Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202415Wednesday
ഹോം സൈടെൿ ശാസ്ത്രം

ഇന്നലെ നമ്മുടെ ഭൂമി രക്ഷപ്പെട്ടത് തലനാരിഴയ്ക്ക്; ചന്ദ്രന്റെ ഭ്രമണപഥത്തിൽനിന്നും പാതിയോളം യാത്ര ചെയ്ത് ഭൂമിക്ക് തൊട്ടടുത്തുകൂടി കടന്നുപോയത് നൂറടിയോളം വലിപ്പമുള്ള കൂറ്റൻ ഉൽക്ക; എല്ലാവരുടെയും കണ്ണുവെട്ടിച്ചുള്ള യാത്രയിൽ നടുങ്ങി ശാസ്ത്രജ്ഞർ

January 10, 201708:11 AM IST Permalink
ഇന്നലെ നമ്മുടെ ഭൂമി രക്ഷപ്പെട്ടത് തലനാരിഴയ്ക്ക്; ചന്ദ്രന്റെ ഭ്രമണപഥത്തിൽനിന്നും പാതിയോളം യാത്ര ചെയ്ത് ഭൂമിക്ക് തൊട്ടടുത്തുകൂടി കടന്നുപോയത് നൂറടിയോളം വലിപ്പമുള്ള കൂറ്റൻ ഉൽക്ക; എല്ലാവരുടെയും കണ്ണുവെട്ടിച്ചുള്ള യാത്രയിൽ നടുങ്ങി ശാസ്ത്രജ്ഞർ

നമ്മളറിയാതെ വലിയ ദുരന്തങ്ങളിൽനിന്ന് നാം രക്ഷപ്പെടാറുണ്ട്. അടുത്തിടെ അത്തരമൊരു ദുരന്തം തൊട്ടരികിലൂടെ കടന്നുപോയി. പത്തുനില കെട്ടിടത്തിന്റെ വലിപപ്പമുള്ള വലിയൊരു ക്ഷുദ്രഗ്രഹം ഭൂമിക്കരികിലൂടെ പറന്നുപോയത് അത്തരത്തിലൊരു രക്ഷപ്പെടലാണ്. 2017 എജി 13 എന്ന് പേരുള്ള ക്ഷുദ്രഗ്രഹമാണ് 120,000 മൈൽ അകലെക്കൂടി പോയത്.

ശനിയാഴ്ചയായിരുന്നു ഈ രക്ഷപ്പെടൽ. അരിസോണ സർവകലാശാലയുടെ കാറ്റലിന സ്‌കൈ സർവേയിലാണ് ക്ഷുദ്രഗ്രഹത്തിന്റെ സാമീപ്യം തിരിച്ചറിഞ്ഞത് 50 മുതൽ 111 അടിവരെ വലിപ്പമുള്ള ക്ഷുദ്രഗ്രഹമാണിതെന്ന് ഗവേഷകർ കണ്ടെത്തി. ഭൂമിയെ കടന്നുപോകുമ്പോൾ സെക്കൻഡിൽ 0.9 മൈൽ ആയിരുന്നു വേഗം (സെക്കൻഡിൽ 16 കിമി).

ഇത്രയും വലിപ്പമുള്ള ക്ഷുദ്രഗ്രഹം ഭൂമിയിൽവന്നിടിച്ചാൽ ഹിരോഷിമയിൽ വീണ അണുബോംബിനെക്കാൾ ഡസൻകണക്കിനിരട്ടി ആഘാതമായിരിക്കും അതുണ്ടാക്കുക. വലിയൊരു പ്രദേശം അപ്പാടെ ഇല്ലാതാകും. ഇത്രയും വലിയ ക്ഷുദ്രഗ്രഹത്തിന്റെ സാമീപ്യം തിരിച്ചറിയാൻ വൈകിയതാണ് ഗവേഷകരെ കുഴക്കുന്നത്. ഒരു ദിവസം മുമ്പ് മാത്രമാണ് ഭൂമിക്കുനേരെ ഇത്തരമൊരു ക്ഷുദ്രഗ്രഹം പാഞ്ഞുവരുന്നുണ്ടെന്ന് മനസ്സിലാക്കാനായത്.

വ്യാഴത്തിന്റെയും ഭൂമിയുടെയും ഭ്രമണപഥം കടന്നാണ് ഗ്രഹം യാത്ര ചെയ്തത്. 2013-ൽ റഷ്യയിലെ ചെല്യാബിൻസ്‌കിൽ പതിച്ചതുപോലൊരു ക്ഷുദ്രഗ്രഹമാണിതെന്നും ബഹിരാകാശ ഗവേഷകനായ എറിക് ഫീൽഡ്മാന് പറഞ്ഞു. ഇതിന്റെ അപകടം ഒഴിഞ്ഞിട്ടില്ലെന്നാണ് അദ്ദേഹം പറയുന്നത്. ഇക്കൊല്ലം ഡിസംബർ 27-ന് അതുവീണ്ടും ഭൂമിയുടെ ഭ്രമണപഥത്തിനരികിലൂടെ കടന്നുപോകും.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP