അവസാന ശ്വാസംവരെ ഇനി ജനങ്ങൾക്കൊപ്പം; നല്ല വിദ്യാഭ്യാസവും ജീവിതവും എല്ലാവർക്കും; അഴിമതി പാടേ ഇല്ലാതാക്കി സേവനങ്ങൾ ജനങ്ങളിലെത്തിക്കും; വർഗീയതാൽപര്യങ്ങൾ മുളയിലേ ഇല്ലാതാക്കും: നന്മനിറഞ്ഞ ആശയങ്ങളുമായി തമിഴകം പിടിക്കാൻ ഉലക നായകന്റെ 'മക്കൾ നീതി മയ്യം'; വിറളി പൂണ്ട് അന്തക വിത്തെന്നും കടലാസു പൂവെന്നും ആക്ഷേപിച്ച് എതിരാളികൾ; ആശംസകളുമായി ഉദ്ഘാടന വേദിയിൽ നിറഞ്ഞ് കെജ്രിവാളും പിണറായിയും
മറുനാടൻ മലയാളി ബ്യൂറോ
ചെന്നൈ: തമിഴക രാഷ്ട്രീയത്തിൽ പുതിയ അധ്യായമെഴുതി നടൻ കമൽഹാസൻ പുതിയ രാഷ്ട്രീയ പാർട്ടി രൂപീകരിച്ചതോടെ വിറളിപിടിച്ച് എതിരാളിൾ. തമിഴ്നാട് രാഷ്ട്രീയത്തിൽ കമലിന് ഒന്നും ചെയ്യാനാവില്ലെന്ന് വിലയിരുത്തിയും മക്കൾ നീതി മയ്യം എന്ന പാർട്ടിയെ കടലാസുപൂവെന്നും അന്തകവിത്തെന്നുമെല്ലാം വിശേഷിപ്പിച്ചുമാണ് എതിരാളികളുടെ പ്രതികരണങ്ങൾ. അതേസമയം, ഡൽഹി മുഖ്യമന്ത്രിയും ആംആദ്മി നേതാവുമായ അരവിന്ദ് കെജ്രിവാളും കേരള മുഖ്യമന്ത്രിയും സിപിഎം നേതാവുമായ പിണറായി വിജയനും ആശംസകളറിയിച്ച് എത്തിയതോടെ ഇടതുപക്ഷ-ജനകീയ ലൈനിലാണ് കമലിന്റെ പാർട്ടിയുടെ പ്രവർത്തനമുഖം രൂപപ്പെടുകയെന്നും വ്യക്തമാകുന്നു.
ബിജെപി-സംഘപരിവാർ കാഴ്ചപ്പാടിന് എതിരായിരിക്കും കമലിന്റെ നിലപാടുകൾ എന്ന് നേരത്തേ തന്നെ വ്യക്തമായിരുന്നു. പിണറായിയേയും കെജ്രിവാളിനേയും സമാന കാഴ്ചപ്പാടുള്ള മറ്റ് ദേശീയ നേതാക്കളേയുമെല്ലാം കാണുകളും അഭിപ്രായ രൂപീകരണം നടത്തുകയും ചെയ്ത ശേഷമാണ് കമൽ പുതിയ പാർട്ടി രൂപീകരണത്തിലേക്ക് നീങ്ങിയത്. എല്ലാ ഒരുക്കങ്ങളും നടത്തിയ ശേഷം വൻ ജനാവലിയുടെ സാന്നിധ്യത്തിലാണ് ഇന്നലെ 'മക്കൾ നീതി മയ്യം' എന്ന ജനങ്ങളുടെ നീതി കേന്ദ്രം എന്ന അർത്ഥം വരുന്ന പാർട്ടിയുടെ പ്രഖ്യാപനം ഉണ്ടായത്. വെള്ളക്കൊടിയിൽ കറുപ്പു പശ്ചാത്തലത്തിൽ നക്ഷത്രവും ദക്ഷിണേന്ത്യൻ സംസ്ഥാനങ്ങളെ സൂചിപ്പിച്ച് ആറു കൈകളുമുള്ള പതാകയും ആണ് പാർട്ടി അവതരിപ്പിച്ചിരിക്കുന്നത്. ഇതിൽ നിന്നുതന്നെ ദക്ഷിണേന്ത്യൻ സംസ്ഥാനങ്ങളുടെ ഐക്യമെന്ന നിലയിൽ കാര്യങ്ങൾ കൊണ്ടുപോകാനാണ് കമൽ ലക്ഷ്യമിടുന്നതെന്നും വ്യക്തം.
അവസാന ശ്വാസം വരെ ഇനി ജനങ്ങൾക്കൊപ്പമെന്ന് വ്യക്തമാക്കിയായിരുന്നു ഇന്നലെ മധുരയിൽ നടൻ കമൽഹാസൻ. 'മക്കൾ നീതി മയ്യം' എന്ന തന്റെ പാർട്ടി പ്രഖ്യാപിച്ചത്. മധുര ഒത്തക്കട മൈതാനത്ത് ആരാധകരെയും അനുയായികളെയും അഭിസംബോധന ചെയ്തു സംസാരിക്കവെ പാർട്ടി രൂപീകരണം എന്തിനെന്നും വ്യക്തമാക്കി കമൽ. നല്ല വിദ്യാഭ്യാസം എല്ലാവരിലും എത്തുകയെന്നതാണ് തന്റെ ലക്ഷ്യമെന്ന് പാർട്ടി പ്രഖ്യാപന വേളയിൽ കമൽ പറഞ്ഞു. വർഗീയവും മതപരവുമായ താൽപര്യങ്ങൾക്ക് അന്ത്യമുണ്ടാകണം. നമുക്കതിന് കഴിയും. അതിന്റെ മാതൃക കാട്ടാനും നമുക്കു സാധിക്കും. അഴിമതി അവസാനിപ്പിക്കാനായാൽ സേവനങ്ങൾ എല്ലാവരിലും യഥാസമയം എത്തിക്കാനാകുമെന്നും കമൽ പറഞ്ഞു. ഇടതു സോഷ്യലിസ്റ്റ് രീതിയും ആം ആദ്മിയുടെ ജനകീയ മുഖവും ചേർന്ന രീതിയിലാവും കമലിന്റെ പ്രവർത്തനമെന്ന വിവരങ്ങളാണ് പുറത്തുവരുന്നത്.
വോട്ടിനായി നോട്ടില്ല; അവസാന ശ്വാസംവരെ ജനങ്ങൾക്കൊപ്പം
വോട്ടിനായി നോട്ട് നൽകാൻ താനില്ലെന്നും അവസാന ശ്വാസംവരെ ഇനിയുള്ള പോരാട്ടങ്ങൾ ജനങ്ങളുടെ നന്മയ്ക്ക് വേണ്ടിയാണെന്നും പറഞ്ഞായിരുന്നു കമലിന്റെ പാർട്ടി പ്രഖ്യാപനം. യുവജനങ്ങൾ സ്വന്തം കഴിവുകൾ വർധിപ്പിക്കാൻ ശ്രമിക്കണം. പണ്ടത്തെ കാര്യങ്ങൾ പറഞ്ഞുകൊണ്ടിരിക്കുകയല്ല വേണ്ടത്. ഇത് പുതിയ യുഗമാണ്. പരസ്പര സംഭാഷണത്തിലൂടെ എല്ലാ പ്രശ്നങ്ങളും രമ്യമായി പരിഹരിക്കാനാകും - കാവേരി നദീജല വിഷയമുൾപ്പെടെ സൂചിപ്പിച്ച് കമൽ പറഞ്ഞു. നമ്മൾ ഇടതാണോ, വലതാണോ എന്ന് പലരും ചോദിക്കുന്നു. അതിനാലാണ് പാർട്ടി പതാകയിൽ 'മയ്യം' (കേന്ദ്രം എന്നർഥം) എന്ന വാക്ക് വച്ചത്. എന്റെ ശിഷ്ട ജീവിതം നിങ്ങൾക്കായുള്ളതാണ്. തിരഞ്ഞെടുപ്പ് കമ്മിഷനിൽ രജിസ്റ്റർ ചെയ്ത ഈ പാർട്ടി എന്നോടൊപ്പം അവസാനിക്കില്ല. മൂന്നോ നാലോ തലമുറ ഇത് നിലനിൽക്കും - ആരാധകരുടെ കരഘോഷങ്ങൾക്കിടെ കമൽ പറഞ്ഞു. നിങ്ങൾ ഇതുവരെ എവിടെയായിരുന്നു എന്നാണു ചിലർ ചോദിക്കുന്നത്. നിങ്ങളുടെ ഉള്ളത്തിൽ ഉണ്ടായിരുന്ന ഞാൻ ഇനിമുതൽ നിങ്ങളുടെ ഇല്ലത്തിലുണ്ടാകും. ഞാനൊരു താരമല്ല, എന്നാൽ നിങ്ങളുടെ വീട്ടിലെ വിളക്കാവാനാണ് എനിക്കിഷ്ടം. നിങ്ങൾ എത്ര നാൾ ഇവിടെയുണ്ടാകുമെന്നാണ് ഒരു ചോദ്യം. അവസാന ശ്വാസം വരെ ഞാനുണ്ടാകും. - കമൽ നയം വ്യക്തമാക്കി.
