Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202424Wednesday
ഹോം വാർത്ത എക്സ്ക്ലൂസീവ്

നൃത്തത്തിനിടെ നമിത പ്രമോദിന്റെ സ്‌നേഹത്തള്ളലിൽ പിന്നോട്ടു ചുവടുവച്ച് ലാലേട്ടൻ; പിന്നിൽ നിന്ന് ലാലിനൊപ്പം നടനമാടാൻ ഓടിയെത്തിയ ഹണി റോസ് ചുവടുതെറ്റി താഴെ; മേലേ വീണ് സൂപ്പർ സ്റ്റാറും; ചാടിയെണ്ണീറ്റ് താളം തെറ്റാതെ ഡാൻസ് തുടർന്ന് വിസ്മയമായതോടെ തളരാതെ നമ്മുടെ ലാലേട്ടനെന്ന് ആർപ്പ് വിളിച്ച് ഫാൻസുകാർ; മഴവിൽ അമ്മ ഷോയിൽ ചുവട് പിഴച്ചത് മോഹൻലാലിനല്ല, ഹണി റോസിന് തന്നെ

May 07, 201803:02 PM IST Permalink
നൃത്തത്തിനിടെ നമിത പ്രമോദിന്റെ സ്‌നേഹത്തള്ളലിൽ പിന്നോട്ടു ചുവടുവച്ച് ലാലേട്ടൻ; പിന്നിൽ നിന്ന് ലാലിനൊപ്പം നടനമാടാൻ ഓടിയെത്തിയ ഹണി റോസ് ചുവടുതെറ്റി താഴെ; മേലേ വീണ് സൂപ്പർ സ്റ്റാറും; ചാടിയെണ്ണീറ്റ് താളം തെറ്റാതെ ഡാൻസ് തുടർന്ന് വിസ്മയമായതോടെ തളരാതെ നമ്മുടെ ലാലേട്ടനെന്ന് ആർപ്പ് വിളിച്ച് ഫാൻസുകാർ; മഴവിൽ അമ്മ ഷോയിൽ ചുവട് പിഴച്ചത് മോഹൻലാലിനല്ല, ഹണി റോസിന് തന്നെ

മറുനാടൻ മലയാളി ബ്യൂറോ

തിരുവനന്തപുരം: ആരാണ് മോഹൻലാലിനെ തള്ളിയിട്ടത്? നിമിതാ പ്രമോദോ, അതോ ഹണി റോസോ അതോ നിമിഷയോ? സോഷ്യൽ മീഡിയയിൽ ചർച്ച പൊടിപൊടിക്കുകയാണ്. മഴവിൽ അമ്മ ഷോയ്ക്കിടെ ലാൽ വീണതും ആത്മവിശ്വാസം കൈവിടാതെ ഡാൻസ് കളി തുടർന്നതുമാണ് സോഷ്യൽ മീഡിയയിലെ പ്രധാന ആഘോഷ വിഷയം. രണ്ട് നടിമാരിൽ ആരാണ് തള്ളിയിട്ടതെന്നാണ് ഉയരുന്ന ചോദ്യം. ആരും വീഴ്‌ത്താതെ ലാലിന് ചുവട് പിഴയ്ക്കില്ലെന്നാണ് ഫാൻസുകാരുടെ പക്ഷം. ഈ സാഹചര്യത്തിൽ ചർച്ച പൊടിപൊടിക്കുന്നു. വീണാലും തളരാതെ എങ്ങനെ മുന്നോട്ട് പോകാമെന്നാണ് ലാലേട്ടൻ പഠിപ്പിച്ചതെന്നാണ് ഫാൻസുകാർ പറയുന്നത്.

നമിതാ പ്രമോദ് തള്ളുന്നു. അപ്പോൾ ലാലേട്ടൻ വീഴുന്നു. പുറത്തുവന്ന വീഡിയോയിൽ ഉള്ളത് ഈ ദൃശ്യങ്ങളാണ്. ഇന്നലെ ഏറെ വൈകിയാണ് ഷോ തുടങ്ങിയത്. ദിലീപ് അടക്കമുള്ളവർ പരിപാടിക്കെത്തിയില്ല. പൃഥ്വിരാജും കുഞ്ചാക്കോ ബോബനും മഞ്ജു വാര്യരും വിട്ടു നിന്നു. മിമിക്രിക്കാരാരും ദിലീപ് പക്ഷത്ത് ചേർന്ന് നിന്നതോടെ ഷോയുടെ പ്രധാനമുഖമായി മോഹൻലാൽ മാറി. മാജിക്കും ഡാൻസും പാട്ടും അങ്ങനെ സർവ്വകലാവല്ലഭനായി മോഹൻലാൽ തിളങ്ങി. തമിഴിലെ അടിപൊളി ഗാനം. സിനിമയിൽ നൃത്ത ചുവടുമായെത്തിയത് സാക്ഷാൽ പ്രഭുദേവയും. ഷോയുടെ തുടക്കത്തിൽ തന്നെ രംഗം കൊഴുപ്പിക്കാൻ ലാൽ ഈ പാട്ടിലെ നൃത്തചുവടുമായെത്തി. കൂടെ നിമിതാ പ്രമോദും ഹണി റോസും നിമിഷാ സജയൻ.

