1 usd = 64.88 inr 1 gbp = 90.81 inr 1 eur = 79.90 inr 1 aed = 17.67 inr 1 sar = 17.30 inr 1 kwd = 216.66 inr

Feb / 2018
23
Friday

അത്യുഗ്രൻ നൃത്തച്ചുവടുമായി കത്രീനാ കൈഫും രൺവീർ സിംഗും; ചാമ്പ്യൻസ് ഗാനവുമായി ബ്രാവോ: ഐപിഎൽ പൂരത്തിന് പൂരക്കാഴ്‌ച്ചയോടെ കൊടിയേറ്റം

April 09, 2016 | 06:30 AM | Permalink



സ്വന്തം ലേഖകൻ

മുംബൈ: മഴയൊഴിഞ്ഞ് വറുതിയിൽ പൊരിയുന്ന മഹാരാഷ്ട്രയിൽ ഇനി ഐ.പി.എൽ മഴക്കാലം. മൈതാനങ്ങളിൽ ഇനി ക്രിക്കറ്റിന്റെ പേമാരി പെയ്തിറങ്ങും. ജനങ്ങൾ വരൾച്ച മൂലം ബുദ്ധിമുട്ടുമ്പോൾ നിങ്ങൾ ക്രിക്കറ്റ് കളിക്കുകയാണോ എന്ന കോടതിയുടെ ചോദ്യം ആദ്യം അല്പം നിറം കെടുത്തിയെങ്കിലും ഐ.പി.എല്ലിന്റെ കൊടിയേറ്റം നിറങ്ങളുടെ പൂരക്കാഴ്ചയായി. ഇന്നലെ വരെ ഒരേ മനസ്സോടെ പോരാടിയവർ ഇനി തമ്മിൽ ഏറ്റുമുട്ടും.

ഐ.പി.എൽ കണ്ടതിൽ വച്ച് ഏറ്റവും പ്രൗഢമായ ഉദ്ഘാടന ചടങ്ങായിരുന്നു ഇന്നലത്തേത്. ബോളിവുഡ് താരങ്ങളായ ജാക്വലിൻ ഫെർണാണ്ടസും, കത്രീന കൈഫും, രൺവീർ സിങും, ഹണി സിങും പൊടി പാറിച്ച വേദിയിൽ തന്റെ ചാമ്പ്യൻസ് ഗാനവുമായി വെസ്റ്റ് ഇൻഡീസ് താരം ഡൈ്വൻ ബ്രാവോയും ചേർന്നതോടെ ആവേശം പരകോടിയിലെത്തി.

2008ൽ ആരംഭിച്ചതിനു ശേഷം ഒത്തുകളികളും, വാതുവയ്പുകളും ആഴിമതി ആരോപണങ്ങളും കൊണ്ട് സംഭവ ബഹുലമായിരുന്നു ഐ.പി.എൽ ചരിത്രം. ഒടുവിൽ രണ്ട് ടീമുകളുടെ പുറത്താകലിൽ വരെയെത്തി കാര്യങ്ങൾ. ഇതിനൊക്കെ ശേഷമുള്ള ടൂർണമെന്റ് എന്ന നിലയിൽ പ്രത്യേകതകൾ ഏറെയാണ് ഇത്തവണ ഐ.പി.എല്ലിന്. വാതുവയ്പ് വിവാദത്തെത്തുടർന്നു ചെന്നൈ സൂപ്പർ കിങ്‌സ്, രാജസ്ഥാൻ റോയൽസ് എന്നീ ടീമുകളുടെ സ്ഥാനത്ത് പുതിയ രണ്ടു ടീമുകളുണ്ട്; ഗുജറാത്ത് ലയൺസും റൈസിങ് പൂണെ സൂപ്പർജയന്റ്‌സും. കഴിഞ്ഞ എട്ടു സീസണുകളിലും ചെന്നൈയെ നയിച്ച ഇന്ത്യൻ ക്യാപ്റ്റൻ എം.എസ്.ധോണിയാണു നായകൻ. ജഴ്‌സി മാറിയെത്തുന്ന ചെന്നൈയാണ് പുണെ എന്നു വേണമെങ്കിൽ പറയാം. കോച്ചും പഴയ ആളു തന്നെ, സ്റ്റീഫൻ ഫ്‌ലെമിങ്. ഗുജറാത്ത് ലയൺസിനെ നയിക്കുന്നത് സുരേഷ് റെയ്‌നയാണ്.

