1 aed = 17.58 inr 1 eur = 70.41 inr 1 gbp = 82.56 inr 1 kwd = 211.28 inr 1 sar = 17.22 inr 1 usd = 64.32 inr
Apr / 2017
29
Saturday

സന്തോഷ് ട്രോഫി രണ്ടാം ദിനത്തിൽ സർവീസസിനും തമിഴ്‌നാടിനും തകർപ്പൻ ജയം; സർവീസസിന്റെ ഗോൾ വർഷത്തിൽ തെലങ്കാന മുങ്ങി (7-0); കന്നിയങ്കത്തിൽ ലക്ഷദ്വീപ് തമിഴ്‌നാടിനോട് പൊരുതി വീണു (20); ഇന്ന് പോണ്ടിച്ചേരി കർണ്ണാടകയെയും കേരളം ആന്ധ്രയെയും നേരിടും

January 07, 2017 | 06:32 AM | Permalink



കെ സി റിയാസ്

കോഴിക്കോട്: സന്തോഷ് ട്രോഫി സൗത്ത് സോൺ യോഗ്യതാ റൗണ്ടിന്റെ രണ്ടാം ദിനത്തിൽ നിലവിലുള്ള ചാംമ്പ്യന്മാരായ സർവീസസിനും കരുത്തരായ തമിഴ്‌നാടിനും തിളക്കമാർന്ന ജയം. ഇന്നലെ ഉച്ചയ്ക്കു നടന്ന ആദ്യ കളിയിൽ തെലുങ്കാനയെ ഏകപക്ഷീയമായ ഏഴു ഗോളുകൾക്കു തറപറ്റിച്ചാണ് സർവീസസ് തങ്ങളുടെ കരുത്തറിയിച്ചത്. വൈകീട്ട് നടന്ന രണ്ടാം മത്സരത്തിൽ കടലാസിൽ താരതമ്യേന ദുർബലരാണെന്നു വിലയിരുത്തപ്പെട്ട സന്തോഷ് ട്രോഫിയിലെ കന്നി ടീമായ ലക്ഷദ്വീപിനെ എതിരില്ലാത്ത രണ്ടു ഗോളുകൾക്കു തകർത്താണ് തമിഴ്‌നാട് മാനം കാത്തത്.

തെലുങ്കാന ഗോളിയുടെ തകർപ്പൻ സേവുകൾ കൂടി ഇല്ലായിരുന്നുവെങ്കിൽ സർവീസസിന്റെ ഗോൾ പട്ടികയുടെ സ്ഥിതി മറ്റൊന്നാകുമായിരുന്നു. ആദ്യ പകുതിയുടെ അവസാന നിമിഷങ്ങളിലാണ് സർവീസസ് ആദ്യ ഗോളിലൂടെ തെലങ്കാനയുടെ ചിറകരിഞ്ഞത്. പിന്നീടുള്ള ഒരു സെൽഫ് ടച്ച് ഗോൾ അടക്കം ആറു ഗോളുകളും പിറന്നത് രണ്ടാം പകുതിയിലാണ്.

സർവീസസിന്റെ മുന്നേറ്റനിരയിൽ പകരക്കാരായിറങ്ങിയ അർജുൻ ടുഡുവും മന്ദീപ് എസ് സിംഗും ഇരട്ട ഗോളുകൾ നേടിയപ്പോൾ മലയാളി താരങ്ങളായ ജെയ്ൻ, മുഹമ്മദ് ഇർഷാദ് എന്നിവരുടെ വകയായിരുന്നു മറ്റു രണ്ടു ഗോളുകൾ. ഒരു ഗോൾ മിഡ്ഫീൽഡർ ബ്രിട്ടോയുടെ ഷോട്ട് ക്ലിയർ ചെയ്യാനുള്ള തെലങ്കാന ഡിഫൻഡർ എ കെ ഭരതിന്റെ ശ്രമം വിഫലമായതിലൂടെ ലഭിച്ചതാണ്.