ആരാണ് നിങ്ങളുടെ നേതാവ് എന്നാണ് വേറെ ചിലർ ചോദിക്കുന്നത്. ഗാന്ധി, പെരിയോർ, കാമരാജ്. ഇവരെയെല്ലാം എനിക്കിഷ്ടമാണ്. വേദിയിൽ കേജ്രിവാളിനെ ചൂണ്ടി ഇദ്ദേഹത്തേയും എന്ന് പറഞ്ഞ കമൽ പിണറായി വിജയനെയും എനിക്ക് ഇഷ്ടമാണെന്നും കൂട്ടിച്ചേർത്തതോടെ സദസ്സിൽ നിലയ്ക്കാത്ത കരഘോഷം. നിങ്ങളുടെ കുട്ടികൾ രാഷ്ട്രീയത്തിലേക്കു വരുമോ, വരും, അവർ വരും എന്ന് പറഞ്ഞതും വലിയ ആവേശമുയർത്തി.
താരമായി കെജ്രിവാളും ആശംസയുമായി പിണറായിയും
അഴിമതി ഒഴിവാക്കാൻ കമലിന്റെ പാർട്ടിക്കൊപ്പം നിലകൊള്ളാൻ ആഹ്വാനം ചെയ്ത് ആം ആദ്മി നേതാവ് കെജ്രിവാൾ നടത്തിയ പ്രസംഗം ഉദ്ഘാടന സമ്മേളനത്തിൽ ഹരമായി. സമ്മേളനത്തിന് എത്തിയില്ലെങ്കിലും ആശംസാ വീഡിയോ അയച്ചാണ് തമിഴിൽ അഭിസംബോധന ചെയ്ത് പിണറായി വിജയനും സാന്നിധ്യമറിയിച്ചത്.
തമിഴ്നാട്ടുകാർക്ക് നന്മ നിറഞ്ഞ ഒരു രാഷ്ട്രീയ ബദലാണ് കമൽ ഹാസന്റെ പാർട്ടിയെന്ന് കെജ്രിവാൾ അഭിപ്രായപ്പെട്ടു. അഴിമതി കക്ഷികൾക്കിടയിൽപ്പെട്ട സംസ്ഥാനത്തിന് അഴിമതിയിൽനിന്ന് രക്ഷ നേടാനുള്ള അവസരമാണിത്. ആറുമാസംകൊണ്ട് ആംആദ്മി പാർട്ടിക്ക് ഡൽഹിയിൽ വിജയം കൈവരിക്കാനായെന്ന് ഓർമിപ്പിച്ചാണ് കെജ്രിവാൾ ആശംസ അറിയിച്ചത്. സിനിമയുടെ സമസ്ത മേഖലകളിലും കഴിവുതെളിയിച്ച ആളെന്ന നിലയിലല്ല ജീവിതത്തിലെ ഒരു ഹീറോ എന്ന നിലിയലാണ് കമലിനെ ഞാൻ കാണുന്നത്. നല്ലൊരു രാഷ്ട്രീയ വീക്ഷണമുള്ളയാളാണ് കമൽ. ധൈര്യവാനാണ്. അനീതിക്കെതിരെയും ജാതിവർഗീയ ശക്തികൾക്കെതിരെയും ധീരമായി പോരാടാനുള്ള മനസ്സുണ്ട് കമലിന്. മുമ്പ് കമലിന്റെ അഭിനയംകണ്ട് അദ്ദേഹത്തിന്റെ ഫാൻ ആയിരുന്നു ഞാൻ. എന്നാൽ ഇപ്പോൾ അദ്ദേഹം ലൈഫ് ഹീറോ ആയതിന് അദ്ദേഹത്തെ ഞാൻ ആരാധിക്കുന്നു.
ഇത്രയും കാലം രണ്ട് രാഷ്ട്രീയ കക്ഷികൾക്കിടയിൽ കുടുങ്ങിക്കിടക്കുകയായിരുന്നു തമിഴ്നാട്ടിലെ ജനങ്ങൾ. രണ്ട് അഴിമതി പാർട്ടികളാണ് ഇവിടെയുള്ളത്. ഡിഎംകെയും എഐഎഡിഎംകെയും. ഇപ്പോൾ ഒരു സത്യസന്ധമായ രാഷ്്ട്രീയ കക്ഷി സ്വന്തമായതിന് ഞാൻ തമിഴ്നാട്ടിലെ ജനങ്ങളെ അഭിനന്ദിക്കുന്നു. അടുത്ത തവണ വോട്ടുചെയ്യാൻ പോകുമ്പോൾ ഇനി നിങ്ങൾക്ക് അഴിമതി പാർട്ടികൾക്ക് വോട്ടുചെയ്യേണ്ടിവരില്ല. കമലിന് വേണ്ടി നിങ്ങൾക്ക് വോട്ടുചെയ്യാം. ഞങ്ങൾ ഒരു ചെറിയ പാർട്ടിയായാണ് നാലുവർഷം മുമ്പ് ഡൽഹിയിൽ തുടങ്ങിയത്. ഒരു വർഷംകൊണ്ട് തിരഞ്ഞെടുപ്പിൽ ബിജെപിയെയും കോൺഗ്രസിനേയും തള്ളിക്കളഞ്ഞ് ഡൽഹിയിലെ ജനങ്ങൾ ഞങ്ങളെ സ്വീകരിച്ചു. 70ൽ 67 സീറ്റും നൽകിയാണ് ജനം ഞങ്ങളെ വിജയിപ്പിച്ചത്.
തമിഴ്നാട്ടിലും നിങ്ങളുടെ ഉത്സാഹവും ആവേശവും ഊർജവുമെല്ലാം കാണുമ്പോൾ എനിക്കുറപ്പുണ്ട്. നിങ്ങളും ഇത്തരത്തിൽ ഒരു വലിയ പ്രതീക്ഷയിലാണെന്ന്. പ്രിയപ്പെട്ട കമൽഹാസൻ.. എനിക്ക് ഉറപ്പുണ്ട് തമിഴ്നാട്ടിലെ ജനങ്ങൾ ഡൽഹിയിലെ ജനങ്ങൾ സൃഷ്ടിച്ച റെക്കോഡ് തകർക്കുമെന്ന്. - ജനാവലിയുടെ വൻ കരോഘോഷത്തിനിടെ കെജ്രിവാൾ പറഞ്ഞു. സത്യസന്ധമായ ഒരു സർക്കാർ ഉണ്ടെങ്കിൽ ജനങ്ങൾക്ക് വേണ്ടി ഏതു നല്ല കാര്യവും ചെയ്യാനാകും. പണത്തിനല്ല പ്രഥമ പരിഗണന, മറിച്ച് ജനങ്ങൾക്ക് വേണ്ടി നല്ലകാര്യങ്ങൾ ചെയ്യുന്നതിൽ മാത്രമാണ്. സ്കൂളുകളും ആശുപത്രികളും വൈദ്യുതിയും വേണമെങ്കിൽ തമിഴ് ജനത കമലിനു വോട്ടു ചെയ്യണം - ആശംസകൾ നേർന്നുകൊണ്ട് കേജ്രിവാൾ പറഞ്ഞു.
കമൽ തനിക്കും കേരളത്തിനും പ്രിയങ്കരനെന്ന് വ്യക്തമാക്കിയാണ് പിണറായിയുടെ ആശംസാ വീഡിയോ എത്തിയത്. പാർട്ടി പ്രഖ്യാപന വേദിയിൽ വീഡിയോ പ്രദർശിപ്പിച്ചു. എൻ അൻപാർന്ന വണക്കം എന്ന് തമിഴിൽ പറഞ്ഞുകൊണ്ടായിരുന്നു പിണറായിയുടെ സന്ദേശം. കമൽഹാസൻ തനിക്കും കേരള ജനതയ്ക്കും പ്രിയങ്കരനാണെന്ന് സന്ദേശത്തിൽ പിണറായി പറഞ്ഞു. മലയാളത്തിലാണ് കമൽ സിനിമാഭിനയം തുടങ്ങിയത്. രാഷ്ട്രീയത്തിലേക്കുള്ള കമലിന്റെ രംഗപ്രവേശം തമിഴ്നാട്ടിനു ഗുണകരമാകും. വിവിധ ജനവിഭാഗങ്ങളുടെ ശബ്ദങ്ങൾക്ക് ചെവികൊടുക്കുന്ന മതേതര ജനാധിപത്യ നിലപാടാകും കമലിന്റെ പുതിയ പാർട്ടിയുടേത്. - പിണറായി സന്ദേശത്തിൽ പറഞ്ഞു.
അന്തക വിത്തിനോടും കടലാസുപൂവിനോടും ഉപമിച്ച് എതിരാളികൾ
അതേസമയം, കമലിന്റെ രാഷ്ട്രീയ പാർട്ടി പ്രഖ്യാപനത്തെ വിറളിപൂണ്ടാണ് എതിരാളികൾ നോക്കിക്കാണുന്നത്. ഇതിലൊന്നും കാര്യമില്ലെന്ന മട്ടിലാണ് പ്രതികരണങ്ങൾ ഉണ്ടായതെങ്കിലും ഡിഎംകെയും എഐഡിഎംകെയും വലിയ ഭയപ്പാടോടെ തന്നെയാണ് കമലിന്റെ പാർ്ട്ടിയെ കാണുന്നതെന്നാണ് സൂചനകൾ. ഇന്നലെ മധുരയിലും രാമേശ്വരത്തും കമലിനെ പിന്തുണച്ച് വലിയ ജനാവലി എത്തിയതോടെ താരലോകത്തിന്റെ പിന്തുണയിൽ കൂടുതൽ പേർ കമലിന്റെ കൂടെ അണിനിരക്കുമെന്ന സൂചനകളാണ് ലഭിക്കുന്നത്. കമൽ മണമില്ലാത്ത കടലാസു പൂവാണെന്ന വിമർശനവുമായി ഭരണകക്ഷിയായ അണ്ണാ ഡിഎംകെയും പ്രതിപക്ഷമായ ഡിഎംകെയും രംഗത്തുവന്നപ്പോൾ പിന്നീട് വിലയിരുത്താമെന്ന മട്ടിലാണ് ബിജെപി.
നേതാവായി കമൽ ജനമനസ്സിൽ ഇടം തേടുന്നതു തടയുകയെന്ന ഉദ്ദേശ്യത്തിൽ കരുതലോടെയാണ് എതിരാളികളുടെ നീക്കം. കമലിന്റെ രാഷ്ട്രീയ പ്രവേശനം ചിരവൈരികളായ അണ്ണാ ഡിഎംകെയും ഡിഎംകെയും കൈകോർക്കുന്ന നിലയിലേക്ക് ഒറ്റദിവസം കൊണ്ടുതന്നെ കാര്യങ്ങളെത്തിച്ചു. കമൽ, രജനികാന്ത് തുടങ്ങിയ സൂപ്പർതാരങ്ങൾ സ്വന്തം പാർട്ടികളുമായി വരുന്നതോടെ അത് വലിയ പ്രശ്നം തന്നെയാണെന്ന് അവർ തിരിച്ചറിയുന്നു. രജനി ബിജെപി പക്ഷത്ത് അണിചേർന്നേക്കുമെന്ന സൂചനകളും അവരെ ഭയപ്പെടുത്തുന്നു.
'പുഷ്പിക്കുകയോ സുഗന്ധം പരത്തുകയോ ചെയ്യാത്ത കടലാസ് പൂവായി അത് മാറും' മക്കൾ നീതി മയ്യത്തെപ്പറ്റി അണ്ണാ ഡിഎംകെ നേതാവും മന്ത്രിയുമായ ഡി.ജയകുമാർ പറഞ്ഞു. ആ പാർട്ടിയുടെ വിത്ത് (കമൽ) ജനിതകമാറ്റം വരുത്തിയതാണ്. ആ അന്തകവിത്ത് ആർക്കും ഗുണപ്പെടില്ല, ഇന്ത്യയിൽ ഉപയോഗിക്കുന്നുമില്ല. നേതാവിനുള്ള പക്വത അദ്ദേഹത്തിനില്ല. രാഷ്ട്രീയമെന്താ കുട്ടിക്കളിയാണോ? ഇങ്ങനെ പോയി അവരുടെ പ്രതികരണങ്ങൾ. 'കടലാസ് പൂക്കൾക്കു സ്വാഗതം' എന്നായിരുന്നു കമലിന്റെയും രജനിയുടെയും രാഷ്ട്രീയ പ്രവേശനത്തെക്കുറിച്ചു എം.കെ.സ്റ്റാലിൻ പ്രസ്താവിച്ചത്. കാലാവസ്ഥ മാറുമ്പോൾ ചില ചെടികൾ പുഷ്പിക്കും, പിന്നീടു കൊഴിയും. അതുപോലെ തമിഴ്നാട് രാഷ്ട്രീയത്തിലും ഗ്ലാമറസായ കടലാസ് പുഷ്പങ്ങൾ പൂക്കാൻ ഒരുങ്ങുകയാണെന്നാണ് സ്റ്റാലിൻ പരിഹസിച്ചത്.
കമലിന്റെ പാർട്ടിക്കു വളരാനുള്ള ഇടമൊന്നും തമിഴ്നാട്ടിൽ ഇല്ലെന്നായിരുന്നു മുതിർന്ന കോൺഗ്രസ് നേതാവ് എം.വീരപ്പ മൊയ്ലിയുടെ പ്രതികരമം. ഡിഎംകെയും അണ്ണാ ഡിഎംകെയും ആണു സംസ്ഥാനത്തെ പ്രധാന പ്രാദേശിക പാർട്ടികൾ. മറ്റുള്ളവർക്കു മുന്നിൽ താരങ്ങളുടെ പാർട്ടികൾ ഒതുങ്ങിപ്പോകും. കമലിന് എന്ത് അജൻഡയാണുള്ളത്. അണ്ണാ ഡിഎംകെ തകരുമെന്നും അവരുടെ ഇടത്തിലേക്കു വളരാമെന്നുമാണു കമൽ പ്രതീക്ഷിക്കുന്നത്. അതു സംഭവിക്കില്ല - ഇതായിരുന്നു മൊയ്ലിയുടെ വിലയിരുത്തൽ.
അതേസമയം, രൂക്ഷപ്രതികരണത്തിനു ഒരുമ്പെടാതെ കരുതലോടെയാണ് ബിജെപിയുടെ ഇടപെടൽ. കമലിനു വാർത്തകളുടെ തലക്കെട്ടാകാൻ സാധിക്കും, എന്നാൽ നേതാവാകാൻ കഴിയില്ലെന്നാണ് ബിജെപി സംസ്ഥാന അധ്യക്ഷ തമിഴിസൈ സൗന്ദരരാജൻ പറഞ്ഞത്. രാഷ്ട്രീയ ഭൂമികയിൽ താരങ്ങളുടെ പോരാട്ടം നടക്കുമെന്ന് പ്രത്യാശയും അവർ പങ്കുവച്ചു. രജനി കൂടെ വരുമെന്ന നിലയിലായിരുന്നു ഇത്. ആശങ്കയില്ലെന്നും സ്വന്തമായ ആശയാടിത്തറയിലാണു ബിജെപി പ്രവർത്തിക്കുന്നതെന്നും തമിഴ്നാടിന്റെ ചുമതലയുള്ള ജനറൽ സെക്രട്ടറി പി.മുരളീധർ റാവുവും വ്യക്തമാക്കി.
Stories you may Like
- TODAY
- LAST WEEK
- LAST MONTH
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഞങ്ങളുടെ സ്ഥാനാർത്ഥിക്ക് വോട്ടു ചെയ്യല്ലേ! രാജസ്ഥാനിലെ ബൻസ്വാഡ-ദുംഗർപൂർ ലോക്സഭാ മണ്ഡലത്തിൽ വിചിത്ര അഭ്യർത്ഥനയുമായി കോൺഗ്രസ്; അപ്രതീക്ഷിതമായി ത്രികോണ മത്സരം വന്നതോടെ പാർട്ടിക്ക് നാണക്കേട്: പിന്നാമ്പുറ കഥ
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഹിന്ദുക്കളുടെ സ്വത്ത് എടുത്ത് മുസ്ലീങ്ങൾക്ക് കൊടുക്കുമെന്ന് കോൺഗ്രസ് പ്രകടന പത്രികയിൽ ഉണ്ടോ? ജനങ്ങളുടെ സ്വത്തുക്കൾ കണ്ടുകെട്ടാനും സമ്പാദ്യം അപഹരിക്കാനും കോൺഗ്രസിന് പദ്ധതിയുണ്ടോ? പ്രധാനമന്ത്രി മോദിയും ബിജെപിയും നടത്തുന്ന പ്രചാരണത്തിന്റെ വസ്തുതയെന്ത്?
- സായ് സുദർശന്റെ ബാറ്റിങ് വെടിക്കെട്ട്; ഡേവിഡ് മില്ലറുടെ വീരോചിത പോരാട്ടം; ഫിനിഷർ റോളിൽ റാഷിദ് ഖാൻ; 'സിക്സ്' അവിശ്വസനീയമായി തടുത്തിട്ട സ്റ്റബ്സ്; അവസാന പന്തുവരെ പൊരുതി കീഴടങ്ങി ഗുജറാത്ത് ടൈറ്റൻസ്; ഡൽഹി ക്യാപിറ്റൽസിന്റെ ജയം നാല് റൺസിന്
- പിണറായിയുടെ പപ്പുമോൻ സൂചന; മോദിയുടെ മംഗല്യസൂത്ര; പി വി അൻവറിന്റെ ഡിഎൻഎ പരിശോധന; 'അളിയനെ' ആക്രമിച്ച് ബിജെപി; ഗണ്ടി കുടുംബം എന്ന് അധിക്ഷേപിച്ച് സൈബർ സഖാക്കളും; അമൂൽഗാന്ധി, ഡ്യൂപ്പിക്കേറ്റ് ഗാന്ധി...; അവസാന ലാപ്പിലും ചർച്ച നെഹ്റു കുടുംബം തന്നെ
- സുൽത്താൻ ബത്തേരിയിൽ 1500 ഓളം ഭക്ഷ്യ കിറ്റുകൾ പിടികൂടി; പ്ലാസ്റ്റിക് കവറുകളിൽ പഞ്ചസാരയും ബിസ്ക്കറ്റും ചായപ്പൊടിയും വെളിച്ചെണ്ണയും ഉൾപ്പെടെയുള്ള അവശ്യ വസ്തുക്കൾ; ആദിവാസി കോളനികളിൽ വിതരണത്തിന് തയ്യാറാക്കിയ കിറ്റുകളെന്ന് ആരോപണം; വോട്ടർമാരെ സ്വാധീനിക്കാൻ ശ്രമിക്കുന്നത് ബിജെപിയെന്ന് യുഡിഎഫും എൽഡിഎഫും; നിഷേധിച്ച് ബിജെപി
- കണ്ണൂരിൽ സുഹൃത്തിനെ കുത്തി പരുക്കേൽപ്പിച്ച യുവാവ് ജീവനൊടുക്കിയ നിലയിൽ; കടുംകൈ കാട്ടിയത് സുഹൃത്ത് മരിച്ചിരിക്കാമെന്ന ഭയത്തിൽ
- ഡ്രസ്സിങ് റൂമിലേക്ക് കാമറ തിരിച്ചു; ഐപിഎൽ കാമറാമാന് നേരെ വെള്ളക്കുപ്പി എറിയാനോങ്ങി ധോണി; കലിപ്പിന് കാരണം അന്വേഷിച്ച് ആരാധകർ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്