എട്ടു ടീമുകൾക്കായി പത്തു വേദികളാണുള്ളത്. പുണെയിലെ മഹാരാഷ്ട്ര ക്രിക്കറ്റ് അസോസിയേഷൻ സ്റ്റേഡിയമാണ് റൈസിങ് സൂപ്പർ ജയന്റ്‌സിന്റെ ഹോം ഗ്രൗണ്ട്. രാജ്‌കോട്ടിലെ സൗരാഷ്ട്ര ക്രിക്കറ്റ് അസോസിയേഷൻ സ്റ്റേഡിയം ഗുജറാത്ത് ലയൺസിനു സ്വന്തം. ഡൽഹി ഡെയർ ഡെവിൾസിന്റെ രണ്ടു കളികൾ റായ്പൂരിലെ ശഹീദ് വീർ നാരായൺ സിങ് രാജ്യാന്തര സ്റ്റേഡിയത്തിലും കിങ്‌സ് ഇലവൻ പഞ്ചാബിന്റെ മൂന്നു മൽസരങ്ങൾ നാഗ്പൂരിലെ വിദർഭ ക്രിക്കറ്റ് അസോസിയേഷൻ സ്റ്റേഡിയത്തിലും നടക്കും. ബാക്കിയെല്ലാം പതിവുപോലെ. ഗ്രൂപ്പ് ഘട്ടത്തിൽ മുന്നിലെത്തുന്ന നാലു ടീമുകൾ പ്ലേഓഫിലേക്കു യോഗ്യത നേടും. ഒരു എലിമിനേറ്ററിനും രണ്ടും ക്വാളിഫയർ മൽസരങ്ങൾക്കുംശേഷമാണ് ഫൈനൽ.

ടീമുകൾ ഇങ്ങനെ: ചെന്നൈ സൂപ്പർ കിങ്‌സും രാജസ്ഥാൻ റോയൽസും ചീഞ്ഞതാണ് ഗുജറാത്ത് ലയൺസിനു വളമായത്. ക്യാപ്റ്റൻ സുരേഷ് റെയ്‌ന, രവീന്ദ്ര ജഡേജ, ബ്രണ്ടൻ മക്കല്ലം, ജയിംസ് ഫോക്‌നർ, ഡ്വെയ്ൻ ബ്രാവോ എന്നിവരെല്ലാം ട്വന്റി20 ഫോർമാറ്റിൽ പരിചയസമ്പന്നർ. ബാറ്റിങ്ങിൽ റെയ്‌നക്കും മക്കല്ലത്തിനും കൂട്ടായി ആരോൺ ഫിഞ്ച്, ഡ്വെയ്ൻ സ്മിത്ത് എന്നിവരുമുണ്ട്. ഡെയ്ൽ സ്റ്റെയ്ൻ നയിക്കുന്ന ബോളിങ് നിരയിൽ ഐപിഎലിൽ മികച്ച റെക്കോർഡുള്ള ഇന്ത്യൻ താരങ്ങൾ പ്രവീൺ കുമാർ, ധവാൽ കുൽക്കർണി എന്നിവരുമുണ്ട്.

ധോണിയുടെ ടീം എന്നതാണ് റൈസിങ് പുണെ സൂപ്പർ ജയന്റ്‌സിന്റെ മേൽവിലാസം. ചെന്നൈ ടീമിൽ ഒപ്പമുണ്ടായിരുന്ന പല താരങ്ങളും ധോണിക്കൊപ്പമുണ്ട്. ഓസ്‌ട്രേലിയൻ ക്യാപ്റ്റൻ സ്റ്റീവൻ സ്മിത്ത്, കെവിൻ പീറ്റേഴ്‌സൺ, അജിങ്ക്യ രഹാനെ എന്നിവരെല്ലാം ധോണിക്കു വിശ്വസിക്കാവുന്ന ബാറ്റ്‌സ്മാന്മാർ. ഇന്ത്യൻ ടീമിലും ചെന്നൈ ടീമിലും ധോണിയുടെ വിശ്വസ്തനായ രവിചന്ദ്ര അശ്വിൻ നയിക്കുന്ന ബോളിങ് നിരയിൽ ഇഷാന്ത് ശർമ, ആർ. പി. സിങ്, ഇർഫാൻ പത്താൻ തുടങ്ങിയ ഇന്ത്യൻ താരങ്ങളും ആദം സാംപ, ആൽബി മോർക്കൽ, തിസര പെരേര എന്നീ വിദേശ താരങ്ങളുമുണ്ട്.

കഴിഞ്ഞ ഐപിഎൽ ജയിച്ച അതേ ടീംതന്നെയാണ് ഏകദേശം മുംബൈ ഇന്ത്യൻസിന്റേത്. ക്യാപ്റ്റൻ രോഹിത് ശർമ മുന്നിൽ നിന്നു നയിക്കുന്ന ബാറ്റിങ് നിരയിൽ ലോകകപ്പ് ഹീറോ ലെൻഡൽ സിമൺസ്, ഇന്ത്യൻ താരങ്ങളായ അമ്പാട്ടി റായുഡു, ഉന്മുക്ത് ചന്ദ് എന്നിവർ പ്രധാനികൾ. ബോളിങ് നിര അതിഗംഭീരം ലസിത് മലിംഗ, ജസ്പ്രീത് ബുംറ, മിച്ചൽ മക്ലീനഘൻ, ടിം സൗത്തി, ഹർഭജൻ സിങ്. കീറോൺ പൊള്ളാർഡ്, കോറി ആൻഡേഴ്‌സൺ, ഹാർദിക് പാണ്ഡ്യ എന്നിവർ ഓൾറൗണ്ടർമാർ.

വീരേന്ദർ സേവാഗ് പോയതിനുശേഷം പഞ്ചാബ് സൂപ്പർ കിങ്‌സിന്റെ പേരിലെ പ്രതാപം ഒട്ടു കുറഞ്ഞു. ദക്ഷിണാഫ്രിക്കൻ താരം ഡേവിഡ് മില്ലറാണു ക്യാപ്റ്റൻ. മില്ലർ ഉൾപ്പെടെ ഏഴു വിദേശതാരങ്ങൾ മാത്രം. മുരളി വിജയ്, ഷോൺ മാർഷ്, മാർക്കസ് സ്റ്റോയിനിസ്, മനൻ വോറ എന്നിവരാണു ബാറ്റിങ്ങിലെ പ്രധാനികൾ. പക്ഷേ, പഞ്ചാബിന്റെ ഐക്കൺ താരം മറ്റൊരാളാണ് ഓസ്‌ട്രേലിയൻ താരം ഗ്ലെൻ മാക്‌സ്വെൽ. പഞ്ചാബ് ഫൈനൽ കളിച്ച 2014 ഐപിഎലിന്റെ താരമായിരുന്നു മാക്‌സ്വെൽ. ബോളിങ്ങിൽ മിച്ചൽ ജോൺസൺ, മോഹിത് ശർമ, അക്ഷർ പട്ടേൽ എന്നിവർ. ഓൾറൗണ്ടർമാരായി മില്ലർ, മാക്‌സ്വെൽ, ഗുർകീറത് സിങ്.

മെന്ററായി രാഹുൽ ദ്രാവിഡിന്റെ സാന്നിധ്യമാണ് ഡൽഹി ഡെയർ ഡെവിൾസിനെ ശ്രദ്ധേയമാക്കുന്നത്. രാജ്യാന്തര ക്രിക്കറ്റിലെ പരിചയസമ്പത്തും യുവത്വത്തിന്റെ ചോരത്തിളപ്പും ഡൽഹിയുടെ ടീമിൽ കാണാം. ഇന്ത്യൻ പേസ് ബോളർ സഹീർ ഖാനാണ് ക്യാപ്റ്റൻ. ക്വിന്റൺ ഡികോക്ക്, ജെ. പി. ഡുമിനി, ക്രിസ് മോറിസ്, ഇമ്രാൻ താഹിർ എന്നിവർ ഇന്ത്യൻ സാഹചര്യങ്ങളിൽ ചിരപരിചിതർ. മായങ്ക് അഗർവാൾ, ശ്രേയസ് അയ്യർ, ഋഷഭ് പന്ത്, സഞ്ജു സാംസൺ എന്നിവർ പേരുറപ്പിക്കാൻ വെമ്പുന്നവർ. എല്ലാവരും ഉറ്റുനോക്കുന്ന ഒരാളുമുണ്ട് ടീമിൽ ലോകകപ്പ് ഫൈനലിൽ തുടരെ നാലു സിക്‌സുമായി വിൻഡീസിനെ വിജയത്തിലെത്തിച്ച കാർലോസ് ബ്രാത്വെയ്റ്റ്.

വിരാട് കോഹ്ലി, ക്രിസ് ഗെയ്ൽ, എ. ബി. ഡിവില്ലിയേഴ്‌സ്, ഷെയ്ൻ വാട്‌സൺ ബാംഗ്ലൂർ റോയൽ ചലഞ്ചേഴ്‌സിനു മറ്റെന്തു പരിചയപ്പെടുത്തൽ വേണം! ഐപിഎലിലെ ഏറ്റവും താരമൂല്യമുള്ള ടീം. കോഹ്ലിയാണു ക്യാപ്റ്റൻ. കേദാർ യാദവ്, മൻദീപ് സിങ്, സർഫ്രാസ് ഖാൻ തുടങ്ങിയ ഇന്ത്യൻ യുവനിര പിന്നാലെയുണ്ട്. മിച്ചൽ സ്റ്റാർക്ക് പേസ് നിരയെയും സാമുവൽ ബദ്രി സ്പിൻ നിരയെയും നയിക്കുന്നു. വാട്‌സണു പുറമേ ഓൾറൗണ്ടറായി സ്റ്റുവർട്ട് ബിന്നിയുമുണ്ട്. സച്ചിൻ ബേബി ടീമിലെ മലയാളി സാന്നിധ്യം. താരാധിക്യമുള്ള ടീമിൽ ബേബിക്കു കളിക്കാൻ അവസരം കിട്ടിയാൽ ഭാഗ്യം.

താരങ്ങൾക്കു കുറവില്ല ഹൈദരാബാദിലും. ഇന്ത്യൻ ഓപ്പണർ ശിഖർ ധവാനാണ് ക്യാപ്റ്റൻ. ലോകകപ്പിലെ മോശം ഫോമിനെത്തുടർന്ന് ഇന്ത്യൻ ടീമിലെ ഇടം വെല്ലുവിളിയായ ധവാന് ഈ ഐപിഎൽ നിർണായകം. ഡേവിഡ് വാർണർ, കെയൻ വില്യംസൺ, ഓയിൻ മോർഗൻ എന്നിവർ പുകൾപെറ്റ വിദേശതാരങ്ങൾ. ബോളിങ്ങിലെ നായകൻ ഇന്ത്യൻ ടീമിലേക്കു ശക്തമായ തിരിച്ചുവരവു നടത്തിയ ആശിഷ് നെഹ്‌റ. ട്രെന്റ് ബോൾട്ട്, ഭുവനേശ്വർ കുമാർ, മുസ്തഫിസുർ റഹ്മാൻ എന്നിവർ ഒപ്പം. ഓൾറൗണ്ടറായി യുവരാജ് സിങ്ങും മോയ്‌സെസ് ഹെന്റിക്വെസും. ബരീന്ദർ സ്രാൻ, ദീപക് ഹൂഡ തുടങ്ങിയ യുവതാരങ്ങളും പ്രതീക്ഷ നൽകുന്നു.

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
സൈലന്റ് വാലിയിലെത്തുന്ന കമിതാക്കളെ ഭീഷണിപ്പെടുത്തും; ദേശീയോദ്യാനത്തിൽ വരുന്നവരെ സദാചാരവും പഠിപ്പിക്കും; സാധനങ്ങൾ വിൽക്കാനെത്തുന്ന അന്യനാട്ടുകാരെ കുട്ടികളെ പിടിത്തക്കാരാക്കി പീഡിപ്പിച്ച് രസിക്കും; മധുവിനെ ജീവിക്കുന്ന കാട്ടിൽ നിന്ന് പിടിച്ചിറക്കി കൊണ്ടുവന്നതും ഈ കൂട്ടായ്മ തന്നെ; മോഷണക്കുറ്റത്തിന് ആദിവാസി യുവാവിനെ തല്ലിചതച്ചത് കവലയിലിട്ടും; അട്ടപ്പാടിയിലെ ക്രൂര കൊലയ്ക്ക് പിന്നിൽ മുക്കാലി ഡ്രൈവേഴ്‌സ് ഇഡിസി അംഗങ്ങൾ തന്നെ
വി എസ് സ്റ്റെപ് തെറ്റി വീഴുമെന്ന് തോന്നിയപ്പോൾ ഞാൻ ഓടിച്ചെന്നു....; അടുത്തെത്തിയതും ഒരു പൊട്ടിത്തെറി; തന്നോട് ആരാടോ ഇങ്ങോട്ട് വരാൻ പറഞ്ഞത് കടക്കു പുറത്ത്...; ഏതു ആക്രോശത്തിലും പതറാതെ വി എസിനൊപ്പവും നിലപാടിനൊപ്പവും നിൽക്കുക എന്ന കമ്മ്യൂണിസ്റ്റ് ബോധമാണ് എന്നെ പിന്തിപ്പിക്കാതിരുന്നത്;ഒരു സംസ്ഥാന സമ്മേളത്തിന്റ വിങ്ങുന്ന സ്മരണ......; വിഎസിന്റെ പേഴ്‌സൺ സ്റ്റാഫ് അംഗമായിരുന്ന സുരേഷ് കുറിക്കുന്നത് ഇങ്ങനെ
അമ്മയില്ലാത്ത പന്ത്രണ്ടുകാരിയെ പീഡിപ്പിച്ചത് അതിക്രൂരമായി; പൊലീസുകാർ കണ്ണടച്ചപ്പോൾ പ്രതിയാകാതെ വീണ്ടും സൗദിയിലെ മർച്ചന്റ് നേവിയിൽ ജോലിക്കെത്തി; ചുമട്ടു തൊഴിലാളിയായ അച്ഛനെ ധിക്കരിച്ച് കോളനികളിൽ അന്തിയുറങ്ങിയ മകൻ; അനാശാസ്യവും മദ്യപാനവും അവധിക്കാലത്തെ വിനോദവും; കുറ്റിച്ചലിൽ അദ്ധ്യാപികയെ ആസിഡ് ഒഴിച്ചതുകൊടുംക്രിമിനൽ; പിടിയിലായ സുബീഷ് സൗദി മർച്ചന്റ് നേവിയിലെ സീമാൻ
സോഫിയ കുറ്റം ചെയ്തിട്ടില്ലെന്ന് വിശ്വസിക്കാനായിരുന്നു ഞങ്ങൾക്ക് ആദ്യം ഇഷ്ടം; ഞങ്ങൾ അത്രമേൽ സ്‌നേഹിച്ച പെണ്ണായിട്ടും ഈ കൊടുംക്രൂരത കാട്ടിയല്ലോ! അവൾക്ക് അവനെ വേണ്ടെങ്കിൽ ഇട്ടേച്ചങ്ങ് പോയാൽ പോരായിരുന്നോ? ഇനി സോഫിയയും അരുണും പുറംലോകം കാണരുതെന്നാണ് ഞങ്ങളുടെ ആഗ്രഹം; സാം എബ്രഹാം വധക്കേസിൽ പ്രതികരണവുമായി പിതാവ് സാമുവൽ എബ്രഹാം