കളിയുടെ തുടക്കം മുതലെ ആക്രമിച്ചു കളിച്ച സർവ്വീസസിന് മുന്നിൽ പ്രതിരോധ ഭിത്തി കെട്ടാൻ ശ്രമിച്ച തെലങ്കാന പ്രത്യാക്രമണം പാടെ മറന്ന സ്ഥിതിയായിരുന്നു. ഗോൾക്കീപ്പർ ശ്രീകുമാറിന്റെ മികച്ച സേവുകളാണ് ആദ്യ പകുതിയുടെ അവസാന നിമിഷം വരെയും തെലങ്കാനയുടെ ആയുസ്സ് നീട്ടിക്കൊടുത്തത്. ഒന്നാം പകുതിയുടെ ഇഞ്ചുറി ടൈമിന്റെ മൂന്നാം മിനുറ്റിൽ മലയാളി താരം ജെയ്ൻ ആണ് സർവീസസിന്റെ ഗോൾവേട്ടയ്ക്ക് തുടക്കമിട്ടത്. കോർണർ കിക്കിൽ വൺ ടു, വൺ പാസിലുടെ ബോബി ചന്ദും പി ജെയ്നും നടത്തിയ നീക്കം തെലങ്കാന പ്രതിരോധത്തിന്റെ ആദ്യ വേരറുത്തു. ബോബി ചന്ദ് കോർണർ കിക്കിൽ നിന്ന് നൽകിയ ഷോർട്ട് പാസ് ജെയ്ൻ മറിച്ചുനൽകി പെനാൽറ്റി ബോക്സിനകത്തേക്ക് ഓടിയെത്തി. ഇടതുവിംഗിൽ നിന്ന് ലഭിച്ച പന്തുമായി മധ്യഭാഗത്തേക്ക് മുന്നേറിയ ബോബിയുടെ ബുള്ളറ്റ് ഷോട്ട് ഗോളിയുടെ കൈയ്ക്കുള്ളിലൂടെ ചോർന്നു. ബോക്സിനകത്തുണ്ടായിരുന്ന ജെയ്നിന് പന്ത് ഗോൾ ലൈനിനപ്പുറത്തേക്ക് തട്ടിയിടാൻ ഒട്ടും ആയാസപ്പെടേണ്ടിവന്നില്ല. (1-0)

രണ്ടാം പകുതിയുടെ രണ്ടാം മിനുറ്റിൽ മലയാളി താരം മുഹമ്മദ് ഇർഷാദ് സർവ്വീസസിന്റെ രണ്ടാം ഗോൾ കുറിച്ചു. പകരക്കാരനായി ഇറങ്ങിയ അർജുൻ ടുഡു പെനാൽറ്റി ബോക്സിനകത്തേക്ക് നീട്ടി നൽകിയ പാസ് കണക്ട് ചെയ്ത് ഇർഷാദ് വലയിലേക്ക് ഉതിർത്ത ഷോട്ട് ഗോളിക്ക് അവസരമൊന്നും നൽകാതെ വലയിൽ പതിച്ചു. (2-0). 62ാം മിനുറ്റിൽ മുഹമ്മദ് ആഖിബിന്റെ ക്രോസ് ഹെഡ്ഡറിലൂടെ തെലങ്കാനയുടെ വലയിലേക്ക് തിരിച്ചുവിട്ട് പകരക്കാരൻ അർജുൻ ടുഡു ടീമിന്റെ ഗോൾ നേട്ടം മൂന്നാക്കി. (3-0). 86ാം മിനുറ്റിൽ ബ്രിട്ടോയുടെ പാസ് കണക്ട് ചെയ്ത് പകരക്കാരൻ മൻദീപ് എസ് സിങ് ഉതിർത്ത ഷോട്ട് ഗോളിയുടെ കയ്യിൽ തട്ടി വലയുടെ വലതു മൂലയിലേക്ക് ഉരുണ്ടു കയറുകയായിരുന്നു.(4-0).

90ാം മിനുറ്റിൽ വലതു സിംഗിൽ നിന്നുള്ള ബ്രിട്ടോയുടെ ഷോട്ട് തട്ടിയകറ്റാനുള്ള തെലങ്കാന പ്രതിരോധനിരയിലെ ഭരതിന്റെ ശ്രമം പാളിയതാണ് പ്രഹരമുണ്ടാക്കിയത്. ഗോളി ശ്രീകുമാറിനെ തീർത്തും നിസ്സഹായനാക്കി പന്ത് വലയിൽ കയറി. (5-0). കളി ഇഞ്ചുറി ടൈമിന്റെ രണ്ട്, മൂന്ന് മിനുട്ടുകളിൽ എത്തിയപ്പോൾ മന്ദീപ് എസ് സിംഗും അർജുൻ ടുഡുവും തങ്ങളുടെ ക്വാട്ട തികച്ചതോടെ മത്സരം (7-0) അവസാന വിസിലിന് സമയമായിരുന്നു.

അതേസമയം. രണ്ടാമത്തെ മത്സരത്തിൽ ലക്ഷദ്വീപ് കർണ്ണാടകയോട് പൊരുതി വീഴുകയായിരുന്നു. ഒമ്പതാം മിനുറ്റിൽ ക്യാപ്റ്റൻ മുരുഗപ്പന്റെ ഫ്രീ കിക്കിൽ നിന്നുയർന്ന പന്ത് മനോഹരമായൊരു ഹെഡ്ഡറിലൂടെ തമിഴ്‌നാടിന്റെ മലയാളി താരം എസ് ഷിനു നെറ്റിന്റെ വലത് മൂലയിലേക്ക് ചെത്തിയിടുകയായിരുന്നു. (1-0). രണ്ടാം പകുതിയുടെ ഇഞ്ചുറി ടൈമിൽ കെ അജിത്കുമാറിന്റെ വകയായിരുന്നു തമിഴ്‌നാടിന്റെ രണ്ടാമത്തെ ഗോൾ. (2-0). സമനില ഗോളിനായി അടങ്ങാത്ത ദാഹവുമായി പൊരുതവെ, കളിയുടെ ഗതിക്ക് വിപരീതമായാണ് ഈ ലക്ഷദ്വീപിന്റെ വലയിലെത്തിയത്.

കളിയുടെ 38-ാം മിനുട്ടിൽ ലക്ഷദ്വീപ് ക്യാപ്റ്റൻ ഇസ്മായീൽ എടുത്ത കോർണർ കിക്കിൽ നിന്നുയർന്ന പന്തിൽ മുഹമ്മദ് സിയാദ് കൃത്യമായി തല വച്ചെങ്കിലും പന്ത് തമിഴ്‌നാടിന്റെ ക്രോസ് ബാറിനോട് തൊട്ടുരുമ്മി പുറത്തേക്കകന്നു. സ്*!*!*!്രൈടക്കർ അബ്ദുന്നാസറിന്റെ നേതൃത്വത്തിൽ ലക്ഷദ്വീപിന്റെ മുന്നേറ്റ നിര തമിഴ്‌നാടിന്റെ ഗോൾ മുഖത്തെ പലതവണ വിറപ്പിച്ചെങ്കിലും നിർഭാഗ്യത്താൽ ഗോൾ മാത്രം പിറന്നില്ല. ഇന്ന് ഉച്ചയ്ക്ക് 1.45ന് പോണ്ടിച്ചേരി കർണാടകയെയും, വൈകീട്ട് നാലിന് രണ്ടാമത്തെ മത്സരത്തിൽ ആതിഥേയരായ കേരളം ആന്ധ്രയെയും നേരിടും.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ബസിന് മുകളിൽ കയറി ശുചീകരണം; മാലിന്യമെല്ലാം തുമ്പയ്ക്ക് കോരി വൃത്തിയാക്കൽ; പാളത്തൊപ്പി വച്ച് ജീവനക്കാർക്കൊപ്പം ഉച്ചഭക്ഷണം; ഐപിഎസുകാരി ഭാര്യയും മകളും മാറിനിന്നതുമില്ല; പബ്ലിസിറ്റിയല്ല പ്രവൃത്തിയാണ് വലുതെന്ന് തെളിയിച്ച് കെഎസ്ആർടിസി എംഡി; മിസ്റ്റർ രാജമാണിക്യം നിങ്ങളാണ് ശരിക്കും ഞങ്ങളുടെ 'ബ്രോ'യെന്ന് പറഞ്ഞ് കൈയടിച്ച് സോഷ്യൽ മീഡിയ
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ജനറൽ കമ്പാർട്ട്‌മെന്റിൽ പെൺകുട്ടി ഒറ്റയ്ക്കാണെന്നു കണ്ടപ്പോൾ അവനു വികാരം ഉണർന്നു; ലിംഗം പുറത്തെടുത്തു പരസ്യമായി സ്വയംഭോഗം ചെയത ഞെരമ്പുരോഗിക്ക് പെൺകുട്ടി കൊടുത്ത് എട്ടിന്റെ പണി; മൊബൈലിൽ റിക്കാർഡ് ചെയ്തു വാട്‌സാപ്പിൽ ഇട്ട വീഡിയോ വൈറൽ; ആപത്ഘട്ടത്തിൽ ബുദ്ധിയും ധൈര്യവും കൈവിടാത്ത പെൺകുട്ടിക്ക് സോഷ്യൽ മീഡിയയിൽ കൈയടി
അപ്രതീക്ഷിതമായി വീട്ടിലെത്തിയ യുവാവ് കണ്ടത് സ്വന്തം കിടപ്പുമുറിയിൽ മറ്റൊരാൾക്കൊപ്പം അടിച്ചുപൂസായി കിടന്നുറങ്ങുന്ന കാമുകിയെ; കാലുമടക്കി തൊഴിക്കാൻ തോന്നിയെങ്കിലും ചെയ്യാതെ ഇരുവരുടെയും ചിത്രങ്ങൾ പകർത്തി സോഷ്യൽ മീഡിയയിലിട്ടു; വഞ്ചന നേരിട്ടു ബോധ്യപ്പെട്ടിട്ടും സമചിത്തതയോടെ പെറുമാറിയ ഡസ്റ്റന് സോഷ്യൽ മീഡിയയുടെ കയ്യടി
മനുഷ്യരെ കണ്ടാൽ വാലാട്ടും! മറ്റ് മൃഗങ്ങളെ കണ്ടാൽ സ്‌നേഹം കാട്ടും; നിറം മങ്ങാനുള്ള കാരണം ഷാംപു കൊണ്ടുള്ള കുളിയും; സ്വന്തമായി ഇര തേടാനും അറിയില്ല; നാടിനെ വിറപ്പിച്ച പുലിയിൽ പുലിവാലു പിടിച്ചത് വനം വകുപ്പും; കണ്ണൂരിൽ നിന്ന് നെയ്യാർഡാമിലെത്തിച്ച പുലി നാട്ടിൽ വളർത്തിയത്; പുലിയെ വളർത്തിയ മലബാറിലെ ഉന്നതനെ തേടി പൊലീസ്
ശബരിമലയിൽ യുവതികളെ തന്ത്രപരമായി ദർശനത്തിന് എത്തിച്ച് ആചാരലംഘനം; ദർശന ദല്ലാളായ സുനിൽസ്വാമി സന്നിധാനത്ത് ഏർപ്പാടുകൾ ചെയ്തു കൊടുത്തപ്പോൾ ഒത്താശചെയ്ത് ദേവസ്വം ബോർഡും പൊലീസും; ദർശനത്തിന് എത്തിയത് പാലക്കാട്ടുനിന്നുള്ള യുവതികളെന്ന് സൂചനകൾ; യുവതീ ദർശനം പുറത്തായതോടെ എതിർപ്പുമായി ആർഎസ്എസ് നേതാവ് ടിജി മോഹൻദാസിന്റെ ട്വീറ്റ്
മാതൃഭൂമി ന്യൂസിലെ വേണുവിന്റെ തൊഴിൽ ഊത്തെന്ന് നടൻ ദിലീപ്! ഇദ്ദേഹത്തിന് പല കുടുംബങ്ങൾ നോക്കേണ്ടതുണ്ട്; വേണുവിനെകുറിച്ച് ഒരു സിനിമയെടുക്കാനുള്ള വിവരങ്ങൾ കൈയിലുണ്ട്; ലിബർട്ടി ബഷീർ ഒരേ സമയം മൂന്നു ഭാര്യമാരെ കൈവശം വെച്ചിരിക്കുന്നയാൾ; പല്ലിശ്ശേരി കോമാളിയും പണം വാങ്ങി എഴുതുന്നവനും; വിമർശകർക്കെതിരെ ആഞ്ഞടിച്ച് ദിലീപ് രംഗത്ത്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ഇയാൾ ആര്...? സത്യജിത് റായിയോ അമിതാഭ് ബച്ചനോ അല്ലെങ്കിൽ മമ്മൂട്ടിയോ, മോഹൻലാലോ? മഞ്ജു വാര്യരെ ഇപ്പോഴും പീഡിപ്പിക്കുന്നു; നടിയെ ആക്രമിച്ച കേസിൽ പെട്ട ബ്യൂട്ടീഷ്യനും കാവ്യയുമായുള്ള ബന്ധത്തെക്കുറിച്ചും അറിയാം; ആയിരം കുറുക്കന്മാരുടെ കൗശലവുമായി ചിരിച്ചു കൊണ്ട് കഴുത്തറക്കുന്ന സൈലന്റ് പ്രതികാരി; ദിലീപിനെതിരെ ഇനി നിയമനടപടി; ആരോപണങ്ങളിൽ പല്ലിശേരി മറുനാടനോട് മനസ്സ് തുറക്കുന്നു
മന്ത്രി മന്ദിരത്തിൽ എത്തിയപ്പോൾ കണ്ടത് കസേരയിൽ ഇരുന്ന് കാലുകൾ ടിപോയിൽ കയറ്റി വച്ചിരിക്കുന്ന മന്ത്രിയെ; സുന്ദരിക്കുട്ടിക്ക് സർക്കാർ ഉദ്യോഗം നൽകാമെന്ന് പറഞ്ഞ് ചോദിച്ചത് ഒന്ന് കെട്ടിപിടിച്ചോട്ടേയെന്നും; മുണ്ടഴിച്ചപ്പോൾ മുറിയിൽ നിന്ന് ഇറങ്ങിയോടി; ശശീന്ദ്രനെതിരെ മംഗളം റിപ്പോർട്ടർ കോടതിയിൽ നൽകിയ പരാതി ഇങ്ങനെ
തിരുവനന്തപുരത്ത് ഉപതെരഞ്ഞെടുപ്പിന് തയ്യാറെടുക്കാൻ കുമ്മനത്തിന് അമിത് ഷായുടെ നിർദ്ദേശം; കുമ്മനവും സുരേഷ് ഗോപിയും രാജീവ് ചന്ദ്രശേഖറും വി മുരളീധരനും വിവി രാജേഷും ബിജെപിയുടെ സാധ്യതാ സ്ഥാനാർത്ഥി പട്ടികയിൽ; തരൂരിനെ ഉപരാഷ്ട്രപതിയാക്കാനുള്ള തന്ത്രം തിരിച്ചറിഞ്ഞ് നീക്കങ്ങളുമായി കോൺഗ്രസും; മത്സരിക്കാൻ സുധീരൻ എത്തുമോ?