താളബോധവുമായി പാട്ട് മുന്നേറി. ഇതിനിടെയിലാണ് നമിതാ സ്‌നേഹപൂർവ്വം ലാലിനെ പുഷ് ചെയ്തത്. പിന്നെ കണ്ടത് അസ്വാഭാവികമായി വീഴുന്ന ലാലിനെ. ചാടിയെണീറ്റ് വീണ്ടും താളത്തിലേക്ക് സൂപ്പർ താരം മടങ്ങിയെത്തി. ഇതിനിടെയില് ഹണി റോസും വീണു. നിമിതയാണ് ലാലിനെ തള്ളിയിട്ടതെന്നും ഹണി റോസിന് പിറകിലൂടെ ലാൽ വീണുന്നുമായിരുന്നു പുറത്തുവന്ന വീഡിയോകളിൽ തെളിഞ്ഞത്. ഷോയ്ക്ക് ശേഷം ലാലിന്റെ സ്വാഭാവികമായ തിരിച്ചുവരവാണ് ആരാധകർ ചർച്ചയായത്. ഇതിനിടെയിൽ നമിതയുടെ തള്ളിലും ചർച്ചകളെത്തി. എന്നാൽ തനിക്ക് ചുവട് പിഴയ്ക്കാൻ കാരണം നമിതയല്ലെന്നാണ് ലാൽ തന്റെ സ്‌നേഹിതരോട് പറഞ്ഞത്.

നമിത പ്രതീക്ഷിച്ചതു പോലെ പുഷ് ചെയ്യുന്നതായി ഭാവിച്ചതേ ഉള്ളൂ. ഈ സ്‌റ്റെപ്പിനൊപ്പം താൻ പിറകിലേക്ക് പോയി. അപ്പോൾ ഹണി റോസുമായി കാലുടക്കി. ഇതായിരുന്നു വീഴ്ചയ്ക്ക് കാരണം. നമിത തള്ളുമ്പോൾ തൊട്ടു പുറകിൽ ഹണി റോസ് നിന്നിരുന്നുവെന്നതിന് തെളിവാണ് ലാലിനൊപ്പം ഹണി റോസും വീണത്. പ്രാക്ടീസ് സമയത്തെ ദൂരം ഹണി റോസിന് പാലിക്കാനാവാത്തതായിരുന്നു ഇതിന് കാരണമെന്നാണ് ലാലിനോട് അടുത്ത വൃത്തങ്ങൾ മറുനാടനോട് വ്യക്തമാക്കി. ലാലിന്റെ വീഴ്ച പുറകിലിരുന്ന് കണ്ടവർ ആദ്യം കരുതിയത് സ്റ്റേജിലെ സ്റ്റെപ്പിലോ മറ്റോ തട്ടി വീണതാണെന്നാണ്. മഴയിൽ സ്‌റ്റേജ് കുതിർന്നതും ആശങ്കയുണ്ടാക്കിയിരുന്നു. എന്നാൽ വീണ ലാൽ കൂസലില്ലാതെ ഡാൻസ് ചെയ്യുന്നത് കണ്ടപ്പോഴാണ് അണിയറ പ്രവർത്തകർക്കും ആവേശമേറിയത്.

മോഹൻലാലിന്റെ വിശദീകരണം പുറത്തുവന്ന ശേഷം വീഡിയോയിലും സത്യം വ്യക്തമായി. ഡാൻസ് കളിച്ചൊണ്ടിരുന്ന നടി ആദ്യം വഴുതി വീഴുന്നു.. തിരിഞ്ഞു നിൽക്കുന്ന മോഹൻലാൽ അവരെ തട്ടി ആണ് വിഴുന്നത്. ആദ്യം വീഴുന്നത് ഹണി റോസാണെന്നും സ്ലോ മോഷൻ വീഡിയോയിൽ വ്യക്തമാണ്. മോഹൻലാൽ ഫാൻസാണ് ഈ വീഡിയോ പുറത്തു വിട്ടത്. ഇതോടെ താളം തെറ്റിയല്ല ലാൽ വീണതെന്ന് വ്യക്തമാവുകയാണ്. ഇതിനിടൊണ് അമ്മ മഴവില്ല് പരിപാടിയിൽ നൃത്തം ചെയ്യുന്നതിനിടെ കാലുതെറ്റി വീണിട്ടും ഡാൻസ് തുടർന്ന മോഹൻലാലിനെ അഭിനന്ദിച്ച് ആരാധകർ സോഷ്യൽ മീഡിയയിൽ സജീവമായത്. നൃത്തം ചെയ്യുന്നതിനിടെ തെന്നിവീണ മോഹൻലാൽ ചാടിയെണീറ്റ് നൃത്തം തുടരുകയായിരുന്നു. ഇതിനെ അഭിനന്ദിച്ചുകൊണ്ടാണ് ആരാധകർ രംഗത്തുവന്നിരിക്കുന്നത്. ഇന്നുരാവിലെ മോഹൻലാൽ ഫേസ്‌ബുക്കിൽ ഷെയർ ചെയ്ത ഫോട്ടോയ്ക്കു കീഴിലാണ് അദ്ദേഹത്തെ അഭിനന്ദിച്ചും സുഖവിവരം തിരക്കിയും ആരാധകർ സ്നേഹം പ്രകടിപ്പിക്കുന്നത്.

'വീഴ്ചകൾ സാധാരണം... പക്ഷേ അതിൽ പതറാതെ പിന്തിരിഞ്ഞോടാതെ മുന്നോട്ടു കുതിക്കുന്നവനാണ് യഥാർത്ഥ ഹീറോ...സിനിമയിൽ തുടർച്ചയായി പലതവണ പരാജയങ്ങളുടെ കയ്പുനീർ കുടിച്ചിട്ടുണ്ടെങ്കിലും അതെല്ലാം ആ മേഖലയുടെ അനിവാര്യതയാണെന്നു വിശ്വസിച്ചു വീണ്ടും ഹിറ്റുകൾ സമ്മാനിച്ച് ഞങ്ങളെ വിസ്മയിപ്പിച്ചിട്ടുണ്ട്....പക്ഷേ ഇന്നലെ... ജീവിതത്തിലും താങ്കൾ ഒരു സൂപ്പർ സ്റ്റാർ ആണെന്ന് തെളിയിച്ചു... ഈ അനുഭവങ്ങൾ ഞങ്ങൾക്ക് നൽകുന്ന ഊർജം ചെറുതല്ല.... നന്ദി ലാലേട്ടാ ... ഈ പുത്തൻ പാഠങ്ങൾക്ക്....' എന്നാണ് ഒരു ആരാധകന്റെ അഭിപ്രായപ്രകടനം.

'സ്റ്റേജിലേ വെള്ളത്തിൽ സ്ലിപ്പ് ആയി വീണിട്ടും പിന്നേം എണീറ്റു നിന്ന് ഡാൻസ് കളിച്ചു...അതും ഈ പ്രായത്തിൽ, 57മത്തെ വയസ്സിൽ ?? ഡെഡിക്കേഷൻ ലെവൽ ലാലേട്ടൻ ???? വേറെ വല്ല നടന്മാരും ആയിരുന്നേൽ ഇപ്പൊ നിർത്തി പോയേനെ?? വേറെ ലെവൽ പെർഫോമൻസ്????' എന്നും പറഞ്ഞാണ് മറ്റൊരാളുടെ അഭിനന്ദനം. 'ഞങ്ങളുടെ ചങ്കാണ് ചങ്കിടിപ്പാണ് അമ്മ സറ്റേജ് ഷോയിൽ തെന്നിവീണിട്ടും ഒട്ടും ഊർജ്ജം കുറയാതെ വീണ്ടും ആവേശത്തോടെ എഴുന്നേറ്റ് കളി തുടർന്നതിനെ ഇരിക്കട്ടെ ഒരു ബിഗ് സല്യൂട്ട്' എന്നാണ് മറ്റൊരു പ്രതികരണം. 'ലാലേട്ടാ വീഴ്ചയിൽ വല്ലതും പറ്റിയോ ? വീണത് ലാലേട്ടനാണെങ്കിലും വേദനയും ലേിശെീിഉം ഞങ്ങൾ ലാലേട്ടന്റെ അനിയന്മാർക്കാണ്........' എന്നാണ് മറ്റൊരു ആരാധകന്റെ കമന്റ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP