Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202423Tuesday
ഹോം കൂടുതൽ വിട

മൂന്നര വയസുള്ള കുഞ്ഞു സ്വകാര്യ ബസിടിച്ചു മരിച്ചത് പിതാവിനൊപ്പം മുടിവെട്ടാനായി നടന്നു പോകവെ; ഇടിച്ചയുടൻ പിതാവ് കുഞ്ഞിനെ ചാടി എടുത്തെങ്കിലും വീണ്ടും ബസിടിച്ചു; തിരൂരങ്ങാടിയെ കണ്ണീരിലാഴ്‌ത്തിയ ദുരന്തം ഇങ്ങനെ

May 16, 201808:42 AM IST Permalink
മൂന്നര വയസുള്ള കുഞ്ഞു സ്വകാര്യ ബസിടിച്ചു മരിച്ചത് പിതാവിനൊപ്പം മുടിവെട്ടാനായി നടന്നു പോകവെ; ഇടിച്ചയുടൻ പിതാവ് കുഞ്ഞിനെ ചാടി എടുത്തെങ്കിലും വീണ്ടും ബസിടിച്ചു; തിരൂരങ്ങാടിയെ കണ്ണീരിലാഴ്‌ത്തിയ ദുരന്തം ഇങ്ങനെ

തിരൂരങ്ങാടി: അവന് മൂന്നു വയസുമാത്രമേ ഉണ്ടായിരുന്നുള്ളു. പിതാവിനും സഹോദരിക്കുമൊപ്പം മുടിവെട്ടാൻ കടയിലേക്കു നടന്നു പോകവെയാണ് തീരൂരങ്ങാടിയെ കണ്ണീരിലാഴത്തിയ ആ മഹാ ദുരന്തം നടന്നത്. റോഡിലുടെ കുസൃതിയിൽ നടന്നു പോകവെ പാഞ്ഞെത്തിയ സ്വകാര്യ ബസിടിച്ചു തെറിപ്പിക്കുകയായിരുന്നു ആ ഓമനയെ.

ചെമ്മാട് എക്‌സചേഞ്ച് റോഡിലെ പങ്ങിനിക്കാടൻ കോയ- സാജിദ ദമ്പതികളുടെ മകൻ മുഹമ്മദ് സിനാൻ ആണ് മരിച്ചത്. ബസ് ഡ്രൈവറിന്റെ അശ്രദ്ധയിൽ പൊലിഞ്ഞ ജീവൻ ഒരു നാടിനെ ആകെ നടുക്കി.

ഇന്നലെ ഉച്ചയ്ക്ക് ഒന്നരയ്ക്ക് ചെമ്മാട് തൃക്കുളം ഗവ. ഹൈസ് സ്‌കൂളിന്‌ സമീപത്തായിരുന്നു അപകടം. മഞ്ചേരിയിൽ നിന്ന് പരപ്പനങ്ങാടിയിലേക്ക് പോകുകയായിരുന്ന ബിസ്മില്ല എന്ന ബസാണ് കുട്ടിയുടെ പിന്നിൽ ഇടിച്ചത്. ഇത് കണ്ട പിതാവ് കുട്ടിയെ എടുക്കുന്നതിനിടെ മുന്നോട്ടെടുത്ത ബസ് വീണ്ടും കുട്ടിയെ ഇടിച്ചിച്ചു തെറിപ്പിക്കുകയായിരുന്നു.

 കുട്ടിയെ ഇടിച്ചിട്ട് നിർത്താതെ പാഞ്ഞ ബസിലെ് യാത്രക്കാർ ബഹളം വച്ചതോടെ ഏതാനും മീറ്ററുകൾ അകലെ നിർത്തി. ഡ്രൈവർ ഓടി രക്ഷപ്പെട്ടു. ബസ് തിരൂരങ്ങാടി പൊലീസ് കസ്റ്റഡിയിലെടുത്തു. ഡ്രൈവർക്കെതിരെ കേസെടുത്തിട്ടുണ്ട്. കോട്ടയ്ക്കലിലെ സ്വകാര്യ ആശുപത്രിയിലേക്ക് കൊണ്ടു പോകുന്നതിനിടെയാണ് കുട്ടിയുടെ മരണം സംഭവിച്ചത്. ഇന്ന് രാവിലെ 10.30ന് ചെമ്മാട് മഹല്ല് ജുമാമസ്ജിദ് കബർസ്ഥാനിൽ കബറടക്കും. സഹോദരങ്ങൾ: മുഹമ്മദ് ആദിൽ, ജഹാനാ നസ്‌റി, ജന്നത്ത് തസ്‌നി

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP