച്ചിരുന്നു. ഇക്കാര്യം കമ്പനി രജിസ്ട്രാറെ അറിയിച്ചിരുന്നെങ്കിൽ കോർപറേഷന്റെ രജിസ്‌ട്രേഷൻ തന്നെ റദ്ദാക്കുമായിരുന്നു. ഇതോടെ യു.ഡി.എഫ്. സർക്കാരിന്റെ കാലത്ത് കേന്ദ്രകമ്പനി നിയമം ലംഘിച്ചാണ് ഉമ്മൻ ചാണ്ടി സർക്കാർ ബാലകൃഷ്ണപിള്ളക്ക് കാബിനറ്റ് പദവിയോടെ മുന്നോക്ക ക്ഷേമ കോർപറേഷൻ ചെയർമാൻ സ്ഥാനം നൽകിയതെന്നും വ്യക്തമായി. അതിനിടെ സംസ്ഥാന മുന്നോക്ക ക്ഷേമ കോർപറേഷന്റെ നിയമം ഭേദഗതി ചെയ്ത് ചെയർമാനായി നിയമിച്ചാൽ കമ്പനിനിയമം ബാധകമാകില്ലെന്ന നിർദ്ദേശം പിള്ള ഇടതു നേതൃത്വത്തിന് മുന്നിൽവച്ചിട്ടുണ്ട്.

പിള്ളയുടെ നിയമനം ചോദ്യം ചെയ്ത് അന്നു പ്രതിപക്ഷനേതാവായിരുന്ന വി എസ്. അച്യുതാനന്ദൻ മുഖ്യമന്ത്രി ഉമ്മൻ ചാണ്ടിക്ക് കത്തു നൽകിയിരുന്നു. കേന്ദ്ര കമ്പനി നിയമത്തെ മറികടക്കാൻ നിയമമോ ഓഡിനൻസോ കൊണ്ടുവരാൻ സംസ്ഥാന സർക്കാരിന് അധികാരമില്ലെന്ന് ചൂണ്ടിക്കാട്ടിയാണ് വി എസ്. കത്തു നൽകിയത്. ഹൈക്കോടതിയിൽ ഇതു സംബന്ധിച്ച് ഹർജി വന്നപ്പോൾ തെറ്റായ വിവരങ്ങളാണ് ഉമ്മൻ ചാണ്ടി സർക്കാർ സത്യവാങ്മൂലത്തിൽ നൽകിയതെന്ന് അന്നു തന്നെ ആക്ഷേപം ഉയർന്നിരുന്നു. കേസിൽ അവസാന തീർപ്പുണ്ടാകുന്നതിനു മുമ്പ് പിള്ള ചെയർമാൻ സ്ഥാനം രാജിവച്ചതുകൊണ്ടാണ് ഉമ്മൻ ചാണ്ടി സർക്കാരിനെതിരേ ഹൈക്കോടതി വിധിയുണ്ടാകാത്തത്. ഇത് മനസ്സിലാക്കിയാണ് പിണറായി സർക്കാർ കരുതലോടെ നീങ്ങിയത്. നിലവിലെ സാഹചര്യത്തിൽ 2007വരെ മുന്നോക്ക ചെയർമാൻ സ്ഥാനം ബാലകൃഷ്ണ പിള്ളയ്ക്ക് ലഭിക്കില്ല.

ബാലകൃഷ്ണപിള്ളയുടെ ശിക്ഷ ഇളവു ചെയ്തതിനെതിരേ വി എസ്. അച്യുതാനന്ദൻ സുപ്രീംകോടതിയിൽ നൽകിയ ഹർജി തീർപ്പാകാത്തതും പിള്ളയുടെ ചെയർമാൻ സ്ഥാനത്തിനു ഭീഷണിയാണ്. പത്തനാപുരം പ്രസംഗത്തിനെതിരേയുള്ള കേസുകൾപ്പെടെയുള്ള കേസുകളും പിള്ളക്കെതിരെ നിലനിൽക്കുന്നുണ്ട്. ഈ പ്രസംഗത്തോടെ ഇടത് നേതൃത്വത്തിന്റെ കണ്ണിലെ കരടായി പിള്ള മാറി. പ്രസംഗത്തിൽ കേസെടുക്കാനും തീരുമാനിച്ചു. ഈ സാഹചര്യത്തിൽ ഫെബ്രുവരിയിൽ പിള്ളയ്ക്ക് സ്ഥാനം നൽകാൻ സാധ്യതയില്ലെന്നാണ് സൂചന.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
ആൺസുഹൃത്തിനെ മർദ്ദിച്ച് വിരട്ടിയോടിക്കും; പെൺകുട്ടിയെ മലമുകളിലെ രഹസ്യകേന്ദ്രത്തിലെത്തിച്ച് കാമകേളി; എതിർത്താൽ കരണത്തടിയും പീഡനവും; എല്ലാം കഴിഞ്ഞാൽ ഭക്ഷണവും വണ്ടിക്കൂലിയും; ഭൂതത്താൻകെട്ടിലെ ചതിക്കുഴിയിൽ വീഴുന്നതിൽ ഏറെയും കാമുകീകാമുകന്മാർ; എല്ലാം അറിഞ്ഞിട്ടും കണ്ണും കാതും തുറക്കാതെ പൊലീസും വനംവകുപ്പും
വാടക കൊടുക്കാൻ പോലും എന്റെ കൈയിൽ പണമില്ല; എന്റെ ഭർത്താവിനെ എങ്ങനെ രക്ഷപ്പെടുത്തണമെന്ന് എനിക്കൊരു പിടിയുമില്ല; 21 മാസം മുമ്പ് പൊലീസ് കൊണ്ടു പോയപ്പോൾ മുതൽ തുടരുന്ന കാത്തിരിപ്പ്; ഒരു ബിസിനസ്സിലും ഇന്നേവരെ ഇടപെട്ടിട്ടില്ലാത്ത ഞാനും ഏത് നിമിഷവും ജയിലിലാകും; രണ്ട് കൊല്ലം കൊണ്ട് എല്ലാം നശിച്ച് ആകെ തളർന്നു പോയ അറ്റ്‌ലസ് രാമചന്ദ്രന്റെ ഭാര്യ മനസ്സ് തുറക്കുന്നു
സ്വത്തിലെ തർക്കം തുടങ്ങിയത് നടന്റെ വിവാഹ മോചനത്തിന് ശേഷം; ആവശ്യപ്പെട്ടത് സംവിധായക സുഹൃത്തിന്റെ പേരിൽ എല്ലാം തിരികെ എഴുതിക്കാൻ; മുൻ ഭാര്യയ്ക്ക് മാത്രമേ നൽകൂവെന്ന് പറഞ്ഞത് വൈരാഗ്യമുണ്ടാക്കി; പൾസർ സുനിയുടെ വെളിപ്പെടുത്തലുകളുടെ വഴിയേ നടിയുടെ മൊഴിയും; നടിയെ ആക്രമിച്ച കേസ് അന്വേഷണം ബംഗളുരുവിലെ ഭൂമി ഇടപാടുകളിലേക്ക്
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു