സൈബർ ലോകത്ത് താരമായി മാറിയ പ്രിയയ്ക്ക് സ്വന്തമായി ഫോണില്ല; മകളുടെ കൈയിലുള്ളത് സിമ്മില...

സൈബർ ലോകത്ത് താരമായി മാറിയ പ്രിയയ്ക്ക് സ്വന്തമായി ഫോണില്ല; മകളുടെ കൈയിലുള്ളത് സിമ്മില്ലാത്ത ഫോണെന്ന് അച്ഛൻ; കണ്ണിറുക്കൽ കൊണ്ട് ആരാധകരെ കൈയിലെടുത്ത പ്രിയാ വാര്യരെക്കുറിച്ച് അച്ഛന് പറയാനുള്ളത്

March 14, 201809:07 AM IST Permalink

ഒറ്റരാത്രികൊണ്ട് ട്രെൻഡിങ്ങായി മാറിയ പെൺകുട്ടിയാണ് പ്രിയ വാര്യർ.ഇന്റർനെറ്റിൽ സെൻസേഷനായി മാറിയ പ്രിയയെ നാഷ്ണൽ ക്രഷ് എന്നാണ് ദേശീയ മാധ്യമങ്ങൾ ഉൾപ്പെടെ വിശേഷിപ്പിക്കുന്നത്. ഇൻസ്റ്റഗ്രാമിൽ താരം പോസ്റ്റ് ചെയ്യുന്ന ചിത്രങ്ങൾക്ക് പത്ത് ലക്ഷം ലൈക്‌സിന് മുകളിലാണ് ലഭിക്കുന്നത്. സോഷ്യൽമീഡീയയിലടക്കം താരമായി മാറി ഇപ്പോൾ ബോളിവുഡ് സിനിമയിലേക്കും ചുവടുവക്കാനൊരുങ്ങുന്ന പ്രിയാ വാര്യർക്ക് സ്വന്തമായി ഫോൺ ഉപയോഗിക്കാനുള്ള അനുവാദം നല്കിയിട്ടില്ലെന്ന് പിതാവ് പറഞ്ഞിരിക്കുന്നത്.

സെൻട്രൽ എക്സൈസ് ഓഫീസിലെ ഉദ്യോഗസ്ഥനാണ് പ്രിയയുടെ അച്ഛൻ പ്രകാശ് വാര്യർ. ഇന്ത്യൻ എക്സ്പ്രസിന് നൽകിയ അഭിമുഖത്തിൽ ആണ് പ്രിയയുടെ വിശേഷങ്ങൾ അച്ഛൻ പങ്ക് വച്ചത്. പ്രിയയ്ക്ക് സ്വന്തമായി ഒരു ഉപയോഗിക്കാനുള്ള അനുവാദം ഞങ്ങൾ നൽകിയിട്ടില്ല. ഇപ്പോഴും പ്രിയ തന്റെ അമ്മയുടെ ഫോണാണ് ഉപയോഗിക്കുന്നത്. മൊബൈൽ ഹോട്ട് സ്പോട്ട് സജ്ജമാക്കുമ്പോൾ മാത്രമാണ് പ്രിയയ്ക്ക് ഫോൺ ഉപയോഗിക്കാനുള്ള അനുവാദം ഞങ്ങൾ നൽകിയിട്ടുള്ളത്. പ്രിയയുടെ കൈയിൽ ഇപ്പോഴുള്ള ഒരു ഫോണിൽ സിം കാർഡില്ലാത്ത ഒരു ഫോണാണെന്നും പ്രകാശ് വാര്യർ പറഞ്ഞു.

അവൾ വെറുമൊരു സാധാരണ പെൺകുട്ടിയായിരുന്നു. എന്നാൽ വ്യത്യസ്തമായ ആഗ്രഹങ്ങളായിരുന്നു അവൾക്കുണ്ടായിരുന്നത്. അതുപോലെ തന്നെ പാട്ടിനോടും നൃത്തത്തോടും അവൾക്ക് നല്ല താല്പര്യവുമുണ്ടായിരുന്നു.പ്രിയയുടെ വീഡിയോ വൈറലായ സമയത്ത് എന്റെ ഒരു സഹപ്രവർത്തകൻ ആ വീഡിയോ എനിക്കയച്ചു തന്നു. ആ പെൺകുട്ടി ആരാണെന്നറിയുമോ എന്ന് ഞാൻ അയാളോട് ചോദിച്ചു. അറിയില്ലെന്ന് അയാൾ പറഞ്ഞു.

അതെന്റെ മകൾ ആണെന്ന് പറഞ്ഞപ്പോൾ രണ്ട് മിനിറ്റ് നേരത്തേക്ക് അയാളുടെ ഭാഗത്തു നിന്നും മറുപടിയൊന്നുമുണ്ടായില്ല. അയാൾ ഞെട്ടിപ്പോയെന്ന് പറയാം.' പ്രകാശ് പറയുന്നു

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

ഉമ്മയുടെ ഈ ചിത്രം കാണുമ്പോൾ ഞാൻ വീണ്ടും കുട്ടിയായ പോലെ; സുൽഫത്തിന് പിറന്നാൾ ആശംസിച്ച് ദുൽഖർ സൽമാൻ

MNM Recommends +