സെക്‌സ് റാക്കറ്റ് തലവനൊപ്പം തോളുരുമ്മി നിന്ന് ധോണിയും റെയ്‌നയും; ചിത്രങ്ങൾ കണ്ടെടുത്ത...

സെക്‌സ് റാക്കറ്റ് തലവനൊപ്പം തോളുരുമ്മി നിന്ന് ധോണിയും റെയ്‌നയും; ചിത്രങ്ങൾ കണ്ടെടുത്തത് റിട്ടയേഡ് ആർമി കേണൽ നടത്തുന്ന നക്ഷത്രവേശ്യാലയം റെയ്ഡ് ചെയ്തപ്പോൾ; മുറിയിൽ പൂട്ടിയിട്ടനിലയിൽ കണ്ട വിദേശ യുവതിയെ പൊലീസ് രക്ഷിച്ചു

July 24, 201602:16 PM IST Permalink

ന്യൂഡൽഹി: അന്താരാഷ്ട്ര സെക്‌സ് റാക്കറ്റ് തലവനായ അജയ് അഹ്‌ലാവട്ടിനൊപ്പം ഇന്ത്യൻ ഏകദിന ക്രിക്കറ്റ് ടീം ക്യാപ്റ്റൻ എംഎസ് ധോണിയും മുൻനിര ബാറ്റ്‌സ്മാൻ സുരേഷ് റെയ്‌നയും നിൽക്കുന്ന ചിത്രങ്ങൾ സോഷ്യൽ മീഡിയയിൽ സജീവ ചർച്ചയാകുന്നു.

വിദേശി യുവതികളെ ഇന്ത്യയിൽ ആവശ്യക്കാർക്ക് എത്തിക്കുന്ന സെക്‌സ് റാക്കറ്റിന്റെ തലവനാണ് കരസേനയിലെ മുൻ കേണലായിരുന്ന അജയ്. രണ്ടു ദിവസം മുമ്പ് ഇയാളുടെ ഡൽഹിയിലെ വസതിയിൽ പരിശോധന നടത്തിയ ഇൻകം ടാക്‌സ് ഉദ്യോഗസ്ഥരാണ് ക്രിക്കറ്റ് താരങ്ങൾ അജയിനൊപ്പം നിൽക്കുന്ന നിരവധി ചിത്രങ്ങൾ കണ്ടെടുത്തത്.

അജയും കൂട്ടാളികളും ചേർന്ന് ഇവിടെ നക്ഷത്രവേശ്യാലയം നടത്തുന്നതായി നേരത്തേ മുതലേ ആരോപണം ഉണ്ടായിരുന്നു. ഡൽഹിയിലെ സഫ്ദർജംഗ് എൻക്‌ളേവിലുള്ള അജയുടെ അപ്പാർട്ടുമെന്റിൽ ഇയാളുടെ കൂട്ടാളിയാ പിഎൻ സന്യാലിനുവേണ്ടി തിരച്ചിൽ നടത്തുമ്പോഴാണ് ചിത്രങ്ങൾ ലഭിച്ചത്.

രണ്ട് എംപിമാരുടെ വ്യാജ ലെറ്റർഹെഡ് ഉണ്ടാക്കി സന്യാൽ ഇടപാടുകൾ നടത്തുന്നതായി വിവരം ലഭിച്ചതിന്റെ അടിസ്ഥാനത്തിലായിരുന്നു റെയ്ഡ്. ഇതേത്തുടർന്നാണ് ഇവിടെ നക്ഷത്ര വേശ്യാലയം പ്രവർത്തിച്ചിരുന്നതായി വിവരങ്ങൾ ലഭിച്ചത്. എംപിമാരുടെ പേരിലുള്ള നിരവധി വ്യാജ ലെറ്റർഹെഡുകളും ഇവിടെ കണ്ടെത്തിയിട്ടുണ്ട്.

റെയ്ഡ് നടക്കുന്ന വേളയിൽ ഇവിടെയുണ്ടായിരുന്ന ഒരു വിദേശ വനിതയെയും കസ്റ്റഡിയിലെടുത്ത് ഡൽഹി പൊലീസിന് കൈമാറി. സന്യാൽ തന്നെ ബഌക്ക്‌മെയ്ൽ ചെയ്ത് ഇവിടെ താമസിപ്പിച്ചിരിക്കുകയാണെന്നാണ് യുവതി മൊഴി നൽകിയിട്ടുള്ളത്. യാത്രാരേഖകൾ പിടിച്ചെടുത്ത സന്യാൽ തടവിലെന്നതുപോലെ പാർപ്പിച്ചിരിക്കുകയാണെന്നും ഇവർ പറഞ്ഞു. എന്നാൽ സന്യാലും അജയും റിട്ടയർ ചെയ്ത മറ്റൊരു സുഹൃത്തും ചേർന്ന് നടത്തുന്ന നക്ഷത്രവേശ്യാലയത്തിലേക്ക് കൊണ്ടുവന്നതാകാം ഇവരെയെന്ന് അന്വേഷണ സംഘം സംശയിക്കുന്നു. നിരവധി സമ്പന്നർ ഇവിടെ നിത്യസന്ദർശകരായിരുന്നെന്നും സൂചന ലഭിച്ചിട്ടുണ്ട്.

യുവതിയെ ഒരു മുറിയിൽ പൂട്ടിയിട്ട നിലയിലാണ് കണ്ടെത്തിയത്. ഇവരുടെ ശരീരത്തിൽ പലയിടത്തും മുറിവുകൾ ഉണ്ടായിരുന്നു. കൈകൾ കെട്ടിയിട്ടതിന്റെ പാടുകളും കണ്ടെത്തി. യുവതി ഫെബ്രുവരിയിലാണ് ഇന്ത്യയിലെത്തിയതെന്ന് യാത്രാരേഖകൾ വ്യക്തമാക്കുന്നു. അന്താരാഷ്ട്ര മനുഷ്യക്കടത്തുൾപ്പെടെ നിരവധി ഇടപാടുകൾ അജയും സന്യാലും ചേർന്ന് നടത്തുന്നതായി പൊലീസിന് സൂചനകൾ ലഭിച്ചിട്ടുണ്ട്. എന്നാൽ ക്രിക്കറ്റ് താരങ്ങൾക്ക് ഇയാളുമായി എന്താണ് ബന്ധമെന്ന് വ്യക്തമായിട്ടില്ല.

അജയ് അഹ്‌ലാവട്ടിന്റെ ഡൽഹിയിലുള്ള വീട് പൊലീസ് റെയ്ഡ് ചെയ്തപ്പോഴാണ് ധോണിക്കും റെയ്‌നക്കും ഒപ്പമുള്ള ഇയാളുടെ ചിത്രങ്ങൾ ലഭിച്ചത്. സോഷ്യൽ മീഡിയയിൽ ഈ ചിത്രം വ്യാപകമായി ഷെയർ ചെയ്യപ്പെടുന്നുണ്ട്. അജയ് അഹ്‌ലാവട്ടിന്റെ ജന്മദിനാഘോഷത്തിൽ എടുത്തതാണ് ഈ ചിത്രങ്ങളെന്നാണ് പ്രാഥമിക നിഗമനം. ഗുർഗാവിലെ അജയുടെ ഫാംഹൗസിൽ വച്ചെടുത്തതാണ് ഫോട്ടോകളെന്ന് ഉദ്യോഗസ്ഥർ പറയുന്നു. മുമ്പ് നിരവധി തട്ടിപ്പുകേസുകളിൽ പ്രതിയാണ് അജയ്. ക്രിക്കറ്റ് താരങ്ങൾക്ക് അജയുമായും മറ്റുമുള്ള ബന്ധവും പൊലീസ് അന്വേഷിക്കുന്നുണ്ട്. സൈനിക വേഷമിട്ട് ധോണി നിൽക്കുന്ന ചിത്രങ്ങളും കണ്ടെടുത്തിട്ടുണ്ട്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +

കെ.സുധാകരന് വേണ്ടി വാട്സ് ആപ്പിൽ പൊലീസുകാരുടെ സർക്കാർ വിരുദ്ധ പ്രചാരണം; പരാതി നൽകി എൽ ഡി എഫ്