ആ രക്തത്തിൽ പൊലീസിനും പങ്കുണ്ട്; മധുവിനെ നാട്ടുകാർ തല്ലി ചതച്ചത് പൊലീസിൽ നിന്നും കിട്ടിയ ഉറപ്പിന്റെ ബലത്തിൽ; നാട്ടുകാർക്ക് പുറമെ ജീപ്പിൽ വെച്ച് പൊലീസും മധുവിനെ മർദ്ദിച്ചതായി സൂചന; മധുവിനെ പൊലീസ് മാവോയിസ്റ്റായി ചിത്രികരിച്ചിരുന്നതായും റിപ്പോർട്ട്; അദിവാസികളല്ലാത്തവർക്ക് വനത്തിൽ കയറാൻ വനംവകുപ്പധികൃതരുടെ അനുമതി വേണമെന്നിരിക്കെ വനത്തിൽ കയറി മധുവിനെ പൊക്കാൻ പൊതുജനത്തിന് ആരാണ് അനുമതി നൽകിയത്?
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ
സ്വർണ്ണാഭരണം മോഷണം പോയെന്നത് കള്ളക്കഥ; ലൈംഗിക ബന്ധത്തിൽ ഏർപ്പെട്ടത് ഉഭയസമ്മത പ്രകാരവും; പരാതിക്കിടയാക്കിയ അഭിപ്രായ ഭിന്നതിയിൽ വികാരിക്കും ബംഗ്ലാദേശിനിക്കും മിണ്ടാട്ടമില്ല; സിംബാബ് വേക്കാരേയും ചോദ്യം ചെയ്‌തേക്കും; പരാതിക്കാരി ഉറച്ചു നിന്നാൽ അച്ചൻ കുടുങ്ങും; പള്ളി മേടിയിലെ പീഡനത്തിൽ നിറയുന്നത് ഹണിട്രാപ്പ് തന്നെ; ഫാ തോമസ് താന്നിനിൽക്കും തടത്തിൽ ഊരാക്കുടുക്കിൽ
ബൈബിളിനകത്തു കണ്ട 'രാഖി' സത്യം പറഞ്ഞു; സ്വകാര്യ സ്‌കൂൾ അദ്ധ്യാപികയെ ആസിഡൊഴിച്ച് ആക്രമിച്ചത് പ്രണയം മൂത്ത്; വിരൂപിയായാൽ അന്യമതക്കാരിയെ തനിക്ക് തന്നെ സ്വന്തമാക്കാമെന്ന് മർച്ചന്റ് നേവിക്കാരൻ സ്വപ്നം കണ്ടു; കപ്പലിൽ ഉപയോഗിക്കുന്ന ആസിഡുമായി സൗദിയിൽ നിന്നെത്തിയത് കല്ല്യാണം മുടക്കാൻ; കുറ്റിച്ചലിലെ ആസിഡ് ആക്രമണത്തിൽ പരുത്തിപ്പള്ളിക്കാരൻ സുബീഷ് വേണുഗോപാൽ അറസ്റ്റിൽ; പ്രതിയിലേക്ക് പൊലീസെത്തിയത് സമർത്ഥമായ നീക്കങ്ങളിലൂടെ
ഫയൽ ഒപ്പിട്ടശേഷം, അടുത്ത നിമിഷം മന്ത്രി എന്നെ ചുംബിച്ചു; ഒരു നിമിഷം ഞെട്ടുകയും ആഴക്കടലിൽ പെട്ടെന്നവണ്ണം ഉലയുകയും ചെയ്തു; ഒച്ചവച്ച് ആളെക്കൂട്ടാനുള്ള അവിവേകം എനിക്കുണ്ടായില്ല; വൈപ്‌സ് കൊണ്ട് കൈ തുടച്ച് നീരസം പ്രകടിപ്പിച്ച് ഞാനിറങ്ങിപ്പോന്നു; സെക്രട്ടറിയേറ്റിലെ ഓഫീസിൽ വെച്ച് മന്ത്രിയിൽ നിന്നും ലൈംഗികാതിക്രമം നേരിടേണ്ടി വന്നത് ഫേസ്‌ബുക്കിൽ എഴുതി മുൻ പിആർടി ഉദ്യോഗസ്ഥ
സാം എബ്രഹാമിനെ കൊന്നത് ഭാര്യയും കാമുകനും ചേർന്ന് തന്നെ; സോഫിയയും അരുൺ കമലാസനനും കുറ്റക്കാരെന്ന് കണ്ടെത്തി കോടതി; വികാരരഹിതനായി വിധി കേട്ട് ഒന്നാം പ്രതി; സോഫിയ വിധി കേട്ടതും ജയിലിലേക്ക് മടങ്ങിയതും പൊട്ടിക്കരഞ്ഞ്; ശാസ്ത്രീയ തെളിവുകൾ പരിശോധിച്ച് കോടതി നിഗമനത്തിലെത്തിയത് 14 ദിവസത്തെ വിചാരണയ്‌ക്കൊടുവിൽ; മെൽബണെ ഞെട്ടിച്ച മലയാളി കൊലയിൽ ശിക്ഷ തീരുമാനിക്കാനുള്ള വാദം അടുത്ത മാസം 21ന് തുടങ്ങും
രാകേഷ് എങ്ങനെ ഡയസിലിക്കുന്നുവെന്ന് മന്ത്രി ബാലനോട് ചോദിച്ചത് പാച്ചേനി; സിപിഎം പ്രതിനിധിയായെന്ന് ജയരാജൻ നൽകിയ മറുപടി തിരിച്ചടിച്ചു; ജനപ്രതിനിധികളെ വിളിച്ചിട്ടില്ലല്ലോ എന്ന ചോദ്യത്തിന് മുന്നിൽ മന്ത്രിമാർ പതറി; കെസി ജോസഫിനേയും സണ്ണി ജോസഫിനേയും കെഎം ഷാജിയേയും എത്തിച്ച് യുഡിഎഫിന്റെ മിന്നൽ ആക്രമണവും; സമാധാന ചർച്ച പൊളിഞ്ഞത് ഭരണക്കാരുടെ പിടിപ്പുകേടിൽ
രാമചന്ദ്രന് ജാമ്യം നിന്നത് സുഷമാ സ്വരാജ് തന്നെ; ചർച്ചകൾക്ക് നേതൃത്വം നൽകിയത് ദുബായിലെ ഇന്ത്യൻ അംബാസിഡർ; മോചനത്തിനായി അഹോരാത്രം പണിയെടുത്തത് ദുബായിലെ ബിജെപി എൻആർഐ സെൽ നേതാവ്; ഷെട്ടിയുടെ 100 മില്ല്യണും തുണയായി; ഇനി സെറ്റിൽ ചെയ്യാൻ അവശേഷിക്കുന്നത് ഡൽഹിക്കാരന്റെ കടം മാത്രം; എല്ലാവരും കൈവിട്ടു ജയിലിൽ കഴിഞ്ഞ അറ്റ്‌ലസ് രാമചന്ദ്രനെ ഇന്ത്യ നേരിട്ട് പുറത്തിറക്കുന്നത്‌ ഇങ്ങനെ
ഓഡി കാർ വാങ്ങാനായി 53ലക്ഷവും ഇന്ത്യയിലും യുഎയിലും നേപ്പാളിലും ബിസിനസ് തുടങ്ങാൻ 7.7കോടിയും അടക്കം 13 കോടി കൈപ്പറ്റി ദുബായിൽ നിന്നും മുങ്ങി; പണം തിരിച്ചു പിടിക്കാൻ നടത്തിയ നീക്കങ്ങൾ എല്ലാം പരാജയപ്പെട്ടപ്പോൾ പരാതിയുമായി രംഗത്ത്; ഇന്റർപോളിന്റെ സഹായത്തോടെ പിടിക്കുമെന്നായപ്പോൾ ഒത്തുതീർപ്പ് ചർച്ചകളുമായി നെട്ടോട്ടം; ഉന്നതനായ സിപിഎം നേതാവിന്റെ മകനെന്ന് മനോരമ പറയുന്നത് കോടിയേരിയുടെ മകനെ കുറിച്ചെന്ന് റിപ്പോർട്ടുകൾ
ഉറക്കത്തിൽ ആരോ ചുണ്ടിൽ സ്പർശിക്കുന്നതായി തോന്നി; ഞെട്ടി ഉണർന്ന് ബഹളം വച്ചിട്ടും ആരും സഹായിച്ചില്ല; പ്രതികരണവും പ്രതിഷേധവും ഫേസ്‌ബുക്കിൽ മാത്രം; കൺമുന്നിൽ ഒരു പെൺകുട്ടി ആക്രമിക്കപ്പെട്ടാൽ ആരും തിരിഞ്ഞ് നോക്കില്ല; സിനിമയിലെ സുഹൃത്തുക്കൾ മാത്രമാണ് പൊലീസിനെ വിളിക്കാനും പിടികൂടാനും സഹായിച്ചത്: മാവേലി യാത്രയിലെ ദുരനുഭവം മറുനാടനോട് വിവരിച്ച് സനൂഷ
പതിമൂന്ന് കോടിയുടെ തട്ടിപ്പ് കേസിൽ കുടുങ്ങി ദുബായിൽ നിന്ന് മുങ്ങിയത് കോടിയേരിയുടെ മകൻ തന്നെ; പ്രതിസ്ഥാനത്തുള്ളത് ബിനീഷിന്റെ സഹോദരൻ ബിനോയ്; രവി പിള്ളയുടെ വൈസ് പ്രസിഡന്റ് മുങ്ങിയത് ദുബായ് പൊലീസ് അഞ്ച് ക്രിമിനൽ കേസ് രജിസ്റ്റർ ചെയ്തപ്പോൾ; പാർട്ടി സെക്രട്ടറിയുടെ മൂത്തമകനെ രക്ഷിക്കാൻ മുതലാളിമാർ പണം മുടക്കാത്തത് പിണറായിയുടെ പച്ചക്കൊടി കിട്ടാത്തതിനാൽ; പരാതി ഗൗരവമായെടുത്ത് സിപിഎം കേന്ദ്ര നേതൃത്വം
മോഹൻലാലിനെ കാത്തിരിക്കുന്ന പ്രശ്‌നങ്ങൾ കിറുകൃത്യമായി പറഞ്ഞു; ദിലീപിന്റെ സമയം വെളിപ്പെടുത്തലും ശരിയായി; ഇപ്പോൾ കോടിയേരി ബാലകൃഷ്ണൻ കുടുംബത്താൽ ദുഃഖിക്കുന്നുവെന്ന പ്രവചനവും ഫലിച്ചു; 'ആസ്വാമി' എന്ന് വിളിച്ചു പുച്ഛിച്ച മലയാളികൾ ഇപ്പോൾ 'അയ്യോസ്വാമി എന്നായി വിളി; സ്വാമി ഭദ്രാനന്ദ ഭാവി പറയുന്നതിലെ കൃത്യത ചർച്ചയാക്കി സോഷ്യൽ മീഡിയ
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